ଭୋପାଳ, ଆଜି ଅପରାହ୍ନରେ ଭୋପାଳରେ ଏକ ଚାଞ୍ଚଲ୍ୟକରଣ ହତ୍ୟାକାଣ୍ଡ ଘଟିଯାଇଛି। ଏଥିରେ ନିଜ ଝିଅ ବାପାଙ୍କୁ ଏକ ଲୁହା ଡାଲିଚଟୁରେ ପିଟିପିଟି ହତ୍ୟା କରିଛି। ଖବର ପାଇ ପୋଲିସ ଘଟଣାସ୍ଥଳରେ ପହଁଚି ଝିଅକୁ ଗିରଫ କରିବା ସହ ଡାଲିଚଟୁକୁ ଜବତ କରିଛି। ଶବ ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଯାଇଛି।
ଘଟଣାରୁ ଜଣାପଡିଛି ଯେ, ଭୋପାଳ ସହରର 45 ବର୍ଷିୟ ଭ୍ରମରଲାଲ ସବୁଦିନ ଘରକୁ ମଦପିଇ ଆସନ୍ତି। ନିଜପତ୍ନୀ ଏବଂ ପୁଅଝିଅ ସହିତ ମାରପିଟ କରନ୍ତି। ଏପରିକି ତାଙ୍କ ପତ୍ନୀଙ୍କୁ ବହୁବାର ଆକ୍ରମଣ ମଧ୍ୟ କରିଛନ୍ତି। ଏ ସବୁ ତାଙ୍କ 14 ବର୍ଷ ଝିଅ ସମ୍ଭାଳିପାରୁ ନ ଥିଲା। ହେଲେ ଆଜି ଅପରାହ୍ନରେ ଭ୍ରମରଲାଲଙ୍କ ଏହି ଅତ୍ୟାଚାର ସୀମା ଟପିଯାଇଥିଲା।
ଭ୍ରମରଲାଲ ସବୁଦିନ ପରି ମଦପିଇ ଘରକୁ ଆସିବା ପରେ ସେ ପୁଅର ବାହାଘର ନେଇ ସମସ୍ତଙ୍କୁ ଥଟ୍ଟା କରିଥିଲେ। ଯାହାକୁ ନେଇ ଝିଅ ଓ ତାଙ୍କ ପତ୍ନୀ ଉତକ୍ଷିପ୍ତ ହୋଇ ଉଠିଥିଲେ। ଏପରି ଭାଷାରେ କଥାବାର୍ତ୍ତା ନ କରିବା ପାଇଁ ଝିଅ ତାଗିଦ କରିଥିଲା। ହେଲେ ବାପା ଶୁଣିଲେ ନାହିଁ। ପରିସ୍ଥିତି ଭୟଙ୍କର ହୋଇପଡିବାରୁ ରାଗରେ ଝିଅ ନିକଟରେ ଥିବା ଏକ ଶକ୍ତ ଲୁହାର ଡାଲିଚଟୁ ଆଣି ବାପାର ମୁଣ୍ଡରେ ବାରମ୍ବାର ଆଘାତ କରିଥିଲା। ଫଳରେ ଘଟଣାସ୍ଥଳରେ ଭ୍ରମରଲାଲାଙ୍କ ମୃତ୍ୟୁ ହୋଇଥିଲା। ପୁଅ ଭୋପାଳ ସହରରୁ ଦୂରରେ ଏକ ବ୍ୟବସାୟ କରନ୍ତି। ସେ ଘଟଣା ସଂପର୍କରେ ଜାଣିବା ପରେ ଘରେ ଆସି ପହଁଚିଛନ୍ତି।
