ଅକ୍ଲାଣ୍ଡ : ନ୍ୟୁଜିଲ୍ୟାଣ୍ଡ ଗସ୍ତରେ ରହିଥିବା ଭାରତୀୟ ‘ଏ’ ଦଳ କ୍ରମାଗତ ତୃତୀୟ ବିଜୟ ସହିତ ସିରିଜ୍ ବିଜୟୀ ହୋଇଛି । ତୃତୀୟ ମ୍ୟାଚ୍ରେ ଭାରତ ‘ଏ’ 5 ଓ୍ବିକେଟ୍ରେ ବିଜୟୀ ହେବା ସହିତ ସିରିଜ୍ ବିଜୟୀ ହୋଇଛି । ଭାରତୀୟ ବୋଲର ନ୍ୟୁଜିଲ୍ୟାଣ୍ଡକୁ 230 ରନ୍ରେ ସୀମିତ ରଖିଥିବା ବେଳେ ବ୍ୟାଟ୍ସମ୍ୟାନ୍ 30 ଓଭର ମଧ୍ୟରେ 5 ଓ୍ବିକେଟ ହରାଇ ଭାରତ ବିଜୟ ହାସଲ କରିଥିଲା । ଭାରତ ପକ୍ଷରୁ ମହମ୍ମଦ ସିରାଜ ସର୍ବାଧିକ 3ଟି ଓ୍ବିକେଟ ହାସଲ କରିଥିବା ବେଳେ ଅକ୍ଷର ପଟେଲ ଏବଂ ଖଲୀଲ ଅହମଦ ଦୁଇଟି ଲେଖାଏଁ ଓ୍ବିକେଟ ଅକ୍ତିଆର କରିଥିଲେ । 231 ରନ୍ର ପିଛା କରୁଥିବା ଭାରତ ପକ୍ଷରୁ ପୃଥ୍ବୀ ଶ (48) ଏବଂ ମୟଙ୍କ ଅଗ୍ରଓ୍ବାଲ(29) 79 ରନ୍ର ଭାଗିଦାରୀ କରିଥିଲେ । ଶୁଭମାନ ଗିଲ୍(30) ରନ୍ ସଂଗ୍ରହ କରିଥିବା ବେଳେ ସଞ୍ଜୁ ସାମ୍ସନ୍ (39) ଏବଂ ସୂର୍ଯ୍ୟ କୁମାର ଯାଦବ (35) ଆକ୍ରମଣାତ୍ମକ ବ୍ୟାଟିଂ କରି ମ୍ୟାଚ୍ 30 ଓଭର ମଧ୍ୟରେ ଶେଷ କରିଥିଲେ । ନ୍ୟୁଜିଲାଣ୍ଡ ପକ୍ଷରୁ ଜିମି ନିଶାମ୍ 25 ରନ୍ରେ ଦୁଇଟି ଓ୍ବିକେଟ୍ ଅକ୍ତିଆର କରିଥିଲେ । (ଏଜେନ୍ସୀ)
