ଭାରତୀୟ ସୁଟର ମାନୁ ଭାକେର ଏବଂ ସୌରଭ ଚୌଧୁରୀ ମିକ୍ସଡ୍ ଟିମ୍ ବିଭାଗରେ ଏସିଆନ୍ ଚାମ୍ପିୟନ୍ସିପ୍ରେ ସ୍ବର୍ଣ୍ଣ ପଦକ ହାସଲ କରିଛନ୍ତି। ୧୭ ବର୍ଷୀୟା ମାନୁ ଏବଂ ୧୬ ବର୍ଷୀୟ ସୌରଭ ନିଜର ସ୍ବର୍ଣ୍ଣଯାତ୍ରା ଜାରି ରଖିବା ସହିତ ବିଗତ ଏକ ମାସ ମଧ୍ୟରେ ନିଜର ଦ୍ବିତୀୟ ଟାଇଟଲ୍ ହାସଲ କରିଛନ୍ତି। ଯୋଗ୍ୟତା ପର୍ଯ୍ୟାୟ ରାଉଣ୍ଡରେ ଉଭୟ ୭୮୪ ପଏଣ୍ଟ ସ୍କାେର କରି ବିଶ୍ବରେକର୍ଡ କରିଥିଲେ। ଋଷିଆର ଭିଟାଲିନା ବାତ୍ସାରସ୍କିନା ଏବଂ ଆର୍ଟେମ୍ ଚେର୍ଣ୍ଣାସୋଭ୍ ୟୁରୋପିଆନ୍ ଚାମ୍ପିୟନ୍ସିପ୍ରେ କରିଥିବା ୫ ଦିନ ପୂର୍ବ ରେକର୍ଡ ଭାଙ୍ଗିଥିଲେ ଏହି ଦୁଇ ଖେଳାଳି। ପାଞ୍ଚ ଟିମ୍ ବିଶିଷ୍ଟ ଫାଇନାଲ୍ରେ ଉଭୟ ୪୮୪.୮ ପଏଣ୍ଟ ସହିତ ସ୍ବର୍ଣ୍ଣ ପଦକ ହାସଲ କରିଥିଲେ। କୋରିଆର ହ୍ବାଙ୍ଗ ସିଓନଗୁଏନ୍ ଏବଂ କିମ୍ ମୋସ୍ ରୌପ୍ୟ ଏବଂ ଆୟୋଜକ ଦେଶର ଉ ଚିଆ ୟିଙ୍ଗ ଏବଂ କୋଉ କୁଆନ୍ ଟିଙ୍ଗ ବ୍ରାେଞ୍ଜ ପଦକ ହାସଲ କରିଥିଲେ। ଅନ୍ୟତମ ଭାରତୀୟ ଯୋଡି ଅନୁରାଧା ଏବଂ ଅଭିଷେକ ବର୍ମା ଫାଇନାଲ୍ରେ ପହଞ୍ଚିଥିଲେ ମଧ୍ୟ ୩୭୨.୧ ପଏଣ୍ଟ ସହ ଚତୁର୍ଥ ସ୍ଥାନରେ ରହିଥିଲେ।
manu-saurabh won gold