ଅଷ୍ଟ୍ରେଲିଆ : ଗୃହପାଳିତ ପଶୁ ପକ୍ଷୀ ଘରର କର୍ତ୍ତା ତଥା ସଦସ୍ୟମାନଙ୍କ ପ୍ରତି ବେଶ୍ ବିଶ୍ବସ୍ତ ହୋଇଥା’ନ୍ତି । ମଣିଷ ଓ ପଶୁର ଅନାବିଳ ସମ୍ପର୍କ ପ୍ରାୟ ସମୟରେ ଦେଖିବାକୁ ମିଳେ । ଗୃହପାଳିତ ପଶୁ ପକ୍ଷୀମାନଙ୍କ କାହାଣୀ ଯେତିକି ରୋଚକ ହୋଇଥାଏ,ସେତିକି ହୃଦୟସ୍ପର୍ଶୀମଧ୍ୟ । ଏପରି ଏକଘଟଣା ଅଷ୍ଟ୍ରେଲିଆରେ ଘଟି ଛି । ଏଠାରେ ଏକ ଶୁଆ ନିଜ ମାଲିକର ଜୀବନ ବଞ୍ଚାଇଛି ।
ମାଲିକକୁ ବିପଦରୁ ରକ୍ଷା କରିଛି ଶୁଆଟି । ଅଷ୍ଟ୍ରେଲିଆର କ୍ବିନସ୍ଲ୍ୟାଣ୍ଡ ପ୍ରାନ୍ତରେ ରହୁଥିବା ଏଣ୍ଡନ୍ ନ୍ୟୁୟନ୍ ନାମକ ଜଣଷ ବ୍ୟକ୍ତି ଘରେ ଶୋଇଥିବା ଅବସ୍ଥାରେ ଘରେ ନିଆଁ ଲାଗିଯାଇଥିଲା । ଏହି ସମୟରେ ଶୁଆଟି ମାଲିକର ନାମ ନେଇ ଜୋର୍ ଜୋର୍ ସେ ଚିଲ୍ଲେଇଥିଲା । ଏହା ପରେ ବ୍ୟକ୍ତିଜଣକ ନିଦରୁ ଉଠି ଯାଇଥିଲେ । ଏବଂ ଘଟଣାକୁ ବୁଝି ପାରି ନିଜ ଜୀବନକୁ ବଞ୍ଚାଇଥିଲେ । ତେବେ କେଉଁ କାରଣ ଯୋଗୁଁ ଘରେ ନିଆଁ ଲାଗିଥିଲା ସେ ସମ୍ପର୍କରେ ସୂଚନା ମିଳିପାରିନାହିଁ । ଅଗ୍ନିଶମ ବିଭାଗ ନିଆଁ ଲାଗିବାର କାରଣ ସମ୍ପର୍କରେ ଅନୁଧ୍ୟାନ କରୁଛନ୍ତି । (ଏଜେନ୍ସି)