ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲା ଇତିପୁର ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ପରିସରରେ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଉକ୍ତ ଶିବିରରେ ମୁଖ୍ୟ ଅତିଥି ଭାବେ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ଼ା ଆର୍ତ୍ତବନ୍ଧୁ ନାୟକ ଯୋଗଦେଇଥିଲେ। ଅନ୍ୟମାନଙ୍କ ମଧ୍ୟରେ ମେଣ୍ଢାଶାଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ, ଇତିପୁର ପଞ୍ଚାୟତର ସମସ୍ତ ନିର୍ବାଚିତ ଜନ ପ୍ରତିନିଧି ଆଦି ଉପସ୍ଥିତ ଥିଲେ। ଉକ୍ତ ଶିବିରରୁ ସର୍ବମୋଟ ୫୨ ୟୁନିଟ ରକ୍ତ ସଂଗ୍ରହ ହୋଇଥିଲା। ତେବେ ଉକ୍ତ ମେଗା ରକ୍ତଦାନ ଶିବିରକୁ ଇତିପୁର ଗ୍ରାମ ପଞ୍ଚାୟତ ଆୟୋଜନ କରିଥିବା ବେଳେ ଏଥିରେ ଇତିପୁର ଗାଁ କଲ୍ୟାଣ ସମିତି ସହଯୋଗ କରିଥିଲା।
Author: Samikhsya Bureau
ଭୁବନେଶ୍ୱର: ଡେଂଟାଲ୍ ଫଟୋଗ୍ରାଫି ସମ୍ପର୍କରେ ଫ୍ୟାକଲ୍ଟି ମେମ୍ବର ଏବଂ ପିଜି ଛାତ୍ରଛାତ୍ରୀଙ୍କ ଅଧିକ ଜ୍ଞାନ ଆହରଣ ନିମନ୍ତେ ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ଡେଂଟାଲ୍ ସାଇନ୍ସେସ୍ ପକ୍ଷରୁ ଆୟୋଜନ କରାଯାଇଥିବା ଦୁଇ ଦିନିଆ କର୍ମଶାଳା ଶୁକ୍ରବାର ଉଦ୍ଯାପିତ ହୋଇଯାଇଛି। ଆଇଡିଏସ୍ର ସୋଆଲେନ୍ସ ଫଟୋଗ୍ରାଫି କ୍ଲବ ପକ୍ଷରୁ ଆୟୋଜିତ ଏହି କର୍ମଶାଳାରେ ମୁମ୍ବାଇର ପ୍ରଖ୍ୟାତ ଡେଂଟାଲ୍ ଫଟୋଗ୍ରାଫର ଡାକ୍ତର ମୟୁର ଦାଭଡା ଯୋଗ ଦେଇ ଅଂଶ ଗ୍ରହଣକାରୀ ମାନଙ୍କୁ ପ୍ରଶିକ୍ଷଣ ଦେଇଥିଲେ। ଜ୍ଞାନ ବିକୀରଣ, ଚିକିତ୍ସା ସମୟରେ ରୋଗୀମାନଙ୍କୁ ବୁଝାଇବା ନିମନ୍ତେ ତଥା ବିଭିନ୍ନ ପ୍ରତିଷ୍ଠିତ ରିସର୍ଚ୍ଚ ଜର୍ନାଲ୍ ଗୁଡ଼ିକରେ ପ୍ରକାଶନ ନିମନ୍ତେ ଉତମ କ୍ଲିନିକାଲ୍ ଫଟୋ ଉଠାଇବା କ୍ଷେତ୍ରରେ ଡେଂଟାଲ୍ ଫଟୋଗ୍ରାଫି ଏକ ଆହ୍ୱାନପୂର୍ଣ୍ଣ କାର୍ଯ୍ୟ। ଏହି ବିଷୟରେ କର୍ମଶାଳାରେ ବିସ୍ତୃତ ଭାବେ ଆଲୋଚନା କରାଯାଇଥିଲା। ଆଇଡିଏସ୍ ଡିନ୍ ପ୍ରଫେସର ନୀତା ମହାନ୍ତି ଏବଂ ଡାକ୍ତର ଦାଭଡା କର୍ମଶାଳାରେ ଭାଗ ନେଇଥିବା ପ୍ରତିଯୋଗୀମାନଙ୍କୁ ସାର୍ଟିଫିକେଟ ପ୍ରଦାନ କରିଥିଲେ।…
ସୀତାରାମ ଅଗ୍ରୱାଲ ଚିଲିକା: ଦିନକୁ ଦିନ ସୋସିଆଲ୍ ମିଡିଆ ତାର କାୟାବିସ୍ତାର କରିବାରେ ଲାଗିଛି। ଯାହାଫଳରେ ସାଧାରଣ ଜନତା ସୋସିଆଲ ମିଡିଆକୁ ପ୍ରାଧାନ୍ୟ ଦେଉଛନ୍ତି। ଟ୍ଵିଟର, ଫେସବୁକ ଅବା ହ୍ଵାଟ୍ସଆପ ଜରିଆରେ କୋଣ ଅନୁକୋଣରୁ ସମସ୍ତ ସୂଚନା ସାଙ୍ଗକୁ ଦୁନିଆର ଖବର କ୍ଷଣିକ ମଧ୍ୟରେ ଏବେ ପ୍ରତିଟି ଲୋକ ପାଖରେ ପହଞ୍ଚି ପାରୁଛି। ଗତବର୍ଷ ଅକ୍ଟୋବର ମାସରେ ଖୋର୍ଦ୍ଧା ଜିଲ୍ଲାରେ ନୂତନ କରି ଜିଲ୍ଲାପାଳ ଭାବେ ଯୋଗଦେଇଥିବା ସଂଗ୍ରାମ କେଶରୀ ମହାପାତ୍ର କାର୍ଯ୍ୟଭାର ଗ୍ରହଣ କରିଥିବା ବେଳେ, ସରକାରଙ୍କ ୫-ଟି ନିୟମକୁ ପ୍ରଥମେ ପ୍ରାଧାନ୍ୟ ଦେଇଥିଲେ ଏବଂ ଅକ୍ଟୋବର ୨୩ ତାରିଖରେ ସୋସିଆଲ୍ ମିଡିଆ ଟୁଇଟର ସହ ଜିଲ୍ଲାର ସମସ୍ତ ତହସିଲ, ବ୍ଲକ, ପୌରାଞ୍ଚଳ ଏବଂ ଅନ୍ୟ ଗୁରୁତ୍ୱ ବିଭାଗକୁ ମିଶାଇ ସମୁଦାୟ ୩୭ ଗୋଟି ନୂତନ ଆକାଉଣ୍ଟକୁ ଯୋଡ଼ିଥିଲେ। ଉଦ୍ଦେଶ୍ୟ ଥିଲା ଟ୍ୱିଟର ଜରିଆରେ ଜନସାଧାରଣଙ୍କ ଅଭିଯୋଗକୁ ଗ୍ରହଣ ଏବଂ ସମାଧାନ ଦିଗରେ ସମସ୍ତ ବିଭାଗ କାର୍ଯ୍ୟ କରିବେ। ତତ…
ଖୋର୍ଦ୍ଧା: ଖୋର୍ଦ୍ଧା ଟାଉନ ଥାନା ପୋଲିସକୁ ମିଳିଛି ଆଉ ଏକ ବଡ ସଫଳତା। ୨୫ ଲକ୍ଷ ଟଙ୍କାର ବ୍ରାଉନ ସୁଗାର ଜବତ ସହ ୨ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ। ସୂଚନା ମୁତାବକ ଅରାଙ୍ଗ ଗ୍ରାମର ଅଁଳେଇ ମନ୍ଦିର ସମ୍ମୁଖରେ ଆଜି ବ୍ରାଉନ ସୁଗାର କାରବାର ଚାଲିଥିବାର ଏସପି ସିଦ୍ଧାର୍ଥ କଟାରିଆଙ୍କୁ କୌଣସି ଏକ ସୂତ୍ରରୁ ଖବର ମିଳିଥିଲା। ବିଳମ୍ବ ନକରି ଟାଉନ ଥାନା ପୋଲିସକୁ ଏସପି ଚଢାଉ ପାଇଁ ନିର୍ଦ୍ଦେଶ ଦେଇଥିଲେ। ଖୋର୍ଦ୍ଧା ଏସଡିପିଓ ସୁଶୀଲ ମିଶ୍ର ଏବଂ ଟାଉନ ଥାନା ଇନଚାର୍ଜ ଡ଼ିଏସପି ସଞ୍ଜୟ ପଟ୍ଟନାୟକଙ୍କ ତତ୍ୱାବଧାନରେ ସ୍ୱତନ୍ତ୍ର ସ୍କ୍ୱାର୍ଡର ସହଯୋଗରେ ଏକ ଟିମ ଗଠନ କରାଯାଇ ଉକ୍ତ ସ୍ଥାନରେ ଚଢ଼ାଉ କରାଯାଇଥଲା। ଚଢ଼ାଉ ସମୟରେ ପୋଲିସ ଉକ୍ତ ସ୍ଥାନରୁ ୨୬୦ ଗ୍ରାମ ବ୍ରାଉନ ସୁଗାର ଓ ଗୋଟେ ଟିଭିଏସ ଆପାଚି ମଟରସାଇକେଲ ଜବତ କରିବା ସହ ଅଭିଯୁକ୍ତ ପ୍ରକାଶ ନାୟକ ଏବଂ ସୁରେଶ କୁମାର ସାହୁଙ୍କୁ…
ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: କଳାହାଣ୍ଡି ଜିଲ୍ଲାରେ ମାଓ ତାଣ୍ଡବ ଦିନ ପ୍ରତିଦିନ ବୃଦ୍ଧି ପାଇବାରେ ଲାଗିଛି। ଜିଲ୍ଲାରେ ମାଓ ବାହୀନି ନିଜର ସ୍ଥିତି ଜାହିର କରୁଥିବା ବେଳେ ବିଭିନ୍ନ ସମୟରେ ବିଭିନ୍ନ ସ୍ଥାନରେ ଲ୍ୟାଣ୍ଡ ମାଇନ ବିସ୍ଫୋରଣ, ପୋଡାଜଳା ଭଲି ଛିଟ ବଡ ଘଟଣା ନଜରକୁ ଆସୁଛି। ଇତି ମଧ୍ୟରେ କେତେକ ମାଓବାଦୀ ଆତ୍ମ ସମର୍ପଣ କରି ସମାଜର ମୂଖ୍ୟ ସ୍ରୋାତରେ ସାମିଲ ହେଉଥିଭା ବେଳେ ନିକଟ ଅତୀତରେ ପୁଣି ଥରେ ମାଓବାଦୀ ମାନେ ସେମାନଙ୍କ ସ୍ଥିତି ଜାହିର କରିଥିବା ଜଣାପଡିଛି। ଏହିଭଳି ଏକ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଭବାନୀପାଟଣା ସଦର ବ୍ଲକ ଅନ୍ତର୍ଗତ ଯୁଗସାଇପାଟଣା ପୋଖରୀ ଘାଟି ମାନସ୍କା ପ୍ରଧାନ ମନ୍ତ୍ରୀ ସଡକ ଯୋଜନାରେ ରାସ୍ତା ନିର୍ମାଣରେ। ଏଠାରେ ନିୟୋଜିତ ଟ୍ରାକ୍ଟର, ଟିପର ଓ ଜେସିବି ମେସିନକୁ କୁ ସିପିଆଇ ମାଓବାଦୀ ଓଡିଶା ରାଜ୍ୟ କମିଟି ପକ୍ଷରୁ ପୋଡି ଦିଆଯାଇଥିବା ବେଳେ ରାସ୍ତା କାମକୁ ବିରୋଧ…
ଭୁବନେଶ୍ୱର: ଆଜି ସନ୍ଧ୍ୟାରେ ପୂର୍ବ ତଟ ରେଳପଥ ମୁଖ୍ୟାଳୟ ଭୁବନେଶ୍ୱର ଠାରେ ୬୭ ତମ ଜାତୀୟ ରେଲୱେ ପୁରସ୍କାର ବିତରଣ ଉତ୍ସବ-୨୦୨୨ ଆୟୋଜିତ ହୋଇଯାଇଅଛି। ରେଲୱେ, ଯୋଗାଯୋଗ ଏବଂ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ ଏହି ଉତ୍ସବରେ ମୁଖ୍ୟ ଅତିଥି ଭାବରେ ଯୋଗଦେଇ ନିଷ୍ଠାପର ସେବା ତଥା ଦକ୍ଷତା ପାଇଁ ଉତ୍ସର୍ଗୀକୃତ ରେଳ କର୍ମଚାରୀ ଏବଂ ଜୋନାଲ ରେଳବାଇ, ଉତ୍ପାଦନ ୟୁନିଟ୍ ଏବଂ PSU ଗୁଡ଼ିକୁ ପୁରସ୍କୃତ କରିଛନ୍ତି। ଏହାପୂର୍ବରୁ ରେଳ ବୋର୍ଡର ଅଧ୍ୟକ୍ଷ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଭି କେ ତ୍ରିପାଠୀ ତାଙ୍କ ସ୍ୱାଗତ ଭାଷଣରେ ଭାରତୀୟ ରେଳବାଇର ପରିବର୍ତ୍ତନ ବିଷୟରେ କହିଥିଲେ। ମୋଟାମୋଟି ଭାବେ, ଦେଶର ବିଭିନ୍ନ ଜୋନାଲ ରେଲୱେରୁ ୧୫୬ ରେଲୱେ କର୍ମଚାରୀ ସେମାନଙ୍କର ଉଲ୍ଲେଖନୀୟ ସେବାପାଇଁ ମନ୍ତ୍ରୀଙ୍କଦ୍ୱାରା ପୁରସ୍କୃତ ହୋଇଛନ୍ତି। ଏହା ବ୍ୟତୀତ ବିଭିନ୍ନ ରେଲୱେ, ଉତ୍ପାଦନ ୟୁନିଟ୍ ଏବଂ ରେଲୱେ ପିଏସୟୁ ଗୁଡ଼ିକୁ ସେମାନଙ୍କର ଉଲ୍ଲେଖନୀୟ କାର୍ଯ୍ୟଦକ୍ଷତା ଏବଂ…
ଭୁବନେଶ୍ୱର: କେନ୍ଦ୍ର କୌଶଳ ବିକାଶ ଓ ଔଦ୍ୟୋଗିକା ମନ୍ତ୍ରଣାଳୟର ଆଂଚଳିକ ନିର୍ଦ୍ଦେଶାଳୟ, ଓଡିଶା (ଆରଡିଏସଡିଇ) ପକ୍ଷରୁ ନୂତନ ଓ ଉନ୍ନତ ଶିକ୍ଷାନବୀଶ ସଂସ୍କାର ସମ୍ପର୍କରେ ସଚେତନତା ସୃଷ୍ଟି ଲକ୍ଷ୍ୟ ନେଇ ଏକ ଦୁଇଦିନିଆ ଶିକ୍ଷାନବୀଶ କର୍ମଶାଳା, ଭୁବନେଶ୍ୱର ମଞ୍ଚେଶ୍ୱର ସ୍ଥିତ ବିଶ୍ୱ କୌଶଳ କେନ୍ଦ୍ରଠାରେ ଆୟୋଜିତ ହୋଇଯାଇଛି। ଦେଶର ଶିକ୍ଷାନବୀଶ ମଡେଲରେ ହୋଇଥିବା ନୂତନ ପରିବର୍ତ୍ତନ ସମ୍ପର୍କରେ ଏହାର ଅଂଶୀଦାରମାନଙ୍କ ସାମର୍ଥ୍ୟ ବିକାଶ ହେଉଛି ଏହି କର୍ମଶାଳା ଆୟୋଜନର ଲକ୍ଷ୍ୟ। ଏହାଛଡା ଦେଶବ୍ୟାପୀ ସଂସ୍କାର ସମ୍ପର୍କରେ ସଚେତନତା ସୃଷ୍ଟି ନେଇ କେନ୍ଦ୍ର ଶିକ୍ଷା କୌଶଳ ବିକାଶ ଓ ଔଦ୍ୟୋଗିକା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦେଶର ୨୫୦କର୍ମଶାଳା ଆୟୋଜନ ନେଇ ଆଗରୁ ଘୋଷଣା କରିଛନ୍ତି। ଶିକ୍ଷାନବୀଶ କାର୍ଯ୍ୟକ୍ରମର ୧୬୩ରୁ ଅଧିକ ଅଂଶଗ୍ରହଣକାରୀ ଏଥିରେ ଯୋଗଦେଇଥିଲେ। ଟାଟା ଷ୍ଟିଲ ଲିମିଟେଡ, ବୋକାରୋ ଇସ୍ପାତ କାରଖାନା, ପାରାଦ୍ୱୀପ ରେଳବାଇ, ଭାରତୀୟ ବିମାନ ବନ୍ଦର କର୍ତ୍ତୃପକ୍ଷ, ୨-କ୍ଷେତ୍ର କୌଶଳ ପରିଷଦ (ଏସଏସ୍ସିଏସ), ୧୮ଟି ଆଞ୍ଚଳିକ କୌଶଳ ବିକାଶ…
ଶ୍ରୀନଗର: ଆତଙ୍କବାଦୀଙ୍କ ସହ ସୁରକ୍ଷା ବାହିନୀର ମୁକାବିଲା ଜମ୍ମୁ କାଶ୍ମୀରର ଅନନ୍ତନାଗର ବିଜବେହାରର ଶିତିପୋରା ଅଞ୍ଚଳରେ ଚାଲିଛି। କାଶ୍ମୀର ଜୋନ୍ ପୋଲିସ ଦ୍ଵାରା ଜାରି ବିବୃତ୍ତି ଅନୁଯାୟୀ ଏପର୍ଯ୍ୟନ୍ତ ଏହି ଏନକାଉଣ୍ଟରରେ ଦୁଇଜଣ ଆତଙ୍କବାଦୀ ନିହତ ହୋଇଛନ୍ତି। ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ସମେତ ଅପରାଧ ସାମଗ୍ରୀ ମଧ୍ୟ ଉଦ୍ଧାର କରାଯାଇଛି। ଆତଙ୍କବାଦୀଙ୍କ ଉପସ୍ଥିତି ହେବାର ସମ୍ଭାବନା ଥିବାରୁ ଏହି ଅଞ୍ଚଳରେ ସର୍ଚ୍ଚ ଅପରେସନ ଚାଲିଛି। ସୂଚନାନୁସାରେ, ଗୁପ୍ତଚର ଇନପୁଟ ଆଧାରରେ ଆତଙ୍କବାଦୀମାନେ ଏହି ଅଞ୍ଚଳରେ ସର୍ଚ୍ଚ ଅପରେସନ ବେଳେ ସୁରକ୍ଷା ବାହିନୀ ଉପରକୁ ଗୁଳି ଚଳାଇଥିଲେ। ଆଇଜିପି କାଶ୍ମୀର ଅନୁଯାୟୀ ଉଭୟ ଆତଙ୍କବାଦୀଙ୍କୁ ଚିହ୍ନଟ କରାଯାଇଛି। ନିହତ ଆତଙ୍କବାଦୀଙ୍କ ମଧ୍ୟରୁ ଜଣେ ହେଉଛନ୍ତି ଚକୱାଗୁଣ୍ଡର ବାସିନ୍ଦା ଇଶଫାକ। ଅନ୍ୟ ପଟେ, ୟାୱାର ଆୟୁବ ଦାର୍ ଡୋଗ୍ରିପୋରାର ବାସିନ୍ଦା ଥିଲେ। ସେ ନିଷିଦ୍ଧ ଆତଙ୍କବାଦୀ ସଂଗଠନ ହିଜବୁଲ ମୁଜାହିଦ୍ଦିନ ସହ ଜଡିତ ଥିଲେ ଏବଂ ଅନେକ ଆତଙ୍କବାଦୀ କାର୍ଯ୍ୟକଳାପରେ ଜଡିତ ଥିଲେ। ସମ୍ପ୍ରତି…
ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: କଳାହାଣ୍ଡି ଜିଲ୍ଲାରେ ଦିନକୁ ଦିନ ଗଞ୍ଜେଇ ମାଫିଆ ମାନେ ସକ୍ରୀୟ ହେଉଥିବା ବେଳେ ଜୟପାଟଣା ପୋଲିସକୁ ବଡ ସଫଳତା ମିଳିଛି। କଳାହାଣ୍ଡି ଏସପି ଅଭିଲାଷ ଜି. ଆଇପିଏସ ଙ୍କ ନିର୍ଦ୍ଦେଶରେ ଜୟପାଟଣା ଥାନାଧିକାରୀ ବାସୁଦେବ ଛତ୍ରୀଆଙ୍କ ନେତୃତ୍ୱରେ ପୋଲିସ ଟିମ କୌଣସି ସୂତ୍ରରୁ ଖବର ପାଇ ଏକ ବୋଲେରୋ ପିକପ ଓଡି ୦୮-ଏଲ-୬୨୨୬ ଗାଡିରେ ପ୍ରତାପପୁର କେନାଲ ରାସ୍ତା ମଧ୍ୟ ଦେଇ ୪୨୭ କେଜି ଗଞ୍ଜେଇ ଚାଲାଣ ହେଉଥିବା ବେଳେ ଜବତ କରିଥିବା ପୋଲିସ ସୂତ୍ରରୁ ପ୍ରକାଶ। ପଡୋଶୀ ଆନ୍ଧ୍ର ପ୍ରଦେଶ ର ଭେଲାକାଟୁ ଠାରୁ ମହୁଲପାଟଣା ଘାଟି ରେ କୋକସରା ପଟକୁ ଆଣୁଥିବା ବେଳେ ବୋଲେରୋ ଏସଏଲଇ ଓଡି ୩୩-ଏଏ-୨୦୨୭ ଏବଂ ଏକ ଗ୍ଲାମର ଓଡି୦୮-ଗି-୪୧୧୮ ବାଇକ ରେ ରାଜେନ୍ଦ୍ର ଦଣ୍ଡସେନା, ସାଗର ପାଣିଗ୍ରାହୀ, ପିଙ୍କୁ ରାଉତ,ଦୟାସାଗର ପୋଡ, ରିପୁ ପୁଂଜି ଉକ୍ତ ଗଂଜେଇ ଗାଡିକୁ ଏସକର୍ଟ କରି ଆଣୁଥିବା ପୋଲିସ ଜାଣିପାରି ସମସ୍ତଙ୍କୁ…
ଭୁବନେଶ୍ୱର: ଜିଓ ପ୍ଲାଟଫର୍ମସ୍ର ଦୁଇଟି ସହଯୋଗୀ କଂପାନି ଏଷ୍ଟେରିଆ ଏରୋସ୍ପେସ୍ ଲିମିଟେଡ୍ ଓ ସାଂଖ୍ୟ ସୂତ୍ର ଲ୍ୟାବ୍ସ ପକ୍ଷରୁ ଦିଲ୍ଲୀରେ ଆୟୋଜିତ ଭାରତ ଡ୍ରୋନ୍ ମହୋତ୍ସବରେ ନିଜର ପ୍ରଯୁକ୍ତି କ୍ଷମତାକୁ ପ୍ରଦର୍ଶିତ କରାଯାଇଛି। ବେଙ୍ଗାଲୁରୁ ସ୍ଥିତ “ଏଷ୍ଟେରିଆ ଏରୋସ୍ପେସ୍ ଲିମିଟେଡ୍’ ହେଉଛି ଏକ ଫୁଲ୍-ଷ୍ଟାକ୍ ଡ୍ରୋନ୍ ପ୍ରଯୁକ୍ତି କଂପାନି ଯାହା ଡ୍ରୋନ୍ ହାର୍ଡଓୟାର ସହିତ ସଫ୍ଟଓୟାର ଉପରେ ମଧ୍ୟ କାମ କରୁଛି। ସେହିପରି, ଜିଓ ପ୍ଲାଟଫର୍ମସ୍ ସହିତ ଜଡ଼ିତ ଦ୍ୱିତୀୟ କଂପାନି ହେଉଛି “ସାଂଖ୍ୟ ସୂତ୍ର ଲ୍ୟାବ୍ସ’ ଯାହା ହେଉଛି ମଲ୍ଟିଫିଜିକ୍ସ, ଏରୋଡାଇନାମିକ୍ସ ସିମୁଲେସନ ସଫଟଓୟାର ଓ ଡିପ୍ ଟେକ୍ନୋଲୋଜିର ଏକ ବିଶେଷଜ୍ଞ ସଂସ୍ଥା। ଏହି ଦୁଇ କଂପାନି ମେ” ୨୭ ଓ ୨୮ରେ ଦିଲ୍ଲୀର ପ୍ରଗତି ମୈଦାନରେ ଆୟୋଜିତ ହେଉଥିବା ଭାରତ ଡ୍ରୋନ୍ ମହୋତ୍ସବରେ ଅଂଶଗ୍ରହଣ କରିଛନ୍ତି। ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଓ ଡ୍ରୋନ୍ ଫେଡେରେସନ୍ ଅଫ୍ ଇଣ୍ଡିଆର ମିଳିତ ସହଯୋଗରେ ଏହି ମହୋତ୍ସବ ଆୟୋଜନ କରାଯାଇଛି। ମହୋତ୍ସବକୁ…
ନୂଆଦିଲ୍ଲୀ: ଭାରତୀୟ ହକି ଦଳ ଏସିଆ କପ୍ ୨୦୨୨ ସୁପର -୪ ର ପ୍ରଥମ ମ୍ୟାଚରେ ଜାପାନ ଉପରେ ପୁନର୍ବାର ବିଜୟ ହାସଲ କରିଛି। ଟିମ୍ ଇଣ୍ଡିଆ ଜାପାନକୁ ୨-୧ରେ ପରାସ୍ତ କରିଛି। ଗ୍ରୁପ୍ ମ୍ୟାଚ୍ ପୂର୍ବରୁ ଟିମ୍ ଇଣ୍ଡିଆକୁ ଜାପାନ ୨-୫ ରେ ପରାସ୍ତ କରିଥିଲା। ଏହି ବିଜୟ ସହିତ ଭାରତ ଜାପାନ ଉପରେ ଏହାର ପ୍ରତିଶୋଧ ନେଇଛି। ଟିମ୍ ଇଣ୍ଡିଆର ମଞ୍ଜିତ ଏବଂ ପୱନ୍ ଗୋଟିଏ ଲେଖାଏଁ ଗୋଲ୍ ସ୍କୋର କରିଥିଲେ। ଏଥି ସହିତ ଜାପାନ ପାଇଁ ତାକୁମା ନିୱା ଏକମାତ୍ର ଗୋଲ ସ୍କୋର କରିଥିଲେ। ଏହି ମ୍ୟାଚରେ ଭାରତ ଭଲ ଆରମ୍ଭ କରିଥିଲା। ଏହି ମ୍ୟାଚର ପ୍ରଥମ କ୍ୱାର୍ଟର ଭାରତ ନାମରେ ହୋଇଥିଲା। ଭାରତ ୧-୧ରେ ଆଗୁଆ ରହିଥିଲା। ଟିମ୍ ଇଣ୍ଡିଆ ପାଇଁ ମଞ୍ଜିତ ପ୍ରଥମ ଗୋଲ୍ ସ୍କୋର କରିଥିଲେ। ଯେତେବେଳେ କି ଅଧା ସମୟରେ ଉଭୟ ଦଳ ୧-୧ ଡ୍ରରେ ପହଞ୍ଚିଥିଲେ। ଜାପାନ ଗୋଟିଏ ଗୋଲ…
ଭୁବନେଶ୍ୱର: ରାଜ୍ୟ ସରକାର ଏକ ବଡ ନିଷ୍ପତ୍ତି ନେଇଛନ୍ତି। ପୁରୁଣା ଗାଡିରେ ଏଣିକି ହାଇ ସିକ୍ୟୁରିଟି ରେଜିଷ୍ଟ୍ରେଶନ ପ୍ଲେଟ୍ (ଏଚ୍ଏସ୍ଆର୍ପି) ଲଗାଇବାକୁ ରାଜ୍ୟ ସରକାର ବାଧ୍ୟତାମୂଳକ କରିଛନ୍ତି। ଏହି ପ୍ରକ୍ରିୟା ଅଗଷ୍ଟ ୩୧ ତାରିଖ ୨୦୨୨ରୁ ଆରମ୍ଭ ହେବ। ନମ୍ବର ପ୍ଳେଟ ପରିବର୍ତ୍ତନ ନକଲେ ଗାଡି ମାଲିକଙ୍କୁ ଜରିମାନା ଦେବାକୁ ପଡିବ। ତେବେ ସେଥିପାଇଁ ସମୟ ଧାର୍ଯ୍ୟ କରାଯାଇଛି। ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁଯାୟୀ, ଗାଡିଗୁଡ଼ିକର ପଞ୍ଜୀକରଣ ନମ୍ବରର ଶେଷ ନମ୍ବର ଆଧାରରେ ନମ୍ବର ପ୍ଳେଟ ପରିବର୍ତ୍ତନ ଲାଗି ଗାଡି ମାଲିକଙ୍କୁ ସମୟ ଦିଆଯିବ। ଶେଷ ତାରିଖ ପୂର୍ବରୁ ଗାଡ଼ିରେ ଏଚ୍ଏସ୍ଆରପି ଲଗାଇବାକୁ ପରାମର୍ଶ ଦିଆଯାଇଛି। ନଚେତ ଗାଡି ମାଲିକଙ୍କୁ ୫ ହଜାରରୁ ୧୦ ହଜାର ଟଙ୍କାର ଇ-ଚାଲାଣ କଟାଯିବ ବୋଲି ଚେତାବନୀ ଦିଆଯାଇଛି। ଜାଣନ୍ତୁ କେଉଁ ନମ୍ବର ଗାଡି ପାଇଁ କେବେ ପ୍ଳେଟ ବଦଳାଇବାକୁ ନିର୍ଦ୍ଦେଶ ହୋଇଛି?: ୧- ପଞ୍ଜୀକରଣ ନମ୍ବର ଶେଷ ଅକ୍ଷର ୧ ଓ ୨ ରହିଥିଲେ…
ଭୁବନେଶ୍ଵର: ଇ-କମର୍ସ ୱେବସାଇଟରେ ନକଲି ସମୀକ୍ଷା ଉପରେ ନଜର ରଖିବା ପାଇଁ କେନ୍ଦ୍ର ଏକ ଢ଼ାଞ୍ଚାର ବିକାଶ କରିବ। ଭାରତରେ ଇ-କର୍ମସ ସଂସ୍ଥା ଏବଂ ସର୍ବଭାରତୀୟ ସ୍ତରରେ ଉପଲବ୍ଧ ସର୍ବୋତ୍ତମ ଅଭ୍ୟାସକୁ ଅନୁସରଣ କରିବା ପରେ ଖାଉଟି ବ୍ୟାପାର ବିଭାଗ (ଡିଓସିଏ) ଏହି ଢାଞ୍ଚା ବିକାଶ କରିବ। ଇ-କମର୍ସ ସଂସ୍ଥା, ଗ୍ରାହକ ଫୋରମ୍, ଆଇନ ବିଶ୍ୱବିଦ୍ୟାଳୟ, ଆଇନଜୀବୀ, ଏଫଆଇସିସିଆଇ, ସିଆଇଆଇ, ଖାଉଟି ଅଧିକାର କାର୍ଯ୍ୟକର୍ତ୍ତା ଏବଂ ଭାରତୀୟ ବିଜ୍ଞାପନ ମାନକ ପରିଷଦ (ଏଏସସିଆଇ) ଓ ଅନ୍ୟମାନଙ୍କ ସହିତ ଡିଓଏସିଏ ମିଳିତ ଭାବରେ ଏକ ବୈଠକରେ ୱେବସାଇଟରେ ନକଲି ତଥ୍ୟ ସମୀକ୍ଷା ତଥା ଏହାର ପ୍ରକାର ଏବଂ ରୋଡମ୍ୟାପ୍ ଉପରେ ଆଲୋଚନା କରିଛନ୍ତି। ଯେହେତୁ ଉତ୍ପାଦକୁ ପ୍ରତ୍ୟକ୍ଷ ଭାବରେ ଦେଖିବା କିମ୍ବା ପରୀକ୍ଷଣ କରିବାର କୌଣସି ସୁଯୋଗ ବିନା ଇ-କମର୍ସରେ ଏକ ଭର୍ଚୁଆଲ୍ ସପିଂ ଅଭିଜ୍ଞତା ଅନ୍ତର୍ଭୁକ୍ତ, ଉପଭୋକ୍ତାମାନେ ଭଲ କିମ୍ବା ସେବା କିଣିଥିବା ଉପଭୋକ୍ତାମାନଙ୍କ ମତ ଏବଂ ଅଭିଜ୍ଞତା ଦେଖିବା ପାଇଁ…
ଭୁବନେଶ୍ବର: ରାଜ୍ୟର ବଛାବଛା ବରିଷ୍ଠ ଚିତ୍ରଶିଳ୍ପୀଙ୍କୁ ନେଇ ରାଜଭବନରେ ଆୟୋଜିତ ହେବ ଚିତ୍ରଶିଳୀ ଶିବିର। ଆସନ୍ତା ୩୦ ତାରିଖରେ ଆରମ୍ଭ ହେବାକୁ ଥିବା ଏହି ଚିତ୍ରଶିଳ୍ପୀ ଶିବିରକୁ ରାଜ୍ୟପାଳ ପ୍ରଫେସର ଗଣେଷୀଲାଲ ଉଦଘାଟନ କରିବେ। ମୁଖ୍ୟତଃ ରାଜ୍ୟର ଚିତ୍ରକଳାକୁ ଉତ୍ସାହିତ କରିବା ପାଇଁ ରାଜ୍ୟପାଳ ବ୍ୟକ୍ତିଗତ ଭାବେ ଏହି ପଦକ୍ଷେପ ଗ୍ରହଣ କରିଛନ୍ତି। ରାଜଭବନ ଲନରେ ଏହି ଶିବିର ଆସନ୍ତା ୩୦ ତାରିଖରୁ ଆରମ୍ଭ ହୋଇ ୩୧ତାରିଖରେ ଶେଷ ହେବ। ଏଥିରେ ଓଡିଶାର ପ୍ରତିଷ୍ଠିତ ଚିତ୍ରଶିଳ୍ପୀ ବଳଦେବ ମହାରଥା, ରାମହରି ଜେନା, ରବିନାରାୟଣ ରଥ, ପ୍ରବୋଧ ରଥ, ଚକ୍ରଧର ବେହେରା,ପ୍ରବୀର ଦଳାଇ, ତାରାକାନ୍ତ ପରିଡା, ମାନସ ରଂଜନ ଜେନା, ପଞ୍ଚାନନ ସାମଲ, ଅତସୀ ବସୁ ପ୍ରମୁଖ ଚିତ୍ରଶିଳ୍ପୀ ଯୋଗଦେବେ।
ଭୁବନେଶ୍ୱର / ଢେଙ୍କାନାଳ : ରାଷ୍ଟ୍ରୀୟ ସ୍ୱୟଂସେବକ ସଂଘର ପ୍ରଥମ ବର୍ଷ ସଂଘ ଶିକ୍ଷାବର୍ଗ ଢେଙ୍କାନାଳର ଭଗବାନପୁରସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିର ଠାରେ ଅନୁଷ୍ଠିତ ହୋଇଯାଇଅଛି। ଓଡିଶାର ପୂର୍ବ ଭାଗରେ ଥିବା ୧୬ଟି ଜିଲ୍ଲାର ୧୫୨ଜଣ ଶିକ୍ଷାର୍ଥୀଙ୍କ ସମେତ ୫୨ ଜଣ ଶିକ୍ଷକ ଓ ପ୍ରବନ୍ଧକ ଏହିଭଳି ୨୦୪ଜଣ ଏହି କାର୍ଯ୍ୟକ୍ରମରେ ଯୋଗଦେଇଥିଲେ। ପ୍ରତ୍ୟେକ ଶିକ୍ଷାର୍ଥୀ ନିଜ ହାତରୁ ୮ଶହ ଟଙ୍କା ଶୁଳ୍କ ପ୍ରଦାନ କରି ୨୦ଦିନ ଧରି ଏହି ଶିବିରରେ ବିଭିନ୍ନ ଶାରୀରିକ ଓ ବୌଦ୍ଧିକ କାର୍ଯ୍ୟକ୍ରମର ପ୍ରଶିକ୍ଷଣ ଗ୍ରହଣ କରିଥିଲେ। ଏହି ଶିକ୍ଷାର୍ଥୀମାନଙ୍କ ମଧ୍ୟରେ ଡାକ୍ତର, ଇଂଜିନିୟର, ଅଧ୍ୟାପକ, ବ୍ୟାଙ୍କ କର୍ମଚାରୀ, ଶିକ୍ଷକ, ସ୍ନାତକ ଓ ସ୍ନାତକୋତର ଛାତ୍ର, ବ୍ୟବସାୟୀ ଓ କୃଷକ ଉପସ୍ଥିତ ଥିଲେ। ପ୍ରତ୍ୟହ ସକାଳ ୪.୩୦ମି. ସମୟରେ ପ୍ରାତଃ ଜାଗରଣ ପରେ ରାତ୍ରୀ ୧୦ଟା ପର୍ଯ୍ୟନ୍ତ ପ୍ରତ୍ୟେକ ସ୍ୱୟଂସେବକମାନେ ବିଭିନ୍ନ ଶାରିରୀକ ଓ ବୌଦ୍ଧିକ କାର୍ଯ୍ୟକ୍ରମର ଅଭ୍ୟାସ କରିଥିଲେ। ଶନିବାର ଦିନ ଅନୁଷ୍ଠିତ ସମାରୋପ…
ସ୍ୱାସ୍ଥ୍ୟ ଟିପ୍ସ: ଆଜିର ଜୀବନଶୈଳୀରେ ପରିବର୍ତ୍ତନ ହେତୁ ଲୋକମାନେ ଖାଦ୍ୟ ଉପରେ ବିଶେଷ ଧ୍ୟାନ ଦିଅନ୍ତି ନାହିଁ। ଯେଉଁଥିପାଇଁ ଦାନ୍ତର ସମସ୍ୟା ଦେଖାଯାଇଥାଏ। ବେଳେବେଳେ ଦାନ୍ତର ସମସ୍ୟା ଏମିତି ହୋଇଥାଏ ଯେ, ଯନ୍ତ୍ରଣା ଅସହ୍ୟ ହୋଇପଡିଥାଏ। ଦାନ୍ତରେ ଯନ୍ତ୍ରଣା ହେବାର ଅନେକ କାରଣ ଥାଇପାରେ, ଯେପରିକି ଦାନ୍ତକୁ ସଠିକ୍ ଭାବରେ ନଘଷିବା, ଶୋଇବା ପୂର୍ବରୁ ମିଠା ଖାଇବା ପରେ ପାଟି ନଧୋଇବା, ଦାନ୍ତରେ ପୋକ କିମ୍ବା ଦାନ୍ତରେ କ୍ଷୟ ହେବା। ଏହା ସହିତ ଜୀବାଣୁ ସଂକ୍ରମଣ କିମ୍ବା କ୍ୟାଲସିୟମର ଅଭାବ ମଧ୍ୟ ଯନ୍ତ୍ରଣା ହେବାର କାରଣ ହୋଇପାରେ। ଅନେକ ଥର ଲୋକମାନେ ଏହି ଯନ୍ତ୍ରଣାରୁ ଶୀଘ୍ର ମୁକ୍ତି ପାଇବା ପାଇଁ ଔଷଧ ସେବନ କରନ୍ତି, କିନ୍ତୁ ଯଦି ଆପଣ ଔଷଧ ଖାଇବାକୁ ପସନ୍ଦ କରନ୍ତି ନାହିଁ, ତେବେ ଆପଣ ଆମ ଦ୍ୱାରା ଦିଆଯାଇଥିବା ଟିପ୍ସ ଅନୁସରଣ କରିପାରିବେ। ଆଜି ଆମେ ଆପଣଙ୍କୁ ଏପରି କିଛି ଘରୋଇ ଉପଚାର କହିବୁ, ଯାହା ଆପଣଙ୍କୁ ଦାନ୍ତ…
ନୂଆଦିଲ୍ଲୀ: ଦେଶ ସେବା କରିବା ପ୍ରତ୍ୟେକ ନାଗରିକଙ୍କ ସ୍ୱପ୍ନ ଏବଂ କର୍ତ୍ତବ୍ୟ। ଅନେକ ଯୁବକ ଭାରତୀୟ ସେନାରେ ଯୋଗଦେବା ପାଇଁ ସ୍ୱପ୍ନ ଦେଖିଥାନ୍ତି। ଏଭଳି ପରିସ୍ଥିତିରେ ‘ଟୁର୍ ଅଫ୍ ଡ୍ୟୁଟି’ ଅଧୀନରେ ଭାରତର ଯୁବକମାନଙ୍କୁ ଏହି ସୁଯୋଗ ଦେବାର ପ୍ରକ୍ରିୟା ଚାଲିଛି। ବର୍ତ୍ତମାନ ଭାରତୀୟ ସେନା, ନୌସେନା ଏବଂ ବାୟୁସେନାରେ ସୈନିକ ନିଯୁକ୍ତି ଟୁର୍ ଅଫ୍ ଡ୍ୟୁଟି ଅଧୀନରେ କରାଯିବ। ଏଥିରେ ଏକ ବ୍ୟବସ୍ଥା କରାଯାଇଛି ଯେ, ଟୁର୍ ଅଫ୍ ଡ୍ୟୁଟି ଅଧୀନରେ ଯୁବକମାନେ 4୪ ବର୍ଷ ପାଇଁ ସେନାରେ ନିଯୁକ୍ତି ହେବେ। ଅବଶ୍ୟ, ଟୁର୍ ଅଫ୍ ଡ୍ୟୁଟି ଅର୍ଥାତ୍ ଅଗ୍ନିପଥ ସ୍କିମ୍ ଅଧୀନରେ ତିନିଟି ସେବା – ସେନା, ନୌସେନା ଏବଂ ବାୟୁସେନାରେ ନିଯୁକ୍ତିର ନୂତନ ବ୍ୟବସ୍ଥାରେ କିଛି ପରିବର୍ତ୍ତନ ପ୍ରସ୍ତାବ ଦିଆଯାଇଛି। ‘ଟୁର୍ ଅଫ୍ ଡ୍ୟୁଟି’ ଅଧୀନରେ ନିଯୁକ୍ତ ଯବାନମାନଙ୍କ ମଧ୍ୟରୁ ୧୦୦ ପ୍ରତିଶତ ଚାରି ବର୍ଷ ପରେ ସେବାରୁ ମୁକ୍ତ ହେବେ ଏବଂ ତା’ପରେ ସେମାନଙ୍କ ମଧ୍ୟରୁ…
ନୂଆଦିଲ୍ଲୀ: ରାଜ୍ୟସଭା ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ପକ୍ଷରୁ ପ୍ରସ୍ତୁତ ଆରମ୍ଭ ହୋଇସାରିଛି। ୧୫ ଟି ରାଜ୍ୟରେ ୫୭ ଟି ଆସନରେ ନିର୍ବାଚନ ହେବାକୁ ଯାଉଛି। ୧୫ ଟି ରାଜ୍ୟରେ ୫୭ ଟି ରାଜ୍ୟସଭା ଆସନ ପାଇଁ ଜୁନ୍ ୧୦ ତାରିଖରେ ମତଦାନ ଅନୁଷ୍ଠିତ ହେବ। ବିଜେପି, କଂଗ୍ରେସ ସମେତ ଅନେକ ଆଞ୍ଚଳିକ ଦଳ ରାଜ୍ୟସଭା ନିର୍ବାଚନରେ ଜିତିବା ପାଇଁ ରଣନୀତି ପ୍ରସ୍ତୁତ କରୁଛନ୍ତି। ନାମାଙ୍କନପତ୍ର ଦାଖଲ କରିବାର ସମୟ ମେ ୩୧ ତାରିଖ ପର୍ଯ୍ୟନ୍ତ ରହିଛି। ଜୁନ୍ ୧ ତାରିଖରେ ନାମାଙ୍କନ ପତ୍ରଗୁଡ଼ିକର ଯାଞ୍ଚ କରାଯିବ। ତେଣୁ ପ୍ରାର୍ଥୀମାନେ ଜୁନ୍ ୩ ତାରିଖ ପର୍ଯ୍ୟନ୍ତ ସେମାନଙ୍କ ନାମ ପ୍ରତ୍ୟାହାର କରିପାରିବେ। ରାଜ୍ୟସଭା ନିର୍ବାଚନ ୨୦୨୨ ପାଇଁ ଭୋଟ୍ ଜୁନ୍ ୧୦ ତାରିଖ ସକାଳ ୯ ଟାରୁ ୪ ଟା ପର୍ଯ୍ୟନ୍ତ ହେବ। ସେହି ଦିନ ଅପରାହ୍ନ ୫ ଟାରୁ ଭୋଟ୍ ଗଣନା ଆରମ୍ଭ ହେବ। ମେ ୨୪ ତାରିଖରେ…
ସ୍ୱାସ୍ଥ୍ୟ ଟିପ୍ସ: ଆମ ଶରୀର ପାଇଁ କ୍ୟାଲସିୟମ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ହାଡ, ସ୍ନାୟୁ, ରକ୍ତ, ମାଂସପେଶୀକୁ ଶକ୍ତିଶାଳୀ କରିବା ଏବଂ ହୃଦୟର ଦୁର୍ବଳତାକୁ ଦୂର କରିବା ପାଇଁ କ୍ୟାଲସିୟମ ଆବଶ୍ୟକ। ଆମର ହାଡ ଏବଂ ଦାନ୍ତରେ ଆମ ଶରୀରରେ ୯୯% କ୍ୟାଲସିୟମ ଥାଏ। ୧ ପ୍ରତିଶତ କ୍ୟାଲସିୟମ ରକ୍ତ ଏବଂ ମାଂସପେଶୀରେ ଥାଏ। ଏପରି ପରିସ୍ଥିତିରେ, ସୁସ୍ଥ ରହିବାକୁ, ଆପଣଙ୍କୁ କ୍ୟାଲସିୟମ୍ ଭରପୂର ଏକ ଖାଦ୍ୟ ଅନ୍ତର୍ଭୁକ୍ତ କରିବା ଉଚିତ୍। ଏଗୁଡ଼ିକ ହେଉଛି କ୍ୟାଲସିୟମ ଅଭାବର ଲକ୍ଷଣ ଏବଂ କ୍ୟାଲସିୟମରେ ଭରପୂର ଖାଦ୍ୟ। ପ୍ରତିଦିନ କେତେ କ୍ୟାଲସିୟମ ଆବଶ୍ୟକ ହୁଏ?: ୧- ପିଲାମାନଙ୍କ ପାଇଁ ଦୈନିକ- ୫୦୦-୭୦୦ ମିଗ୍ରା କ୍ୟାଲସିୟମ୍ ୨- ଯୁବକମାନଙ୍କ ପାଇଁ ଦୈନିକ ୭୦୦-୧୦୦୦ ମିଗ୍ରା କ୍ୟାଲସିୟମ୍। ୩- ଗର୍ଭବତୀ ମହିଳାଙ୍କ ପାଇଁ ଦୈନିକ ୧୦୦୦ ରୁ ୧୨୦୦ ମିଗ୍ରା କ୍ୟାଲସିୟମ୍ ୪- ଶିଶୁକୁ ଖାଇବାକୁ ଦେଉଥିବା ମହିଳାମାନଙ୍କ ପାଇଁ ପ୍ରତିଦିନ ପ୍ରାୟ ୨,୦୦୦ ମିଗ୍ରା କ୍ୟାଲସିୟମ୍। କ୍ୟାଲସିୟମ ଅଭାବର…
ନୂଆଦିଲ୍ଲୀ: ଆଇପିଏଲ ୨୦୨୨ରେ ପର୍ପଲ କ୍ୟାପ୍ ରେସ୍ ବହୁତ ଆକର୍ଷଣୀୟ ହୋଇପାରିଛି। ଏହି ଦୌଡକୁ ରାଜସ୍ଥାନ ରୟାଲ୍ସ ସ୍ପିନର ୟୁଜଭେନ୍ଦ୍ର ଚହଲ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ୱାନିନ୍ଦୁ ହାସରାଙ୍ଗା ମଧ୍ୟରେ ଅଛି। ଏହି ସଂସ୍କରଣରେ ଉଭୟ ସ୍ପିନରଙ୍କ ଖାତାରେ ୨୬-୨୬ ୱିକେଟ୍ ଅଛି। ବର୍ତ୍ତମାନ ଏହି ସଂସ୍କରଣରେ ଆରସିବିର ଯାତ୍ରା ଶେଷ ହୋଇସାରିଥିବାରୁ ଚହଲ ଫାଇନାଲ ମ୍ୟାଚରେ ୱିକେଟ୍ ନେଇ ପର୍ପଲ କ୍ୟାପ୍ ଜିତିବାର ସୁଯୋଗ ପାଇପାରନ୍ତି। ଯଦି ସେ ଏହି ମ୍ୟାଚରେ ୱିକେଟ୍ ନେବାକୁ ଅସମର୍ଥ ହେବେ, ତେବେ ଭଲ ବୋଲିଂ ରେଟ ଆଧାରରେ ପର୍ପଲ କ୍ୟାପ୍ ୱାନିନ୍ଦୁ ହାସାରଙ୍ଗାଙ୍କ ପାଖକୁ ଚାଲିଯିବ। ଏହି ସଂସ୍କରଣରେ ସର୍ବାଧିକ ୱିକେଟ୍ ନେଇଥିବା ଶ୍ରେଷ୍ଠ ୫ ଟି ବୋଲର: ୧- ୱାନିନ୍ଦୁ ହାସରାଙ୍ଗା- ୧୬ ଟି ମ୍ୟାଚ, ୨୬ ଟି ୱିକେଟ ୨- ୟୁଜଭେନ୍ଦ୍ର ଚହଲ- ୧୬ ଟି ମ୍ୟାଚ, ୨୬ ଟି ୱିକେଟ ୩- କାଗିସୋ ରାବାଡା- ୧୩ ଟି…
ନୂଆଦିଲ୍ଲୀ: ଭାରତୀୟ ଜନତା ପାର୍ଟିର ସାଂସଦ ବରୁଣ ଗାନ୍ଧୀ ପୁଣି ଥରେ ନିଜ ସରକାରକୁ ଟାର୍ଗେଟ କରିଛନ୍ତି। ଏଥର ବରୁଣ ଗାନ୍ଧୀ ବେକାରି ପ୍ରସଙ୍ଗରେ ତାଙ୍କ ସରକାର ଉପରେ ପ୍ରଶ୍ନ ଉଠାଇଛନ୍ତି। ଦେଶରେ ମୁଦ୍ରାସ୍ଫୀତି ପରେ ବେକାରୀ ସମସ୍ୟା ହେଉଛି ସବୁଠାରୁ ବଡ ପ୍ରସଙ୍ଗ। ଏହା ଉପରେ ବରୁଣ ଗାନ୍ଧୀ ନିଜ ସରକାରକୁ ଟାର୍ଗେଟ କରିଛନ୍ତି। ବେରୋଜଗାରୀ ପ୍ରସଙ୍ଗରେ ସରକାର ଉପରେ ବିରୋଧୀ ଆକ୍ରମଣ କରୁଥିବା ବେଳେ ଏବେ ବିଜେପି ସାଂସଦ ମଧ୍ୟ ବେରୋଜଗାରୀ ବିଷୟରେ ନିଜ ସରକାରକୁ ପ୍ରଶ୍ନ କରିଛନ୍ତି। ସେନା, ପୋଲିସ, ସ୍ୱାସ୍ଥ୍ୟ ଇତ୍ୟାଦି ବିଭିନ୍ନ ବିଭାଗରେ ଖାଲି ପଡ଼ିଥିବା ପଦବୀ ସମ୍ପର୍କରେ ବିଜେପି ସାଂସଦ ବରୁଣ ଗାନ୍ଧୀ ଟୁଇଟ୍ କରିଛନ୍ତି। ସେ କହିଛନ୍ତି ଯେ, “ଯେତେବେଳେ ବେକାରି ୩ ଦଶନ୍ଧିର ସର୍ବୋଚ୍ଚ ସ୍ତରରେ ଅଛି, ସେତେବେଳେ ଏହି ସଂଖ୍ୟା ଆଶ୍ଚର୍ଯ୍ୟଜନକ ଅଟେ। ନିଯୁକ୍ତି ଅଭାବରୁ କୋଟି କୋଟି ଯୁବକ ହତାସ ଓ ନିରାଶ ହୋଇଥିବାବେଳେ ଦେଶରେ ୬୦…