ଭୁବନେଶ୍ବର : ପୋଲିସ୍ ବିଭାଗର ସବୁ ଜରୁରୀ ସହାୟତା ପାଇଁ ଏଣିକି ଗୋଟିଏ ନମ୍ବର 112 । ପୋଲିସ୍, ଆମ୍ବୁଲାନ୍ସ, ଦମକଳ ପାଇଁ ଭିନ୍ନ ଭିନ୍ନ ନମ୍ବର ଡାଏଲ୍ ଏବେ ଆଉ ଆବଶ୍ୟକ ନାହିଁ । ଜରୁରୀ ସେବା ପାଇଁ ଏଣିକି ଗୋଟିଏ ହେଲପ୍ ଲାଇନ୍ ନମ୍ବର 112ରେ ଡାଏଲ୍ କରାଯିବ । 112 ସେବା ପାଇଁ 1098 ପଦବୀକୁ ମଂଜୁର କଲେ ମୁଖ୍ୟମନ୍ତ୍ରୀ ।
ଜନସାଧାରଣଙ୍କ ସୁବିଧା ତଥା ତ୍ବରିତ ସେବା ଯୋଗାଣକୁ ଦୃଷ୍ଟିରେ ରଖି ସରକାରଙ୍କ ତରଫରୁ ବିଭିନ୍ନ ସହାୟତା ନମ୍ବର ଯଥା 100, 101, 102, 104, 108, ୧୮୧ ଏସବୁକୁ ଏକୀଭୂତ କରି ଗୋଟିଏ ନମ୍ବର ଯଥା 112କୁ ଜାରି କରାଯାଇଛି ।
112 ଜରିଆରେ ସାଧାରଣ ଲୋକଙ୍କୁ ଦକ୍ଷତାର ସହ ତ୍ବରିତ ସେବା ଯୋଗାଇବା ପାଇଁ ମୁଖ୍ୟମନ୍ତ୍ରୀ ପୋଲିସ ବିଭାଗର 1098ଟି ବିଭିନ୍ନ ପଦବୀ ସୃଷ୍ଟିକୁ ମଧ୍ୟ ଅନୁମୋଦନ କରିଛନ୍ତି। 112 ସେବା ପାଇଁ ଚାରିଜଣ -ଡି.ଏସ୍.ପି, 151ଜଣ ସବ୍ଇନ୍ସପେକ୍ଟର, 203ଜଣ ସହକାରୀ ସବ୍ ଇନ୍ସପେକ୍ଟର ଏବଂ 740 ଜଣ କନେଷ୍ଟବଳ ନିୟୋଜିତ ହେବେ ।