ରାହୁଲ୍ଙ୍କର ସର୍ବନିମ୍ନ ନିଶ୍ଚୟ ଆୟର ଘାେଷଣା କରିବା ପରେ ଏହାକୁ ନେଇ ଆରମ୍ଭ ହୋଇ ରାଜନୈତିକ ବାକ୍ବିତଣ୍ଡା। ଏହି ପ୍ରସଙ୍ଗକୁ ନେଇ ଉଭୟ ଉଭୟଙ୍କୁ କଟାକ୍ଷ କରୁଛନ୍ତି। ବିଜେପି ଏମ୍ଆଇଜିକୁ ସମାଲୋଚନା କରିଥିବାବେଳେ କଂଗ୍ରେସ ଆଜି ଏହାର ଜବାବ ଦେଇଛି। ମୋଦି ସରକାର ଏବଂ ଅର୍ଥମନ୍ତ୍ରୀ ଅରୁଣ ଜେଟ୍ଲୀଙ୍କୁ ଗରିବ ବିରୋଧୀ ବାେଲି କହିଛି କଂଗ୍ରେସ। କଂଗ୍ରେସର ସର୍ବନିମ୍ନ ନିଶ୍ଚିତ ଆୟ (ଏମ୍ଆଇଜି) କୁ ସମାଲୋଚନା କରିବା ପରେ କଂଗ୍ରେସ ମୁଖପାତ୍ର ରଣଦୀପ ସୁର୍ଜେଓ୍ବାଲା ଏହି ମନ୍ତବ୍ୟ ଦେଇଛନ୍ତି। ଏଆଇସିସି ମିଡିଆ ଇନଚାର୍ଜ ରଣଦୀପ ସୁର୍ଜେଓ୍ବାଲା କହିଛନ୍ତି ଯେ, ମୋଦି କିଛି ହାତଗଣତି ବ୍ୟବସାୟୀଙ୍କୁ ୩ ଲକ୍ଷ ୫୦ ହଜାର କୋଟିର ଋଣ ଛାଡ କରି ପାରନ୍ତି ମାତ୍ର ଏକ ଗରିବ ପରିବାରକୁ ୭୨୦୦୦ ଟଙ୍କା ତାଙ୍କୁ କଷ୍ଟ ଦେଇଥାଏ। ନିଜର ପ୍ରଚାର ପ୍ରସାର ପାଇଁ ମୋଦି ୫୦୦୦ କୋଟି ଖର୍ଚ୍ଚ କରୁଛନ୍ତି ମାତ୍ର ଏକ ଗରିବ ପରିବାରକୁ ୭୨୦୦୦ ଟଙ୍କାକୁ କାହିଁକି…
Author: Samikhsya Bureau
ନିର୍ବାଚନ ସମୟରେ ବିପୁଳ ପରିମାଣର ଟଙ୍କା କାରବାର ଉପର ରୋକ୍ ଲଗାଯାଇଛି। ସାରା ଦେଶରୁ ୧୪୩ କୋଟି ୪୭ ଲକ୍ଷ ଟଙ୍କା ଜବତ କରାଯାଇଛି। ଏ ନେଇ ଭାରତୀୟ ନିର୍ବାଚନ ଆୟୋଗଙ୍କ ପକ୍ଷରୁ ତାଲିକା ପ୍ରକାଶ ପାଇଛି। ମାର୍ଚ୍ଚ ୨୫ ତାରିଖ ଯାଏ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଂଚଳରୁ ୧୪୩ କୋଟି ୪୭ ଲକ୍ଷ ଟଙ୍କା ଜବତ କରାଯାଇଛି। ଏହା ସହିତ ୮୯ କୋଟି ୬୪ ଲକ୍ଷ ଟଙ୍କାର ମଦ ଓ ୧୩୧ କୋଟି ୭୫ ଲକ୍ଷ ଟଙ୍କାର ନିଶାଦ୍ରବ୍ୟ ଜବତ ହୋଇଛି। ସେହିପରି ୧୬୨ କୋଟି ୯୩ ଲକ୍ଷ ଟଙ୍କାର ମୂଲ୍ୟ ଧାତୁ ମଧ୍ୟ ଜବତ କରାଯାଇଛି। ସେହିପରି ପ୍ରାୟ ୧୨.୨୦୨ କୋଟି ଟଙ୍କାର ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି।
ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡଭାନୀଙ୍କ ପରେ ବିଜପିର ଅନ୍ୟତମ ବରିଷ୍ଠ ନେତା ମୁରଲୀ ମନୋହର ଯୋଶୀଙ୍କୁ ଟିକେଟ ଦେବାକୁ ମନା କରିଛି ବିଜେପି। ଟିକଟ ପ୍ରଦାନ ପାଇଁ ମନା କରାଯିବା ସହିତ ସ୍ବେଚ୍ଛାକୃତ ଭାବରେ ଅବସର ନେବାକୁ କୁହାଯାଇଥିବା ଶ୍ରୀ ଯୋଶୀ ପ୍ରକାଶ କରିଛନ୍ତି। ଯୋଶୀ କହିଛନ୍ତି ଦଳର ସାଧାରଣ ସମ୍ପାଦକ ରାମ ଲାଲ କହିଛନ୍ତି କି ଆପଣ ନିର୍ବାଚନ ନ ଲଢିବା ନେଇ ସ୍ବୟଂ ଘୋଷଣା କରନ୍ତୁ। କାନପୁରର ଭୋଟରଙ୍କ ପାଇଁ ଡକ୍ଟର ଯୋଶୀ ଏହି ମନ୍ତବ୍ୟ ଦେଇଥିବା ବେଳେ ଏହି ଆସନରୁ ଲଢି୨୦୧୪ ରେ ୫୭ ପ୍ରତିଶତ ଭୋଟ ହାସଲ କରିଥିଲେ। ପୂର୍ବରୁ ଉତ୍ତରପ୍ରଦେଶର ଅନ୍ୟତମ ବରିଷ୍ଠ ନେତା କଲରାଜ ମିଶ୍ର ରାଜନୀତିରୁ ସନ୍ୟାସ ଘୋଷଣା କରିଥିଲେ । ଶ୍ରୀ ଯୋଶୀଙ୍କୁ ଟିକଟ ନମିଳିବାକୁ ସମର୍ଥନ କରିଛନ୍ତି ମନ୍ତ୍ରୀ ସିଦ୍ଧାର୍ଥନାଥ ସିଂ। ସେ କହିଛନ୍ତି ଡକ୍ଟର ଯୋଶୀ ଦଳର ପ୍ରତିଷ୍ଠାତା ସଦସ୍ୟ ତେଣୁ ଦଳର ନିଷ୍ପତ୍ତିକୁ ସମ୍ମାନ ଜଣାଇ…
ନିର୍ବାଚନ ପୂର୍ବରୁ ପ୍ରାକ୍ ନିର୍ବାଚନୀ ହିଂସା ଆରମ୍ଭ ହୋଇ ଗଲାଣି। କେନ୍ଦୁଝର ଜିଲ୍ଲା ଘଷିପୁରା ନିର୍ବାଚନ ମଣ୍ଡଳୀରେ ରାଜନୈତିକ ହିଂସା ଦେଖିବାକୁ ମିଳିଛି। ଘରୁ ଡାକି ନେଇ ନେତାଙ୍କ ଦୁଇ ହାତ କାଟି ହତ୍ୟା କରିଛନ୍ତି ଦୁର୍ବୃତ୍ତ। ମୃତକ ଜଣକ ହେଲେ ଘଷିପୁରା ବିଧାନସଭା ନିର୍ବାଚନ ମଣ୍ଡଳୀର ପୂର୍ବତନ ସ୍ୱାଧୀନ ପ୍ରାର୍ଥୀ ତଥା ଆନନ୍ଦପୁର ବ୍ଲକର ପୂର୍ବତନ ଅଧ୍ୟକ୍ଷ ରାମଚନ୍ଦ୍ର ବେହେରା। ତାଙ୍କୁ ରାଜନୈତିକ ଆକ୍ରୋଶରୁ ନୃଶଂସ ଭାବେ ହାଣି ହତ୍ୟା କରାଯାଇଥିବା ଅଭିଯୋଗ ହୋଇଛି। ଗତକାଲି ରାତିରେ କିଛି ଦୁର୍ବୃତ୍ତ ରାମଚନ୍ଦ୍ରଙ୍କୁ ତାଙ୍କ ବାସଭବନରୁ ଡାକି ନେଇଥିଲେ। ଏହାପରେ ସଂଘବନ୍ଧ ଭାବେ ଖଣ୍ଡା ଭୁଜାଲିରେ ତାଙ୍କୁ ଆକ୍ରମଣ କରିଥିଲେ। ତାଙ୍କୁ ଉଦ୍ଧାର କରି ପ୍ରଥମେ ଚିକିତ୍ସା ପାଇଁ ଆନନ୍ଦପୁର ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ଗୁରୁତର ଅବସ୍ଥାରେ କଟକ ବଡ଼ ମେଡିକାଲ ନେବା ବାଟରେ ତାଙ୍କର ମୃତ୍ୟୁ ହୋଇଛି। ଏହି ଘଟଣାକୁ ନେଇ ଘଷିପୁରା ଅଞ୍ଚଳରେ ଉତ୍ତେଜନା ଦେଖାଦେଇଛି।…
ୟୁରୋ କପ୍ ୨୦୨୦ ପାଇଁ ଯୋଗ୍ୟତା ପର୍ଯ୍ୟାୟ ମୁକାବିଲା ଅନୁଷ୍ଠିତ ହୋଇଛି। ଇଂଲଣ୍ଡ ଏବଂ ଫ୍ରାନ୍ସ କ୍ରମାଗତ ଦ୍ବିତୀୟ ସହଜ ବିଜୟ ହାସଲ କରିଥିବା ବେଳେ ପର୍ତ୍ତୁଗାଲ କ୍ରମାଗତ ଦ୍ବିତୀୟ ଡ୍ର ରଖିଛି। ଇଂଲଣ୍ଡ ଏବଂ ଫ୍ରାନ୍ସ ବ୍ୟତୀତ ତୁର୍କୀ ଏବଂ ୟୁକ୍ରେନ୍ ମଧ୍ୟ ବିଜୟ ହାସଲ କରିଛନ୍ତି। କ୍ରମାଗତ ଦ୍ବିତୀୟ ମ୍ୟାଚ୍ରେ ୫ଟି ଗାେଲ୍ ସ୍କୋର କରିଥିଲା ଇଂଲଣ୍ଡ। ମଣ୍ଟେନିଗ୍ରୋ ବିପକ୍ଷରେ ମାର୍କୋ ଭେସାେଭିକ(୧୭)ଙ୍କ ଗାେଲ ବଳରେ ଇଂଲ ୦-୧ରେ ପଛୁଆ ରହିଥିଲା। ପରେ ଇଂଲଣ୍ଡ ପକ୍ଷରୁ ପ୍ରତି ଆକ୍ରମଣ କରାଯିବା ସହିତ ୫ଟି ଗୋଲ ସ୍କୋର କରାଯାଇଥିଲା। ମାଇକେଲ କିନ୍ (୩୦), ରସ୍ ବର୍କଲେ (୩୯,୫୯), ହ୍ୟାରି କେନ୍(୭୧) ଏବଂ ରହିମ୍ ଷ୍ଟର୍ଲିଂ (୮୧) ତମ ମିନିଟ୍ରେ ଗୋଲ ସ୍କୋର କରି ଦଳକୁ ବିଜୟୀ କରିଥିଲେ। ଫ୍ରାନ୍ସ ମଧ୍ୟ ଆଇସଲ୍ୟାଣ୍ଡକୁ ଶୋଚନୀୟ ଭାବରେ ୪-୦ରେ ପରାସ୍ତ କରିଛି। ଫ୍ରାନ୍ସ ପକ୍ଷରୁ ଓଲିଭର ଜିରୁଡ୍ ନିଜ କ୍ୟାରିୟରର ୩୫ ତମ…
ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନାଁରେ ରୁଜୁ ହୋଇଥିବା କୋଲ୍ ବ୍ଲକ୍ ଆବଣ୍ଟନ ମାମଲାର ତୁରନ୍ତ ତଦନ୍ତ ଶେଷ କରିବାକୁ ସର୍ବୋଚ୍ଚ ନ୍ୟାୟାଳୟରେ ଆବେଦନ ହୋଇଛି। ଏହାର ତଦନ୍ତଭାର ନେଇଥିବା ସିବିଆଇକୁ ତଦନ୍ତ ସାରିବାକୁ ନିର୍ଦ୍ଦେଶ ଦେବାକୁ ଆବେଦନକାରୀ ଅନୁରୋଧ କରିଛନ୍ତି। କୋଇଲା ଖଣି ଆବଣ୍ଟନ ନେଇ ୨୦୧୪, ମାର୍ଚ୍ଚ ୨୬ରେ ନବୀନ ପଟ୍ଟନାୟକଙ୍କ ନାଁରେ ମାମଲା ପଞ୍ଜିକୃତ ହୋଇଥିଲା। କିନ୍ତୁ ଏ ଯାଏ ମାମଲା ତଦନ୍ତାଧୀନ ରହିଛି। ତେଣୁ ଏହାର ତଦନ୍ତ କରି ତ୍ୱରିତ ଶୁଣାଣୀ କରିବାକୁ ପିଟିସନ୍ରେ ଦର୍ଶାଯାଇଛି। ଅଭିଯୋଗ ମୁତାବକ, ୧୯୯୮ ମସିହାରେ ଏମ୍/ଏସ୍ ସେଣ୍ଟ୍ରାଲ କୋଲିଆରିଜ୍ କୋ. ଲିମିଟେଡ୍କୁ କୋଇଲା ଖଣି ମିଳିଥିଲା। ମହାରାଷ୍ଟ୍ର ତକ୍ଲି-ଜେନା ବେଲୋରା କୋଲ୍ ଫିଲ୍ଡକୁ କମ୍ପାନୀକୁ ଦିଆଯାଇଥିଲା। କିନ୍ତୁ ପଞ୍ଜିକୃତ ହେବା ପୂର୍ବରୁ କମ୍ପାନୀକୁ ଏହି କୋଇଲା ଖଣି ମିଳିଥିଲା ବୋଲି ପରେ ଅଭିଯୋଗ ଆସିଥିଲା। ସେତେବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ଇସ୍ପାତ ଓ ଖଣି ମନ୍ତ୍ରୀ ଥିଲେ।…
ଚଳିତ ଆଇପିଏଲ୍ର ଚତୁର୍ଥ ମୁକାବିଲାରେ କିଙ୍ଗ୍ସ ଏକାଦଶ ପଞ୍ଜାବ ୧୪ ରନ୍ରେ ରାଜସ୍ଥାନ ରୟାଲ୍ସକୁ ପରାସ୍ତ କରିଛି। ୧୮୫ ରନ୍ର ପିଛା କରୁଥିବା ରାଜସ୍ଥାନ ଏକଦା ୧୫୩/୨ ଥିବାବେଳେ ନାଟକୀୟ ବିପର୍ଯ୍ୟୟ ସହ ନିର୍ଧାରିତ ୨୦ ଓଭରରେ ୯ ୱିକେଟ୍ ବିନିମୟରେ ୧୭୦ ରନ୍ କରି ପାରିଥିଲା। ମ୍ୟାଚର ଶ୍ରେଷ୍ଠ ଖେଳାଳି କ୍ରିସ୍ ଗେଲ୍ଙ୍କ ଧମାକାଦାର ବ୍ୟାଟିଂ ସହ ବୋଲରଙ୍କ ମିଳିତ ପ୍ରୟାସ ପଞ୍ଜାବକୁ ରୋମାଞ୍ଚକର ବିଜୟ ଉପହାର ଦେଇଥିଲା। ତେବେ ଦ୍ରୁତ ବ୍ୟାଟିଂ କରୁଥିବା ରାଜସ୍ଥାନ ପ୍ରାରମ୍ଭିକ ବ୍ୟାଟ୍ସମ୍ୟାନ୍ ଜୋସ୍ ବଟଲରଙ୍କୁ ପଞ୍ଜାବ ଅଧିନାୟକ ଆର ଅଶ୍ବିନ ମଙ୍କଡ ଆଉଟ କରିବା ମ୍ୟାଚ୍ର ଅନ୍ୟତମ ବିବାଦୀୟ ଘଟଣା ହୋଇଥିଲା। ନୂଆ ଜର୍ସିରେ ପଡ଼ିଆକୁ ଓହ୍ଲାଇଥିବା ରାଜସ୍ଥାନ ସୋମବାର ଟସ୍ ଜିତି ପଞ୍ଜାବକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ପଞ୍ଜାବ ୪ ରନ୍ରେ ଲୋକେଶ ରାହୁଲଙ୍କୁ ହରାଇବା ପରେ ଗେଲ୍ ଦାୟିତ୍ବବାନ ବ୍ୟାଟିଂ କରି ପାଳି ସଜାଡ଼ିବା ଆରମ୍ଭ କରିଥିଲେ। ମୟଙ୍କ…
ଇସ୍ରାଏଲ୍ ଉପରେ ରକେଟ ମାଡ ହେବାର ଏକ ଘଣ୍ଟା ମଧ୍ୟରେ ପ୍ରତିଆକ୍ରମଣ କରିଛି ଇସ୍ରାଏଲ୍। ରକେଟ୍ ମାଡ ନେଇ ହମାସକୁ ଦୋଷ ଦେବା ସହିତ ଇସ୍ରାଏଲ୍ ଗାଜା ଉପରେ ତୁରନ୍ତ ଆକ୍ରମଣ ଆରମ୍ଭ କରିଥିଲା। ଇସ୍ରାଏଲୀ ସାମରିକ ବଳ (ଆଇଡିଏଫ୍) ସୂଚନା ଅନୁଯାୟୀ ଏହି ଆକ୍ରମଣରେ ହମାସ ତରଫରୁ ଇସ୍ରାଏଲୀ ସାମରିକ ମୁଖ୍ୟ କାର୍ଯ୍ୟାଳୟକୁ ଟାର୍ଗେଟ୍ କରାଯାଇଥିଲା। ହମାସ ପକ୍ଷରୁ କରାଯାଇଥିବା ଏହି ଆକ୍ରମଣରେ ୭ ଜଣ ଲୋକ ଆହତ ହୋଇଥିଲେ। ଏହାର ପ୍ରତିବାଦରେ ଏକ ଘଣ୍ଟା ମଧ୍ୟରେ ୧୨ଟି ରକେଟ ମାଡ କରାଯାଇଥିଲା। ଏହି ଆକ୍ରମଣ ସମୟରେ ଆମେରିକାରେ ଥିବା ଇସ୍ରାଏଲୀ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ କହିଛନ୍ତି ଏପରି ଆକ୍ରମଣକୁ ଇସ୍ରାଏଲ କଦାପି ବରଦାସ୍ତ କରିବ ନାହିଁ। ଏହାପରେ ନିଜର ଗସ୍ତକୁ କାଣ୍ଟଛାଣ୍ଟ କରିବା ସହିତ ଟ୍ରମ୍ପକୁ ଭେଟିବା ପରେ ଇସ୍ରାଏଲ୍ ଫେରି ଆସିବା ନେଇ ସୂଚନା ଦେଇଛନ୍ତି ନେତନ୍ୟାହୁ। କୌଣସି ପାଲେଷ୍ଟାଇନ୍ ଆତଙ୍କୀ ସଙ୍ଗଠନ ଏନେଇ ନିଜକୁ ଦାୟୀ…
ଏଥର ବାବା ପ୍ରସନ୍ନ ପାଟ୍ଟଶାଣୀ ସାଂସଦ ଭାବେ ନୁହେଁ , ବିଧାୟକ ଭାବେ ଲଢେଇ କରିବେ। ବାବାଙ୍କୁ ନବୀନ ନିବାସ ଡକାଯାଇ ରୋକଠୋକ ଭାବେ ବିଧାୟକ ପ୍ରାର୍ଥୀ ହେବା ପାଇଁ କୁହାଯାଇଛି। ବାବାଙ୍କ ଜନ୍ମସ୍ଥାନ ଚିଲିକାରେ ତାଙ୍କୁ ପ୍ରାର୍ଥୀ କରାଯିବ ବୋଲି ନବୀନ ନିବାସ ତରଫରୁ ଜଣାଇ ଦିଆଯାଇଛି। ସେଠାରେ ଗତଥର ବିଜେଡି ପ୍ରାର୍ଥୀ ହୋଇଥିବା ରଘୁ ସାହୁଙ୍କୁ ଏଥର ଟିକେଟ ଦିଆଯିବ ନାହିଁ। କାରଣ ବିଜେଡିର ରିପୋର୍ଟ ଅନୁସାରେ ଚିଲିକାରେ ରଘୁ ସାହୁଙ୍କ ପତିଆରା ଥିଲେ ମଧ୍ୟ ଲୋକମାନେ ତାଙ୍କୁ ପସନ୍ଦ କରନ୍ତି ନାହିଁ। ଗତ ନିର୍ବାଚନରେ ସେ ବହୁ କମ ଭୋଟରେ ହାରିଥିଲେ ମଧ୍ୟ ଏଥର ସେପରି ସ୍ଥିତି ନାହିଁ ବୋଲି ବିଜେଡି ଅନୁଭବ କରିସାରିଛି। ବର୍ତ୍ତମାନ ଚିଲିକାରେ ପୃଥୀରାଜ ହରିଚନ୍ଦନଙ୍କୁ ବିଜେପି ପ୍ରାର୍ଥୀ କରିଥିବାରୁ ରଘୁ ସାହୁ ତାଙ୍କୁ ଟକ୍କର ଦେଇପାରିବେ କି ନାହିଁ ତାହା ମଧ୍ୟ ବିଜେଡିର ସନ୍ଦେହ ରହିଛି। ଅନ୍ୟପକ୍ଷରେ ଭୁବନେଶ୍ବରର ସାଂସଦ ପ୍ରାର୍ଥୀ…
କେଦାର ମିଶ୍ର “ଗୋଟେ କ୍ୟାଡର ଭିତ୍ତିକ ଦଳ”, “ଭିନ୍ନ ମତାଦର୍ଶର ଦଳ”…ଏମିତି କିଛି ବିଶେଷ ବିଶେଷଣ ସବୁବେଳେ ଭାରତୀୟ ଜନତା ପାର୍ଟି ଆଗରେ ଲଗାଇବାକୁ ଏହାର କର୍ମୀମାନେ ଭଲ ପାଆନ୍ତି। ଯାବତୀୟ ବୈଚାରିକ ମତଭେଦ ସତ୍ତ୍ୱେ ଏହି ଦଳର ସବୁଠୁ ବଡ ବିରୋଧୀ ମଧ୍ୟ ମାନିଥାନ୍ତି ଯେ ବିଜେପିରେ ଥିବା କର୍ମୀମାନେ ନିଜ ଦଳ ପ୍ରତି ଓ ଦଳର ବିଚାର ପ୍ରତି ଅନ୍ଧ ଭାବରେ ଅନୁରକ୍ତ। ହେଲେ ଏଇ ଅନ୍ଧ ଅନୁରକ୍ତିରୁ ସେମାନଙ୍କୁ ମିଳେ କଣ? ବିଜେପି ଆଜି ନିଜ କ୍ୟାଡର ପ୍ରତି ଅନୁରକ୍ତ କି? ଓଡିଶାର ସାଧାରଣ ନିର୍ବାଚନରେ ଦଳ ଯେଉଁ ପ୍ରକାର ଟିକଟ ଆବଣ୍ଟନ କରିଛି ତାକୁ ଦେଖି ଯେ କେହି ବି କହିବ ଯେ ଏ ଦଳ ନିଜର ଅନୁରକ୍ତ କର୍ମୀଙ୍କ ତୁଳନାରେ “ଉଡାପକ୍ଷୀ” ମାନଙ୍କ ଉପରେ ବେଶୀ ନିର୍ଭରଶୀଳ। ଏହି ଦଳରେ ଯୋଗଦାନ କରିବାର ଦୁଇ ଘଣ୍ଟା ଭିତରେ ଜଣେ ବ୍ୟକ୍ତିକୁ ଲୋକସଭା ଲଢିବାକୁ ଟିକଟ…
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିରୋଧରେ ବିଜେପୁର ବିଧାନସଭା ଆସନରୁ ଲଢିବା ଲାଗି ବିଜେପି ନିଜର ପ୍ରାର୍ଥୀ ଭାବରେ ସନତ ଗଡ଼ତିଆଙ୍କ ନାମ ଘୋଷଣା କରିଛି। ପୂର୍ବରୁ ଏହି ଆସନରୁ ଲଢିବାକୁ ବଜରଙ୍ଗ ଦଳର ପୂର୍ବତନ ରାଷ୍ଟ୍ରୀୟ ଆବାହକ ସୁବାସ ଚୌହାନଙ୍କୁ ଦଳ ଅନୁରୋଧ କରିଥିଲା ଯାହାକୁ ଶ୍ରୀ ଚୌହାନ ପ୍ରତ୍ୟାଖ୍ୟାନ କରିଥିଲେ। ଆଜି ଦିନ ଓଳି ମୁଖ୍ୟମନ୍ତ୍ରୀଙ୍କ ପୁରୁଣା ନିର୍ବାଚନ ମଣ୍ଡଳୀ ହିଞ୍ଜିଳୀରୁ ଲଢିବାକୁ ଦଳ ନିଜର ପ୍ରବକ୍ତା ପୀତାମ୍ବର ଆଚାର୍ୟଙ୍କ ନାମ ଘୋଷଣା କରିସାରିଛି।
କାଶ୍ମୀରୀ ପଣ୍ଡିତ ଓ ଭାରତୀୟ ହିନ୍ଦୁଙ୍କ ପାଇଁ ଶାରଦା ପୀଠ କରିଡର ଖୋଲିବା ନେଇ ପାକିସ୍ତାନ ସବୁଜ ସଂକେତ ଦେଇଛି। ଏନେଇ ପାକ୍ ବୈଦେଶିକ ମନ୍ତ୍ରଣାଳୟ ପ୍ରଧାନମନ୍ତ୍ରୀ ଇମ୍ରାନଙ୍କୁ ରିପୋର୍ଟ ପ୍ରଦାନ କରିଛି। ତଦନ୍ତକାରୀ ସଂସ୍ଥା ଶାରଦା କରିଡର ଖୋଲିବା ନେଇ ସପକ୍ଷରେ ରାୟ ଦେବାପରେ ଏହାକୁ ଖୁବ୍ଶୀଘ୍ର ସଂସଦରେ ବିଧିବଦ୍ଧ ଭାବେ ଇମ୍ରାନ୍ ଖାନ୍ ଘୋଷଣା କରିବେ ବୋଲି ସୂଚନା ରହିଛି। କାଶ୍ମୀରୀ ପଣ୍ଡିତଙ୍କ ଏକ ସମୂହ ଶାରଦା ପୀଠ ଖୋଲିବା ପାଇଁ ଦାବୀ କରି ଆସୁଛନ୍ତି। ଏହା ଏକ ମହତ୍ୱପୂର୍ଣ୍ଣ ହିନ୍ଦୁ ମନ୍ଦିର ଯାହାକି ପିଓକରେ ରହିଛି। କେବଳ ସେତିକି ନୁହେଁ ଜାମ୍ମୁ କାଶ୍ମୀରର ମୁଖ୍ୟଧାରାରେ ରହୁଥିବା ରାଜନୈତିକ ଦଳ ଭଳି ପିଡିପି ମଧ୍ୟ ଏହି ପ୍ରସଙ୍ଗକୁ ନେଇ ବହୁବାର ସ୍ୱର ଉତ୍ତୋଳନ କରିଆସିଛି। ପୁଲ୍ଓ୍ବାମା ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନାମୟ ପରିସ୍ଥିତି ସୃଷ୍ଟି ହୋଇଛି। ଭାରତ ପାକିସ୍ତାନକୁ ‘ମାେଷ୍ଟ ଫେଭର ନେସନ୍’ ତାଲିକା…
ଆଜି କଂଗ୍ରେସର ୪୦ ଜଣିଆ ଷ୍ଟାର୍ ପ୍ରଚାରକ ତାଲିକା ଘୋଷିତ ହୋଇଛି। ଏହି ତାଲିକାର ଶୀର୍ଷରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ରହିଥିବାବେଳେ ରାହୁଲ୍ଙ୍କ ପଛକୁ ମନମୋହନ ସିଂହ ଓ ପ୍ରିୟଙ୍କା ଗାନ୍ଧି ରହିଛନ୍ତି। ସେହିପରି ଏହି ତାଲିକାରେ ଜ୍ୟୋତିରାଦିତ୍ୟ ସିନ୍ଧିଆ, ସଚିନ୍ ପାଇଲଟ୍, ନବଜୋତ ସିଂହ ସିଦ୍ଧୁ, ଖୁସ୍ବୁ, ନଗ୍ମା, ମହମ୍ମଦ ଆଝାରୁଦ୍ଦିନ ରହିଛନ୍ତି। ଓଡ଼ିଶାର ପିସିସି ସଭାପତି ନିରଞ୍ଜନ ପଟ୍ଟନାୟକ, ନରସିଂହ ମିଶ୍ର, ଭକ୍ତ ଦାସ, ଚିରଞ୍ଜିବି ବିଶ୍ବାଳ, ପ୍ରଦୀପ ମାଝୀ, ରାମଚନ୍ଦ୍ର ଖୁଣ୍ଟିଆ ପ୍ରମୁ୍ଖଙ୍କ ନାମ ରହିଛି।
ତେଲୁଗୁ ସୁପରଷ୍ଟାର ମହେଶ ବାବୁଙ୍କ ମହମ ମୂର୍ତ୍ତି ସିଙ୍ଗାପୁରର ମାଡାମ ତୁଷାଦ୍ ମ୍ୟୁଜିଅମ୍ରେ ଉନ୍ମୋଚିତ ହୋଇଛି । ପ୍ରଭାସଙ୍କ ପରେ ଦ୍ବିତୀୟ ତେଲୁଗୁ ଅଭିନେତା ଭାବରେ ଏହି ମାଇଲଖୁଣ୍ଟ ହାସଲ କରିଛନ୍ତି ମହେଶ । ହାଇଦ୍ରାବାଦର ଏଏମ୍ବି ସିନେମାରେ ମହେଶ ବାବୁଙ୍କ ଏହି ମୂର୍ତ୍ତି ଉନ୍ମୋଚିତ ହୋଇଯାଇଛି । ପତ୍ନୀ ନମ୍ରତା ଶିରୋଦକର, ଦୁଇ ସନ୍ତାନ ଗୌତମ କ୍ରିଷ୍ଣା ଏବଂ ସିତାରାଙ୍କ ସହିତ ମହେଶ ପ୍ରତିମୂର୍ତ୍ତିର ଉଦ୍ଘାଟନ କରିଥିଲେ । ଏଏମ୍ବିରେ ୭ସ୍କ୍ରିନ୍ ବିଶିଷ୍ଟ ମଲ୍ଟିପ୍ଲେକ୍ସ ସହିତ ତାଙ୍କ ମହମ ପ୍ରତିମୂର୍ତ୍ତିର ଉଦ୍ଘାଟନ କରିଥିଲେ । ନିଜର ମହମ ମୂର୍ତ୍ତିର ଫଟୋକୁ ଇନ୍ଷ୍ଟାଗ୍ରାମ ଜରିଆରେ ସେୟାର କରିଛନ୍ତି ମହେଶ ବାବୁ । ପ୍ରତିକୃତିଟି ଗାେଟିଏ ଦିନ ପାଇଁ ଏଏମ୍ବି ସିନେମାରେ ପ୍ରଦର୍ଶିତ ହେବା ପରେ ସିଙ୍ଗାପୁର ସ୍ଥିତ ମ୍ୟୁଜିୟମ୍କୁ ପଠାଯିବ । ଆସନ୍ତା ମାସରେ ମହେଶ ବାବୁଙ୍କ କ୍ୟାରିୟରର ୨୫ତମ ଫିଲ୍ମ ମହର୍ଷି ରିଲିଜ୍ ହେବାକୁ ଯାଉଛି । ବାମ୍ସୀ ପାଡିପଲ୍ଲୀଙ୍କ…
ନିର୍ବାଚନ ତାରିଖ ଘୋଷଣା ହୋଇସାରିଥିବାବେଳେ ନିର୍ବାଚନ ପାଇଁ ନିର୍ବାଚନ ଆୟୋଗ ବ୍ୟାପକ ପ୍ରସ୍ତୁତି ମଧ୍ୟ କରିସାରିଛନ୍ତି। ଆସନ୍ତା ଲୋକସଭା ଏବଂ ବିଧାନସଭା ନିର୍ବାଚନରେ ଭୋଟର୍ ଭେରିଫିଏବଲ୍ ପେପର ଅଡିଟ୍ ଟ୍ରେଲ୍ (ଭିଭିପ୍ୟାଟ୍) ବ୍ୟବହାର ନେଇ ଆସନ୍ତା ଗୁରୁବାର ସୁଦ୍ଧା ସତ୍ୟପାଠ ଦାଖଲ କରିବାକୁ ନିର୍ବାଚନ ଆୟୋଗଙ୍କୁ ନିର୍ଦ୍ଦେଶ ଦେଇଛନ୍ତି। ପ୍ରତ୍ୟେକ ବିଧାନସଭା ନିର୍ବାଚନ ମଣ୍ଡଳୀରେ ବ୍ୟବହାର ହେବାକୁ ଥିବା ଭିଭିପ୍ୟାଟ୍ ନମୁନା ସର୍ବେକ୍ଷଣ ସଂଖା ୧ରୁ ଅଧିକକୁ ବୃଦ୍ଧି କରିହେବ କି ନାହିଁ, ତାହା ସମ୍ପର୍କିତ ଜଣାଇବାକୁ ସୁପ୍ରିମକୋର୍ଟ କହିଛନ୍ତି। ପ୍ରଧାନମନ୍ତ୍ରୀ ବିଚାରପତି ରଂଜନ ଗୋଗେଇ, ଜଷ୍ଟିସ୍ ଦୀପକ ଗୁପ୍ତାଙ୍କ ଦ୍ବାରା ଗଠିତ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। ଭିଭିପ୍ୟାଟ୍ର ସତ୍ୟତାକୁ ନେଇ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ସହ ଅନ୍ୟ ୨୧ ବିରୋଧୀ ନେତା ସୁପ୍ରିମ୍କୋର୍ଟରେ ଆବେଦନ କରିଥିଲେ। ଆସନ୍ତା ୨୮ ତାରିଖ ସୁଦ୍ଧା ନିର୍ବାଚନ ଆୟୋଗ ଏ ସମ୍ପର୍କିତ ସମସ୍ତ ଜବାବ ରଖିବାକୁ ସୁପ୍ରିମ୍କୋର୍ଟ ତରଫରୁ ନିର୍ଦ୍ଦେଶ ଦିଆଯାଇଛି।…
ବ୍ରିଟିସ୍ ଅଭିନେତା ବେନେଡିକ୍ଟ କମ୍ବରବ୍ୟାଚ୍ଙ୍କୁ କାର୍ କମ୍ପାନି ଏମ୍ଜି (ମୋରିସ୍ ଗ୍ୟାରେଜ୍ସ) ଇଣ୍ଡିଆ ଏହାର ବ୍ରାଣ୍ଡ୍ ଆମ୍ବାସଡର ଭାବେ ଘୋଷଣା କରିଛି। ଏହି ଖ୍ୟାତନାମା ଅଭିନେତା ଜଣକ ବିଭିନ୍ନ ଲୋକପ୍ରିୟ ଟିଭି ସୋ ଏବଂ ସିନେମାରେ ଅଭିନୟ କରିଛନ୍ତି। ଏହି ପରିପ୍ରେକ୍ଷୀରେ କମ୍ବରବ୍ୟାଚ୍ କହିଛନ୍ତି, ଏମ୍ଜି ଏକ କ୍ଲାସିକ୍ ଓ ପ୍ରତିଷ୍ଠିତ ବ୍ରାଣ୍ଡ୍ ଭାବେ ସ୍ବୀକୃତି ମିଳିଛି । ଭାରତରେ ନୂଆ ଏମ୍ଜି ସହିତ ନିଜକୁ ସାମିଲ କରି ମୁଁ ଅତ୍ୟନ୍ତ ଆନନ୍ଦିତ ବୋଲି ସେ କହିଛନ୍ତି। ଏମ୍ଜି ଇଣ୍ଡିଆର ଏମଡି ତଥା ସିଇଓ ରାଜୀବ ଚାବା କହିଛନ୍ତି, ମୋରିସ୍ ଗ୍ୟାରେଜ୍ସ ସହିତ ବେନେଡିକ୍ଟଙ୍କର ଅନେକ କିଛି ସାମଞ୍ଜସ୍ୟ ରହିଛି। ଏଥିଯୋଗୁ ବେନେଡିକ୍ଟଙ୍କୁ ବ୍ରାଣ୍ଡ୍ ଆମ୍ବାସଡର ଭାବେ ପାଇଁ ଆମେ ଅତ୍ୟନ୍ତ ଆନନ୍ଦିତ ବୋଲି ଶ୍ରୀ ଚାବା କହିଛନ୍ତି। ସୂଚନାଯୋଗ୍ୟ ଯେ, ନିକଟରେ ମୋରିସ ଗ୍ୟାରେଜ୍ ଭାରତରେ ବୈଦୁ୍ୟତିକ କାର ନିର୍ମାଣ ପାଇଁ ଓଲା ଏବଂ ହ୍ୟୁଣ୍ଡାଇ ମୋଟର୍ସ ସହିତ ୩୦୦…
ଜେଟ ଏୟାରଓ୍ବେଜ୍ର ଚେୟାରମ୍ୟାନ୍ ପଦବୀରୁ ଅବସର ଗ୍ରହଣ କରିଛନ୍ତି ଏହାର ପ୍ରତିଷ୍ଠାତା ନରେଶ ଗୋୟଲ। ନିଜ ଦ୍ବାରା ୨୫ ବର୍ଷ ତଳେ ଏହି କମ୍ପାନୀକୁ ନିଜ ପତ୍ନୀ ଅନୀତା ଗୋୟଲଙ୍କ ସହ ମିଶି ପ୍ରତିଷ୍ଠା କରିଥିଲେ। ନରେଶଙ୍କ ସହିତ ତାଙ୍କ ପତ୍ନୀ ମଧ୍ୟ କମ୍ପାନୀର ବୋର୍ଡରୁ ଓହରି ଯାଇଛନ୍ତି। ନିକଟ କିଛି ମାସ ଧରି ଏହି ବିମାନ ଚଳାଚଳ କମ୍ପାନୀ କ୍ଷତିରେ ଚାଲୁଥିବା ବେଳେ ନିକଟରେ ମାର୍ଚ୍ଚ ୩୧ ପରଠାରୁ ପାଉଣା ନମିଳିଲେ ଶାନ୍ତିପୂର୍ଣ୍ଣ ଆନ୍ଦାେଳନରେ ବସିବେ ବୋଲି ପାଇଲଟ୍ ମାନେ ଧମକ ଦେଇଥିଲେ। ନିକଟରେ ୧୩ଟି ରୁଟ୍ରେ ନିଜର ବିମାନ ଚଳାଚଳ ସେବା ବନ୍ଦ କରିଥିଲା ଏହି ବିମାନ ଚଳାଚଳ କମ୍ପାନୀ। ଏଟିହାଡ ଏୟାରଲାଇନ୍ସ ଏହି କମ୍ପାନୀରେ ନିବେଶ କରିବାକୁ ମନା କରିଦେବା ପରେ ଗାେୟଲଙ୍କ ଉପରେ ଚାପ ବଢିଥିଲା। ଏହା ମଧ୍ୟରେ ଅନ୍ୟ କୌଣସି ନିବେଶକ ସାମ୍ନାକୁ ନ ଆସିବାରୁ ଗୋୟଲ ବାଧ୍ୟ ହୋଇ ନିଜ ପଦବୀରୁ ଓହରିଛନ୍ତି।
କେନ୍ଦ୍ରରେ ମହାମେଣ୍ଟ ସରକାର ଗଠନ କରିବ ବୋଲି କହିଛନ୍ତି ଶରଦ ଯାଦବ। ଲାଲୁ ପ୍ରସାଦ ଯାଦବଙ୍କ ଅନୁପସ୍ଥିତିରେ ବିହାରରେ ମହାମେଣ୍ଟର ନିର୍ବାଚନୀ ପ୍ରଚାରର ଦାୟିତ୍ବ ନେଇଥିବା ଯାଦବ ଏହା କହିଛନ୍ତି। ନିଜର ନୂତନ ରାଜନୈତିକ ଦଳ ଲୋକତାନ୍ତ୍ରିକ ଜନତା ଦଳ ଗଠନ କରି ବିହାରରେ ଏନ୍ଡିଏ ବିପକ୍ଷରେ ପ୍ରଚାର ଆରମ୍ଭ କରିଛନ୍ତି। ସୂଚନାଯୋଗ୍ୟ ଯେ, ୨୦୧୪ରେ ବିହାରର ୪୦ ଲୋକସଭା ଆସନରୁ ବିଜେପି ୨୨ଟି ଆସନରେ ବିଜୟ ହାସଲ କରିଥିଲା। ଏହି ମହାଗଠବନ୍ଧନ କେବଳ ବିହାର ନୁହେଁ ବରଂ ଉତ୍ତର ପ୍ରଦେଶ, ଝାଡଖଣ୍ଡ ଏବଂ ପଶ୍ଚିମବଙ୍ଗରେ ମଧ୍ୟ ଅନୁଷ୍ଠିତ ହେବ ଏବଂ ବିଜେପିକୁ କ୍ଷମତାରୁ ଦୂରେଇ ରଖାଯିବ। ମଧ୍ୟପ୍ରଦେଶ ଏବଂ ରାଜସ୍ଥାନରେ ବିଜେପି କିଛି ଆସନ ହରାଇବାକୁ ଯାଉଥିବା ବେଳେ ଦକ୍ଷିଣ ଭାରତରେ କର୍ଣ୍ଣାଟକକୁ ଛାଡିଲେ ଅନ୍ୟ କୌଣସି ରାଜ୍ୟରେ ବିଜେପିର ସତ୍ତା ନାହିଁ। ଆସନ୍ତା ନିର୍ବାଚନରେ ଶ୍ରୀ ଯାଦବ ମାଧେପୁରରୁ ପ୍ରତିଦ୍ବନ୍ଦିତା କରିବାକୁ ଯାଉଥିବା ବେଳେ ଏହା ଆରଜେଡି ଚିହ୍ନରେ…
ଦେଶକୁ ଚୁକ୍ତିଭିତ୍ତିକ ପ୍ରଧାନମନ୍ତ୍ରୀ ନୁହେଁ ବରଂ ଜଣେ ଉତ୍ତମ ପ୍ରଧାନମନ୍ତ୍ରୀ ଆବଶ୍ୟକ ବୋଲି କେନ୍ଦ୍ରମନ୍ତ୍ରୀ ତଥା ବିଜେପି ବରିଷ୍ଠ ନେତା ମୁଖତାର ଆବାସ ନକ୍ଭୀ କହିଛନ୍ତି। ସୋମବାର ଦିନ ନକ୍ଭୀ କହିଛନ୍ତି, ରିମୋଟ କଣ୍ଟ୍ରୋଲ ଦ୍ବାରା ପରିଚାଳିତ ହେଉଥିବା ପ୍ରଧାନମନ୍ତ୍ରୀ କଂଗ୍ରେସକୁ ଆବଶ୍ୟକ ମାତ୍ର ଦେଶବାସୀଙ୍କୁ ଜଣେ ଉତ୍ତମ ପ୍ରଧାନମନ୍ତ୍ରୀ ଆବଶ୍ୟକ। ୬ମାସ ପାଇଁ ଜଣେ ପ୍ରଧାନମନ୍ତ୍ରୀ ରହିବେ ଏବଂ ପୁନର୍ବାର ସେହି ସ୍ଥାନରେ ଆଉଜଣେ କାର୍ଯ୍ୟ କରିବା ଦେଶବାସୀଙ୍କ ପାଇଁ ଗ୍ରହଣୀୟ ନୁହେଁ। ନରେନ୍ଦ୍ର ମୋଦି ଦେଶ ପାଇଁ ଜଣେ ଅତ୍ୟନ୍ତ ଉତ୍ତମ ପ୍ରଧାନମନ୍ତ୍ରୀ ବୋଲି ସମଗ୍ର ଦେଶ ଜାଣିଥିବା ବେଳେ ପ୍ରିୟଙ୍କା ଗାନ୍ଧୀ ଭଦ୍ର ଏବେ ରାଜନୈତିକ ପିକ୍ନିକ୍ରେ ଅଛନ୍ତି ବୋଲି କହିଛନ୍ତି ନକ୍ଭୀ। ପ୍ରତ୍ୟକ ଦିନ ମୋଦିଙ୍କୁ ସମାଲୋଚନା କରୁଥିବା କଂଗ୍ରେସୀ ନେତାଙ୍କୁ ‘ଗାଳି ଗ୍ୟାଙ୍ଗ’ବେଲି କହିବା ସହ ବିଗତ ୫ ବର୍ଷମଧ୍ୟରେ ମୋଦି ସରକାରଙ୍କ ଦ୍ବାରା ହୋଇଥିବା ଉନ୍ନୟନମୂଳକ କାର୍ଯ୍ୟକୁ ଏମାନେ ହଜମ କରି ପାରୁନାହାନ୍ତି।…
ମୁମ୍ବାଇ ଇଣ୍ଡିଆନ୍ସ ଏବଂ ଦିଲ୍ଳୀ କ୍ୟାପିଟାଲ୍ସ ମଧ୍ୟରେ ଅନୁଷ୍ଠିତ ମ୍ୟାଚ୍ରେ ଦିଲ୍ଲୀ ୩୭ ରନ୍ରେ ମୁ୍ମ୍ବାଇକୁ ପରାସ୍ତ କରିଥିଲା। ଏହି ମ୍ୟାଚ୍ରେ ଭାରତୀୟ ଯୁବ ଓ୍ବିକେଟ ରକ୍ଷକ ଋଷଭ ପନ୍ତ ୨୭ ବଲ୍ରୁ ଅପରାଜିତ ୭୮ରନ୍ କସଂଗ୍ରହ କରିଥିଲେ। ପନ୍ତଙ୍କ ଏହି ଇନିଂସକୁ ମ୍ୟାଚ୍ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ ପ୍ରଶଂସା କରିଛନ୍ତି ଭାରତୀୟ ଭେଟେରାନ ଖେଳାଳି ତଥା ୨୦୧୧ ବିଶ୍ବକପ୍ ହିରୋ ଯୁବରାଜ ସିଂ। ଏହି ମ୍ୟାଚ୍ରେ ଯୁବରାଜ ପ୍ରତ୍ୟାବତ୍ତର୍ନ କରିଥିବା ବେଳେ ୩୫ ବଲ୍ରୁ ୫୩ ରନ୍ ସଂଗ୍ରହ କରିଥିଲେ। ବର୍ତ୍ତମାନ ଭାରତୀୟ ଦଳରେ ପନ୍ତଙ୍କ ମନୋନୟନ କଷ୍ଟ ମାତ୍ର ଆଜିର ମ୍ୟାଚ୍ରେ ପନ୍ତ ଚମତ୍କାର ବ୍ୟାଟିଂ କରିଛନ୍ତି ବୋଲି ଯୁବରାଜ କହିଛନ୍ତି। ଦିନିକିଆ ଏବଂ ଟେଷ୍ଟରେ ମଧ୍ୟ ପନ୍ତ ବଢିଆ ପ୍ରଦର୍ଶନ କରିଛନ୍ତି ଯାହା ତାଙ୍କୁ ବର୍ତ୍ତମାନ ଦଳରେ୪ ନମ୍ବର ସ୍ଥାନ ନିମନ୍ତେ ପ୍ରମୁଖ ଦାବିଦାର ଭାବରେ ଛିଡା କରିଛି। ସେହିପରି ନିଜର ଅବସର ସମ୍ପର୍କରେ ଯୁବରାଜ କହିଥିଲେ,…
କଂଗ୍ରେସ ନିର୍ବାଚନରେ ପୁଣି ଥରେ ଗରିବୀ ହଟାଓକୁ ନିର୍ବାଚନୀ ପ୍ରସଙ୍ଗ କରିଛି। ଆଜି ଦିଲ୍ଲୀଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କଂଗ୍ରେସ ଅଧ୍ୟକ୍ଷ ରାହୁଲ୍ ଗାନ୍ଧି କହିଛନ୍ତି, କଂଗ୍ରେସ କ୍ଷମତାକୁ ଆସିଲେ ଦେଶର ୨୦% ଗରିବଙ୍କୁ ପ୍ରତି ବର୍ଷ ୭୨ ହଜାର ଟଙ୍କା ମିଳିବ। ଦେଶରେ ଗରିବଙ୍କୁ ସର୍ବନିମ୍ନ ଆୟର ଗ୍ୟାରେଣ୍ଟି ପ୍ରଦାନ ଉପରେ ଗୁରୁତ୍ବ ଦେଇ ଶ୍ରୀ ଗାନ୍ଧି ମୋଦି ସରକାରଙ୍କୁ ଟାର୍ଗେଟ୍ କରିଛନ୍ତି। ଦେଶରେ ମୋଦି ସରକାର ପୁଞ୍ଜିପତିମାନଙ୍କୁ ସାହାଯ୍ୟ ଓ ସହଯୋଗ କରୁଥିବାବେଳେ ଗରିବଙ୍କ ପ୍ରତି ଅଣଦେଖା କରୁଛନ୍ତି। ବିଗତ ପାଞ୍ଚ ବର୍ଷ ଭିତରେ ଜନସାଧାରଣ ବହୁତ ସମସ୍ୟାର ସମ୍ମୁଖୀନ ହୋଇଛନ୍ତି। ଏଥିପାଇଁ ସର୍ବନିମ୍ନ ରୋଜଗାର ଗ୍ୟାରେଣ୍ଟି ଜରିଆରେ ଜନସାଧାରଣଙ୍କୁ ନ୍ୟାୟ ଦେବା ପାଇଁ ନିଷ୍ପତ୍ତି ନେଇଛନ୍ତି ବୋଲି ରାହୁଲ୍ କହିଛନ୍ତି। ମାସିକ ୧୨,୦୦୦ଟଙ୍କା ଆୟ କରୁଥିବା ପରିବାରକୁ ସର୍ବନିମ୍ନ ରୋଜଗାର ଯୋଜନାରେ ଅର୍ନ୍ତଭୁକ୍ତ କରାଯିବ। ଦେଶର ୨୦ ପ୍ରତିଶତ ଅତି ଗରିବ ପରିବରକୁ ପ୍ରତ୍ୟେକ ବର୍ଷ…