ଭୁବନେଶ୍ବର,05/12: ଭୁବନେଶ୍ବରର ବରମୁଣ୍ଡା ଅଞ୍ଚଳରୁ ୟୁକୋ ବ୍ୟାଙ୍କ ମ୍ୟାନେଜର ଆର.ରଞ୍ଜିତା ରାଓଙ୍କ ଝୁଲନ୍ତା ଅବସ୍ଥାରେ ଥିବା ମୃତଦେହ ମିଳିଛି। ରଞ୍ଜିତା ଭୁବନେଶ୍ବରର ବରମୁଣ୍ଡା ଅଞ୍ଚଳର ହାଉସିଂବୋର୍ଡ କଲୋନୀ ଏମଆଇଜି-୫୧ରେ ରହୁଥିଲେ। ଆଜି ସକାଳୁ ତାଙ୍କ ପାଖରେ ଥିବା ବାପା ମା ଝିଅକୁ ଉଠାଇବାକୁ କବାଟ ବାଡାଇଥିଲେ। ହେଲେ ସେ ଜବାବ ନ ଦେବାରୁ ଝରକା ବାଟେ ଅନାଇବାରୁ ସେ ଘରର ସିଲିଂ ଫ୍ୟାନରେ ଝୁଲୁଥିବାର ଦେଖା ଯାଇଥିଲା। ଏହି ଘଟଣା ଚାରିଆଡେ ପ୍ରଚାର ହେବା ପରେ ସେ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି।ପୋଲିସ ପହଁଚି ଶବକୁ ଜବତ କରିବା ସହ ପ୍ରାଥମିକ ତଦନ୍ତ ଆରମ୍ଭ କରିଛି। ଘଟଣାରୁ ଜଣାପଡିଛି ଯେ, ରଂଜିତାଙ୍କ ଘର ହେଉଛି ନବରଂଗପୁର ଜିଲ୍ଲାରେ। ସେ ଅଶୋକ ନଗରର ୟୁକୋ ବ୍ୟାଙ୍କର ମ୍ୟାନେଜନର ଭାବେ କାଯ୍ୟ କରୁଥିବାରୁ ଭୁବନେଶ୍ବରରେ ରହୁଥିଲେ। ସେ ବିବାହ କରି ନ ଥିଲେ। ହେଲେ ପ୍ରେମ ସଂପର୍କକୁ ନେଇ ସେ ଆତ୍ମହତ୍ୟା କରିଥିବାର ଅନୁମାନ କରାଯାଉଛି। ପୁଲିସ ଘଟଣାର ତଦନ୍ତ ଜାରି ରଖିଥିବା ବେଳେ ଖୁବଶୀଘ୍ର ଘଟଣାର ରହସ୍ୟ ଖୋଲିବ ବୋଲି କୁହାଯାଉଛି।
