ପୁରୀ: ପୁରୀ ଜିଲ୍ଲା ମଙ୍ଗଳପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରଠାରେ ଜିଲ୍ଲାସ୍ତରୀୟ ଏଚ୍ପିଭି ଟିକାକରଣର ଶୁଭାରମ୍ଭ କରିଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା। ଟିକା ନେଇଥିବା ଝିଅମାନଙ୍କୁ ଉତ୍ସାହିତ କରିବା ସହ ଏହାର ଆବଶ୍ୟକତା ବାବଦରେ ସେ ଜନସାଧାରଣଙ୍କୁ ସଚେତନ କରାଇଛନ୍ତି। ଜରାୟୁ ଗ୍ରୀବା କର୍କଟ ଭାରତୀୟ ମହିଳାମାନଙ୍କ ପାଇଁ ଗୁରୁତର ଚିନ୍ତାର କାରଣ ପାଲଟିଛି। ଏହାର ମୂଳୋତ୍ପାଟନ ପାଇଁ ସରକାର ବ୍ୟାପକ ଏଚ୍ପିଭି ଟିକାକରଣ ପଦକ୍ଷେପ ଗ୍ରହଣ କରୁଛନ୍ତି ବୋଲି ସେ କହିଛନ୍ତି।
ଏହି ଅବସରରେ ପୁରୀ ସାଂସଦ ସମ୍ବିତ ପାତ୍ର, ପିପିଲି ବିଧାୟକ ଆଶ୍ରିତ ପଟ୍ଟନାୟକ, ଅନ୍ୟ ଅଧିକାରୀ ଏବଂ ଆଶା କର୍ମୀମାନେ ଉପସ୍ଥିତ ଥିଲେ।