Author: Samikhsya Bureau

ନୂଆଦିଲ୍ଲୀ: ଦିଲ୍ଲୀରେ ଏବେ ଗୁଟ୍‌ଖା ଓ ପାନ୍‌ ଛେପ ପକାଇଲେ ନିସ୍ତାର ନାହିଁ। ଏନଡିଏମସି ଏନେଇ ଏକ ସ୍ବତନ୍ତ୍ର ପ୍ଲାନ୍‌ ପ୍ରସ୍ତୁତ କରିଛନ୍ତି। ଏଥିପାଇଁ ସର୍ବସାଧାରଣ ସ୍ଥାନରେ ଛେପ ପକାଇଲେ ମୋଟା ଅଙ୍କର ଜରିମାନା ଆଦାୟ କରାଯିବ। ଛେପ ପକାଇଲେ 2000 ଟଙ୍କାର ତଣ୍ଡ ଗଣିବାକୁ ପଡିବ ବୋଲି ନିର୍ଦ୍ଦେଶ ଜାରି କରାଯାଇଛି। ନିକଟରେ ମଧ୍ୟ ଛେପ ପକାଇବା ବାରଣ କରିବା ସହ ଏନେଇ ଜରିମାନା ଆଦାୟ କରିବା ନେଇ ଗୃହ ମନ୍ତ୍ରାଳୟ ନିର୍ଦ୍ଦେଶ ଦେଇଥିଲେ। ନୂତନ ନିର୍ଦ୍ଦେଶ ଅନୁଯାୟୀ ସାର୍ବଜନିକ ସ୍ଥାନରେ ଛେପ ପକାଇଲେ ଏହା ଦଣ୍ଡନୀୟ ଅପରାଧ ରୂପେ ବିବେଚନା ହେବ। ଏହା ପରେ ଦିଲ୍ଲୀରେ ଏହାକୁ ନେଇ ନିୟମକୁ ବେଶ କଡାକଡି କରାଯାଇଛି। ଗତ ବର୍ଷ ମଧ୍ୟ ଦିଲ୍ଲୀର ସର୍ବସାଧାରଣ ସ୍ଥାନରେ ଛେପ ନ ପକାଇବା ପାଇଁ ସିଭିକ୍‌ ଓ୍ବାର୍ଡେନ୍‌ଙ୍କୁ ନିୟୋଜିତ କରାଯାଇଥିଲା। ଯାହା ଦ୍ବାରା ଲୋକମାନେ ଯେପରି ଅପରିଷ୍କାର ନ କରନ୍ତି ଏବଂ ସର୍ବସାଧାରଣ ସ୍ଥାନରେ…

ନୂଆଦିଲ୍ଲୀ : କରୋନା ଭାଇରସ୍‌ ଯୋଗୁଁ 53ଟି ଦେଶରେ ମୋଟ୍‌ 3,336ଜଣ ଭାରତୀୟ ସଂକ୍ରମିତ ହୋଇଥିବାବେଳେ ବିଦେଶରେ 25ଜଣ ଭାରତୀୟ ମୃତ୍ୟୁ ହୋଇଛି ବୋଲି ସରକାରୀ ସୂତ୍ରରୁ ସୂଚନା ମିଳିଛି। ବିଦେଶରେ ଫଶି ରହିଥିବା ଭାରତୀୟଙ୍କୁ ସଂଯମ ରଖିବାକୁ  କୁହାଯାଇଛି । କରୋନା ସଂକ୍ରମଣକୁ ଦୃଷ୍ଟିରେ ରଖି ସେମାନଙ୍କୁ ସ୍ବଦେଶ ଅଣାଯାଉନାହିଁ । ସେହିପରି ଭାରତରେ 55ଟି ଦେଶରେ ବାଣିଜ୍ୟିକ ଆଧାରରେ ମ୍ୟାଲେରିଆ ନିରୋଧୀ ହାଇଡ୍ରୋକ୍ସି କ୍ଲରୋକୁଇନ୍‌ ଯୋଗାଇ ଦେବାର ନିଷ୍ପତ୍ତି ନେଇଛି । ସେହିପରି ବିଦେଶରୁ ମେଡ଼ିକାଲ ଉପକରଣ ମଗାଇଛି । ଭାରତ ଦକ୍ଷିଣ କୋରିଆ ଓ ଚୀନ୍‌ରୁ କୋଭିଡ-19 ଯାଞ୍ଚ କିଟ୍‌ ଆଣିଥିବାବେଳେ କରୋନା ମହାମାରୀ ସହ ଲଢେଇବ ପାଇଁ ଅନ୍ୟାନ୍ୟ ମେଡିକାଲ ଉପକରଣ ଜର୍ମାନୀ, ଆମେରିକା, ବ୍ରିଟେନ୍‌, ମାଲେସିଆ, ଜାପାନ ଓ ଫ୍ରାନ୍ସଆଦି ଦେଶରୁ ଆଣିବା ନେଇ ବିଚାର କରୁଛି । ବିଶ୍ବରେ କରୋନା ସଂକ୍ରମିତ ଓ ମୃତ୍ୟୁ ସଂଖ୍ୟା ବଢିବାରେ ଲାଗିଛି । ବିଶ୍ବରେ 21…

ନୂଆଦିଲ୍ଲୀ : କରୋନା ସଂକଟ ଓ ଲକ୍ ଡାଉନକୁ ଦୃଷ୍ଟିରେ ରଖି ଆଜି ଆରବିଆଇ ରେପୋ ରେଟ୍‌କୁ ହ୍ରାସ କରିଛନ୍ତି। 0.25 ବେସ ପଏଣ୍ଟ ହ୍ରାସ କରିବା ପରେ ରେପୋ ରେଟ୍ 4%ରୁ ହ୍ରାସ ପାଇ 3.75%ରେ ପହଞ୍ଚିଛି। ଏହି ରେପୋ ରେଟ୍‌ ହ୍ରାସ ପରେ ବ୍ୟାଙ୍କଗୁଡିକ ଫାଇଦା ମିଳିବ। ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ ଏକ ସାମ୍ବାଦିକ ସମ୍ମିଳନୀ କରିଛନ୍ତି। ଏହି ସମ୍ମିଳନୀରେ  କରୋନା ଯୋଦ୍ଧାକୁ ପ୍ରଶଂସା କରିବା ସହିତ କରୋନା ସହ ଲଢେଇ ପାଇଁ ପୂରା ଚେଷ୍ଟା ଚାଲିଛି ବୋଲି କହିଛନ୍ତି । ବିଶ୍ବରେ ବଡ ଆର୍ଥିକ ମାନ୍ଦାବସ୍ଥାର ଆଶଙ୍କା କରିଛନ୍ତି ଆରବିଆଇ ଗଭର୍ଣ୍ଣର। ବିଶ୍ବରେ 9 ଟ୍ରିଲିୟନ୍‌ ଡଲାର କ୍ଷତି ହେବାର ଆଶଙ୍କା କରାଯାଉଛି ବୋଲି କହିଛନ୍ତି ଆରବିଆଇ ଗଭର୍ଣ୍ଣର । ତେବେ ବାକି ଦେଶ ଅପେକ୍ଷା ଭାରତର ଆର୍ଥିକ ସ୍ଥିତି ଭଲ ରହିଛି ବୋଲି କହିଛନ୍ତି। ଜି-20 ଦେଶମାନଙ୍କ ଭିତରେ ଭାରତର ଅବସ୍ଥା ଭଲ…

କର୍ଣ୍ଣାଟକ : କରୋନା ଭାଇରସ୍‌ ସଂକଟ ସମୟରେ ଦେଶରେ ଜାରି ରହିଛି ଲକ୍ ଡାଉନ୍‌ । ଏହା ମଧ୍ୟରେ ଆଜି ବିବାହ କରୁଛନ୍ତି କର୍ଣ୍ଣାଟକର ପୂର୍ବ ମୁଖ୍ୟମନ୍ତ୍ରୀ ତଥା ଜନତା ଦଳ ସେକ୍ୟୁଲାର୍‌ (ଜେଡିଏସ୍‌)ର ନେତା ଏଚ୍‌ଡି କୁମାରୀସ୍ବାମୀଙ୍କ ପୁତ୍ର ନିଖିଲ କୁମାରସ୍ବାମୀ । ନିଖିଲ କଂଗ୍ରେସର ପୂର୍ବ ଆବାସ ମନ୍ତ୍ରୀ ଏମ୍ କୃଷ୍ଣପ୍ପାଙ୍କ ଝିଆରୀ ରେବତୀଙ୍କ ସହ ବିବାହ କରୁଛନ୍ତି । ନିଖିଲ୍‌ ରାଜନୀତିରେ ସକ୍ରିୟ ଥିବା ସହ କେତୋଟି କନ୍ନଡ ଫିଲ୍ମରେ ମଧ୍ୟ ଅଭିନୟ କରିଛନ୍ତି । ଲକ୍‌ ଡାଉନ୍‌ ଯୋଗୁଁ ସାମାଜିକ ସମାବେଶ, ଧାର୍ମିକ କାର୍ଯ୍ୟକ୍ରମ ଆଦିକୁ ବାରଣ କରାଯାଇଥିବାବେଳେ ନିଖିଲ୍‌ ଓ ରେବତୀଙ୍କ ବିବାହ କିଛି ପରିବାର ସଦସ୍ୟଙ୍କ ମଧ୍ୟରେ ଅନୁଷ୍ଠିତ ହେବ । ରାମନଗର ନିକଟସ୍ଥ 95 ଏକର ଏକ ଜମିରେ ବିଭାଘର ହେବା ନେଇ ଯୋଜନା ପ୍ରସ୍ତୁତ କରାଯାଇଥିବାବେଳେ ଲକ୍‌ଡାଉନ୍‌ ଦେଖି ଏଥିରେ ପରିବର୍ତ୍ତନ କରାଯାଇଛି। ସୀମିତ ଲୋକଙ୍କ ମଧ୍ୟରେ ବିବାହ ହେବ…

ନୂଆଦିଲ୍ଲୀ, ସାରା ପୃଥିବୀକୁ କରୋନା ବର୍ତ୍ତମାନ ଅସ୍ତବ୍ୟସ୍ତ କରିଦେଇଛି। ଫଳରେ ଅନେକ ସ୍ଥାନରେ ଅନେକ କଥା ବଦଳିବାରେ ମଧ୍ୟ ଲାଗିଛି। ପୁରା ପୃଥିବୀର ଆଇନି କାନୁନକୁ ମଧ୍ୟ ବଦଳାଇ ଦେଇଛି ଏହି ମହାମାରୀ। ବର୍ତ୍ତମାନ ପରିସ୍ଥିତି ଏପରି ହୋଇଛି ଯେ, ସବୁ ଯାନିଯାତ୍ରା, ଯାତାୟାତ ସବୁ ଠପ ହୋଇଯାଇଛି। ଏପରିକି ବଡବଡ ଧର୍ମକର୍ମ ମଧ୍ୟ ଏହି ମହାମାରୀ ଯୋଗୁଁ କେଉଁଠି ବନ୍ଦ ତ କେଉଁଠି ପରିବର୍ତ୍ତନ କରାଯାଇଛି। ଏହିପରି ପରିସ୍ଥିତି ଭିତରେ ନୂଆଦିଲ୍ଲୀରୁ ଆସିଛି ଏକ ହୃଦୟ ବିଦାରକ ଦୃଶ୍ୟ । ତାହା ହେଲା ଗତକାଲି ନୂଆଦିଲ୍ଲୀର ଜଣେ ମହିଳା କୋଭିଡ ଆକ୍ରାନ୍ତ ଯୋଗୁଁ ମୃତ୍ୟୁବରଣ କରିଥିଲେ। ହେଲେ କରୋନାରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ଶବ ସତ୍କାର କରିବା ପାଇଁ କିଛି କଟକଣା ଥିବାରୁ ସେହି ଅନୁସାରେ ସେହି ମହିଳାଙ୍କ ଶବ ସତ୍କାର କରାଯାଇଥିଲା। ଶବକୁ କବର ଦେବା ପାଇଁ ତାଙ୍କ ପରିବାର ଲୋକେ ଦଉଡିର ସହାୟତା ନେଇଥିଲେ। ଶବ ର…

ଭୁବନେଶ୍ବର : ଗତକାଲି ରାଜ୍ୟରେ ପରୀକ୍ଷା ହୋଇଥିବା ସବୁ କରୋନା ଟେଷ୍ଟ ନେଗେଟିଭ୍‌ ବୋଲି ଜଣାପଡିଛି । କାଲି ସମୁଦାୟ 843ଟି ସାମ୍ପଲ୍‌ ଟେଷ୍ଟ ହୋଇଥିବାର ସୂଚନା ରହିଥିଲା। ଏପର୍ଯ୍ୟନ୍ତ ରାଜ୍ୟରେ 7577 ସାମ୍ପଲ୍‌ ଟେଷ୍ଟ ହୋଇଛି । ଏହି 7577 ସାମ୍ପଲ୍‌ରୁ 7517ଟି ନେଗେଟିଭ୍‌ ରହିଥିବାବେଳେ 60ଟି ପଜିଟିଭ୍‌ ରହିଛି । 60 ପଜିଟିଭ୍‌ ମଧ୍ୟରୁ 40 ଜଣ ଚିକିତ୍ସାଧୀନ ରହିଥିବାବେଳେ 19ଜଣ ସୁସ୍ଥ ହୋଇଛନ୍ତି । ରାଜ୍ୟରେ କରୋନା ଯୋଗୁଁ ଜଣକର ମୃତ୍ୟୁ ହୋଇଛି । ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଓ୍ବେବସାଇଟ୍‌ ତରଫରୁ ଏନେଇ ସୂଚନା ଜାରି କରାଯାଇଛି ।

ନୂଆଦିଲ୍ଲୀ: ଦେଶରେ କରୋନା ଭାଇରସ୍ ମାମଲା ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି । ସ୍ବାସ୍ଥ୍ୟମନ୍ତ୍ରାଳୟ ତରଫରୁ ମିଳିଥିବା ସୂଚନା ଅନୁସାରେ ଦେଶରେ ସଂକ୍ରମିତଙ୍କ ସଂଖ୍ୟା 13387ରେ ପହଞ୍ଚିଥିବାବେଳେ ମୃତକଙ୍କ ସଂଖ୍ୟା 437ରେ ପହଞ୍ଚିଛି । ଗତ 24 ଘଣ୍ଟା ମଧ୍ୟରେ 23 ଜଣଙ୍କର ମୃତ୍ୟୁ ହୋଇଛି ବୋଲି ସୂଚନା ମିଳିଛି । ଦେଶରେ କରୋନା ଜନିତ ମୃତ୍ୟୁ ସଂଖ୍ୟା 437କୁ ବୃଦ୍ଧି ହୋଇଥିବାବେଳେ ସବୁଠାରୁ ଅଧିକ ମହାରାଷ୍ଟ୍ରରେ ହିଁ ହୋଇଛି । ଏଠାରେ କରୋନା ଜନିତ ମୃତ୍ୟୁ ସଂଖ୍ୟା 194ରେ ପହଞ୍ଚିଛି । ସେହିପରି ଏହା ପଛକୁ ରହିଛି ମଧ୍ୟପ୍ରଦେଶ । ଏଠାରେ 53 ଜଣ, ଗୁଜୁରାଟରେ 36ଜଣ, ଦିଲ୍ଲୀରେ 38 ଜଣ, ତେଲେଙ୍ଗାନାରେ 18ଜଣ, ତାମିଲନାଡୁରେ 15 ଜଣ, ଆନ୍ଧ୍ରପ୍ରଦେଶରେ 14 ଜଣଙ୍କର ମୃତ୍ୟୁ ହୋଇଛି । ସେହିପରି ପଞ୍ଜାବ, ଉତ୍ତରପ୍ରଦେଶରେ 13-13 ଜଣ, ପଶ୍ଚିମବଙ୍ଗରେ 10ଜଣଙ୍କର ମୃତ୍ୟୁ ହୋଇଛି । ଜମ୍ମୁକାଶ୍ମୀରରେ 4 ଜଣଙ୍କର ମୃତ୍ୟୁ ହୋଇଥିବାବେଳେ…

ପରଭଣୀ: ମହାରାଷ୍ଟ୍ରର ପରଭଣୀ ଜିଲ୍ଲାରେ ଗୁରୁବାର ଦିନ କରୋନା ଜନିତ ପ୍ରଥମ ମାମଲା ସାମ୍ନାକୁ ଆସିଛି । ପୁଣେରୁ ଚାଲିଚାଲି ପରଭଣୀକୁ ଆସିଥିବା ଜଣେ ଯୁବକଙ୍କ ନିକଟରେ କରୋନା ପଜିଟଭ୍‌ ମିଳିଛି । ସ୍ବାସ୍ଥ୍ୟ ଅଧିକାରୀଙ୍କ ସୂଚନା ଅନୁଯାୟୀ ପୁଣେରୁ ଚାଲି ଚାଲି ନିଜ ଘର ପରଭଣୀର ପହଞ୍ଚିଥିବା 21ବର୍ଷୀୟ ଯୁବକଙ୍କ ଠାରେ କୋଭିଡ-19  ପଜିଟିଭ୍‌ ମିଳିଛି । ପ୍ରାୟ 350 କିଲୋମିଟର ଚାଲି ଚାଲି ପରଭଣୀରେ ପହଞ୍ଚିବା ପରେ ସେ କରୋନା ସଂକ୍ରମିତ ହୋଇଥିବା ଜଣାପଡିଥିଲା । ତାଙ୍କୁ ପରଭଣୀର ସିଭିଲ୍‌ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଏବେ ତାଙ୍କ ଅବସ୍ଥା ସ୍ଥିର ରହିଥିବାବେଳେ ତାଙ୍କ ସମ୍ପର୍କରେ ଆସିଥିବା ଆଠରୁ ନଅ ଜଣଙ୍କୁ ଖୋଜା ଯାଉଛି । ଭାରତରେ କରୋନା ସଂକ୍ରମିତଙ୍କ ସଂଖ୍ୟା 12759ରେ ପହଞ୍ଚିଥିବାବେଳେ 420 ଜଣଙ୍କର ମୃତ୍ୟୁ ହୋଇଛି। ସେହିପରି 1514 ଜଣ ଏଥିରୁ ସୁସ୍ଥ ହୋଇଛନ୍ତି । ଦେଶରେ ସର୍ବାଧିକ କରୋନା ଆକ୍ରାନ୍ତ…

ବ୍ରାଜିଲ୍‌ : ବିଶ୍ବ ମହାମାରୀ କରୋନା ଯୋଗୁଁ ରାଷ୍ଟ୍ରଗୁଡିକ ଆର୍ଥିକ ବିପର୍ଯ୍ୟୟର ସାମ୍ନା କରୁଛନ୍ତି। ବ୍ରାଜିଲ୍‌ରେ କରୋନା ନେଇ ଉଭୟ ରାଷ୍ଟ୍ରପତି ଓ ସ୍ବାସ୍ଥ୍ୟମନ୍ତ୍ରୀଙ୍କ ମଧ୍ୟରେ ସ୍ବାସ୍ଥ୍ୟ ଓ ଅର୍ଥକୁ ନେଇ ଜାରିରହିଥିବା ମତଭେଦ ଉଗ୍ର ରୂପ ଧାରଣ କରିଛି । ବ୍ରାଜିଲ୍‌ର ରାଷ୍ଟ୍ରପତି ଜାୟରା ବୋଲସୋନାରୋ ସେଠାକାର ସ୍ବାସ୍ଥ୍ୟ ମନ୍ତ୍ରୀଙ୍କୁ ନିଲମ୍ବନ କରିଛନ୍ତି । ଦୁହିଁଙ୍କ ମଧ୍ୟରେ କରୋନା ସହ ଲଢିବାକୁ ନେଇ ମତଭେଦ ଚାଲିଥିଲା । ବ୍ରାଜିଲର ସ୍ବାସ୍ଥ୍ୟମନ୍ତ୍ରୀ ଲୁଇଜ୍‌ ହେନେରିକ୍‌ ମେଣ୍ଡେଟା ଓ ରାଷ୍ଟ୍ରପତିଙ୍କ ମଧ୍ୟରେ ମତଭେଦ ଏବେ ସାମ୍ନାକୁ ଆସିଛି । ବ୍ରାଜିଲ୍‌ର ସ୍ବାସ୍ଥ୍ୟମନ୍ତ୍ରୀ ଲଗାତାର ସୋସିଆଲ ଡିଷ୍ଟାନ୍ସିଂ ଓ ଆଇସୋଲେସନ୍‌  ସପକ୍ଷରେ ଯୁକ୍ତି ବାଢୁଥିବାବେଳେ ରାଷ୍ଟ୍ରପତି ବ୍ରାଜିଲ୍‌ର ଅର୍ଥବ୍ୟବସ୍ଥାକୁ ଅଧିକ ଗୁରୁତ୍ବ ମହତ୍ତ୍ବପୂର୍ଣ୍ଣ ବୋଲି କହୁଛନ୍ତି । ଦୁହିଁଙ୍କ ମଧ୍ୟରେ କରୋନାକୁ ନେଇ ମତଭେଦ ଚାଲିଥିବା ଯୋଗୁଁ ରାଷ୍ଟପତି ସ୍ବାସ୍ଥ୍ୟମନ୍ତ୍ରୀଙ୍କୁ ବରଖାସ୍ତ କରିଛନ୍ତି । ତାଙ୍କ ସ୍ଥାନରେ ନେଲେସନ୍‌ ଟିଚ୍‌ଙ୍କୁ ନୂତନ ସ୍ବାସ୍ଥ୍ୟମନ୍ତ୍ରୀ ଭାବେ…

ନ୍ୟୁୟର୍କ : ସାରା ଦେଶରେ କରୋନା କାୟା । ବିଶ୍ବର ବହୁ ଶକ୍ତିଶାଳୀ ରାଷ୍ଟ୍ର ଆଜି କରୋନା ମାଡରେ ଧରାଶାୟୀ ହେବାକୁ ଲାଗିଲେଣି । କରୋନାର ଭୟାବହତାରୁ ରକ୍ଷା ପାଇଁ ଅନେକ ରାଷ୍ଟ୍ର ଲକ୍ ଡାଉନ୍‌କୁ ମାନି ନେଇଛନ୍ତି ।  ସବୁଠାରୁ ଅଧିକ କ୍ଷତିଗ୍ରସ୍ତ ହେଉଥିବା ଆମେରିକା ଗତକାଲି ନ୍ୟୁୟର୍କଠାରେ ଆସନ୍ତା ମେ 15 ପର୍ଯ୍ୟନ୍ତ ଲକଡାଉନ୍‌ବକୁ ବଢାଇଦେଇଛି । ଏନେଇ ନ୍ୟୁୟର୍କର ଗଭର୍ନର୍‌ ସୂଚନା ଦେଇଛନ୍ତି । ପୂର୍ବରୁ ଏଠାରେ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଥିଲା । ଆମେରିକାର ନ୍ୟୁୟର୍କ ସହର ଏବେ କରୋନା ଭାଇରସର କେନ୍ଦ୍ରସ୍ଥଳ ପାଲଟିଛି । ଆମେରିକା ବ୍ୟତୀତ ବ୍ରିଟେନ୍‌ ମଧ୍ୟ ଦେଶରେ ଲକ୍‌ଡାଉନର ଅବଧିକୁ 3 ସପ୍ତାହ ପାଇଁ ବୃଦ୍ଧି କରାଇଛି । ବିଟ୍ରେନ୍‌ର ବିଦେଶ ସଚିବ ଡମିନିକ୍‌ ରାଓ୍ବ ଡାଉନିଂ ଷ୍ଟ୍ରିଟ୍‌ ଠାରେ ଏ ସମ୍ପର୍କରେ ଘୋଷଣା କରିଛନ୍ତି । ତେବେ ପ୍ରଧାନମନ୍ତ୍ରୀ ବୋରିସ୍‌ ଜନସନ୍‌ କରୋନାରେ ସଂକ୍ରମିତ ହୋଇଥିଲେ । ସେ…

ଉତ୍ତରପ୍ରଦେଶ : କରୋନା ସଂକଟ ମଧ୍ୟରେ ଉତ୍ତରପ୍ରଦେଶର ଯୋଗୀ ସରକାର ବଡ ପଦକ୍ଷେପ ଉଠାଇଛନ୍ତି। ପ୍ରଦେଶର ସରକାର ଆବଶ୍ୟକ ସେବାଗୁଡିକ ସହିତ 11 ଟି ଶିଳ୍ପକୁ ସସର୍ତ୍ତ ଚଳାଇବା ପାଇଁ ଅନୁମତି ଦେଇଛନ୍ତି । ସେହି ଶିଳ୍ପୋଦ୍ୟୋଗଗୁଡିକ ମଧ୍ୟରେ ରହିଛି ଷ୍ଟିଲ୍‌, ରିଫାଇନାରୀ, ସିମେଣ୍ଟ, ରସାୟନ, ଉର୍ବରକ, ବସ୍ତ୍ର ଶିଳ୍ପ (କେବଳ ପରିଧାନକୁ ଛାଡି) ପେପର୍‌, ଟାୟର୍‌, ଚିନି ମିଲ୍‌କୁ ଆରମ୍ଭ କରିବାକୁ ଅନୁମତି ଦେଇଛନ୍ତି । ଏହା ସହିତ ସାଧାରଣ ପ୍ରଭାବଶାଳୀ ଚିକିତ୍ସା କାରଖାନାକୁ ମଧ୍ୟ ଅନୁମତି ମିଳିଛି । ପ୍ରଥମ ପର୍ଯ୍ୟାୟରେ 50 ପ୍ରତିଶତ ଶ୍ରମିକ ସହିତ ୟୁନିଟ୍‌ ଚଳାଇବାକୁ ଅନୁମତି ଦିଆଯାଇଛି । ସେହିପରି ହଟସ୍ପଟ୍‌ ଅଞ୍ଚଳରେ ୟୁନିଟ୍‌ ଚଳାଇବା ଉପରେ ପ୍ରତିବନ୍ଧକ ଲାଗୁ କରାଯାଇଛି । ସେହିପରି ଶିଳ୍ପଉଦ୍ୟୋଗଗୁଡିକୁ ଗାଇଡ୍‌ଲାଇନ ଅନୁସାରେ ସାନିଟାଇଜେସନ୍‌ କରାଯିବ । ଶ୍ରମିକଙ୍କୁ ଥର୍ମାଲ୍‌ ସ୍କ୍ରିନିଂ କରାଯିବ । ୟୁନିଟ୍‌ ଗୁଡିକରେ ସାନିଟାଇଜର୍‌, ମାସ୍କ ଓ ପାଣିର ପୂରା ବନ୍ଦୋବସ୍ତ କରିବାକୁ…

ନୂଆଦିଲ୍ଲୀ: ବିଶ୍ବର 210ଟି ରାଷ୍ଟ୍ରରେ କରୋନା ବ୍ୟାପିଥିବାବେଳେ ସାରା ବିଶ୍ବରେ ଏବେ କରୋନା ସଂକ୍ରମିତଙ୍କ ସଂଖ୍ୟା 21,82,197ରେ ପହଞ୍ଚିଛି । ସେହିପରି କରୋନା ଜନିତମୃତ୍ୟୁ ସଂଖ୍ୟା 145,521 । ସେହିପରି ଏହି ରୋଗରୁ ସୁସ୍ଥ ହୋଇଛନ୍ତି 547,295 ଜଣ । ସର୍ବାଧିକ ପ୍ରଭାବିତ ଆମେରିକାରେ 34 ହଜାର 617 ଜଣଙ୍କ ମୁଣ୍ଡ ଗଡ଼ିଲାଣି। ଆମେରିକାରେ 6ଲକ୍ଷ 77 ହଜାର 570 ଲୋକ କୋଭିଡ୍ 19ରେ ଆକ୍ରାନ୍ତ ହୋଇଛନ୍ତି। କରୋନାରେ ଦ୍ୱିତୀୟ ସର୍ବାଧିକ ମୃତ୍ୟୁ ଘଟିଛି ଇଟାଲୀରେ। ଏଠାରେ 22 ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ବେଳେ 1ଲକ୍ଷ 84 ହଜାରରୁ ଅଧିକ ସଂକ୍ରମିତଙ୍କୁ ଚିହ୍ନଟ କରାଯାଇଛି। ସେହିଭଳି ସ୍ପେନରେ 1 ଲକ୍ଷ 84 ହଜାର 948ଜଣ ଲୋକ ଆକ୍ରାନ୍ତ ହୋଇଥିବାବେଳେ 19 ହଜାରରୁ ଅଧିକ ଲୋକଙ୍କ ଜୀବନ ନେଇଛି କରୋନା। ସେହିପରି ଫ୍ରାନ୍ସରେ  ଏକ ଲକ୍ଷ 65 ହଜାର 27ଜଣ ସଂକ୍ରମିତ ହୋଇଥିବାବେଳେ 17 ହଜାର 920 ଜଣ ମୃତ୍ୟୁ…

କେଦାର ମିଶ୍ର ଭାରତରେ କରୋନା ପରୀକ୍ଷାର ହାର ଯଥେଷ୍ଟ କମ, ତେଣୁ ସଙ୍କ୍ରମିତଙ୍କ ସଂଖ୍ୟା ବି କମ। ଏ ପଟେ ହାତରୁ ସମୟ ଖସି ଯାଉଛି। ଭାରତରେ ଲକ ଡାଉନ ୨୪ ଦିନରେ ପହଞ୍ଚିଲାଣି। ବିଭିନ୍ନ ରାଜ୍ୟରେ ଏହା ମାସେରୁ ଅଧିକ ହେଲାଣି। ହୁଏତ ଆମେରିକା ଭଳି ଆମର ଆକ୍ରାନ୍ତଙ୍କ ସଂଖ୍ୟା ବଢୁନାହିଁ। ହେଲେ ସତରେ ଏହା ବଢୁ ନାହିଁ, ନା ଆମର ପରୀକ୍ଷା କମ! ଏ ପ୍ରଶ୍ନ ଆଜି ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଧରନ୍ତୁ, ଆମେରିକାରେ ଆକ୍ରାନ୍ତ ଓ ମୃତକଙ୍କ ସଂଖ୍ୟା ଢେର ଅଧିକ। ସେଠାରେ ବର୍ତ୍ତମାନ ୬ ଲକ୍ଷ ୪୮ ହଜାର ଆକ୍ରାନ୍ତ ଓ ସେମାନଙ୍କ ମଧ୍ୟରୁ ୨୯ ହଜାର ମୃତ। ଆକ୍ରାନ୍ତଙ୍କ ତୁଳନାରେ ମୃତ୍ୟୁ ସଂଖ୍ୟା ୪.୪୩%। ଭାରତରେ ଆକ୍ରାନ୍ତ ଓ ମୃତଙ୍କ ଅନୁପାତ ପ୍ରାୟ ଆମେରିକା ସହ ସମାନ। ଭାରତରେ କରୋନା ଜନିତ ମୃତ୍ୟୁ ହାର ଆକ୍ରାନ୍ତଙ୍କ ତୁଳନାରେ ୩.୩୪%। ଏହା କିଛି ଗୋଟେ ଉତ୍ସାହଜନକ ସଂଖ୍ୟା…

ନୂଆଦିଲ୍ଲୀ, କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ଅଧୀନସ୍ଥା ସାଇବର ସମନ୍ୱୟ କେନ୍ଦ୍ର (ସାଇକର୍ଡ) ଘରୋଇ ବ୍ୟକ୍ତିବିଶେଷଙ୍କୁ ଜୁମ୍‌ ମିଟିଂ ପ୍ଲାଟଫର୍ମ ବ୍ୟବହାର ସଂପର୍କରେ କେତେକ ଉପଦେଶିକା ଜାରି କରିଛନ୍ତି । ଏହି ଉପଦେଶିକାରେ କୁହାଯାଇଛି ଯେ ସରକାରୀ ଅଧିକାରୀ/ କର୍ମଚାରୀମାନଙ୍କ ଦ୍ୱାରା ସରକାରୀ କାର୍ଯ୍ୟ ପାଇଁ ଏହା ବ୍ୟବହାରଯୋଗ୍ୟ ନୁହେଁ। ଭାରତୀୟ କମ୍ପ୍ୟୁଟର ଏମର୍ଜେନ୍ସି ରେସପନ୍ସ ଟିମ୍‌ (ସେର୍ଟ-ଇନ୍‌) ପକ୍ଷରୁ ପୂର୍ବରୁ ଜାରି କରାଯାଇଥିବା ଉପଦେଶାବଳୀ ମର୍ମରେ ଏହି ଉପଦେଶିକାକୁ ବିବେଚନା କରାଯିବ । ଜୁମ୍‌ ଏକ ନିରାପଦ ପ୍ଲାଟଫର୍ମ ନୁହେଁ ବୋଲି ଏଥିରେ ସ୍ପଷ୍ଟ ଭାବେ ସୂଚୀତ କରାଯାଇଛି । ଘରୋଇ ବ୍ୟକ୍ତିବିଶେଷ ଯେଉଁମାନେ ତଥାପି ନିଜର ବ୍ୟକ୍ତିଗତ କାର୍ଯ୍ୟ ସକାଶେ ଏହାକୁ ବ୍ୟବହାର କରୁଛନ୍ତି ସେମାନଙ୍କ ନିରାପତ୍ତା ସକାଶେ ଏଭଳି ଗାଇଡ଼ଲାଇନ୍‌ ଜାରି କରାଯାଇଛି। ଏଭଳି ଉପଦେଶିକାର ମୋଟାମୋଟି ଉଦ୍ଦେଶ୍ୟ ହେଲା ଜୁମ୍‌ ସମ୍ମିଳନୀ କକ୍ଷକୁ ଏହାର ଅସ୍ୱୀକୃତ ପ୍ରବେଶକୁ ରୋକାଯାଇପାରିବ ଏବଂ ସମ୍ମିଳନୀରେ ଅଂଶଗ୍ରହଣ କରୁଥିବା ଅନ୍ୟ ବ୍ୟବହାରକାରୀଙ୍କ…

ନୂଆଦିଲ୍ଲୀ, କୋଭିଡ-19 ମହାମାରୀ ଯୋଗୁଁ ଦେଶ ବର୍ତ୍ତମାନ ଲକଡାଉନ ଅବଧି ମଧ୍ୟରେ ଗତି କରୁଛି। ଏହାକୁ ଲକ୍ଷ୍ୟରେ ରଖି ଛାତ୍ରଛାତ୍ରୀଙ୍କ ସ୍ଵାର୍ଥ ଦୃଷ୍ଟିରୁ ବିଭିନ୍ନ ଶିକ୍ଷାନୁଷ୍ଠାନଗୁଡିକୁ ପରାମର୍ଶ ଦେବାକୁ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟ ଏଆସିଟିଇକୁ ନିର୍ଦ୍ଦେଶ ଦେଇଛି। ଏହାକୁ ଦୃଷ୍ଟିରେ ରଖି ଏଆଇସିଟିଇ ବିଭିନ୍ନ ଶିକ୍ଷାନୁଷ୍ଠାନଗୁଡିକୁ କେତେକ ନିର୍ଦ୍ଦେଶାବଳୀ ଜାରି କରିଛି। ସେହି ଅନୁସାରେ ବିଭିନ୍ନ ଶିକ୍ଷାନୁଷ୍ଠାନ ସେମାନଙ୍କ ଛାତ୍ରଛାତ୍ରୀଙ୍କ କଲ୍ୟାଣ ଦିଗରେ କାର୍ଯ୍ୟ କରିବାକୁ କୁହାଯାଇଛି । ଏହାକୁ ଦୃଷ୍ଟିରେ ରଖି ନିମ୍ନୋକ୍ତ ମାର୍ଗଦର୍ଶିକା ଜାରି କରାଯାଇ ଏହାର କଡାକଡି ଅନୁପାଳନ ନିମନ୍ତେ ନିର୍ଦ୍ଦେଶ ଦିଆଯାଇଛି । ଶିକ୍ଷାନୁଷ୍ଠାନ ଦେୟ – ଲକଡାଉନ କାଳରେ ମଧ୍ୟ ଶିକ୍ଷାନୁଷ୍ଠାନଗୁଡିକ ସେମାନଙ୍କର ଆଡମିସନ ସମେତ ଅନ୍ୟାନ୍ୟ ଫି ଦାଖଲ ପାଇଁ ଛାତ୍ରଛାତ୍ରୀଙ୍କୁ ବାଧ୍ୟ କରୁଥିବା ଏଆଇସିଟିଇର ନଜରକୁ ଆସିଛି । ଏଠାରେ ସ୍ପଷ୍ଟ କରିଦିଆଯାଉଛି ଯେ, କୌଣସି ଶିକ୍ଷାନୁଷ୍ଠାନ ଲକଡାଉନ ଉଠିବା ସହ ସ୍ଵାଭାବିକ ଅବସ୍ଥାକୁ ନଫେରିବା ଯାଏଁ ପିଲାମାନଙ୍କ…

ଦୁଷ୍ମନ୍ତ ପଣ୍ଡା କଳାହାଣ୍ଡି: ସମଗ୍ର ଭାରତ ବର୍ଷରେ କୋଭିଦ-୧୯ ସହ ସଂଘର୍ଷ କରୁଥିବା ବେଳେ ଓଡିଶା ଓ କଳାହାଣ୍ଡି ଜିଲ୍ଲା ମଧ୍ୟ ସେଥିରୁ ବାଦ ପଡି ନାହିଁ। ପ୍ରଥମ ପର୍ଯ୍ୟାୟ ଲକଡାଉନ ୨୪ ମାର୍ଚ୍ଚରୁ ଅପ୍ରେଲ ୧୪ ତାରିଖ ପର୍ଯ୍ୟନ୍ତ ହୋଇଥିବା ବେଳେ ସରକାରଙ୍କ ପକ୍ଷରୁ ଖାଉଟି ମାନଙ୍କୁ ପ୍ରତି କାର୍ଡ ପିଛା ତିନିମାସର ଆଗୁଆ ରାସନ ସହିତ ହଜାରେ ଟଙ୍କା ଦେବା ସହିତ ପଂଜିକୃତ ଶ୍ରମିକ ମାନଙ୍କୁ ପନ୍ଦର ଶହ ଟଙ୍କା ଯୋଗାଇ ଦେବାର ବ୍ୟବସ୍ଥା ରହିଛି। ସେହିପରି ପ୍ରତି ଗ୍ରାମ ପଂଚାୟତରେ ନିହାତି ଗରିବ ଓ ନିଃସହାୟ ମାନଙ୍କୁ ରନ୍ଧା ଖାଦ୍ୟ ଯୋଗାଇ ଦେବାର ବ୍ୟବସ୍ଥା କରାଯାଇଛି। ପ୍ରତି ଗ୍ରାମପଂଚାୟତରେ ୫୦ ଶଯ୍ୟା ବିଶିଷ୍ଟ ଅସ୍ଥାୟୀ କୋଭିଦ ସ୍ୱାସ୍ଥ୍ୟ ଶିବିର ମାନ ପ୍ରତିଷ୍ଠା କରାଯାଇଥିବାର କୁହାଯାଉଛି। କେନ୍ଦ୍ର ସରକାରଙ୍କ ଦ୍ୱାରା ପ୍ରତି କାର୍ଡଧାରୀଙ୍କୁ ୫ କେଜି ଚାଉଲ, ଏକ କେଜି ଡାଲି ଓ ଚିନି ଯୋଗାଇ ଦେବାର ଘୋଷଣା…

ଭୁବନେଶ୍ବର: କରୋନା ଭୂତାଣୁ ରୋଗ (କୋଭିଡ୍‌-୧୯)ର ସଂକ୍ରମଣକୁ ପ୍ରତିହତ କରିବା ନିମନ୍ତେ ଓଡ଼ିଶା ସରକାର ଗ୍ରହଣ କରିଥିବା ବିଭିନ୍ନ ପଦକ୍ଷେପ ଉପରେ ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ଶ୍ରୀ ସୁବ୍ରତ ବାଗ୍‌ଚୀ, ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ସୁରେଶ ଚନ୍ଦ୍ର ମହାପାତ୍ର ଏବଂ ସୂଚନା ଓ ଲୋକସଂପର୍କ ବିଭାଗର କମିଶନର ତଥା ଶାସନ ସଚିବ ଶ୍ରୀ ସଂଜୟ କୁମାର ସିଂ ଆଜି ଅପରାହ୍ନରେ ଗଣମାଧ୍ୟମକୁ ସୂଚନା ଦେଇଛନ୍ତି। ସେହି ଅନୁସାରେ ଏ ପର୍ଯ୍ୟନ୍ତ କୋଭିଡ-୧୯ ମୁକାବିଲା ପାଇଁ ରାଜ୍ୟ ସରକାର ଯେଉଁ ପଦକ୍ଷେପ ନେଇଛନ୍ତି ସେଗୁଡିକ ହେଲା ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଅତି କମ୍‌ ସମୟ ମଧ୍ୟରେ ବର୍ତ୍ତମାନ ସୁଦ୍ଧା ରାଜ୍ୟର ୨୧ଟି ଜିଲ୍ଲାରେ ୨୪ଟି ସ୍ୱତନ୍ତ୍ର କୋଭିଡ-୧୯ ହସ୍‌ପିଟାଲ୍‌ କାର୍ଯ୍ୟ କରୁଛି। ଏହି ହସ୍‌ପିଟାଲ୍‌ଗୁଡ଼ିକରେ ସମୁଦାୟ ଶଯ୍ୟା ସଂଖ୍ୟା ୩୯୫୧ ହୋଇଥିବାବେଳେ ଆଇସିୟୁ ଶଯ୍ୟା ସଂଖ୍ୟା ୨୯୩। କଳାହାଣ୍ଡି ଜିଲ୍ଲାର ଭବାନୀପାଟଣା ଠାରେ ସ୍ୱତନ୍ତ୍ର…

ରଞ୍ଜିତ ପଣ୍ଡା କୁଜଙ୍ଗ: କୁଜଙ୍ଗବ୍ଳକରେ କୋଭିନ-୧୯ ପରିଚାଳନା ପାଇଁ ପଂଚାୟତ ସ୍ତରରେ ହୋଇଥିବା ଅସ୍ଥାୟୀ ସ୍ୱାସ୍ଥ୍ୟ ଶିବିରକୁ ଆଜି ଜଗତସିଂପହୁର ଜିଲ୍ଲାପାଳ ସଙ୍ଗ୍ରାମ କେଶରୀ ମହାପାତ୍ର ସରପ୍ରାଇଜ ଭିଜିଟରେ ଆସିଥିବା ଜଣାପଡ଼ିଛି। ଏହି କାର୍ଯ୍ୟକ୍ରମ ଅବସରରେ ଶ୍ରୀଯୁକ୍ତ ମହାପାତ୍ର ଅଗପାଳ ଏବଂ ପଙ୍କପାଳ ଠାରେ ଥିବା ଅସ୍ଥାୟୀ ଶିବିର ପରିଦର୍ଶନ କରିଥିଲେ। ସମ୍ଭାବ୍ୟ ସଙ୍କ୍ରମଣର ପ୍ରାଥମିକ ସ୍ତରରେ ଚିକିତ୍ସା ପାଇଁ ପ୍ରସ୍ତୁତ ହୋଇଥିବା ଏହି ଶିବିରକୁ ଦେଖିବାପରେ ଜିଲ୍ଲାପାଳ ସନ୍ତୋଷ ପ୍ରକାଶ କରିଥିଲେ। ଅଗପାଳରେ ୧୫ ଟି ଏବଂ ପଙ୍କପାଳ ପଂଚାୟତରେ ୧୫ଟି ଶିବିର ପ୍ରତିଷ୍ଠା କରାଯାଇଛି। ସେହିପରିଭାବେ ପଙ୍କପାଳରେ ଅଧିକ ୧୫ଟି ଅସ୍ଥାୟୀ ଶିବିର ନିର୍ମାଣ ପାଇଁ ପ୍ରସ୍ତୁତ କରିବାକୁ ଜିଲ୍ଲାପାଳ ଏହି ଅବସରରେ ନିର୍ଦ୍ଦେଶ ପ୍ରଦାନ କରିଥିବା ସମ୍ପୃକ୍ତ ପଂଚାୟତର ସରପଂଚଙ୍କ ପ୍ରତିନିଧ କୃଷ୍ଣପ୍ରସନ୍ନ ଦାସ ପ୍ରକାଶ କରିଛନ୍ତି। କାର୍ଯ୍ୟକ୍ରମ ଅବସରରେ କୁଜଙ୍ଗର ଭାରପ୍ରାପ୍ତ ମଣ୍ଡଳ ଉନ୍ନୟନ ଅଧିକାର ଡ଼. ପୂଜାଲେଙ୍କା, ଅତିରିକ୍ତ ମଣ୍ଡଳ ଉନ୍ନୟନ ଅଧିକାରୀ ସତ୍ୟଜିତ…

ସଞ୍ଜୟ କର ଖୋର୍ଦ୍ଧା: ବିଶ୍ବ ମହାମାରୀ କରୋନାକୁ ନେଇ ସାରା ବିଶ୍ବ ଏବେ ଆତଙ୍କିତ। କରୋନା ସହ ମୁକାବିଲା ପାଇଁ କେନ୍ଦ୍ର ସରକାର ଲକ୍‌ ଡାଉନ୍‌ ଜାରି କରିଛନ୍ତି। ଉଭୟ ସରକାରୀ ଓ ବେସରକାରୀ ସ୍ତରରେ କରୋନା ସହ ଲଢିବା ପାଇଁ ସତର୍କ ଓ ସଚେତନତା କରାଯାଉଛି। ଏହି କ୍ରମରେ ଆଜି ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଅନ୍ତର୍ଗତ ଗୋବିନ୍ଦପୁର (ପରିଛଳ)ଗ୍ରାମ ପଞ୍ଚାୟତ ଅଧୀନସ୍ଥ ବ୍ରହ୍ମପୁର ପାଟଣା ଗ୍ରାମର କିଛି ଉଦୀୟମାନ ଯୁବକ ନିଜସ୍ବ ଅବଦାନରେ ୪୦୦ ମାସ୍କ ଓ ସାବୁନ୍‌ ବଣ୍ଟନ କରିଛନ୍ତି। ପଞ୍ଚାୟତର ସମିତି ସଭ୍ୟ ବିପିନ ମହପାତ୍ରଙ୍କ  ପ୍ରତ୍ୟକ୍ଷ ତତ୍ତ୍ବାବଧାନରେ ଏହି ଯୁବକମାନେ କରୋନା ରୂପକ ମହାମାରୀଠାରୁ ସତର୍କ ରହିବା ନେଇ ସଚେତନତା ମଧ୍ୟ କରାଇଥିଲେ।

ରଞ୍ଜିତ ପଣ୍ଡା କୁଜଙ୍ଗ: ଆଜି ସନ୍ଧ୍ୟା ୭ଟା ସମୟରେ ଏରସମା ବ୍ଳକ ଢିଙ୍କିଆ ପଂଚାୟର ବଡ଼ପାଟଣା ଗ୍ରାମରେ ସର୍ଟ ସର୍କିଟ୍ କାରଣରୁ ନିଆଁ ଲାଗି ଗ୍ରାମର ପ୍ରଭାକର ମୁଦୁଲୀଙ୍କର ଦୁଇବଖରା ଘର ପୋଡ଼ି ଯାଇଥିବା ଜଣାପଡ଼ିଛି। ପୂର୍ବରୁ ମିଟର ନିକଟରେ ସ୍ପାର୍କିଂ ହେଉଥିଲା। ଆଜି ସନ୍ଧ୍ୟା ସମୟରେ ଏହା ଅଧିକ ହେବା ସହିତ ଘରେ ନିଆାଁ ଲାଗି ଯାଇଥିଲ। ଫଳରେ ଘରର ମମସ୍ତ ଆସବାବ ପତ୍ର ଜଳି ପାଉଁଶ ହୋଇ ଯାଇଥିଲା। ଘରେ ଏହି ସମୟରେ ଜଣେ ଥିଲେ ଓ ଦୌଡ଼ିଯାଇ ନିଜର ଜୀବନ ବଂଚାଇଥିିବା ଜଣାପଡ଼ିଛି। ଘରେ ଥିବା ଏକ ନୂଆ ମୋଟର ସାଇକେଲ, ଧାନ, ଚାଉଳ. ନଗଦ ଟଙ୍କା ସମସ୍ତ ଜଳି ଯାଇଥିବା ଜଣାପଡ଼ିଛି। ସ୍ଥାନୀୟ ସରପଂଚ କିଶୋର କୁମାର ପରିଡ଼ା ଦୂର୍ଗତଙ୍କୁ ୨ ହଜାର ଟଙ୍କା ପ୍ରଦାନ କରିଛନ୍ତି। ସମାଜସେବୀ ରଞ୍ଜନ କୁମାର ବର୍ଦ୍ଧନ, ସ୍ଥାନୀୟ ଥାନା ଅଧିକାରୀ ଯୁଗଳ କିଶୋର ଦାସ ପ୍ରମୁଖ ଘଟଣା ସ୍ଥଳରେ…

ଭୁବନେଶ୍ବର: ଲକ୍‌ଡାଉନ୍‌ ପାଇଁ ହୋଟେଲ୍‌, ଢାବା ବନ୍ଦ ଥିବାରୁ ବୁଲା ଜନ୍ତୁ ମାନେ ଖାଇବାକୁ ନାହିଁ ନଥିବାର ହଇରାଣ ହେଉଛନ୍ତି। ଏହି ହନ୍ତସନ୍ତ ବୁଲା ଜନ୍ତୁ, କୁକୁରଙ୍କୁ ଖାଦ୍ୟ ଦେବେ ସରକାର। ଜନ୍ତୁଙ୍କୁ ଖାଦ୍ୟ ଦେବାକୁ ମୁଖ୍ୟମନ୍ତ୍ରୀ ରିଲିଫ୍‌ ପାଣ୍ଠିରୁ 80 ଲକ୍ଷ ମଞ୍ଜୁରୀ ଦିଆଯାଇଛି। ବିଏମସି ଅଞ୍ଚଳରେ 19 ଦିନ ପାଇଁ ଖାଦ୍ୟ ଦିଆଯିବ, ପ୍ରତ୍ୟହ ଖର୍ଚ୍ଚ 20 ହଜାର ଖର୍ଚ୍ଚ ହେବ। ଭୁବନେଶ୍ବର ସହରରେ ବୁଲା ଜନ୍ତୁଙ୍କୁ ଖାଦ୍ୟ ଯୋଗାଉ ଥିବାବେଳେ ଅନ୍ୟ ମହାନଗରରେ ବି 19 ଦିନ ପର୍ଯ୍ୟନ୍ତ ଖାଦ୍ୟ ଦିଆଯିବ। ଏଥିପାଇଁ ପ୍ରତ୍ୟହ 10 ହଜାର ଖର୍ଚ୍ଚ ହେବ। ମ୍ୟନିସିପାଲିଟି ଅଞ୍ଚଳରେ 5 ହଜାର, ଏନ୍‌ଏସିରେ 2 ହଜାର ଟଙ୍କା ଖର୍ଚ୍ଚ ହେବ। 5ଟି ମହାନଗର, 48ଟି ମ୍ୟୁନିସିପାଲଟି ଓ 61ଟି ଏନଏସିକୁ ଏହି ଅର୍ଥ ଯୋଗାଇ ଦିଆଯିବ।