ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଧରାକୋଟ ଥାନା ଅର୍ନ୍ତଗତ ପୋଡାପଲି ଗ୍ରାମରେ ସିମାଞ୍ଚଳ ପୋଲେଇ ନାମକ ଜଣେ ଯୁବକର ଶବ ଝୁଲୁଥିବା ଅବସ୍ଥାରେ ଉଦ୍ଧାର ହୋଇଛି। ମୃତ ଯୁବକର ଘର କବିସୂର୍ଯ୍ୟ ନଗର ଥାନା ଅର୍ନ୍ତଗତ ବାଲିଆସିରା ଓ ରୁଣ ଟଙ୍କା ଆଦାୟ ପାଇଁ ଯାଉଛି ବୋଲି ଘରେ କହି ଆସିଥିଲା। କିନ୍ତୁ ଗତକାଲି ପୋଡାପଲି ଗ୍ରାମର ପଙ୍କଜ ପ୍ରଧାନ ନାମ୍ନୀ ଜଣେ ମହିଳା ସିମାଞ୍ଚଳ ଆତ୍ମହତ୍ୟା କରିଥିବା ପରିବାର ଲୋକଙ୍କୁ ଜଣାଥିଲା ଓ ତା’ର ସାନଭାଇ ବାଲିଆସିରା ଗ୍ରାମରୁ ଆସି ସିମାଞ୍ଚକୁ ଝୁଲୁଥିବା ଅବସ୍ଥାରେ ଦେଖି ପୋଲିସକୁ ଖବର ଜଣାଇଥିଲେ।
ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଥିଲାବେଳେ ମୃତକର ଭାଇ ସିମାଞ୍ଚଳକୁ ହତ୍ୟା କରି ଝୁଲାଇ ଦିଆଯାଇଛି ବୋଲି ଥାନାରେ ଅଭିଯୋଗ କରିଥିଲେ। ଅଭିଯୋଗ ଗ୍ରହଣ କରି ୩/୨୦୨୫ ଅନୁଯାୟୀ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛନ୍ତି।
