Author: Samikhsya Bureau

ଭୁବନେଶ୍ବର: ମୁଖ୍ୟ ଶାସନ ସଚିବ ଶ୍ରୀ ମନୋଜ ଆହୁଜାଙ୍କ ଅଧ୍ୟକ୍ଷତାରେ ଆଜି ପୂର୍ବାହ୍ନରେ ଲୋକସେବା ଭବନରେ ସଚିବସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ବିଶେଷ କରି ଓଡ଼ିଶାରେ ଆଗାମୀ ୨୦୨୪-୨୫ ସାଧାରଣ ବଜେଟ ଉପସ୍ଥାପନାର ରୂପରେଖ କିପରି ରହିବ, ସେ ସଂପର୍କରେ ଆଲୋଚନା କରାଯାଇଥିଲା। ଏଥି ସହିତ ଆଗାମୀ ଜୁଲାଇ ୨୭ ତାରିଖରେ ନୂଆଦିଲ୍ଲୀରେ ଅନୁଷ୍ଠିତ ହେବାକୁ ଥିବା “ନୀତି ଆୟୋଗର ୯ ତମ ସାଧାରଣ ପରିଷଦ ବୈଠକ” ଏବଂ ନଭେମ୍ବର ୨୦୨୪ରେ ହେବାକୁ ଥିବା “ ୪ର୍ଥ ଜାତୀୟ ମୁଖ୍ୟ ଶାସନ ସଚିବମାନଙ୍କ ସମ୍ମିଳନୀ” ରେ ଆଲୋଚ୍ୟ ପ୍ରସଙ୍ଗ “ବିକଶିତ ଭାରତ ଅ ୨୦୪୭” ପରିପ୍ରେକ୍ଷୀରେ ରାଜ୍ୟର କାର‌୍ୟ୍ୟସୂଚୀ (ଏଜେଣ୍ଡା) ସଂପର୍କିତ ତଥ୍ୟ ପ୍ରଦାନ କରିବା ସଂପର୍କରେ ଆଲୋଚନା କରାଯାଇଥିଲା। ରାଜ୍ୟ ଯୋଜନା ଓ ସଂଯୋଜନ ବିଭାଗ ପକ୍ଷରୁ ‘ନିରନ୍ତର ବିକାଶ ଲକ୍ଷ୍ୟ-ଭାରତ-ସୂଚକାଙ୍କ-୨୦୨୩-୨୪’ ରେ ଓଡ଼ିଶାର ସ୍ଥିତି ସଂପର୍କରେ ଉପସ୍ଥାପନ କରାଯିବା ସହ ବିକଶିତ ଭାରତ, ନିରନ୍ତର ବିକାଶ…

ମେଲାନିଷ୍ଟିକ୍ ବାଘ ସଫାରି: ରାଜ୍ୟରେ ବାଘ ସଫାରି ପ୍ରତିଷ୍ଠା ଦିଗରେ ଆଗକୁ ବଢ଼ିବା ପାଇଁ ଜାତୀୟ ବ୍ୟାଘ୍ର ସଂରକ୍ଷଣ ପ୍ରାଧିକରଣ (ଏନ୍‍ଟିସିଏ) ଓ କେନ୍ଦ୍ରୀୟ ପ୍ରାଣୀ ଉଦ୍ୟାନ କର୍ତ୍ତୃପକ୍ଷଙ୍କ ବୈଷୟିକ କମିଟିର ବିସ୍ତୃତ ପ୍ରକଳ୍ପ ରିପୋର୍ଟ (ଡିପିଆର)ର ଚୂଡ଼ାନ୍ତ ଅନୁମୋଦନକୁ ରାଜ୍ୟ ସରକାର ଅପେକ୍ଷା କରିଛନ୍ତି। ଶିମିଳିପାଳ ବ୍ୟାଘ୍ର ସଂରକ୍ଷଣ ନିକଟ ବାରିପଦାରେ ପ୍ରଥମ ଥର ପାଇଁ ବାଘ ସଫାରି ପ୍ରତିଷ୍ଠା ପାଇଁ ପ୍ରସ୍ତାବ ରହିଛି। ଏହି ପ୍ରକଳ୍ପକୁ ନୀତିଗତ ଅନୁମୋଦନ ମିଳିବା ପରେ ଉଭୟ ଏନ୍‍ଟିସିଏ ଓ ସିଜେଡ୍ଏ ସଦସ୍ୟଙ୍କୁ ନେଇ ଗଠିତ ବୈଷୟିକ କମିଟି ଜୁନ୍ ମାସରେ ବାରିପଦା ନିକଟରେ ଚିହ୍ନଟ ହୋଇଥିବା ସ୍ଥାନ ପରିଦର୍ଶନ କରିଥିଲେ ବୋଲି ବନ ବିଭାଗ ବନ୍ୟପ୍ରାଣୀ ଶାଖା ସୂତ୍ରରୁ ପ୍ରକାଶ। ସେମାନଙ୍କ ଗସ୍ତ ସମୟରେ ପ୍ରସ୍ତାବିତ ସଫାରିର ଏକ ଡିପିଆର କମିଟିକୁ ପ୍ରଦାନ କରାଯାଇଥିଲା। ତେବେ କମିଟି ପକ୍ଷରୁ ଏପର୍ଯ୍ୟନ୍ତ କୌଣସି ସୂଚନା ଦିଆଯାଇନାହିଁ। ଜଣେ ବରିଷ୍ଠ ବନ ଅଧିକାରୀ କହିଛନ୍ତି…

ଭୁବନେଶ୍ବର: ଷ୍ଟାର୍ଟଅପ୍ ଓଡ଼ିଶା କର୍ତ୍ତୃପକ୍ଷଙ୍କ ଆର୍ଥିକ କ୍ଷମତା ଉପରେ କଟକଣା ଲଗାଇଛନ୍ତି ରାଜ୍ୟ ସରକାର। ଓଡ଼ିଶା ସରକାରଙ୍କ ଏମ୍ଏସ୍ଏମ୍ଇ ବିଭାଗ ଏ ନେଇ ବିଜ୍ଞପ୍ତି ପ୍ରକାଶ କରିଛି। ଏ ସଂକ୍ରାନ୍ତରେ ରାଜ୍ୟ ସରକାର କିମ୍ବା ଷ୍ଟାର୍ଟଅପ୍ ଓଡ଼ିଶା ପକ୍ଷରୁ ପୂର୍ବରୁ ଜାରି କରାଯାଇଥିବା କୌଣସି ନିର୍ଦ୍ଦେଶନାମା/ସର୍କୁଲାର/ଗାଇଡଲାଇନ୍/ବିଜ୍ଞପ୍ତିକୁ ବିଚାରକୁ ନ ନେଇ ସରକାର ଷ୍ଟାର୍ଟଅପ୍ ଓଡ଼ିଶାକୁ ଆର୍ଥିକ କ୍ଷମତା ଅନୁସରଣ କରି ଏହାର ସୁଚାରୁରୂପେ କାର୍ଯ୍ୟ କରିବା ପାଇଁ ନିର୍ଦ୍ଦେଶ ଦେଇଛନ୍ତି। ସରକାରଙ୍କ ଦ୍ୱାରା ଜାରି ବିଜ୍ଞପ୍ତି ଅନୁଯାୟୀ, ଯେକୌଣସି ପ୍ରକାରର ଖର୍ଚ୍ଚ ଯଥା ଯୋଜନାବଦ୍ଧ/ଅଣ-ଯୋଜନାବଦ୍ଧ, ପୁନରାବୃତ୍ତି/ଅଣ-ପୁନରାବୃତ୍ତି, ରାଜସ୍ୱ/ପୁଞ୍ଜି ଇତ୍ୟାଦି ଏବଂ ଯେକୌଣସି ଉଦ୍ଦେଶ୍ୟରେ ଅର୍ଥାତ୍ ପରାମର୍ଶଦାତା ନିୟୋଜିତ କରିବା, ସେବା ନିଯୁକ୍ତି କିମ୍ବା ଆଉଟସୋର୍ସିଂ, ନିର୍ମାଣ କାର୍ଯ୍ୟ, ସାମଗ୍ରୀ ଓ ସେବା କ୍ରୟ, ନୂତନ ପ୍ରକଳ୍ପ ହାତକୁ ନେବା ଇତ୍ୟାଦି ପାଇଁ ଆର୍ଥିକ କ୍ଷମତା ପ୍ରଦାନ କରାଯାଇଛି। ଷ୍ଟାର୍ଟଅପ୍ ଓଡ଼ିଶାର କାର୍ଯ୍ୟନିର୍ବାହୀ ଅଧ୍ୟକ୍ଷଙ୍କ ଆର୍ଥିକ କ୍ଷମତା ୧ କୋଟି ଟଙ୍କା ପର୍ଯ୍ୟନ୍ତ…

ଭୁବନେଶ୍ବର: ଓଡିଶା ଆସୁଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ତଥା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ଜେପି ନଡ୍ଡା। ଓଡିଶା ରାଜ୍ୟ କାର୍ଯ୍ୟକାରିଣୀ ବୈଠକରେ ସେ ଯୋଗ ଦେବା ପାଇଁ ଓଡିଶା ଆସୁଛନ୍ତି। ଏ ନେଇ ରାଜ୍ୟ ବିଜେପି ତରଫରୁ ଏହି ସୂଚନା ଦିଆଯାଇଛି। ସେଥିରେ କୁହାଯାଇଛି ଯେ ଆସନ୍ତା ୧୯ ଏବଂ ୨୦ ତାରିଖରେ ପୁରୀରେ ରାଜ୍ୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହେବ। ସେଥିରେ ଶ୍ରୀ ନଡ୍ଡା ଯୋଗଦେବେ। ପୁରୀର ବ୍ଲ ଲିଲି ହୋଟେଲରେ ଏହି ବୈଠକ କରାଯିବ ବୋଲି ନିଷ୍ପତି କରାଯାଇଛି। ଏଥିରେ ୧୯ ତାରିଖ ସକାଳ ୧୦ଟା ୩୦ରେ ପଦାଧିକାରୀ ବୈଠକ ହେବ। ଅପରାହ୍ନ ୨ଟା ୩୦ରେ କାର୍ଯ୍ୟକାରିଣୀ ବୈଠକ ଉଦଘାଟିତ ହେବ ଏବଂ ୨୦ ତାରିଖ ସନ୍ଧ୍ୟା ପର୍ଯ୍ୟନ୍ତ ଚାଲିବ। ଏହି ବୈଠକରେ ରାଜ୍ୟର ସବୁ ନେତା ଉପସ୍ଥିତ ରହିବେ। ଏଥିରେ ଚଳିତ ବିଧାନସଭା ଏବଂ ଲୋକସଭା ନିର୍ବାଚନର ସଂଯୋଜକ, ଜିଲ୍ଲା ସାଧାରଣ ସଂପାଦକ, ସଭାପତି, ରାଜ୍ୟ କାର୍ଯ୍ୟକାରିଣୀ…

Ratna Bhandar: ପୁଣି ଥରେ ଖୋଲାଯିବ ଭିତର ରତ୍ନ ଭଣ୍ଡାର। ଏ ନେଇ ରତ୍ନଭଣ୍ଡାର ତଦାରଖ କମିଟର ଅଧ୍ୟକ୍ଷ ଜଷ୍ଟିସ ବିଶ୍ବନାଥ ରଥ ସୂଚନା ଦେଇଛନ୍ତି। ତାଙ୍କ ଅନୁସାରେ ଆସନ୍ତା 18 ତାରିଖ ଗୁରୁବାର ଦିନ ରତ୍ନ ଭଣ୍ଡାର ଖୋଲାଯିବ। ସେଥିପାଇଁ ଏକ ଶୁଭ ମୂହୁର୍ତ୍ତ ମଧ୍ୟ ନିର୍ଦ୍ଧାରିତ କରାଯାଇଛି। ତାହା ହେଲା ଗୁରୁବାର ଦିନ ସକାଳ 9 ଟା 52 ରୁ 12ଟା 15 ପର୍ଯ୍ୟନ୍ତ ରହିଛି। ଏହି ସମୟ ମଧ୍ୟରେ ପୂର୍ବରୁ ଯେଉଁ କମିଟ ରତ୍ନ ଭଣ୍ଡାରକୁ ଯାଇଥିଲେ ସେମାନେ ହିଁ ଗୁରୁବାର ଦିନ ଭିତର ରତ୍ନ ଭଣ୍ଡାରକୁ ଯିବେ। ସେମାନେ ଭିତର ରତ୍ନ ଭଣ୍ଡାରରେ ଥିବା ସିନ୍ଧୁକ ଏବଂ ଆଲମିରାରେ ଥିବା ସମସ୍ତ ଅଳଙ୍କାର ସେହିପରି ଅସ୍ଥାୟୀ ସ୍ଥାନରେ ରଖାଯିବ। ସମସ୍ତ ଅଳଙ୍କାର ଭିତର ରତ୍ନ ଭଣ୍ଡାରରୁ ଆସିବା ପରେ ତାହାର ମରାମତି ପାଇଁ ଏଏସଆଇଙ୍କୁ ହସ୍ତାନ୍ତର କରାଯିବ ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ…

ପୁରୀ: ଶେଷରେ ତାଲା ଭାଙ୍ଗି ଭିତର ରତ୍ନଭଣ୍ଡାର ଖୋଲା ଯାଇଛି। ହେଲେ ପୁରା ଭିତରକୁ ନ ଯାଇ ସେହି ପାଖରେ କମିଟ ସଦସ୍ୟ ଲାଇଟ ମାରି ଦେଖିଲେ। ସେ ଭିତରେ ଭର୍ତ୍ତି ହୋଇଛି ସିନ୍ଧୁକ ଆଉ ଆଲମିରା। ସେସବୁରେ ମହଣ ମହଣ ସୁନା ଅଳଙ୍କାର ଥିବାର ଅନୁମାନ କରିଛି କମିଟ। ହେଲେ ସଂଧ୍ୟା ହୋଇ ଯାଇଥିବାରୁ ସେଗୁଡିକ ଖୋଲି ଦେଖିବା ସମ୍ଭବ ନ ଥିଲା। ସମସ୍ତ କାର୍ଯ୍ୟ ସାରି ମନ୍ଦିର ବାହାରକୁ ଆସିବା ପରେ ଏହା କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଡ ଅରବିନ୍ଦ ପାଢୀ। ସେ କହିଛନ୍ତି ଯେ, ଆଜି ନିର୍ଦ୍ଧାରିତ ସମୟରେ ସମସ୍ତ ସଦସ୍ୟ ମନ୍ଦିର ଭିତରେ ପ୍ରବେଶ କରି ରତ୍ନ ଭଣ୍ଡାର ନିକଟକୁ ଯାଇଥିଲେ। ସେଠାରେ ପୂଜାପାଠ ପରେ ବାହାର ରତ୍ନ ଭଣ୍ଡାର ଖୋଲାଯାଇଥିଲା। ସେଥିରେ ତିନୋଟି ତାଲା ପଡିଥିଲା। ତିନୋଟି ଚାବିରେ ତାହାକୁ ସମସ୍ତଙ୍କ ଉପସ୍ଥିତିରେ ଖୋଲାଗଲା। ସେଗୁଡିକ ମନ୍ଦିର ଭିତରେ ଥିବା ଏକ ସ୍ଥାନକୁ…

ପୁରୀ: ରତ୍ନ ଭଣ୍ଡାର ଖୋଲିବା ପରେ ଘଟିଲା ଏକ ଅଘଟଣ। ତାହା ହେଲା ଯେ, ରତ୍ନ ଭଣ୍ଡାର ଖୋଲିବା ପରେ ସେଠାରେ ଅସୁସ୍ଥ ହୋଇପଡିଲେ ପୁରୀ ଏସପି ପିନାକ ମିଶ୍ର। ସେ ଶ୍ବାସ ପ୍ରଶ୍ବା, ନେବାରେ କଷ୍ଟ ଅନୁଭବ କଲେ। ଫଳରେ ସେ ସେଠାରେ ବସି ପଡିଥିଲେ। ଏହାପରେ ସେଠାରେ ଉପସ୍ଥିତ ଥିବା ଡାକ୍ତର ସି ବି କେ ମହାନ୍ତି ତାଙ୍କର ଚିକିତ୍ସା କରିଥିବାର ସୂଚନା ମିଳିଛି। ତେବେ ଏସପି ପିନାକ ମିଶ୍ର ବାହାରକୁ ଆସି ଏହି ଖବରକୁ ଖଣ୍ଡନ କରିଛନ୍ତି। ସେ କହିଛନ୍ତି ଯେ, ସେମିତି କିଛି ଘଟି ନାହିଁ। ମୁଁ ଆପଣମାନଙ୍କ ସମ୍ମୁଖରେ ଛିଡା ହୋଇଛି। ଯାହା କୁହାଯାଉଛି ତାହା ମିଛ କଥା ବୋଲି ଖୋଦ ପିନାକ ମିଶ୍ର କହିଛନ୍ତି। ତେବେ ସେ ସାମାନ୍ୟ ଅସୁସ୍ଥ ହୋଇପଡିବା ପରେ ଠିକ ହୋଇଥିବାର ଅନୁମାନ କରାଯାଉଛି।

ପୁରୀ: ଶେଷରେ ବହୁ ବାଦବିବାଦ ପରେ ଖୋଲିଛି ରତ୍ନ ଭଣ୍ଡାର। ପ୍ରଥମେ ଶ୍ରୀଲୋକନାଥଙ୍କ ନିକଟରେ କରାଯାଇଥିଲା ପୂଜାପାଠ। ଏହାପରେ ମା ବିମଳା ଏବଂ ମା ଲକ୍ଷ୍ମୀଙ୍କ ନିକଟରୁ ଅନୁମତି ଆସିବା ପରେ ବାହାର ରତ୍ନ ଭଣ୍ଡାର ଖୋଲାଯାଇଛି। ଏହା ନିର୍ଦ୍ଧାରିତ ସମୟ ୧ ଟା ୨୮ ମିନଟରେ ଖୋଲିବା ପରେ ବାହାର ରତ୍ନ ଭଣ୍ଡାରକୁ ତଦାରଖ କରିଛନ୍ତି କମିଟ। ବାହାର ରତ୍ନ ଭଣ୍ଡାର ବିଭିନ୍ନ ସମୟରେ ପ୍ରଭୃ ସୁନାବେଶ ବେଳ ଖୋଲାଯାଇଥାଏ। ଏହାର ତିନୋଟି ତାଲା ରହିଛି। ଏହି ତିନୋଟି ତାଲାର ତିନୋଟି ଚାବି ତିନି ଜଣଙ୍କ ପାଖରେ ଥାଏ। ଗୋଟିଏ ଗଜପତି ମହାରାଜା, ଗୋଟିଏ ଶ୍ରୀମନ୍ଦିର ପ୍ରଶାସକ ଏବଂ ଆଉ ଏକ ଚାବି ଭଣ୍ଡାର ମେକାପଙ୍କ ପାଖରେ ରହେ। ଏହାପରେ ଭିତର ରତ୍ନ ଭଣ୍ଡାର ଖୋଲିବା ପାଇଁ ପ୍ରୟାଶ ଆରମ୍ଭ ହୋଇଥିବାର ଜଣାପଡିଛି। ସେହି ଭିତର ରତ୍ନଭଣ୍ଡାରେ କଣ ରହିଛି ତାହା ଜାଣିବା ପାଇଁ ସମସ୍ତେ ଅପେକ୍ଷା କରି ରହିଛନ୍ତି।

ପୁରୀ: ଆଜି ଖୋଲାଯିବ ରତ୍ନ ଭଣ୍ଡାର। ଏହାକୁ ନେଇ ଚାରିଆଡେ ଚାଲିଛି ଚର୍ଚ୍ଚା। ବର୍ତ୍ତମାନ ରତ୍ନ ଭଣ୍ଡାର ଖୋଲିବା ପାଇଁ ୧୧ଜଣିଆ କମିଟ ମନ୍ଦିର ଭିତରକୁ ପ୍ରବେଶ କରିଛନ୍ତି। ସେମାନେ ସମସ୍ତ ପ୍ରସ୍ତୁତି ଦେଖିବା ପରେ ଠିକ ଦିନ ୧ ଟା ୨୮ ମିନଟ ପରେ ଏହା ଖେଲିଯିବ। ଯଦି ଚାବିରେ ନ ଖୋଲେ ତେବେ ସେହି ତାଲା ଖୋଲା ଯିବ ବୋଲି ନିଷ୍ପତି କରାଯାଇଛି। ରତ୍ନଭଣ୍ଡାର ଖୋଲିଯିବା ପରେ ସେଠାରେ ଥିବା ଜିନିଷଗୁଡିକ ବାହାରକୁ ବାହାର କରାଯିବ। ସେଗୁଡିକ ମନ୍ଦିର ଗୋଟିଏ ସ୍ଥାନରେ ରଖାଯିବ। ସେଥିପାଇଁ ମନ୍ଦିର ପ୍ରଶାସନ ତରଫରୁ ୬ ଟି ସିନ୍ଧୁକ ନିର୍ମାଣ କରାଯାଇଛି। ଶାଗୁଆନ କାଠରେ ଭୁବନେଶ୍ବର ନୟାପଲ୍ଲୀର ଏକ କାରୀଗର ତିଆରି କରିଛନ୍ତି। ଏହାର ଉପରେ ପିତ୍ତଳ ପାତିଆ ଦିଆଯାଇଛି। ଏ ଗୁଡିକ ଭୁବନେଶ୍ବରରୁ ଟ୍ରକରେ ଆସିବା ପରେ ଶ୍ରୀମନ୍ଦିର ଭିତରକୁ ନିଆଯାଇଥିବାର ଜଣାପଡିଛି।

ପୁରୀ: ବହୁ ପ୍ରତୀକ୍ଷିତ ଶ୍ରୀମନ୍ଦିର ରତ୍ନ ଭଣ୍ଡାର ଖୋଲା ହେବା ପୂର୍ବରୁ ଆରମ୍ଭ ହୋଇଛି ବିବାଦ। ଶ୍ରୀଲୋକନାଥଙ୍କ ଆଜ୍ଞାମାଳ ଶ୍ରୀମନ୍ଦିର ଭିତରକୁ ନେବା ନେଇ ପ୍ରଶ୍ନ ଉଠାଇଛନ୍ତି ସେବକ। ସେମାନଙ୍କର କହିବା କଥା ଯେ, ଶ୍ରୀମନ୍ଦିରରୁ ଜଗନ୍ନାଥଙ୍କ ଆଜ୍ଞାମାଳ ଚାରିଆଡେ ଯାଏ। ହେଲେ ଶ୍ରୀମନ୍ଦିର ଭିତରକୁ ଅନ୍ୟ ମନ୍ଦିରର ଆଜ୍ଞାମାଳ କିପରି ଅଣାଗଲା ବୋଲି ପ୍ରଶ୍ନ ଉଠିଛି। କେତେକ ସେବାୟତଙ୍କ ଅଭିଯୋଗ ଯେ, ଶ୍ରୀମନ୍ଦିର ଭିତରେ ଥିବା ରତ୍ନ ଭଣ୍ଡାର ସମ୍ମୁଖରେ ଶ୍ରୀଲୋକନାଥ ଅଛନ୍ତି। ସେ ଭଣ୍ଡାରଘରର ଦାୟିତ୍ବରେ ରହିଛନ୍ତି। ତାଙ୍କ ପାଖରେ ପୂଜାପାଠ କରି ତାଙ୍କର ଅନୁମତି ନେବାର ଆବଶ୍ୟକ ରହିଛି। ହେଲେ କଣ ପାଇଁ ବାହାର ମନ୍ଦିରରୁ ଆଜ୍ଞାମାଳ ଆସିଲା ସେ ନେଇ ସେମାନେ ପ୍ରଶ୍ନ କରିଛନ୍ତି। ସେହିପରି ସେମାନେ ଅଭିଯୋଗ କରିଛନ୍ତି ଯେ, ଭଣ୍ଡାର ଘରର ମାଲିକ ହେଉଛନ୍ତି ଶ୍ରୀ ଜଗନ୍ନାଥ। ସେ ଯେତେବେଳେ ଘରେ ନାହାଁନ୍ତି, ତାଙ୍କ ଅନୁପସ୍ଥିତରେ ତାଙ୍କ ଭଣ୍ଡାରଘର ଖୋଲିବାକୁ ଏମାନେ କିଏ…

ପୁରୀ: ଆଜି ଖୋଲାଯିବ ମହାପ୍ରଭୃଙ୍କ ରତ୍ନ ଭଣ୍ଡାର। ସେଥିପାଇଁ ସମସ୍ତ ପ୍ରସ୍ତୁତି ଆରମ୍ଭ ହୋଇଯାଇଛି। ଏ ନେଇ ଆଜି ସକାଳେ ଜଷ୍ଟିସ ବିଶ୍ବନାଥ ରଥଙ୍କ ଅଧ୍ୟକ୍ଷତାରେ ରତ୍ନ ଭଣ୍ଡାର ତଦାରଖ କମିଟ ବୈଠକ ବସିଯାଇଛି। ଏଥିରେ ଆଜି ଦିନ ୧ ଟା ୨୮ ମିନଟ ପରେ ରତ୍ନ ଭଣ୍ଡାର ଖୋଲାଯିବ ବୋଲି ନିଷ୍ପତି କରାଯାଇଛି। ତେବେ ତା ପୂର୍ବରୁ ମନ୍ଦିର ଭିତରେ ରତ୍ନ ଭଣ୍ଡାର ନିକଟରେ ପ୍ରସ୍ତୁତି ଆରମ୍ଭ ହୋଇଯାଇଛି। ସେହି ଅନୁସାରେ ମନ୍ଦିର ଭିତରକୁ ଓଡ୍ରାଫ ଟିମ ଏବଂ ସାପ ଧରାଳି ପ୍ରବେଶ କରିଛନ୍ତି। ସେହିପରି ତାଲା ନିର୍ମାଣକାରୀଙ୍କୁ ମଧ୍ୟ ସେଠାରେ ନିୟୋଜିତ କରାଯାଇଛି। ଓଡ୍ରାଫ ଟିମ ହାଇମାକ୍ସ ଲାଇଟ୍ ସହିତ ବିଭିନ୍ନ ଯନ୍ତ୍ରପାତି ଏବଂ କ୍ୟାମେରା ଧରି ମନ୍ଦିର ଭିତରକୁ ପ୍ରବେଶ କରିଛନ୍ତି। ସେଠାରେ ସେମାନେ ପ୍ରସ୍ତୁତି ଆରମ୍ଭ କରିଛନ୍ତି। ଶ୍ରୀମନ୍ଦିର ପ୍ରଶାସନ ଅନୁସାରେ ଏହି ରତ୍ନ ଭଣ୍ଡାର ଖୋଲିବା ପାଇଁ ୧୧ ଜଣ ନିୟୋଜିତ ରହିବେ। ସେଥିମଧ୍ୟରେ…

ଭୁବନେଶ୍ବର: ବହୁ ବିବାଦୀୟ ତଥା ପ୍ରତୀକ୍ଷିତ ରତ୍ନ ଭଣ୍ଡାର ଆସନ୍ତାକାଲି ଖୋଲା ଯିବ। ଆଜି ସଂଧ୍ୟାରେ କହିଛନ୍ତି ଆଇନ ମନ୍ତ୍ରୀ ପୃଥୀରାଜ ହରିଚନ୍ଦନ ଏହି ଘୋଷଣା କରିଛନ୍ତି। ଏସବୁ ପକ୍ରିୟା ଧାର୍ମିକ ଭାବାବେଗ ମଧ୍ୟରେ ସଂପର୍ଣ୍ଣ କରାଯିବ। ସେଥିପାଇଁ ରତ୍ନ ଭଣ୍ଡାର କମିଟକୁ ପରାମର୍ଶ ଦିଆଯାଇଛି ବୋଲି ଶ୍ରୀ ହରିଚନ୍ଦନ କହିଛନ୍ତି। ସେ ଆହୁରି କହିଛନ୍ତି ଯେ, ରତ୍ନ ଭଣ୍ଡାରରେ ସମସ୍ତ ପକ୍ରିୟାକୁ ଭିଡିଓ ରେକର୍ଡିଂ କରାଯିବା ସହିତ ଡିଜିଟାଇଜ କରାଯିବ। ଫଳରେ ଏହା ଭବିଷ୍ୟତରେ ରେଫ୍ରେରେନସ ଭାବେ ଏହି ଡିଜିଟାଇଜ ପୁସ୍ତକକୁ ବ୍ୟବହାର କରାଯିବ ବୋଲି ଶ୍ରୀ ହରିଚନ୍ଦନ କହିଛନ୍ତି। ରତ୍ନଭଣ୍ଡାରର ମରାମତି ଓ ଗଣତିମଣତି ବାବଦ କାର୍ଯ୍ୟରେ ଅତ୍ୟନ୍ତ ସ୍ୱଚ୍ଛତା ଓ ସୁରୁଖୁରୁରେ କରିବା ପାଇଁ ବିଭିନ୍ନ କମିଟି ଗଠନ ହୋଇଛି। କିଏ କେଉଁ କମିଟିରେ ରହିବେ ତାହା ମଧ୍ୟ ସରକାର ଚୂଡ଼ାନ୍ତ କରିସାରିଛନ୍ତି। ପ୍ରତ୍ୟେକଟି କାର୍ଯ୍ୟ ବିଧିବ୍ୟବସ୍ଥା ଅନୁସାରେ କରାଯିବ। ରତ୍ନଭଣ୍ଡାର ଖୋଲିବା ସଂକ୍ରାନ୍ତ ଏସଓପି ଚୂଡ଼ାନ୍ତ…

ଭୁବନେଶ୍ବର: ଧିରେଧିରେ ରାଜ୍ୟପାଳ ରଘୁବର ଦାସଙ୍କ ପୁଅ ରାଜଭବନ କର୍ମଚାରୀଙ୍କୁ ମାଡ ମାରିବା ଘଟଣା ନୂଆ ମୋଡ ନେବାରେ ଲାଗିଛି। ଆଜି ଏ ନେଇ କ୍ଷୋଭ ପ୍ରକାଶ କରିଛି ଓଡିଶା ସଚିବାଳୟ ସେବା ସଂଘ। ତୁରନ୍ତ ଏହି ଘଟଣାରେ ହସ୍ତକ୍ଷେପ କରିବା ପାଇଁ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଚିଠି ଲେଖି ଜଣାଇଛନ୍ତି। ମାଡଖାଇଥିବା କର୍ମଚାରୀଙ୍କୁ ନ୍ୟାୟ ପ୍ରଦାନ କରିବା ପାଇଁ ସଂଘ ଅନୁରୋଧ କରିଛି। ସଂଘ ଚିଠିରେ ଉଲ୍ଲେଖ କରିଛି ଯେ, ସଚିବାଳୟ ସେବା ସଂଘର କର୍ମଚାରୀ ସବୁବେଳେ ଲୋକଙ୍କ ସେବା କରିବାରେ ନିୟୋଜିତ ଅଛନ୍ତି। ସରକାରଙ୍କ ଡେପୁଟେସନ ନିୟମରେ ରାଜଭବନରେ ଆମର ଜଣେ ଏଏସଓ ଶ୍ରୀ ବୈକୁଣ୍ଠ ପ୍ରଧାନ କାର୍ଯ୍ୟ କରୁଥିଲେ। ହେଲେ ରଥଯାତ୍ରା ବେଳେ ପୁରୀ ରାଜଭବନରେ ରାଜ୍ୟପାଳଙ୍କ ପୁଅ ଶ୍ରୀ ପ୍ରଧାନଙ୍କୁ ମାଡ ମାରିଛନ୍ତି। ଜଣେ କର୍ତ୍ତବ୍ୟରତ ସରକାରୀ କର୍ମଚାରୀଙ୍କୁ ମାଡ ମାରିବା କେତେଦୂର ଯୁକ୍ତିଯୁକ୍ତ ତାହା ବିଚାର କରାଯାଉ। ସେଥିପାଇଁ ମୁଖ୍ୟମନ୍ତ୍ରୀ ଏହି ଘଟଣାରେ ହସ୍ତକ୍ଷେପ…

ଭୁବନେଶ୍ବର: ରାଜଭବନ କର୍ମଚାରୀଙ୍କୁ ରାଜ୍ୟପାଳଙ୍କ ପୁଅଙ୍କ ମାଡ ଘଟଣା ଭିନ୍ନ ମୋଡ ନେଇଛି। ଆଜି ରଜଭବନକୁ ମାଡ ଖାଇଥିବା କର୍ମଚାରୀ ବୈକୁଣ୍ଠ ପ୍ରଧାନ ଏବଂ ତାଙ୍କ ଧର୍ମପତ୍ନୀଙ୍କୁ ରାଜ୍ୟପାଳଙ୍କ ପୁଅ ଭୁଲ ମାଗିଛନ୍ତି। ଏ ନେଇ ଉଭୟ ବୈକୁଣ୍ଠ ପ୍ରଧାନ ଏବଂ ତାଙ୍କ ଧର୍ମପତ୍ନୀ ଗଣମାଧ୍ୟମ ଆଗରେ କହିଛନ୍ତି। ତେବେ ରାଜ୍ୟପାଳ ଉଭୟଙ୍କୁ ଖୁବ ଶିଘ୍ର ନ୍ୟାୟ ପ୍ରଦାନ କରିବେ ବୋଲି ପ୍ରତିଶୃତି ଦେଇଛନ୍ତି ବୋଲି ଉଭୟ କହିଛନ୍ତି। ସୂଚନା ଯୋଗ୍ୟ ଯେ, ରାଜ୍ୟପାଳ ରଘୁବର ଦାସଙ୍କ ପୁଅ ଲଲିତ କୁମାର, ରଥଯାତ୍ରା ସମୟରେ ପୁରୀ ରାଜଭବନରେ ବୈକୁଣ୍ଠ ପ୍ରଧାନଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି। ଶନିବାର ଦିନ ଏ ନେଇ ପୁରୀ ସମୂଦ୍ରକୂଳ ଥାନାରେ ଏକ ଏତଲା ଦେଇଛନ୍ତି ବୈକୁଣ୍ଠ। ବୈକୁଣ୍ଠ ପ୍ରଧାନଙ୍କ କହିବା ଅନୁଯାୟୀ, ରଥଯାତ୍ରା ରାତିରେ ପୁରୀ ରାଜଭବନରେ ଲଳିତ ଓ ଅନ୍ୟ ୫ ଜଣ ତାଙ୍କୁ ମାଡ଼ ମାରିଥିଲେ। ଏ ନେଇ ରାଜ୍ୟପାଳଙ୍କ ପ୍ରମୁଖ ସଚିବ…

ପୁରୀ: ବାହୁଡା ଯାତ୍ରା ନେଇ ଆସିଲା ବଡ ଖବର। ତାହା ହେଲା ଯେ, ମହାପ୍ରଭୃଙ୍କ ଆ଼ଡପ ଦର୍ଶନ ବନ୍ଦ ରହିବ। ଅର୍ଥାତ ଆସନ୍ତାକାଲି ରବିବାର ଦିନ ଅପରାହ୍ନ ପାଞ୍ଚଟାରୁ ଆଡପ ମଣ୍ଡପ ଦର୍ଶନ ବନ୍ଦ କରିଦିଆଯିବ। ସେଥିପାଇଁ ଯେଉଁ ଭକ୍ତମାନେ ରବିବାର ଦିନ ଆଡପ ଦର୍ଶନ କରିବାକୁ ଆସିବେ ସେମାନେ ଅପରାହ୍ନ ପାଞ୍ଚଟା ପର୍ଯ୍ୟନ୍ତ ଦର୍ଶନ କରିପାରିବେ। ଏ ନେଇ ଶ୍ରୀମନ୍ଦିର ପ୍ରଶାସନ ତରଫରୁ ସୂଚନା ଦିଆଯାଇଛି। ଏଥିରେ କୁହାଯାଇଛି ଯେ, ସୋମବାର ଦିନ ହେଉଛି ବାହୁଡା ଯାତ୍ରା। ଏହି ବାହୁଡା ଯାତ୍ରା ପାଇଁ ମହାପ୍ରଭୃଙ୍କୁ ପ୍ରସ୍ତୁତି କରାଯିବ। ହେଲେ ଭକ୍ତମାନେ ରହିଲେ ଏହି ପ୍ରସ୍ତୁତି ହୋଇପାରିବ ନାହିଁ। ସେଥିପାଇଁ ତା ପୂର୍ବ ଦିନ ଅର୍ଥାତ ରବିବାର ଅପରାହ୍ନରୁ ଏହି ଦର୍ଶନ ବନ୍ଦ କରିବାକୁ ପଡୁଛି। ସେଥିପାଇଁ ଭକ୍ତମାନଙ୍କୁ ରବିବାର ସଂଧ୍ୟାରେ ନ ଆସିବା ପାଇଁ ପ୍ରଶାସନ ତରଫରୁ ନିବେଦନ କରାଯାଇଛି।

ଭୁବନେଶ୍ବର: ବହୁ ପ୍ରତୀକ୍ଷିତ ତଥା ବହୁ ବିବାଦୀୟ ରତ୍ନ ଭଣ୍ଡାର ଖୋଲିବା ପ୍ରସଂଗ ଏବେ ସତ ହେବାକୁ ଯାଉଛି। ଆସନ୍ତାକାଲି ରବିବାରରେ ଖୋଲିବ ଶ୍ରୀମନ୍ଦିର ରତ୍ନ ଭଣ୍ଡାର। ଏ ନେଇ ରତ୍ନ ମଣ୍ଡର କମିଟ ନିଷ୍ପତି କରିଛି। ତେବେ ଏହି ରତ୍ନ ଭଣ୍ଡାର ଖୋଲିବା ବେଳେ କଣ ସବୁ ନୀତି ନିୟମ ରହିବ ସେ ନେଇ ଆଜି ବସୁଛି କମିଟ ବୈଠକ। ସେଗୁଡିକ ମଧ୍ୟରେ ରହିଛି. 1- ରତ୍ନ ଭଣ୍ଡାରର ଥିବା ଡୁପ୍ଲିକେଟ ଚାବିରେ ଯଦି ତାଲା ନ ଖୋଲେ ତେବେ କଣ କରାଯିବ? 2- ଯଦି ତାଲାକୁ ଭଙ୍ଗା ଯିବ ତେବେ ତାହାର ନୀତିନିୟମ କଣ ରହିବ, କିପରି ଭଙ୍ଗାଯିବ? 3-ରତ୍ନ ଭଣ୍ଡାର କମିଟ ମଧ୍ୟରୁ କେଉଁମାନେ ବାହାରେ ରହିବେ, କେଉଁମାନେ ଭିତରେ ରହିବେ? 4-କମିଟର ସମସ୍ତ ସଦସ୍ୟ କେଉଁ ପୋଷାକ ପିନ୍ଧି ରତ୍ନ ଭଣ୍ଡାର ଖୋଲିବାକୁ ଯିବେ? 5- କମିଟ ସଦସ୍ୟ ସମସ୍ତେ ନିଷ୍ଠାରେ ରହିବେ କି ନାହିଁ,…

ଭୁବନେଶ୍ବର: ଗୁଣ୍ଡିଚା ମନ୍ଦିରକୁ ବଡଠାକୁର ପହଣ୍ଡି ବିଜେ ବେଳେ ଚାରମାଳ ଉପରେ ପଡିଯିବା ଘଟଣାକୁ ସରକାର ଗୁରୁତର ସହ ନେଇଛନ୍ତି। ଆଜି ସକାଳେ ଶ୍ରୀମନ୍ଦିର ପ୍ରଶାସନର ମୁଖ୍ୟ ପ୍ରଶାସକ ବୀର ବିକ୍ରମ ଯାଦବଙ୍କୁ ସରକାର ବଦଳି କରିଛନ୍ତି। ତାଙ୍କ ସ୍ଥାନରେ ବରିଷ୍ଠ ଆଇଏଏସ ଅରବିନ୍ଦ ପାଢୀଙ୍କୁ ମୁଖ୍ୟ ପ୍ରଶାସକ ଭାବେ ନିଯୁକ୍ତି ଦିଆଯାଇଛି। ଏ ନେଇ ଆଜି ଆଇନ ବିଭାଗ ତରଫରୁ ବିଜ୍ଞପ୍ତି ପ୍ରକାଶ ପାଇଛି। ସେହି ଅନୁସାରେ କୃଷି ଓ କୃଷକ ଶସକ୍ତିକରଣ ବିଭାଗର ଶାସନ ସଚିବ ଅଛନ୍ତି। ସେ ପୂର୍ବରୁ ଶ୍ରୀମନ୍ଦିର ପ୍ରଶାସନର ମୁଖ୍ୟ ପ୍ରଶାସକ ଭାବେ କାର୍ଯ୍ୟ କରିଛନ୍ତି। ସେହି ଅଭିଜ୍ଞତାକୁ ପାଥେୟ କରି ରଥଯାତ୍ରା ଚାଲୁଥିବା ସମୟରେ ସରକାର ଏହି ଗୁରୁତ୍ବପୂର୍ଣ୍ଣ ନିଷ୍ପତି ଗ୍ରହଣ କରିଛନ୍ତି।

ଭୁବନେଶ୍ବର: ବିଜୁ ଶ୍ରମିକ ସାମୁଖ୍ୟ ସଂଗଠନ ର ଅଧକ୍ଷ ତଥା କଟକ ମେୟର ଶ୍ରୀ ସୁବାସ ସିଂ ଙ୍କ ନେତୃତ୍ୱ ରେ ସାରା ଓଡିଶାରୁ ଆସିଥବା ସାମୁଖ୍ୟର କର୍ମକର୍ତ୍ତା ମାନେ ଗତକାଲି ସନ୍ଧ୍ୟାରେ ନବୀନ ନିବାସଠାରେ ବିଜୁ ଜନତା ଦଳର ସଭାପତି ତଥା ବିରୋଧୀ ଦଳ ନେତା ଶ୍ରୀ ନବୀନ ପଟନାୟକଙ୍କୁ ଭେଟି ଶ୍ରମିକମାନଙ୍କ ସମସ୍ୟା ଓ ସର୍ବନିମ୍ନ ମଜୁରୀ ସମ୍ପର୍କରେ ଆଲୋଚନା କରିଥିଲେ। ଏହି ଅବସରରେ ବିଜେଡି ସଭାପତି ଶ୍ରୀ ପଟ୍ଟନାୟକ ସମସ୍ତଙ୍କୁ ଏକାଠି ହୋଇ ଲୋକଙ୍କ ପାଇଁ କାମ କରିବାକୁ ପରାମର୍ଶ ଦେଇଥିଲେ। ସେ କହିଥିଲେ ମୁଁ ଆପଣମାନଙ୍କ ସହିତ ଅଛି। ସାଧାରଣ ଲୋକଙ୍କ ସହିତ ଅଛି। ଲୋକଙ୍କ ସେବା ଜାରି ରଖନ୍ତୁ। ଆମେ ପୁଣି ଥରେ ଲୋକଙ୍କ ଆଶୀର୍ବାଦ ପାଇବା ବୋଲି ଶ୍ରୀ ପଟ୍ଟନାୟକ ଦୃଢ଼ ବିଶ୍ୱାସ ବ୍ୟକ୍ତ କରି ଥିଲେ। ଏହି ସାକ୍ଷାତ ସମୟ ରେ ବିଶିଷ୍ଟ ଶ୍ରମିକ ନେତା ଶ୍ରୀ ନବ ମହାନ୍ତି, ଶ୍ରୀ…

ପୁରୀ: ଆଜି ରଥଯାତ୍ରାରେ ବଡ ଅଘଟଣ ପରିଲକ୍ଷିତ ହୋଇଛି। ଆଜି ସଂଧ୍ୟାରେ ତିନିଠାକୁର ଆଡପ ମଣ୍ଡପ ବିଜେ ବେଳେ ଏହି ଅଘଟଣ ଘଟିଛି। ଏଥିରେ ପ୍ରଭୃ ବଳଭଦ୍ର ଆଡପ ମଣ୍ଡପକୁ ବିଜେ କରୁଥିବା ବେଳେ ଚାରମାଳ ଉପରେ ଖସିପଡିଛନ୍ତି। ସେବାୟତଙ୍କ ଉପରେ ପ୍ରଭୃ ମାଡିବସିବାରୁ କେତେକ ଆହତ ହୋଇଥିବାର ସୂଚନା ମିଳିଛି। ସେମାନଙ୍କୁ ଆମ୍ବୁଲାନସ ଯୋଗେ ଡାକ୍ତରଖାନାକୁ ନିଆଯାଇଛି। ଘଟଣାରୁ ଜଣାପଡିଛି ଯେ, ସେବାୟତମାନେ ରଥ ଉପରୁ ପ୍ରଭୃ ବଳଭଦ୍ରଙ୍କୁ ଆଡପ ମଣ୍ଡପକୁ ବିଜେ କରାଉଥିଲେ। ସେମାନେ ରଥ ଉପରୁ ପହଣ୍ଡି କରି ଚାରମାଳ ଉପରକୁ ଆଣିଥିଲେ। ଏହାପରେ ପ୍ରଭୃ କୌଣସି କାରଣରୁ ଖସିପଡି ଆଗକୁ ଘୋଷାଡି ହୋଇ ମୁହଁ ମାଡି ପଡିଗଲେ। ପ୍ରଭୃ ସେବାୟତଙ୍କ ଉପରେ ମାଡି ବସିଲେ। ତେବେ ଏପରି ଅଘଟଣର କାରଣ କଣ ତାହା ଜଣାପଡି ନାହିଁ। ହେଲେ ଏହାକୁ ନେଇ ଭକ୍ତମାନଙ୍କ ମଧ୍ୟରେ ତୀବ୍ର ଅସନ୍ତୋଷ ସୃଷ୍ଟି ହୋଇଛି।

ଭୁବନେଶ୍ୱର: ଓଡ଼ିଶାରେ ନିର୍ବାଚନ ସରିଛି ଓ ବିଜେପି ଏକାକି ସରକାର ଗଠନ କରିଛି । ଏହି ନିର୍ବାଚନରେ ଭାରତୀୟ ଜନତା ପାର୍ଟିର କାର୍ଯ୍ୟକର୍ତାମାନେ ଅକ୍ଳାନ୍ତ ପରିଶ୍ରମ କରିଥିଲେ, ସେମାନଙ୍କ ଉଦ୍ୟମ ଯୋଗୁଁ ଓଡ଼ିଶାରେ ବିଜେପି ପ୍ରଥମ ଥର ପାଇଁ ଏକାକି ସରକାର ଗଠନ କରିବାକୁ ସକ୍ଷମ ହୋଇଛି। ଏବେ ଓଡ଼ିଶାରେ “ଡବଲ ଇଞ୍ଜିନ” ସରକାର ହୋଇଛି। ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଓ ମାର୍ଗଦର୍ଶନରେ ଓଡ଼ିଶା ଖୁବଶୀଘ୍ର ଦେଶର ଏକ ନମ୍ବର ରାଜ୍ୟରେ ପରିଣତ ହେବ। ଓଡ଼ିଶାର ବିକାଶ ପାଇଁ ମୋଦିଜୀ ସର୍ବଦା ବଦ୍ଧପରିକର ଅଛି ବୋଲି ପୂର୍ବତନ ରାଜ୍ୟ ପ୍ରଭାରୀ ତଥା ରାଷ୍ଟ୍ରୀୟ ସାଧାରଣ ସଂପାଦକ ଶ୍ରୀ ଅରୁଣ ସିଂହ କହିଛନ୍ତି। ଶ୍ରୀ ସିଂହ କହିଛନ୍ତି ଯେ, ତୃଣମୂଳସ୍ତରରେ ପାର୍ଟିକୁ ଅଧିକ ସୁଦୃଢ଼ କରିବା ପାଇଁ ଉଦ୍ୟମ ଜାରି ରହିଛି। କାର୍ଯ୍ୟକର୍ତା ଓ ନେତାମାନେ ଉତ୍ସାହର ସହ କାର୍ଯ୍ୟ କରୁଛନ୍ତି ଓ ଓଡ଼ିଶାବାସୀଙ୍କ ସେବାରେ ମନନିବେଶ କରିଛନ୍ତି। କେନ୍ଦ୍ର ଓ ରାଜ୍ୟ ସରକାରଙ୍କ…

ଭୁବନେଶ୍ୱର: ଆଇଗିଣିଆ ଓଭରବ୍ରିଜ ଦବିବା ଘଟଣାକୁ ନେଇ ପ୍ରଦେଶ ଛାତ୍ର କଂଗ୍ରେସ ସଭାପତି ୟାସୀର ନୱାଜ ଏବଂ ପ୍ରଦେଶ ଯୁବ କଂଗ୍ରେସ ରଣଜିତ ପାତ୍ରଙ୍କ ମିଳିତ ନେତୃତ୍ୱରେ ମଙ୍ଗଳବାର ଦିନ ଛାତ୍ର ଓ ଯୁବ କଂଗ୍ରେସର ଏକ ପ୍ରତିିନିଧି ଦଳ ଖଣ୍ଡଗିରି ଥାନା ଅଧିକାରୀଙ୍କୁ ଜାତୀୟ ରାଜପଥ ପ୍ରାଧିକରଣ ଏବଂ ଆଇଗିଣିଆ ଓଭରବ୍ରିଜ ନିର୍ମାଣ କରିଥିବା ଠିକାଦାରଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏତଲା ଦରଜ କରିଛନ୍ତି। ଏହି ପରିପ୍ରେକ୍ଷୀରେ ପ୍ରଦେଶ ଛାତ୍ର କଂଗ୍ରେସର ସଭାପତି ୟାସୀର ନୱାଜ କହିଛନ୍ତି ଯେ, ଭୁବନେଶ୍ୱର ସହର ମଝିରେ ଯାଇଥିବା ଜାତୀୟ ରାଜପଥ-୧୬ରେ ହୋଇଥିବା ଆଇଗିଣିଆ ଓଭରବ୍ରିଜ୍‌ର ନିର୍ମାଣ ଅତି ନିମ୍ନମାନର ବୋଲି ପ୍ରମାଣିତ ହୋଇଛି। ଏହି ରାସ୍ତାରେ ଦୈନିକ ଅସୁମାରୀ ଗାଡ଼ିମୋଟର ଯାତାୟତ କରୁଛନ୍ତି। ଏଣୁ ଜାତୀୟ ରାଜପଥ ପ୍ରାଧିକରଣ ନିମ୍ନମାନର କାମ କରି ଲକ୍ଷ ଲକ୍ଷ ଯାତ୍ରୀଙ୍କ ଜୀବନକୁ ସାଙ୍ଘାତିକ ବିପଦ ଭିତରକୁ ଠେଲି ଦେଉଛନ୍ତି। ଜାତୀୟ ରାଜପଥ ପ୍ରାଧିକରଣଙ୍କ…