ଭୁବନେଶ୍ୱର: ଓଡ଼ିଶା ଷ୍ଟାଫ୍ ସିଲେକସନ୍ କମିଶନ, ଭୁବନେଶ୍ୱର ପକ୍ଷରୁ ଏକାଠି ବିଭିନ୍ନ ବିଭାଗର ମୁଖ୍ୟ କାର୍ଯ୍ୟାଳୟ ପାଇଁ ଅନୁଷ୍ଠିତ ହୋଇଥିବା କମ୍ବାଇନଡ୍ ସ୍ନାତକସ୍ତରୀୟ ପରୀକ୍ଷା-୨୦୨୧ର ଚୂଡ଼ାନ୍ତ ଫଳାଫଳ ଆଜି ପ୍ରକାଶ ପାଇଛି । ଏହି ପରୀକ୍ଷରେ କୃତକାର୍ଯ୍ୟ ହୋଇଥିବା ୨୩୩ ଜଣ ପ୍ରାର୍ଥୀଙ୍କ ନାମ ଓଡ଼ିଶା ଷ୍ଟାଫ୍ ସିଲେକସନ୍ କମିଶନରଙ୍କ ୱେବସାଇଟ www.ossc.gov.in ପ୍ରକାଶ ପାଇଛି ।
ଏହି ପରୀକ୍ଷାରେ କଟକର ଦୟାନିଧି ସୁତାର ପ୍ରଥମ ସ୍ଥାନ ଅଧିକାର କରିଥିବାବେଳେ କେଉଁଝରର ଦୀପାଞ୍ଜଳି ମହନ୍ତ ଦ୍ୱିତୀୟ, ନୟାଗଡ଼ର ସୂର୍ଯ୍ୟନାରାୟଣ ବଳିୟାରସିଂ ତୃତୀୟ, ଗଞ୍ଜାମର ଅର୍ଚ୍ଚନା ସାବତ ଚତୁର୍ଥ ଏବଂ ଗଞ୍ଜାମର ସଂଘମିତ୍ରା ପ୍ରଧାନ ପଞ୍ଚମ ସ୍ଥାନ ଅଧିକାର କରିଛନ୍ତି । ଯେଉଁ ପ୍ରାର୍ଥୀମାନେ ଏହି ପଦବୀ ପାଇଁ ଆବେଦନ କରିଥିଲେ ଏବଂ ନିଯୁକ୍ତି ପ୍ରକ୍ରିୟାରେ ଭାଗ ନେଇଥିଲେ ସେମାନଙ୍କୁ କମିଶନ ପକ୍ଷରୁ ଶୁଭକାମନା ଜଣାଯାଇଛି ।