ଆବୁଧାବିରୁ ୨୦୧୬ରେ ଧରାପଡିଥିବା ଆଇଏସ୍ ଲିଙ୍କରେ ଏନ୍ଆଇଏ ପକ୍ଷରୁ ଆଜି ହାଇଦ୍ରାବଦରେ ଚାରି ଯୁବକଙ୍କୁ ଗିରଫ କରାଯାଇଛି। ଅଗଷ୍ଟ ୨୦୧୮ରେ ଜାତୀୟ ତଦନ୍ତକାରୀ ସଂସ୍ଥା ପକ୍ଷରୁ ଗିରଫ କରାଯାଇଥିବା ତିନି ଯୁବକଙ୍କ ସହିତ ଏହି ଯୁବକ ମାନଙ୍କର ସମ୍ପର୍କ ରହିଥିଲା। ଏମାନଙ୍କୁ ଧରିବା ପାଇଁ ଏନ୍ଆଇଏ ପକ୍ଷରୁ ସର୍ଚ୍ଚ ଅପରେସନ୍ କରାଯାଇଥିଲା। ହାଇଦ୍ରାବାଦ ସହରର ବାହାରେ ଏକା ସମୟରେ ତିନି ସ୍ଥାନରେ ଏନ୍ଆଇଏ ପକ୍ଷରୁ ଚଢାଉ କରାଯାଇଥିଲା। ମାଇଲାରଦେବପଲ୍ଲକୀର କିଙ୍ଗସ୍ କଲୋନୀରୁ ଦୁଇଜଣ ଅଭିଯୁକ୍ତ ମହମ୍ମଦ ଅବ୍ଦୁଲ୍ ବସିଥ୍ ଏବଂ ମହମ୍ମଦ ଅବ୍ଦୁଲ୍ ଖାଦିରଙ୍କୁ ଗିରଫ କରିଥିଲା। ଅନ୍ୟ ଦୁଇ ଗିରଫ ଅଭିଯୁକ୍ତଙ୍କ ପରିଚୟ ପ୍ରକାଶ କରିନାହିଁ ଏନ୍ଆଇଏ। ଶନିବାର ଭୋର ଚାରିଟା ସମୟରୁ ଏନ୍ଆଇଏ ପକ୍ଷରୁ ଏହି ସର୍ଚ୍ଚ ଅପରେସନ୍ ଆରମ୍ଭ କରାଯାଇଥିଲା। ଏହାପରେ ମିଳିଥିବା ସୂଚନା ଅନୁଯାୟୀ ବନ୍ଦଲାଗୁଡା ଏବଂ ଫଲକନୁମାରେ ମଧ୍ୟ ସର୍ଚ୍ଚ ଅପରେସନ୍ ଜାରି ରଖିଥିଲା ଏନ୍ଆଇଏ।
Author: Samikhsya Bureau
କଏଦୀଙ୍କ ପିଠିରେ ଓଁ ଖୋଦା ଯାଇଥିବା ଘଟଣାର ତଦନ୍ତ ଆଦେଶ ଦେଇଛନ୍ତି ଦିଲ୍ଲୀ ହାଇକୋର୍ଟ। ଜେଲ୍ ଅଧିକାରୀ ଏବଂ ଡିଜିପିଙ୍କୁ ଏହି ମାମଲାରେ ଉତ୍ତର ରଖିବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି। ଜଣେ ସଂଖ୍ୟାଲଘୁ ସମ୍ପ୍ରଦାୟର କଏଦୀଙ୍କ ପିଠିରେ ଜେଲର ଓଁ ଟାଟୁ ଖୋଦେଇ କରିଥିବା ନେଇ ଅଭିଯୋଗ ଆସିଥିଲା। ୨୪ ଘଣ୍ଟା ମଧ୍ୟରେ ତଦନ୍ତ କରି ରିପୋର୍ଟ ପ୍ରଦାନ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଏହି ବିଚାରାଧୀନ କଏଦୀ ଜଣଙ୍କୁ ଜେଲର ରାଜେଶ ଚୌହାନ ନିର୍ଯାତନା ଦେଉଥିବା ତଥା ଖାଇବାକୁ ଦେଉନଥିବା ନେଇ ଅଭିଯୋଗ ଆସିଥିଲା। ମେଟ୍ରୋପଲିଟାନ୍ ମାଜିଷ୍ଟ୍ରେଟ୍ ରିଚା ପରିହାର ମାମଲାର ବିଚାର କରି ତୁରନ୍ତ ଏକ ଚିକିତ୍ସକ ଦଳ ମାମଲାର ପରୀକ୍ଷଣ କରିବା ସହିତ ଡିଜିପିଙ୍କୁ ରିପୋର୍ଟ ପ୍ରଦାନ ପାଇଁ ମଧ୍ୟ ଆଦେଶ ଦେଇଛନ୍ତି। ଏପ୍ରିଲ୍ ୧୨ ତାରିଖରେ ଏହି ଘଟଣା ଘଟିଥିଲା। କଏଦୀଙ୍କ ସୁରକ୍ଷା ପାଇଁ ତାଙ୍କୁ ଅନ୍ୟ ଜେଲ୍କୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦିଆଯାଇଛି।
ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଏବଂ କେଏଲ୍ ରାହୁଲଙ୍କୁ କଫି ଓ୍ବିଥ୍ କରନ୍ ମାମଲାରେ ୨୦ ଲକ୍ଷ ଟଙ୍କାର ଅର୍ଥ ଦଣ୍ଡରେ ଦଣ୍ଡିତ କରାଯାଇଛି। କଫି ଓ୍ବିଥ୍ କରନ୍ରେ ମହିଳାଙ୍କ ବିରୋଧରେ ଅଶାଳୀନ ମନ୍ତବ୍ୟ ପାଇଁ ଉଭୟ କ୍ରିକେଟରଙ୍କୁ ପୂର୍ବରୁ ଅଷ୍ଟ୍ରେଲିଆ ଗସ୍ତରୁ ବାହାର କରାଯାଇଥିଲା। ଏହାପରେ ଉଭୟ ବିସିସିଆାଇର ଶୃଙ୍ଖଳାଗତ ଟିମ୍ ସାମ୍ନାରେ ହାଜର ହୋଇଥିଲେ। ବିସିସିଆଇ ଓମ୍ବଡସ୍ମେନ୍ ଡିକେ ଜୈନ୍ ଉଭୟଙ୍କ ମାମଲାର ବିଚାର କରି ଶନିବାର ୨୦ ଲକ୍ଷର ଅର୍ଥ ଦଣ୍ଡ ଶୁଣାଇଛନ୍ତି। ଏହି ଅର୍ଥ ରାଶିରୁ ୧୦ଜଣ ଅର୍ଦ୍ଧ ସାମରିକ ବାହିନୀଙ୍କ ବିଧବା ପତ୍ନୀଙ୍କୁ ୨ ଲକ୍ଷ ଲେଖାଏଁ ସହାୟତା ରାଶି ଘୋଷଣା କରିଥିଲେ। ଅନ୍ୟ ୨୦ ଲକ୍ଷ ଦୃଷ୍ଟିହୀନ କ୍ରିକେଟ ଏକାଡେମୀ(ସିଏବି) କୁ ପ୍ରଦାନ କରାଯିବ ବୋଲି ଜୈନ୍ କହିଛନ୍ତି। ଏହି ଅର୍ଥରାଶି ୪ସପ୍ତାହ ମଧ୍ୟରେ ଦାଖଲ କରିବା ପାଇଁ ନିର୍ଦ୍ଦେଶ ଦେଇଛନ୍ତି ଜୈନ୍। ଯଦି ଚାରି ସପ୍ତାହ ମଧ୍ୟରେ ଉଭୟ ଅର୍ଥରାଶି ଜମା…
ସମୀକ୍ଷାବ୍ୟୁରୋ ଭାରତର ସପ୍ତଦଶ ଲୋକସଭା ନିର୍ବାଚନର ଦୁଇଟି ପର୍ଯ୍ୟାୟ ଇତିମଧ୍ୟରେ ସମାପ୍ତ ହୋଇଗଲାଣି। ଏ ପର୍ଯ୍ୟନ୍ତ ହୋଇଥିବା ନିର୍ବାଚନୀ ପ୍ରକ୍ରିୟାରେ ସାରାଂଶ ଆମେ ଏଇୟା ଲକ୍ଷ୍ୟ କଲୁ ଯେ, ରାଜନୀତିରେ କୌଣସି ବ୍ୟକ୍ତିବିଶେଷ ବା କୌଣସି ଅନୁଷ୍ଠାନ ବିରୋଧରେ ଅଭିଯୋଗ କରିବା କୌଣସି ମୌଳିକ ବିଧିଶସ୍ତ୍ର ଭିତରେ ଆସେ ନାହିଁ। ଆଜିର ନୈତିକତା ହୁଏତ ଆସନ୍ତାକାଲିର ରୁଗ୍ଣ ମାନସିକତା ହୋଇପାରେ। ସବୁ ନିଜ ନିଜର ପସନ୍ଦ ଉପରେ ନିର୍ଭର କରେ। ଚଳିତ ଥର ଓଡ଼ିଶା ରାଜନୀତିରେ ବହୁତ ବ୍ୟତିକ୍ରମ ଦେଖାଦେଇଛି। ବହୁ ରାଜନୈତିକ ବ୍ୟକ୍ତିବିଶେଷ ମାନେ ନିଜ ନିଜର ଦଳ ପରିବର୍ତ୍ତନ କରିଛନ୍ତି। କିନ୍ତୁ ଅନେକ ସମୟରେ ଦେଖାଦେଇଛି ଯେ, ବର୍ଷ ବର୍ଷ ଧରି ରାଜନୈତିକ ଦଳ ଦ୍ଵାରା ଉପକୃତ ହୋଇଥିବା ବ୍ୟକ୍ତି ହଠାତ ଦଳ ଛାଡିବା ଓ ଅନ୍ୟ ଦଳକୁ ଯିବା ପରେ ପୂର୍ବ ଦଳରେ କେବଳ ଖଳ ପ୍ରକୃତି ର ଲୋକ ଅଛନ୍ତି ବୋଲି ହଠାତ ଆବିଷ୍କାର କରିବା ହୁଏତ ସମ୍ପୃକ୍ତ ବ୍ୟକ୍ତିକୁ ବ୍ୟାକ ଫୁଟ…
ବଲିଉଡ୍ ଅଭିନେତ୍ରୀ ମମତା କୁଲକର୍ଣ୍ଣୀଙ୍କ ଆଜି ୪୭ତମ ଜନ୍ମଦିବସ। ୧୯୭୨ ମସିହା ଏପ୍ରିଲ୍ ୨୦ ତାରିଖରେ ମୁମ୍ବାଇର ଏକ ମରାଠୀ ପରିବାରରେ ଜନ୍ମଗ୍ରହଣ କରିଥିଲେ ମମତା। ୧୯୯୨ ମସିହାରେ ’ତ୍ରିରଙ୍ଗା’ ଫିଲ୍ମ ଜରିଆରେ ବଲିଉଡ୍ରେ ପାଦ ଥାପିଥିଲେ ଏହି ସୁନ୍ଦରୀ ଲଳନା ଜଣକ। ୧୯୯୩ ମସିହାରେ ‘ଆଶିକ୍ ଆଓ୍ବାରା’ ଫିଲ୍ମରେ ଅଭିନୟ କରି ସେ ନବାଗତାର ଫିଲ୍ମଫେୟାର୍ ପୁରସ୍କାର ପାଇଥିଲେ। ପରବର୍ତ୍ତୀ ସମୟରେ ସେ ‘ଓ୍ବକ୍ତ ହମାରା ହୈ’, ‘କ୍ରାନ୍ତିବୀର୍’, ‘କରନ୍ ଅର୍ଜୁନ୍’, ‘ସବ୍ସେ ବଡ଼ା ଖିଲାଡି’, ‘ବାଜି’, ପ୍ରମୁଖ ଫିଲ୍ମରେ ବେଶ୍ ଉଚ୍ଚକୋଟୀର ଅଭିନୟ କରିଛନ୍ତି। ଏତତ୍ବ୍ୟତୀତ ମମତା ଅନେକଗୁଡ଼ିଏ ଫିଲ୍ମରେ ଆଇଟମ୍ ଡ୍ୟାନ୍ସ ମଧ୍ୟ କରିଛନ୍ତି। ଶେଷଥର ପାଇଁ ମମତାଙ୍କୁ ୨୦୦୩ରେ ଆସିଥିବା ‘କଭି ତୁମ୍ କଭି ହମ୍’ ଫିଲ୍ମରେ ଦେଖିବାକୁ ମିଳିଥିଲା। ସେ ଷ୍ଟାର୍ଡଷ୍ଟ୍ ମ୍ୟାଗାଜିନ୍ ପାଇଁ ଟପ୍ଲେସ୍ ଫଟୋଶୁଟ୍ କରି ବେଶ୍ ଚର୍ଚ୍ଚାରେ ଆସିଥିଲେ। ପରବର୍ତ୍ତୀ ସମୟରେ ତାଙ୍କ ଉପରେ ଅଶ୍ଲୀଳତାର ପ୍ରଚାର କରିବା ଅଭିଯୋଗ…
ପଶ୍ଚିମବଙ୍ଗରେ ଏକ ନିର୍ବାଚନ ପ୍ରଚାର କାର୍ଯ୍ୟକ୍ରମରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ କଡା ସମାଲୋଚନା କରିଛନ୍ତି ମୋଦି। ମୋଦି କହିଛନ୍ତି ରାଜ୍ୟରେ ଦୁଇଟି ପର୍ଯ୍ୟାୟର ନିର୍ବାଚନ ପରେ ବର୍ତ୍ତମାନ ଦିଦିଙ୍କ ନିଦ ହଜିଯାଇଛି। ମେ ୨୩ରେ ନିର୍ବାଚନ ଫଳାଫଳ ଆସିବା ପରେ ଗୁଣ୍ଡାଗର୍ଦ୍ଦି, ସାଧାରଣ ଜନତାଙ୍କ ଅର୍ଥ ହରିଲୁଟ ଏବଂ ବିକାଶରେ ବାଧା ସୃଷ୍ଟି କରିବାର ପରିଣାମ କଣ ହୁଏ ତାହା ଜାଣି ପାରିବେ ବୋଲି କହିଥିଲେ ମୋଦି। ମୋଦି କହିଥିଲେ ରାଜ୍ୟର ବିକାଶରେ ବାଧା ସୃଷ୍ଟି କରୁଥିବା ସ୍ପିଡ୍ ବ୍ରେକର୍ ଦିଦିଙ୍କ ନିଦ ବର୍ତ୍ତମାନ ହଜିଯାଇଛି। ୨୩ ତାରିଖରେ ମୋଦି ସରକାର ଗଠନ ହେବା ପରେ ପଶ୍ଚିମବଙ୍ଗକୁ ବାଂଲାଦେଶୀ ଅନୁପ୍ରବେଶ କାରୀଙ୍କୁ ରୋକିବାରେ କଡା ପଦକ୍ଷେପ ଗ୍ରହଣ କରାଯିବ ବୋଲି ମୋଦି କହିଥିଲେ। ସର୍ବଦା ମମତା ‘ମା, ମାଟି , ମାନୁଷ’ର ନାରା ଦେଉଥିଲେ ମଧ୍ୟ ପଶ୍ଚିମବଙ୍ଗ ବାସୀଙ୍କ ଅର୍ଥକୁ ଚିଟ୍ଫଣ୍ଡ ଜରିଆରେ ଲୁଟିଛନ୍ତି ବୋଲି ମୋଦି କହିଥିଲେ। ସେହିପରି…
୨୦୧୯ ସାଧାରଣ ନିର୍ବାଚନ ପାଇଁ ସମସ୍ତ ରାଜନୈତିକ ଦଳ ଅଣ୍ଟା ଭିଡ଼ିସାରିଛନ୍ତି। ଇତିମଧ୍ୟରେ ଦେଶରେ ଦୁଇଟି ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହୋଇସାରିଲାଣି ଏହା ମଧ୍ୟରେ ଆପ ଓ କଂଗ୍ରେସ ମେଣ୍ଟ କରିବା ନେଇ ଯେଉଁ କଳ୍ପନା ଲାଗି ରହିଥିଲା, ତାହା ଉପରୁ ପରଦା ଉଠିଯାଇଛି। ମେଣ୍ଟ ପାଇଁ କଂଗ୍ରେସ ରାଜି ନଥିବା ସୂଚନା ମିଳିଛି। ହରିୟାଣାରେ ମଧ୍ୟ କଂଗ୍ରେସ ମେଣ୍ଟ ପାଇଁ ମନା କରିଦେଇଛି। ପୂର୍ବରୁ ପଂଜାବ ଓ ଗୋଆରେ ବି ମେଣ୍ଟକୁ ପ୍ରତ୍ୟାଖ୍ୟାନ କରିଥିଲା କଂଗ୍ରେସ। ଆପର ସିସୋଦିୟା ଗଣମାଧ୍ୟମରେ ଜଣାଇଛନ୍ତି ଯେ, ଦେଶରୁ ଭଷ୍ଟ୍ରାଚାର ଦୂରେଇବାକୁ ଆପ ନିଜ ପରିଚୟ ସୃଷ୍ଟି କରିଥିଲା। ସଂଘୀୟ ଗଣତନ୍ତ୍ର ପାଇଁ ଅମିତ୍ ଶାହା – ନରେନ୍ଦ୍ର ମୋଦିଙ୍କ ଯୋଡ଼ି କବଳରୁ ବଂଚାଇବା ଆପ୍ର ଲକ୍ଷ୍ୟ। ସାମ୍ପ୍ରଦାୟିକ ଶକ୍ତି ଦେଶକୁ ଉଜାଡ଼ି ନଦେଉ ତେଣୁ ବର୍ତ୍ତମାନ ଆପ କଂଗ୍ରେସର ସାଥ ଚାହୁଁଛି। ଯଦି ପୁନର୍ବାର ଶାହା-ମୋଦି ସତ୍ତାକୁ ଆସିବେ, ଏଥିପାଇଁ କେବଳ କଂଗ୍ରେସ…
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆକ୍ରମଣ କରିଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚ୍ଡି କୁମାର ସ୍ବାମୀ। ନିଜ ପିତା ଏଚ୍ଡି ଦେବେଗୌଡା ମୋଦିଙ୍କ ଠାରୁ ଭଲ ପ୍ରଧାନମନ୍ତ୍ରୀ ଥିଲେ ବୋଲି କହିଛନ୍ତି କୁମାରସ୍ବାମୀ। ଚଳିତ ଲୋକସଭା ନିର୍ବାଚନ ପୂର୍ବରୁ ଏକ ସାକ୍ଷାତକାରରେ କୁମାରସ୍ବାମୀ କହିଛନ୍ତି, ଏଚ୍ଡି ଦେବେଗୌଡା ମାତ୍ର ୧୦ ମାସ ପ୍ରଧାନମନ୍ତ୍ରୀ ରହିଥିଲେ ମାତ୍ର କମ୍ ସମୟ ମଧ୍ୟରେ ସେ ମୋଦିଙ୍କ ଠାରୁ ଅନେକ ଭଲ କାମ କରିଛନ୍ତି। ଦେଶର ଅନ୍ତରୀଣ ସୁରକ୍ଷା ବ୍ୟବସ୍ଥା ଦେବେଗୌଡାଙ୍କ ସରକାର ସମୟରେ ସୁଦୃଢ ଥିଲା ବୋଲି କୁମାରସ୍ବାମୀ କହିଛନ୍ତି। ଦେବେଗୌଡାଙ୍କ ସମୟରେ ଗୋଟିଏ ବି ଆତଙ୍କବାଦୀ ଆକ୍ରମଣ ହୋଇନଥିବା ବେଳେ ଦେଶରେ ଶାନ୍ତିର ପରସ୍ଥିତି ରହିଥିଲା। ସୂଚନାଯୋଗ୍ୟ ଯ, ଜେଡିଏସ୍ ମୁଖ୍ୟ ଦେବେଗୌଡା ଜୁନ୍୧,୧୯୯୬ରୁ ଏପ୍ରିଲ୍ ୨୧, ୧୯୯୭ ପର୍ଯ୍ୟନ୍ତ ପ୍ରଧାନମନ୍ତ୍ରୀ ପଦବୀରେ ରହିଥିଲେ। ଦେବେଗୌଡା ପ୍ରଧାନମନ୍ତ୍ରୀ ଥିବା ସମୟରେ କୌଣସି ଆତଙ୍କବାଦୀ ଆକ୍ରମଣ, ବିସ୍ଫୋରଣ ହୋଇନଥିଲେ ମଧ୍ୟ ସେ କେବେବି ଏହାକୁ ନିଜରୁ ରାଜନୈତିକ…
ଏକ ନିର୍ବାଚନୀ ପ୍ରଚାର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରିଛନ୍ତି ପ୍ରିୟଙ୍କା ଗାନ୍ଧୀ। ପୂର୍ବ ଉତ୍ତର ପ୍ରଦେଶରେ ଦଳର ସାଧାରଣ ସମ୍ପାଦକ ରହିଥିବା ପ୍ରିୟଙ୍କା ମୋଦିଙ୍କୁ ଜଣେ ଦୁର୍ବଳ ପ୍ରଧାନମନ୍ତ୍ରୀ ବୋଲି ଅଭିହିତ କରିବା ସହିତ ସେ କେବଳ ବିଜେପିର ବିକାଶ ପାଇଁ କାର୍ଯ୍ୟରତ ବୋଲି କହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୫୬ ଇଞ୍ଚର ଛାତି ଉପରେ ମତ ରଖି ପ୍ରିୟଙ୍କା କହିଥିଲେ, ମୋଦି ୫୬ ଇଞ୍ଚର ଛାତି କଥା କାହିଁକି କୁହନ୍ତି? କାରଣ ସେ ଜଣେ ଭୀରୁ ଏବଂ ଗଣତନ୍ତ୍ରକୁ ଦୁର୍ବଳ କରିବା ପାଇଁ ଚାହୁଁଛନ୍ତି। କାନପୁରରେ ଏହି ରାଲି ସମୟରେ ମୋଦି ଏବଂ ରାହୁଲଙ୍କ ତୁଳନା କରି କହିଥିଲେ, ମୋଦି ସାଧାରଣ ସମାଲୋଚନା ସହ୍ୟ କରନ୍ତି ନାହିଁ ଯେତେବେଳେ କି ରାହୁଲ ଗାଳିକୁ ମଧ୍ୟ ହସି ଏଡେଇ ଯାଆନ୍ତି। ମୋଦି ଜଣେ ଅସହିଷ୍ଣୁ ରାଜନେତା ମାତ୍ର ରାହୁଲ ବୁତ ଧୈର୍ଯ୍ୟବାନ ବୋଲି ପ୍ରିୟଙ୍କା କହିଥିଲେ। ମୋଦି ସରକାରକୁ…
ନିଜ ନାମରେ ରହିଥିବା ଯୌନ ନିର୍ଯାତନା ମାମଲାକୁ ଖଣ୍ଡନ କରିଛନ୍ତି ସୁପ୍ରିମ୍କୋର୍ଟର ମୁଖ୍ୟ ବିଚାରପତି ରଞ୍ଜନ ଗୋଗୋଇ। ଅକ୍ଟୋବର ୨୦୧୬ରୁ ୨୦୧୮ ପର୍ଯ୍ୟନ୍ତ ଗୋଗୋଇଙ୍କ କୋର୍ଟରେ ସହକାରୀ ଭାବରେ କାର୍ଯ୍ୟ କରିଥିବା ଜନୈକ ମହିଳା ଅକ୍ଟୋବର ୨୦୧୮ରେ ତାଙ୍କ ନାମରେ ଅଭିଯୋଗ ବାଢିଥିଲେ। ନିଜର ସତ୍ୟପାଠ ସେ ସମସ୍ତ ସୁପ୍ରିମ୍କୋର୍ଟ ବିଚାରପତିଙ୍କୁ ପଠାଇବା ସହିତ ଗଣମାଧ୍ୟମ ଅଧିକାରୀଙ୍କୁ ମଧ୍ୟ ପଠାଇଛନ୍ତି। ମାମଲାର ଶୁଣାଣି ପାଇଁ ସୁ୍ପ୍ରିମ୍କୋର୍ଟ ସାଧାରଣ ସମ୍ପାଦକ ସଞ୍ଜୀବ ସୁଧାକର କାଲଗାଓଁକର ଏହି ମାମଲାକୁ କପୋଳ କଳ୍ପିତ ବୋଲି ଅଭିହିତ କରିବା ସହ ଖୁବ୍ ଶୀଘ୍ର ମାମଲାର ଶୁଣାଣି କରାଯିବ ବୋଲି କହିଥିଲେ। ମହିଳା ଜଣଙ୍କ ନିଜ ସତ୍ୟପାଠ ଏକାଧିକ ବିଚାରପତିଙ୍କ ନିକଟକୁ ପଠାଇଥିବା ନେଇ ସୂଚନା ଦେଇଛନ୍ତି କାଲଗାଓଁକର। ମହିଳାଙ୍କ ଅଭିଯୋଗ ଅନୁଯାୟୀ, ବିଗତ ପାଞ୍ଚ ମାସ ମଧ୍ୟରେ ମୋତେ ଏବଂ ମୋ ପରିବାରକୁ ଜାଣିଶୁଣି ହଇରାଣ କରାଯାଉଛି। ଅକ୍ଟୋବର ୨୦୧୬ରୁ ୨୦୧୮ ପର୍ଯ୍ୟନ୍ତ ଗୋଗୋଇଙ୍କ କୋର୍ଟରେ ସହକାରୀ…
ବଲିଉଡ୍ରେ ଏବେ ପୁରୁଣା ଫିଲ୍ମକୁ ଆଉଥରେ ରିମେକ୍ କରାଯାଉଛି। ୧୯୭୮ର ଲୋକପ୍ରିୟ ଫିଲ୍ମ ‘ପତି ପତ୍ନୀ ଔର ଓ୍ବ’କୁ ରିମେକ୍ କରାଯାଉଛି। ଏହି ଫିଲ୍ମରେ କାର୍ତ୍ତିକ ଆର୍ଯ୍ୟନ୍, ଭୂମି ପେଡେନ୍କର୍ ଓ ଅନ୍ୟାନ୍ୟ ପାଣ୍ଡେ ପ୍ରମୁଖ ଅଭିନୟ କରୁଛନ୍ତି। ଏହିପରି ବଲିଉଡ୍ର ଆଉ ଏକ ସୁପରହିଟ୍ ଫିଲ୍ମର ରିମେକ୍ ହେବା ପାଇଁ ପ୍ରସ୍ତୁତି ଚାଲିଛି। ମିଳିଥିବା ସୂଚନା ଅନୁସାରେ ୧୯୭୫ର ସୁପରହିଟ୍ କମେଡ଼ି ଫିଲ୍ମ ‘ଚୁପ୍କେ ଚୁପ୍କେ’ ଫିଲ୍ମର ରିମେକ୍ ହେବ। ଏଥିରେ ରାଜକୁମାର ରାଓ ମୁଖ୍ୟ ଭୂମିକାରେ ନଜର ଆସିବେ। ପ୍ରଯୋଜକ ଭୂଷଣ କୁମାର ଓ ଲଭ୍ ରଞ୍ଜନଙ୍କ ମିଳିତ ଉଦ୍ୟମରେ ଏହି ଫିଲ୍ମଟି ନିର୍ମାଣ ହେବା ନେଇ ଖବର ରହିଛି। ରାଜକୁମାର ଏଥିରେ ଧର୍ମେନ୍ଦ୍ର ଅଭିନୀତ ପ୍ରଫେସର ପରିମଲ୍ ତ୍ରିପାଠି ଆକା ପ୍ୟାରେଲାଲ୍ଙ୍କ ଭୂମିକାରେ ନଜର ଆସିବେ। ମୂଳ ଫିଲ୍ମରେ ଧର୍ମେନ୍ଦ୍ରଙ୍କ ବ୍ୟତୀତ ଅମିତାଭ ବଚ୍ଚନ, ସୁକୁମାର ସିହ୍ନା, ଶର୍ମିଳା ଟାଗୋର୍ ପ୍ରମୁଖ ନଜର ଆସିଥିଲେ। ତେବେ ଏହି…
ଭୋପାଳରୁ ବିଜେପିର ପ୍ରାର୍ଥୀ ହୋଇଥିବା ସାଧ୍ବୀ ପ୍ରଜ୍ଞା ସିଂ ଠାକୁରଙ୍କୁ ଟାର୍ଗେଟ୍ କରିଛନ୍ତି କଂଗ୍ରେସ ସଭାପତି ରାହୁଲ ଗାନ୍ଧୀ। ପ୍ରଜ୍ଞା ଗତକାଲକି ପୂର୍ବତନ ଏଟିଏସ୍ ମୁଖ୍ୟ ହେମନ୍ତ କାର୍କାରେଙ୍କ ବିପକ୍ଷରେ ବିବାଦୀୟ ବୟାନ ଦେଇଥିଲେ। ଏହା ଉପରେ ପ୍ରଜ୍ଞାଙ୍କୁ ଆକ୍ରମଣ କରିଛନ୍ତି ରାହୁଲ। ରାହୁଲ କହିଛନ୍ତି କାର୍କାରେ ଦେଶ ପାଇଁ ପ୍ରାଣବଳି ଦେଇଥିବା ଜଣେ ଶହିଦ। ଜଣେ ଶହିଦଙ୍କୁ ସମ୍ବୋଧନ କରିବାର ଶାଳୀନତା ଆପଣଙ୍କର ରହିବା ଉଚିତ୍ ବୋଲି ରାହୁଲ କହିଛନ୍ତି। ସୂଚନାଯୋଗ୍ୟ ଯେ, ୨୬/୧୧ ଆକ୍ରମଣରେ ଆତଙ୍କୀଙ୍କ ମୁକାବିଲା କରିବା ସମୟରେ ପ୍ରାଣବଳି ଦେଇଥିଲେ କାର୍କାରେ। କାର୍କାରେଙ୍କ ସହିତ ଅନ୍ୟ ଦୁଇ ପୋଲିସ ଅଫିସର ଅଶୋକ କାମତେ ,ଏବଂ ବିଜୟ ସାଲ୍ସାକର ମଧ୍ୟ ଶହିଦ ହୋଇଥିଲେ। ସୂଚନା ଯୋଗ୍ୟ ଯେ ଗତକାଲି ଏକ ନିର୍ବାଚନୀ ସଭାରେ ପ୍ରଜ୍ଞା କହିଥିଲେ, ମୁଁ ତାଙ୍କୁ ଅଭିଶାପ ଦେଇଥିଲି କି ତୁମେ ଶେଷ ହୋଇଯିବ ଏବଂ ଦୁଇ ମାସ ମଧ୍ୟରେ ତାଙ୍କର ମୃତ୍ୟୁ ଘଟିଥିଲା।…
କେନ୍ଦ୍ରାପଡା ଜିଲ୍ଲାର ବରିଷ୍ଠ ବିଜେଡି ନେତା ବେଦ ପ୍ରକାଶ ଅଗ୍ରୱାଲଙ୍କ ପରଲୋକ ହୋଇଯାଇଛି। ସେ ଚଳିତ ନିର୍ବାଚନରେ ପାଟକୁରାରୁ ବିଜେଡି ପ୍ରାର୍ଥୀ ଭାବେ ମଇଦାନକୁ ଓହ୍ଲାଇଥିଲେ। ବେଦପ୍ରକାଶ ଦୀର୍ଘ ଦିନ ଧରି ଅସୁସ୍ଥ ଥିଲେ। ଆଜି ସକାଳେ ଭୁବନେଶ୍ୱରରେ ଏକ ଘରୋଇ ହସ୍ପିଟାଲରେ ସେ ପ୍ରାଣ ହରାଇଛନ୍ତି। ସେ ପାଟକୁରାରୁ ୨୦୦୯ ଏବଂ ୨୦୧୪ରେ ବିଧାୟକ ଭାବେ ନିର୍ବାଚିତ ହୋଇଥିଲେ। ପାଟକୁରାରୁ ବିଜେପି ତରଫରୁ ବିଜୟ ମହାପାତ୍ର ଏଥର ନିର୍ବାଚନ ରଣାଙ୍ଗନକୁ ଓହ୍ଲାଇଛନ୍ତି। ଆସନ୍ତା ଏପ୍ରିଲ୍ ୨୯ ତାରିଖରେ ଏହି ସଂସଦୀୟ କ୍ଷେତ୍ରରେ ନିର୍ବାଚନ ଅନୁଷ୍ଠିତ ହେବ।
କାନପୁରରେ ପୂର୍ବା ଏକ୍ସପ୍ରେସ ଲାଇନଚ୍ୟୁତ ହେବା ଫଳରେ ୨୦ ଜଣ ଯାତ୍ରୀ ଆହତ ହୋଇଛନ୍ତି। ଶୁକ୍ରବାର ରାତିରେ ଘଟିଥିବା ଏହି ଦୁର୍ଘଟଣାଟି ରୁମା ରେଳ ଷ୍ଟେସନ୍ ନିକଟସ୍ଥ ପ୍ରୟାଗରାଜ- କାନପୁର- ଦିଲ୍ଳକୀ ଗ୍ରାଣ୍ଡ କର୍ଡରେ ଘଟିଥିଲା। ଟ୍ରେନ୍ର ସମୁଦାୟ ୧୦ଟି ବଗି ଲାଇନଚ୍ୟୁତ ହୋଇଥିବା ବେଳେ ୪ ଟି ବଗି ଓଲଟି ପଡିଥିଲା। ଉତ୍ତର ପ୍ରଦେଶ ଡିଜି ଆନନ୍ଦ କୁମାର ଏହି ଖବର ଗଣମାଧ୍ୟମକୁ ଜଣାଇଛନ୍ତି। ରାତି ୧.୦୦ଟାରେ ହୋଇଥିବା ଏହି ଦୁର୍ଘଟଣାରେ କେହି ମୃତାହତ ହୋଇନଥିବା ବେଳେ ଆହତ ମାନଙ୍କୁ କାନପୁର ହସ୍ପିଟାଲରେ ଭର୍ତ୍ତି କରାଯାଇଛି। ସମସ୍ତ ଯାତ୍ରୀଙ୍କୁ ଅନ୍ୟ ଟ୍ରେନ୍ ଦ୍ବାରା ପଠାଯାଇଥିବା ଆନନ୍ଦ କୁମାର ସୂଚନା ଦେଇଛନ୍ତି। ଦୁର୍ଘଟଣାର କାରଣ ସ୍ପଷ୍ଟ ହୋଇନଥିଲେ ମଧ୍ୟ ଦୁର୍ଘଟଣା ପୂର୍ବରୁ ଏକ ବିସ୍ଫୋରଣ ହୋଇଥିବା ଯାତ୍ରୀ ମାନେ କହିଛନ୍ତି। ଏନେଇ ତଦନ୍ତ ଜାରି ରହିଛି। ଏହା ସହିତ ଏହି ରୁଟ୍ରେ ଟ୍ରେନ୍ ଚଳାଚଳ ବର୍ତ୍ତମାନ ବାଧାପ୍ରାପ୍ତ ହୋଇଛି।
ଓଡ଼ିଶାରେ କେନ୍ଦ୍ରମନ୍ତ୍ରୀ ରାଜନାଥ ସିଂହ। ଆଜି ଓଡ଼ିଶାର ତିନୋଟି ସ୍ଥାନରେ ନିର୍ବାଚନୀ ପ୍ରଚାର କରିଛନ୍ତି। ମୟୂରଭଞ୍ଜ, ନୟାଗଡ଼, କଟକ ସଦର ସମାବେଶରେ ଯୋଗଦେଇଛନ୍ତି ରାଜନାଥ ଏହି ଅବସରରେ ରାଜ୍ୟ ସରକାରଙ୍କ ଉପରେ ବର୍ଷିବା ସହିତ ଓଡ଼ିଶାରେ ବିଜେପି ସରକାର ଆସିଲେ ଓଡ଼ିଶାର ଉନ୍ନତି ନେଇ ପ୍ରତିଶ୍ରୁତି ଦେଇ ବିଜେପି ସମର୍ଥିତ ପ୍ରାର୍ଥୀଙ୍କୁ ଭୋଟ ଦେବାକୁ ଅନୁରୋଧ କରିବା ସହ କୌଣସି ମୌଳିକ ସୁବିଧା ଦେଉନଥିବା ଓଡ଼ିଶା ସରକାରଙ୍କୁ ବଦଳାଇବାକୁ ଜନସାଧାରଣଙ୍କୁ ଅନୁରୋଧ କରିଛନ୍ତି ରାଜନାଥ। ଓଡ଼ିଶାବାସୀ ବିଜେଡ଼ିକୁ ବାରମ୍ବାର ଦେଖିଲେଣି, ଥରେ ତାଙ୍କୁ ସୁଯୋଗ ଦେଇ ଦେଖିବାକୁ ସେ କହିଛନ୍ତି। ସେହିପରି ବିଜେପି ସରକାର ଗରିବଙ୍କ ସ୍ବାର୍ଥ ପାଇଁ ସମ୍ପୂର୍ଣ୍ଣ ଭାବେ ସମର୍ପିତ ବୋଲି କହିବା ସହିତ ୫ ବର୍ଷ ତଳେ ଭାରତରେ ୧୨.୫ କୋଟି ଗରିବ ଥିଲେ। ଏବେ ଏହି ସଂଖ୍ୟା ୫ କୋଟିକୁ ହ୍ରାସ ପାଇଛି ବୋଲି କହିଛନ୍ତି ରାଜନାଥ। ପିଏମ୍ କିଷାନ ଯୋଜନା ଚାଷୀଙ୍କ ତାଲିକା ଦେଇନାହାନ୍ତି…
ରାଜନୀତିରେ ସବୁବେଳେ କିଛି ନା କିଛି ବିଚିତ୍ର ଘଟଣା ଦେଖିବାକୁ ମିଳିଥାଏ । ତେବେ ଆଜି ଦୁଇ ଦଶନ୍ଧି ଧରି ରହିଥିବା ଶତ୍ରୁତା ଆଜି ମିତ୍ରତାରେ ପରିଣତ ହୋଇଥିବାର ଦେଖିବାକୁ ମିଳିଛି । ୨୪ ବର୍ଷ ପରେ ଦୁଇ ରାଜନୈତିକ ଶତ୍ରୁ ଆଜି ମିତ୍ରରେ ପରିଣତ ହୋଇ ଏକାଠି ଏକ ସଭାକୁ ସମ୍ବୋଧନ କରିଛନ୍ତି । ମୈନ୍ପୁରୀରେଠାରେ ଆୟୋଜିତ ଏକ ରାଲିରେ ସମାଜବାଦୀ ଦଳର ସଂସ୍ଥାପକ ମୁଲାୟମ୍ ସିଂ ଯାଦବ ଓ ବହୁଜନ ସମାଜ ପାର୍ଟିର ସୁପ୍ରିମୋ ମାୟାବତୀଙ୍କୁ ଏକାଠି ଏକସାଙ୍ଗରେ ଦେଖିବାକୁ ମିଳିଥିଲା । ଉତ୍ତରପ୍ରଦେଶରେ ସମାଜବାଦୀ ପାର୍ଟି ଓ ବହୁଜନ ସମାଜ ପାର୍ଟି ଉଭୟ ମେଣ୍ଟ କରି ଚଳିତ ନିର୍ବାଚନ ଲଢୁଛନ୍ତି । ଚଳିତଥର ମୈନପୁରୀରୁ ସମାଜବାଦୀର ସଂସ୍ଥାପକ ମୁଲାୟମ୍ ସିଂ ନିର୍ବାଚନ ଲଢୁଛନ୍ତି । ସମସ୍ତ ରାଗରୋଷ ତଥା ଶତ୍ରୁତାକୁ ଭୁଲି ମାୟାବତୀ ଆଜି ମୁଲାୟମ୍କୁ ପାଇଁ ପ୍ରଚାର କରିଛନ୍ତି । ଏହି ଅବସରରେ ମାୟାବତୀ କହିଛନ୍ତି…
ଦକ୍ଷିଣ ଆଫ୍ରିକାରେ ଏକ ଚର୍ଚ୍ଚର ଛାତ ଭୁଷୁଡି ୧୩ ଜଣ ଲୋକଙ୍କର ପ୍ରାଣହାନି ଘଟିଛି। ପୂର୍ବ ଦକ୍ଷିଣ ଆଫ୍ରିକାର ଡର୍ବାନରେ ଏହି ଅଭାବନୀୟ ଘଟଣା ଘଟିଛି। ଏହି ଘଟଣାରେ ୧୩ ଜଣ ଲୋକଙ୍କ ପ୍ରାଣହାନୀି ଘଟିଥିବା ବେଳେ ୧୬ ଜଣ ଲୋକ ଆହତ ହୋଇଛନ୍ତି। ଗୁରୁବାର ସନ୍ଧ୍ୟାରେ ଡର୍ବାନର ଡ୍ଲାଙ୍ଗୁବୋର ଏକ ଚର୍ଚ୍ଚରେ ଏହି ଘଟଣା ଘଟିଥିଲା। ଝଡ ତୋଫାନ ଯୋଗୁଁ ଛାତ ଭୁଷୁଡି ଏହି ଅଭାବନୀୟ କାଣ୍ଡ ଘଟିଥିବା କୁହାଯାଉଛି। ଡ୍ଲାଙ୍ଗୁବୋର ବର୍ହିବ୍ୟାପାର ମନ୍ତ୍ରାଳୟ ମୁଖ୍ୟ ଲେନୋକ୍ସ ମାବାସୋ ଟ୍ବିଟ୍ଟର ଜରିଆରେ ଦୁଃଖ ପ୍ରକାଶ କରି ଏହି ଘଟଣା ସେୟାର କରିଛନ୍ତି।
ଏପ୍ରିଲ୍ ୧୮ ତାରିଖ ଅର୍ଥାତ୍ ଗୁରୁବାର ଦିନ ଅନୁଷ୍ଠିତ ହୋଇଥିବା ଦ୍ଵିତୀୟ ପର୍ଯ୍ୟାୟ ମତଦାନରେ ରାଜ୍ୟରେ ୭୨ ପ୍ରତିଶତ ମତଦାନ ହୋଇଛି। ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ଆଜି ଏହି ବିଷୟରେ ସୂଚନା ଦେଇଛନ୍ତି। ଗତକାଲି ସନ୍ଧ୍ୟା ୫ଟା ସୁଦ୍ଧା ରାଜ୍ୟରେ ୬୪ ପ୍ରତିଶତ ମତଦାନ ହୋଇଥିଲା। ଏହି ପର୍ଯ୍ୟାୟରେ ୨୭୯ ପ୍ରାର୍ଥୀଙ୍କ ଭାଗ୍ୟ ଇଭିଏମରେ ସିଲ୍ ହୋଇ ଯାଇଛି। ପ୍ରଥମ ପର୍ଯ୍ୟାୟ ତୁଳନାରେ ଦ୍ଵିତୀୟ ପର୍ଯ୍ୟାୟରେ ଭୋଟ୍ ହାର ହ୍ରାସ ପାଇଛି। ପ୍ରଥମ ପର୍ଯ୍ୟାୟରେ ୭୩.୭୬ ପ୍ରତିଶତ ମତଦାନ ହୋଇଥିବା ବେଳେ ଦ୍ଵିତୀୟ ପର୍ଯ୍ୟାୟରେ ୭୨ ପ୍ରତିଶତ ମତଦାନ ହୋଇଛି। ଏଥିରେ ଓଡ଼ିଶାରେ ୩୫ ବିଧାନସଭା ଓ ୫ଟି ଲୋକସଭା ଆସନ ପାଇଁ ମତଦାନ ହୋଇଥିଲା। ବରଗଡ଼ରେ ୭୭.୭୩ ପ୍ରତିଶତ, ସୁନ୍ଦରଗଡ଼ରେ ୭୧.୫୨ ପ୍ରତିଶତ, ବଲାଙ୍ଗୀର ୭୪.୩୩ ପ୍ରତିଶତ, ବଲାଙ୍ଗୀରରେ ୭୪.୩୩ ପ୍ରତିଶତ, କନ୍ଧମାଳରେ ୬୯.୨୪ ପ୍ରତିଶତ ଓ ଆସ୍କାରେ ୬୫.୮୯ ପ୍ରତିଶତ ହୋଇଛି। ଏହି ପର୍ଯ୍ୟାୟରେ ମୁଖ୍ୟମନ୍ତ୍ରୀ…
ବିବାଦୀୟ ଫିଲ୍ମ ମେକର ରାମଗୋପାଳ ବର୍ମା ତେଲେଙ୍ଗାନା ମୁଖ୍ୟମନ୍ତ୍ରୀ କାଲଭାକୁନ୍ତଲା ଚନ୍ଦ୍ରଶେଖର ରାଓ(କେସିଆର)ଙ୍କ ଜୀବନିକୁ ନେଇ ଚଳଚିତ୍ର ନିର୍ମାଣ କରିବାକୁ ଯାଉଛନ୍ତି। ନିକଟରେ ଏନ୍ଟିଆରଙ୍କ ଜୀବନଦିକୁ ନେଇ ଲକ୍ଷ୍ମୀସ ଏନ୍ଟିଆର ନିର୍ମାଣ କରିଥିଲେ ରାମୁ। କେସିଆରଙ୍କ ବାୟୋପିକ୍ର ନାମ ଟାଇଗର୍ : ଦ ଆଗ୍ରେସିଭ୍ ଗାନ୍ଧୀ ରଖାଯାଇଛି। ଫିଲ୍ମରେ କେସିଆରଙ୍କ ରାଜନୈତିକ ଜୀବନ ସହିତ ତେଲେଙ୍ଗାନା ବିଭାଜନ ମଧ୍ୟ ଦେଖାଯିବ ବୋଲି ରାମୁ କହିଛନ୍ତି। ଗୁରୁବାର ରାତିରେ ଏହି ବାୟୋ ପିକ୍ମର ପୋଷ୍ଟର ସେୟାର କରିଛନ୍ତି ବର୍ମା। ଏହି ଚଳଚିତ୍ର ପାଇଁ ଅଭିନେତା ଏବଂ ଅଭିନେତ୍ରୀ ମନୋନୟନ ହୋଇନଥିବା ରାମୁ କହିଛନ୍ତି। ପୂର୍ବରୁ ଶଶୀକଳା ଏବଂ ଜୟଲଳିତାଙ୍କ ଉପରେ ଫିଲ୍ମ ନିର୍ମାଣ ନେଇ ରାମୁ ଘୋଷଣା କରିଥିବା ବେଳେ କେସିଆର ବାୟୋପିକ୍ ପରେ ଏହି ଶଶୀକଳା ଚଳଚିତ୍ର ନିର୍ମାଣ ହେବ ବୋଲି ରାମୁ ଘୋଷଣା କରିଛନ୍ତି।
ବିଗ୍ ବି ଅମିତାଭ ବଚ୍ଚନ ୨୦୧୮-୧୯ ଆର୍ଥିକ ବର୍ଷରେ ସିନେ ତାରକାଙ୍କ ମଧ୍ୟରେ ସର୍ବାଧିକ ଆୟକର ଦେଇ ଚର୍ଚ୍ଚାରେ ରହିଛନ୍ତି । ଚଳିତ ଆର୍ଥିକ ବର୍ଷରେ ଅମିତାଭ ବଚ୍ଚନ ୭୦ କୋଟି ଟଙ୍କା ଆୟକର ଦେଇଛନ୍ତି। ଏହା ପୂର୍ବରୁ ସଲମାନ ଖାନ୍ ଓ ଅକ୍ଷୟ କୁମାର ସିନେ ଜଗତରେ ସର୍ବାଧିକ ଆୟକର ଦେଉଥିବା ଅଭିନେତା ରହିଥିଲେ। ୨୦୧୭-୧୮ ଆର୍ଥିକ ବର୍ଷରେ ସଲମାନ ୪୪.୫ କୋଟି ଟଙ୍କା ଆଗୁଆ ଆୟକର ଜମା କରିଥିଲେ। ସେହିପରି ୨୦୧୬-୧୭ ଆର୍ଥିକ ବର୍ଷରେ ଅଭିନେତା ଅକ୍ଷୟ କୁମାର ସର୍ବାଧିକ ୨୯.୫ କୋଟି ଟଙ୍କା ଆୟକର ଦେଇଥିବା ସୂଚନା ରହିଛି। ଅମିତାଭ ବିହାର ମୁଜାଫରନଗରର ୨୦୮୪ ଜଣ କୃଷକଙ୍କ କୃଷି ଋଣ ମଧ୍ୟ ଶୁଝିଛନ୍ତି। ଏହା ପୂର୍ବରୁ ପୁଲୱାମା ଆତଙ୍କବାଦୀ ଆକ୍ରମଣରେ ଶହୀଦ ହୋଇଥିବା ପ୍ରତି ଯବାନଙ୍କ ପରିବାରକୁ ୧୦ ଲକ୍ଷ ଲେଖାଏଁ ଟଙ୍କା ସହାୟତା କରିଥିଲେ। ନିକଟରେ ତାଙ୍କ ଅଭିନୀତ ଫିଲ୍ମ ‘ବଦ୍ଲା’ ବକ୍ସ ଅଫିସ୍ରେ ବେଶ୍…
ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ନିଜର ଟ୍ରେଡମାର୍କ ହେଲିକପ୍ଟର ସଟ୍ ପାଇଁ ପ୍ରସିଦ୍ଧ । ନିକଟରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ୍ରେ ଭାରତୀୟ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏକ ହେଲିକପ୍ଟର ସଟ୍ ଖେଳିଥିଲେ । କାଗିସୋ ରବାଡାଙ୍କୁ ମାରିଥିବା ସଟ୍ରେ ୬ ରନ୍ ହାସଲ କରିଥିଲେ ହାର୍ଦ୍ଦିକ୍ । ଏହା ପରେ ହାର୍ଦ୍ଦିକ କହିଛନ୍ତି ‘ମୋ ହେଲିକପ୍ଟର ସଟ୍କୁ ଧୋନୀ ପସନ୍ଦ କରିଛନ୍ତି’ । ଚଳିତ ଆଇପିଏଲ୍ରେ ପାଣ୍ଡ୍ୟା ଚମତ୍କାର ଫର୍ମରେ ଅଛନ୍ତି । ୨୧୮ ରନ୍ ସଂଗ୍ରହ କରିଥିବା ବେଳେ ଅବିଶ୍ବସନୀୟ ୧୯୪.୬୪ ର ଷ୍ଟ୍ରାଇକ୍ ରେଟ୍ ହାସଲ କରିଛନ୍ତି । ଏହି ମ୍ୟାଚ୍ରେ ହାର୍ଦ୍ଦିକ୍ ୧୫ ବଲ୍ରୁ ୩୨ ରନ୍ ସଂଗ୍ରହ କରିଥିବା ବେଳେ ମୁମ୍ବାଇ ୪୦ ରନ୍ରେ ବିଜୟୀ ହୋଇଥିଲା । ଧୋନୀଙ୍କ ହେଲିକପ୍ଟର ସଟ୍ ମୁଁ ନେଟ୍ସରେ ଅଭ୍ୟାସ କରେ ମାତ୍ର ମ୍ୟାଚ୍ରେ ଖେଳିବା ନିହାତି କଷ୍ଟସାଧ୍ୟ ଥିଲା । ଏହି ସଟ୍…