ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବଡ଼ବଜାର ଥାନା ଅନ୍ତର୍ଗତ ବିଭିନ୍ନ ସ୍ଥାନରେ ଚଢାଉ କରି ପୋଲିସ ବିପୁଳ ପରିମାଣର ବେଆଇନ ବାଣ ଜବତ କରିଛନ୍ତି। ବଡ଼ବଜାର ପୋଲିସ ପୁରୁଣା ବ୍ରହ୍ମପୁର ରାଧାକାନ୍ତ ସାହିରେ ବାଣ ଚାଲାଣ ବେଳେ ୯ ପେଟି ବାଣ ସହ ଏକ ଅଟୋ ରିକ୍ସା ଜବତ କରିବା ସହ ରବି ଯେନା ନାମରେ ଜଣେ ବ୍ୟବସାୟୀ କୁ ଗିରଫ କରିବା ପରେ ପାଣିଗ୍ରାହୀପେଣ୍ଠ ଚୈତନ୍ୟ ନଗର ରେ ଏକ ଗୋଦାମରେ ଚଢ଼ାଉ କରି ବାଣ ଜବତ କରିଛନ୍ତି ଓ ସଦର ଥାନା ଅନ୍ତର୍ଗତ ଦୁର୍ବନ୍ଧ ଗ୍ରାମ ର ଶିବ ସାହୁ ନାମକ ଜଣେ ଯୁବକ କୁ ଗିରଫ କରିଛନ୍ତି। ଏତଦବ୍ୟତୀତ ରାଜାମ୍ ସାହିର ପିତାମ୍ବର ସେଠୀ ଓ ପଣ୍ଡିତ ସାହିର ଏମ୍ ସତ୍ୟନାରାୟଣ ପ୍ରମୁଖ ଙ୍କୁ ଅଟକ ରଖି ବିପୁଳ ପରିମାଣର ବାଣ ଜବତ କରିବା ସହ ଉକ୍ତ ସମସ୍ତ ବ୍ୟବସାୟୀ ମାନଙ୍କୁ ବିଭିନ୍ନ ଦଫାରେ ମୋକଦ୍ଦମା ରୁଜ୍ଜୁ…
Author: Samikhsya Bureau
ଭୁବନେଶ୍ୱର: ରାଜ୍ୟ ସଭାପତି ମନମୋହନ ସାମଲଙ୍କ ଅନୁମୋଦନକ୍ରମେ ରାଜ୍ୟର ୩୬ ଟି ସାଂଗଠନିକ ଜିଲ୍ଲା ସଭାପତିଙ୍କ ନାମ ଘୋଷଣା କରାଯାଇଛି। ନିମ୍ନରେ ସେମାନଙ୍କର ନାମ ତାଲିକା ପ୍ରକାଶ କରାଗଲା….. ଜିଲ୍ଲା ସଭାପତି: ଅନୁଗୁଳ – ଦିଲେଶ୍ୱର ପ୍ରଧାନ, ବାଲେଶ୍ୱର – ଉମାକାନ୍ତ ମହାପାତ୍ର, ବରଗଡ – ଅଶି୍ୱନୀ କୁମାର ଷଡଙ୍ଗୀ, ଭଦ୍ରକ – ହେମନ୍ତ ପାଢୀ, ଭୁବନେଶ୍ୱର – ବାବୁ ସିଂ , ବଲାଙ୍ଗୀର – ଶିବାଜୀ ମହାନ୍ତି, ବୌଦ୍ଧ – ବିପ୍ର ଚରଣ ମହାନ୍ତି, କଟକ ନଗର – ଲଲାଟେନ୍ଦୁ ବଡୁ, କଟକ ସଦର – ପୂର୍ବତନ ବିଧାୟକ ପ୍ରକାଶ ଚନ୍ଦ୍ର ବେହେରା, ଦେବଗଡ – ଅରୁଣ କୁମାର ସାହୁ, ଢେଙ୍କାନାଳ – ନରେଶ ମହାପାତ୍ର, ଗଜପତି – ବିଧାୟକ କେ. ନାରାୟଣ ରାଓ, ଗଂଜାମ – ଡ.ସୁବାଷ ସାହୁ, ଘୁ ମୁସର – ଗୋକୁଳାନନ୍ଦ ମଲ୍ଲିକ, ଜଗତସିଂହପୁର – ସତ୍ୟବ୍ରତ ମହାପାତ୍ର, ଯାଜପୁର – ଗୌତମ ରାୟ, ଝାରସୁଗୁଡା…
ସୀତାରାମ ଅଗ୍ରହୱାଲ ବାଣପୁର: ରବିବାର ସନ୍ଧ୍ୟାରେ ବାଣପୁର ସ୍ଥିତ ବିଧାରପୁର ଠାରେ ଥିବା ଶୁଭମଙ୍ଗଳ କଲ୍ୟାଣ ମଣ୍ଡପ ନିକଟରେ ଗୋଲଖ ପରିଡାଙ୍କ ଆନୁକୂଲ୍ୟରେ ପରିଡା ପାଠାଗାରର ଶୁଭ ଉଦଘାଟନ ଉତ୍ସବ ଅନୁଷ୍ଠିତ ହୋଇଯାଇଛି। ଉକ୍ତ ପାଠାଗାରକୁ ପାରିକୁଦ ରାଜା ସନ୍ତୋଷ କୁମାର ମାନସିଂହ ମର୍ଦରାଜ ଉଦଘାଟନ କରିଥିଲେ। ଏହି ଅବସରରେ ରାଜାଙ୍କୁ ବିଧାରପୁର ଠାରୁ ପାଠାଗାର ପର୍ଯ୍ୟନ୍ତ ବାଜା ଓ ରୋଷଣୀ ମାଧ୍ୟମରେ ପାଛୋଟି ନିଆଯାଇ ଗ୍ରାମ ପରିକ୍ରମା କରାଯାଇଥିଲା। ଶ୍ରୀଯୁକ୍ତ ମର୍ଦରାଜ ପରିଡା ପାଠାଗାରକୁ ପ୍ରଦୀପ ପ୍ରଜ୍ବଳନ କରି ଶୁଭାରମ୍ଭ କରିଥିଲେ। ଉକ୍ତ ଉଦଘାଟନ ଉତ୍ସବକୁ ସାହିତ୍ୟ ସିନ୍ଦୁରା ତରଫରୁ ସରସ ସୁନ୍ଦର କରାଯାଇଥିଲା। ଏହି ଉପଲକ୍ଷେ ମା ଭଗବତୀ କଳାନିକେତନର ବାର୍ଷିକ ଉତ୍ସବ ନିମନ୍ତେ ଏକ ସଂଗୀତ କାର୍ଯ୍ୟକ୍ରମ ପରିବେଷଣ ହୋଇଥିଲା। ସାହିତ୍ୟ ସିନ୍ଦୁରା ତରଫରୁ କବିତା ପାଠ ଉତ୍ସବ ଓ ଭଜନ ପରିବେଷଣ କରାଯାଇଥିଲା। ଅଂଚଳର କବି ମାନଙ୍କ ଦ୍ୱାରା ସ୍ଵଲିଖିତ କବିତା ଗୁଡିକୁ ସେମାନେ ଆବୃତ୍ତି…
ସୀତାରାମ ଅଗ୍ରୱାଲ ବାଣପୁର: ଆଜି ଇଲେକ୍ଟ୍ରୋନିକସ ଏବଂ ଆଇଟି ବିଭାଗର ଉପଦେଷ୍ଟା ଅନୁଭବ ପଟ୍ଟନାୟକ ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ପରିଦର୍ଶନକୁ ଆସିଥିଲେ। ଏହି ଅବସରରେ ଶ୍ରୀ ପଟ୍ଟନାୟକ ବାଣପୁର ଅଞ୍ଚଳର ବିଭିନ୍ନ ମୋ ସେବା କେନ୍ଦ୍ର ଓ ୫ଟି ସ୍କୁଲ ଗୁଡିକ ପରିଦର୍ଶନ କରି ଉନ୍ନୟନ ସମୀକ୍ଷା କରିଛନ୍ତି। ଶ୍ରୀ ପଟ୍ଟନାୟକ ଅପରାହ୍ନରେ ବଡହନ୍ତୁଆଡ଼ ସ୍ଥିତ ମୋ ସେବା କେନ୍ଦ୍ର ନିକଟରେ ପହଂଚିଥିବା ବେଳେ ତାଙ୍କୁ ଏନଏସି କାର୍ଯ୍ୟନିର୍ବାହୀ ଅଧିକାରୀ ଏବଂ ବାଣପୁର ବ୍ଲକର ସମସ୍ତ ସେବାକେନ୍ଦ୍ରର ପ୍ରତିନିଧି ମାନେ ଉତ୍ତରୀୟ ଓ ପୁଷ୍ପଗୁଛ ଦେଇ ସ୍ୱାଗତ କରିଥିଲେ। ସେଠାରେ ମୋ ସେବା କେନ୍ଦ୍ର ଦ୍ୱାରା ସାଧାରଣ ଲୋକ ପାଇବାକୁ ଥିବା ସେବା ଗୁଡିକ କିପରି ସୁବିଧାରେ ପାଉଛନ୍ତି ତାହା ପଚାରି ବୁଝିଥିଲେ ଶ୍ରୀ ପଟ୍ଟନାୟକ। ଇଣ୍ଟରନେଟର ସୁବିଧା, ଆଧାର କାର୍ଡ଼, ରେସିଡେନ୍ସ ସାର୍ଟିଫିକେଟ,ଲିଗାଲ ହେଆର ସାର୍ଟିଫିକେଟ, ଡେଥ ସାର୍ଟିଫିକେଟ ପ୍ରଭୃତି ଆବେଦନ କରିବାର ସଠିକ ମୂଲ୍ୟ ପଚାରି ବୁଝିବା…
ବିମାନବନ୍ଦରରେ ନମାଜ ପାଠ: ଫ୍ରାନ୍ସର ରାଜଧାନୀ ପ୍ୟାରିସର ଚାର୍ଲସ ଡି ଗାଲ ଏୟାରପୋର୍ଟକୁ ନେଇ ନୂଆ ବିବାଦ ସୃଷ୍ଟି ହୋଇଛି। ଏଠାରେ ବିମାନବନ୍ଦରରେ କିଛି ମୁସଲମାନ ଯାତ୍ରୀ ନମାଜ ପଢ଼ିବା ପରେ ବିବାଦ ସୃଷ୍ଟି ହୋଇଛି। ଏହି ଘଟଣାକୁ ନେଇ ବିମାନବନ୍ଦର ପକ୍ଷରୁ ଦୁଃଖ ପ୍ରକାଶ କରାଯାଇଛି। ଏହି ଘଟଣା ଏପରି ସମୟରେ ଘଟିଛି ଯେତେବେଳେ ଦେଶର ସରକାର ଧର୍ମ ସହ ଜଡ଼ିତ ମାମଲାକୁ ଦୃଢ଼ତାର ସହ ମୁକାବିଲା କରିବାକୁ ପ୍ରତିଶ୍ରୁତି ଦେଇଛନ୍ତି। ଏହି ଘଟଣାର ଅନେକ ଫଟୋ ସେୟାର କରାଯାଇଛି। ଏହି ଫଟୋଗୁଡ଼ିକରେ ଦେଖିବାକୁ ମିଳୁଛି ଯେ ପ୍ୟାରିସର ଚାର୍ଲସ ଡି ଗଲ୍ ବିମାନବନ୍ଦରରେ କିଛି ଲୋକ କିପରି ପ୍ରାର୍ଥନା କରୁଛନ୍ତି। ସେମାନଙ୍କ ପାଖରେ କିଛି ଲୋକ ବସିଛନ୍ତି। ଜୋର୍ଡାନକୁ ଯାଉଥିଲେ ଯାତ୍ରୀ ଏୟାରପୋର୍ଟର ଡିପାର୍ଚର ହଲରେ ଏହି ଘଟଣା ଘଟିଛି। ଜୋର୍ଡାନକୁ ଯିବା ପାଇଁ ବିମାନକୁ ଅପେକ୍ଷା କରିଥିବା କିଛି ଯାତ୍ରୀଙ୍କର ଫଟୋ ସାମ୍ନାକୁ ଆସିଛି। ଜୋର୍ଡାନ ଯିବା…
ଭୁବନେଶ୍ବର: ଦୀର୍ଘ ଏକମାସ ରୁ ଉର୍ଦ୍ଧ୍ବ ସମୟ ଧରି ନିଜ ର ନ୍ୟାଯ ଦାବୀ ନେଇ ଆନ୍ଦୋଳନ କରି ଆସିଥିବା ଅଲ ଓଡ଼ିଶା ଆୟୁଷ ଛାତ୍ର ସଂସଦ ପୁନଶ୍ଚ ଆସନ୍ତା ବିଧାନସଭା ଶୀତ ଅଧିବେଶନର ଆରମ୍ଭ ରୁ ବ୍ୟାପକ ଭାବେ ଆନ୍ଦୋଳନ ଆରମ୍ଭ କରିବାକୁ ପ୍ରସ୍ତୁତି ଆରମ୍ଭ କରିଛି। ଆଜି ଛାତ୍ର ସଂସଦ ପ୍ରତିନିଧି ଦଳ ପକ୍ଷରୁ ସଭାପତି ଡା ରାଜେଶ ମିଶ୍ର ଓ ଡା ରୋହିତ କେରର୍କେଟା ସ୍ୱାସ୍ଥ୍ୟ ବିଭାଗ ଯୁଗ୍ମ ସଚିବ ସୁମିତ୍ରା ସେନାପତି ଙ୍କ ସହିତ ସାକ୍ଷାତ ଆଲୋଚନା କରିଥିଲେ।ସ୍ୱାସ୍ଥ୍ୟ ବିଭାଗ ପକ୍ଷରୁ କେବଳ ଆୟୁଷ ଡାକ୍ତର ଙ୍କ କ୍ୟାଡର ସମ୍ପର୍କରେ ଆଲୋଚନା ଚାଲିଥିବା ବେଳେ ନୂତନ ଆୟୁଷ ଡିସ୍ପେନସାରି ଖୋଲବା ଓ ନୂତନ ଆୟୁଷ ଡ଼ାକ୍ତରୀ ନିଯୁକ୍ତି ପାଇଁ ଅଦ୍ୟାବଧି କୌଣସି ଗୁରୁତ୍ତ୍ୱପୂର୍ଣ୍ଣ ନିଷ୍ପତ୍ତି କରାଯାଇ ନାହିଁ। ବିଳମ୍ବ ଜାଣିବା ପରେ ଆୟୁଷ ଡାକ୍ତର ଛାତ୍ରଛାତ୍ରୀ ଙ୍କ ମଧ୍ୟରେ ତୀବ୍ର ଅସନ୍ତୋଷ ଓ କ୍ଷୋଭ ପ୍ରକାଶ…
ନୂଆଦିଲ୍ଲୀ: ଜାତୀୟ ଖାଦ୍ୟ ସୁରକ୍ଷା ଆଇନ (ଏନ୍ଏଫ୍ଏସ୍ଏ) ୨୦୧୩ ଅଧୀନରେ କେନ୍ଦ୍ର ସରକାରଙ୍କ ମାଗଣା ଖାଦ୍ୟଶସ୍ୟ ଯୋଜନାକୁ ଆସନ୍ତା ୫ ବର୍ଷ ପାଇଁ ବୃଦ୍ଧି କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘୋଷଣା କରିଛନ୍ତି। ମଧ୍ୟପ୍ରଦେଶ ଓ ଛତିଶଗଡ଼ରେ ନିର୍ବାଚନୀ ରାଲିରେ ସେ ଏହି ଘୋଷଣା କରିଛନ୍ତି। ଏହି ମାଗଣା ଶସ୍ୟ ଯୋଗାଣ ଆହୁରି ୫ ବର୍ଷ ପର୍ଯ୍ୟନ୍ତ ଜାରି ରହିବ ବୋଲି ପ୍ରଧାନମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି। ଏହାଦ୍ୱାରା ଅତି କମରେ ୮୦ କୋଟି ଲୋକ ଉପକୃତ ହେବେ ଏବଂ ବିଜେପି ଏହାର ଲୋକସଭା ନିର୍ବାଚନ ପ୍ରଚାରରେ ଏହାକୁ ବିକ୍ରୟ ପଏଣ୍ଟଭାବେ ବ୍ୟବହାର କରିବାର ସମ୍ଭାବନା ରହିଛି। ଏହା ପୂର୍ବରୁ ଅନ୍ୟ ଦଳମାନେ ଭୋଟରଙ୍କୁ ଦେଉଥିବା ମାଗଣା ସାମଗ୍ରୀକୁ ପ୍ରଧାନମନ୍ତ୍ରୀ ‘ରେବଡ଼ି’ ବୋଲି ଉପହାସ କରିଥିଲେ। ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା (ପିଏମ-ଜିକେଏୱାଇ), ମହାମାରୀ ସମୟରେ ରିଲିଫ ପଦକ୍ଷେପ, ଯାହା ଅଧୀନରେ ଏପ୍ରିଲ ୨୦୨୦ରୁ ଏନଏଫଏସଏର ସମସ୍ତ ହିତାଧିକାରୀଙ୍କୁ ଅତିରିକ୍ତ ୫…
ଗାନ୍ଧୀନଗର: ଆଇଆଇଟି ଗାନ୍ଧୀନଗରରେ ଅନୁଷ୍ଠିତ ପ୍ରଥମ ଅଷ୍ଟ୍ରେଲିଆ-ଭାରତ ଶିକ୍ଷା ଏବଂ କୌଶଳ ପରିଷଦ ବୈଠକ(ଏଆଇଇଏସସି) ବୈଠକରେ ଶିକ୍ଷା ଓ ଦକ୍ଷତା କ୍ଷେତ୍ରରେ ଚିହ୍ନଟ କରାଯାଇଥିବା ପ୍ରାଥମିକତା କ୍ଷେତ୍ରରେ ‘ଅଧିକ ସହଯୋଗ, ଅଧିକ ଭାଗିଦାରୀ ଏବଂ ଅଧିକ ମୋବିଲିଟି ପାଇଁ ମାର୍ଗ ପ୍ରଶସ୍ତ ହୋଇଛି ବୋଲି କହିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଓ ଅଷ୍ଟ୍ରେଲିଆ ଶିକ୍ଷା ମନ୍ତ୍ରୀ ଜେସନ କ୍ଲେୟାରଙ୍କ ମିଳିତ ଅଧ୍ୟକ୍ଷତାରେ ଅନୁଷ୍ଠିତ ଏହି ଏଆଇଇଏସସି ବୈଠକରେ ଶିକ୍ଷା ଓ ଦକ୍ଷତା ବିକାଶ କ୍ଷେତ୍ରକୁ ସୁଦୃଢ କରିବା ଉପରେ ବିଶେଷ ଗୁରୁତ୍ୱ ଦିଆଯାଇଥିଲା। ଅଷ୍ଟ୍ରେଲିଆ ଶିକ୍ଷା ମନ୍ତ୍ରୀଙ୍କ ସହ ଶିକ୍ଷା ଏବଂ ଦକ୍ଷତା କ୍ଷେତ୍ରରେ ଦ୍ୱିପାକ୍ଷିକ ସହଯୋଗର ବ୍ୟାପକ ସମୀକ୍ଷା କରିଥିଲେ କେନ୍ଦ୍ରମନ୍ତ୍ରୀ। ବୈଠକ ପରେ ଆୟୋଜିତ ସାମ୍ବାଦିକ ସମ୍ମିଳନୀରେ ଶ୍ରୀ ପ୍ରଧାନ କହିଛନ୍ତି ଯେ ବିଶେଷ ଭାବରେ ଶିକ୍ଷା ଓ ଦକ୍ଷତା ବିକାଶ କ୍ଷେତ୍ରରେ ସହଯୋଗ ବୃଦ୍ଧି…
ନୂଆଦିଲ୍ଲୀ: ଚଳିତ କ୍ରିକେଟ ବିଶ୍ୱକପରେ ଦକ୍ଷିଣ ଆଫ୍ରିକା ବିପକ୍ଷରେ ବିଜୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତୀୟ କ୍ରିକେଟ ଦଳକୁ ଅଭିନନ୍ଦନ ଜଣାଇଛନ୍ତି। ବିରାଟ କୋହଲି ଖେଳିଥିବା ଏକ ସୁନ୍ଦର ଇନିଂସ ପାଇଁ ତାଙ୍କୁ ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରି କହିଛନ୍ତି ଯେ, ‘ଆମ କ୍ରିକେଟ ଦଳ ପୁନର୍ବାର ବିଜୟୀ ହୋଇଛି। ଦକ୍ଷିଣ ଆଫ୍ରିକା ବିପକ୍ଷରେ ଚମତ୍କାର ପ୍ରଦର୍ଶନ ପାଇଁ ଦଳକୁ ଅଭିନନ୍ଦନ। ଚମତ୍କାର ଟିମୱର୍କ। ସୁନ୍ଦର ଇନିଂସ ଖେଳିଥିବା ବିରାଟ କୋହଲିଙ୍କୁ ଜନ୍ମଦିନରେ ଏକ ବଡ଼ ଉପହାର ମଧ୍ୟ ଦେଇଛନ୍ତି।’
ନୂଆଦିଲ୍ଲୀ: ବାଂଲାଦେଶ-ଶ୍ରୀଲଙ୍କା ମ୍ୟାଚ୍ ସମୟରେ ଏପରି କିଛି ଘଟିଛି, ଯାହା କ୍ରିକେଟ୍ ର ୧୪୬ ବର୍ଷର ଇତିହାସରେ କେବେ ହୋଇ ନଥିଲା। ବାସ୍ତବରେ ଶ୍ରୀଲଙ୍କାର ଖେଳାଳି ଆଞ୍ଜେଲୋ ମାଥ୍ୟୁସଙ୍କୁ ଟାଇମ ଆଉଟ ଘୋଷଣା କରାଯାଇଥିଲା। ଆଜି ପର୍ଯ୍ୟନ୍ତ ଅନ୍ତର୍ଜାତୀୟ କ୍ରିକେଟରେ ଏହିପରି କୌଣସି ବ୍ୟାଟ୍ସମ୍ୟାନ୍ ଙ୍କୁ ଆଉଟ ହୋଇ ପାଭିଲିୟନକୁ ଫେରିବାକୁ ପଡିନଥିଲା। ଏହା ପରେ ଆଞ୍ଜେଲୋ ମାଥ୍ୟୁସ୍ କୌଣସି ବଲ୍ ନ ଖେଳି ପାଭିଲିୟନକୁ ଫେରିଥିଲେ। ଆଞ୍ଜେଲୋ ମାଥ୍ୟୁସ୍ ଙ୍କୁ କିପରି ଟାଇମ ଆଉଟ ଦିଆଗଲା?: ବାସ୍ତବରେ ସଦିରା ସମରୱିକ୍ରମା ଆଉଟ୍ ହେବା ପରେ ଆଞ୍ଜେଲୋ ମାଥ୍ୟୁସ୍ ବ୍ୟାଟିଂ କରିବାକୁ ଆସିଥିଲେ। କିନ୍ତୁ ଆଞ୍ଜେଲୋ ମାଥ୍ୟୁସଙ୍କ ହେଲମେଟ ଠିକ୍ ନଥିଲା, ଆଞ୍ଜେଲୋ ମାଥ୍ୟୁସ୍ ସେହି ହେଲମେଟ ପିନ୍ଧିବାରେ ଅସୁବିଧାର ସମ୍ମୁଖୀନ ହୋଇଥିଲେ। ତା’ପରେ ଆଞ୍ଜେଲୋ ମାଥ୍ୟୁସ୍ ପ୍ୟାଭିଲିୟନରୁ ଆଉ ଏକ ହେମଲେଟ୍ ଆଣିବାକୁ ସଙ୍କେତ ଦେଇଥିଲେ। କିନ୍ତୁ ଏହି ସମୟରେ ବାଂଲାଦେଶ ଅଧିନାୟକ ଶାକିବ ଅଲ ହାସନ ମାଥ୍ୟୁସଙ୍କ ବିପକ୍ଷରେ…
ନୂଆଦିଲ୍ଲୀ: ଟିଏମସି ସାଂସଦ ମହୁଆ ମୋଇତ୍ରାଙ୍କ ବିରୋଧରେ ଆସିଥିବା ‘କ୍ୟାସ୍ ଫର୍ କ୍ୱେରି’ ଅଭିଯୋଗର ତଦନ୍ତ ପାଇଁ ନଭେମ୍ବର ୯ (ଗୁରୁବାର) ଲୋକସଭା ନୈତିକତା କମିଟିର ଏକ ବୈଠକ ଡକାଯାଇଛି। ସୂଚନାଯୋଗ୍ୟ, ପୂର୍ବରୁ ଏହି ବୈଠକ ଆସନ୍ତାକାଲି (ମଙ୍ଗଳବାର) ହେବାର ଥିଲା। ବିଜେପି ନେତା ବିନୋଦ କୁମାର ସୋନକରଙ୍କ ଅଧ୍ୟକ୍ଷତାରେ ଗଠିତ ଲୋକସଭାର ନୈତିକତା କମିଟି ଏହାର ତଦନ୍ତ ଶେଷ କରିଛି। ମିଳିଥିବା ସୂଚନା ଅନୁଯାୟୀ, ତଦନ୍ତ କମିଟି ମୋଇତ୍ରାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ସୁପାରିସ କରିପାରେ। ସମ୍ଭବତଃ ମହୁଆ ମୋଇତ୍ରାଙ୍କ ସଂସଦ ସଦସ୍ୟତା ମଧ୍ୟ ରଦ୍ଦ ହୋଇପାରେ। ସମ୍ପୂର୍ଣ୍ଣ ଘଟଣାଟି ଏପରି ବିଜେପି ସାଂସଦ ନିଶିକାନ୍ତ ଦୁବେ ଅଭିଯୋଗ କରିଛନ୍ତି ଯେ ମହୁଆ ମୋଇତ୍ରା ଲାଞ୍ଚ ବଦଳରେ ବ୍ୟବସାୟୀ ଦର୍ଶନ ହିରାନନ୍ଦାନୀଙ୍କ ନିର୍ଦ୍ଦେଶରେ ଆଦାନୀ ଗ୍ରୁପକୁ ଟାର୍ଗେଟ କରି ଲୋକସଭାରେ ପ୍ରଶ୍ନ ପଚାରିଥିଲେ। ସେ ଅଭିଯୋଗ କରିଛନ୍ତି ଯେ ମହୁଆ ତାଙ୍କ ଲୋକସଭା ମେଲ୍ ଆଇଡିର ଲଗଇନ୍ ହିରାନନ୍ଦାନୀଙ୍କୁ…
ଭୁବନେଶ୍ୱର: ନିଜ ଦଳର ସାଙ୍ଗଠନିକ ଶକ୍ତି ବଳରେ ବଳିୟାନ ହେବା ପରିବର୍ତ୍ତେ ଶାସକ ବିଜୁ ଜନତା ଦଳର ସାଙ୍ଗଠନିକ ଶକ୍ତି ଆଗରେ ନିଜକୁ ସମର୍ପଣ କରି ଦୟାର ପାତ୍ର ହୋଇ ଲୋକସଭା ନିର୍ବାଚନ ବୈତରଣୀ ପାର ହେବା ଆଶାରେ ଅଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଢେଙ୍କାନାଳ ଆସନରୁ ନ ଲଢ଼ି ସମ୍ବଲପୁର ଆସନ ପାଇଁ କାହିଁକି ଇଚ୍ଛାପ୍ରକାଶ କରିଛନ୍ତି ତାହାହିଁ ବର୍ତ୍ତମାନ ରାଜନୀତିକ ମହଲରେ ଆଲୋଚନାର ବିଷୟବସ୍ତୁ ପାଲଟିଛି। ବିଜେପିର କେନ୍ଦ୍ରୀୟ ନିୟମ ଅନୁସାରେ ଯେଉଁମାନେ ଦୁଇଥର ରାଜ୍ୟସଭାକୁ ନିର୍ବାଚିତ ହୋଇଛନ୍ତି ଆଉ ସେମାନଙ୍କୁ ରାଜ୍ୟସଭା ମିଳିବ ନାହିଁ। ସେମାନେ ଲୋକସଭା ନିର୍ବାଚନ ଲଢ଼ିବାକୁ ପଡ଼ିବ ବୋଲି ନିଷ୍ପତ୍ତି ହୋଇଛି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିହାର ଓ ମଧ୍ୟପ୍ରଦେଶରୁ ଦୁଇଥର ରାଜ୍ୟସଭାକୁ ନିର୍ବଚିତ ହୋଇଥିବାରୁ ସେ ବାଧ୍ୟ ହୋଇ ଆଗାମୀ ନିର୍ବାଚନରେ ଲୋକସଭା ଲଢ଼ିବେ। ଏହିକ୍ରମରେ ଗତମାସରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଏକ ଖବର ସରବରାହ ସଂସ୍ଥାକୁ ସୂଚନା ଦେଇ କହିଥିଲେ…
ଭୁବନେଶ୍ୱର: ଅବକାରୀ କମିଶନର ନରସିଂହ ଭୋଳ ବେଆଇନ ମଦ କାରବାରରୁ ଲାଞ୍ଚ ନେଇ ଦୁର୍ନୀତି କରିଥିବା ଅଭିଯୋଗରେ କଟକ ଜିଲ୍ଲା ଅବକାରୀ ଏଏସଆଇ ନିରଞ୍ଜନ ଖଟୁଆଙ୍କୁ ଚାକିରିରୁ ବହିଷ୍କାର କରିଛନ୍ତି। ତାଙ୍କ ବିରୋଧରେ ଏ ସଂକ୍ରାନ୍ତରେ ଅନେକ ଅଭିଯୋଗ ଆସିଥିଲା। ଆଇଟି ଆପ୍ଲିକେସନ୍ ମାଧ୍ୟମରେ ତଦନ୍ତରୁ ବେଆଇନ ମଦ କାରବାରରେ ମଦ ବେପାରୀଙ୍କ ସହ ତାଙ୍କର ସମ୍ପୃକ୍ତି ଥିବା ପ୍ରମାଣିତ ହୋଇଥିଲା। ଏହା ପୂର୍ବରୁ ମଧ୍ୟ ଗୋଟିଏ ବିଦେଶୀ ମଦ ଦୋକାନରେ ମଦ ବେପାରୀଙ୍କ ସହ ମଦ ପିଇବା ଅଭିଯୋଗରେ ତାଙ୍କୁ ନିଲମ୍ବିତ କରାଯାଇଥିଲା ଏବଂ ତାଙ୍କ ବିରୁଦ୍ଧରେ ବିଭାଗୀୟ ତଦନ୍ତ ଜାରି ରହିଛି। ପୂର୍ବରୁ ବେଆଇନ ଭାବେ ବିଦେଶୀ ମଦ ବିକ୍ରି କରୁଥିବା ବେଳେ ତାଙ୍କ ବାପାଙ୍କୁ କଟକ ଇଆଇ ଓ ଇବି ୟୁନିଟ୍-୧ ଗିରଫ କରି ଜେଲ୍ ହାଜତକୁ ପଠାଇଥିଲେ। ପୋଷାକରେ ରହି ବେଆଇନ ମଦ କାରବାର ରୋକିବା ଦିଗରେ ସେ ଦାୟିତ୍ୱ ତୁଲାଇବା ପରିବର୍ତ୍ତେ ବେଆଇନ ମଦ…
ଖୋର୍ଦ୍ଧା: ଖୋର୍ଦ୍ଧା ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ଆଜିର ପ୍ରତ୍ୟେକ୍ଷ ମିଳିତ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଆଜି ମୋଟ ୯୪ ଗୋଟି ଆପତ୍ତି ଅଭିଯୋଗ ଦାଖଲ ହୋଇଥିବା ବେଳେ ସେଥିମଧ୍ୟରୁ ୮୪ ଟି ଅଭିଯୋଗ ବ୍ୟକ୍ତିଗତ ଥିଲା ଓ ବାକି ୦୬ ଟି ବିଭିନ୍ନ ଗ୍ରାମର ସାମୁହିକ ସମସ୍ୟା ଥିଲା। ଉକ୍ତ ଅଭିଯୋଗ ମାନଙ୍କ ମଧ୍ୟରୁ ସ୍ଥଳବିଶେଷରେ ୩ ଟି ଅଭିଯୋଗର ତତ୍କାଳ ସମାଧାନ କରାଯାଇଥିଲା। ଜଣଙ୍କୁ ୨୦ ହଜାର ଟଙ୍କାର CMRF ଆର୍ଥିକ ସହାୟତା ରାଶି ପ୍ରଦାନ କରାଯାଇଛି। ଆଜିର ମିଳିତ ଜନଶୁଣାଣି ଅବସରରେ ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଅଧ୍ୟକ୍ଷତା କରିଥିବାବେଳେ ଆରକ୍ଷୀ ଅଧିକ୍ଷକ ସିଦ୍ଧାର୍ଥ କାଟାରିଆ, ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ବାଦଲ କୁମାର ମହାନ୍ତି, ଉପ-ଜିଲ୍ଲାପାଳ, ଖୋର୍ଦ୍ଧା ଦୀପ୍ତି ରଞ୍ଜନ ସେଠୀ, ସି ଡ଼ି ଏମ୍ ଓ ଡଃ ଆର୍ତ୍ତଵନ୍ଧୁ ନାୟକ, ବିଡିଓ ଓ ଅନ୍ୟ ସମସ୍ତ ବିଭାଗୀୟ ଅଧିକାରୀ ପ୍ରମୁଖ…
ହାଇଦ୍ରାବାଦ: ନଭେମ୍ବର ୩୦ରେ ତେଲେଙ୍ଗାନାରେ ହେବାକୁ ଥିବା ନିର୍ବାଚନ ପାଇଁ ଜନସେନା ବିଜେପି ସହ ମେଣ୍ଟ କରିଛି। ଜନସେନା ଯେଉଁ ୩୨ଟି ଆସନରେ ପ୍ରାର୍ଥୀ ଦେବାକୁ ଚାହୁଁଥିଲା ତାହାର ତାଲିକା ପ୍ରସ୍ତୁତ କରିବା ପାଇଁ ଆଲୋଚନା ଆରମ୍ଭ କରିଥିଲା। ଅଭିନେତା-ରାଜନେତା ପୱନ କଲ୍ୟାଣଙ୍କ ଦଳ କେଉଁ ଆସନରେ ଲଢ଼ିବ ତାହା ଏପର୍ଯ୍ୟନ୍ତ ଚୂଡ଼ାନ୍ତ ହୋଇନାହିଁ। ଜନସେନାର ଆସନ ସଂଖ୍ୟା ସଂଖ୍ୟା ୬ରୁ ୯ ମଧ୍ୟରେ ରହିଛି। ଏହା ଗୁରୁତ୍ୱପୂର୍ଣ୍ଣ ଯେ ଦଳ ତେଲେଙ୍ଗାନାରେ ନିଜର ନିର୍ବାଚନୀ ଶକ୍ତି ପରୀକ୍ଷା କରିବାକୁ ବାଛିଛି। ସବୁଠାରୁ ବଡ଼ ପ୍ରଶ୍ନ ହେଉଛି ତେଲେଙ୍ଗାନାରେ ଜନସେନାକୁ ସାମିଲ କରିବାକୁ ବିଜେପି କାହିଁକି ଏତେ ଆଗ୍ରହୀ? ଏହା ଆନ୍ଧ୍ରପ୍ରଦେଶରେ ସ୍ୱାର୍ଥ ଥିବା ଏବଂ ତେଲେଙ୍ଗାନାରେ ଶୂନ୍ୟ ଉପସ୍ଥିତି ଥିବା ଏକ ରାଜନୈତିକ ଦଳ। କେବଳ ସେତିକି ନୁହେଁ, ଆନ୍ଧ୍ରପ୍ରଦେଶରେ ଜନସେନାର ବନ୍ଧୁ ଦଳ ତେଲୁଗୁ ଦେଶମ ତେଲେଙ୍ଗାନାରେ ନିର୍ବାଚନ ଲଢ଼ିବାରୁ ଓହରି ଯାଇଥିଲା। ବାସ୍ତବକଥା ହେଉଛି ଏହା ରାଜନୈତିକ…
ଭୁବନେଶ୍ଵର: ଗୃହ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟ ଏହାର ପ୍ରମୁଖ ଯୋଜନା ଅଟଳ ମିଶନ ଫର ରିଜୁଭେସନ ଆଣ୍ଡ ଅର୍ବାନ ଟ୍ରାନ୍ସଫର୍ମେସନ (ଅମୃତ) ଅଧୀନରେ ମନ୍ତ୍ରଣାଳୟର ଜାତୀୟ ସହରାଞ୍ଚଳ ଜୀବିକା ମିଶନ (ଏନୟୁଏଲଏମ) ସହ ଭାଗିଦାରୀରେ ଏକ ପ୍ରଗତିଶୀଳ ପଦକ୍ଷେପ ଭାବେ “ମହିଳାଙ୍କ ପାଇଁ ଜଳ, ଜଳ ପାଇଁ ମହିଳା ଅଭିଯାନ”ର ଶୁଭାରମ୍ଭ କରିବାକୁ ଯାଉଛି। ଏଥିରେ ଓଡ଼ିଶା ଅର୍ବାନ ଏକାଡେମୀ ହେଉଛି ବୌଦ୍ଧିକ ସହାୟକ। ଏହି ଅଭିଯାନ ଅଧିନରେ “ଜଳ ଦୀପାବଳି” ପାଳନ କରାଯିବ ଏବଂ ଏହା ୭ ନଭେମ୍ବର, ୨୦୨୩ରୁ ଆରମ୍ଭ ହେବାକୁ ଯାଉଛି। ଏହା ୨୦୨୩ ନଭେମ୍ବର ୯ ତାରିଖ ପର୍ଯ୍ୟନ୍ତ ଚାଲିବ। ଏହି ଅଭିଯାନର ଉଦ୍ଦେଶ୍ୟ ହେଉଛି ଜଳ ପ୍ରଶାସନ କ୍ଷେତ୍ରରେ ମହିଳା ମାନଙ୍କୁ ଅନ୍ତର୍ଭୁକ୍ତ କରିବା ପାଇଁ ଏକ ମଂଚ ପ୍ରଦାନ କରିବା। ସେମାନଙ୍କୁ ନିଜ ନିଜ ସହରରେ ଥିବା ଜଳ ବିଶୋଧନ ପ୍ଲାଂଟ (ଡବ୍ଲ୍ୟୁଟିପି) ପରିଦର୍ଶନ ମାଧ୍ୟମରେ ଜଳ ବିଶୋଧନ ପ୍ରକ୍ରିୟା ବିଷୟରେ…
ଭୁବନେଶ୍ବର: ରାଜ୍ୟ ସରକାରଙ୍କର ଗ୍ରାମାଭିମୂଖୀ ମହତ୍ବକାଂକ୍ଷୀ ଯୋଜନା ‘ଆମ ଓଡିଶା ନବୀନ ଓଡିଶା’ ମାଧ୍ୟମରେ ନୂଆ ଓଡିଶା ସଶକ୍ତ ଓଡିଶା ଗଠନର ଭିତ୍ତିଭୂମିକୁ ସୁଦୃଢ କରିବା ପାଇଁ ଆରମ୍ଭ ହୋଇଛି ଅଭିଯାନ। ଏହି କାର୍ଯ୍ୟକ୍ରମର ଫୋକସ୍ ହେବ ପ୍ରତି ପଞ୍ଚାୟତ, ପ୍ରତି ଗାଁ। ଆଜି ଭୁବନେଶ୍ବରରୁ ଆଭାସୀ ଯୋଗେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ କାର୍ଯ୍ୟକ୍ରମର ୧୧ତମ ଦିନରେ କନ୍ଧମାଳ, ଅନୁଗୋଳ ଓ ଗଜପତି ଜିଲ୍ଲାରେ ଏହି ଯୋଜନାର ଶୁଭାରମ୍ଭ କରିଛନ୍ତି। ପ୍ରତି ପଞ୍ଚାୟତ ପାଇବେ ୫୦ ଲକ୍ଷ ଟଙ୍କା। ଏଥିପାଇଁ କନ୍ଧମାଳ ଜିଲ୍ଲାର ୩ଟି ନିର୍ବାଚନମଣ୍ଡଳୀକୁ ମିଳିଛି ୮୫.୫୦ କୋଟି ଟଙ୍କା। ଏହି ନିର୍ବାଚନମଣ୍ଡଳୀ ଗୁଡିକ ହେଲା – ବାଲିଗୁଡା, ଜି. ଉଦୟଗିରି ଓ ଫୁଲବାଣୀ। ଏହିସବୁ ନିର୍ବାଚନ ମଣ୍ଡଳୀର ୧୨ଟି ବ୍ଲକ୍ର ୧୭୧ ଟି ଗ୍ରାମ ପଞ୍ଚାୟତରେ ୨୦୯୯ଟି ପ୍ରକଳ୍ପ ହେବ। ସେହିପରି ଅନୁଗୋଳ ଜିଲ୍ଲାର ୫ଟି ନିର୍ବାଚନମଣ୍ଡଳୀ ପାଇଁ ୧୧୨.୫୦ କୋଟି ଟଙ୍କା ମଂଜୁର ହୋଇଛି। ଏହି…
ଭୁବନେଶ୍ୱର: ଶନିବାର ମଧ୍ୟପ୍ରଦେଶ ଏବଂ ଛତିଶଗଡ଼ରେ ନିର୍ବାଚନୀ ରାଲିକୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗରିବମାନଙ୍କୁ ମାଗଣା ରାସନ ପ୍ରଦାନ କରୁଥିବା ପିଏମ୍ ଗରିବ କଲ୍ୟାଣ ଅନ୍ନ ଯୋଜନା ଆଗାମୀ ୫ବର୍ଷ ପର୍ଯ୍ୟନ୍ତ ଜାରି ରହିବ ବୋଲି ଘୋଷଣା କରିଛନ୍ତି। ପ୍ରଧାନମନ୍ତ୍ରୀ ନିଜେ ତାଙ୍କ ଅଭିଭାଷଣରେ ସ୍ମରଣ କରାଇ ଦେଇଛନ୍ତି ଯେ, କୋଭିଡ୍-୧୯ ମହାମାରୀ ଯୋଗୁଁ ସୃଷ୍ଟି ହୋଇଥିବା ଆହ୍ୱାନପୂର୍ଣ୍ଣ ପରିସ୍ଥିତିକୁ ଦୃଷ୍ଟିରେ ରଖି ଏହି ଯୋଜନା ଆରମ୍ଭ କରାଯାଇଥିଲା। ସେହି ସମୟରେ କଠୋର ଲକଡାଉନ୍ ଯୋଗୁଁ କେବଳ ବହୁ ସଂଖ୍ୟକ ଲୋକ କେବଳ ଜୀବିକା ହରାଇନଥିଲେ, ବରଂ ସେମାନେ ନୂଆ ଚାକିରି ଖୋଜିବା କିମ୍ବା ଆରମ୍ଭ କରିବା ଅବସ୍ଥାରେ ମଧ୍ୟ ନ ଥିଲେ। ଏଭଳି ସ୍ଥିତିରେ ସକାଳ ଓ ସନ୍ଧ୍ୟାରେ କୋଟି କୋଟି ଲୋକଙ୍କ ଘରେ ଚୁଲା କେମିତି ଜଳିବ ଏବଂ ପରିବାର ପାଇଁ ଖାଦ୍ୟର ବ୍ୟବସ୍ଥା କେମିତି କରିବେ ତାହା ସଙ୍କଟ ସୃଷ୍ଟି କରିଥିଲା। ଏଭଳି ସ୍ଥିତିରେ…
ନୂଆଦିଲ୍ଲୀ: ଦିଲ୍ଲୀ ଜେଲରେ ବନ୍ଦଥିବା କଏଦୀମାନେ ନିଜ ଜୀବନସାଥୀଙ୍କ ସହ ଅନ୍ତରଙ୍ଗ ମୁହୂର୍ତ୍ତ ବିତାଇବାର ସୁଯୋଗ ପାଇପାରିବେ। ଦିଲ୍ଲୀ ସରକାର କଏଦୀଙ୍କ ବୈବାହିକ ସମ୍ପର୍କ ଅଧିକାରକୁ ସୁରକ୍ଷା, କ୍ଷମତା ଏବଂ କଏଦୀଙ୍କ ଅଧିକାର ସମେତ ବିଭିନ୍ନ ଦିଗରୁ ଯାଞ୍ଚ କରୁଛନ୍ତି। ଏ ନେଇ ଜେଲ ମହାନିର୍ଦ୍ଦେଶକ ରାଜ୍ୟ ଗୃହ ବିଭାଗକୁ ଏକ ପ୍ରସ୍ତାବ ଦେଇଥିଲେ। ବରିଷ୍ଠ ସରକାରୀ ଅଧିକାରୀମାନେ କହିଛନ୍ତି ଯେ, ଜେଲଗୁଡ଼ିକରେ ଅତ୍ୟଧିକ ଭିଡ଼ ଏବଂ ସୁରକ୍ଷା ଚ୍ୟାଲେଞ୍ଜ ପ୍ରଶାସନ ସମ୍ମୁଖୀନ ହେଉଥିବା ଦୁଇଟି ମୁଖ୍ୟ ଆହ୍ୱାନ। ନିକଟରେ ଦିଲ୍ଲୀ ହାଇକୋର୍ଟରେ ଏକ ପିଟିସନ ଦାଖଲ ହୋଇଥିଲା। ଜେଲ କର୍ତ୍ତୃପକ୍ଷଙ୍କ ଯାଞ୍ଚଠାରୁ ଦୂରରେ ବୈବାହିକ ସମ୍ପର୍କ ଏକ ମୌଳିକ ଅଧିକାର ବୋଲି କୋର୍ଟ କହିଥିଲେ। ଏହା ଅଧୀନରେ ବୈବାହିକ ମିଳନ ନିର୍ଦ୍ଧାରିତ ହୋଇଥାଏ ଯେଉଁଥିରେ ଜଣେ କଏଦୀ ତାଙ୍କ ଆଇନଗତ ଜୀବନସାଥୀଙ୍କ ସହିତ ଗୋପନୀୟତାରେ ସମୟ ବିତାଇ ପାରିବେ। ଦିଲ୍ଲୀ ସରକାରଙ୍କ ଜଣେ ବରିଷ୍ଠ ଅଧିକାରୀ କହିଛନ୍ତି, ଆମେ ସବୁ…
ନୂଆଦିଲ୍ଲୀ: ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରାଙ୍କ ବିରୋଧରେ ବିଜେପି ସାଂସଦ ନିଶିକାନ୍ତ ଦୁବେ ‘ଟଙ୍କା ନେଇ ପ୍ରଶ୍ନ ପଚାରିବା’ ଅଭିଯୋଗର ତଦନ୍ତର ଡ୍ରାଫ୍ଟ ରିପୋର୍ଟ ଉପରେ ବିଚାର କରି ଗ୍ରହଣ କରିବା ପାଇଁ ନଭେମ୍ବର ୭ତାରିଖରେ ଲୋକସଭାର ନୈତିକତା କମିଟି ବୈଠକ ବସିବ। ଡ୍ରାଫ୍ଟ ରିପୋର୍ଟ ଗ୍ରହଣ କରିବା ପାଇଁ ଏକ ବୈଠକ ହେବାର ଅର୍ଥ ହେଉଛି ବିଜେପି ସାଂସଦ ବିନୋଦ କୁମାର ସୋନକରଙ୍କ ଅଧ୍ୟକ୍ଷତାରେ ଗଠିତ କମିଟି ଏହାର ତଦନ୍ତ ଶେଷ କରିଛି। ଏବେ ସେ ତାଙ୍କ ସୁପାରିସ କରିବେ। ସାଂସଦ ପଦରୁ ବରଖାସ୍ତ ହୋଇପାରନ୍ତି ମହୁଆ ମୋଇତ୍ରା ଏହା ପୂର୍ବରୁ ନଭେମ୍ବର ୨ ତାରିଖରେ ଅନୁଷ୍ଠିତ ଶେଷ ବୈଠକରେ କମିଟିର ସଦସ୍ୟମାନେ ନିଜ ନିଜ ଦଳର ଆଭିମୁଖ୍ୟ ଅନୁଯାୟୀ ବିଭାଜିତ ହୋଇଥିବା ଦେଖିବାକୁ ମିଳିଥିଲା। ନୈତିକତା କମିଟିରେ ୧୫ ଜଣ ସଦସ୍ୟ ଅଛନ୍ତି, ଯେଉଁମାନଙ୍କ ମଧ୍ୟରୁ ଅଧିକାଂଶ ବିଜେପିର। ବିଶେଷ କରି ଗତ ବୈଠକରେ ସୋନକର ତାଙ୍କୁ…
ଭୁବନେଶ୍ୱର: ଜାତି ଓ ସଂରକ୍ଷଣ ପୁଣି ଚର୍ଚ୍ଚାରେ। ସମ୍ବିଧାନର ଧାରା ୧୫ ଓ ୧୬ରେ ଅନୁସୂଚିତ ଜାତି, ଜନଜାତି ଏବଂ ସାମାଜିକ ଓ ଶିକ୍ଷାଗତ ଦୃଷ୍ଟିରୁ ପଛୁଆ ବର୍ଗଙ୍କ ପାଇଁ ‘ସଂରକ୍ଷଣ’ର ବ୍ୟବସ୍ଥା ରହିଛି। ଅର୍ଥନୈତିକ ଦୁର୍ବଳ ବର୍ଗଙ୍କ ପାଇଁ ସଂରକ୍ଷଣ (ଇଡବ୍ଲ୍ୟୁଏସ୍) ୨୦୧୯ରେ ଯୋଡ଼ାଯାଇଥିଲା। ଯେପର୍ଯ୍ୟନ୍ତ ‘ସଂରକ୍ଷଣ’ ନୀତି ରହିଛି, ସେପର୍ଯ୍ୟନ୍ତ ସଠିକ ତଥ୍ୟ ପାଇବା ପାଇଁ ଜାତିଗଣନା କରାଯିବା ଯୁକ୍ତିଯୁକ୍ତ। ସଂରକ୍ଷଣ ଦାବି ଭିତରେ ଜାତିହୀନ ସମାଜର ଲକ୍ଷ୍ୟ ବିଚ୍ୟୁତ ହେବାରେ ଲାଗିଛି। ବିଜେପି ନେତା ତଥା ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ କହିଛନ୍ତି, ମୁଁ ମୋ ଜାତି ପରିବର୍ତ୍ତନ କରିପାରିବି ନାହିଁ। ମରାଠା ସମ୍ପ୍ରଦାୟ ପାଇଁ ସଂରକ୍ଷଣ ଦାବିରେ ଚାଲିଥିବା ଆନ୍ଦୋଳନ ମଧ୍ୟରେ ତାଙ୍କ ଅସହ୍ୟ ସ୍ଥିତି ପରିପ୍ରେକ୍ଷୀରେ ଏହି ବୟାନ ଦିଆଯାଇଛି। ପ୍ରଥମେ ଏହି ବିବୃତ୍ତି କୌଣସି ସ୍ଥାନରୁ ଠିକ୍ ନୁହେଁ। ଗାନ୍ଧୀ, ନେହେରୁ ଓ ବୋଷଙ୍କୁ ଜାତିଗତ ପିଞ୍ଜରାରେ ରଖାଯାଇନଥିଲା ନିକଟରୁ ଦେଖିଲେ ଜଣାପଡ଼ୁଛି…