Author: Samikhsya Bureau

ନୂଆଦିଲ୍ଲୀ: ଆସନ୍ତା ସେପଟେମ୍ବର 19ରୁ ଆରମ୍ଭ ହେବ ଚଳିତ ବର୍ଷର ଆଇପିଏଲ କ୍ରିକେଟ ଲିଗ୍। ନଭେମ୍ବର 8ରେ ଲିଗର ଫାଇନାଲ ମ୍ୟାଚ୍ ଖେଳାଯିବ। ମିଳିତ ଆରବ ଏମିରେଟସ ଯୁଏଇରେ ଏହି ଲିଗ୍ ଖେଳାଯିବ। କରୋନା ମହାମାରୀ ଯୋଗୁଁ ଦେଶର ସବୁଠାରୁ ଲୋକପ୍ରିୟ ଏହି କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବା ନେଇ ଅନିଶ୍ଚିତତା ଲାଗି ରହିଥିଲା। ବିସିସିଆଇ କହିଛି ଯେ, ଆଇପିଏଲ 19ସେପ୍ଟେମ୍ବରୁ ଆରମ୍ଭ ହେବ ଓ ଫାଇନାଲ ମ୍ୟାଚ ନଭେମ୍ବର 8ରେ ଖେଳାଯିବ । 51 ଦିନ ଧରି ଏହି ଟୁର୍ଣ୍ଣାମେଣ୍ଟ ଖେଳାଯିବ। ଆସନ୍ତା ସପ୍ତାହରେ ବିସିସିଆଇ ଗଭର୍ଣ୍ଣିଂ କାଉସିଲିଂର ବୈଠକ ହେବାକୁ ଅଛି। ସେଥିରେ ଅନ୍ତିମ ନିର୍ଣ୍ଣୟ ପ୍ରକାଶ ପାଇବ ।

ରମେଶ ମହାନ୍ତି ଜଗତସିଂହପୁର : କରୋନା ଭଳି ମହାମାରୀ ସମୟରେ ଅନେକ ପରିବାର ରୋଜଗାର ହରାଇଛନ୍ତି। ଏପରି ଅସମୟରେ ମୂଲ ଲାଗିଥିବା ଏକ ରାଜମିସ୍ତ୍ରୀ ମଜୁରୀ ବାବଦ ଟଙ୍କା ମାଗିବାରୁ ତା ଉପରେ ମରଣାନ୍ତକ ଆକ୍ରମଣ ହୋଇଛି । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ଏରସମା ଥାନା ଅନ୍ତର୍ଗତ ଗୋଡା ପଞ୍ଚାୟତ ସାଳିଓ ଗ୍ରାମରେ। ରାଜମିସ୍ତ୍ରୀକୁ ବାପ ପୁଅ ତିନିଜଣ ମିଶି ମରଣାନ୍ତକ ଆକ୍ରମଣ କରିଥିବା ବେଳେ ଗୁରୁତର ଅବସ୍ଥାରେ ରାଜମିସ୍ତ୍ରୀ ଏରସମା ମେଡିକାଲରେ ଚିକିତ୍ସିତ ହେଉଛନ୍ତି।ଏରସମା ଥାନାରେ ଏତଲା ଦିଆଯାଇଥିଲେ ମଧ୍ୟ ପୋଲିସ କେବଳ ମାମଲା ରୁଜୁ କରିଥିବା ଜଣାପଡିଛି। ସୂଚନା ଅନୁଯାୟୀ କରୋନା ଲକଡାଉନ ପୁର୍ବରୁ ସାଳିଓ ଗ୍ରାମର ରାଜମିସ୍ତ୍ରୀ ବିଜୟ ଦାସ ସେହି ଗ୍ରାମର ହାରାଧନ ଦାସଙ୍କ କୋଠାଘର ନିର୍ମାଣ କରୁଥିଲେ। କାର୍ଯ୍ୟ ଚାଲିଥିବା ବେଳେ ରାଜମିସ୍ତ୍ରୀ ବିଜୟଙ୍କ ଆଖି ଯନ୍ତ୍ରଣା ହେବାରୁ ସେ ଆଉ କାମ କରିବାକୁ ଯାଇନଥିଲେ। ଡାକ୍ତରଖାନାରେ…

ଜୟପୁର, ସଚିନ ପାଇଲଟ ଓ ତାଙ୍କୁ ସମର୍ଥନ କରୁଥିବା 18 ବିଦ୍ରୋହୀ ବିଧାୟକ ରାଜସ୍ଥାନ ହାଇକୋର୍ଟରୁ ଆଶ୍ବସ୍ତି ପାଇଛନ୍ତି। ବିଧାନସଭା ବାଚସ୍ପତି ଏହିସବୁ ବିଧାୟକଙ୍କୁ ଅଯୋଗ୍ୟ ଘୋଷଣା କରି ଦେଇଥିବା ନୋଟିସ୍‌କୁ ବର୍ତ୍ତମାନ ସ୍ଥଗିତ ରଖାଯାଇଛି । କୋର୍ଟଙ୍କ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ବିଧାନସଭା ବାଚସ୍ପତି 18 ବିଧାୟକଙ୍କୁ ଅଯୋଗ୍ୟ ଘୋଷଣା କରିପାରିବେ ନାହିଁ। ଏଥିସହିତ ରାଜସ୍ଥାନ ହାଇକୋର୍ଟ ଏହି ମାମଲାରେ କେନ୍ଦ୍ର ସରକାରଙ୍କୁ ପକ୍ଷଭୁକ୍ତ କରିବା ପାଇଁ ସଚିନ ପାଇଲଟ କରିଥିବା ଆବେଦନକୁ ସ୍ବୀକାର କରିଛନ୍ତି । ପାଇଲଟ ଏବଂ ତାଙ୍କ ସମର୍ଥକ ବିଧାୟକଙ୍କୁ ଅଯୋଗ୍ୟ ଘୋଷଣା କରିବା ନେଇ ଶୁକ୍ରବାର ହାଇକୋର୍ଟରେ ଶୁଣାଣି ହୋଇଛି।

Stricter enforcement on the restrictions of unnecessary vehicular movements by Sorada Police in Ganjam amid lockdown #COVID19 norms.

ପୋଲସରା, ରାଜ୍ୟରେ ଆଉ ଜଣେ ବିଧାୟକ କରୋନା ଆକ୍ରାନ୍ତ ହୋଇଛନ୍ତି। ଗଂଜାମ ଜିଲ୍ଲା ପୋଲସରା ବିଧାୟକ ଶ୍ରୀକାନ୍ତ ସାହୁ କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଛି। ଶ୍ରୀକାନ୍ତଙ୍କ ପତ୍ନୀ ମଧ୍ୟ କରୋନା ପଜିଟିଭ ହୋଇଥିବା ସୂଚନା ମିଳିଛି। ଉଭୟଙ୍କୁ କରୋନା ନେଇ ବିଧାୟକ ଶ୍ରୀକାନ୍ତ ସାହୁ ସୂଚନା ଦେଇଛନ୍ତି। ପୂର୍ବରୁ ରାଜ୍ୟର 3 ବିଧାୟକ କରୋନାରେ ଆକ୍ରାନ୍ତ ହୋଇ ଚିକିତ୍ସା ପରେ ସୁସ୍ଥ ହୋଇଥିଲେ।

ସୀତାରାମ ଅଗ୍ରୱାଲ ବାଣପୁର: ଆଜି ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ କୁମାରାଙ୍ଗ ପଞ୍ଚାୟତର କେତୋଟି ଗ୍ରାମକୁ ଜିଲ୍ଲାପାଳ କ୍ଷମତା ପ୍ରୟୋଗ କରି ସଟ ଡ଼ାଉନ ଘୋଷଣା କରିଛନ୍ତି ସରପଞ୍ଚ ମନୋଜ କୁମାର ପ୍ରଧାନ। କୁମାରାଙ୍ଗ ପଞ୍ଚାୟତର ଚମ୍ପାଦେଇପୁର ଗ୍ରାମରେ ଦୁଇ ଜଣ ସ୍ଥାନୀୟ ବ୍ୟକ୍ତି କୋଭିଡ ସଂକ୍ରମିତ ହେବାରୁ ଚମ୍ପାଦେଇପୁର ଗ୍ରାମ, ହରିଜନ ସାହି ଏବଂ ପୁଞ୍ଜିଆମା ଶାସନକୁ ଆଜି ମଧ୍ୟାହ୍ନ ୧୨ ଘଟିକାରୁ ୨୭ ତାରିଖ ମଧ୍ୟାହ୍ନ ୧୨ ଘଟିକା ଯାଏଁ ସମ୍ପୂର୍ଣ୍ଣ ସଟ ଡ଼ାଉନ ଘୋଷଣା କରିଛନ୍ତି। ଏହି ସମୟରେ ସବୁ ଗ୍ରାମକୁ ବିଶୋଧନ କରାଯିବା ସହ କଣ୍ଟାକ୍ଟ ଟ୍ରେସିଙ୍ଗ ଏବଂ ସ୍ୱାବ ସଂଗ୍ରହ ପ୍ରକ୍ରିୟାକୁ ତ୍ୱରାନ୍ୱିତ କରାଯିବ ବୋଲି ସରପଞ୍ଚ ସୂଚନା ଦେଇଛନ୍ତି। ସଟ ଡ଼ାଉନ କଟକଣା ସମୟରେ କୌଣସି ବ୍ୟକ୍ତି ଘରୁ ନବାହାରିବା ପାଇଁ ଜନସାଧାରଣକୁ ନିବେଦନ କରିଛନ୍ତି ସରପଞ୍ଚ। ଅନୁରୂପ ଭାବେ ଗତକାଲି ଗମ୍ଭାରୀମୁଣ୍ଡା ପଞ୍ଚାୟତ ଅନ୍ତର୍ଗତ ପଦ୍ମପୁର ଗ୍ରାମର ଜଣେ ସ୍ଥାନୀୟ ତେଜରାତି…

ଭୁବନେଶ୍ବର : ଓଡ଼ିଶା ବିଧାନସଭାର 5 ଜଣ କର୍ମଚାରୀ କରୋନାରେ ଆକ୍ରାନ୍ତ ହୋଇଛନ୍ତି । ସେମାନଙ୍କ ରିପୋର୍ଟ ପଜିଟିଭ୍‌ ଆସିଥିବା ବାଚସ୍ପତି ସୂର୍ଯ୍ୟ ପାତ୍ର ସୂଚନା ଦେଇଛନ୍ତି । ସମ୍ପୃକ୍ତ କର୍ମଚାରୀଙ୍କୁ ହୋମ୍ ଆଇସୋଲେସନ୍‌ରେ ରହିବାକୁ ନିର୍ଦ୍ଦେଶ ଦିଆଯାଇଛି ।  ତିନି  ତଳେ ସେମାନଙ୍କ ଟେଷ୍ଟ କରାଇଥିଲେ, ରିପୋର୍ଟ ପଜିଟିଭ୍‌  ଆସିଛି । ଏବେ 31 ତାରିଖ ଯାଏଁ ବିଧାନସଭା ବନ୍ଦ ରହିଥିବା ବାଚସ୍ପତି ।  ଆସନ୍ତା ମାସ ପହିଲାରୁ ତିନି ଦିନ ସରକାରୀ ଛୁଟି ଥିବାରୁ ବିଧାନସଭା 4 ତାରିଖରେ ଖୋଲିବ । ତେବେ ଏହି ବନ୍ଦ ସମୟରେ ସମ୍ପୂର୍ଣ୍ଣ ପରିସରକୁ ସାନିଟାଇଜ୍‌ କରାଯିବ । ଏହା ସହ ପଜିଟିଭ୍‌ କର୍ମଚାରୀଙ୍କ ସଂସ୍ପର୍ଶରେ ଆସିଥିବା ଅନ୍ୟ ସମସ୍ତ କର୍ମଚାରୀଙ୍କ ସ୍ବାବ୍‌ ଟେଷ୍ଟ କରାଯିବ ।

ଜିନ୍ଦ : ହରିୟାଣାର ଜିଲ୍ଲା ଜିନ୍ଦ ଜିଲ୍ଲାରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଏହି ଜିଲ୍ଲାର ଦିଡ୍‌ଓ୍ବାଡା ଗ୍ରାମରେ ଜଣଷ ପିତା ତାନ୍ତ୍ରିକର କଥାରେ 5 ବର୍ଷରେ ନିଜର 5ଟି ସନ୍ତାନର ହତା କରିଛି । ଜୁଲାଇ 17 ତାରିଖରେ ଏହି ଗ୍ରାମରୁ ଦୁଇ ଝିଅ ଗାଏବ ହୋଇଥିଲେ । ଏହା ପରେ ଘଟଣାଟି ସାମ୍ନାକୁ ଆସିଥିଲା । ଅଭିଯୁକ୍ତ ଜଣକ ଏହି ଗ୍ରାମର ଜୁମ୍ମା ବୋଲି ସୂଚନା ରହିଛି । ଜୁମ୍ମା ଜଣେ ତାନ୍ତ୍ରିକର କଥାରେ ଏପରି ବୀଭତ୍ସ କାଣ୍ଡ ଘଟାଇଥିବାର ଜଣାପଡିଛି । ମରିଥିବା ସମସ୍ତ ସନ୍ତାନଙ୍କର ବୟସ 11 ବର୍ଷରୁ କମ୍‌ ରହିଛି । ଏଥିରେ ତିନିଜଣ ଝିଅ ଓ ଦୁଇ ଜଣ ପୁଅ ରହିଛନ୍ତି । ପୂରା ମାମଲା ସାମ୍ନାକୁ ଆସିବା ପରେ ବ୍ୟକ୍ତି ଜଣକ ପଞ୍ଚାୟତ ସାମ୍ନାରେ ଅପରାଧ ସ୍ବୀକାର କରି  କ୍ଷମା ପ୍ରାର୍ଥନା କରିଛନ୍ତି । ତେବେ ପୋଲିସ୍‌ ଅଭିଯୁକ୍ତ…

ଭୁବନେଶ୍ବର : ଆଜି ରାଜ୍ୟରେ ସର୍ବାଧିକ 1594 ଜଣ ଆକ୍ରାନ୍ତ ଚିହ୍ନଟ ହୋଇଥିବାବେଳେ ରାଜ୍ୟରେ ମୋଟ୍‌ ପଜିଟିଭଙ୍କ ସଂଖ୍ୟା 22 ହଜାର 693ରେ ପହଞ୍ଚିଥିବାବେଳେ ମୃତ୍ୟୁ ସଂଖ୍ୟା 120ରେ ପହଞ୍ଚିଛି । ସେହିପରି 33 ଜଣ କୋଭିଡ୍‌ ଆକ୍ରାନ୍ତ ହୋଇ ସୁଦ୍ଧା ଅନ୍ୟ ରୋଗରେ ମୃତ୍ୟୁବରଣ କରିଥିବାର ସୂଚନା ରହିଛି । ବିଶେଷ କରି ଗଞ୍ଜାମ, ଖୋର୍ଦ୍ଧା, କଟକ, ସୁନ୍ଦରଗଡ, ଯାଜପୁର, ଗଜପତି, ବାଲେଶ୍ବର ଆଦି ଜିଲ୍ଲାରେ କରୋନା ସ୍ଥିତି ବେଶ ଗମ୍ଭୀର ରହିଛି । ଆଜି 28ଟି ଜିଲ୍ଲାରୁ କରୋନା ଆକ୍ରାନ୍ତ ଚିହ୍ନଟ ହେଉଥିବାବେଳେ 6ଜଣଙ୍କ ଜୀବନ ନେଇଛି କରୋନା । ଜୁଲାଇ ମାସରେ ସଂକ୍ରମଣ ମାମଲା ବେଶ୍‌ ବୃଦ୍ଧି ପାଇଥିବାବେଳେ ରାଜ୍ୟରେ ଆଣ୍ଟିଜନି ଟେଷ୍ଟ ଓ ପ୍ଲାଜ୍‌ମା ଥେରାପି ଆରମ୍ଭ କରାଯାଇଛି । ତେବେ ରାଜ୍ୟର କେଉଁ ଜିଲ୍ଲାରେ କରୋନା ସ୍ଥିତି କିପରି ରହିଛି : ଜିଲ୍ଲା ପଜିଟିଭ୍‌ ସୁସ୍ଥ ସକ୍ରିୟ ମୃତ ମୃତ (ଅନ୍ୟାନ୍ୟ ରୋଗ) ଗଞ୍ଜାମ…

ଭୁବନେଶ୍ବର : ରାଜ୍ୟରେ ପ୍ରଥମେ ପ୍ଲାଜମା ନେଇଥିବା ରୋଗୀ ପୁରା ସୁସ୍ଥ ହୋଇଛନ୍ତି । କଟକର ଜଣେ 48 ବର୍ଷୀୟା ମହିଳା ପ୍ଲାଜ୍‌ମା ନେବା ପରେ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି । ସମ୍ପୃର୍ଣ୍ଣ ସୁସ୍ଥ ସମ୍ପୃକ୍ତା ମହିଳାଙ୍କୁ ଆଜି ହସ୍ପିଟାଲରୁ ଡିସ୍‌ଚାର୍ଜ କରାଯିବ ବୋଲି ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗସୂତ୍ରରୁ ସୂଚନା ଦିଆଯାଇଛି ।ପ୍ଲାଜ୍‌ମା ନେବା ପରେ ସମସ୍ତେ ଦ୍ରୁତ ଆରୋଗ୍ୟ ହେଉଥିବା ସୂଚନା ରହିଛି । ଓଡ଼ିଶାରେ କରୋନା ସଂକ୍ରମିତଙ୍କ ଚିକିତ୍ସା ପାଇଁ ପ୍ଲାଜ୍‌ମା ବ୍ୟାଙ୍କ ଉଦ୍‌ଘାଟିତ ହୋଇଛି । ପ୍ରାରମ୍ଭିକ ପର୍ଯ୍ୟାୟରେ ଓଡ଼ିଶାର ଚାରୋଟି ପ୍ରମୁଖ ଅନୁଷ୍ଠାନ ଯଥା କଟକ ଏସ୍‌ସିବି ମେଡିକାଲ କଲେଜ, ଅଶ୍ବିନୀ ହସ୍ପିଟାଲ, ଆଇଏମ୍‌ଏସ୍ ସମ୍ ହସ୍ପିଟାଲ ଓ କିମ୍‌ସ ହସ୍ପିଟାଲରେ ପ୍ରାଥମିକ ପର୍ଯ୍ୟାୟରେ ଏହାକୁ ଆରମ୍ଭ କରାଯାଇଛି । ପ୍ରାଥମିକ ପର୍ଯ୍ୟାୟରେ 6ଜଣ ଗୁରୁତରଙ୍କୁ ପ୍ଲାଜମା ଦିଆଯାଇଥିଲା । ଏହି ଥେରାପି ଓଡ଼ିଶାରେ ସଫଳ ହୋଇଛି । ଅପରପକ୍ଷରେ ରାଜ୍ୟ…

ଭୁବନେଶ୍ବର : ଆଜି ପୁଣି 6 ଜଣଙ୍କ ଜୀବନ ନେଇଛି କରୋନା । 6 ମୃତକଙ୍କ ମଧ୍ୟରୁ ଗଞ୍ଜାମରୁ 3 ଜଣ, ରାୟଗଡା, ଗଜପତି ଓ ଭଦ୍ରକରୁ ଜଣେ ଲେଖାଏଁ ରହିଛନ୍ତି ବୋଲି ରାଜ୍ୟ ସ୍ବାସ୍ଥ୍ୟ ଓ ପାଣିପାଗ ବିଭାଗ  ସୂଚନା ଦେଇଛି । ଆଜି ମୃତକଙ୍କ ମଧ୍ୟରେ 4 ଜଣ ପୁରୁଷ ଓ 2 ଜଣ ମହିଳା ରହିଛନ୍ତି । ଗଞ୍ଜାମରୁ ଆଜି ତିନିଜଣଙ୍କ ମୃତ୍ୟୁ ହୋଇଥିବାବେଳେ ମୃତକଙ୍କ ମଧ୍ୟରେ  ଜଣେ ପୁରୁଷ ଓ 2 ଜଣ ମହିଳା ରହିଛନ୍ତି । ମୃତକଙ୍କ ମଧ୍ୟରେ 44 ବର୍ଷୀୟ ପୁରୁଷ ଥିବାବେଳେ ମୃତ ମହିଳାଙ୍କ ବୟସ ଯଥାକ୍ରମେ 59 ଓ 50 ବର୍ଷ ବୋଲି ସୂଚନା ରହିଛି। ସେହିପରି ରାୟଗଡାରୁ ମୃତ୍ୟୁବରଣ କରିଥିବା ମୃତକଙ୍କ ବୟସ 71 ବର୍ଷ ବୋଲି ସୂଚନା ରହିଛି । ଗଜପତିରୁ 53 ବର୍ଷୀୟ ପୁରୁଷଙ୍କ ମୃତ୍ୟୁ ହୋଇଥିବାବେଳେ ଭଦ୍ରକରୁ 60 ବର୍ଷୀୟ ଜଣେ ପୁରୁଷଙ୍କର ମୃତ୍ୟୁ…

ଭୁବନେଶ୍ବର : ଆଜି ରାଜ୍ୟରେ 28ଟି ଜିଲ୍ଲାରୁ 1594 ପଜିଟିଭ୍‌ ଚିହ୍ନଟ ହୋଇଛି । ଗଞ୍ଜାମ ଜିଲ୍ଲାରୁ ସର୍ବାଧିକ 732 ଜଣ ଚିହ୍ନଟ ହୋଇଥିବାବେଳେ ଖୋର୍ଦ୍ଧାରୁ 320, କଟକରୁ 136, ଭଦ୍ରକରୁ 60, ସୁନ୍ଦରଗଡରୁ 56, ବୌଦ୍ଧରୁ 41, କୋରାପୁଟରୁ 33, ମୟୂରଭଞ୍ଜରୁ 32, ପୁରୀରୁ 30, ବାଲେଶ୍ବରରୁ 22, କେଉଁଝରରୁ 20, କନ୍ଧମାଳରୁ 17, ସମ୍ବଲପୁରରୁ 13, ନୟାଗଡ ଓ ଅନୁଗୁଳ 10ରୁ ଜଣ ଲେଖାଏଁ ଚିହ୍ନଟ ହୋଇଛନ୍ତି ।  କେନ୍ଦ୍ରାପଡା ଓ ମାଲ୍‌କାନଗିରିରୁ 9,  ବରଗଡ ଓ ଝାରସୁଗୁଡାରୁ 8 ଜଣ ଲେଖାଏଁ ରହିଥିବାବେଳେ ବଲାଙ୍ଗିରରୁ 6 ଜଣ ଲେଖାଏଁ ରହିଛନ୍ତି । ସେହିପରି  ଯାଜପୁରରୁ 5, ସୋନପୁରରୁ 4, ଜଗତସିଂହପୁର, ଗଜପତି, ନବରଙ୍ଗପୁରରୁ 3 ଜଣ ଲେଖାଏଁ ରହିଛନ୍ତି ।  ଢେଙ୍କାନାଳରୁ 2 ଜଣ ରହିଥିବାବେଳେ କଳାହାଣ୍ଡି ଓ ନୂଆପଡାରୁ ଜଣେ ଲେଖାଏଁ ରହିଛନ୍ତି ।

ଭୁବନେଶ୍ବର : ରାଜ୍ୟରେ ଆଜି ରେକର୍ଡ ସଂଖ୍ୟକ 1594 କରୋନା ଆକ୍ରାନ୍ତ ଚିହ୍ନଟ ହୋଇଛି । ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ରହିଛି। ଆଜି ଚିହ୍ନଟ ମୋଟ୍‌ ଆକ୍ରାନ୍ତଙ୍କ ମଧ୍ୟରୁ କ୍ବାରେଣ୍ଟିନ୍‌ କେନ୍ଦ୍ରରୁ 1067ଜଣ ଚିହ୍ନଟ ହୋଇଥିବାବେଳେ 527ଟି ଲୋକାଲ କେସ୍‌ ରହିଛି । ନୂତନ ଆକ୍ରାନ୍ତଙ୍କୁ ମିଶାଇ ଏବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା 22ହଜାର 693କୁ ବୃଦ୍ଧି ହୋଇଛି । ରାଜ୍ୟରେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି 8ହଜାର 158ଜଣ । ସେହିପରି ସୁସ୍ଥ ହୋଇଛନ୍ତି 14 ହଜାର392ଜଣ । ରାଜ୍ୟରେ କରୋନା ଯୋଗୁଁ ମୃତ୍ୟବରଣ କରିଛନ୍ତି 114ଜଣ । ସେହିପରି 31 ଜଣ କରୋନାରେ ଆକ୍ରାନ୍ତ ଥିଲେ ସୁଦ୍ଧା ଅନ୍ୟ ରୋଗରେ ମୃତ୍ୟୁବରଣ କରିଥିବାର ସୂଚନା ରହିଛି ।

ସୀତାରାମ ଅଗ୍ରଓ୍ବାଲ ବାଣପୁର : ‌ଖୋର୍ଦ୍ଧା ଜିଲ୍ଲାର ଚିଲିକା ନିର୍ବାଚନମଣ୍ଡଳୀରେ ଦିନକୁ ଦିନ ସ୍ଥାନୀୟ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି । ଏହି ପରିପ୍ରେକ୍ଷୀରେ ବାଦ ପଡ଼ିନାହାନ୍ତି କରୋନା ଯୋଦ୍ଧା ମାନେ । ଗତକାଲି ରାତିରେ ବାଣପୁର ଥାନା ଏବଂ ନାଚୁଣୀ ଫାଣ୍ଡି ର ୧0 ଜଣ କରୋନା ଯୋଦ୍ଧାଙ୍କ ରିପୋର୍ଟ ପଜିଟିଭ ଆସିଛି ଯାହା ଅଞ୍ଚଳବାସୀଙ୍କ ଆଶ୍ଚର୍ଯ୍ୟ କରିଦେଇଛି ।  ଏହି ୧୦ କରୋନା ଯୋଦ୍ଧାରେ ଜଣେ ଏସ୍‌ଆଇ ଦୁଇଜଣ ଏଏସ୍‌ଆଇ, ତିନି କନେଷ୍ଟବଳ, ଦୁଇ ହୋମଗାର୍ଡ, ଦୁଇ ଜଣ ଓଏପିଏଫ୍‌ କର୍ମଚାରୀ ରହିଥିବାର ସୂଚନା ରହିଛି । ଜନସାଧାରଣଙ୍କ ସୁରକ୍ଷା ପାଇଁ ବିଗତ ଚାରି ମାସ ହେଲା ନିରବଚ୍ଛିନ୍ନ ଭାବେ ନିଜ ଜୀବନକୁ ପାଣି ଛଡେଇ ସେବା କରୁଥିବା ଏହି ଯୋଦ୍ଧାମାନେ ଆକ୍ରାନ୍ତ ହେବା ବିଡମ୍ବନାର ବିଷୟ । ଏହାକୁ ଗୁରୁତର ଭାବେ ନେଇ ଖୋର୍ଦ୍ଧା ଜିଲ୍ଲାପାଳ ଶ୍ରୀ ସୀତାଂଶୁ ରାଉତ ଆସନ୍ତା ୪୮ ଘଣ୍ଟା ଯାଏଁ…

ନୂଆଦିଲ୍ଲୀ : ଦେଶରେ କରୋନାର କାୟା ବଢି ଚାଲିଛି । ଗତ 24 ଘଣ୍ଟା ମଧ୍ୟରେ ସର୍ବାଧିକ 49 ହଜାର 310 ଜଣ ଆକ୍ରାନ୍ତ ହୋଇଥିବାବେଳ 740 ଜଣ ମୃତ୍ୟୁବରଣ କରିଥିବାର କେନ୍ଦ୍ର ସ୍ବାସ୍ଥ୍ୟ ଓ ପାଣିପାଗ ବିଭାଗ ସୂଚନା ଦେଇଛି । ଦେଶରେ କରୋନା ମୃତ୍ୟୁସଂଖ୍ୟା 30 ହଜାର 601କୁ ବୃଦ୍ଧି ହୋଇଥିବାବେଳେ  ଆକ୍ରାନ୍ତଙ୍କ ସଂଖ୍ୟା 12 ଲକ୍ଷ 87 ହଜାର 945ରେ ପହଞ୍ଚିଛି । ଦେଶରେ ଏବେସୁଦ୍ଧା 4 ଲକ୍ଷ 40 ହଜାର 135 ଜଣ ସକ୍ରିୟ ମାମଲା ଥିବାବେଳେ ସୁସ୍ଥ ହୋଇଛନ୍ତି 8 ଲକ୍ଷ 17 ହଜାର 208ଜଣ। ମହାରାଷ୍ଟ୍ରରେ ସର୍ବାଧିକ 3 ଲକ୍ଷ 47 ହଜାର 402 ଜଣ ଆକ୍ରାନ୍ତ ରହିଥିବାବେଳେ ମୃତ୍ୟୁବରଣ କରିଛନ୍ତି 12 ହଜାର 854 ଜଣ । ସେହିପରି ଦିଲ୍ଲୀରେ 3 ହଜାର 745, ତାମିଲନାଡୁରେ 3 ହଜାର 232, ଗୁଜୁରାଟରେ 2 ହଜାର 252 ଜଣ ମୃତ୍ୟୁବରଣ  କରିଛନ୍ତି। (ଏଜେନ୍ସି)

ଗଞ୍ଜାମ: ଗଞ୍ଜାମ ଜିଲ୍ଲାରେ କରୋନା କାୟା ବିସ୍ତାର କରି ଚାଲିଛି। ରାଜ୍ୟରେ ସର୍ବାଧିକ ଆକ୍ରାନ୍ତ ଓ ମୃତକ ଗଞ୍ଜାମ ଜିଲ୍ଲାରୁ ହିଁ ଚିହ୍ନଟ ହୋଇଛନ୍ତି।  ଗଞ୍ଜାମ ଜିଲ୍ଲାରେ ମୃତକଙ୍କ ସଂଖ୍ୟା 66କୁ ବୃଦ୍ଧି ହୋଇଥିବାବେଳେ ଆକ୍ରାନ୍ତଙ୍କସଂଖ୍ୟା 6902ରେ ପହଞ୍ଚିଛି। କରୋନା ଯୋଦ୍ଧା ମାନେ ମଧ୍ୟ ଏହି ଯୁଦ୍ଧରେ ହାରି ଯାଇଛନ୍ତି। କରୋନା ମହାମାରୀ ବିରୋଧରେ ଲଢେଇ ଚାଲିଥିବାବେଳ ଗଞ୍ଜାମ ଜିଲ୍ଲାରେ ଆଉ ଜଣେ କରୋନା ଯୋଦ୍ଧାଙ୍କ ମୃତ୍ୟୁ ହୋଇଛି। କରୋନାରେ ଆକ୍ରାନ୍ତ ହୋଇ ବିଏମ୍‌ସିର ଆସିଷ୍ଟାଣ୍ଟ ଇଞ୍ଜିନିୟର କୈଳାସ ଚନ୍ଦ୍ର ନାୟକଙ୍କ ମୃତ୍ୟୁ ଘଟିଛି। ଏନେଇ ଟୁଇଟ୍‌ କରି ସୂଚନା ଦେଇଛନ୍ତି ବ୍ରହ୍ମପୁର କମିଶନର।

ବ୍ରହ୍ମଗିରି : କରୋନା ଆକ୍ରାନ୍ତ ଚିହ୍ନଟ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଛି । ସଦର ଥାନା ନିଶିଭଅଁର ଗାଁରେ 5/6ଟି ବୋମାମାଡ ହୋଇଥିବାର ସୂଚନା ରହିଛି । ବୋମାମାଡରେ ଆହତ ବ୍ୟକ୍ତି ରେବଣା ନୂଆଗାଁ ମେଡ଼ିକାଲରେ ଭର୍ତ୍ତି ହୋଇଛନ୍ତି । କ୍ବାରେଣ୍ଟିନ୍‌ରୁ ଡିସଚାର୍ଜ ହୋଇ ଯୁବକ ଗାଁକୁ ପଳାଇ ଆସିଥିବା ଅଭିଯୋଗ ହୋଇଛି। କାଲି ରିପୋର୍ଟ ପଜିଟିଭ୍‌ ଜଣାପଡିବା ପରେ ଗାଁରେ ତୀବ୍ର ଉତ୍ତେଜନା  ସୃଷ୍ଟି ହୋଇଛି। ଆକ୍ରାନ୍ତ ବହୁ ଲୋକଙ୍କ ସହ ମିଶିଥିବାରୁ ଗ୍ରାମବାସୀମାନେ ରାଗରେ ଏଭଳି କାଣ୍ଡ ଘଟାଇଛନ୍ତି।

କେଦାର ମିଶ୍ର  କରୋନା ସମୟରେ ମୃତ୍ୟୁକୁ ନେଇ ବହୁ ହୃଦୟଥରା କାହାଣୀ ଓ ଚିତ୍ର ଆମ ଆଗକୁ ଆସୁଛି। ଏ ସମ୍ପର୍କରେ ଆଗରୁ ମଧ୍ୟ ଆମେ ଲେଖିଛୁ। ତେବେ ଏ ପ୍ରକାର ଖବର ଦିନୁଦିନ ବଢିଚାଲିଛି। ଗତକାଲି କନ୍ଧମାଳ ଜିଲାର ବରିଷ୍ଠ ସମାଜସେବୀ କୈଳାଶ ଦଣ୍ଡପାଟ ଗୋଟେ ଘଟନା କଥା ଲେଖିଛନ୍ତି। ତାକୁ ପଢିବାପରେ ଲଜ୍ଜା ଓ କ୍ଷୋଭରେ ଆମ ମୁଣ୍ଡ ତଳକୁ ହେବାପାଇଁ ବାଧ୍ୟ। ଜି-ଉଦୟଗିରିର ଜଣେ ଜଣାଶୁଣା ଡାକ୍ତର ସପନ ପ୍ରଧାନ ଦାୟିତ୍ଵ ନିର୍ବାହ କରିବା ସମୟରେ ମୃତ୍ୟୁବରଣ କଲେ। ଡାକ୍ତର ପ୍ରଧାନଙ୍କର କରୋନା କାରଣରୁ ମୃତ୍ୟୁ ହୋଇଥିବାର କୌଣସି ସୂଚନା ନାହିଁ। ତେବେ କରୋନାଯୋଦ୍ଧା ଭାବରେ ସେ ଦାୟିତ୍ଵ ନିର୍ବାହ କରିବା ସମୟରେ ମୃତ୍ୟୁ ବରଣ କଲେ। ତାଙ୍କ ଶବକୁ ସତ୍କାର କରିବା ଲାଗି ଯେତେବେଳେ ଡାକ୍ତର ପ୍ରଧାନଙ୍କର ଗାଁ କୁ ନିଆଗଲା ଗାଁରେ ଶବକୁ ପୂରେଇ ଦିଆଗଲା ନାହିଁ। ପ୍ରଶାସନର ଲୋକେ ବହୁ ଚେଷ୍ଟା କରି…

ସୀତାରାମ ଅଗ୍ରଓ୍ବାଲ ବାଣପୁର : ଖୋର୍ଦ୍ଧା ଜିଲ୍ଲା ବାଣପୁରରେ କରୋନା ମହାମାରୀ ତାଣ୍ଡବ ମଚାଉଛି । ଦିନକୁ ଦିନ କରୋନା ଯୋଦ୍ଧା ଙ୍କ ସହ ଲୋକାଲ କେସ ବଢ଼ିବାରେ ଲାଗିଛି ।ଗତକାଲି ବାଣପୁର ମେଡିକାଲରୁ ପୁଣି ଜଣେ କରୋନା ଯୋଦ୍ଧା ଆକ୍ରାନ୍ତ ହେଲାପରେ ଜିଲ୍ଲା ପ୍ରଶାସନ ତରଫରୁ ବାଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଦୁଇ ଦିନ ପାଇଁ ସଟ ଡ଼ାଉନ ଘୋଷଣା କରାଯାଇଅଛି ବୋଲି ଖୋର୍ଦ୍ଧା ସି.ଡ଼ି.ଏମ.ଓ ଡ଼ାଃ ବିଶ୍ୱରଞ୍ଜନ ପତି ସୂଚନା ଦେଇଛନ୍ତି । ଗତକାଲି ରାତିରୁ ଆସନ୍ତାକାଲି ରାତି ଅର୍ଥାତ ୨୩ ଜୁଲାଇ ସନ୍ଧ୍ୟା ରୁ ୨୫ ଜୁଲାଇ ରାତି ପର୍ଯ୍ୟନ୍ତ ବାଣପୁର ସରକାରୀ ହସ୍ପିଟାଲ ର ଅନ୍ତର୍ବିଭାଗ ଏବଂ ବହିର୍ବିଭାଗ ବନ୍ଦ ରହିବ କେବଳ କାଜୁଆଲିଟି ୱାର୍ଡ ଖୋଲା ରହିବ । ଉକ୍ତ ଦୁଇ ଦିନରେ ଆକ୍ରାନ୍ତଙ୍କ ସଂସ୍ପର୍ଶ ରେ ଆସିଥିବା ବ୍ୟକ୍ତିଙ୍କ କଣ୍ଟାକ୍ଟ ଟ୍ରେସିଙ୍ଗ, ସ୍ୱାବ ସଂଗ୍ରହ ଏବଂ ବିଶୋଧନ କାର୍ଯ୍ୟ କରାଯିବ l ଜନସାଧାରଣ…

ଭୁବନେଶ୍ବର, ମଞ୍ଚେଶ୍ବରରେ ଥିବା ଏକ ପ୍ରସିଦ୍ଧ ଅଟା କଳର ସମସ୍ତ 61 ଜଣ କର୍ମଚାରୀ ଏବଂ ମାଲିକଙ୍କୁ କରୋନା19 ପଜେଟିଭ ଚିହ୍ନଟ ହୋଇଛନ୍ତି। ଫଳରେ ବିଏମସି ତରଫରୁ ଅଟା କଳକୁ ସିଲ କରି ଦିଆଯାଇଛି।

ପିଣ୍ଟୁ ବିଷୋୟୀ କୋଦଳା: ଗଞ୍ଜାମ ଜିଲ୍ଲାରେ କରୋନା ସଂକ୍ରମଣ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଏହି କ୍ରମରେ କୋଦଳା ଏନ୍ଏସିରେ ମଧ୍ୟ ବୃଦ୍ଧି ପାଇଛି ପଜେଟିଭ୍ ସଂଖ୍ୟା। ପୂର୍ବରୁ ୱାର୍ଡ ୭ ଓ ୧୦ ରେଡ଼ ଜୋନ୍ ଭାବେ ଘୋଷଣା ହୋଇଥିବା ବେଳେ ଆଜି ୱାର୍ଡ଼ ନମ୍ବର ୨ କୁ ରେଡ଼୍ ଜୋନ୍ ଭାବେ ଘୋଷଣା କରାଯାଇଛି। ଏଥିସହ ଗୌଡ଼ ସାହିର ଉଭୟ ପଟେ ବ୍ୟାରିକେଡ୍ କରାଯାଇଛି। ଏହାକୁ ପ୍ରତିହତ କରିବା ପାଈଁ ପ୍ରଶାସନ ସ୍ତରରେ ତତ୍ପରତା ବୃଦ୍ଧି ପାଇଛି। ଲୋକଙ୍କୁ ସଚେତନ କରିବା ପାଇଁ ବିଭିନ୍ନ ପ୍ରକାର ପନ୍ଥା ଆପଣେଇଛି କୋଦଳା ପ୍ରଶାସନ। କରୋନା ପଜେଟିଭ ଚି଼ହ୍ନଟ ହେଲେ ସେମାନଙ୍କୁ ଅନ୍ୟତ୍ର ସ୍ତାନାନ୍ତର ନ କରିବା ଉଦ୍ଦେଶ୍ୟ ନେଇ ଜିଲ୍ଲା ପ୍ରଶାସନ ର ନିର୍ଦ୍ଦେଶ କ୍ରମେ କୋଦଳା କଲ୍ୟାଣ ମଣ୍ଡପ ପରିସର ରେ ଖୋଲିଛି “କୋଭିଡ୍ କେୟାର ହୋମ୍। ଏଠାରେ ଆଣ୍ଟିଜେନ ଟେଷ୍ଟ ସହିତ ସ୍ବାବ ଟେଷ୍ଟ ସମେତ ୨୦…