ଭୁବନେଶ୍ବର: ରାଜ୍ୟ ସରକାର ଭୁବନେଶ୍ବରରେ ଶସ୍ତା ଘର ବିକ୍ରି କରିବେ। ଏ ନେଇ ନଗରଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ସୂଚନା ପ୍ରଦାନ କରିଛନ୍ତି। ସେ କହିଛନ୍ତି ଯେ, ଭୁବନେଶ୍ବରରେ ଜଣେ ଘରଟିଏ କିଣିବାକୁ ହେଲେ କୋଟିଏ ଟଙ୍କା ନିହାତି ଆବଶ୍ୟକ। ହେଲେ ଏତେ ଟଙ୍କା ଦେଇ ଘର କିଣିବା ଆର୍ଥିକ ଦୁର୍ବଳ ଶ୍ରେଣୀ ଲୋକଙ୍କ ପାଇଁ ସମ୍ଭବ ନୁହେଁ।
ସେଥିପାଇଁ ରାଜ୍ୟ ସରକାର ଆର୍ଥିକ ଦୁର୍ବଳ ଶ୍ରେଣୀ ଲୋକଙ୍କ ପାଇଁ ଏକ ଶସ୍ତା ଘର ଯୋଜନା ଆଣୁଛନ୍ତି। ଯେଉଁଥିରେ ରାଜ୍ୟ ସରକାର ଘର କରି ତାଙ୍କୁ ବିକ୍ରି କରିବେ। ତେବେ ଏହାର ମୂଲ୍ୟ ମାତ୍ର 14 ଲକ୍ଷରୁ 50 ଲକ୍ଷ ଟଙ୍କା ମଧ୍ୟରେ ହେବ ବୋଲି ମନ୍ତ୍ରୀ କହିଛନ୍ତି।