ଶନିବାର ଜମ୍ମୁ କାଶ୍ମୀର ରାଜ୍ୟପାଳ ସତ୍ୟପାଲ ମଲିକ୍ଙ୍କୁ ଭେଟିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଳା । ଜମ୍ମୁ କାଶ୍ମୀରରେ ଧାର 35 ଏ ଉଚ୍ଛେଦ କରାଯିବା ନେଇ କୌଣସି ପ୍ରକ୍ରିୟା ଆରମ୍ଭ ହୋଇ ନାହିଁ ବୋଲି ଅବଦୁଲ୍ଲା ଏହି ବୈଠକ ପରେ ପ୍ରକାଶ କରିଛନ୍ତି । ରାଜ୍ୟପାଳ ଏ ନେଇ ନିର୍ଭର ପ୍ରତିଶ୍ରୁତି ପ୍ରଦାନ କରିଛନ୍ତି ବୋଲି ଅବଦୁଲ୍ଳା କହିଛନ୍ତି । ଏହି ପ୍ରସଙ୍ଗ ଉପରେ ରାଜ୍ୟପାଳ ଖୁବ୍ ଶୀଘ୍ର ନିଜର ମତ ଉପସ୍ଥାପନ କରିବେ ବୋଲି ଅବଦୁଲ୍ଲା କହିଛନ୍ତି । ଶୁକ୍ରବାର ରାତିରେ ପିଡିପି ନେତ୍ରୀ ମେହବୁବା ମୁଫ୍ତି ରାଜ୍ୟପାଳଙ୍କୁ ଭେଟିବା ପରେ ଆଜି ଅବଦୁଲ୍ଲା ରାଜ୍ୟପାଳଙ୍କୁ ଭେଟିଛନ୍ତି । ଏହା ଏକ ଅଣ ରାଜନୈତିକ ବୈଠକ ଥିଲା ବୋଲି ଅବଦୁଲ୍ଲା କହିଛନ୍ତି । ଉଲ୍ଲେଖଯୋଗ୍ୟ ଯେ, 17 ତମ ଲୋକସଭା ନିର୍ବାଚନ ପୂର୍ବରୁ ଧାର 35(ଏ) ଏବଂ 370 ଉଚ୍ଛେଦ କରିବାର ପ୍ରତିଶ୍ରୁତି ଦେଇଥିଲା ବିଜେପି ।
Author: Samikhsya Bureau
ରାଷ୍ଟ୍ରୀୟ ସାହାସିକତା ପୁରସ୍କାର ପ୍ରାପ୍ତ କେନ୍ଦ୍ରାପଡା ବାଳକ ସିତୁ ମଲ୍ଲିକ ଏକ ଦୁର୍ଘଟଣାରେ ପ୍ରାଣ ହରାଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟରୁ ସାହାସିକତା ପୁରସ୍କାର ଗ୍ରହଣ କରିଥିବା ସିତୁ ନିଜ ଭାଇଙ୍କ ସହିତ ଯାଉଥିବା ବେଳେ ଏକ ଟ୍ରକ ସହିତ ଦୁର୍ଘଟଣାଗ୍ରସ୍ତ ହୋଇ ପ୍ରାଣ ହରାଇଥିଲେ । ଶୁକ୍ରବାର ସନ୍ଧ୍ୟା ସମୟରେ ଏହି ଦୁର୍ଘଟଣା ଘଟିଥିଲା । ଶନିବାର ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ ଶୁକ୍ରବାର ସନ୍ଧ୍ୟାରେ ରାଜନଗରର ଜରିମୂଳାରେ ଏହି ଦୁର୍ଘଟଣା ଘଟିଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୋକ ପ୍ରକାଶ କରିବା ସହିତ ମୃତକଙ୍କ ପରିବାରକୁ 2 ଲକ୍ଷ ଟଙ୍କାର ଆର୍ଥିକ ସହାୟତା ଘୋଷଣା କରିଛନ୍ତି । ଉଲ୍ଲେଖଯୋଗ୍ୟ ଯେ, ସିତୁ ଗତବର୍ଷ ଫେବୃୟାରୀରେ ଏକ କୁମ୍ଭୀର ମୁଖରୁ ନିଜ ଦାଦାଙ୍କୁ ଉଦ୍ଧାର କରିଥିଲେ ।
ଆଫଗାନିସ୍ତାନରେ ଚାଲିଥିବା 18 ବର୍ଷର ଯୁଦ୍ଧର ଅବସାନ ଘଟାଇବା ନିମନ୍ତେ ଶାନ୍ତି ଆଲୋଚନା ଆଜିଠାରୁ ପୁନର୍ବାର ଆରମ୍ଭ ହୋଇଛି । କାତାରର ରାଜଧାନୀ ଦୋହାରେ ଏହି 8 ପର୍ଯ୍ୟାୟ ବିଶିଷ୍ଟ ଶାନ୍ତି ଆଲୋଚନା ଆରମ୍ଭ ହୋଇଛି । ଆଫଗାନିସ୍ତାନରୁ ସେନା ବାହିନୀ ହଟାଇବା ନିମନ୍ତେ ଏହି ଶାନ୍ତି ଆଲୋଚନାରେ ବିଚାର କରାଯିବ ବୋଲି ଜଣାପଡିଛି । ତାଲିବାନର ପ୍ରତିନିଧିଙ୍କ ସହିତ ଆମେରିକାର ସଚିବ ଆଲୋଚନା କରିବେ ବୋଲି ଜଣାପଡିଛି । ଆମେରିକା ରାଷ୍ଟ୍ରଦୂତ ଜାଲାମି ଖାଲିଜାଦ୍ ଶୁକ୍ରବାର ରାତିରେ ଏହି ଶାନ୍ତି ଆଲୋଚନା ସମ୍ପର୍କରେ ଟ୍ବିଟ୍ କରି ସୂଚନା ଦେଇଛନ୍ତି । ତାଲିବାନ୍ ଆତଙ୍କୀଙ୍କ ପକ୍ଷରୁ ବିଭିନ୍ନ ସମୟରେ କରାଯାଉଥିବା ଆକ୍ରମଣକୁ ବନ୍ଦ କରାଗଲେ ଏହି ଶାନ୍ତି ଆଳୋଚନା ସଫଳ ହେବ ଏବଂ ଖୁବ୍ ଶୀଘ୍ର ଆଫଗାନ୍ ମାଟିରୁ ସୈନ୍ୟ ପ୍ରତ୍ୟାହାର କରି ନିଆଯିବ ବୋଲି ଟ୍ବିଟ୍ କରିଛନ୍ତି ଖାଲିଜାଦ୍ ।
ପଞ୍ଜାବର ଜନୈକ ଯୁବକ ନିଜ ପରିବାରର ଚାରି ଜଣଙ୍କୁ ହତ୍ୟା କରିବା ପରେ ନିଜେ ଆତ୍ମହତ୍ୟା କରିଛନ୍ତି। ଶୁକ୍ରବାର ରାତିରେ 27 ବର୍ଷୀୟ ସନ୍ଦୀପ ସିଂ ନିଜ ପରିବାରର 4 ଜଣଙ୍କୁ ଗୁଳି କରି ହତ୍ୟା କରିଛନ୍ତି। ନିହତଙ୍କ ମଧ୍ୟରେ ସନ୍ଦୀପଙ୍କ ତିନି ବର୍ଷର ଝିଆରି ମଧ୍ୟ ରହିଥିବା ପ୍ରକାଶ। ମୋଗାର ନଥୁଓ୍ବାଲ୍ ଗ୍ରାମରେ ଏହି ଘଟଣା ଘଟିଥିଲା। ନିଜ ବାପା, ମା, ଭଉଣୀ ଏବଂ ତିନି ବର୍ଷର ଝିଅକୁ ହତ୍ୟା କରିବା ପରେ ନିଜକୁ ହତ୍ୟା କରିଛନ୍ତି ସନ୍ଦୀପ। ଶନିବାର ପୋଲିସ୍ ପକ୍ଷରୁ ମିଳିଥିବା ସୂଚନା ଅନୁଯାୟୀ ଏହି ଘଟଣାରେ କେବଳ ସନ୍ଦୀପଙ୍କ ଜେଜେବାପା ଜୀବନ୍ତ ରହିଛନ୍ତି। ଗୁଳିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ପୋଲିସ୍ ପକ୍ଷରୁ ତଦନ୍ତ ଜାରି ରହିଛି।
ସୁରକ୍ଷା ବଳଙ୍କ ସହିତ ଏନ୍କାଉଣ୍ଟରରେ 7 ନକ୍ସଲ ନିହତ ହୋଇଛନ୍ତି । ଶନିବାର ଡିଷ୍ଟ୍ରିକ୍ଟ ରିଜର୍ଭ ଗାର୍ଡ ପକ୍ଷରୁ କରାଯାଇଥିବା ଏନ୍କାଉଣ୍ଟରରେ 7 ନକ୍ସଲ ନିହତ ହେବା ସହିତ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ଛତିଶଗଡର ବଗନଣ୍ଡି ଜିଲ୍ଲାର ସୀତା ଗୋଟା ଜଙ୍ଗଲରେ ଏହି ଏନ୍କାଉଣ୍ଟର ସଙ୍ଗଠିତ ହୋଇଛି । ରିପୋର୍ଟ ପ୍ରସ୍ତୁତ ସମୟରେ ଉଭୟ ପକ୍ଷଙ୍କ ମଧ୍ୟରେ ଗୁଳିଚାଳନା ଜାରି ରହିଥିବା ଜଣାପଡିଛି । ସକାଳ 7ଟା ସମୟରୁ ଉଭୟ ପକ୍ଷଙ୍କ ମଧ୍ୟରେ ଗୁଳିଚାଳନା ଆରମ୍ଭ ହୋଇଥିଲା । ଘଟଣାସ୍ଥଳରୁ ପୋଲିସ 8ଟି ବନ୍ଧୁକ ଏବଂ ଦୁଇଟି ରାଇଫଲ୍ ଜବତ କରିଥିବା ବେଳେ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ କରାଯାଇଛି । ରିପୋର୍ଟ ପ୍ରସ୍ତୁତ ସମୟରେ ଉଭୟ ପକ୍ଷଙ୍କ ମଧ୍ୟରେ ଗୁଳି ଚାଳନା ଜାରି ରହିଥିବା ଜଣାପଡିଛି ।
ଓ୍ବିଣ୍ଡିଜ୍ ଗସ୍ତରେ ରହିଥିବା ଭାରତ ‘ଏ’ ଦଳ ଦୃଢ ସ୍ଥିତିରେ ରହିଛି । 278 ରନ୍ ବିଜୟ ଲକ୍ଷ୍ୟର ପିଛା କରୁଥିବା ଭାରତୀୟ ଦଳ 185/3 ସହ ଦୃଢ ସ୍ଥିତିରେ ରହିଛି । ଭାରତ ଏ ପକ୍ଷରୁ ପ୍ରିୟଙ୍କ ପାଞ୍ଚଲ ଏବଂ ମୟଙ୍କ ଅଗ୍ରଓ୍ବାଲ ଅର୍ଦ୍ଧଶତକ ହାସଲ କରିଛନ୍ତି । ପାଞ୍ଚଲ 68 ରନ୍ ସଂଗ୍ରହ କରିଥିବା ବେଳେ ମୟଙ୍କ ଅଗ୍ରଓ୍ବାଲ 81 ରନ୍ ସଂଗ୍ରହ କରିଛନ୍ତି । ପ୍ରଥମ ଓ୍ବିକେଟ୍ରେ ଉଭୟ 150 ରନ୍ ଯୋଡିଥିଲେ । ତୃତୀୟ ଦିନର ଖେଳ ଆରମ୍ଭ ବେଳକୁ ଓ୍ବିଣ୍ଡିଜ୍ 12/4ରୁ ଖେଳ ଆରମ୍ଭ କରିଥିଲା । ଦଳ ପକ୍ଷରୁ ସୁନୀଲ ଅମ୍ବ୍ରୀସ (71) ରନ୍ର ଇନିଂସ ଖେଳିଥିଲେ ମଧ୍ୟ କ୍ରିଷ୍ଣପା ଗୌତମ 17 ରନ୍ ବିନିମୟରେ 5 ଓ୍ବିକେଟ୍ ଅକ୍ତିଆର କରିବାରୁ ଦଳ ମାତ୍ର 149 ରନ୍ରେ ଅଲ୍ଆଉଟ୍ ହୋଇଯାଇଥିଲା । ପ୍ରଥମ ଇନିଂସରେ ଓ୍ବିଣ୍ଡିଜ୍ ଏ 318 ରନ ସଂଗ୍ରହ କରିଥିବା…
ରାଜ୍ୟରେ ନୂତନ ଭାବରେ ୪ଟି ପ୍ଲାନେଟୋରିୟମ୍ ନିର୍ମାଣ ହେବ ବୋଲି ଜଣାପଡିଛି। ଆଜି ବିଧାନସଭାରେ ବିଭାଗୀୟ ମନ୍ତ୍ରୀ ଅଶୋକ ପଣ୍ଡା ଏହି ସୂଚନା ଦେଇଛନ୍ତି। ରାଜ୍ୟରେ ବର୍ତ୍ତମାନ ୨ଟି ପ୍ଲାନେଟୋରିୟମ୍ ରହିଥିବା ବେଳେ ନୂତନ ଭାବରେ ଗୋପାଳପୁର, ରାୟଗଡା, କେନ୍ଦୁଝର ଏବଂ ବାରିପଦାରେ ଏହି ପ୍ଳାନେଟୋରିୟମ୍ ନିର୍ମିତ ହେବ। ୩୦ କୋଟି ଟଙ୍କାର ବ୍ୟୟବରାଦରେ ଏହି ପ୍ଲାନେଟୋରିୟମ୍ ନିର୍ମିତ ହେବ ବୋଲି ମନ୍ତ୍ରୀ ଶ୍ରୀ ପଣ୍ଡା ସୂଚନା ଦେଇଛନ୍ତି। ଗୋପାଳପୁର ନିମନ୍ତେ ୯ କୋଟି ଟଙ୍କା ଅଟକଳ କରାଯାଇଥିବା ବେଳେ ଅନ୍ୟ ତିନୋଟି ପ୍ରକଳ୍ପ ନିମନ୍ତେ ୭ କୋଟିର ଅଟକଳ ରଖାଯାଇଛି। ଏହା ସହିତ ରାଜ୍ୟର ସମସ୍ତ ଜିଲ୍ଲାରେ ସାଇନ୍ସ ପାର୍କ ପ୍ରତିଷ୍ଠା କରାଯିବ ବୋଲି ଜଣାପଡିଛି। ପ୍ରାରମ୍ଭିକ ଭାବରେ ୧୦ଟି ସାଇନ୍ସ ପାର୍କର କାର୍ଯ୍ୟ ଆରମ୍ଭ କରାଯିବ ବୋଲି ଜଣାପଡିଛି।
ଆସନ୍ତା 7 ତାରିଖ ପର୍ଯ୍ୟନ୍ତ ରାଜ୍ୟରେ ପ୍ରବଳ ବର୍ଷାର ହେବାର ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ କେନ୍ଦ୍ର । ଅଧିକାଂଶ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ହେବାର ଆକଳନ କରାଯାଇଛି । ବିଶେଷ କରି ଦକ୍ଷିଣ ଓଡ଼ିଶାର ସ୍ଥିତି ସଙ୍ଗୀନ ହେବାର ଆଶଙ୍କା ରହିଛି । ମାଲକାନଗିରି, କୋରାପୁଟ, ନବରଙ୍ଗପୁର, କଳାହାଣ୍ଡି ଏବଂ ନୂଆପଡ଼ା ଜିଲ୍ଲା ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏଥିପାଇଁ ସତର୍କ ରହିବାକୁ 5 ଟି ଜିଲ୍ଲାର ଜିଲ୍ଲାପାଳଙ୍କୁ ସ୍ୱତନ୍ତ୍ର ରିଲିଫ୍ କମିଶନର ବିଷ୍ଣୁପଦ ସେଠୀ ଚିଠି ଲେଖିଛନ୍ତି । ଆସନ୍ତାକାଲି ସକାଳ ପର୍ଯ୍ୟନ୍ତ କୋରାପୁଟ, ମାଲକାନଗିରି, ନବରଙ୍ଗପୁର, ନୂଆପଡ଼ା ଓ କଳାହାଣ୍ଡି ଜିଲ୍ଲାରେ ଅରେଞ୍ଜ ଆଲର୍ଟ ଜାରି କରାଯାଇଛି । ଏହା ସହିତ ବରଗଡ଼, ଢେଙ୍କାନାଳ, ଅନୁଗୁଳ, ପୁରୀ, କେନ୍ଦୁଝର, ଗଞ୍ଜାମ, ଝାରସୁଗୁଡ଼ା, ସମ୍ବଲପୁର, ସୁନ୍ଦରଗଡ଼, ଦେବଗଡ଼, ଭଦ୍ରକ, କେନ୍ଦ୍ରାପଡ଼ା, ଜଗତ୍ସିଂହପୁର ଓ ବୌଦ୍ଧରେ ପ୍ରବଳ ବର୍ଷା ହୋଇପାରେ ।
ଆମେରିକା ଏବଂ ଚୀନ୍ ମଧ୍ୟରେ ଚାଲିଥିବା ବାଣିଜ୍ୟିକ ଯୁଦ୍ଧର ଫାଇଦା ନେଇଛି ମେକ୍ସିକୋ । ପୂର୍ବରୁ ରପ୍ତାନୀ ଏବଂ ଆମଦାନୀରେ ଚୀନ୍ ଆମେରିକାର ଏକ ନମ୍ବର ସହଯୋଗୀ ରହିଥିବା ବେଳେ ବର୍ତ୍ତମାନ ଏହା ତୃତୀୟ ସ୍ଥାନକୁ ଖସି ଆସିଛି । ଅନ୍ୟ ପକ୍ଷରେ ଦୁଇ ଛୋଟ ରାଷ୍ଟ୍ର ତଥା ଆମେରିକାର ପଡୋଶୀ ରାଷ୍ଟ୍ର କାନାଡା ଏବଂ ମେକ୍ସିକୋ ଏହି ତାଲିକାରେ ଉପରକୁ ଉଠିଛନ୍ତି । ଓ୍ବାଲ୍ ଷ୍ଟ୍ରିଟ୍ ଜର୍ଣ୍ଣାଲ ପକ୍ଷରୁ ପ୍ରକାଶିତ ତଥ୍ୟ ଅନୁଯାୟୀ ଚୀନ୍ ସହିତ ମତଭେଦ ପରେ ଆମେରିକା ବର୍ତ୍ତମାନ ମେକ୍ସିକୋ ଏବଂ କାନାଡା ସହିତ ବ୍ୟବସାୟ ଅଭିବୃଦ୍ଧିର ଲକ୍ଷ୍ୟ ରଖିଛି । ଫଳସ୍ବରୂପ ମେକ୍ସିକୋ ସହିତ ଏହାର ବ୍ୟବସାୟ ସର୍ବୋଚ୍ଚ ସ୍ତରରେ ପହଞ୍ଚିଛି । ଆମେରିକାରୁ ଚୀନ୍କୁ ରପ୍ତାନୀ 19 ପ୍ରତିଶତ ହ୍ରାସ ପାଇଥିବା ବେଳେ ଚୀନ୍ର ରପ୍ତାନୀ 12 ପ୍ରତିଶତ ହ୍ରାସ ପାଇଛି । ଟ୍ରମ୍ପ ସରକାର ଆସିବା ପରଠାରୁ ବିଭିନ୍ନ ସାମଗ୍ରୀ ଉପରେ 25…
ଅନୁଗୁଳ ଜିଲ୍ଲା କଣିହାଁରେ ଅବସ୍ଥିତ ଏନଟିପିସି ପ୍ରକଳ୍ପରେ କୋଇଲା ସଙ୍କଟ ଦେଖାଦେଇଛି । ଫଳରେ କମ୍ପାନୀର ଆଉ ଏକ ୟୁନିଟକୁ ବନ୍ଦ କରାଯାଇଛି । 4 ଦିନ ତଳେ 3 ଟି ୟୁନିଟକୁ ବନ୍ଦ କରାଯାଇଥିଲା । ଏନଟିପିସିରେ ବିଦ୍ୟୁତ ଉତ୍ପାଦନ ପାଇଁ ଆବଶ୍ୟକୀୟ କୋଇଲାର ଘୋର ଅଭାବ ଦେଖାଦେଇଛି । ଫଳରେ କମ୍ପାନୀ କର୍ତୃପକ୍ଷ ବାଧ୍ୟ ହୋଇ ଗୋଟିଏ ପରେ ଗୋଟିଏ ୟୁନିଟକୁ ବନ୍ଦ କରିବାକୁ ବାଧ୍ୟ ହେଉଛନ୍ତି । ମୋଟ 6ଟି ୟୁନିଟରୁ ମାତ୍ର 2ଟି ୟୁନିଟ କାର୍ଯ୍ୟକ୍ଷମ ରହିଛି । ଏଠାରେ ମୋଟ 6ଟି ୟୁନିଟରୁ 3ହଜାର ମେଗାୱାଟ ବିଦ୍ୟୁତ ଉତ୍ପାଦନ ହେଉଥିବା ବେଳେ ବର୍ତ୍ତମାନ ଏହା ଏକ ହଜାର ୟୁନିଟକୁ ଖସି ଆସିଛି । ଫଳରେ ବିଦ୍ୟୁତ ଉତ୍ପାଦନ ହ୍ରାସ ପାଇଛି । କୋଇଲା ସଙ୍କଟ ନେଇ କମ୍ପାନୀ କତୃପକ୍ଷ ଚିନ୍ତାରେ ରହିଛନ୍ତି । କାରଣ ଭରତପୁର କୋଇଲା ଖଣିରେ ଦୁର୍ଘଟଣା ଘଟିବା ପରେ ଅନେକ…
ଜମ୍ମୁ କାଶ୍ମୀରରେ ଶନିବାର ଦିନ ସୁରକ୍ଷା ବଳ ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ସଙ୍ଗଠିତ ହୋଇଛି । ଏହି ଏନ୍କାଉଣ୍ଟରରେ ଜଣେ ଆତଙ୍କବାଦୀ ନିହତ ହୋଇଥିବା ବେଳେ ଜଣେ ଯବାନ ଆହତ ହୋଇଛନ୍ତି । ଆତଙ୍କବାଦୀ ମାନେ ଲୁଚି ରହିଥିବା ଖବର ମିଳିବା ପରେ ସେନା, 22 ରାଷ୍ଟ୍ରୀୟ ରାଇଫଲ୍ସ, ପୋଲିସ୍ ପକ୍ଷରୁ ସର୍ଚ୍ଚ ଅପରେସନ୍ କରାଯାଇଥିଲା । ବାରମୂଳାର ସୋପୋରରେ ସୁରକ୍ଷା ବଳଙ୍କ ଉପରକୁ ଗୁଳି ଚାଳନା କରାଯିବା ପରେ ସୁରକ୍ଷା ବଳଙ୍କ ପକ୍ଷରୁ ପାଲଟା ଗୁଳିଚାଳନା କରାଯାଇଥିଲା । ଗୁଳିଚାଳନାରେ ଜଣେ ଆତଙ୍କୀ ନିହତ ହୋଇଥିବା ବେଳେ ଜଣେ ଯବାନ ଆହତ ହୋଇଛନ୍ତି । ଏନ୍କାଉଣ୍ଟର ଜାରି ରହିଥିବା ବେଳେ ଆହତ ଯବାନଙ୍କୁ ମିଲିଟାରୀ ହସ୍ପିଟାଲରେ ଭର୍ତ୍ତି କରାଯାଇଛି ।
ସମୀକ୍ଷା ବ୍ୟୁରୋ ଦିନେ ନବୀନ ପଟ୍ଟନାୟକଙ୍କୁ ବିରୋଧ କରି ଯେଉଁମାନେ ବିଜେଡି ଛାଡିଥିଲେ, ସେମାନେ ଆଜି ବିଜେଡ଼ିକୁ ଫେରି ଆସିବାକୁ ବିକଳ ହୋଇ ବାଟ ଖୋଜୁଥିବାର ଜଣା ପଡିଛି। ନିର୍ବାଚନ ପୂର୍ବରୁ ବିଜେଡ଼ିର ବିକଳ୍ପ ଛିଡା କରିବେ ବୋଲି ଯେଉଁ ନେତାମାନେ ବାହାସ୍ଫୋଟ ମାରୁଥିଲେ, ସେମାନେ କେହି ଲୋକଙ୍କ ସହ ରହିବାକୁ ଚାହୁଁ ନଥିଲେ। ସମସ୍ତଙ୍କୁ ସହଜରେ କ୍ଷମତା ଦାଖଲ ଲାଗି ଶିଡିଟିଏ ଦରକାର ଥିଲା। ଏହି ନେତାମାନେ ନବୀନଙ୍କ ଛାତ୍ରଛାୟାରେ ୨୦ ବର୍ଷ କ୍ଷମତା ଭୋଗ କରି ସାରିଲାପରେ, ନୂଆ ଶିଡି ର ତଲାଶ କରୁଥିଲେ। ନିର୍ବାଚନ ପୂର୍ବରୁ ଭାରତୀୟ ଜନତା ପାର୍ଟି ଏମାନଙ୍କ ଲାଗି ସହଜ ଶିଡି ମନେ ହୋଇଥିଲା। ତେଣୁ ନବୀନଙ୍କ ନୂଆ ଶତ୍ରୁ ପାଲଟିଥିବା କେନ୍ଦ୍ରାପଡାର ପୂର୍ବତନ ସାଂସଦ ବୈଜୟନ୍ତ ପଣ୍ଡା ଓ ପୂର୍ବତନ ମନ୍ତ୍ରୀ ଦାମୋଦର ରାଉତ ନିର୍ବାଚନ ପାଖାପାଖି ବିଜେପିରେ ଯୋଗ ଦେଇଥିଲେ। ସ୍ଵାଭାବିକ ଭାବରେ ନିର୍ବାଚନୀ ଉଷ୍ମତାରେ ବିଜେପିର ବିଜେଡି ବିରୋଧୀ…
ସମୀକ୍ଷା ବ୍ୟୁରୋ ବାରମ୍ବାର ରାଜଧାନୀରେ ରାହାଜାନି, ଚୋରୀ ପ୍ରଭୃତି ଘଟଣା ଘଟିବା ପରେ ବର୍ତ୍ତମାନ କମିଶନରେଟ ପୋଲିସ ତରଫରୁ ଆରମ୍ଭ ହୋଇଯାଇଛି ଅପରେସନ କ୍ଲିନ। ଗତକାଲି ରାତି ପ୍ରାୟ ଦୁଇଟା ବେଳେ କମିଶନରେଟ ପୋଲିସ କରିଛି ଏକ ଏନକାଉଣ୍ଟର। ଭୁବନେଶ୍ବର ନିକଟସ୍ଥ ବାଲିଆନ୍ତାରେ ଏହି ଏନକାଉଣ୍ଟର କରାଯାଇଛି। ଏଥିରେ ଦୁର୍ଦ୍ଦାନ୍ତ ଅପରାଧୀ ବିବେକାନନ୍ଦ ନାୟକ ଓରଫ ବିବେକ ଏବଂ ଅରୁଣ ମଲ୍ଲିକ ଓରଫ ପୋଡା ଆହତ ହୋଇଛନ୍ତି। ଉଭୟଙ୍କୁ ଭୁବନେଶ୍ବର ପ୍ରଥମେ ଚିକିତ୍ସା କରାଯାଇଥିଲା। ହେଲେ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତରିତ କରାଯାଇଛି। ପୋଲିସ ସୁତ୍ର ଅନୁସାରେ ଦୁଇ ଦୁର୍ଦ୍ଦାନ୍ତ ଏକ ୱାଗନର ଗାଡିରେ ରଂଗବଜାର ଛକରେ ଟକ୍କର ମାରୁଥିଲେ। ସେମାନେ ଏକ ଡକାୟତ ଯୋଜନା କରୁଥିବାର ପୋଲିସ ପାଖକୁ ଖବର ଆସିଲା। ଏହି ଖବର ପାଇବା ପରେ ପୋଲିସ ତୁରୁନ୍ତ ସେଠାକୁ ଯାଇଥିଲା। ହେଲେ ପୋଲିସ ଆସିବାର ଖବର ଜାଣିପାରି ଉଭୟ ସେଠାରୁ ଖସି ପଳାଇବାକୁ ଉଦ୍ୟମ…
ସାତିଦିଆ ବିଦେଶ ଗସ୍ତରେ ଥିବା କେନ୍ଦ୍ର ପଶୁସଂପଦ, ଦୁଗ୍ଧ ଓ ମତ୍ସ୍ୟସଂପଦ ଏବଂ ଏମଏସଏମଇ ମନ୍ତ୍ରୀ ପ୍ରତାପ ଷଡଙ୍ଗୀ ଆଫ୍ରିକା ଗସ୍ତ ବେଳେ ଏକ ଦ୍ବିପାକ୍ଷିକ ଚୁକ୍ତିନାମା ସ୍ବାକ୍ଷର କରିଛନ୍ତି। ସେ ଭାରତର ରାଷ୍ଟ୍ରପତି ରାମନାଥ କୋବିନ୍ଦଙ୍କ ଏବଂ ରିପବ୍ଲିକ ଅଫ ଗୁନିଆର ରାଷ୍ଟ୍ରପତିଙ୍କ ଉପସ୍ଥିତରେ ଏହି ସ୍ବାକ୍ଷର କରିଛନ୍ତି। କୋନାକ୍ରିସ୍ଥିତ ହୋଟେଲ ସିରାଟୋନ ଗ୍ରାଣ୍ଡରେ ଆୟୋଜିତ ଏକ ସରକାରୀ କାର୍ଯ୍ୟକ୍ରମରେ ଏହି ଚୁକ୍ତିନାମା ସ୍ବାକ୍ଷରିତ ହୋଇଛି। ମନ୍ତ୍ରୀ ପ୍ରତାପ ଷଡଙ୍ଗୀ ଗତ ରବିବାରଠାରୁ ଆଫ୍ରିକା ଗସ୍ତରେ ଭାରତର ରାଷ୍ଟ୍ରପତିଙ୍କ ସହିତ ଯାଇଛନ୍ତି। ଏହି ଗସ୍ତରେ ପ୍ରତାପ ଆଫ୍ରିକାର ବିନିନ୍, ଦ ଗାମ୍ବିଆ ଏବଂ ରିପ୍ଲବିକ ଅଫ ଗୁନିଆ ଗସ୍ତ କରିଛନ୍ତି। ତାଙ୍କ ସହିତ ସାଂସଦ ଦିଲ୍ଲୀପ ଘୋଷ ମଧ୍ୟ ଯାଇଛନ୍ତି। ପ୍ରତାପ ଷଡଙ୍ଗୀ ମନ୍ତ୍ରୀ ହେବା ପରେ ତାଙ୍କର ଏହା ହେଉଛି ପ୍ରଥମ ବିଦେଶ ଗସ୍ତ। ମନ୍ତ୍ରୀ ହିସାବରେ ସେ ନିଜ ବିଭାଗର ବିଭିନ୍ନ କ୍ଷେତ୍ରରେ ଉନ୍ନତି ପାଇଁ ଆଫ୍ରିକୀୟ…
ମୁମ୍ବାଇର ସାକିନାକା ଅଞ୍ଚଳର ଚାନ୍ଦିବାଲିଠାରେ ପ୍ରବଳ ବର୍ଷା ହୋଇଛି। ଏହି ବର୍ଷା ଫଳରେ ପାଚେରୀ ଭୁଷୁଡି ଜଣଙ୍କର ମୃତ୍ୟୁ ହୋଇଥିବାବେଳେ ଦୁଇଜଣ ଗଭୀର ଆହତ ହୋଇଛନ୍ତି। ମୁମ୍ବାଇର ଅନେକ ସ୍ଥାନରେ ବର୍ଷା ଲାଗି ରହିଛି। ପ୍ରବଳ ବର୍ଷା ଯୋଗୁଁ ମୁମ୍ବାଇର କିଛି କିଛି ସ୍ଥାନରେ ଜଳମୟ ହୋଇଛି। ବର୍ଷା ସମୟରେ ଚାନ୍ଦିବାଲି ଅଞ୍ଚଳରେ କିଛି ଲୋକ ପାଚେରୀ ପାଖରେ ଠିଆ ହୋଇ ବସ୍କୁ ଅପେକ୍ଷା କରିଥିବାବେଳେ ଅଚାନକ ପାଚେରୀ ଭୁଷୁଡି ପଡ଼ିଥିଲା। ଏହି ଦୁର୍ଘଟଣାରେ ଚନ୍ଦ୍ରକେନ୍ତ ସେଟ୍ଟି ନାମକ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି।
ଓଡ଼ିଶା ଫେରିବେ ଜଗା କାଳିଆ । ଦିଲ୍ଲୀ ଏମ୍ସରୁ କଟକ ସ୍ଥାନାନ୍ତର ପାଇଁ ନିଷ୍ପତ୍ତି ହୋଇଛି । ଖୁବଶୀଘ୍ର ସେମାନଙ୍କୁ ଭୁବନେଶ୍ବର ସ୍ଥାନାନ୍ତରିତ କରାଯିବ ବୋଲି ସୂଚନା ଦେଇଛନ୍ତି ସ୍ବାସ୍ଥ୍ୟ ମନ୍ତ୍ରୀ ନବ ଦାସ । ତେବେ ଦୁହିଁଙ୍କର ଚିକିତ୍ସା ଏସ୍ସିବିର ନ୍ୟୁରୋ ସର୍ଜରୀ ବିଭାଗରେ ହେବ । ତେବେ ଭୁବନେଶ୍ବର ଏମ୍ସ ସ୍ଥାନାନ୍ତର ପାଇଁ ଯୋଜନା ରହିଥିଲା । କିନ୍ତୁ ଭୁବନେଶ୍ବର ଏମ୍ସ କର୍ତ୍ତୃପକ୍ଷ ଏଥିରେ ରାଜିନୁହଁନ୍ତି ବୋଲି କହିଛନ୍ତି ସ୍ବାସ୍ୟ ମନ୍ତ୍ରୀ । ଦୀର୍ଘ ଦୁଇବର୍ଷ ହେଲାଣି ଦିଲ୍ଲୀ ଏମ୍ସରେ ଜଗା କାଳିଆ ଦିଲ୍ଲୀ ଏମ୍ସରେ ଚିକିତ୍ସିତ ହେଉଛନ୍ତି । ଦିଲ୍ଲୀରୁ ଭୁବନେଶ୍ବର ଆସିବାକୁ ଜଗାକାଳିଆଙ୍କ ଅଭିଭାବକ ବ୍ୟସ୍ତ ହୋଇପଡିଛନ୍ତି । କଟକ ଏସ୍ସିବିରେ ଜଗା କାଳିଆ ଚିକିତ୍ସା ହେବ ବୋଲି ସୂଚନା ଦେଇଛନ୍ତି ମନ୍ତ୍ରୀ ।
ଆସନ୍ତା ୪ ତାରିଖରେ ବଙ୍ଗୋପସାଗରରେ ହେବାକୁ ଥିବା ଲଘୁଚାପ ଟଳିଯାଇଛି। ଚୀନ ସାଗରରେ ବାତ୍ୟା ଯୋଗୁଁ ଲଘୁଚାପ ଅପସରିଯାଇଛି। ଭାରତୀୟ ପାଣିପାଗ କେନ୍ଦ୍ର ତରଫରୁ ଏହି ସୂଚନା ମିଳିଛି । ଲଘୁଚାପ ଟଳିଥିବାରୁ ଏବେ ଓଡ଼ିଶାରେ ବଡ଼ ବର୍ଷା ହେବନି। କାଁଭାଁ ବର୍ଷା ଲାଗି ରହିଲେ ବି ଚାଷକୁ ସୁହାଇଲା ଭଳି ବର୍ଷା ହେବନି। ତେବେ ପୁଣି ଥରେ ୭/୮ ଦିନ ପରେ ଲଘୁଚାପ ସମ୍ଭାବନା ଥିବା ପାଣିପାଗ ବିଭାଗ ଆକଳନ କରିଛି। ପୂର୍ବରୁ ଅଗଷ୍ଟ ୪ତାରିଖରେ ବଙ୍ଗୋପସାଗରରେ ଲଘୁଚାପ ସୃଷ୍ଟି ହେବାର ସମ୍ଭାବନା ଥିବା ପାଣିପାଗ ବିଭାଗ ଆକଳନ କରିଥିଲା। ସାରା ରାଜ୍ୟରେ ୧୯ ପ୍ରତିଶତ କମ ବର୍ଷା ହୋଇଛି, ଜୁନ୍ ମାସରୁ ଆଜି ଯାଏ ହୋଇଛି ୧୯% କମ ବର୍ଷା ହୋଇ
ସମୀକ୍ଷା ବ୍ୟୁରୋ ବାଣପୁର ବ୍ଲକ୍ କୁଲେଇ ପଞ୍ଚାୟତର ବିଞ୍ଝଳା ଗ୍ରାମର ସାଇରାମ ମହିଳା ସ୍ବୟଂ ସହାୟକ ଗୋଷ୍ଠୀର ସଭାନେତ୍ରୀ ସୁପ୍ରିୟା ଆଜି ଋଣ ଆତ୍ମସାତ୍ ଅଭିଯୋଗର ସ୍ପଷ୍ଟୀକରଣ ରଖିଛନ୍ତି। ଏକ ଲିଖିତ ଚିଠି ମାଧ୍ୟମରେ ସେ ଏହି ଋଣକୁ ସ୍ବୟଂ ସହାୟକ ଗୋଷ୍ଠୀ ନାମରେ ଆଣି ନଥିବାର କହିଛନ୍ତି। ସେ ଆଣିଥିବା ଋଣ ତାଙ୍କର ନିଜସ୍ବ ବୋଲି କହିବା ସହିତ ଯଦି ଏହି ସମ୍ପର୍କିତ କୌଣସି ବ୍ୟାଙ୍କ୍ ନୋଟିସ୍ ଆସେ, ତାହା ସେ ନିଜେ ଭରଣ କରିବେ ବୋଲି ଲିଖିତନାମାରେ ଦର୍ଶାଇଛନ୍ତି।ଏହି ମାମଲାଟି ତାଙ୍କ ନାମରେ ମିଥ୍ୟାଭିଯୋଗ ବୋଲି ସେ କହିଛନ୍ତି। ସୂଚନା ଅନୁସାରେ ଶ୍ରୀମତୀ ମହାରଣା ବାଣପୁରସ୍ଥିତ ୟୁକୋ ବ୍ୟାଙ୍କରୁ ୫ ଲକ୍ଷ ଟଙ୍କାର ଋଣ ସାଇରାମ ମହିଳା ସ୍ବୟଂ ସହାୟକ ଗୋଷ୍ଠୀ ନାମରେ ଆଣିଥିଲେ। କିନ୍ତୁ ଏ ସମ୍ପର୍କରେ ଗୋଷ୍ଠୀର କୌଣସି ସଦସ୍ୟଙ୍କୁ ନ ଜଣାଇ ସମସ୍ତ ଟଙ୍କା ନିଜ ପାଖରେ ରଖିଥିଲେ। ଏନେଇ ବ୍ୟାଙ୍କ ପକ୍ଷରୁ ନୋଟିସ୍…
ଆଜି ରାଜ୍ୟସଭାରେ ଆତଙ୍କବାଦ ନିରୋଧୀ ବିଲ ସଂଶୋଧନ ୨୦୧୯ ପାସ୍ ହୋଇଛି । ଏହି ବିଲ ସପକ୍ଷରେ ୧୪୭ ଜଣ ଭୋଟ ଦେଇଥିବା ବେଳେ ବିପକ୍ଷରେ ୪୨ଜଣ ଭୋଟ କରିଥିଲେ । ତେବେ ଏହି ବିଲ ଉପସ୍ଥାପନା କରିବା ସମୟରେ ଗୃହମନ୍ତ୍ରୀ ଅମିତ ଶାହା ଓ ବିପକ୍ଷ ମଧ୍ୟରେ ବହୁ ବାକ୍ ଯୁଦ୍ଧ ହୋଇଥିଲା। ବିଲ ପାସ୍ ହେବା ପୂର୍ବରୁ କଂଗ୍ରେସ ପକ୍ଷରୁ ରାଜ୍ୟସଭା ସାଂସଦ ପି ଚିଦାମ୍ବରମ ଏବଂ ଦିଗବିଜୟ ସିଂହ ସରକାରଙ୍କୁ ପ୍ରଶ୍ନ କରିଥିଲେ । ଏହାର ଉତ୍ତରରେ ଗୃହମନ୍ତ୍ରୀ ଅମିତ ଶାହା କହିଛନ୍ତି କି, ଆତଙ୍କବାଦ ସହ ଲଢେଇ କରିବା ଏହି ବିଲର ଉଦ୍ଦେଶ୍ୟ । ଆତଙ୍କବାଦ ବିପକ୍ଷରେ ଏକଜୁଟ ହେବା ନିହାତି ଆବଶ୍ୟକ । ସଂସ୍ଥା ସହ ଲିଙ୍କ୍ ନଥିଲେ ବି ବ୍ୟକ୍ତିଙ୍କୁ ଆତଙ୍କବାଦୀ ଆଖ୍ୟା ଦିଆଯାଇପାରିବ । ଅନେକଗୁଡ଼ିଏ ଦେଶ ଆତଙ୍କବାଦୀ ପାଇଁ ଆଇନ୍ କରିଛନ୍ତି ବୋଲି କହିଛନ୍ତି ଗୃହମନ୍ତ୍ରୀ ।
ମଞ୍ଚେଶ୍ୱର ଥାନା ଅଧୀନ ପାଣ୍ଡରା ଅଞ୍ଚଳରେ ଶୁକ୍ରବାର ଏକ ଦୁର୍ଘଟଣା ଘଟିଛି। ସେଫ୍ଟିଟାଙ୍କିରେ ପଶି କାମ କରୁଥିଲାବେଳେ ଟାଙ୍କି ଫଲ୍ସ ଖସି ୩ ଜଣ ଶ୍ରମିକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ସୂଚନା ଅନୁସାରେ ଶୁକ୍ରବାର ଅପରାହ୍ଣ ସମୟରେ ଶ୍ରମିକମାନେ ପାଇଖାନା ଟାଙ୍କିରେ ପଶି କାମ କରୁଥିଲେ। କାମ କରୁଥିବା ସମୟରେ ସେମାନଙ୍କ ଉପରେ ଟାଙ୍କର ଫଲ୍ସ ଖସିପଡିଥିଲା। ସେମାନଙ୍କୁ ଉଦ୍ଧାର କରାଯାଇ ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା। ସେଠାରେ ଡାକ୍ତର ୩ ଶ୍ରମିକଙ୍କୁ ମୃତ ଘୋଷଣା କରିଥିଲେ। ଜନୈକ ଲୋକଙ୍କ ଘର ତିଆରି କାମରେ ନିୟାଜିତ ଥିଲେ ଏହି ତିନି ଶ୍ରମିକ ।
ସୁପ୍ରିମକୋର୍ଟରେ ରାମ ଜନ୍ମଭୂମି-ବାବ୍ରୀ ମସ୍ଜିଦ ଜମି ବିବାଦ ମାମଲାର ଆଜି ଶୁଣାଣି ହୋଇଛି । ଗତକାଲି ଏହି ସମ୍ପର୍କିତ ମଧ୍ୟସ୍ଥତା କମିଟି ରିପୋର୍ଟ ଦାଖଲ ହୋଇଥିଲା । ଆଜି ଏହି ରିପୋର୍ଟ ଉପରେ ସୁପ୍ରିମ୍କୋର୍ଟ ଶୁଣାଣି କରିଛନ୍ତି । ଆଲୋଚନା ମାଧ୍ୟମରେ ମାମଲାର ସମାଧାନ କରିବା ପାଇଁ ସୁପ୍ରିମକୋର୍ଟ ମଧ୍ୟସ୍ଥତା କମିଟି ସ୍ଥାପନ କରିଥିଲେ । କିନ୍ତୁ ମଧ୍ୟସ୍ଥତା କମିଟିରେ ମଧ୍ୟ ଏହି ସମ୍ବନ୍ଧୀୟ କୌଣସି ନିଷ୍କର୍ଷ ବାହାରି ପାରିନାହିଁ । ଅଯୋଧ୍ୟା ମାମଲାର ଶୁଣାଣି ଆସନ୍ତା ୬ ତାରିଖରୁ ଓପନ୍ କୋର୍ଟରେ ଦୖେନିକ ଶୁଣାଣି କରାଯିବ ବୋଲି ସୁପ୍ରିମ୍କୋର୍ଟ ନିର୍ଦ୍ଦେଶ ଦେଇଛନ୍ତି । ମାମଲାର ଶୁଣାଣି କରି ମୁଖ୍ୟ ବିଚାରପତି ରଂଜନ ଗୋଗେଇ କହିଛନ୍ତି ଯେ, ଏହି ମାମଲାରେ ବିଭିନ୍ନ ଦିଗକୁ ଧ୍ୟାନ ଦିଆଯିବ । ଏହି ମାମଲାକୁ ଆଲୋଚନା ବା ସହମତି ଭିତ୍ତିରେ ସମାଧାନ କରିବା ପାଇଁ ତିନିଜଣିଆ ମଧ୍ୟସ୍ଥତା କମିଟି ଗଠନ କରାଯାଇଥିଲା । କିନ୍ତୁ ଏହି…