ବାଣପୁର (ସୀତାରାମ ଅଗ୍ରୱାଲ): ଖୋର୍ଦ୍ଧା ନୂତନ ଜିଲ୍ଲାପାଳ ଚଞ୍ଚଳ ରାଣା ଆଜି ଅପରାହ୍ନରେ ବାଣପୁର ଗସ୍ତରେ ଆସି ପ୍ରଥମେ ମା’ ଭଗବତୀ ମନ୍ଦିର ଦର୍ଶନ କରିଛନ୍ତି। ମା’ ଙ୍କ ଆଶୀର୍ବାଦ କାମନା କରିବା ସହ ମନ୍ଦିର ଉନ୍ନୟନ ପ୍ରକଳ୍ପ ବିଷୟରେ ସ୍ଥାନୀୟ ତହସିଲଦାର ଏବଂ ବିଡ଼ିଓଙ୍କ ଠାରୁ ପଚାରି ବୁଝିଛନ୍ତି। ଏହାପରେ ଜିଲ୍ଲାପାଳ ଏନଏସି ସ୍ଥିତ ସରକାରୀ ୫-ଟି ହାଇସ୍କୁଲ ପରିଦର୍ଶନ କରିଛନ୍ତି ଏବଂ ଛାତ୍ରଛାତ୍ରୀଙ୍କୁ ମିଳୁଥିବା ସମସ୍ତ ସୁବିଧା ପରଖିଛନ୍ତି।
ପରବର୍ତ୍ତୀ ସମୟରେ ଜିଲ୍ଲାପାଳ ବାଣପୁର ବ୍ଲକ କାର୍ଯ୍ୟାଳୟ ପରିଦର୍ଶନ କରିଛନ୍ତି। ଏହି ସମୟରେ ବିଧାୟକ ପାଣ୍ଠି କାର୍ଯ୍ୟାଦେଶ ପାଇବା ଦାବିରେ ପୁର୍ବରୁ ଧାରଣାରେ ବସିଥିବା ଏକାଧିକ ସଂଗଠନର କର୍ମକର୍ତ୍ତା ମାନେ ଜିଲ୍ଲାପାଳଙ୍କୁ ଭେଟି ତାଙ୍କ ଅଭିଯୋଗ ଜଣାଇଛନ୍ତି। ଆସନ୍ତା ଦୁଇ ଦିନ ମଧ୍ୟରେ ଉକ୍ତ ଅଭିଯୋଗର ଅଗ୍ରଗତି ବିଷୟରେ ସେମାନଙ୍କୁ ସୂଚନା ଦିଆଯିବ ବୋଲି ଜିଲ୍ଲାପାଳ କହିଛନ୍ତି।
ଏହାପରେ ଜିଲ୍ଲାପାଳ ଶ୍ରୀ ରାଣା ଆଙ୍କୁଲାପଦର ସ୍ଥିତ ନିର୍ମାଣଧୀନ ନୂତନ ମେଡିକାଲ ପରିଦର୍ଶନ କରିଛନ୍ତି ଏବଂ ଏହାର ଅଗ୍ରଗତି ବିଷୟରେ ସମୀକ୍ଷା କରିଛନ୍ତି।
ତେବେ ଜିଲ୍ଲାପାଳଙ୍କ ଗସ୍ତ ସମୟରେ ସ୍ଥାନୀୟ ପ୍ରଶାସନିକ ଅଧିକାରୀ ମାନେ ଉପସ୍ଥିତ ରହିଥିଲେ।