ରେଢ଼ାଖୋଲ (କନ୍ଦର୍ପ ବେହେରା): ନାକଟିଦେଉଳ ବ୍ଲକ ପରିସର ସ୍ଥିତ ରାଜୀବ ଭଵନ ସମ୍ମିଳନୀ କକ୍ଷରେ ବ୍ଲକ ସ୍ତରୀୟ ଅଭିଯୋଗ ଶୁଣାଣି ଅନୁଷ୍ଠିତ ହୋଇଯାଇଛି। ଏହି ଶୁଣାଣିରେ ପିଡି ଡିଆର ଡିଏ ପ୍ରସନ୍ନ ପାତ୍ର, ଉପଜିଲ୍ଲାପାଳ ରଶ୍ମିରଂଜନ ମହନ୍ତ, ଏଡିଏମ ସୁଧାଂଶୁ କୁମାର ଭୋଇ ବ୍ଲକ ଅଧ୍ୟକ୍ଷା ସ୍ଵରପା ରାଣୀ ସାହୁ, ଉପାଧ୍ୟକ୍ଷ ଜିତେନ୍ଦ୍ର କୁମାର ପ୍ରଧାନ, ଆଡିସନାଲ ଏସପି, ବିଡ଼ିଓ ବିଦ୍ୟାଧର ରାଉତ ରାୟଙ୍କ ଉପସ୍ଥିତି ଥିଲେ। ପିଡି ଶ୍ରୀପାତ୍ର ମୋଟ ୧୦୪ଟି ଅଭିଯୋଗ ଗ୍ରହଣକରି ଅଭିଯୋଗ ଗୁଡିକର ତୁରନ୍ତ ସମାଧାନ ପାଇଁ ଉପସ୍ଥିତ ସମ୍ପୃକ୍ତ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ।
ଅଭିଯୋଗ ଗୁଡିକ ମଧ୍ୟରେ୭୮ ଟି ବ୍ୟକ୍ତିଗତ ଅଭିଯୋଗ ରହିଥିବା ବେଳେ ୨୬ ଟି ସାମୁହିକ ଅଭିଯୋଗ ରହିଛି। ଗତ ପଂଚାୟତ ସମିତି ବୈଠକରେ ବିଭାଗୀୟ ଅଧିକାରୀ ମାନେ ଯୋଗଦେଇ ନଥିବାରୁ ଆଗକୁ ଏଭଳି ନ ହେବାପାଇଁ ପିଡି ଉପସ୍ଥିତ ସମୃକ୍ତ ବିଭାଗୀୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ।