ସମୀକ୍ଷା ବ୍ୟୁରୋ
ଭୁବନେଶ୍ବର,18/12 : ଭୁବନେଶ୍ବର ସ୍ଥିତ ରେଳବାଇ ଅଡିଟୋରିୟମ୍ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜଳସାଥୀ କାର୍ଯ୍ୟକ୍ରମର ଉଦ୍ଘାଟନ କରିଛନ୍ତି । ଏହା ସହିତ ମହିଳା ସ୍ବୟଂ ସହାୟକ ଗୋଷ୍ଠୀ ଜଳଯୋଗାଣ ପରିଚାଳନା ଦାୟିତ୍ବ ନିର୍ବାହ କରିବେ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି । ମହିଳା ମାନେ ଛତୁଆ ତିଆରି, ବିଦ୍ୟୁତ୍ ମିଟର ରିଡିଙ୍ଗ ଏବଂ ଧାନ ସଂଗ୍ରହ ପରି କାର୍ଯ୍ୟକ୍ରମରେ ସଫଳ ଯୋଗଦାନ ଦେଇଥିବା ବେଳେ ଏଣିକି ଜଳଯୋଗାଣ ପ୍ରକଳ୍ପରେ ଅଗ୍ରଣୀ ଭୂମିକା ଗ୍ରହଣ କରିବେ ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି । ରାଜ୍ୟର ପ୍ରତ୍ୟୋକ ଘରକୁ ପିଇବା ପାଣି ଯୋଗାଣ କାର୍ଯ୍ୟକ୍ରମକୁ ଜଳସାଥୀ ମାନେ ସଫଳତାର ସହିତ ଆଗକୁ ନେବେ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି ।
ଏହି କାର୍ଯ୍ୟକ୍ରମ ଅବସରରେ ମୁଖ୍ୟମନ୍ତ୍ରୀ ଜଳସାଥୀ ମାନଙ୍କୁ ଜଳର ମାନ ପରୀକ୍ଷଣ କିଟ୍ ଏବଂ ପିଓଏସ୍ ମେସିନ୍ ବଣ୍ଟନ କରିଥିଲେ । ନୂତନ ଜଳ ସଂଯୋଗ ସହିତ ମାସିକ ଦେୟ ଆଦାୟ ଏବଂ ଜଳର ମାନ ପରୀକ୍ଷଣ କରିବେ ଜଳସାଥୀ । ଓ୍ବାଟ୍କୋ ଦ୍ୱାରା ଏହି ଯୋଜନା ହାତକୁ ନିଆଯାଇଥିବା ବେଳେ ନବୀନ ନିବାସର ଜଳକର ଦେଇଛନ୍ତି ମୁଖ୍ୟମନ୍ତ୍ରୀ । ଜଳକର ବାବଦକୁ ରୂପେ କାର୍ଡରେ 593 ଟଙ୍କା ଜଳସାଥୀଙ୍କୁ ଦେଇ ଯୋଜନାର ଶୁଭାରମ୍ଭ କରିଛନ୍ତି ନବୀନ ।