Author: Samikhsya Bureau

ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନମଣ୍ଡଳୀରେ ବିଜେଡିର ଗୋଷ୍ଠୀ କନ୍ଦଳ ବର୍ତ୍ତମାନ ଦାଣ୍ଡରେ ପଡ଼ି ହାଟରେ ଗଡୁଛି। ଗତକାଲି ପୂର୍ବତନ ଚିଲିକା ବିଜେଡି ବିଧାୟକ ରଘୁନାଥ ସାହୁ କୌଣସି କାର୍ଯ୍ୟରେ ଗୋବିନ୍ଦପୁର ଗ୍ରାମକୁ ଯାଇଥିବା ବେଳେ ତାଙ୍କୁ ଯେଉଁ ପ୍ରକାର ଦଳୀୟ କର୍ମୀ ବିରୋଧ କଲେ ତାହାକୁ ନେଇ ଜନସାଧାରଣମାନେ ଭିନ୍ନ ଭିନ୍ନ ମତ ଦେଉଛନ୍ତି। କିନ୍ତୁ ଏଥିରେ ମର୍ମାହତ ହୋଇ ଗତକାଲି ରାତିରେ ରଘୁନାଥ ସାହୁ ଏକ ପ୍ରେସ ମିଟ ଯୋଗେ ଚିଲିକା ନିର୍ବାଚନମଣ୍ଡଳୀର ସମସ୍ତ ଭୋଟର ମାନଙ୍କୁ ହାତ ଯୋଡି କ୍ଷମାପ୍ରାର୍ଥନା କରିଥିବାର ଦେଖିବାକୁ ମିଳିଛି। ଶ୍ରୀ ସାହୁ କହିଛନ୍ତି ଯେ ସେ ୨୦୧୯ ବିଧାନସଭା ନିର୍ବାଚନରେ ବିଧାୟକ ପ୍ରଶାନ୍ତ ଜଗଦ୍ଦେବଙ୍କ ସପକ୍ଷରେ ଭୋଟରମାନଙ୍କୁ ଭୋଟ ଭିକ୍ଷା କରିଥିଲେ। ଏବଂ ତାହାକୁ ସମ୍ମାନ ଜଣାଇ ଭୋଟରମାନେ ଶ୍ରୀ ଜଗଦ୍ଦେବଙ୍କୁ ବିଜୟୀ ମଧ୍ୟ କରାଇଥିଲେ। ତେବେ ବର୍ତ୍ତମାନ ଦୀର୍ଘ ୩ ବର୍ଷ ହେଲା ଚିଲିକା ନିର୍ବାଚନମଣ୍ଡଳୀ ଅଶାନ୍ତ…

ନୂଆଦିଲ୍ଲୀ: ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ତୃତୀୟ ମ୍ୟାଚ୍ ଆଜି ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଖେଳାଯିବ। ପ୍ରଥମ ଦୁଇଟି ମ୍ୟାଚରେ ଭାରତ ସହଜ ବିଜୟ ପଞ୍ଜିକରଣ କରିଥିଲା। ବର୍ତ୍ତମାନ ଭାରତର ଆଖି ଏକ ‘କ୍ଳିନ ସୁଇପ୍’ ଉପରେ ରହିବ। ଦିନିକିଆ ସିରିଜ ଆରମ୍ଭ ହେବା ପୂର୍ବରୁ ଓପନର୍ ଧୱନଙ୍କ ସମେତ ଚାରିଜଣ ଖେଳାଳି କରୋନା ପଜିଟିଭ୍ ଥିବା ଜଣାପଡିଥିଲା। ବର୍ତ୍ତମାନ ଧାୱନ ଫେରିବା ପରେ ଭାରତୀୟ ଦଳ ଆହୁରି ମଜବୁତ ହୋଇପାରିବ। ତାଙ୍କ ଅନୁପସ୍ଥିତିରେ ଇଶାନ କିଶନ ପ୍ରଥମ ମ୍ୟାଚରେ ଇନିଂସ ଏବଂ ଦ୍ୱିତୀୟରେ ଋଷଭ ପନ୍ତ ଇନିଂସ ଆରମ୍ଭ ଖୋଲିଥିଲେ। ଧାୱନଙ୍କ ପ୍ରତ୍ୟାବର୍ତ୍ତନ ସହିତ ଉପ-ଅଧିନାୟକ କେ.ଏଲ୍ ରାହୁଲ ପୁନର୍ବାର ବିରାଟ କୋହଲିଙ୍କ ପରେ ବ୍ୟାଟିଂ କରିବେ। ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ତୃତୀୟ ଦିନିକିଆ ମ୍ୟାଚ୍ କେବେ ଆରମ୍ଭ ହେବ?: ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ତୃତୀୟ ଦିନିକିଆ ମ୍ୟାଚ୍…

ଭୁବନେଶ୍ୱର: କଞ୍ଚାଲଙ୍କା କ୍ଷୁଦ୍ର ଚଳଚ୍ଚିତ୍ରରେ ପ୍ରଥମ ଥର ପାଇଁ ଅଭିନୟ କରୁଛନ୍ତି ଅଭିନେତ୍ରୀ ଲଭଲି ଓ ବବଲୀ। ଭଲେଣ୍ଟାଇନ ଡେ’ ରେ ସ୍କ୍ରିନିଂ ହେବ ଟ୍ରୁଲି ୟୁଅର୍ସ। ପ୍ରେମ ଭିତ୍ତିକ ଏହି ଚଳଚ୍ଚିତ୍ରଟି ଯୁବ ବର୍ଗଙ୍କୁ ବେଶ ଆକର୍ଷଣ କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ସୂଚନା ଦିଆଯାଇଛି। ଏଥିରେ ଲଭଲି, ବବଲୀ ସହ ଅଭିନେତା ଅଙ୍କିତ, ସନ୍ଦିପ୍ ଅଭିନୟ କରୁଛନ୍ତି।  ଚଳଚ୍ଚିତ୍ରର ନିର୍ଦ୍ଦେଶନା ଦେଉଛନ୍ତି ରମେଶ ରାଉତ। ଏହା ପରେ ପ୍ରତି ମାସରେ କଞ୍ଚାଲଙ୍କାରେ କ୍ଷୁଦ୍ର ଚଳଚ୍ଚିତ୍ର ଷ୍ଟ୍ରିମିଙ୍ଗ ହେବ ବୋଲି ଏହାର ମୁଖ୍ୟ ବିଭୁ ରଥ ସୂଚନା ଦେଇଛନ୍ତି। କଞ୍ଚାଲଙ୍କା ଓଟିଟି ପ୍ଲାଟଫର୍ମ ରେ ଆଗରୁ ଅଭିନେତା ପପୁ ପମପମ ଓ ଅଭିନେତ୍ରୀ ଅଙ୍କିତାଙ୍କ “ହ୍ୟାଲୋ ରାବଣ”, ଅଭିନେତା ରାଜେଶ ଓ ଅଭିନେତ୍ରୀ ରିୟାଙ୍କ “ହଉ ହଉ‌ ହେଇଗଲାରେ”, ଅଭିନେତା ଲୋହିତାକ୍ଷ ଓ ଅଭିନେତ୍ରୀ ସୈମ୍ୟାଙ୍କ ଟୁ “ଚକଲେଟ୍”, ଅଭିନେତ୍ରୀ ଶ୍ରଦ୍ଧାଙ୍କ “ବ୍ରେକ ଅପ୍ ରୁଲସ୍” ଭଳି ଚଳଚ୍ଚିତ୍ର…

ଚାଣକ୍ୟ ନୀତି: ଆଚାର୍ଯ୍ୟ ଚାଣକ୍ୟ ତାଙ୍କ ଚାଣକ୍ୟ ନୀତିରେ କେଉଁ ଲୋକଙ୍କୁ କେବେ ବି ବିଶ୍ବାସ କରିବ ନାହିଁ ତାହାର ଉଲ୍ଲେଖ କରିଛନ୍ତି। ଚାଣକ୍ୟ ନୀତି ଅନୁସାରେ ଯେଉଁମାନେ ସାକ୍ଷାତରେ ସବୁବେଳେ ମିଠା କଥା କହନ୍ତି ସେମାନଙ୍କୁ ବର୍ଜନ କରନ୍ତୁ। କାରଣ ମିଠା କଥା କହି ଆପଣଙ୍କ ବିଶ୍ବାସକୁ ସେମାନେ ହରଣ କରନ୍ତି। ଆଉ ଠିକ୍ ସମୟରେ ପଛରୁ ଛୁରାଘାତ କରିଥାନ୍ତି। ଏହି ଶ୍ରେଣୀର ଲୋକେ ଆପଣଙ୍କୁ ବିଶ୍ବାସ ଜନ୍ମମାଇ ଆପଣଙ୍କର ଗୁପ୍ତ କଥା ହାତେଇ ନିଅନ୍ତି। ପରବର୍ତ୍ତି ସମୟରେ ଆପଣଙ୍କୁ ସମସ୍ୟାରେ ପକାନ୍ତି। ସେଥିପାଇଁ ମିଷ୍ଟଭାଷୀ ଲୋକଙ୍କଠାରୁ ସବୁବେଳେ ଦୂରେଇ ରହନ୍ତୁ। କଦାପି ସେମାନଙ୍କୁ ବିଶ୍ବାସକୁ ନିଅନ୍ତୁ ନାହିଁ। ହଁ ଆପଣ ତାଙ୍କ ସହିତ ସଂପର୍କ ରଖିପାରନ୍ତି, ହେଲେ ଗଭୀର ସଂପର୍କ ରଖନ୍ତୁ ନାହିଁ। ଏମାନେ ହେଉଛନ୍ତି ପୂର୍ଣ୍ଣ ବିଷ ମାଠିଆ ଉପରେ ଥିବା କିଛି ଅମୃତ ସଦୃଶ୍ୟ।

ମେଷ: ଆଜି ଆପଣ ମାନସିକ ଚିନ୍ତା ଅନୁଭବ କରିବ। ଆପଣଙ୍କ ମନ ଅଧିକ ସମ୍ବେଦନଶୀଳତା ଏବଂ ଅନୁଭବ ସହିତ ଆର୍ଦ୍ରତା ଅନୁଭବ କରିବେ। ଆଜି, କାହା ସହିତ କୈଣସି ବିତର୍କ କରନ୍ତୁ ନାହିଁ। ସମ୍ପର୍କୀୟ ଏବଂ ପ୍ରିୟଜନଙ୍କ ସହିତ ମନୋବଳ ଦୃଢ ରହିବ। ଅସମ୍ମାନିତ ନହେବା ପାଇଁ ଧ୍ୟାନ ଦିଅନ୍ତୁ। ନୂତନ କାର୍ଯ୍ୟ ଆରମ୍ଭରେ ବିଫଳତା ମିଳିବ। ପତିପତ୍ନୀଙ୍କ ସ୍ୱାସ୍ଥ୍ୟ ବିଷୟରେ ଚିନ୍ତା ହେବ। ମହିଳା ବନ୍ଧୁମାନେ କ୍ଷତି ଘଟାଇ ପାରନ୍ତି। ବୃଷ: ପ୍ରାରମ୍ଭରେ, ଅର୍ଥନୈତିକ ଘଟଣା କିଛି ବାଧା ସହିତ ସମ୍ପୂର୍ଣ୍ଣ ଦେଖାଯିବ। ଆପଣ ବନ୍ଧୁ ଏବଂ ଶୁଭେଚ୍ଛୁମାନଙ୍କୁ ଭେଟିବାକୁ ଉପଭୋଗ କରିବେ। ବ୍ୟବସାୟ କ୍ଷେତ୍ରରେ ଏକ ସହଯୋଗୀ ପରିବେଶ ରହିବ। ଶାରୀରିକ ଏବଂ ମାନସିକ ସ୍ୱାସ୍ଥ୍ୟ ଭଲ ହେବ । ଯେଉଁମାନେ ପୁଞ୍ଜି ବିନିଯୋଗ କରୁଛନ୍ତି ସେମାନେ ଯତ୍ନର ସହ ପୁଞ୍ଜି ବିନିଯୋଗ କରିବା ଉଚିତ୍। ନୂତନ କାର୍ଯ୍ୟ ଆରମ୍ଭ କରିବାକୁ ସକ୍ଷମ ହେବେ। ମିଥୁନ: ଆଜି ଆପଣଙ୍କର…

ସୀତାରାମ ଅଗ୍ରୱାଲ ବାଣପୁର: ଜଣେ ଯୁବକଙ୍କୁ ମାରଣାସ୍ତ୍ରରେ ସଂଘବଧ ଭାବେ ଆକ୍ରମଣ କରିବା ଦ୍ୱାରା ଯୁବକ ଜଣକ ଗୁରୁତର ଆହତ ହୋଇ କଟକ ବଡ଼ ମେଡିକାଲରେ ଚିକିତ୍ସିତ ହେଉଛନ୍ତି। ଏପରି ଏକ ଅଭିଯୋଗ ଖୋର୍ଦ୍ଧା ଜିଲ୍ଲା ବାଣପୁର ଥାନାରେ ହୋଇଛି। ଅଭିଯୋଗ କରିଛନ୍ତି ସାନସିରେଇପୁର ଗ୍ରାମର ଅଭିମନ୍ୟୁ ଜେନା। ଅଭିମନ୍ୟୁଙ୍କ ଅଭିଯୋଗ ମୁତାବକ ତାଙ୍କ ପୁତ୍ର ତପନ ଜେନା (୩୫) ପ୍ରତିଦିନ ପରି ଆଜି ମା’ ମେଘାମ୍ବରୀ ମନ୍ଦିର ନିକଟରେ ଥିବା ଏକ ଗ୍ୟାରେଜକୁ କାମ କରିବାକୁ ଯାଇଥିଲେ। ହେଲେ କାମ କରିବା ସମୟରେ ସିଲୁ ପ୍ରଧାନ ନାମକ ଯୁବକ ଏବଂ ଅନ୍ୟମାନେ ତପନଙ୍କୁ ମାରଣାସ୍ତ୍ର ସହ ବନ୍ଧୁକ ଦେଖାଇ ଭୟଭୀତ କରିବା ସହ ଜୀବନରୁ ମାରିଦେବାକୁ ଧମକ ଦେଇଥିଲେ। ପରବର୍ତ୍ତୀ ସମୟରେ ତପନଙ୍କ ମସ୍ତିଷ୍କକୁ ପଛପଟୁ ସିଲୁ ଏକ ହାତୁଡି ଦ୍ୱାରା ଶକ୍ତ ପ୍ରହାର କରିଥିଲେ। ସଙ୍ଗେସଙ୍ଗେ ତପନ ସଂଜ୍ଞାହୀନ ହୋଇ ତଳେ ପଡିଯାଇଥିଲେ। ଗ୍ୟାରେଜ କର୍ମଚାରୀମାନେ ତପନଙ୍କ ପରିବାରବର୍ଗକୁ…

ଜୟପୁର: ରାଜସ୍ଥାନ ବିଧାନସଭାରେ ଆଜି ମୁଖ୍ୟ ବିରୋଧୀ ବିଜେପି ସ୍ଲୋଗାନ ଦେଇ ହଙ୍ଗମା ସୃଷ୍ଟି କରିଛି। ଯେଉଁଥିରେ ରାଜ୍ୟ ଶିକ୍ଷକ ଯୋଗ୍ୟତା ପରୀକ୍ଷା (REET) ୨୦୨୧ ରେ ହୋଇଥିବା ଅନିୟମିତତା ଘଟଣାର ସିବିଆଇ ଯାଞ୍ଚ କରିବାକୁ ବିଜେପି ଦାବି କରିଛି। ହଙ୍ଗମା ଯୋଗୁଁ ଗୃହକୁ ବାଚସ୍ପତି ୪ ଥର ମୁଲତବୀ କରିଛନ୍ତି। ଏବଂ ଚାରିଜଣ ବିଜେପି ବିଧାୟକଙ୍କୁ ଅଧିବେଶନର ଅବଶିଷ୍ଟ ସମୟ ପାଇଁ ନିଲମ୍ବିତ କରାଯାଇଛି। ବିଜେପି ବିଧାୟକମାନେ ଗୃହ ଆରମ୍ଭରୁ ରାଜ୍ୟ ଶିକ୍ଷକ ଯୋଗ୍ୟତା ପରୀକ୍ଷାର ଅନିୟମିତତାକୁ ନେଇ ବିଭିନ୍ନ ସ୍ଲୋଗାନ ଏବଂ ହଙ୍ଗମା କରିଥିଲା। ଏହି କାରଣରୁ ଗୃହ କାର୍ଯ୍ୟକୁ ଚାରିଥର ମୁଲତବୀ କରିବାକୁ ପଡିଥିଲା। ଯେତେବେଳେ ଗୃହ କାର୍ଯ୍ୟ ଆରମ୍ଭ ହେଲା, ସେତେବେଳେ ସଂସଦୀୟ ବ୍ୟାପାର ମନ୍ତ୍ରୀ ଶାନ୍ତି ଧାରିୱାଲ ବିଜେପିର ୪ ଜଣ ବିଧାୟକଙ୍କୁ ନିଲମ୍ବିତ କରିବା ପାଇଁ ପ୍ରସ୍ତାବ ରଖିଥିଲେ। ସିପିଆଇ (ଏମ) ବିଧାୟକ ବଲୱାନ ପୁନିଆଙ୍କ ଅଭିଭାଷଣକୁ ବାଧା ଦେଇଥିବା ଯୋଗୁଁ ବିଜେପି…

ଭୁବନେଶ୍ଵର: ପ୍ରଥମରୁ ସପ୍ତମ ଶ୍ରେଣୀ ଖୋଲିବାକୁ ନେଇ ଏକ ବଡ ଖବର ଆସିଛି। ବର୍ତ୍ତମାନ ଏହି ଶ୍ରେଣୀର ପିଲାଙ୍କ ପାଇଁ ସ୍କୁଲ ଖୋଲିବା ନିଷ୍ପତ୍ତିରେ ପରିବର୍ତ୍ତନ ହୋଇଛି। ପ୍ରାଥମିକ ସ୍କୁଲର ପିଲାମାନେ ଏବେ ୧୪ ତାରିଖ ବଦଳରେ ୨୮ ତାରିଖରେ ସ୍କୁଲ ଗୃହରେ ପାଠ ପଢିବେ। କିନ୍ତୁ ୧୪ ତାରିଖରୁ ସମସ୍ତ କର୍ମଚାରୀମାନେ ସ୍କୁଲକୁ ଯିବା ପାଇଁ କୁହାଯାଇଛି।

ଭୁବନେଶ୍ୱର: ଜାତୀୟ ସମ୍ବାଦ ସରବରାହ ସଂସ୍ଥା ଏ.ଏନ୍‌.ଆଇ.କୁ ପ୍ରଧାନମନ୍ତ୍ରୀଙ୍କ ସାକ୍ଷାତକାରର ଗୋଟିଏ ଦିନ ପରେ ଆହ୍ଲାବାଦ ହାଇକୋର୍ଟର ଲକ୍ଷ୍ନୌ ବେଞ୍ଚ ଲକ୍ଷ୍ମୀପୁର ଖେିରି କୃଷକମାନଙ୍କ ବିକ୍ଷୋଭରେ ଅକ୍ଟୋବର ୩ ତାରିଖ ଦିନ ନିଜର ଜିପ୍ ଚଢାଇ ତିନିଜଣ କୃଷକ ଏବଂ ଜଣେ ସାମ୍ବାଦିକଙ୍କୁ ହତ୍ୟା କରିଥିବା କେନ୍ଦ୍ର ସ୍ୱରାଷ୍ଟ୍ର ବିଭାଗ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ରଙ୍କୁ ଆଜି ଜମାନତ ମିଳିବା ବିଜେପିର ଦୋମୁହାଁ ନୀତିର ପ୍ରତିଫଳନ ବୋଲି ସମାଜବାଦୀ ପାର୍ଟି ରାଜ୍ୟ ସଭାପତି ରବି ବେହେରା ଅଭିଯୋଗ କରିଛନ୍ତି। ଆଜି ଏକ ପ୍ରେସ୍ ବିଜ୍ଞପ୍ତିରେ ଶ୍ରୀ ବେହେରା କହିଛନ୍ତି ଯେ, ଅନ୍ୟ ରାଜନୈତିକ ଦଳମାନଙ୍କୁ ଗୁଣ୍ଡା ଓ ଅପରାଧିକ ଦଳ ବୋଲି ଅଭିହିତ କରୁଥିବା ଏବଂ ଅପରାଧର ଆଶ୍ରୟସ୍ଥଳ ବୋଲି କହୁଥିବା ବିଜେପି ଦଳର ଶୀର୍ଷ ନେତୃତ୍ୱ ଅପରାଧ ଓ ଅପରାଧିଙ୍କ ପ୍ରତି କେତେ ଦରଦୀ ଏବଂ କୃଷକମାନଙ୍କ ସ୍ୱାର୍ଥ ଓ ସୁରକ୍ଷା ପ୍ରତି କେତେ ଯତ୍ନବାନ ତାହା…

ନୂଆଦିଲ୍ଲୀ: କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଗୁରୁବାର ଦିନ କହିଛି ଯେ ଗତ ଏକ ସପ୍ତାହ ମଧ୍ୟରେ ବିଶ୍ୱରେ ପ୍ରତିଦିନ ହାରାହାରି 26,49,005 ଜଣ କରୋନାରେ ସଂକ୍ରମିତ ହେଉଛନ୍ତି। ଏହା ସହିତ ମାମଲା ମଧ୍ୟ ହ୍ରାସ ପାଉଛି ବୋଲି ମନ୍ତ୍ରଣାଳୟ କହିଛି। ଜାନୁଆରୀ 26 ତାରିଖରୁ ଫେବୃଆରୀ 1 ତାରିଖ ମଧ୍ୟରେ, ପ୍ରତିଦିନ 31,44,622 ମାମଲା ଆସୁଥିଲା। ବର୍ତ୍ତମାନ ସେଗୁଡ଼ିକ ହ୍ରାସ ପାଉଛି। ଯୁଗ୍ମ ସ୍ୱାସ୍ଥ୍ୟ ସଚିବ ଲଭ ଅଗ୍ରୱାଲ କହିଛନ୍ତି ଯେ, 140 ଦେଶରେ ମାମଲା କ୍ରମାଗତ ଭାବେ ହ୍ରାସ ପାଉଛି ଏବଂ 10 ଟି ଦେଶରୁ 40% ମାମଲା ଆସୁଛି। ଆମେରିକା, ଫ୍ରାନ୍ସ, ଇଟାଲୀ ଏବଂ ସ୍ପେନରେ ମାମଲା କ୍ରମାଗତ ଭାବେ ହ୍ରାସ ପାଉଛି ବୋଲି ଲଭ ଅଗ୍ରୱାଲ କହିଛନ୍ତି। ଭାରତ ବିଷୟରେ ସେ କହିଥିଲେ ଯେ, ଭାରତରେ 7,90,789 ସକ୍ରିୟ ମାମଲା ଅଛି। ଗତ ସପ୍ତାହରେ, ପ୍ରତିଦିନ ହାରାହାରି 96,392 ମାମଲା ରିପୋର୍ଟ କରାଯାଉଥିଲା। ଅଗ୍ରୱାଲ କହିଛନ୍ତି ଯେ,…

ଭୁବନେଶ୍ୱର: ଓଡ଼ିଶାର ସମସ୍ତ ଗୋ-ବିକାଶ କେନ୍ଦ୍ରର ଅଧିକାରୀମାନେ ଆତ୍ମନିଯୁକ୍ତି ପାଇବା ପାଇଁ ଓୟୁଏଟିସ୍ଥିତ ଓଡ଼ିଶା ପାଣି ସମ୍ପଦ ବିକାଶ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରି ଧାରଣା ଦେଇଥିଲେ। ଓଡ଼ିଶାରେ ଥିବା ୩୦୦ ଗୋ-ବିକାଶ କେନ୍ଦ୍ର ଅଧିକାରୀମାନେ ପୂର୍ବରୁ ଭାରତୀୟ ଆଗ୍ରୋ ଇଣ୍ଡଷ୍ଟ୍ରିଜ ଫାଉଣ୍ଡେସନ ଅଧୀନରେ କାର୍ଯ୍ୟ କରୁଥିଲେ। ଏହି ଫାଉଣ୍ଡେସନର କର୍ମଚାରୀଙ୍କ ପ୍ରତି ମନୋମୁଖୀ ବ୍ୟବହାର ଏବଂ କମ୍ ଦରମା ଯୋଗୁଁ ଗୋ-ବିକାଶ କେନ୍ଦ୍ରର ଅଧିକାରୀମାନେ କମ୍ ଦରମାରେ ଆଉ ସେଠାରେ କାର୍ଯ୍ୟ କରିବେ ନାହିଁ ବୋଲି ସରକାରଙ୍କୁ ଜଣାଇଥିଲେ। ସେହି ସମୟରେ ମଧ୍ୟ ଓଡ଼ିଶା ସରକାରଙ୍କ ତରଫରୁ ବେସରକାରୀ ଭାବେ କୃତିମ ପ୍ରଜନନକାରୀ ଓ ଜାତୀୟ ପଶୁ ରୋଗ ପ୍ରତିଷେଧ ଟୀକା କାର୍ଯ୍ୟକ୍ରମରେ ଆତ୍ମ ନିଯୁକ୍ତି ପାଇଁ ଚିଠି ପ୍ରକାଶ କରିଥିଲେ। ଗୋବିକାଶ କେନ୍ଦ୍ରର ଅଧିକାରୀମାନେ ଓଡ଼ିଶା ପଶୁ ସମ୍ପଦ ବିକାଶ ସମିତିର ଅଧିକାରୀଙ୍କୁ ୨୨.୯.୨୦୨୧ରେ ପତ୍ର ସଂଖ୍ୟା ୧୭୪୫/୧୬ ଆଧାରରେ ଆତ୍ମ ନିଯୁକ୍ତି…

ଲକ୍ଷ୍ମୀପୁର ଖେରୀ: ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀ ଜିଲ୍ଲାରେ ଅକ୍ଟୋବର ୩ ତାରିଖରେ ଘଟିଥିବା ତିକୁନିୟା ହିଂସା ମାମଲାରେ ମୁଖ୍ୟ ଅଭିଯୁକ୍ତ ଅଜୟ ମିଶ୍ର ଟେନିଙ୍କ ପୁଅ ଆଶିଷ ମିଶ୍ରଙ୍କୁ ଜାମିନ ମିଳିଛି। କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କ ପୁଅ ଆଶିଷ ହାଇକୋର୍ଟର ଲକ୍ଷ୍ନୌ ବେଞ୍ଚରୁ ଜାମିନ ପାଇଛନ୍ତି। ଜଷ୍ଟିସ ରାଜୀବ ସିଂଙ୍କ ଏକକ ବେଞ୍ଚ ଦ୍ୱାରା ଏହି ନିର୍ଦ୍ଦେଶ ଦିଆଯାଇଛି। ଆଶିଷଙ୍କ ଜାମିନ ଆବେଦନ ଶୁଣିବା ପରେ ଜାନୁଆରୀ ୧୮ ତାରିଖ ୨୦୨୨ରେ କୋର୍ଟ ଏହାର ଆଦେଶ ସଂରକ୍ଷଣ କରିଥିଲେ। କିଛି ଦିନ ପୂର୍ବେ, ଟିକୁନିୟା ହିଂସା ସମୟରେ ଚାଷୀଙ୍କ ମୃତ୍ୟୁ ମାମଲାରେ ଏସଆଇଟି ୫ ହଜାର ପୃଷ୍ଠାର ଚାର୍ଜସିଟ ଦାଖଲ କରିଥିଲା। ଯେଉଁଥିରେ ଏସଆଇଟି ୧୪ ଜଣଙ୍କୁ ଦୋଷୀ ସାବ୍ୟସ୍ତ କରି କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କ ପୁଅ ଆଶିଷ ମିଶ୍ରଙ୍କୁ ଏହି ଘଟଣାର ମୁଖ୍ୟ ଅଭିଯୁକ୍ତ କରିଥିଲା। ଚାର୍ଜସିଟ ଅନୁଯାୟୀ, ଏକ ଯୋଜନାବଦ୍ଧ ଷଡଯନ୍ତ୍ରରେ ଆନ୍ଦୋଳନରତ…

ୱାଶିଂଟନ୍: ଆମେରିକାର ନ୍ୟୁ ଜର୍ସିରୁ ଲଣ୍ଡନ ଯାଉଥିବା ବିମାନରେ ଜଣେ ମହିଳା ଯାତ୍ରୀଙ୍କ ସହ ଦୁଷ୍କର୍ମ ଅଭିଯୋଗ ସାମ୍ନାକୁ ଆସିଛି। ତେବେ ଏହି ମାମଲାରେ ଅଭିଯୁକ୍ତ ବ୍ୟକ୍ତିଙ୍କୁ ବ୍ରିଟେନରେ ଗିରଫ କରାଯାଇ ପରେ ଜାମିନ ପ୍ରଦାନ କରାଯାଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ବିମାନର ଅନ୍ୟ ଯାତ୍ରୀମାନେ ଘଟଣା ସମୟରେ ଶୋଇଥିଲେ। ଏହି ଘଟଣା ପରେ ପୀଡିତା ମହିଳା ୟୁନାଇଟେଡ୍ ଏୟାରଲାଇନ୍ସର ବିମାନ କର୍ମଚାରୀଙ୍କୁ ସୂଚନା ଦେଇଥିଲେ। ଏହା ପରେ ବିମାନ କର୍ମଚାରୀମାନେ ବ୍ରିଟିଶ ପୋଲିସକୁ ସୂଚନା ଦେଇଥିଲେ। ଅଭିଯୁକ୍ତ ଏବଂ ପୀଡିତା ବିଜିନେସ କ୍ଳାସରେ ଥିଲେ। ନ୍ୟୁ ଜର୍ସିରୁ ଲଣ୍ଡନକୁ ସିଧାସଳଖ ବିମାନ ଉଡ଼ାଣ ପାଇଁ ପ୍ରାୟ ୭ଘଣ୍ଟା ଲାଗେ। ବ୍ରିଟେନର ହିଥ୍ରୋରେ ବିମାନ ଅବତରଣ କରିବା ପରେ ପୋଲିସ କର୍ମଚାରୀମାନେ ବିମାନରେ ପହଞ୍ଚି ଅଭିଯୁକ୍ତକୁ ଗିରଫ କରିଥିଲେ। ଯଦିଓ ଏହି ମାମଲା ଗତ ସପ୍ତାହରୁ ହୋଇଛି, ପୀଡିତା ଏବଂ ଅଭିଯୁକ୍ତଙ୍କ ବୟସ ୪୦ ବର୍ଷ ବୋଲି କୁହାଯାଉଛି। ଗଣମାଧ୍ୟମ ରିପୋର୍ଟ…

ଫେବୃୟାରୀ: ରିଲାଏନ୍‌ସ ଜୁଏଲ୍‌ସ, ଭାରତର ସବୁଠାରୁ ବିଶ୍ୱସନୀୟ ଜୁଏଲାରୀ ବ୍ରାଣ୍ଡ “ଫ୍ଲୋରେଓ” – ସ୍ୱତନ୍ତ୍ର ଭାଲେଂଟାଇନ୍ ଡେ କଲେକ୍‌ସନ ର ଶୁଭାରମ୍ଭ କରିଛି। ଏହା ପ୍ରେମରେ ବିଶ୍ୱାସ କରୁଥିବା ବ୍ୟକ୍ତିମାନଙ୍କ ପାଇଁ ସ୍ୱତନ୍ତ୍ର ଭାବରେ ପ୍ରସ୍ତୁତ କରାଯାଇଛି। ଭଲ ପାଇବାର ସଂଜ୍ଞା ଧୀରେ ଧୀରେ ଦୃଢ଼ୀଭୂତ ହେଉଛି ଓ ଏହି ଅବସରରେ ରିଲାଏନ୍‌ସ ଜୁଏଲ୍‌ସ ଆକର୍ଷଣୀୟ ଡାଏମଣ୍ଡ ଜୁଏଲାରୀ କଲେକ୍‌ସନର ଆଧୁନିକ ଡିଜାଇନର ଶୁଭାରମ୍ଭ କରିଛି। ଏହି କଲେକ୍‌ସନରେ ଡିଜାଇନ ଗୁଡ଼ିକ ଗଛ ଓ ଫୁଲ ଦ୍ୱାରା ଅନୁପ୍ରେରିତ ଯାହା ଦିନ ପରେ ଦିନ ବୃଦ୍ଧି ହୋଇଥାଏ। ଯେପରି ଏକ ନୂତନ ଭାବରେ ଲଗା ଯାଇଥିବା ବୃକ୍ଷ ସମୟ କ୍ରମେ ଏକ ସୁନ୍ଦର ବୃକ୍ଷ ରେ ରୂପାନ୍ତରିତ ହୋଇଥାଏ ଯେପରି ପ୍ରେମ ମଧ୍ୟ ସମୟ କ୍ରମେ ଆହୁରି ଅଧିକ ମଜୁବତ୍ ହୋଇଥାଏ। ସମସ୍ତ ଭଲ ଜିନିଷ ଗୁଡ଼ିକ ସମୟ କ୍ରମେ ବିକଶିତ ହୋଇଥାନ୍ତି। ଏହି ସୁନ୍ଦର ଡାଏମଣ୍ଡର ପ୍ରତିଟି ପିସକୁ ସ୍ୱତନ୍ତ୍ର…

ଭୁବନେଶ୍ବର: ଭୁବନେଶ୍ଵର ୟୁନିଟ-୧ ପରିବା ହୋଲସେଲ ବଜାରକୁ ସ୍ଥାନାନ୍ତରିତ କରାଯିବ। ଏହି ବଜାରକୁ ଭୁବନେଶ୍ଵର ଉପକଣ୍ଠ ଭଗବାନପୁରକୁ ସ୍ଥାନାନ୍ତର କରାଯିବା ନେଇ ସୂଚନା ରହିଛି। ସେଥିପାଇଁ ଭଗବାନପୁରରେ ୧୦ ଏକର ଜାଗା ଚିହ୍ନଟ ହୋଇଥିବା ଜଣାପଡିଛି। ନୂଆ ବଜାରରେ ହୋଲସେଲ ଲାଗି ସବୁ ପ୍ରକାର ସୁବିଧା ସୁଯୋଗ ଏବଂ ଭିତ୍ତିଭୂମି ରହିବ। ବର୍ତ୍ତମାନ ମାର୍କେଟରେ ଟ୍ରାଫିକ ସମସ୍ୟା ସୃଷ୍ଟି ହେଉଥିବାରୁ ଏଭଳି ନିଷ୍ପତ୍ତି ନିଆଯାଇଛି। ତେବେ ଏହାକୁ ନେଇ ବିଏମସି ପକ୍ଷରୁ ଏକ ବୈଠକ ନିଷ୍ପତ୍ତି ହୋଇଥିଲା। ପ୍ରାରମ୍ଭିକ ବୈଠକରେ ଏହା ଉପରେ ନିଷ୍ପତ୍ତି ହୋଇଥିବା ବିଏମସି କମିଶନର ସୂଚନା ଦେଇଛନ୍ତି।

ସୀତାରାମ ଅଗ୍ରୱାଲ ବାଣପୁର: ପଞ୍ଚାୟତ ନିର୍ବାଚନ ତାରିଖ ଯେତେ ପାଖେଇ ଆସୁଛି ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନମଣ୍ଡଳୀରେ ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଛି। ବର୍ତ୍ତମାନ ବିଜେଡିରୁ ନିଲମ୍ବିତ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ ଏବଂ ପୂର୍ବତନ ଚିଲିକା ବିଜେଡି ବିଧାୟକ ରଘୁନାଥ ସାହୁଙ୍କ ମଧ୍ୟରେ ତିକ୍ତତା ଶୀର୍ଷରେ ଥିବାବେଳେ ଆଜି ତାହା ବିସ୍ଫୋରଣର ରୂପ ନେଇଥିବା ଦେଖିବାକୁ ମିଳିଛି। ଗତ ବିଧାନସଭା ନିର୍ବାଚନରେ ରଘୁନାଥ ସାହୁଙ୍କ ସହଯୋଗରେ ପ୍ରଶାନ୍ତ ଜଗଦ୍ଦେବ ଚିଲିକା ବିଧାୟକ ହୋଇଥିବାବେଳେ ଧୀରେ ଧୀରେ ରଘୁନାଥ ସାହୁଙ୍କୁ ଶ୍ରୀ ଜଗଦେବ କଣଠେସା କରୁଥିବା ଅଭିଯୋଗ ହେଉଥିଲା। ପରିସ୍ଥିତି ଏପରି ହେଲା ଯେ, ପଞ୍ଚାୟତ ନିର୍ବାଚନ ଟିକେଟ ବଣ୍ଟନର ଶେଷ ମୁହୂର୍ତ୍ତ ଯାଏଁ ରଘୁନାଥ ସାହୁ ତାଙ୍କ ସମର୍ଥକଙ୍କୁ ଟିକେଟ ପାଇଁ ଭରସା ଦେଇଥିଲେ ସୁଦ୍ଧା ତାହାବି ଫସର ଫାଟିଗଲା। ଦଳ ପକ୍ଷରୁ ବିଧାୟକଙ୍କ ସମର୍ଥିତ ପ୍ରାର୍ଥୀମାନେ ଟିକେଟ ପାଇଲେ। ତେବେ ଦଳ ମଧ୍ୟ ରଘୁନାଥ ସାହୁଙ୍କୁ ଅଣଦେଖା…

ନୂଆଦିଲ୍ଲୀ: ବିଶ୍ୱ ରେସଲିଂ ଏଣ୍ଟରଟେନମେଣ୍ଟ (WWE) ରୁ ପ୍ରସିଦ୍ଧ ହୋଇଥିବା ‘ଦି ଗ୍ରେଟ୍ ଖାଲି’ ଦିଲୀପ ସିଂ ରାଣା ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି। ସେ ରାଜଧାନୀ ଦିଲ୍ଲୀର ବହୁ ବରିଷ୍ଠ ନେତାଙ୍କ ଉପସ୍ଥିତିରେ ଦଳର ସଦସ୍ୟତା ଗ୍ରହଣ କରିଛନ୍ତି। ଏହି ସମୟରେ ଖଲି କହିଛନ୍ତି ଯେ, ବିଜେପିର ରାଷ୍ଟ୍ରୀୟ ନୀତିରେ ପ୍ରଭାବିତ ହୋଇ ସେ ଦଳରେ ଯୋଗଦେବାକୁ ନିଷ୍ପତ୍ତି ନେଇଛନ୍ତି। ଏଥିସହ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ପ୍ରଶଂସା କରିଛନ୍ତି।

ଭୁବନେଶ୍ୱର: ପୌର ନିର୍ବାଚନ ଲାଗି ଆଜି ସର୍ବଦଳୀୟ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ରାଜ୍ୟ ନିର୍ବାଚନ କମିଶନର ଅଧ୍ୟକ୍ଷତା କରିଥଲେ। ଏହି ବୈଠକରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ହୋଇଛି। ଏଥର ପ୍ରାର୍ଥୀମାନଙ୍କୁ ସତ୍ୟ ପାଠ ଦାଖଲ କରିବା ପାଇଁ ବାଧ୍ୟତାମୂଳକ କରାଯାଇଛି। କାଉନସିଲର, କର୍ପୋରେଟର ପ୍ରାର୍ଥୀମାନେ ସତ୍ୟ ପାଠ ଦାଖଲ କରିବା ପାଇଁ ବାଧ୍ୟତାମୂଳକ କରାଯାଇଛି। ସତ୍ୟ ପାଠ ଦାଖଲ ନକଲେ ପ୍ରାର୍ଥୀପତ୍ର ନାକଚ ହେବ। ସେହିଭଳି ଚଳିତ ପୌର ନିର୍ବାଚନରେ ଇଭିମ ବ୍ୟବହାର ହେବ। ତେବେ ୨୪ତାରିଖରେ ପ୍ରକାଶ ପାଇବ ଚୂଡ଼ାନ୍ତ ଭୋଟର ତାଲିକା। ରାଜ୍ୟର ୫୯ଟି ବିଜ୍ଞାପିତ ଅଞ୍ଚଳ ପରିଷଦ, ୪୮ଟି ପୌର ପରିଷଦ ଏବଂ ୩ଟି ମହାନଗର ନିଗମରେ ନିର୍ବାଚନ ହେବ। ଏହି ସବୁ ସହରାଞ୍ଚଳରେ ୱାର୍ଡୱାରି ଚିଠା ଭୋଟର ତାଲିକା ଆଜି ପ୍ରକାଶ ପାଇବ। ଚିଠା ଭୋଟର ତାଲିକା ପ୍ରକାଶ ପରେ ଫେବୃୟାରୀ ୧୧ରୁ ୧୬ ପର୍ଯ୍ୟନ୍ତ ଆପତ୍ତି ଅଭିଯୋଗ କରିହେବ। ୧୮ ତାରିଖରେ…

ନୂଆଦିଲ୍ଲୀ: ଆଇପିଏଲ୍ ୨୦୨୨ର ମେଗା ନିଲାମ ପାଇଁ ଓଲଟା ଗଣତି ଆରମ୍ଭ ହୋଇଯାଇଛି। ଫେବୃଆରୀ ୧୨ ଏବଂ ୧୩ ତାରିଖରେ ବେଙ୍ଗାଲୁରୁରେ ବିସିସିଆଇ ଦ୍ୱାରା ନିଲାମ ଚାଲିଛି। ୧୫ ଟି ଦେଶରୁ ମୋଟ ୫୯୦ ଖେଳାଳି ନିଲାମ ତାଲିକାରେ ସ୍ଥାନ ପାଇଛନ୍ତି। ୧୦ ଟି ଦଳ ନିଲାମ ପୂର୍ବରୁ ୩୩ ଖେଳାଳି ଯୋଡିଛନ୍ତି। ରୋହିତ ଶର୍ମା ଆଇପିଏଲର ସବୁଠାରୁ ସଫଳ ଅଧିନାୟକ। ସେ ମୁମ୍ବାଇ ଇଣ୍ଡିଆନ୍ସକୁ ୫ ଥର ଚାମ୍ପିୟନ କରିଛନ୍ତି। ଚେନ୍ନାଇ ସୁପର କିଙ୍ଗସକୁ ଏମଏସ ଧୋନି ୪ ଥର ଟାଇଟଲ ଦେଇଛନ୍ତି। ଅନ୍ୟପକ୍ଷରେ ବିରାଟ କୋହଲି ଏପର୍ଯ୍ୟନ୍ତ ଗୋଟିଏ ଟାଇଟଲ ଜିତି ନାହାଁନ୍ତି। କିନ୍ତୁ ସେ ଆଉ ଆରସିବିର ଅଧିନାୟକ ନୁହଁନ୍ତି। ବିରାଟ କୋହଲି ଆଇପିଏଲର ପ୍ରଥମ ସିଜିନରୁ ବର୍ତ୍ତମାନ ପର୍ଯ୍ୟନ୍ତ କେବଳ ଆରସିବି ପାଇଁ ଖେଳୁଛନ୍ତି। ୨୦୦୮ରେ ତାଙ୍କୁ ବେତନ ହିସାବରେ ମାତ୍ର ୧୨ ଲକ୍ଷ ଟଙ୍କା ମିଳିଥିଲା। କିନ୍ତୁ ସେ ନିଜେ ଭଲ ପ୍ରଦର୍ଶନ ସହିତ…

ନୂଆଦିଲ୍ଲୀ: ଗତ ୨୪ ଘଣ୍ଟା ମଧ୍ୟରେ ୪୬.୪୪ ଲକ୍ଷରୁ ଅଧିକ (୪୬,୪୪,୩୮୨) ଟିକା ପ୍ରଦାନ ସହିତ, ଆଜି ସକାଳ ୭ଟା ସୁଦ୍ଧା ଭାରତର କୋଭିଡ-୧୯ ଟିକାକରଣ ୧୭୧.୨୮ କୋଟି (୧,୭୧,୨୮,୧୯,୯୪୭) ଅତିକ୍ରମ କରିଛି। ୧,୯୧,୧୭,୮୭୯ ଅଧିବେଶନ ମାଧ୍ୟମରେ ଏହା ହାସଲ କରାଯାଇଛି। ଆଜି ସକାଳ ୭ ଟା ପର୍ଯ୍ୟନ୍ତ ଅସ୍ଥାୟୀ ରିପୋର୍ଟ ଅନୁଯାୟୀ ସଂଗୃହିତ ଚିତ୍ରର ତଥ୍ୟ ଅନ୍ତର୍ଭୁକ୍ତ: ଗତ ୨୪ ଘଣ୍ଟା ମଧ୍ୟରେ ୧,୬୭,୮୮୨ ରୋଗୀ ସୁସ୍ଥ ହୋଇଛନ୍ତି ଏବଂ ସୁସ୍ଥ ହୋଇଥିବା ରୋଗୀମାନଙ୍କର ସଂଖ୍ୟା (ମହାମାରୀ ଆରମ୍ଭରୁ) ବର୍ତ୍ତମାନ ସୁଦ୍ଧା ୪,୧୧,୮୦,୭୫୧ ରହିଛି। ପରିଣାମ ସ୍ୱରୂପ ଭାରତର ସୁସ୍ଥତା ହାର ୯୬.୯୫% ରହିଛି। ଗତ ୨୪ ଘଣ୍ଟା ମଧ୍ୟରେ ୬୭,୦୮୪ ନୂତନ ମାମଲା ରିପୋର୍ଟ ହୋଇଥିଲା। ଭାରତର ସକ୍ରିୟ ମାମଲା ବର୍ତ୍ତମାନ ୭,୯୦,୭୮୯ ରେ ଅଛି। ସକ୍ରିୟ ମାମଲା ଦେଶର ମୋଟ ସକ୍ରିୟ ମାମଲାର ୧.୮୬% ଅଟେ। ସମଗ୍ର ଦେଶରେ ପରୀକ୍ଷା କ୍ଷମତା ବୃଦ୍ଧି ଜାରି ରହିଛି। ଗତ…

ଲକ୍ଷ୍ନୌ: ୟୁପି ବିଧାନସଭା ନିର୍ବାଚନ ୨୦୨୨ର ପ୍ରଥମ ପର୍ଯ୍ୟାୟରେ ଆଜି ୧୧ ଟି ଜିଲ୍ଲାର ମୋଟ ୫୮ ଟି ବିଧାନସଭା ଆସନରେ ଭୋଟ୍ ଦିଆଯାଉଛି। ଥଣ୍ଡା ସତ୍ତ୍ୱେ ଲୋକମାନେ ବହୁ ସଂଖ୍ୟାରେ ମତଦାନ କେନ୍ଦ୍ରରେ ଭିଡ଼ ଜମାଇଛନ୍ତି। ମୁଜାଫରନଗର, ହାପୁଡ, ମଥୁରା, ଆଗ୍ରା ର ଅନେକ ମତଦାନ କେନ୍ଦ୍ରରେ ସକାଳୁ ଲୋକଙ୍କ ଭିଡ ଦେଖିବାକୁ ମିଳୁଛି। ଲୋକମାନେ ମତଦାନ ବୁଥରେ ଲାଇନରେ ଅପେକ୍ଷା କରିଥିବା ଦେଖାଯାଇଛି। ଗତ ବର୍ଷ ଏହି ଅଞ୍ଚଳ କୃଷକଙ୍କ ଆନ୍ଦୋଳନର ଏକ ଗଡ଼ ପାଲଟିଥିଲା। ପ୍ରଥମ ପର୍ଯ୍ୟାୟରେ ପଶ୍ଚିମ ୟୁପିର ଅଧିକାଂଶ ଆସନରେ ମତଦାନ ଚାଲିଛି। ସକାଳ ୭ ଟାରୁ ମତଦାନ ଆରମ୍ଭ ହୋଇ ସନ୍ଧ୍ୟା ୬ ଟା ପର୍ଯ୍ୟନ୍ତ ଜାରି ରହିବ। ଏହାପୂର୍ବରୁ ନିର୍ବାଚନ କମିଶନ ଶାନ୍ତିପୂର୍ଣ୍ଣ ନିର୍ବାଚନ ପାଇଁ ସମସ୍ତ ପ୍ରସ୍ତୁତି ଶେଷ କରି ମତଦାନ କେନ୍ଦ୍ରରେ କଡା ସୁରକ୍ଷା ବ୍ୟବସ୍ଥା କରିଛନ୍ତି। ଏହି ପର୍ଯ୍ୟାୟରେ ୫୮ ଟି ବିଧାନସଭା ଆସନ ପାଇଁ ୬୨୩…