ନୂଆଦିଲ୍ଲୀ,06/01: ଆଜି ଘୋଷଣା ହେବ ଦିଲ୍ଲୀର ନିର୍ବାଚନ ତାରିଖ । ଅପରାହ୍ନ 3.30 ମିନିଟ୍ରେ ଦିଲ୍ଲୀ ନିର୍ବାଚନ କମିଶନଙ୍କ ପକ୍ଷରୁ ନିର୍ବାଚନ ତାରିଖ ଘୋଷଣା କରାଯିବ ବୋଲି ଜଣାପଡିଛି । ଚଳିତ ସରକାରଙ୍କ କାର୍ଯ୍ୟକାଳ ଫେବୃୟାରୀ 22ରେ ଶେଷ ହେବାକୁ ଯାଉଛି । ତେଣୁ 22 ତାରିଖ ପୂର୍ବରୁ ନିର୍ବାଚନ ଫଳାଫଳ ବାହରିବାର ଅନୁମାନ ରଖାଯାଉଛି । 70 ଆସନ ବିଶିଷ୍ଟ ଦିଲ୍ଲୀ ବିଧାନସଭାରେ ଆପ୍ର 67 ବିଧାୟକ ରହିଥିବା ବେଳେ ବିଜେପି ଏବଂ କଂଗ୍ରେସର 3 ସଦସ୍ୟ ରହିଛନ୍ତି । 2019 ଲୋକସଭା ନିର୍ବାଚନର ସମସ୍ତ ଲୋକସଭା ଆସନରେ ବିଜେପି ବିଜୟୀ ହୋଇଥିବା ବେଳେ ନିକଟକରେ ସମାପ୍ତ ଝାରଖଣ୍ଡ ବିଧାନସଭା ନିର୍ବାଚନରେ ଦଳ ପରାଜୟ ଲାଭ କରିଥିଲା । ଉଭୟ ବିଜେପି ଏବଂ ଆପ୍ ସରକାର ଗଠନ କରିବା ନେଇ ଦୃଢୋକ୍ତି ପ୍ରକାଶ କରିଥିବା ବେଳେ କଂଗ୍ରେସ ସିଏଏକୁ ନେଇ ଜନସାଧାରଣଙ୍କ ନିକଟକୁ ଯିବ ବୋଲି ଜଣାପଡିଛି । (ଏଜେନ୍ସୀ)
