ଲକ୍ଷ୍ନୌ : ମୁଲାୟମ ସିଂହ ଯାଦବଙ୍କ ସାନ ପୁଅ ଏବଂ ଅଖିଳେଶ ଯାଦବଙ୍କ ସାନ ଭାଇ ତଥା ଅପର୍ଣ୍ଣା ଯାଦବଙ୍କ ସ୍ଵାମୀ ପ୍ରତୀକ ଯାଦବଙ୍କ ଲକ୍ଷ୍ନୌର ସିଭିଲ୍ ହସ୍ପିଟାଲରେ ଦେହାନ୍ତ ହୋଇଛି। ମାତ୍ର 38 ବର୍ଷ ବୟସରେ ତାଙ୍କର ମୃତ୍ୟୁ ଲୋକମାନଙ୍କୁ ମର୍ମାହତ କରିଛି । ପ୍ରତୀକ ଯାଦବଙ୍କ ବୁଧବାର ସକାଳେ ଦେହାନ୍ତ ହୋଇଯାଇଛି। ମୃତ୍ୟୁର କାରଣ ବର୍ତ୍ତମାନ ଅସ୍ପଷ୍ଟ। ବୁଧବାର ସକାଳେ ତାଙ୍କ ସ୍ୱାସ୍ଥ୍ୟାବସ୍ଥା ହଠାତ୍ ଖରାପ ହୋଇଯିବାରୁ ତାଙ୍କୁ ଲକ୍ଷ୍ନୌର ସିଭିଲ୍ ହସ୍ପିଟାଲରେ ଭର୍ତ୍ତି କରାଯାଇଥିଲା। ଡାକ୍ତରଙ୍କ ଅନୁଯାୟୀ, ପ୍ରତୀକ ଯାଦବଙ୍କୁ ହସ୍ପିଟାଲକୁ ଅଣାଯିବା ସମୟରେ ତାଙ୍କର ମୃତ୍ୟୁ ହୋଇସାରିଥିଲା। ଏହି ଘଟଣାର ବିସ୍ତୃତ ତଦନ୍ତ ଚାଲିଛି। । ରାଜନୀତି ସହିତ ତାଙ୍କର କୌଣସି ସମ୍ପର୍କ ନଥିଲା । ପ୍ରତୀକ ଯାଦବ ତାଙ୍କ ବ୍ୟବସାୟିକ ଜୀବନରେ ବ୍ୟସ୍ତ ଥିଲେ। ଲକ୍ଷ୍ନୌରେ ତାଙ୍କର ନିଜସ୍ୱ ଜିମ୍ ଥିଲା ଏବଂ ସେ ଜଣେ ଫିଟନେସ୍ ପ୍ରଶିକ୍ଷକ ମଧ୍ୟ ଥିଲେ । ଏହି ଘଟଣାରେ ଉଚ୍ଚସ୍ତରୀୟ ତଦନ୍ତ ପାଇଁ ସପା ଦାବି କରିଛି ।
