ବେଆଇନ ମୋରମ୍ ଚାଲାଣ ଅଭିଯୋଗରେ ହାଇୱା ଗାଡ଼ି ଜବତ

(କୈଳାଶ ଚନ୍ଦ୍ର ଚୌଧୁରୀ, ବ୍ରହ୍ମପୁର): ଲାଭଜନକ ଖଣିଜ ପଦାର୍ଥ ବ୍ୟବସାୟ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଯାହା ଫଳରେ ବ୍ୟବସାୟୀ ମାନେ ନିୟମ କାନୁନ କ’ଣ ଜାଣି ପାରୁ ନାହାନ୍ତି। ଗତକାଲି ହିଞ୍ଜିଳିକାଟୁ ତହସିଲଦାର ତପନ କୁମାର ମହାପାତ୍ର ନିଜ ଅଞ୍ଚଳ ବୁଲୁଥିବା ବେଳେ ଅଚାନକ ଦୁଇଟି ମୋରମ୍ ବୋଝେଇ ହାଇୱା ଗାଡ଼ି ବେଲଗାଁ ଥାନା ଅନ୍ତର୍ଗତ ପାଗଳ ବାବା ଆଶ୍ରମ ନିକଟରେ ଅଟକାଇ ଯାଞ୍ଚ କରିଥିଲେ ଓ ଦେଖିବା ବେଳକୁ ଉକ୍ତ ଗାଡ଼ିରେ ବିନା ଟ୍ରାନଜିଟ୍ ପାସ୍ ରେ ମୋରମ୍ ବୋଝେଇ ହୋଇଛି। ତହସିଲଦାର ଉକ୍ତ ଦୁଇ ଗାଡି କୁ ଜବତ କରି ବେଲଗାଁ ଥାନାରେ ଜିମା ଦେଇଛନ୍ତି।