ବିଜୟଓ୍ବାଡା : ଦେଶରେ ଲକ୍ ଡାଉନ୍ ଜାରି ରହିଛି । ଏହି ସମୟରେ ଅବସର ସମୟ ବିନିଯୋଗ କରିବା ପାଇଁ କିଏ ଲୁଡୁ ତ କିଏ ତାସ୍ର ସାହାରା ନେଉଛି । କିନ୍ତୁ ଏବେ ଏହି ତାସ୍ ଖେଳିବା ବେଶ୍ ମହାଙ୍ଗା ସାବ୍ୟସ୍ତ ହୋଇପଡିଛି । ଏହି ତାସ୍ ଖେଳିବା ଚକ୍କରରେ 24 ଜଣ କରୋନାରେ ସଂକ୍ରମିତ ହୋଇଛନ୍ତି । କୃଷ୍ଣାଜିଲ୍ଲାର ଅଧିକାରୀ ମୋହମ୍ମଦ ଇମ୍ତିଆଜ ଏନେଇ ସୂଚନା ଦେଇଛନ୍ତି । ତାଙ୍କ ମତରେ ବିଜୟଓ୍ବାଡାର ଜଣେ ଟ୍ରକ୍ ଚାଳକ ଯୋଗୁଁ ବହୁ ଲୋକ ସଂକ୍ରମିତ ହୋଇଛନ୍ତି । ଏହି ଅଞ୍ଚଳରେ ଗତ କିଛି ଦିନ ଧରି ପ୍ରାୟ 40 ଜଣ ଲୋକ କରୋନା ସଂକ୍ରମିତ ହୋଇଛନ୍ତି ।
ଏହି ସହରର କୃଷ୍ଣ ଲଙ୍କା ଅଞ୍ଚଳରେ ସମୟ ବିତାଇବା ପାଇଁ ଜଣେ ଟ୍ରକ ଚାଳକ ବନ୍ଧୁ ଓ ପଡେଶୀ ସହିତ ମିଶି କରି ତାସ୍ ଖେଳୁଥିଲେ । ସେହି ସମୟରେ ମହିଳାମାନେ ମଧ୍ୟ ଏକାଠି ହୋଇ ଖେଳ ଖେଳୁଥିଲେ । ସାମାଜିକ ଦୂରତ୍ବ ଅଭାବ କାରଣରୁ 24 ଜଣ କରୋନାରେ ସଂକ୍ରମିତ ହୋଇଛନ୍ତି । ଟ୍ରକ୍ ଚାଳକ ଜଣକ ସାମାଜିକ ଦୂରତ୍ବ ଉଲ୍ଲଂଘନ କରିଥିଲେ ଏହି କାରଣରୁ 15 ଜଣ କରୋନା କବଳରେ କବଳିତ ହୋଇଛନ୍ତି । ବିଜୟଓ୍ବାଡାରୁ ଏପର୍ଯ୍ୟନ୍ତ 100ଟି କରୋନା ମାମଲା ସାମ୍ନାକୁ ଆସିଛି । (ଏଜେନ୍ସି)