Author: Samikhsya Bureau

ନୂଆଦିଲ୍ଲୀ : ସିଏଏ ଏବଂ ଏନ୍‌ପିଆର ବିରୋଧରେ ଆଗତ ଯାଚିକାର ଶୁଣାଣି କରିଛନ୍ତି ସୁପ୍ରିମକୋର୍ଟ । ଏହି ମାମଲାର ଶୁଣାଣି କରିବା ସହିତ ଏନ୍‌ପିଆର ଉପରେ ରୋକ୍‌ ଲଗାଇବାକୁ ସୁପ୍ରିମକୋର୍ଟ ମନା କରିଛନ୍ତି । ମାମଲାର ପରବର୍ତ୍ତୀ ଶୁଣାଣି ପର୍ଯ୍ୟନ୍ତ ଏନ୍‌ପିଆର ଉପରେ ରୋକ୍‌ ଲଗାଇବାକୁ ସର୍ବୋଚ୍ଚ କୋର୍ଟ ମନା କରିଛନ୍ତି । ସରକାରଙ୍କ ପକ୍ଷରୁ ଏହା ଉପରେ କୌଣସି ଯୁକ୍ତି ନ ଶୁଣି କୋର୍ଟ ରୋକ୍‌ ଲଗାଇ ପାରିବେ ନାହିଁ ବୋଲି କୁହାଯାଇଛି । ବିଭିନ୍ନ ଛାତ୍ର ସଙ୍ଗଠନ, କଂଗ୍ରେସ ଏବଂ ଅନ୍ୟାନ୍ୟ ବିରୋଧୀ ରାଜନେତାଙ୍କ ପକ୍ଷରୁ ଆଗତ 140ଟି ଯାଚିକା ଉପରେ ବିଚାର କରି ସୁପ୍ରିମକୋର୍ଟ ଏହି ନିଷ୍ପତ୍ତି ଶୁଣାଇଛନ୍ତି । (ଏଜେନ୍ସୀ)

ନୋଏଡା : ଘରୋଇ ହିଂସାରେ ସାଧାରଣତଃ ସ୍ବାମୀର ଆକ୍ରମଣର ଜଣେ ସ୍ତ୍ରୀ ଶିକାର ହୋଇଥାଏ । କିନ୍ତୁ ନୋଏଡାଠାରେ ଏହାର ଓଲଟା ଦେଖିବାକୁ ମିଳିଛି । ଘରୋଇ କଳିରେ ଜଣେ ସ୍ବାମୀ ନିର୍ଯାତିତ ହୋଇ ପୋଲିସ୍‌ ନିକଟରେ ଅଭିଯୋଗ କରିଥିବାର ଖବର ସାମ୍ନାକୁ ଆସିଛି । କରାଟେ ଚାମ୍ପିଆନ୍‌ ସ୍ତ୍ରୀଙ୍କ କବଳରୁ ବର୍ତ୍ତିବା ପାଇଁ ପୋଲିସ୍‌ ନିକଟରେ ଗୁହାରି କରିଛନ୍ତି ସ୍ବାମୀ ଜଣକ । ମିଳିଥିବା ସୂଚନା ଅନୁସାରେ ନୋଏଡା ସେକ୍ଟର 19ରେ  ଦୀପକ ନାମକ ଜଣେ ବ୍ୟକ୍ତି ତାଙ୍କ କରାଟେ ଚାମ୍ପିଅନ୍‌ ସ୍ତ୍ରୀଙ୍କଠାରୁ ମାଡ଼ ଖାଇ ଦରମରା ହୋଇଛନ୍ତି । ଏପରିକି ସ୍ବାମୀଜଣଙ୍କର ଗୋଟିଏ ଗୋଡ ଭାଙ୍ଗି ଯାଇଛି । ଏହାପରେ ସ୍ବାମୀ ତାଙ୍କ ସ୍ତ୍ରୀଙ୍କ ବିରୋଧରେ ପୋଲିସ୍‌ରେ ଏତଲା ଦେଇଛନ୍ତି । ସୋସିଆଲ୍‌ ମିଡ଼ିଆରେ ଜଣେ ବ୍ୟକ୍ତି କରାଟେ ଚାମ୍ପିଆନ୍‌ର ଜଣେ ଯୁବତୀଙ୍କ ସହ ପ୍ରେମ ସମ୍ପର୍କ ସ୍ଥାପନ କରିଥିଲେ । ପରେ ତାଙ୍କୁ ଜୀବନସାଥୀ ରୂପେ ଗ୍ରହଣ…

ନୂଆଦିଲ୍ଲୀ : ସରକାରୀ ବିମାନ ଚଳାଚଳ କମ୍ପାନୀ ଏୟାର ଇଣ୍ଡିଆର ବିକ୍ରିକୁ ବିରୋଧୀ ଦଳଙ୍କ ପକ୍ଷରୁ ବିରୋଧ କରାଯାଇଥିବା ବେଳେ ଏଥିରେ ସାମିଲ ହୋଇଛନ୍ତି ବିଜେପି ସାଂସଦ ସୁବ୍ରମଣ୍ୟମ ସ୍ବାମୀ । ସରକାରଙ୍କ ପକ୍ଷରୁ ଏୟାର ଇଣ୍ଡିଆର 100 ପ୍ରତିଶତ ବିକ୍ରୟ ପ୍ରକ୍ରିୟା ଆଜିଠାରୁ ଆରମ୍ଭ ହେବାକୁ ଯାଉଥିବା ବେଳେ ଏହା ବିରୋଧରେ କୋର୍ଟ ଯିବାକୁ ନିଷ୍ପତ୍ତି ନେଇଛନ୍ତି ସ୍ବାମୀ । ସରକାରଙ୍କ ଏହି ପ୍ରକ୍ରିୟାକୁ ଦେଶ ବିରୋଧୀ ବୋଲି ଅଭିହିତ କରିଛନ୍ତି । ଯଦି ସରକାର ଏହି ନିଷ୍ପତ୍ତି ପରିବର୍ତ୍ତନ ନକରନ୍ତି ତେବେ ମୁଁ କୋର୍ଟ ଯିବାକୁ ବାଧ୍ୟ ହେବି ବୋଲି ସ୍ବାମୀ କହିଛନ୍ତି । ଦେଶ ହେଉଛି ଏକ ପରିବାର ଏବଂ ଆପଣ ପାରିବାରିକ ସମ୍ପତ୍ତି ବିକ୍ରୟ କରିପାରିବେ ନାହିଁ ବୋଲି ସ୍ବାମୀ ମତ ରଖିଛନ୍ତି । ମାର୍ଚ୍ଚ 17 ସୁଦ୍ଧା ଆଶାୟୀ କମ୍ପାନୀ ଗୁଡିକ ଆବେଦନ କରିବା ପାଇଁ ସୋମବାର ସରକାରଙ୍କ ପକ୍ଷରୁ ଘୋଷଣା କରାଯାଇଛି ।…

ସମୀକ୍ଷା ବ୍ୟୁରୋ ଭୁବନେଶ୍ବର : ଭୁବନେଶ୍ୱର ସ୍ଥିତ ରେଳବାଇ ଷ୍ଟାଡିୟମଠାରେ ୭୧ତମ ଗଣତନ୍ତ୍ର ଦିବସ ମହାସମାରୋହରେ ପାଳିତ ହୋଇଯାଇଅଛି । ରେଳପଥର ମହାପ୍ରବନ୍ଧକ ବିଦ୍ୟା ଭୂଷଣ ଏହି ଅବସରରେ ପତାକା ଉତ୍ତୋଳନ କରିବା ସହ ରେଳବାଇ ସୁରକ୍ଷା ବଳ ପକ୍ଷରୁ ଆୟୋଜିତ ପ୍ୟାରେଡ଼ରେ ଅଭିବାଦନ ଗ୍ରହଣ କରିଥିଲେ । ରେଳବାଇ କର୍ମଚାରୀ ଓ ସେମାନଙ୍କର ପରିବାରବର୍ଗଙ୍କ ସହିତ ରେଳବ୍ୟବହାରକାରୀମାନଙ୍କୁ ଉଦବୋଧନ ଦେଇ ମହାପ୍ରବନ୍ଧକ ଶ୍ରୀ ବିଦ୍ୟାଭୂଷଣ ରେଳବାଇ କର୍ମଚାରୀ ମାନଙ୍କର ନିଷ୍ଠାପର ସେବା, ରେଳପଥର କାର୍ଯ୍ୟ ଦକ୍ଷତା ସହିତ ଯାତ୍ରୀ ସୁବିଧା, ସୁରକ୍ଷା ଓ ନିରାପତ୍ତା, ରେଳମାର୍ଗର ଭିତ୍ତିଭୂମିର ବିକାଶ, ଡିଜିଟାଲ ସେବା ଓ ମାନବ ସମ୍ବଳ ସମ୍ପର୍କରେ ଆଲୋକପାତ କରିଥିଲେ। ଭାରତର ବିକାଶ ପାଇଁ କର୍ମଚାରୀମାନଙ୍କର ନିଷ୍ଠାପର ସେବା ମନୋବୃତ୍ତିକୁ ମହାପ୍ରବନ୍ଧକ ପ୍ରଶଂସା କରିଥିଲେ।  ରେଳପଥର ଅତିରିକ୍ତ ମହାପ୍ରବନ୍ଧକ ସୁଧୀର କୁମାରଙ୍କ ସହିତ ବିଭାଗୀୟ ପ୍ରମୁଖ ଅଧିକାରୀ, ଅନ୍ୟାନ ବରିଷ୍ଠ ଅଧିକାରୀ, କର୍ମଚାରୀ ଓ ସେମାନଙ୍କର ପରିବାର ବର୍ଗ ଏହି…

ନୂଆଦିଲ୍ଲୀ :  ଦିଲ୍ଲୀର ନିର୍ବାଚନୀ ଦଙ୍ଗଲ୍‌ରେ ନେତାମାନଙ୍କର ବୟାନବାଜି ଜାରି ରହିଛି । ରାଜଧାନୀରେ ଆସନ୍ତା ଫେବୃଆରୀ 8 ତାରିଖରେ 70ଟି ବିଧାନସଭା ଆସନ ପାଇଁ ଭୋଟ୍‌ଗ୍ରହଣ ଅନୁଷ୍ଠିତ ହେବ । ଫେବୃଆରୀ 11 ତାରିଖରେ ଏହାର ଫଳାଫଳ ବାହାରିବ । ରାଜଧାନୀ ଦିଲ୍ଲୀ ପାଞ୍ଚବର୍ଷ ପାଇଁ କାହାକୁ ବାଛୁଛି, ତାହା ସ୍ପଷ୍ଟ ହୋଇଯିବ । ତେବେ ଦିଲ୍ଲୀର ଦିଲ୍‌ରେ ରାଜ୍‌ କରିବା ପାଇଁ ସବୁ ରାଜନୈତିକ ଦଳମାନଙ୍କର ତୁଫାନି ନିର୍ବାଚନୀ ପ୍ରଚାର ଚାଲିଛି । ଏହି କ୍ରମରେ ଚର୍ଚ୍ଚାକୁ ଆସିଛି ଦୁଇ ପ୍ରମୁଖ ଦଳଙ୍କ ଚାଣକ୍ୟ ବନାମ ଚାଣକ୍ୟଙ୍କ ଜୁବାନି ।  ଦିଲ୍ଲୀରେ ବିଜେପିର ସରକାର ପାଇଁ ମୋର୍ଚ୍ଚା ସମ୍ଭାଳିଛନ୍ତି ବିଜେପି ଚାଣକ୍ୟ ଅମିତ୍‌ ଶାହା ନିଜର ଚିରାଚରିତ ଆକ୍ରମକ ଶୈଳୀରେ ପ୍ରଚାର କରିଛନ୍ତି । ରବିବାର ଦିନ ବାବରପୁରଠାରେ ଏକ ନିର୍ବାଚନୀ ରାଲିରେ ନାଗରିକତା ଆଇନ (ସିଏଏ) ବିରୋଧରେ ଶାହିନ୍‌ବାଗ୍‌ଠାରେ ପ୍ରଦର୍ଶନ କରୁଥିବା ପ୍ରଦର୍ଶନକାରୀଙ୍କୁ ଟାର୍ଗେଟ୍‌ କରି କହିଛନ୍ତି…

ସମୀକ୍ଷା ବ୍ୟୁରୋ କନ୍ଦର୍ପ ବେହେରା / ରେଢାଖୋଲ: ସମ୍ବଲପୁର ଜିଲ୍ଲାର ରେଢାଖୋଲ ସବଡିଭିଜନର ନାକ୍‌ଟି ଦେଉଳ ବ୍ଲକ ଅନ୍ତର୍ଗତ ଡଇଁଚା ଗ୍ରାମରେ ଥିବା ବାପୁଜୀ ସରକାରୀ ଉଚ୍ଚ ବିଦ୍ୟାଳୟରେ ତାଲା ପକାଇଲେ ଗ୍ରାମବାସୀ। ବିଦ୍ୟାଳୟରେ ଖାଲି ଥିବା ଶିକ୍ଷକ ପଦବୀ ପୂରଣକୁ ନେଇ ବିଦ୍ୟାଳୟରେ ତାଲା ପକାଯାଇଛି। ସୂଚନାଯୋଗ୍ୟ ଯେ, ପୂର୍ବରୁ ବିଦ୍ୟାଳୟରେ ରହିଥିବା ଶିକ୍ଷକ ସମସ୍ୟାକୁ ନେଇ ଜିଲ୍ଲଶିକ୍ଷାଧିକାରୀଙ୍କ ନିକଟକୁ ଏକ ଲିଖିତ ଅଭିଯୋଗ  ଦିଆଯିବା ସହିତ ଏହି ଲିଖିତ ଅଭିଯୋଗର ଏକ କିତା ନକଲ ଜିଲ୍ଲାପାଳ, ମୁଖ୍ୟମନ୍ତ୍ରୀ, ଶିକ୍ଷାମନ୍ତ୍ରୀ, ଉପଜିଲ୍ଲାପାଳ ଓ ଉଚ୍ଚଶିକ୍ଷାଅଧିକାରୀଙ୍କ ନିକଟକୁ ପଠାଯାଇଥିଲା। ଉକ୍ତ ଚିଠିରେ ବିଦ୍ୟାଳୟରେ ଥିବା ଶିକ୍ଷକ ପଦବୀଗୁଡ଼ିକୁ ଜାନୁଆରୀ ୨୫ ତାରିଖ ଭିତରେ ପୂରଣ କରାନଗଲେ ୨୭ ତାରିଖରେ ବିଦ୍ୟାଳୟରେ ତାଲା ପଡ଼ିବ ବୋଲି ଉଲ୍ଲେଖ ରହିଥିଲା। ତେବେ ଜାନୁଆରୀ ୨୫ ତାରିଖ ଭିତରେ ବିଦ୍ୟାଳୟରେ ଖାଲିଥିବା ଶିକ୍ଷକ ପଦବୀ ପୂରଣ ନ ହୋଇଥିବା ହେତୁ ଅଭିଭାବକ ଓ ଗ୍ରାମବାସୀମାନେ ବାଧ୍ୟ…

ଅରୁଣ କୁମାର ପ୍ରଧାନ ନାକ୍‌ଟିଦେଉଳ: ଗଣତନ୍ତ୍ର ଦିବସ ଅବସରରେ ସାରା ପୁରପଲ୍ଲୀ ହର୍ଷ ଉଲ୍ଲାସରେ ପାଳନ କରୁଥିବାବେଳେ ଚନ୍ଦ୍ରପୁର ଗ୍ରାମରେ କିନ୍ତୁ ସୃଷ୍ଟି ହୋଇଥିଲା ଶୋକାକୁଳ ପରିବେଶ। ଗତକାଲି ନାକ୍‌ଟି ଦେଉଳ ଥାନା ଅନ୍ତର୍ଗତ ଚନ୍ଦ୍ରପୁର ଗ୍ରାମରେ ଜମ୍ମୁକାଶ୍ମୀରରେ କାର୍ଯ୍ୟରତ ଥିବା ବିଏସ୍‌ଏଫ ଯବାନ ରଣଜୀତ୍‌ଙ୍କ କୁମ୍‌ରଙ୍କ ରାଷ୍ଟ୍ରୀୟ ମର୍ଯ୍ୟାଦା ସହ ଶେଷକୃତ୍ୟ ସମ୍ପନ୍ନ କରାଯାଇଛି। ଗତକାଲି ତାଙ୍କ ମରଶରୀର ସନ୍ଧ୍ୟା ୭ଟାବେଳେ ଆସି ତାଙ୍କ ଜନ୍ମସ୍ଥାନରେ ପହଞ୍ଚିଥିଲା। ୪୪ ବର୍ଷୀୟ ରଣଜୀତ୍‌ କୁମର୍‌ ଗତ ୨୪ତାରିଖରେ ମଧ୍ୟାହ୍ନ ଭୋଜନ ସାରି ସିଡିରେ ଫେରୁଥିବା ସମୟରେ ଗୋଡ ଖସି ଗଭୀର ଆହତ ହୋଇଥିଲେ। ସଙ୍ଗେ ସଙ୍ଗେ ତାଙ୍କୁ ଜମ୍ମୁ ହସ୍ପିଟାଲରେ ଭର୍ତ୍ତି କରାଯାଇଥିଲାବାବେଳେ ସେଠାରେ ତାଙ୍କର ମୃତ୍ୟୁ ଘଟିଥିଲା। ୧୯୯୮ ମସିହାରେ ବିଏସ୍‌ଏଫ୍‌ରେ ଯୋଗଦେଇଥିବା ରଣଜିତ୍‌ କୁମର୍‌ଙ୍କ ସ୍ତ୍ରୀ ଏବଂ ଦୁଇ ପୁଅ ଝିଅ ରହିଛନ୍ତି। ଗତକାଲି ତାଙ୍କ ଜନ୍ମମାଟିରେ ଗାର୍ଡ ଅଫ୍‌ ଅନର୍ ଦିଆଯାଇ ତାଙ୍କର ଶେଷକୃତ୍ୟ ସମ୍ପନ୍ନ କରାଯାଇଛି।

ସମୀକ୍ଷା ବ୍ୟୁରୋ ଝାରସୁଗୁଡା : ଦୀର୍ଘ ଦିନର ଆଶା ପୂରଣ ହୋଇଛି । ଆଜିଠୁ ଝାରସୁଗୁଡାରୁ କୋଲକତା ବିମାନ ଚଳାଚଳ । ଉଡାନ 3.0 ଯୋଜନରେ ନିୟମିତ ରୂପରେ ଚଳାଚଳ କରିବ ବିମାନ । ଆଜିଠାରୁ ଏଲାଏନ୍ସ ଏୟାର ବିମାନ କୋଲକାତା ବିମାନବନ୍ଦରରୁ ଦିନ ୧୧ ଟା ୪୫ ମିନିଟରୁ ଆସି ୧ଟା ୧୫ ମିନିଟରେ ଝାରସୁଗୁଡ଼ାରେ ପହଂଚିବ। ଝାରସୁଗୁଡ଼ାରୁ ଦିନ ୧ ଟା ୪୫ରୁ ଛାଡ଼ି ପୁଣି ୩ଟା ୧୫ ମିନିଟରେ କୋଲକାତାରେ ପହଂଚିବ । ଉଲ୍ଲେଖଯୋଗ୍ୟ ଯେ, ଗତ ସେପ୍ଟେମ୍ବର ୧୧ରେ ଶାସନ ସଚିବଙ୍କ ଅଧ୍ୟକ୍ଷତାରେ ବିମାନ ଚଳାଚଳ ନେଇ ଲୋକସେବା ଭବନରେ ଆଞ୍ଚଳିକ ବିମାନ ଯୋଗାଯୋଗ ପରିଷଦର ବୈଠକ ବସିଥିଲା । ସେହି ବୈଠକରେ ବିମାନବନ୍ଦରରୁ ଆଉ ୨ଟି ନୂଆ ସହର ତଥା କୋଲକାତା ଏବଂ ବାଙ୍ଗାଲୁରୁକୁ ବିମାନ ଉଡ଼ାଣ ପାଇଁ ନିଷ୍ପତ୍ତି ହୋଇଥିଲା ।

ସମୀକ୍ଷା ବ୍ୟୁରୋ ରାଇରଙ୍ଗପୁର : ବାଇକ୍‌ରେ ଆସି ଲୁଟିନେଲେ ଟଙ୍କା । ବନ୍ଧୁକ ଦେଖାଇ ପାନ ବ୍ୟବସାୟୀଙ୍କଠାରୁ 6 ଲକ୍ଷ ଲୁଟ୍‌ ନେଇଛନ୍ତି ଦୁର୍ବୃତ୍ତ। ଦୋକାନୀ ସଟର ବନ୍ଦ କରି ଟଙ୍କା ବ୍ୟାଗ୍‌ ଧରିଥିବାବେଳେ ଝାମ୍ପି ନେଇଛନ୍ତି ଦୁର୍ବୃତ୍ତ ଜଣକ । ଗତକାଲି ରାତିରେ ରାଇରଙ୍ଗପୁର ଟାଉନ୍‌ର ଏକ ହୋଲେସଲ୍‌ ଦୋକାନୀଙ୍କଠୁ ଏହି ଲୁଟ୍‌ ହୋଇଥିବାର ଅଭିଯୋଗ ହୋଇଛି । ବାଇକ୍‌ରେ ହେଲମେଟ ପିନ୍ଧା ତିନିଜଣ ଦୁର୍ବୃ୍ତ୍ତ ଟଙ୍କା ଲୁଟିନେଇଥିବାର ଅଭିଯୋଗ ହୋଇଛି। ରାଇରଙ୍ଗପୁର ଥାନାରେ ଅଭିଯୋଗ ପରେ ପୋଲିସ୍‌ ଏହି ଘଟଣାର ଛାନ୍‌ଭିନ୍‌ କରୁଛି ।

ସମ୍ବଲପୁର : ସମ୍ବଲପୁରଠାରେ ହୋଇଥିବା ଏକ ଦୁର୍ଘଟଣା ପରେ ଉଭୟ ଟ୍ରାକ୍ଟର ଓ ବସ୍‌କୁ ବଡ଼ ଜରିମାନା କରାଯାଇଛି । ଦୁର୍ଘଟଣା ପରେ ଜରିମାନା ଠୁଙ୍କିଛି ପରିବହନ ବିଭାଗ । ଦୁର୍ଘଟଣାଗ୍ରସ୍ତ ଟ୍ରାକ୍ଟର ଓ ବସ୍‌ ଚାଳକଙ୍କୁ ବଡ଼ ଜରିମାନା। ଟ୍ରାକ୍ଟରକୁ 53ହଜାର 200, ବସ୍‌କୁ 27 ହଜାର ଟଙ୍କାର ଜରିମାନା କରାଯାଇଛି । ଟ୍ରାକ୍ଟରର ବକେୟା ଟିକସ 16 ହଜାର 200, ପରମିଟ୍‌ ବାବଦରେ 10 ହଜାର, ପ୍ରଦୂଷଣ ପାଇଁ 10 ହଜାର, ଫିଟନେସ ପାଇଁ 5 ହଜାର, ଇନସ୍ୟୁରାନ୍ସ ପାଇଁ ଦୁଇ ହଜାର ଟଙ୍କା ଫାଇନ୍‌ କରାଯିବା ସହ ଲାଇସେନ୍ସ ପାଇଁ 5 ହଜାର ଓ ଟ୍ରଲିର ଫିଟନେସ୍‌ ନଥିବାରୁ 5 ହଜାର ଟଙ୍କାର ଜରିମାନା କରାଯାଇଛି । ମୋଟ୍‌ ଉପରେ ଟ୍ରାକ୍ଟର ପାଇଁ 53 ହଜାର 200 ଟଙ୍କାର ଫାଇନ୍‌ କରାଯାଇଛି । ସେହିପରି ଯାତ୍ରୀବାହୀ ବସ୍‌ର ପରମିଟ୍‌ ନଥିବାରୁ 10 ହଜାର ଟଙ୍କା, ପ୍ରଦୂଷଣ ପାଇଁ…

ପାକିସ୍ତାନ : ପାକିସ୍ତାନରେ ହିନ୍ଦୁ ମହିଳାଙ୍କୁ ଜବରଦସ୍ତି ମୁସଲମାନ ଯୁବକ ସହ ବିବାହ କରିବାର ମାମଲା ସାମ୍ନାକୁ ଆସିଛି । ମିଳିଥିବା ସୂଚନା ଅନୁସାରେ ପାକିସ୍ତାନରେ ହିନ୍ଦୁ ମହିଳାଙ୍କୁ ଜବରଦସ୍ତି ଧର୍ମାନ୍ତୀକରଣ କରାଇଥିବାର ଏକ ସନ୍‌ସିନ୍‌ ମାମଲା ସାମ୍ନାକୁ ଆସିଛି ।  ସିନ୍ଧ ସୁବେରୋରୁ 24 ବର୍ଷୀୟା ହିନ୍ଦୁ ମହିଳାଙ୍କୁ ଅପହରଣ କରି ମୁସଲିମ୍‌ ଯୁବକଙ୍କ ସହି ବିବାହ କରାଇଦିଆଯାଇଛି । ଭାରତୀ ବାଈ ନାମ୍ନୀ ଜଣେ ମହିଳାଙ୍କୁ ଦିନ ଦ୍ବିପ୍ରହରରେ ବାହାଘର ସମାରୋହରୁ ଅପହରଣ କରି ଜବରଦସ୍ତି ଉଠାଇ ନିଆଯାଇଥିଲା । ଏହା ପରେ ତାଙ୍କ ଉପରେ ଚାପ ପ୍ରୟୋଗ କରି ମୁସଲମାନ ଧର୍ମକୁ ଗ୍ରହଣ କରାଇଛନ୍ତି । ତା’ପରେ ଜଣେ ମୁସଲମାନ ଯୁବକଙ୍କ ସହ ବିବାହ କରାଇ ଦେଇଛନ୍ତି। ଭାରତୀଙ୍କ ପିତା କିଶୋର ଦାସ ଅଭିଯୋଗ କରିଛନ୍ତି ଯେ, ଭାରତୀ ବାଈଙ୍କ ବିବାହ ଜଣେ ହିନ୍ଦୁ ଯୁବକଙ୍କ ସହ ହେବାର ଥିଲା । ବିବାହର ପ୍ରସ୍ତୁତି ମଧ୍ୟ ବିବାହ…

ସମୀକ୍ଷା ବ୍ୟୁରୋ ଗଞ୍ଜାମ : ନିଆଁ ଲାଗି ଜଳିଗଲା ଦୁଇ ଭାଇଙ୍କ ପାଞ୍ଚ ବଖରା ଘର । ଗଞ୍ଜାମ ବ୍ଲକ୍‌ ଲୁଙ୍ଗୁରି ଗାଁରେ ସର୍ଟ ସର୍କିଟ୍‌ରୁ ଅଗ୍ନିକାଣ୍ଡ ଘଟିଥିବାର ସୂଚନା ମିଳିଛି । ଦିନ ମଜୁରିଆ ହୋଇଥିବାରୁ ବାହାରେ ଥିଲେ, ଘରେ ନିଆଁ ଲାଗିଛି । ଅଗ୍ନିଶମ ବିଭାଗ ନିଆଁ ଆୟତ୍ତ ପାଇଁ ପ୍ରୟାସ ଜାରି ରଖିଛି । ତେବେ  ଏହି ଘଟଣାରେ ହୋଇଥିବା ମୃତାହତ ଓ କ୍ଷୟକ୍ଷତିର ସୂଚନା ମିଳିପାରିନାହିଁ ।

କାର୍ଲିଫୋର୍ଣ୍ଣିଆ : ଆମେରିକାର  କିମ୍ବଦନ୍ତୀ ବାସ୍କେଟ ବଲ ଖେଳାଳି ବ୍ରାଏଣ୍ଟଙ୍କର ଏକ ହେଲିକପ୍ଟର ଦୁର୍ଘଟଣାରେ ମୃତ୍ୟୁ ହୋଇଛି । କାର୍ଲିଫୋର୍ଣ୍ଣିଆର କେଲାବେସସରେ ହୋଇଥିବା ହେଲିକପ୍ଟର ଦୁର୍ଘଟଣାରେ ମୋଟ ୯ ଜଣଙ୍କର ମୃତ୍ୟୁ ଘଟିଛି ବୋଲି ଗଣମାଧ୍ୟମର ରିପୋର୍ଟରୁ ଜଣାପଡ଼ିଛି । ସୂଚନା ଅନୁସାରେ ଘଟଣା ଲସ ଏଞ୍ଜେଲେସରୁ ପାଖାପାଖି 65 କିଲୋମିଟର ଦୂରରେ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା । 41 ବର୍ଷୀୟ କୋବିଙ୍କ ସହିତ ଏହି ହେଲିକପ୍ଟରରେ ତାଙ୍କର 13 ବର୍ଷୀୟା ଝିଅ ମଧ୍ୟ ରହିଥିଲେ ।  ତେବେ ହେଲିକପ୍ଟରରେ ନିଆଁ କେମିତି ଲାଗିଲା, ତାହା ସ୍ପଷ୍ଟ ହୋଇପାରି ନାହିଁ । ଅଧିକାରୀମାନେ ଦୁର୍ଘଟଣାର ତଦନ୍ତ କରୁଛନ୍ତି । ଦୁର୍ଘଟଣାର ଶିକାର ହୋଇଥିବା ଅନ୍ୟ ଲୋକଙ୍କ ପରିଚୟ ମିଳିପାରି ନାହିଁ । ବ୍ରାଏଣ୍ଟ 20 ବର୍ଷର କ୍ୟାରିଅର୍‌ ଭିତରେ ଅନେକ ରେକର୍ଡ କରିଛନ୍ତି । ବ୍ରାଏଣ୍ଟ ନ୍ୟାସନାଲ୍‌ ବାସ୍କେଟବଲ୍‌ ଆସୋସିଏନ୍‌ ତରଫରୁ ବାସ୍କେଟବଲ ଖେଳି 5 ଥର ଚାମ୍ପିଆନ ହୋଇଛନ୍ତି ।…

କେଦାର ମିଶ୍ର ସାଧାରଣତନ୍ତ୍ର ଦିବସ ପୂର୍ବରୁ ଦେଶର ବିଶିଷ୍ଟ ବ୍ୟକ୍ତି ବିଶେଷଙ୍କ ନାମ ରାଷ୍ଟ୍ରୀୟ ସମ୍ମାନ ବା ପଦ୍ମ ପୁରସ୍କାର ପାଇଁ ଘୋଷିତ ହୋଇଥାଏ। ଓଡିଶା ଭାଗରେ ଏହି ପୁରସ୍କାରରୁ ଗୋଟେ ଦୁଇଟି ଅବଶ୍ୟ ପଡିଥାଏ। କେବେ କେମିତି ଏହା ୫/୬ ମଧ୍ୟ ହୋଇଛି। ତେବେ ସ୍ଵାଧୀନତା ପରେ ଚଳିତ ବର୍ଷ ଓଡିଶାରୁ ସର୍ବାଧିକ ୧୧ ଓ ଓଡିଆ ଭାବରେ ୧୨ ଜଣଙ୍କୁ ଏହି ପୁରସ୍କାର ମିଳିଛି। ଷଢେଇକଳା ଛଉ ପାଇଁ ପଦ୍ମଶ୍ରୀ ପାଇଥିବା ଶଶଧର ଆଚାର୍ୟଙ୍କୁ କେହି ଓଡିଆ ଭାବରେ ଗଣୁ ନାହାନ୍ତି। ହେଲେ ଶଶଧର ଆଚାର୍ୟ ହେଉଛନ୍ତି ଷୋହଳ ଅଣା ଓଡିଆ। ସେ ଷଢେଇକଳା-ଖରସୁଆଁର ସେହି ପ୍ରଜନ୍ମର ଓଡିଆ ଯେଉଁମାନେ ଓଡିଶା ବାହାରେ ଓଡିଶାର କଳା ଓ ସଂସ୍କୃତିକୁ ବଞ୍ଚାଇ ରଖିଛନ୍ତି। ଷଢେଇକଳା ଛଉ ଯଦିଓ ଆଜି ଝାଡଖଣ୍ଡର କଳା ଭାବରେ ପରିଚିତ, ଏହା ମୂଳତଃ ଓଡିଆ। ଶଶଧର ଆଚାର୍ୟ ଷଢେଇକଳା ଛଉରେ ବୋଧହୁଏ ଶେଷ ଓଡିଆ ପ୍ରତିନିଧି।…

ନୂଆଦିଲ୍ଲୀ: ଅଷ୍ଟ୍ରେଲିଆ ଏବଂ ଭାରତ ମଧ୍ୟରେ ଚାଲିଥିବା ତ୍ରିଦିବସୀୟ ମ୍ୟାଚ୍‌ରେ ଭାରତ ୨-୧ରେ ଜିତି ନେଇଛି। କିନ୍ତୁ ଏବେ ଚର୍ଚ୍ଚାରେ ରହିଛି ଭାରତୀୟ ଅଧିନାୟକ ବିରାଟ କୋହଲି ଓ ଅଷ୍ଟ୍ରେଲିଆ ଓପନର୍‌ ଡେଭିଡ୍‌ ଓ୍ବର୍ଣ୍ଣର୍‌ଙ୍କ ମଧ୍ୟରେ ହୋଇଥିବା ସୌହାଦ୍ଦ୍ୟପୂର୍ଣ୍ଣ ବ୍ୟବହାର। ସୋସିଆଲ୍‌ ମିଡିଆରେ ଏହାକୁ ନେଇ ବେଶ୍‌ ଚର୍ଚ୍ଚା ଲାଗି ରହିଛି। ଇନ୍‌ଷ୍ଟାଗ୍ରାମ୍‌ରେ ଓ୍ବର୍ଣ୍ଣର୍‌ ୧୮ଟି ବ୍ୟାଟର ଏକ କଲେକ୍ସନକୁ ‘ଷ୍ଟକ ଟେକିଙ୍ଗ ଟାଇମ‘ର ଶୀର୍ଷକ ଦେଇ ସେୟାର୍‌ କରିଥିବାବେଳେ ଭାରତୀୟ କ୍ରିକେଟ୍‌ ଅଧିନାୟକ ବିରାଟ କୋହଲି ବେଶ୍‌ ମଜାଳିଆ ଢଙ୍ଗରେ ଏହାର ଉତ୍ତର ରଖିଛନ୍ତି। ବିରାଟ  ପ୍ରତିକ୍ରିୟାରେ କହିଛନ୍ତି ଯେ, ତମେ ମୋ ଠାରୁ ଆଉ ଗୋଟିଏ ବ୍ୟାଟ ଚାହୁଁଛ। ଏହାର ପ୍ରତ୍ୟୁତ୍ତରରେ ଏକ  ହସର ଇମୋଜି ସହ ଓ୍ବର୍ଣ୍ଣର ନିଜ ପ୍ରତିକ୍ରିୟାରେ କହିଛନ୍ତି ଯେ “ ମୁଁ ଯେମିତି କହିଲି ମୋତେ ସେମିତି ଗୋଟିଏ ଦରକାର”। କ୍ରିକେଟ୍‌ ଜଗତର ଦୁଇ ଦୁର୍ଦ୍ଧର୍ଷ ବ୍ୟାଟ୍ସମ୍ୟାନ ମଧ୍ୟରେ ଚାଲିଥିବା ଏହି ଉତ୍ତର…

ନୂଆଦିଲ୍ଲୀ : ଦେଶର ବଢୁଥିବା ବେରୋଜଗାରୀକୁ ନେଇ କଂଗ୍ରେସ କେନ୍ଦ୍ର ସରକାରଙ୍କୁ ଟାର୍ଗେଟ୍‌ କରିଛି । କଂଗ୍ରେସର ବରିଷ୍ଠ ନେତା ରଣଦୀପ୍‌ ସିଂହ ସୁର୍ଜେଓ୍ବାଲା ରବିବାର ଦିନ କହିଛନ୍ତି ଯେ, ପ୍ରତ୍ୟେକ ବର୍ଷ ଦୁଇ କୋଟିଙ୍କୁ ରୋଜଗାର ଦେବାର ପ୍ରତିଶ୍ରୁତି ଦେଇଥିଲା । କିନ୍ତୁ  ବିଜେପିର ଯେତେବେଳେ ବ୍ୟାଙ୍କ ବାଲାନ୍ସ ବଢିଛି, ସେତେବେଳେ ଦେଶରେ ରୋଜଗାର ହ୍ରାସ ପାଇଛି । ସୁର୍ଜେଓ୍ବାଲା ଟୁଇଟ୍‌ କହିଛନ୍ତି ଯେ, ବିଜେପି କ୍ଷମତାକୁ ଆସିବା ପୂର୍ବରୁ ବର୍ଷକୁ ଦୁଇ କୋଟି ରୋଜଗାର ଦେବାର ପ୍ରତିଶ୍ରୁତି ଦେଇଥିବାବେଳେ ଦେଶର 7ଟି ପ୍ରମୁଖ ସେକ୍ଟରରେ 3.64 କୋଟି ବେରୋଜଗାର ସୃଷ୍ଟି ହୋଇଛି । ଦେଶରେ ବଢୁଥିବା ବେରୋଜଗାରୀକୁ ନେଇ ବିରୋଧୀ ସରକାରଙ୍କୁ ଘେରୁଥିବାବେଳେ ସରକାର ଏହା ଉପରେ ଗମ୍ଭୀରତା ସହ ବିଚାର କରୁନାହାନ୍ତି ବୋଲି ଅଭିଯୋଗ କରିଛି ବିରୋଧୀ କଂଗ୍ରେସ । ମୋଦି ସରକାର ଦେଶର ଅର୍ଥବ୍ୟବସ୍ଥାକୁ ସୁଦୃଢ କରିବା ପାଇଁ ଚେଷ୍ଟା କରୁଥିବାବେଳେ ଦେଶରେ ବେରୋଜଗାରୀ ସ୍ଥିତିରେ…

ସମୀକ୍ଷା ବ୍ୟୁରୋ ଭୁବନେଶ୍ୱର: ସରକାରୀ ଆଶ୍ରମ ସ୍କୁଲ ନୟାପଲ୍ଲୀର ବାର୍ଷିକ କ୍ରୀଡ଼ା ଉତ୍ସବ ଜାନୁୟାରୀ ୨୫ ଓ ୨୬ ତାରିଖ ଦୁଇଦିନ ଧରି ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ମୁଖ୍ୟ ଅତିଥି ଭାବେ ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ପ୍ରଦୀପ ପ୍ରଜ୍ଜ୍ୱଳନ କରି ଉଦ୍‌ଘାଟନ କରିଥିଲେ । ବିଶିଷ୍ଟ ଅତିଥି ଭାବେ ବିରଞ୍ଚି ନାରାୟଣ ମହାସୁପକାର, ଫେଲୁ ମହାନ୍ତି, ପ୍ରଫୁଲ୍ଲ ମହାନ୍ତି, ଜିତେନ୍ଦ୍ର କୁମାର ଜେନା, ଳକ୍ଷ୍ମୀଦୀପା ପ୍ରମୁଖ ଯୋଗଦେଇଥିବା ବେଳେ ବିବେକାନନ୍ଦ ବାରିକ ଓ ସନାତନ ମୁଣ୍ଡା ଉତ୍ସବକୁ ପରିଚାଳନା କରିଥିଲେ। ସ୍କୁଲ୍‌ର ପ୍ରଧାନ ଶିକ୍ଷୟିତ୍ରୀ ବିଶ୍ୱମୋହିନୀ ପତି, ଶିକ୍ଷୟିତ୍ରୀ ନିରୁପମା ରାଉତ, ଶିକ୍ଷକ ଦେବେନ୍ଦ୍ର କୁମାର ମହାନ୍ତି, ମଧୁସ୍ମିତା ପଟ୍ଟନାୟକ, ପ୍ରିୟଙ୍କା ପ୍ରିୟଦର୍ଶିନୀ ଦାସ, ରଞ୍ଜନ କୁମାର ରଥ, ପୁଷ୍ପଲତା ପୋଥାଳ ଓ ସଂଚିତା ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ । ଶେଷରେ ଅତିଥିମାନଙ୍କ ଦ୍ୱାରା ପୁରସ୍କାର ବିତରଣ ଅନୁଷ୍ଠିତ ହୋଇଥିଲା ।

ସମୀକ୍ଷା ବ୍ୟୁରୋ ପାପରେମଟଲା : ପୁଣି ମାଓବାଦୀଙ୍କ ବର୍ବରତା ଦେଖିବାକୁ ମିଳିଛି । ଦଶରୁ ଉର୍ଦ୍ଧ୍ବ ଘର ଜାଳିଦେଇଛନ୍ତି । ପାପରମେଟ୍‌ଲା ଥାନା ଯୋଡାଆମ୍ବ ଗ୍ରାମରେ ଘର ଜାଳିଦେଲେ ମାଓବାଦୀ। ମାଓ ଭୟରେ ପୋଲିସ୍‌ କ୍ୟାମ୍ପ୍‌ରେ ଆଶ୍ରୟନେଲେ ଗ୍ରାମବାସୀ । କୁନ୍ତୁରୁପଦରସ୍ଥିତ ପୋଲିସ୍‌ କ୍ୟାମ୍ପ୍‌ରେ ଆଶ୍ରୟ ନେଇଛନ୍ତି ଗ୍ରାମବାସୀ । ଭୋରରୁ ଜଳାପୋଡା କରିଥିବା ସୂଚନା ମିଳିଥିବାବେଳେ ଘରୁ ଲୋକେ ବାହାରିଆସିଥିଲେ ।  ଗ୍ରାମର ଲୋକଙ୍କ ଆକ୍ରମଣରେ ଜଣେ ମାଓବାଦୀର ମୃତ୍ୟୁରୁ ଏହି ଜଳାପୋଡା ହୋଇଥିବାର ସୂଚନା ରହିଛି । ଗ୍ରାମରେ ପଶି ଧମକ ଦେବାବେଳେ ପଥର ମାଡ଼ କରିଥିଲେ ଗ୍ରାମବାସୀ । ପାପରମେଟ୍‌ଲା ଜନ୍ତୁରାଇ ଗ୍ରାମରେ ମାଓବାଦୀ – ଗ୍ରାମବାସୀ ମୁହାଁମୁହିଁ ହୋଇଥିଲେ ।

ସମୀକ୍ଷା ବ୍ୟୁରୋ ବାଲିଗୁଡା : ରାଜ୍ୟରେ ଦୁଷ୍କର୍ମ ପରି ଘଟଣା ଥମିବାର ନାଁ ଧରୁନାହିଁ । ବାଲିଗୁଡା ଅଞ୍ଚଳରେ 5 ବର୍ଷର ଶିଶୁ କନ୍ୟାକୁ ଦୁଷ୍କର୍ମ ହୋଇଥିବାର ଅଭିଯୋଗ ହୋଇଛି । ଜଳଖିଆ ଦେବାକୁ କହି ଘରୁ ଡାକି ନେଇ ଗାଁ ପାଖ ଜଙ୍ଗଲରେ ଦୁଷ୍କର୍ମ ହୋଇଥିବା ସୂଚନା ମିଳିଛି । ନାବାଳିକାର ପାଟି ଶୁଣି ଅଭିଯୁକ୍ତ ଯୁବକକୁ ସ୍ଥାନୀୟ ଲୋକେ କାବୁ କରି ପିଟିଛନ୍ତି । ଉକ୍ତ ଯୁବକକୁ ବ୍ରାହ୍ମଣୀଗାଁ ପୋଲିସ୍‌ର ଜିମାଦେଇଛନ୍ତି ଗ୍ରାମବାସୀ ।

ଅକ୍‌ଲାଣ୍ଡ: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ୫ ମ୍ୟାଚ୍‌ ବିଶିଷ୍ଟ ଟି-ଟ୍ବେଣ୍ଟି ଶୃଙ୍ଖଳର ଦ୍ବିତୀୟ ମ୍ୟାଚ୍‌ରେ ପୁଣିଥରେ ବିରାଟ ବାହିନୀ ବାଜିମାତ୍‌ କରିଛି। ପୂର୍ବ ମ୍ୟାଚ୍‌ର ହିରୋ ସାଜିଥିବା ଦୁଇ ବ୍ୟାଟ୍ସମ୍ୟାନ୍‌ କେ.ଏଲ୍‌ ରାହୁଲ୍‌ ଓ ଶ୍ରେୟସ୍‌ ଆୟାର୍‌ ପୁଣି ଥରେ ଭାରତକୁ ସହଜ ବିଜୟ ଦେଇଛନ୍ତି। ଟସ୍‌ ଜିତି ନ୍ୟୁଜିଲାଣ୍ଡ୍‌ ବ୍ୟାଟିଂ କରିବାର ନିଷ୍ପତ୍ତି ନେଇ ଭାରତୀୟ ଦଳଙ୍କ ଆଗରେ ୧୩୩ ରନ୍‌ର ଟାର୍ଗେଟ ରଖିଥିଲା। ଭାରତୀୟ ଦଳ ନିର୍ଦ୍ଧାରିତ ୧୭.୩ ଓଭରରେ ୩ଟି ଓ୍ବିକେଟ୍‌  ହରାଇ ୧୩୫ ରନ୍‌ କରି ବିଜୟ ହାସଲ କରିଛି। ଏଥିସହିତ ଦଳ ୫ ମ୍ୟାଚ ବିଶିଷ୍ଠ ଟି -ଟ୍ବେଣ୍ଟି ଶୃଙ୍ଖଳରେ ୨-୦ରେ ଅଗ୍ରଣୀ ରହିଛି। ନ୍ୟୁଜିଲାଣ୍ଡ ପକ୍ଷରୁ ଗୁପ୍ତିଲ୍‌ ୨୦ ବଲ୍‌ରେ ୩୩ ରନ୍‌, ମୁନ୍‌ରୋ ୨୫ ବଲରେ ୨୬ ରନ୍‌, ସୈଫଟ୍‌ ୨୬ ବଲ୍‌ରେ ୩୩ ରନ୍‌ ସଂଗ୍ରହ କରିଥିବାବେଳେ ଭାରତ ପକ୍ଷରୁ କେଏଲ୍‌ ରାହୁଲ୍‌ ୫୦ ବଲ୍‌ରେ ଅପରାଜିତ ୫୭…

ହାଇଦ୍ରାବାଦ : ନାଗରିକତା ସଂଶୋଧନ ଆଇନ (ସିଏଏ) ଓ ରାଷ୍ଟ୍ରୀୟ ନାଗରିକତା ରେଜିଷ୍ଟାର (ଏନ୍‌ଆରସି)କୁ ନେଇ ଦେଶବ୍ୟାପୀ ବିରୋଧ ପ୍ରଦର୍ଶନ ଲାଗି ରହିଥିବାବେଳେ ଜଣେ ପୂଜାରୀଙ୍କ ହିନ୍ଦୁଦେବାଦେବୀଙ୍କ ପାଇଁ ସରକାରଙ୍କଠାରୁ ନାଗରିକତ୍ବ ଦାବି ବେଶ୍‌ ଚର୍ଚ୍ଚାରେ ରହିଛି । ହାଇଦ୍ରାବାଦର ଚିଲକୁର୍‌ ବାଲାଜୀ ମନ୍ଦିରର ମୁଖ୍ୟ ପୂଜାରୀ ସିଏସ୍‌ ରଙ୍ଗରାଜନ୍‌ ହିନ୍ଦୁ ଦେବାଦେବୀଙ୍କ ନାଗରିକତ୍ବ ପାଇଁ ସରକାରଙ୍କ ନିକଟରେ ଦାବି କରିଛନ୍ତି । ସିଏସ୍‌ ରଙ୍ଗରାଜନ୍‌ ତିରୁମାଲାର ଭେଙ୍କେଟଶ୍ବର ସ୍ବାମୀ, ସାବରମାଳୀର ଆୟାପ୍ପା ସ୍ବାମୀଙ୍କ ପରି ସମସ୍ତ ହିନ୍ଦୁ ଦେବାଦେବୀଙ୍କୁ ସିଏଏ ଅନ୍ତର୍ଗତ ଧାରା 5(4) ଅନୁଯାୟୀ ନାଗରିକ ରୂପରେ ପଞ୍ଜିକୃତ କରିବା ଲାଗି ଦାବି କରିଛନ୍ତି । ଚିଲକୁର ବାଲାଜୀ ମନ୍ଦିରର ମୁଖ୍ୟ ପୂଜାରୀ ସିଏସ୍‌ ରଙ୍ଗରାଜନଙ୍କ ମତରେ ସିଏଏ ଆଇନ ଆଧାରରେ ଯଦି ସମସ୍ତ ଶରଣାର୍ଥୀଙ୍କୁ ନାଗରିକତା ପ୍ରଦାନ ଦେବାକୁ ପ୍ରାବଧାନ ରହିଛି, ତେବେ ମନ୍ଦିରର ଦେବାଦେବୀଙ୍କୁ କ’ଣ ପାଇଁ ନାଗରିକତା ଦିଆଯିବ ନାହିଁ ବୋଲି ପ୍ରଶ୍ନ କରିଛନ୍ତି…