ଆଜି ମାଟ୍ରିକ୍ ପରୀକ୍ଷା ଫଳ ପ୍ରକାଶ ପାଇଛି। ମଙ୍ଗଳବାର ସକାଳ କଟକ ବୋର୍ଡ କାର୍ଯ୍ୟାଳୟରୁ ଏହି ଘୋଷଣା କରାଯାଇଥିଲା। ଚଳିତ ବର୍ଷ ଦଶମ ଶ୍ରେଣୀ ନିମନ୍ତେ ପାଶ୍ ହାର ୭୦.୭୮ ପ୍ରତିଶତ ରହିଛି। ରେଗୁଲାରରେ ପାଶ୍ ହାର ୭୨.୩୫ ରହିଥିବା ବେଳେ ଏକ୍ସ ରେଗୁଲାରରେ ୩୭.୪୩ ପ୍ରତିଶତ ରହିଛି। ଚଳିତ ଥର ୫ ଲକ୍ଷ ୮୭ ହଜାର ୭୮୦ ପରୀକ୍ଷାର୍ଥୀ ପରୀକ୍ଷାରେ ଅବତୀର୍ଣ୍ଣ ହୋଇଥିଲେ। ରେଗୁଲାର ଶ୍ରେଣୀରେ ଏ-୧ ରେ୧୧୮୦ , ଏ-୨ରେ ୯୯୩୮, ବି-୧ ରେ ୨୪୯୯୧ , ବି-୨ରେ ୪୬୩୧୯, ସି ରେ ୭୬ ହଜାର ୧୩୯ ଜଣ ଛାତ୍ର ଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି। ପାଶ୍ ହାର ଗତବର୍ଷ ତୁଳନାରେ ୫.୨୮ ପ୍ରତିଶତ ହ୍ରାସ ପାଇଛି। ଝାରସୁଗୁଡାରେ ପାଶ ହାର ସର୍ବାଧିକ ରହିଥିବା ବେଳେ କୋରାପୁଟରେ ଏହି ହାର ସର୍ବନିମ୍ନ ରହିଛି। ଝାରସୁଗୁଡାରେ ପାଶ ହାର ୮୫.୪୮ ରହିଥିବା ବେଳେ କୋରାପୁଟରେ ୫୦.୬୧ ପ୍ରତିଶତର ପାଶ୍ ହାର ରହିଛି।…
Author: Samikhsya Bureau
କେଦାର ମିଶ୍ର ଦୁତୀ ଚାନ୍ଦଙ୍କ ସହିତ ଆମର ପରିଚୟ କଣ? ଜଣେ ନିହାତି ସାଧାରଣ ପରିବାରର ଝିଅ ଯେତେବେଳେ ପୃଥିବୀର ବହୁ ଆଥଲେଟିକ୍ସ ମିଟରେ ଭାରତ ଲାଗି ପଦକ ଜିତିଛନ୍ତି, ସେଥିରେ ଆମେ ଗର୍ବିତ ହୋଇଛୁ। ତାଙ୍କର ପ୍ରତିଭା ଆମକୁ ଗୌରବ ଆଣି ଦେଇଛି। ବିଭିନ୍ନ ପ୍ରକାର ସଂଘର୍ଷ ଦେଇ ଦୁତୀଙ୍କ ଜୀବନ ଗତିଶୀଳ ହୋଇଛି। କ୍ରୀଡା ଜଗତର ବହୁ ଉଦ୍ଭଟ ରାଜନୀତିର ଶିକାର ହେବାପରେ ମଧ୍ୟ ଦୁତୀ ନିଜର ସାଧନା ଜାରି ରଖିଛନ୍ତି। ୨୦୧୩ ରୁ ୧୯ ମାତ୍ର ୬ ବର୍ଷର ଆଥଲେଟିକ ଜୀବନରେ ବହୁ ଆନ୍ତର୍ଜାତିକ କ୍ରୀଡା ପ୍ରତିଯୋଗିତାରେ ଭାଗ ନେଇ ଦୁତୀ ଦେଶ ଲାଗି ପଦକ ଜିଣିଛନ୍ତି। ତେଣୁ ତାଙ୍କ ସହିତ ଜେନ ସାଧାରଣ ଓଡିଆ ଭାବରେ ଆମର ସମ୍ପର୍କ ହେଉଛି ଗୌରବବୋଧର। ଦୁତୀଙ୍କ ବ୍ୟକ୍ତିଗତ ଜୀବନ ଅପେକ୍ଷା ତାଙ୍କର ପ୍ରତିଭା କୁ ଆମେ ବେଶୀ ଜାଣିଛୁ। ବାସ୍ତବରେ ଆମ ଲାଗି ତାହା ହିଁ ଗୁରୁତ୍ୱପୂର୍ଣ୍ଣ। ତେବେ…
ବାତ୍ୟା ‘ଫନି’ର ଦୀର୍ଘ ୧୯ ଦିନ ପରେ ମଙ୍ଗଳବାରଠାରୁ ଖୋଲିବ ନନ୍ଦନକାନନ ପ୍ରାଣୀ ଉଦ୍ୟାନ। ନନ୍ଦନକାନନ ସଂଲଗ୍ନ ଉଦ୍ଭିଦ ଉଦ୍ୟାନ ବଟାନିକାଲ ଗାର୍ଡେନ ମଧ୍ୟ କାଲିଠାରୁ ଖୋଲା ହେବ ବୋଲି ସୂଚନା ମିଳିଛି। ବାତ୍ୟା ଫନି ପରେ ସବୁ କିଛି ଏକପ୍ରକାରର ଅସ୍ତବ୍ୟସ୍ତ ହୋଇ ପଡିଥିଲା। ଏହାର ପ୍ରଭାବରେ ନନ୍ଦନକାନନ, ବଟାନିକାଲ ଗାର୍ଡେନ ବହୁ ପରିମାଣରେ କ୍ଷତିଗ୍ରସ୍ତ ହୋଇଥିଲା। ତେବେ ଏନଡିଆରଏଫ ଏବଂ ଓଡିଆରଏଫର ମିଳିତ ପ୍ରୟାସରେ ଏବେ ସ୍ଥିତିର ସୁଧାର ଆସିଛି। ଆସନ୍ତା କାଲିଠାରୁ ପର୍ଯ୍ୟଟକଙ୍କ ପାଇଁ ନନ୍ଦନକାନନ ଖୋଲା ରହିବ ବୋଲି ସୂଚନା ମିଳିଛି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ୍ର ପୋଷ୍ଟର ସୋମବାର ଲଞ୍ଚ କରାଯାଇଛି। କେନ୍ଦ୍ରମନ୍ତ୍ରୀ ନିତିନ ଗଡକରୀ ଓ ଅଭିନେତା ବିବେକ ଓବରଏ ମହାରାଷ୍ଟ୍ରର ନାଗପୁରରେ ଏହି ପୋଷ୍ଟର ଲଞ୍ଚ କରିଛନ୍ତି। ଏହି ପୋଷ୍ଟରରେ ‘ପୁଣିଥରେ ଆସୁଛନ୍ତି ପିଏମ୍ ନରେନ୍ଦ୍ର ମୋଦି, ଏବେ କେହି ଅଟକାଇ ପାରିବେ ନାହିଁ’ ବୋଲି ଏକ ବାର୍ତ୍ତା ରହିଛି । ଏହି ପୋଷ୍ଟରରେ ନରେନ୍ଦ୍ର ମୋଦିଙ୍କ ଭୂମିକାରେ ଅବତୀର୍ଣ୍ଣ ହୋଇଥିବା ଅଭିନେତା ବିବେକ ଓବରୟ ଶଙ୍ଖ ଫୁଙ୍ଗୁଥିବାର ନଜର ଆସିଛନ୍ତି । ଏହି ପୋଷ୍ଟରକୁ ନିର୍ଦ୍ଦେଶକ ଟୁଇଟର୍ରେ ସେୟାର କରି ଲେଖିଛନ୍ତି ଯେ, ଭାରତର କିଛି ବଡ଼ କାମ କରିବା ପୂର୍ବରୁ ଶଙ୍ଖ ବଜାଯାଇଥାଏ । ଲୋକ ସଭା ନିର୍ବାଚନର ଏକ୍ଜିଟ୍ ପୋଲ୍କୁ ଦେଖି ଫିଲ୍ମର ନିର୍ମାତା ଉତ୍ସାହିତ ହୋଇ ସୋମବାର ଏହି ପୋଷ୍ଟର ଲଞ୍ଚ କରିଥିବା କୁହାଯାଉଛି। ଫିଲ୍ମର ଏକ ସ୍ପେଶାଲ ସ୍କ୍ରିନିଂ ସୋମବାର ସନ୍ଧ୍ୟାରେ ଦିଲ୍ଲୀରେ ହେବାର କାର୍ଯ୍ୟକ୍ରମ ରହିଛି। ଯେଉଁଥିରେ ଭାଜପାର ବହୁ ନେତାଙ୍କୁ…
ଅଭିନେତା ସୈଫ୍ଅଲ୍ଲୀ ଖାନ୍ଙ୍କ ଆଗାମୀ ଫିଲ୍ମ ‘ଲାଲ୍ କପ୍ତାନ’ର ଫାଷ୍ଟ ଲୁକ୍ ଜାରି ହୋଇଛି। ଏହି ଫିଲ୍ମରେ ସୈଫ୍ ନାଗା ସାଧୁ ଭୂମିକାରେ ନଜର ଆସିବେ। ରିଭେଞ୍ଜ ଡ୍ରାମା ଉପରେ ଆଧାରିତ ଏହି ଫିଲ୍ମର ଫାଷ୍ଟଲୁକ୍ର ଏରୋସ୍ ଦ୍ବାରା ଜାରି କରାଯାଇଛି। ଏହି ଫାଷ୍ଟଲୁକ୍ ସହିତ ଏକ ଟ୍ୟାଗ୍ଲାଇନ୍ ମଧ୍ୟ ରହିଛି – ‘ରାଖ୍ ସେ ଜନ୍ମା… ରାଖ୍ ହୋ ଜାନେ କୋ’। ଫିଲ୍ମର ନିର୍ଦ୍ଦେଶନା ନବଦୀପ ସିଂହ କରିଛନ୍ତି। ପୋଷ୍ଟରରୁ ସୈଫ୍ ଅଲ୍ଲୀ ଖାନ୍ଙ୍କୁ ଚିହ୍ନିବା ବହୁତ କଷ୍ଟକର। ତାଙ୍କର ଏହି ଲୁକ୍ ହଲିଉଡ୍ ଜ୍ୟାକ୍ ସ୍ପୋରିଙ୍କ ସହ ଅନେକାଂଶରେ ମିଳୁଛି ବୋଲି ଜଣାପଡିଛି। ଫିଲ୍ମଟି ଡିସେମ୍ବର ୬ ତାରିଖରେ ପରଦାକୁ ଆସିବ ବୋଲି ଜଣାପଡିଛି।
ସାରା ରାଜ୍ୟରେ ଗ୍ରୀଷ୍ମର ପ୍ରଭାବ ଜାରି ରହିଛି। ପ୍ରବଳ ଖରା ସହ ଅସହ୍ୟ ଗୁଳୁଗୁଳି ରାଜ୍ୟବାସୀଙ୍କୁ ଅସ୍ତବ୍ୟସ୍ତ କରୁଛି। ଏହି ଗ୍ରୀଷ୍ମ ପ୍ରବାହ ଆସନ୍ତା ୨୨ ଯାଏଁ ରହିବ ବୋଲି ଏସଆରସି ସୋମବାର ସୂଚନା ଦେଇଛନ୍ତି। ପଶ୍ଚିମ ଓଡ଼ିଶାର କିଛି ଜିଲାରେ ତାପମାତ୍ରା ବଢିବା ସହ ୨୨ ଯାଏଁ ସାରା ରାଜ୍ୟରେ ତାପମାତ୍ରା ଆହୁରି ବଢିବ ବୋଲି ସେ କହିଛନ୍ତି। ଜଳଛତ୍ର ସହ ଆନୁସଙ୍ଗିକ ବ୍ୟବସ୍ଥା କରିବା ପାଇଁ ମଧ୍ୟ ଏସଆରସି ବିଷ୍ଣୁପଦ ସେଠୀ ନିର୍ଦ୍ଦେଶ ଦେଇଛନ୍ତି। କିଛି ସହରର ତାପମାତ୍ରା ୪୦ ଡିଗ୍ରୀ ଅତିକ୍ରମ କରିଛି। ରାଜ୍ୟର ଉତ୍ତପ୍ତ ସହର ଭାବେ ପରିଚିତ ଟିଟିଲାଗଡ଼ର ତାପମାତ୍ରା ୪୫ ଡିଗ୍ରୀ ଉପରେ ରହୁଛି। ଟଣା ଖରାରେ ବାହାରକୁ ନ ବାହାରିବା ପାଇଁ ଅନୁରୋଧ କରାଯାଇଛି। ନିଜର ସୁରକ୍ଷା ପାଇଁ ପାଣି ବୋତଲ ଓ ଛତା ବ୍ୟବହାର କରିବେ। ବର୍ତ୍ତମାନ ସୁଦ୍ଧା ଅଶୁଂଘାତରେ କାହାର ମୃତ୍ୟୁ ଘଟିଥିବା ନେଇ ସୂଚନା ଆସି ନାହିଁ।”…
ସରୋଜ ଜେନା କ୍ରିକେଟ୍ ବିଶ୍ବକପ୍ର ଚତୁର୍ଥ ସଂସ୍କରଣ ୧୯୮୭ ମସିହାରେ ଅନୁଷ୍ଠିତ ହୋଇଥିଲା। ରିଲାଏନ୍ସ କପ୍ ନାମରେ ପରିଚିତ ଏହି ଟାଇଟଲ୍କୁ ପ୍ରଥମ ଥର ପାଇଁ ହାସଲ କରିଥିଲା ଅଷ୍ଟ୍ରେଲିଆ। ପ୍ରଥମଥର ପାଇଁ କ୍ରିକେଟ୍ ବିଶ୍ବକପ୍ ଇଂଲଣ୍ଡ ବାହାରେ ଅନୁଷ୍ଠିତ ହେଉଥିବା ବେଳେ ଭାରତ ଏବଂ ପାକିସ୍ତାନ ମିଳିତ ଭାବରେ ଏହାର ଆୟୋଜନ କରିଥିଲେ। ୮ ଅକ୍ଟୋବରରୁ ୮ ନଭେମ୍ବର ପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟ ଖେଳାଯାଇଥିଲା। ପ୍ରଥମ ଥର ପାଇଁ ବିଶ୍ବକପ୍ରେ ଓଭର ସଂଖ୍ୟା ୬୦ ରୁ ୫୦କୁ ହ୍ରାସ କରାଯାଇଥିଲା। ଟୁର୍ଣ୍ଣାମେଣ୍ଟରେ ୭ଟି ଟେଷ୍ଟ ଖେଳୁଥିବା ରାଷ୍ଟ୍ରଙ୍କ ସହିତ ଆଇସିସି ଟ୍ରଫି ବିଜେତା ଜିମ୍ବାଓ୍ବେ ସ୍ଥାନ ପାଇଥିଲା। ୧୯୮୩ ପରି ଏହି ଟୁର୍ଣ୍ଣାମେଣ୍ଟଟି ଡବଲ ରାଉଣ୍ଡ ରବିନ୍ ଲିଗ୍ ଏବଂ ନକ୍ଆଉଟ ଫର୍ମାଟରେ ଖେଳାଯାଇଥିଲା। ଭାରତର ୧୪ଟି ଷ୍ଟାଡିୟମ୍ରେ ଏବଂ ପାକିସ୍ତାନର ୭ଟି ଷ୍ଟାଡିୟମରେ ସମସ୍ତ ମ୍ୟାଚ୍ ଖେଳାଯାଇଥିଲା। ଲିଗ୍ ପର୍ଯ୍ୟାୟ : ଗ୍ରୁପ୍ ଏ ରେ ଭାରତ, ଅଷ୍ଟ୍ରେଲିଆ,…
ଆସନ୍ତା କାଲି ପ୍ରକାଶ ପାଇବ ଚଳିତ ମାଟ୍ରିକ ପରୀକ୍ଷା ରେଜଲ୍ଟ। ଏନେଇ ମାଧ୍ୟମିକ ଶିକ୍ଷା ପରିଷଦର ସଭାପତି ଜାହାନଆରା ବେଗମ ସୂଚନା ଦେଇଛନ୍ତି। ଆଜି ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି। ଚଳିତ ଥର ୫ ଲକ୍ଷ ୮୭ ହଜାର ୭୮୦ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି। ପେବୃଆରୀ ୨୨ ତାରିଖରୁ ମାର୍ଚ୍ଚ ୮ ତାରିଖ ମଧ୍ୟରେ ଏହି ପରୀକ୍ଷା ଅନୁଷ୍ଠିତ ହୋଇଥିଲା। ବୋର୍ଡ କାର୍ଯ୍ୟାଳୟରେ ସକାଳ ୯ଟା ସମୟରେ ପରୀକ୍ଷା ଫଳ ପ୍ରକାଶ ପାଇବ। ତେବେ ଦିନ ୧୧ଟାରୁ ଓ୍ବେବସାଇଟ୍ରେ ଏହି ରେଜଲ୍ଟ ଉପଲବ୍ଧ ହେବ। ଇଣ୍ଟରନେଟ୍ ସୁବିଧା ନଥିବା ସ୍ଥଳେ ଏସ୍ଏମ୍ଏସ୍ ଜରିଆରେ ମଧ୍ୟ ରେଜଲ୍ଟ ଜାଣିହେବ। ଚଳିତଥର ମାଟ୍ରିକ ପରୀକ୍ଷାରେ ବ୍ୟାପକ ଅନିୟମିତତା ହୋଇଥିବାର ଦେଖାଯାଇଥିଲା। ପ୍ରଶ୍ନପତ୍ର ଲିକ୍ ହେବାଠାରୁ ଆରମ୍ଭ କରି ଓଏମ୍ଆର ସିଟ୍ ଗାଏବ ହେବା ଆଦି ଚର୍ଚ୍ଚାରେ ରହିଥିଲା। ମାଟ୍ରିକ୍ ରେଜଲ୍ଟ ପାଇଁ ଉପଲବ୍ଧ ଓ୍ବେବସାଇଟ୍ : www.bseodisha.ac.in, www.bseodisha.nic.in ମାଟ୍ରିକ୍ ରେଜଲ୍ଟ ପାଇଁ…
ମଧ୍ୟପ୍ରଦେଶରେ ବିଧାନସଭାର ସ୍ବତନ୍ତ୍ର ଅଧିବେଶନ ପାଇଁ ସୋମବାର ରାଜ୍ୟପାଳଙ୍କୁ ପତ୍ର ଲେଖିଛି ବିଜେପି। ଏକ୍ସିଟ୍ ପୋଲ୍ ରିପୋର୍ଟରେ ବିଜେପିକୁ ସଂଖ୍ୟା ଗରିଷ୍ଠତାର ରିପୋର୍ଟ ମିଳିବା ପରେ କମଳନାଥ ସରକାରକୁ ଆକ୍ରମଣ ଆରମ୍ଭ କରିଛି ବିଜେପି। ମଧ୍ୟପ୍ରଦେଶ ବିଧାନସଭାରେ ବିରୋଧୀ ଦଳର ନେତା ରହିଥିବା ଗୋପାଳ ଭାର୍ଗବ ରାଜ୍ୟପାଳଙ୍କୁ ଏହି ପତ୍ର ଲେଖିବା ସହିତ କମଳନାଥ ସରକାର ଆସ୍ଥା ହରାଇଛି ବୋଲି କହିଛନ୍ତି। ବିଧାନସଭାରେ ଜନସାଧାରଣ ଯେଉଁ ଭୁଲ୍ କରିଥିଲେ ଲୋକସଭାରେ ତାହାକୁ ଦୋହରାଇ ନାହାନ୍ତି ବରଂ ମୋଦିଙ୍କୁ ସ୍ପଷ୍ଟ ଜନମତ ମିଳିଛି ବୋଲି କହିଛନ୍ତି ଭାର୍ଗବ। ଭାର୍ଗବଙ୍କ ଏହି ମନ୍ତବ୍ୟ ପରେ ମୁଖ୍ୟମନ୍ତ୍ରୀ କମଲନାଥ ଏକ ଟ୍ବିଟ୍ କରି ଏହାର ଜବାବ ରଖିଛନ୍ତି। କଂଗ୍ରେସର ଲୋକସଭା ଆସନ ସଂଖ୍ୟାରେ ବୃଦ୍ଧି ଘଟିବ ଏବଂ ବିଜେପିର ବାହାସ୍ଫୋଟ ଏବଂ ମିଥ୍ୟା ପ୍ରତିଶ୍ରୁତିର ନଗ୍ନ ସତ୍ୟ ସାଧାରଣ ଜନତା ଦେଖି ପାରିବେ ବୋଲି କମଲନାଥ ଟ୍ବିଟ୍ କରି କହିଛନ୍ତି।
ରବିବାର ପ୍ରକାଶ ପାଇଥିବା ଏକଜିଟ୍ ପୋଲ୍ର ତଥ୍ୟକୁ ନେଇ ମତାମତ ରଖିଛନ୍ତି ଉପରାଷ୍ଟ୍ରପତି ଭେଙ୍କିଆ ନାଇଡୁ। ଏକଜିଟ୍ ପୋଲ୍ ବାସ୍ତବିକ୍ ପରିଣାମ ନୁହେଁ ବୋଲି କହିଛନ୍ତି ନାଇଡୁ। ୧୯୯୯ରୁ ଆସିଥିବା ଏକ୍ଜିଟ୍ ପୋଲ ଅଧିକତର ଭୁଲ ହୋଇଛି ବୋଲି ଉପରାଷ୍ଟ୍ରପତି କହିଛନ୍ତି। ସବୁ ରାଜନୈତିକ ଦଳଙ୍କୁ ସେ ଆଶ୍ୱସ୍ତ ରହିବା ସହ ଭୋଟ ଗଣତି ଦିବସ ମେ ୨୩ ତାରିଖକୁ ଅପେକ୍ଷା କରିବାକୁ ସେ ପରାମର୍ଶ ଦେଇଛନ୍ତି। ସେହିପରି ଦେଶରେ ସରକାର ଗଠନ ନେଇ ଉପରାଷ୍ଟ୍ରପତି କହିଛନ୍ତି ଯେ, ସବୁବେଳେ ଦେଶ ଓ ରାଜ୍ୟକୁ ଏକ କୁଶଳ ନେତା ଓ ସ୍ଥିର ସରକାରର ଆବଶ୍ୟକତା ହୋଇଥାଏ। ସମାଜର ପରିବର୍ତ୍ତନ ରାଜନୈତିକ ଦଳର ପରିବର୍ତ୍ତନରେ ହିଁ ହୋଇଥାଏ ବୋଲି ଉପରାଷ୍ଟ୍ରପତି ଭେଙ୍କିଆ ନାଇଡ଼ୁ କହିଛନ୍ତି। ଏକଜିଟ୍ ପୋଲ୍ ରିପୋର୍ଟରେ ଏନଡିଏ୍ ପୁନଃ ସରକାର ଗଠନ କରିବା ନେଇ ମତ ଦେଇଛନ୍ତି।
ଚଳିତ ଲୋକସଭା ନିର୍ବାଚନ ସରିଯାଇଥିବାବେଳେ ଏବେ କେବଳ ଅପେକ୍ଷା ମେ ୨୩ ତାରିଖକୁ। ଦେଶରେ ସରକାର ଗଠନ କରିବା ନେଇ ଚାଲିଛି କଳ୍ପନାଜଳ୍ପନା। ୨୦୧୪ରେ ପୂର୍ଣ୍ଣ ବହୁମତ ନେଇ ସରକାର ଗଠନ କରିଥିବା ଏନଡିଏ୍ ସରକାର ପୁଣିଥରେ ସରକାର ଗଠନ କରିବା ନେଇ ଏକଜିଟ୍ ପୋଲ୍ ରିପୋର୍ଟ ପାଇଥିବାବେଳେ ଏହାର ସଠିକ୍ ତଥ୍ୟ ଆସନ୍ତା ମେ ୨୩ ତାରିଖରେ ହିଁ ଜଣାପଡିବ। ତେବେ ଏହି ଏକ୍ଜିଟ୍ ପୋଲ୍କୁ ନେଇ ପ୍ରତିକ୍ରିୟା ଦେଇଛନ୍ତି କଂଗ୍ରେସର ବରିଷ୍ଠ ନେତା ଶଶୀ ଥରୁର୍। ଏକଜିଟ୍ ପୋଲ୍ର ସମସ୍ତ ଆକଳନକୁ ଭୁଲ୍ ବୋଲି କହିଛନ୍ତି ଶଶୀ। ମେ ୨୩ରେ ହିଁ ଅସଲ ଫଳାଫଳ ଜଣାପଡିବ ବୋଲି କହିବା ସହିତ ଗତ ସପ୍ତାହରେ ଅଷ୍ଟ୍ରେଲିଆର ସମସ୍ତ ୫୬ ଏକଜିଟ୍ ପୋଲ୍ ରିପୋର୍ଟ ଭୁଲ୍ ପ୍ରମାଣିତ ହୋଇଥିବାର ଟୁଇଟ୍ କରିଛନ୍ତି। ଅନେକ ଲୋକ ଅସଲ ଫଳାଫଳକୁ ନେଇ ଭୟ କରୁଥିବାରୁ ଏକଜିଟ୍ ପୋଲ୍ କଥାକୁ ଉଠାଉଛନ୍ତି। ତେବେ ୨୩ ପର୍ଯ୍ୟନ୍ତ…
ଚଳିତ ବର୍ଷର ଏଗଜିଟ୍ ପୋଲ୍ ରିପୋର୍ଟ ପ୍ରକାଶ ପାଇଥିବା ବେଳେ ଏଥିରେ ଏନ୍ଡିଏ ମେଣ୍ଟକୁ ବହୁମତ ମିଳିଛି । ମାତ୍ର ବିଜେପିର ଅନ୍ୟତମ ସହଯୋଗୀ ଦଳ ଏଆଇଡିଏମ୍କେ ପକ୍ଷରୁ ଏହି ସମସ୍ତ ଏଗଜିଟ୍ ପୋଲ୍ ରିପୋର୍ଟକୁ ଏକ ମିଥ୍ୟା ବୋଲି କୁହାଯାଇଛି । ତାମିଲ୍ନାଡୁ ମୁଖ୍ୟମନ୍ତ୍ରୀ ତଥା ଏଆଇଡିଏମ୍କେ ମୁଖ୍ୟ ଇ ପଲାନିସ୍ବାମୀ ଏହି ଏକ୍ସିଟ୍ ପୋଲ୍ ରିପୋର୍ଟକୁ ଅସ୍ବୀକାର କରିଛନ୍ତି । କିଛି ନ୍ୟୁଜ୍ ଚ୍ୟାନେଲ ରିପୋର୍ଟ ଅନୁଯାୟୀ ୟୁପିଏ ସହିତ ରହିଥିବା ଡିଏମ୍କେ ୩୯ରୁ ୨୭ଆସନରେ ବିଜୟୀ ହେବ । ଅନ୍ୟ କିଛି ଚ୍ୟାନେଲ୍ ଏହି ସଂଖ୍ୟାକୁ ୩୪ ଦେଖାଇଛନ୍ତି । ଏହି ଏଗଜିଟ୍ ପୋଲ୍ରେ ଏଆଇଡିଏମ୍କେକୁ ୧୧ଟି ଆସନ ପ୍ରଦାନ କରାଯାଇଛି । ତାମିଲନାଡୁ ଏବଂ ପୁଡୁଚେରୀରେ ଏଆଇଡିଏମ୍କେ ସମସ୍ତ ୩୯ ଆସନରେ ବିଜୟୀ ହେବାକୁ ଯାଉଛି ବୋଲି କହିଛନ୍ତି ପଲାନିସ୍ବାମୀ । ୨୦୧୪ ଜାତୀୟ ନିର୍ବାଚନରେ ଜୟଲଳିତାଙ୍କ ନେତୃତ୍ବରେ ଏଆଇଡିଏମ୍କେ ୩୭ ଆସନରେ ବିଜୟୀ ହୋଇଥିଲା…
ପୂର୍ବତନ କୋଲକାତା କମିଶନର ରାଜୀବ କୁମାର ନିଜର ଗିରଫଦାରୀ ଏଡାଇବା ପାଇଁ ସୁପ୍ରିମ୍କୋର୍ଟଙ୍କ ଦ୍ବାରସ୍ଥ ହୋଇଛନ୍ତି। ଶାରଦା ଚିଟ୍ଫଣ୍ଡ ମାମଲାରେ ସିବିଆଇ ରାଜୀବ କୁମାରଙ୍କୁ ଗିରଫ କରିବାର ସମ୍ଭାବନା ରହିଛି। ବର୍ତ୍ତମାନ କୋଲକାତାରେ ଆଇନଜୀବିଙ୍କ ଆନ୍ଦୋଳନ ବର୍ତ୍ତମାନ ନ୍ୟାୟାଳୟ ବନ୍ଦ ରହୁଥିବାରୁ ସର୍ବୋଚ୍ଚ କୋର୍ଟ ଏହି ମାମଲାରେ ତତ୍କାଳ ହସ୍ତକ୍ଷେପ କରିବା ନେଇ ସୋମବାର ଆବେଦନ କରିଛନ୍ତି ରାଜୀବ କୁମାର। ସୂଚନାଯୋଗ୍ୟ ଯେ ଫେବୃୟାରୀ ୫ରେ ସୁପ୍ରିମ୍କୋର୍ଟ ରାଜୀବ କୁମାରଙ୍କ ଗିରଫଦାରୀ ଉପରେ ଅଙ୍କୁଶ ଲଗାଇଥିଲେ। ମାତ୍ର ଗତ ଶୁକ୍ରବାର ଦିନ ନିଜ ନିର୍ଦ୍ଦେଶରେ ଫେବୃୟାରୀ ୫ ନିର୍ଦ୍ଦେଶକୁ ଖାରଜ କରିଥିଲେ। ଏହା ସହିତ ଆଗୁଆ ଜାମିନ ଆବେଦନ କରିବା ପାଇଁ ୫ ଦିନର ସମୟ ଦେଇଥିଲେ। ଉଲ୍ଲେଖଯୋଗ୍ୟ ଯେ, ଶ୍ରୀ କୁମାର ବିଧାନନଗରର କମିଶନର ରହିଥିବା ବେଳେ ୨୦୧୨ରୁ ୨୦୧୫ ମଧ୍ୟରେ ଶାରଦା ଚିଟ୍ଫଣ୍ଡ ଦୁର୍ନୀତି ଏବଂ ରୋଜ ଭ୍ୟାଲି ଦୁର୍ନୀତି ସଙ୍ଗଠିତ ହୋଇଥିଲା।
ଆଲ୍ଫାବେଟ୍ ଆଇଏନ୍ସିର ଗୁଗୁଲ୍ ହୁଆଓ୍ବେ ସହିତ ବ୍ୟବସାୟ ବନ୍ଦ କରିବାର ନିଷ୍ପତ୍ତି ନେଇଛି । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହୁଆଓ୍ବେକୁ ବିରୋଧ କରିବାରୁ ଏହି ନିଷ୍ପତ୍ତି ନେଇଛି ଗୁଗୁଲ୍ । ଚୀନ୍ ବୈଷୟିକ ଶିଳ୍ପ ପାଇଁ ଏହା ଏକ ବୃହତ ଧକ୍କା । ଉଭୟ କମ୍ପାନୀ ମଧ୍ୟରେ ବୈଷୟିକ କୌଶଳର ଆଦାନ ପ୍ରଦାନ ଏବଂ ଲାଇସନ୍ସ ବନ୍ଦ କରିବା ପାଇଁ ନିଷ୍ପତ୍ତି ନେଇଛି ଗୁଗୁଲ । ମାତ୍ର ହୁଆଓ୍ବେ ବ୍ୟବହାରକାରୀ ମାନେ ଗୁଗୁଲ୍ର ସମସ୍ତ ଆପ୍ ବ୍ୟବହାର କରି ପାରିବେ ବୋଲି ଗୁଗୁଲ୍ ପକ୍ଷରୁ କୁହାଯାଇଛି । ଏହା ସହିତ ବ୍ୟବହାରକାରୀ ମାନେ ନିଜର ଆପ୍ର ଅପ୍ଡେଟ୍ ମଧ୍ୟ କରି ପାରିବେ । ପୁରାତନ ହୁଆଓ୍ବେ ଫୋନ୍ରେ ଗୁଗୁଲ୍ ପ୍ଲେ ପ୍ରୋଟେକ୍ଟ କାମ କରିବ ମାତ୍ର ନୂଆ ଫୋନ୍ରେ ଏହି ସୁବିଧା ଉପଲବ୍ଧ ହେବ ନାହିଁ ବୋଲି ଗୁଗୁଲ ପକ୍ଷରୁ ଜନୈକ ଅଧିକାରୀ ପ୍ରକାଶ କରିଛନ୍ତି । ଏହା ସହିତ…
୨୦୧୯ ନିର୍ବାଚନ ପାଇଁ ଗତକାଲି ମତଦାନ ସରିଯାଇଥିବା ବେଳେ ଆସନ୍ତା ୨୩ ତାରିଖରେ ଫଳାଫଳ ପ୍ରକାଶ ପାଇବ। ହେଲେ ତା’ପୂର୍ବରୁ ଏକ୍ସିଟ୍ ପୋଲ୍ ଆକଳନକୁ ନେଇ ଭିନ୍ନ ଭିନ୍ନ ଫଳାଫଳ ଆସୁଛି। ତେବେ ଏହାକୁ ନେଇ ପ୍ରତିକ୍ରିୟା ରଖିଛନ୍ତି ବିଜେପିର ବରିଷ୍ଠ ନେତା ଦାମୋଦର ରାଉତ। ଓଡ଼ିଶାରେ ଏଥର ଝୁଲା ବିଧାନସଭା ହେବ ବୋଲି ମତ ରଖିଛନ୍ତି ଦାମୋଦର। ଓଡ଼ିଶାରେ ବିଜେପି ୫୫ରୁ ଅଧିକ ଆସନ ପାଇବ ବୋଲି କହିବା ସହିତ ବିଜେଡ଼ି ମ୍ୟାଜିକ୍ ନମ୍ବର ଛୁଇଁପାରିବା କଷ୍ଟକର ବୋଲି ସେ କହିଛନ୍ତି। ତେବେ ସରକାର ଗଢିବା ପାଇଁ ବିଜେଡ଼ି କଂଗ୍ରେସ ସହ ମେଣ୍ଟ କରିପାରନ୍ତି ବୋଲି କହିଛନ୍ତି ଦାମୋଦର ରାଉତ। ସେହିପରି ଏକ୍ସିଟ୍ ପୋଲ୍ ଆକଳନକୁ ନେଇ ବିଜେଡିର ବରିଷ୍ଠ ନେତା ପ୍ରଫୁଲ୍ଲ ଘଡ଼େଇ ପ୍ରତିକ୍ରିୟା ରଖିଛନ୍ତି। କହିଛନ୍ତି ଦେଶରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରାଜ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସପକ୍ଷରେ ଜନାଦେଶ ରହିବ। ବିଜେଡିର ଲୋକସଭା ସଂଖ୍ୟା…
କେଦାର ମିଶ୍ର ଉତ୍ତର ପ୍ରଦେଶରେ ବିଜେପିକୁ ୫୬ ଓ ମହାଗଠବନ୍ଧନ ୨୨ ଆସନ ମିଳିବ । (ଟାଇମ୍ସ ନାଓ-ଭିଏମଆର) ଉତ୍ତର ପ୍ରଦେଶରେ ମହାଗଠବନ୍ଧନକୁ ୫୬ ଓ ବିଜେପିକୁ ୨୨ ଆସନ ମିଳିବ। (ଏବିପି-ନେଲସନ) ଅନେକ ସମୟରେ ମୁଁ ବୁଝି ପାରୁନି, ଏ ଦେଶରେ ବୁଥ ଫେରନ୍ତା ସର୍ଭେ ବା ଏଗଜିଟ ପୋଲ ର ମାନେ କଣ? ମୁଁ ଉଦାହରଣ ଭାବରେ ଉପରୋକ୍ତ ତଥ୍ୟ ପାଠକଙ୍କ ଅବଗତି ପାଇଁ ରଖୁଛି। ଦୁଇଟି ସଂସ୍ଥା ପୂରାପୂରି ଭିନ୍ନ ଫଳାଫଳ କଥା କହୁଛନ୍ତି। ହେଲେ ସମୁଦାୟ ଫଳାଫଳ ଘୋଷଣା କରିବାରେ ସମସ୍ତେ ଏକମତ। ସମସ୍ତଙ୍କ କହିବା କଥା ହେଲା ପୁଣି ଥରେ ନରେନ୍ଦ୍ର ମୋଦୀ ସରକାରକୁ ବହୁମତ ମିଳିବ। ନିର୍ବାଚନ ସରିବା ପରେ ଲୋକେ ଯାହାକୁ ଭୋଟ ଦେଇଥିବେ, ସେ ଅବଶ୍ୟ ଜିତିବ। ୨୩ ମଇ ଅପରାହ୍ନ ବେଳକୁ ଚିତ୍ର ସ୍ପଷ୍ଟ ହୋଇଯାଇଥିବ। ତେବେ ଶେଷ ନିର୍ବାଚନୀ ସନ୍ଧ୍ୟାର ଏ ଯେଉଁ ବୁଥ ଫେରନ୍ତା ସର୍ବେକ୍ଷଣ,…
ଇସ୍ଲାମିକ୍ ଷ୍ଟେଟ୍ର ଆତଙ୍କବାଦୀମାନେ ଏକ ଜେଲ୍ରେ ବର୍ବର ହିଂସାକାଣ୍ଡ ଘଟାଇଛନ୍ତି। ରବିବାର ଆତଙ୍କୀ ମାନେ ଜେଲ୍ର ସୁରକ୍ଷା ବ୍ୟବସ୍ଥାକୁ ଭାଙ୍ଗି ୩୨ ଜଣଙ୍କୁ ହତ୍ୟା କରିଛନ୍ତି। ସୋମବାର ଆଇନ ବିଭାଗ ପକ୍ଷରୁ ପ୍ରକାଶିତ ସୂଚନା ଅନୁଯାୟୀ ୩ ଜେଲ ସୁରକ୍ଷା କର୍ମୀଙ୍କ ପ୍ରାଣହାନି ଘଟିଥିବା ବେଳେ୨୯ ଜଣ କଏଦୀଙ୍କ ପ୍ରାଣହାନି ଘଟିଛି। ତାଜିକ୍ସ୍ତାନର ରାଷ୍ଟ୍ରପତି ବର୍ତ୍ତମାନ ଆଲୋଚନା ପାଇଁ ଋଷ ଗସ୍ତରେ ରହିଛନ୍ତି। ସୋମବାର ଋଷ ରାଷ୍ଟ୍ରପତି ଭ୍ଲାଡିମିର ପୁତିନଙ୍କୁ ସାକ୍ଷାତ କରିବେ ତାଜିକସ୍ତାନକ ରାଷ୍ଟ୍ରପତି ଏମୋମାଇଲ ରହମନ୍। ଭଖ୍ଦତରୁ ୧୦ କିମି ଦୂର ଡୁଷ୍ଣାବେ ସହରରେ ଏହି ଆକ୍ରମଣ ଘଟିଥିଲା।
ନାଥୁରାମ ଗଡ୍ସେଙ୍କୁ ନେଇ ବିବାଦୀୟ ବୟାନ ଦେଇଥିବା କମଲ ହାସନଙ୍କୁ ମାଡ୍ରାସ୍ ହାଇକୋର୍ଟ ଆଗୁଆ ଜାମିନ ପ୍ରଦାନ କରିଛନ୍ତି । ଗଡ୍ସେଙ୍କୁ ପ୍ରଥମ ହିନ୍ଦୁ ଆତଙ୍କବାଦୀ ବୋଲି କହିବା ପରେ କମଲ ହାସନଙ୍କ ବିରୋଧରେ ଏକ ମାମଲା ରୁଜୁ କରାଯାଇଥିଲା । ମାଡ୍ରାସ୍ ହାଇକୋର୍ଟଙ୍କ ମଦୁରାଇ ଖଣ୍ଡପୀଠ ଏହି ଜାମିନ ପ୍ରଦାନ କରିଛନ୍ତି । ମକଲ୍ ନିଧି ମୟମ୍ ମୁଖ୍ୟ କମଲ୍ ହାସନଙ୍କ ବିପକ୍ଷରେ ଆରବାକୁରିଚି ଥାନାରେ ଏନେଇ ଏକ ମାମଲା ରୁଜୁ କରା ଯାଇଥିଲା । ୧୬ ତାରିଖରେ କମଲ ହାସନ ଆଗୁଆ ଜାମିନ ଆବେଦନ କରିଥିବା ବେଳେ ସୋମବାର କୋର୍ଟ ହାସନଙ୍କୁ ଆଗୁଆ ଜାମିନ ପ୍ରଦାନ କରିଛନ୍ତି । ଏହି ବୟାନ ପରେ ଏହାକୁ ନେଇ ବିଜେପି ସାଂସଦ ପ୍ରାର୍ଥୀ ସାଧ୍ବୀ ପ୍ରଜ୍ଞା ଏବଂ ଅନନ୍ତ ହେଗଡେ ପ୍ରମୁଖ ଗଡ୍ସେଙ୍କୁ ନେଇ ବିବାଦୀୟ ବୟାନ ଦେଇଥିଲେ ।
ରବିବାର ରାତିରେ ବ୍ରାଜିଲ୍ରେ ଏକ ବାର୍ରେ ଗୁଳିକାଣ୍ଡ ଘଟି ୧୧ ଜଣଙ୍କର ପ୍ରାଣହାନି ଘଟିଛି। ମୃତକଙ୍କ ମଧ୍ୟରେ ୬ ଜଣ ମହିଳା ଏବଂ ୫ ଜଣ ପୁରୁଷ ରହିଥିବା ସୂଚନା ମିଳିଛି। ଏହି ଆକ୍ରମଣରେ ଜଣେ ବ୍ୟକ୍ତି ଗୁରୁତର ଭାବରେ ଆହତ ହୋଇଛନ୍ତି। ସୂଚନା ଅନୁଯାୟୀ ବେଲେମର ରାଜଧାନୀ ଗୁଆମର୍ର ଏକ ବାର୍ରେ କିଛି ଅଜଣା ବନ୍ଧୁକ ଧାରୀ ଆତତାୟୀ ଗୁଳି ଚାଳନା କରିଥିଲେ। ୭ ଜଣ ଆତତାୟୀ ଏହି ଆକ୍ରମଣରେ ସମ୍ପୃକ୍ତ ଥିଲେ। ଆତତାୟୀ ମାନେ ଗୋଟିଏ ବାଇକ୍ ଏବଂ ୩ଟି କାର୍ରେ ଆସି ଏହି ବର୍ବର କାଣ୍ଡ ଘଟାଇଥିଲେ। ଏହି ଘଟଣା ପରେ ବ୍ରାଜିଲରେ ବନ୍ଧୁକ ଲାଇସେନ୍ସ ଆଇନ୍ କଡାକଡି କରିବା ଉପରେ ଚର୍ଚ୍ଚା ହେଉଛି। ରାଷ୍ଟ୍ରପତି ଜେର ବୋଲସୋନାରୋ ନିଜ ନିର୍ବାଚନ ପ୍ରଚାରରେ ବନ୍ଧୁକ ଲାଇସେନ୍ସ ନିୟମ କଡାକଡି କରିବାର ପ୍ରତିଶ୍ରୁତି ଦେଇଥିଲେ। ୨୦୧୭ରେ ପ୍ରକାଶିତ ଏକ ସରକାରୀ ହିସାବ ଅନୁଯାୟୀ ବ୍ରାଜିଲ୍ରେ ବାର୍ଷିକ ୬୪ ହଜାର…
ଦେଶରେ ସପ୍ତଦଶ ଲୋକସଭାର ନିର୍ବାଚନ ସରିଯାଇଛି। ଏବେ ମେ ୨୩କୁ ଅପେକ୍ଷା। ସରକାର ଗଢିବା ନେଇ ଏବେ ଚାଲିଛି କଳ୍ପନାଜଳ୍ପନା। ଯଦିଓ ଏକ୍ଜିଟ୍ ପୋଲ୍ ଏନ୍ଡିଏକୁ ବହୁମତ ଦେଇ ପୁନଃସରକାର ଗଠନ କରିବା ନେଇ ମତ ଦେଇଛି, ତେବେ ଅସଲ କଥା ତ ମେ ୨୩ରେ ଜଣାପଡିବ। ତେବେ ଏହି ଭିତରେ ଉତ୍ତରପ୍ରଦେଶରେ ବିଜେପିର ସହଯୋଗୀ ଦଳ ସୁହେଲ୍ଦେବ ଭାରତୀୟ ସମାଜ ପାର୍ଟିର ପ୍ରମୁଖ ଓମ୍ପ୍ରକାଶ ରାଜଭର୍ଙ୍କୁ ୟୁପି କ୍ୟାବିନେଟ୍ରୁ ବହିଷ୍କାର କରିବା ପାଇଁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଜ୍ୟପାଳଙ୍କୁ ସୁପାରିଶ୍ କରିଛନ୍ତି। ଉତ୍ତରପ୍ରଦେଶରେ ବିଜେପିର ସହଯୋଗୀ ଦଳ ଭାବେ ସୁଭାସପା ୨୦୧୭ ବିଧାନସଭା ନିର୍ବାଚନରେ ୪ଟି ଆସନ ଜିତିଥିଲେ। କିନ୍ତୁ ଲୋକସଭା ନିର୍ବାଚନରେ ରାଜଭରଙ୍କ ଦଳ ବିଜେପି ସହିତ ମିଶିକରି ନିର୍ବାଚନ ଲଢିନଥିଲେ। ଚଳିତ ଥର ରାଜଭରଙ୍କ ଦଳ ୩୯ ପ୍ରାର୍ଥୀଙ୍କୁ ନିର୍ବାଚନ ଲଢିଥିଲେ। ଏବଂ କିଛି ଆସନ ପାଇଁ ବିଜେପି ପ୍ରାର୍ଥୀଙ୍କ ବିରୋଧରେ ମଧ୍ୟ ପ୍ରଚାର କରିଥିଲେ। ତେବେ,…
କୃଷ୍ଣସାର ମୃଗ ହତ୍ୟା ମାମଲାରେ ରାଜସ୍ଥାନ ହାଇକୋର୍ଟ ସୈଫ୍ ଅଲ୍ଲୀ ଖାନ୍, ସୋନାଲି ବେନ୍ଦ୍ରେଙ୍କ ସମେତ ୫ ଜଣଙ୍କୁ ନୂତନ ନୋଟିସ୍ ଜାରି କରିଛି। କୋର୍ଟ ସୈଫ୍ ଏବଂ ସୋନାଲିଙ୍କ ବ୍ୟତୀତ ନୀଲମ, ତବୁ ଏବଂ ଦୁଷ୍ୟନ୍ତ ସିଂଙ୍କୁ ନୋଟିସ୍ ଜାରି କରିଛନ୍ତି। ଏହି ମାମଲାରୁ ଛାଡ ପାଇବା ପାଇଁ ଏହି ୫ ଜଣ ଆବେଦନ କରିବା ଯୋଗୁଁ କୋର୍ଟ ପକ୍ଷରୁ ଏହି ନୂତନ ନୋଟିସ୍ ପଠାଯାଇଛି। ‘ହମ୍ ସାଥ୍ ସାଥ୍ ହୈ’ ସେଟ୍ରେ ହୋଇଥିବା ଏହି ଘଟଣାରୁ ମୁକ୍ତ ହେବା ପାଇଁ ଆବେଦନକୁ ବିରୋଧ କରି ରାଜସ୍ଥାନ ସରକାରଙ୍କ ପକ୍ଷରୁ ଆବେଦନ କରାଯିବା ପରେ କୋର୍ଟ ଏହି ନୋଟିସ୍ ଜାରି କରିଥିଲେ। ଏହି ପାଞ୍ଚ ଜଣଙ୍କୁ ଦୁଇ ମାସ ପରେ ହେବାକୁ ଥିବା ଶୁଣାଣିରେ ଯୋଗ ଦେବା ପାଇଁ କୋର୍ଟଙ୍କ ପକ୍ଷରୁ ନିର୍ଦ୍ଦେଶ ଦିଆାଯାଇଛି। ପୂର୍ବରୁ ବଲିଉଡ୍ ଅଭିନେତା ସଲ୍ମାନ ଖାନ୍ଙ୍କୁ ଏହି ମାମଲାରେ ପାଞ୍ଚ ବର୍ଷର ଜେଲ ଦଣ୍ଡାଦେଶ…
