ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ବ୍ଲକରେ ନୂତନ ଗୋଷ୍ଠୀ ଶିକ୍ଷା ଅଧିକାରୀ ଭାବେ ସନାତନ ଜାଲି (ଓଇଏସ) ଆଜି କାର୍ଯ୍ୟରେ ଯୋଗଦେଇଛନ୍ତି। ଶ୍ରୀ ଜାଲି ଏହା ପୁର୍ବରୁ ଗଞ୍ଜାମ ଜିଲ୍ଲା ବ୍ରହ୍ମପୁରସ୍ଥିତ ସହିଦ ଲକ୍ଷ୍ମଣ ନାୟକ ମେମୋରିଆଲ ମ୍ୟୁନିସିପାଲ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଭାବେ କାର୍ଯ୍ୟରତ ଥିଲେ। ସେ ପୁର୍ବରୁ ବାଣପୁର ବିଇଓ ଭାବେ ମଧ୍ୟ କାର୍ଯ୍ୟରତ ଥିବାବେଳେ ଦକ୍ଷତାର ସହ ନିଜ କାର୍ଯ୍ୟ ସମ୍ପାଦନ କରିଥିଲେ।
ତେବେ ସାଧାରଣ ନିର୍ବାଚନ ପୁର୍ବରୁ ତାଙ୍କର ବ୍ରହ୍ମପୁରକୁ ବଦଳି ହୋଇଥିଲା। ଆଜି କାର୍ଯ୍ୟରେ ଯୋଗଦାନ କରିବା ପରେ ତାଙ୍କୁ ସମସ୍ତ କର୍ମଚାରୀ, ସିଆରସିସି, ବିଆରସିସି ଓ ବିଭିନ୍ନ ବିଦ୍ୟାଳୟର ପ୍ରଧାନଶିକ୍ଷକ ମାନେ ଭେଟି ସ୍ୱାଗତ କରିଥିଲେ।
ତେବେ ବାଣପୁର ଏକ ଗୁରୁତ୍ୱପୂର୍ଣ୍ଣ ବ୍ଲକ ହୋଇଥିବାବେଳେ ସରକାରଙ୍କ ନୂତନ ଶିକ୍ଷାନୀତିକୁ ଆଗାମୀ ଦିନରେ କିପରି ସଠିକ ଭାବେ ଏଠାରେ ଲାଗୁ କରାଯିବା ସହ ବ୍ଲକ ଓ ଏନଏସି ରେ ଅବସ୍ଥିତ ସମସ୍ତ ବିଦ୍ୟାଳୟଗୁଡିକର ଭିତ୍ତିଭୂମି ସୁଦୃଢ କରାଯିବ ସେଦିଗରେ କାର୍ଯ୍ୟ କରିବେ ବୋଲି ଗଣମାଧ୍ୟମକୁ କହିଛନ୍ତି।
ସ୍କୁଲ ଖୋଲିବାକୁ ଆଉ ଦିନ କେଇଟା ବାକିଥିବା ବେଳେ ନୂତନ ଶିକ୍ଷାବର୍ଷରେ ଛାତ୍ର ଛାତ୍ରୀ ମାନେ କିପରି ସୁରୁଖୁରୁରେ ପାଠପଢିବେ ସେ ଦିଗରେ ସେ ଯତ୍ନବାନ ହେବେ ବୋଲି ମଧ୍ୟ କହିଛନ୍ତି।