ରଣପୁର: ରଣପୁର ଥାନା ପରିସର ମଧ୍ୟରେ ବରିଷ୍ଠ ଆଇନଜିବୀ ଚନ୍ଦ୍ର ବିଜୟୀ ମିଶ୍ରଙ୍କ ସଂଯୋଜନାରେ ନୂତନ ଅପରାଧିକ ଆଇନ ର କାର୍ଯ୍ୟକାରିତା ସମ୍ପର୍କରେ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଏସଡିପିଓ ସୁଧାକର ସାହୁ, ବିଡିଓ ସୁଧୀର ନାୟକ, ତହସିଲଦାର ରବିନ ଚର୍ଚ୍ଚିଲ ମିଶ୍ର, ମେଡିକାଲ ଅଫିସର ଡଃ ବୈଦ୍ୟନାଥ ନନ୍ଦ, ପୂର୍ବତନ ସାଂସଦ ରବି ନାରାୟଣ ମହାପାତ୍ର ଓ ରଣପୁର ଓକିଲ ସଂଘ ସଭାପତି ସୁବାସ ଚନ୍ଦ୍ର ଜେନା, ବରିଷ୍ଠ ଆଇନଜିବୀ ଦିଲ୍ଲିପ କୁମାର ନନ୍ଦ ପ୍ରମୁଖ ଉପସ୍ଥିତ ରହି ପରିବର୍ତିତ ଆଇନ ସଂପର୍କିତ ସୂଚନା ପ୍ରଦାନ କରିଥିଲେ।
ତ୍ୱରିତ ଆଇନ ସେବା ଯୋଗାଇ ଦେବା ସାଙ୍ଗକୁ ଆଇନଗତ ଅଧିକାରକୁ ସାର୍ବଜନୀନ କରିବା ଉଦ୍ଦେଶ୍ୟରେ ଭାରତୀୟ ନ୍ୟାୟ ସଂହିତା, ଭାରତୀୟ ନାଗରିକ ସୁରକ୍ଷା ସଂହିତା ଓ ଭାରତୀୟ ସାକ୍ଷ୍ୟ ଅଧିନିୟମ ଆଦି ରେ କେତେକ ପରିବର୍ତନ ଅଣାଯାଇଛି। ଏହି ନୂତନ ଆଇନ ପ୍ରଣୟନ ଦ୍ୱାରା ସାଧାରଣ ଜନତା ପୂର୍ବବର୍ତିୀ ଆଇନ ବ୍ୟବସ୍ଥା ପରିବର୍ତେ ତ୍ୱରିତ ଆଇନ ସେବା ପାଇବା ର ବ୍ୟବସ୍ଥା କରାଯାଇଛି।
ଏହି କାର୍ଯ୍ୟକ୍ରମରେ ବହୁ ଆଇନଜିବୀ, ସାମ୍ବାଦିକ ଓ ପୋଲିସ୍ କର୍ମଚାରୀ ମାନେ ଉପସ୍ଥିତ ରହି ନୂତନ ଆଇନ ବ୍ୟବସ୍ଥା ବିଷୟରେ ଅବଗତ ହୋଇଥିଲେ।
ପରିଶେଷରେ ରଣପୁର ଥାନା ଅଧିକାରୀ ନିହାର ରଞ୍ଜନ ମହାନ୍ତି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
