ଭୁବନେଶ୍ବର: ଆଜି ବିଧାନସଭାର ଦ୍ବିତୀୟ ଦିନ। ଗତକାଲି ଏହି ବଜେଟ ଅଧିବେସନ ଆରମ୍ଭ ହୋଇଥିଲା। ଏହି ଅଧିବେସନ ବେଶ ଗୁରୁତ୍ବପୂର୍ଣ୍ଣ ଥିଲା। ଗତକାଲି ରାଜ୍ୟପାଳ ଗୃହକୁ ସମ୍ବୋଧୀତ କରିଥିଲେ। ହେଲେ ତାହା ଯେତିକି ଚର୍ଚ୍ଚା ନ ଥିଲା ତାହାଠାରୁ ଅଧିକ ଆଲୋଚନା ହୋଇଥିଲା ନବଦାସଙ୍କ ହତ୍ୟାକାଣ୍ଡ। ଗତକାଲି ଗୃହ ବାହାରେ ନବଦାସଙ୍କ ହତ୍ୟାକୁ ନେଇ ଉଭୟ ବିଜେଡି ବିଜେପି କାଦୁଅ ଫିଙ୍ଗାଫିଙ୍ଗି ହୋଇଥିଲେ। ବିଜେପିର ଜୟ ନାରାୟଣ ମିଶ୍ର ବିଜେଡିର ନେତା ଓ ସରକାରୀ ଅଧିକାରୀ ସଂପୃକ୍ତ ଅଛନ୍ତି ବୋଲି କହୁଥିବା ବେଳେ ବିଜେଡି ବିଜେପି ନେତାଙ୍କ ନାମ ନେଇଛନ୍ତି। ଆଜି ଏହାକୁ ନେଇ ଗୃହ ପଡିବ ଉଠିବ ବୋଲି ସ୍ପଷ୍ଟ ଜଣାପଡିଛି।
Author: Samikhsya Bureau
ନୂଆଦିଲ୍ଲୀ: ଭାରତର ତାରକା ଟେନିସ୍ ଖେଳାଳି ସାନିଆ ମିର୍ଜାଙ୍କୁ ତାଙ୍କ କ୍ୟାରିୟରର ଶେଷ ମ୍ୟାଚ୍ରେ ପରାଜୟର ସାମ୍ନା କରିବାକୁ ପଡିଛି। WTA ଦୁବାଇ ଡ୍ୟୁଟି ଫ୍ରି ଚାମ୍ପିଅନସିପ୍ ର ପ୍ରଥମ ରାଉଣ୍ଡରେ ସାନିଆ ଏବଂ ତାଙ୍କ ସାଥୀ ମ୍ୟାଡିସନ୍ କିଜ ସିଧାସଳଖ ସେଟରେ ପରାଜୟର ସମ୍ମୁଖୀନ ହୋଇଛନ୍ତି। ଏହି ଯୋଡି ଭର୍ନୋକିଆ କୁଡର୍ମେଟୋଭା ଏବଂ ଲ୍ୟୁଡମିଲା ସାମସୋନୋଭା ୪-୬, ୦-୬ ରେ ପରାସ୍ତ ହୋଇଛନ୍ତି। ପ୍ରକାଶ ଯେ, ସାନିଆ ମିର୍ଜା ନିକଟରେ ଟେନିସରୁ ଅବସର ଘୋଷଣା କରିଥିଲେ ଏବଂ ଏହା ତାଙ୍କର ବୃତ୍ତିଗତ କ୍ୟାରିୟରର ଶେଷ ମ୍ୟାଚ୍ ଥିଲା। ୨୦୦୯ ମସିହାରେ ସାନିଆ ତାଙ୍କ କ୍ୟାରିୟରର ପ୍ରଥମ ଗ୍ରାଣ୍ଡସ୍ଲାମ ଟାଇଟଲ୍ ଜିତିଥିଲେ। ସେ ମହେଶ ଭୂପତିଙ୍କ ସହ ଅଷ୍ଟ୍ରେଲୀୟ ଓପନ୍ ୨୦୦୯ରେ ମିଶ୍ରିତ ଡବଲ୍ସ ଚାମ୍ପିଅନ୍ ହୋଇଥିଲେ। ଏହା ପରେ, ସେ ମିଶ୍ରିତ ଡବଲ୍ସରେ ଫ୍ରେଞ୍ଚ ଓପନ୍ ୨୦୧୨ ଏବଂ ୟୁଏସ୍ ଓପନ୍ ୨୦୧୪ ରେ ଟାଇଟଲ୍ ଜିତିଥିଲେ। ଏହା ପରେ,…
ନୂଆଦିଲ୍ଲୀ: ମଧ୍ୟପ୍ରଦେଶର ଛତରପୁର ଅନ୍ତର୍ଗତ ବାଗେଶ୍ୱର ଧାମର ମହାରାଜ ପଣ୍ଡିତ ଧିରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ ସାନଭାଇ ସଲିଗରାମ ଗର୍ଗଙ୍କ ବିରୋଧରେ ପୋଲିସ ମାମଲା ରୁଜୁ କରିଛି। ଭାଇରାଲ ଭିଡିଓ ଆଧାରରେ ବମିଠା ପୋଲିସ ଷ୍ଟେସନରେ ଏହି ମାମଲା ପଞ୍ଜିକୃତ ହୋଇଛି। ପ୍ରକାଶ ଯେ ଫେବୃଆରୀ ୧୧ ତାରିଖରେ ବାଗେଶ୍ୱର ଧାମ ଗଢା ଠାରେ ଏକ ବିବାହ ସମାରୋହରେ ଜଣେ ଯୁବକ ଝଗଡା ବେଳେ ହଙ୍ଗମା ସୃଷ୍ଟି କରିଥିଲେ। ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ଏହା ଦେଖାଯାଇଛି ଯେ, ଜଣେ ବ୍ୟକ୍ତି ହେଉଛନ୍ତି ପଣ୍ଡିତ ଧିରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ ଭାଇ ସଲିଗରାମ ଗର୍ଗ, ଯାହାର ହାତରେ ପିସ୍ତଲ କିମ୍ବା କଟା ଅଛି ଏବଂ ସେ ଲୋକଙ୍କୁ ଧମକ ଦେଉଥିବାର ଦେଖାଯାଉଛି। ଭିଡିଓର ସତ୍ୟତା ଯାଞ୍ଚ କରାଯାଇଥିଲା, ଯାହା ପରେ ପୋଲିସ ଅଭିଯୋଗକାରୀଙ୍କ ଦ୍ୱାରା ଦାଖଲ ହୋଇଥିବା ଅଭିଯୋଗର ଅବଗତ ହୋଇଥିଲା। ଏହା ପରେ, ଆଇପିସି ଏବଂ ଏସଟି-ଏସ ଆକ୍ଟର…
ବାସ୍ତୁଶାସ୍ତ୍ର: ଘର ନିର୍ମାଣ କରିବାର ସ୍ୱପ୍ନ ଏବେ ପୂରଣ ହେବ। ଯଦି ଆପଣଙ୍କର ଘର ନିର୍ମାଣ କରିବାର ସ୍ୱପ୍ନ ପୂରଣ ହୋଇନାହିଁ, ତେବେ ଏହି ସ୍ୱପ୍ନ ବର୍ତ୍ତମାନ ପୂରଣ ହେବ। ଯଦି ଆପଣ ଘର ନିର୍ମାଣ କରିବାର ସ୍ୱପ୍ନ ପୂରଣ ହେଉନାହିଁ, ତେବେ ଆପଣ ମଧ୍ୟ ଏହି ଛୋଟ ସୁନିଶ୍ଚିତ ସମାଧାନ କରିପାରିବେ। ମଣିଷ ସାରା ଜୀବନ କଠିନ ପରିଶ୍ରମ କରେ, ରୋଜଗାର କରେ କିନ୍ତୁ ଅନେକ ଥର ନିଜ ଘର ପାଇବାରେ ସକ୍ଷମ ହୋଇପାରେନାହିଁ। ଜଣେ ବ୍ୟକ୍ତି କଠିନ ପରିଶ୍ରମ କରେ, ସବୁକିଛି ନିର୍ମାଣ କରେ, କାର କିଣେ କିନ୍ତୁ ନିଜ ଘର ନିର୍ମାଣ କରିପାରେ ନାହିଁ, ସେହି ସ୍ୱପ୍ନ ପୂରଣ ହୋଇନଥାଏ। ଜଣେ ବ୍ୟକ୍ତି କେତେ ଦିନ ଭଡ଼ା ଜୀବନ ବଞ୍ଚିପାରିବ? ବିଶ୍ଵାସ କରାଯାଏ ଯେ, ସେହି ଲୋକମାନଙ୍କର ରାଶିରେ ମଙ୍ଗଳ ଏବଂ ଚନ୍ଦ୍ରଙ୍କ ମଧ୍ୟରେ କୌଣସି ସମ୍ପର୍କ ନାହିଁ, ସେମାନେ ନିଜ ଘର ନିର୍ମାଣ କରିବାରେ ସକ୍ଷମ…
ମେଷ- ବ୍ୟବସାୟ ଯୋଜନା ସଫଳ ହେବ । ଆପଣ ପରୀକ୍ଷା ଏବଂ ସାକ୍ଷାତକାର ଇତ୍ୟାଦିରେ ସଫଳତା ପାଇବେ । ଏକ ଛୋଟ ଯାତ୍ରା ହୋଇପାରେ । ତତ୍ପରତା ନାହିଁ । ସ୍ୱାସ୍ଥ୍ୟ ଏବଂ ପ୍ରତିଷ୍ଠା ପ୍ରତି ସଚେତନ ରୁହନ୍ତୁ । ଏକ ପୁରୁଣା ବନ୍ଧୁଙ୍କୁ ଭେଟିବେ । ମନ ଅଶାନ୍ତ ହେବ । ଇଶ୍ବରଙ୍କଠାରେ ଧ୍ୟାନ କର । ଆଜି ଆପଣ ଆର୍ଥିକ ପ୍ରସଙ୍ଗରେ ସତର୍କ ହେବା ଆବଶ୍ୟକ । ପିଲାଙ୍କ ଦାୟିତ୍ବ ପୂରଣ ହେବ । ସମ୍ପର୍କ ତୀବ୍ର ହେବ । କାରବାର ଏବଂ ସଞ୍ଚୟ ପ୍ରସଙ୍ଗରେ ଗମ୍ଭୀର ହେବାକୁ ପଡିବ । ବୃଷ- ଅର୍ଥନୈତିକ ସମସ୍ୟାର ସମାଧାନ ହୋଇପାରିବ, କିନ୍ତୁ ଭାବନାକୁ ନିୟନ୍ତ୍ରଣ କରାଯିବା ଆବଶ୍ୟକ । ଶିକ୍ଷା ପ୍ରତିଯୋଗିତା କ୍ଷେତ୍ରରେ ସହଯୋଗ ମିଳିପାରିବ । ବିବାହିତ ଜୀବନରେ, ସ୍ନେହ ଦେଖାଇବାର ନିଜସ୍ୱ ଗୁରୁତ୍ୱ ରହିଛି ଏବଂ ଆପଣ ଆଜି ଏହି ଜିନିଷ ଅନୁଭବ କରିବେ। ଗାଡି ଚଳାଇବା ସମୟରେ ଆପଣ…
ଖୋର୍ଦ୍ଧା: ଜିଲ୍ଲା ପ୍ରଶାସନ, ରାଜ୍ୟ ପଂଚାୟତି ରାଜ ଓ ପାନୀୟ ଜଳ ବିଭାଗ, ଜିଲ୍ଲା ସଂସ୍କୃତି ପରିଷଦ, କୃଷି ଓ କୃଷକ ସଶକ୍ତିକରଣ ବିଭାଗର ମିଳିତ ସହଯୋଗରେ ଆଜି ଜିଲ୍ଲା ମହୋତ୍ସବ ଓ ପଲ୍ଲଶ୍ରୀ ମେଳାର ଉଦଘାଟନୀ ଦିବସ, ଖୋର୍ଦ୍ଧା ସ୍ଥିତ ହାଭେଳି ପଡିଆଠାରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ପଂଚାୟତି ରାଜ ଓ ପାନୀୟ ଜଳ ମନ୍ତ୍ରୀ ପ୍ରଦୀପ ଅମାତ, ମୁଖ୍ୟ ବକ୍ତା ଭାବେ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା, ଖୋର୍ଦ୍ଧା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ତଥା ବେଗୁନିଆ ବିଧାୟକ ରାଜେନ୍ଦ୍ର କୁମାର ସାହୁ, ଖୋର୍ଦ୍ଧା ବିଧାୟକ ଜ୍ୟୋତିନ୍ଦ୍ର ନାଥ ମିତ୍ର, ଜଟଣୀ ବିଧାୟକ ସୁରେଶ କୁମାର ରାଉତରାୟ, ଚିଲିକା ବିଧାୟକ ପ୍ରଶାନ୍ତ କୁମାର ଜଗଦ୍ଦେବ, ଖୋର୍ଦ୍ଧା ଜିଲ୍ଲା ପରିଷଦ ଅଧ୍ୟକ୍ଷା ରୂପଶ୍ରୀରାଣୀ ଗୁମାନସିଂ, ଜିଲ୍ଲାପରିଷଦ ଉପାଧ୍ୟକ୍ଷ ଗୋପୀନାଥ ମହାରଣା, ଖୋର୍ଦ୍ଧା ଅଧ୍ୟକ୍ଷା କଲ୍ୟାଣୀ ମଞ୍ଜରୀ ମହାନ୍ତି, ଜିଲ୍ଲାପାଳ ସୁଦର୍ଶନ ଚକ୍ରବର୍ତ୍ତୀ, ଡ଼ି. ଏଫ. ଓ…
ବ୍ରହ୍ମପୁର/ଭୁବନେଶ୍ୱର: ବିଶ୍ୱ ମାତୃଭାଷା ଦିବସ ପାଳନ ଅବସରରେ ଆଜି ଓଡ଼ିଆ ଭାଷା, ପ୍ରତିଷ୍ଠାନ, ଭୁବନେଶ୍ଵର ଏବଂ ଗଞ୍ଜାମ ଜିଲ୍ଲା ବ୍ରହ୍ମପୁରସ୍ଥିତ ଶଶୀଭୂଷଣ ରଥ ମହିଳା ମହାବିଦ୍ୟାଳୟର ମିଳିତ ଆନୂକୂଲ୍ୟରେ ରାଜ୍ୟସ୍ତରୀୟ ସମ୍ପାନ(ପାଠଚକ୍ର) ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଡଃ କାହ୍ନୁଚରଣ ପାଢୀଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଖାଲିକୋଟ ଏକକ ବିଶ୍ୱବିଦ୍ୟାଳୟର କୁଳପତି ଡଃ ପ୍ରଫୁଲ୍ଲ କୁମାର ମହାନ୍ତି ଯୋଗଦେଇ ଛାତ୍ରୀମାନେ ଓଡ଼ିଆ ଭାଷାର ଭବିଷ୍ୟତ ବୋଲି ମତବ୍ୟକ୍ତ କରିଥିଲେ। ସମ୍ମାନିତ ଅତିଥି ରୂପେ ପୂର୍ବତନ କୁଳପତି ପ୍ରଫେସର ଜୟନ୍ତ ମହାପାତ୍ର ମାତୃଭାଷାର ମହତ୍ତ୍ଵ ସମ୍ପର୍କରେ ବୁଝାଇଥିଲେ। ଓଡ଼ିଆ ଭାଷା, ପ୍ରତିଷ୍ଠାନର କାର୍ଯ୍ୟକ୍ରମ ସଂଯୋଜକ ପ୍ରଫେସର ପ୍ରେମାନନ୍ଦ ମହାପାତ୍ର ଏବଂ ଡଃ ଫଣୀନ୍ଦ୍ର ଭୂଷଣ ନନ୍ଦଙ୍କ ସମେତ ଡଃ ଦେବାଶିଷ ମହାପାତ୍ର, ଡଃ ବନମାଳୀ ପାଣିଗ୍ରାହୀ ପ୍ରମୁଖ ଆଲୋଚକ ରୂପେ ଯୋଗଦେଇ ବିଭିନ୍ନ ଦୃଷ୍ଟିକୋଣରୁ ଓଡ଼ିଆ ଭାଷାର ମହତ୍ଵ ସମ୍ପର୍କରେ ଉପସ୍ଥାପନ କରିଥିଲେ। ଅଧ୍ୟାପକ ଦେବାଶିଷ ମହାପାତ୍ର…
ଭୁବନେଶ୍ୱର: ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗ ଆନୁକୂଲ୍ୟରେ ସ୍ଥାନୀୟ ୟୁନିଟ୍-୧ସ୍ଥିତ ଆଦିବାସୀ ପ୍ରଦର୍ଶନୀ ପଡ଼ିଆଠାରେ ଫେବୃଆରୀ ୨୦ ତାରିଖଠାରୁ ଆଦିବାସୀ ମେଳା-୨୦୨୩ ଆରମ୍ଭ ହୋଇଛି। ଆଦିବାସୀ ମେଳାରେ କଳାବସ୍ତୁ ପ୍ରଭାଗରେ ସମୁଦାୟ ୧୩ଟି ଷ୍ଟଲ ରହିଛି। ଧରଣୀପେନୁ ଢୋକରା କାରିଗରୀ ସମିତି, ବାଲିଗୁଡ଼ା, କନ୍ଧମାଳ ପକ୍ଷରୁ ଢୋକରା ସାମଗ୍ରୀ ଯଥା: କଇଁଛ, ମାଣ, ଘଣ୍ଟି, ଫରୁଆ, ପିତ୍ତଳ କବାଟ ହ୍ୟାଣ୍ଡେଲ, ମୂର୍ତ୍ତି ଇତ୍ୟାଦି ପ୍ରଦର୍ଶନ ଓ ବିକ୍ରୟ ନିମନ୍ତେ ରଖାଯାଇଛି। ୧୫୦ ଟଙ୍କାରୁ ଆରମ୍ଭ ହୋଇ ୫ ହଜାର ଟଙ୍କା ମୂଲ୍ୟର ସାମଗ୍ରୀ ଏହି ଢୋକରା ଷ୍ଟଲରେ ମିଳୁଛି। ଢୋକରା ସାମଗ୍ରୀ ପ୍ରସ୍ତୁତି ନିମନ୍ତେ ପ୍ରଥମେ ସାମଗ୍ରୀର ଏକ ମାଟିର ଛାଞ୍ଚ କରାଯାଏ। ଛାଞ୍ଚ ଶୁଖିବା ପରେ ପଲିସ କରାଯାଇ ତା’ଉପରେ ପତଳା ଧଳାମାଟି ପଲିସ୍ କରାଯାଇଥାଏ। ତା’ଉପରେ ଶିମ୍ବପତ୍ର ଘସାଯାଏ। ପୁଣି ତା’ଉପରେ ମାଟି ପଲିସ କରାଯାଇଥାଏ। ମହୁମାଛିର ଅଠାକୁ ମହମ ଭଳି କରି ଏହାକୁ…
ଭୁବନେଶ୍ୱର: ଭାରତୀୟ ସେନା ଏହାର ନିଯୁକ୍ତି ପ୍ରକ୍ରିୟାରେ ସଂସ୍କାର ଆଣିଛି। ପ୍ରଥମ ଫିଲଫର ଭାବରେ ଅନ୍ଲାଇନ୍ ସାଧାରଣ ପ୍ରବେଶିକା ପରୀକ୍ଷା ପ୍ରବର୍ତ୍ତନ କରିଛି। ଅଗ୍ନିବୀର ଯୋଜନାରେ ନିଯୁକ୍ତି ନିମନ୍ତେ ଅନ୍ଲାଇନ୍ ପଞ୍ଜିକରଣ ପ୍ରକ୍ରିୟା ଆରମ୍ଭ ହୋଇଯାଇଛି। ବିଜ୍ଞପ୍ତିରେ ଦିଆଯାଇଥିବା ବିଭିନ୍ନ ବୟସ ବର୍ଗର ଯୋଗ୍ୟ ଆଶାୟୀମାନେ ସାଧାରଣ ପ୍ରବେଶିକା ପରୀକ୍ଷାରେ ଯୋଗଦେବା ପାଇଁ ଅନ୍ଲାଇନ୍ରେ ଚଳିତ ଫେବୃଆରୀ ୧୬ରୁ ମାର୍ଚ୍ଚ ୧୫ ତାରିଖ ମଧ୍ୟରେ www.joinindianarmy.nic.in ୱେବ୍ସାଇଟ୍ରେ ଆବେଦନ କରିପାରିବେ। ପଞ୍ଜିକରଣ ପ୍ରକ୍ରିୟା ଏବଂ ଅଗ୍ନିବୀର ନିଯୁକ୍ତି ଯୋଜନାରେ ଆବେଦନର ଭିଡ଼ିଓ www.joinindianarmy.nic.in ୱେବ୍ସାଇଟ୍ରେ ଉପଲବ୍ଧ ରହିଛି। ଚଳିତ ବର୍ଷଠାରୁ ଅଗ୍ନିବୀର ନିଯୁକ୍ତି ପ୍ରକ୍ରିୟାରେ ପରିବର୍ତ୍ତନ କରାଯାଇଛି। ପ୍ରଥମେ ଆଶାୟୀଙ୍କୁ କମ୍ପୁ୍ୟଟର ଆଧାରିତ ସାଧାରଣ ପ୍ରବେଶିକା ପରୀକ୍ଷା ଦେବାକୁ ପଡ଼ିବ। ସେଥିପାଇଁ ପ୍ରତ୍ୟେକ ଆଶାୟୀଙ୍କୁ ଅନ୍ଲାଇନ୍ରେ ୨୫୦ ଟଙ୍କା ଫି ଦେବାକୁ ପଡ଼ିବ। ଅନ୍ଲାଇନ୍ ସାଧାରଣ ପ୍ରବେଶିକା ପରୀକ୍ଷା ୨୦୨୩ ଅପ୍ରେଲ ୧୭ରୁ ମଇ ୪ ତାରିଖ ପର୍ଯ୍ୟନ୍ତ ରାଜ୍ୟର ବିଭିନ୍ନ…
ନୂଆଦିଲ୍ଲୀ: ଆଜି ମୁମ୍ବାଇଠାରେ ଅନୁଷ୍ଠିତ ବନ୍ଦର, ଜାହାଜ ଚଳାଚଳ ଓ ଜଳପଥ ମନ୍ତ୍ରଣାଳୟର ପରାମର୍ଶଦାତା କମିଟି ବୈଠକ ଅନୁଷ୍ଠିତ ହୋଇଥିଲା। ଏଥିରେ ସବୁଜ ବନ୍ଦର (ଗ୍ରୀନ ପୋର୍ଟ) ଓ ସବୁଜ ଜାହାଜ ଚଳାଚଳ (ଗ୍ରୀନ ସିପିଙ୍ଗ ) ଉପରେ ଆଲୋଚନା କରାଯାଇଥିଲା। ଏହି ବୈଠକ ଅବସରରେ ବିଭାଗୀୟ ମନ୍ତ୍ରୀ ସର୍ବାନନ୍ଦ ସୋନୋୱାଲ, ବିଭାଗୀୟ ରାଷ୍ଟ୍ରମନ୍ତ୍ରୀ ଶାନ୍ତନୁ ଠାକୁର, ଦକ୍ଷିଣ ମୁମ୍ବାଇର ଲୋକସଭା ସଦସ୍ୟ ଅରବିନ୍ଦ ସାୱନ୍ତ, ମୁମ୍ବାଇ-ଉତ୍ତର-ପୂର୍ବର ସାଂସଦ ମନୋଜ କୋଟାକ, କାକିନାଡାର ସାଂସଦ ଗୀତା ବିଶ୍ୱନାଥ ବଙ୍ଗା, ମନ୍ତ୍ରଣାଳୟର ସଚିବ ସୁଧାଂଶୁ ପନ୍ଥ, ମୁମ୍ବାଇ ପୋର୍ଟର ଅଧ୍ୟକ୍ଷ ରାଜୀବ ଜଲୋଟା, ଜେଏନ୍ପିଏର ଅଧ୍ୟକ୍ଷ ସଂଜୟ ସେଠୀ, ସିଏସ୍ଏଲ୍ର ଅଧ୍ୟକ୍ଷ ମଧୁ ଏସ୍ ନାୟର, ଏସ୍ସିଆଇର ଅଧ୍ୟକ୍ଷ କ୍ୟାପଟେନ ଦିନେଶ କୁମାର ତ୍ୟାଗୀ, ଡିସିଆଇର ଏମ୍ଡି ଡକ୍ଟର ଜର୍ଜ ୟେଶୁ ବେଢା ଭିକ୍ଟର, ମନ୍ତ୍ରଣାଳୟର ଅତିରିକ୍ତ ସଚିବ ରାଜେଶ କୁମାର ସିହ୍ନା, ବନ୍ଦର ବିଭାଗ ଯୁଗ୍ମ ସଚିବ ସୁଶୀଲ କୁମାର ସିଂହ…
ଭୁବନେଶ୍ଵର: ନବ ଦାସଙ୍କ ହତ୍ୟା ମାମଲାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିରୋଧୀଦଳ ନେତା ଜୟନାରାୟଣ ମିଶ୍ର ଉପରେ ବର୍ଷିଛନ୍ତି ମନ୍ତ୍ରୀ ପ୍ରମିଳା ମଲ୍ଲିକ। ପୂର୍ବରୁ ଗଞ୍ଜାମ ଓ ବରଗଡ଼ ଜିଲ୍ଲାରେ ଘଟିଥିବା କେତେକ ରାଜନୈତିକ ହତ୍ୟାକାଣ୍ଡରେ ଏହି ତୁଙ୍ଗ ବିଜେପି ନେତାମାନଙ୍କ ସଂପୃକ୍ତି ଥିବାର ପ୍ରମାଣ ମିଳିଛି। ପଦ୍ମପୁର ଉପନିର୍ବାଚନ ବେଳେ ନବ ଦାସଙ୍କୁ ପରୋକ୍ଷ ଓ ପ୍ରତ୍ୟକ୍ଷ ଭାବେ ଧମକ ଦେଉଥିବା ଉଭୟ ବିଜେପି ନେତା ନିଜକୁ ବଞ୍ଚାଇବା ଲାଗି ମନଗଢ଼ା କାହାଣୀ ଗପୁଛନ୍ତି ବୋଲି ସେ ଅଭିଯୋଗ କରିଛନ୍ତି। ଗଣମାଧ୍ୟମରେ ବିବୃତି ଦେଇ ଶ୍ରୀମତୀ ମଲ୍ଲିକ କହିଛନ୍ତି ଯେ, ସମସ୍ତେ ଜାଣନ୍ତି ଜୟନାରାୟଣ ମିଶ୍ର ଜଣେ ଅଭ୍ୟାସଗତ ଅପରାଧୀ। ଜଘନ୍ୟ ହତ୍ୟା ସମେତ ମୋଟ ୧୬ଟି ସଂଗିନ ମାମଲାରେ ଜୟନାରାୟଣ ମିଶ୍ରଙ୍କ ସଂପୃକ୍ତି ରହିଛି। ଏକ ହତ୍ୟା ମାମଲାରେ ଗିରଫ ହୋଇ ସେ ଦୀର୍ଘଦିନ ଧରି ଜେଲ୍ ରେ ରହିବା ପରେ ସ୍ୱାସ୍ଥ୍ୟ ଖରାପର ଆଳ ଦେଖାଇ…
ଭୁବନେଶ୍ବର: ଆଜି ରାଜଧାନୀରେ ସର୍ବାଧକ ତାପମାତ୍ରା ପ୍ରବାହିତ ହୋଇଛି। ଯାହା କେବେ ଏହି ସମୟରେ ହୋଇ ନ ଥିଲା। ଏପରିକି ଆଜିର ଓଡିଶା ତାପମାତ୍ର ମଧ୍ୟରେ ଭୁବନେଶ୍ବରର ତାପମାତ୍ର ସର୍ବାଧିକ ରହିଛି। ଭୁବନେଶ୍ବର ଆଞ୍ଚଳିକ ପାଣିପାଗ ବିଭାଗ ସୂଚନା ଅନୁସାରେ ଆଜି ରାଜଧାନୀର ତାପମାତ୍ରା ୩୮ ଡ଼ିଗ୍ରୀ ରେକର୍ଡ କରାଯାଇଛି। ଆଜି ଭୁବନେଶ୍ବରରେ ସକାଳ ଏଗାର ବେଳକୁ ତାପମାତ୍ରା ଅଧିକ ଅନୁଭୂତ ହୋଇଥିଲା। ଦିନ ଯେତିକି ବଢିବାରେ ଲାଗିଲା ତାତି ମଧ୍ୟ ସେହି ଅନୁସାରେ ବଢିବାକୁ ଲାଗିଥିଲା। ବହୁଦିନ ପରେ ଆଜି ରାଜଧାନୀବାସୀ ଏସି ଲଗାଇବାକୁ ବାଧ୍ୟ ହୋଇଛନ୍ତି। ତେବେ ପ୍ରଶ୍ନ ଉଠିଛି ଯେ ଯଦି ଫେବୃୟାରୀ ମାସରେ ଏପରି ଖରା ତେବେ ମାର୍ଚ୍ଚ ବେଳକୁ କଣ ସ୍ଥିତି ହେବ।
ପାଟନା: ଜେଡିୟୁରୁ ଅଲଗା ହେବା ମାତ୍ରେ ଉପେନ୍ଦ୍ର କୁଶୱା ଏକ ବଡ ବୟାନ ଦେଇଛନ୍ତି। ଆଜି ଉପେନ୍ଦ୍ର କୁଶୱା ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଜେଡିୟୁର ଅନେକ ବିଧାୟକ ଏବଂ MLC ତାଙ୍କ ସହ ଯୋଗାଯୋଗରେ ଅଛନ୍ତି। ଆଗାମୀ ସମୟରେ ବହୁତ କିଛି ଘଟିବାକୁ ଯାଉଛି। ସେ ଏହା ମଧ୍ୟ କହିଛନ୍ତି ଯେ, କେବଳ ସେମାନଙ୍କ ସହ ସେ ଯୋଗାଯୋଗରେ ନାହାଁନ୍ତି, ବରଂ ଅନେକ ଜେଡିୟୁ ଲୋକ ତାଙ୍କ ଲୋକଙ୍କ ସହ ଯୋଗାଯୋଗରେ ଅଛନ୍ତି, ଯାହା ଖୁବ ଶୀଘ୍ର ପ୍ରକାଶ ପାଇବ। ସମୟକୁ ଅପେକ୍ଷା କରନ୍ତୁ, ସବୁ ଜାଣିପାରିବେ। ଦଳ ଭାଙ୍ଗୁଥିବା ପ୍ରଶ୍ନ ଉପରେ ଉପେନ୍ଦ୍ର କୁଶୱା ଆହୁରି କହିଛନ୍ତି ଯେ, ଜେଡିୟୁରେ କଣ ବାକି ଅଛି? ଜେଡିୟୁ ଏକ ଖାଲି ଘର ପରି। ସେଠାରେ କ’ଣ ଅଛି, ଯାହା ଭାଙ୍ଗିବ? ବର୍ତ୍ତମାନ ସେହି ପାର୍ଟିରେ କିଛି ବାକି ନାହିଁ। ଭବିଷ୍ୟତରେ ନୀତୀଶ କୁମାରଙ୍କ ସହ ପୁନର୍ବାର ଯିବା ପ୍ରଶ୍ନ…
ଭୁବନେଶ୍ବର: ରାଜ୍ୟର ଏକ ଚାଞ୍ଚଲ୍ୟ ଖେଳାଇଥିବା ହତ୍ୟାକାଣ୍ଡ ମଧ୍ୟ ରାଜନୈତିକ ପଶାପାଲିରୁ ବର୍ତ୍ତି ପାରୁ ନାହିଁ। ରାଜ୍ୟର ଜଣେ ଟାଣୁଆ କ୍ୟାବିନେଟ ମନ୍ତ୍ରୀ ନବ ଦାସଙ୍କ ହତ୍ୟାକାଣ୍ଡକୁ ନେଇ ବେଶ କିଛି ଦିନ ଧରି ରାଜ୍ୟ ବିଜେପି ରାଜନୀତି କରିବାରେ ଲାଗିଛି। ଏହି ହତ୍ୟାକାଣ୍ଡ ନେଇ କେତେ ବେଳେ କିଏ କଣ କହୁଛି ତାହାର ହିସାବ ନାହିଁ। ବିଧାନସଭା ଆରମ୍ଭରେ ଆଜି ଏହିପରି ଏକ ରୋମାଞ୍ଚକର ତଥ୍ୟ ପ୍ରଦାନ କରିଛନ୍ତି ବିରୋଧୀ ଦଳର ନେତା ଜୟନାରାୟଣ ମିଶ୍ର। ସେ କହିଛନ୍ତି ଯେ ନବ ଦାସ ହତ୍ୟାର ଚାରିଦିନ ପୂର୍ବରୁ 5ଟି ସଚିବ ଏବଂ ବିଧାୟକ ପ୍ରଣବ ପ୍ରକାଶ ଦାସଙ୍କ ଫୋନ କଲ ରେକର୍ଡ କରାଯାଉ। ତାର ଅର୍ଥ ଏହି ଦୁଇଜଣ ନବ ଦାସଙ୍କୁ କଣ କହିଥିଲେ ତାହା ଯାଞ୍ଚ କରାଯାଉ। ତେବେ ଆଶ୍ଚର୍ଯ୍ୟର କଥା ଏହା ସେ ଗୃହ ଭିତରେ କହି ନ ଥିଲେ। ଗୃହ ବାହାରେ ସାମ୍ବାଦିକଙ୍କୁ କହିଥିଲେ। ତେବେ…
ଭୁବନେଶ୍ୱର: ବିଧାନସଭାର ବିରୋଧୀଦଳ ନେତା ଜୟନାରାୟଣ ମିଶ୍ର ଜଣେ ଅଭ୍ୟାସଗତ ଅପରାଧୀ। ଏବେ କିଛିଦିନ ହେଲା ସେ ମାନସିକ ଭାରସାମ୍ୟ ହରାଇ ପାଗଳ ଭଳି ପ୍ରଳାପ କରୁଛନ୍ତି। ତେଣୁ ତାଙ୍କ ଭଳି ଜଣେ ବ୍ୟକ୍ତିଙ୍କ କଥାକୁ ବିଜୁ ଜନତା ଦଳ ଗୁରୁତ୍ୱ ଦେବାକୁ ଚାହୁଁନି। ବରଂ ବିଜେପି ନେତୃବୃନ୍ଦ ତୁରନ୍ତ ତାଙ୍କର ମାନସିକ ଚିକିତ୍ସା କରାଇବା ଜରୁରୀ ବୋଲି କହିଛନ୍ତି ବିଜେଡିର ମୁଖ୍ୟ ସଚେତକ ପ୍ରଶାନ୍ତ ମୁଦୁଲି। ଆଜି ଗଣମାଧ୍ୟମକୁ ବିବୃତି ଦେଇ ଶ୍ରୀ ମୁଦୁଲି କହିଛନ୍ତି ଯେ ଜୟନାରାୟଣ ମିଶ୍ରଙ୍କ ନାଁରେ ହତ୍ୟା ଭଳି ୧୬ଟି ସଂଗିନ ଅପରାଧିକ ମାମଲା ରୁଜୁ ହୋଇଛି। ଏକ ହତ୍ୟା ମାମଲାରେ ଗିରଫ ହୋଇ ସେ ଦୀର୍ଘଦିନ ଧରି ଜେଲ୍ରେ ରହିବା ପରେ ଜାମିନରେ ବାହାରକୁ ଆସିଛନ୍ତି। ପୂର୍ବରୁ ସେ ତାଙ୍କରି ବିଜେପି ଦଳର ରାଜ୍ୟ ସଭାପତିଙ୍କୁ ମଧ୍ୟ ଚପଲରେ ବାଡେଇ ଲହୁଲୁହାଣ କରି ଦେଇଥିଲେ। ଆଉ କିଛିଦିନ ତଳେ ଜଣେ କର୍ତ୍ତବ୍ୟରତ ମହିଳା…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ସିଙ୍ଗାପୁରର ପ୍ରଧାନମନ୍ତ୍ରୀ ଲି ସେନ୍ ଲୁଙ୍ଗ ଭାରତର ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ (ୟୁପିଆଇ) ଏବଂ ସିଙ୍ଗାପୁରର ପେନାଓ ମଧ୍ୟରେ ରିଅଲ୍ ଟାଇମ୍ ପେମେଣ୍ଟ ଲିଙ୍କେଜ୍ ର ଭର୍ଚୁଆଲ୍ ଶୁଭାରମ୍ଭରେ ଅଂଶଗ୍ରହଣ କରିଥିଲେ। ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ ଏବଂ ସିଙ୍ଗାପୁରର ମନିଟାରୀ ଅଥରିଟୀର ପରିଚାଳନା ନିର୍ଦ୍ଦେଶକ ରବି ମେନନ୍ ନିଜ ନିଜ ମୋବାଇଲ୍ ଫୋନ୍ ବ୍ୟବହାର କରି ପରସ୍ପର ମଧ୍ୟରେ ସୀମା ପାର ଅର୍ଥ କାରବାର କରିଥିଲେ। ସିଙ୍ଗାପୁର ହେଉଛି ପ୍ରଥମ ଦେଶ ଯେଉଁ ଠାରେ ସୀମା ପାର ପର୍ସନ୍ ଟୁ ପର୍ସନ୍ (ପି୨ପି) ଦେୟ ସୁବିଧା ଆରମ୍ଭ କରାଯାଇଛି। ଏହା ସିଙ୍ଗାପୁରରେ ଥିବା ପ୍ରବାସୀ ଭାରତୀୟ ବିଶେଷ କରି ପ୍ରବାସୀ ଶ୍ରମିକ/ଛାତ୍ରମାନଙ୍କୁ ସାହାଯ୍ୟ କରିବ ଏବଂ ସିଙ୍ଗାପୁର ଓ ଭାରତ ମଧ୍ୟରେ ତତକ୍ଷଣାତ ଡିଜିଟାଇଜେସନ ଓ ଫିନ୍ଟେକ୍ ଦ୍ୱାରା କମ୍ ମୂଲ୍ୟରେ ଟଙ୍କା ଟ୍ରାନ୍ସଫରର ଲାଭ ସାଧାରଣ ଲୋକଙ୍କୁ ମିଳିପାରିବ। କ୍ୟୁଆର…
ଭୁବନେଶ୍ୱର: ଛାତ୍ରଛାତ୍ରୀମାନେ ବୃତିଗତ ଦୁନିଆରେ ଓ ପ୍ରତିଯୋଗିତାମୂଳକ ପରିବେଶରେ ନିଜ ସ୍ଥିତିକୁ ସୁଦୃଢ଼ କରିବାର ମନ୍ତ୍ର ଦେବାର ଉଦ୍ଦେଶ୍ୟ ନେଇ ଶିକ୍ଷା ଓ ଅନୁସନ୍ଧାନ (ସୋଆ)ର ଦୁଇଜଣ ପୁରାତନ ଛାତ୍ର ଦୁଇଟି ପୁସ୍ତକ ରଚନା କରିଛନ୍ତି। ସୋଆର ପୁରାତନ ଛାତ୍ର ଅରବିନ୍ଦ ଦାସ “କର୍ପୋରେଟ ବ୍ରହ୍ମାସ୍ତ୍ର” ନାମକ ପୁସ୍ତକ ଲେଖିଛନ୍ତି ଯାହା ଏଲିନ୍ ପବ୍ଲିସ୍ର୍ସଙ୍କ ଦ୍ୱାରା ଏହାର ପ୍ରକାଶିତ ହୋଇଛି। ଏହି ପୁସ୍ତକରେ ବିଶ୍ୱବିଦ୍ୟାଳୟ ତଥା ବିଭିନ୍ନ ଶିକ୍ଷାନୁଷ୍ଠାନରୁ ଶିକ୍ଷା ସମାପ୍ତ କରି ବାହାରୁଥିବା ଛାତ୍ରଛାତ୍ରୀମାନେ କିଭଳି ନିଜକୁ ଦକ୍ଷ କରିପାରିବେ ଏବଂ ସମୟ ସହିତ ତାଳ ଦେଇ ଚାଲି ଭିଡ଼ ଭିତରେ କିଭଳି ନିଜକୁ ଛିଡ଼ା କରାଇପାରିବେ ସେ ସମ୍ପର୍କରେ ତଥ୍ୟ ରହିଛି। ସେହିପରି ଅନ୍ୟ ଜଣେ ପୁରାତନ ଛାତ୍ର ପରାଗ ରାୟ “ୟୁ-ଦ କ୍ୟାରିୟର କ୍ରିଏଟର୍ ଭି ୨.୦” ନାମକ ପୁସ୍ତକ ଲେଖିଛନ୍ତି। କୌଣସି ବିରୋଧାତ୍ମକ ଚିନ୍ତା କିମ୍ବା ମାନସିକ ଉଦ୍ବିଳନର ବଶବର୍ତ୍ତୀ ନ ହୋଇ କିଭଳି ନିଜର…
ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ଏଗ୍ରିକଲ୍ଚରାଲ୍ ସାଇନ୍ସେସ୍ର ଏନ୍ଏସ୍ଏସ୍ ଶାଖା ପକ୍ଷରୁ ଚନ୍ଦକା ପଂଚାୟତ କୁଜିମହଲ ଠାରେ ଉନ୍ନତ ଭାରତ ଯୋଜନା ପରିପ୍ରେକ୍ଷୀରେ ଏକ ଛତୁ ଚାଷ ସମ୍ବନ୍ଧୀୟ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ ଦଶ ଜଣ ଚାଷୀ ଓ ଏନଏସ୍ଏସ୍ର ସ୍ୱେଚ୍ଛା ସେବୀ ଯୋଗ ଦେଇଥିଲେ। କାର୍ଯ୍ୟକ୍ରମରେ ସୋଆର କୁଳପତି ପ୍ରଫେସର ବିଜୟ କୁମାର ସାହୁ ଏବଂ ପ୍ରୋଗ୍ରାମ ଅଫିସର ପ୍ରଫେସର ସରୋଜ କୁମାର ମହାନ୍ତି ଯୋଗ ଦେଇ ଏହି ଶିବିରର ମୁଖ୍ୟ ଉଦ୍ଦେଶ୍ୟ ବିଷୟରେ ବକ୍ତବ୍ୟ ରଖିଥିଲେ। ଏହି କାର୍ଯ୍ୟକ୍ରମରେ ଛତୁଚାଷ ବିଶାରଦ ରାକେଶ ରୋଶନ ଶତପଥି ଓ ତାଙ୍କ ସହକାରୀ ଦିବ୍ୟ ଜ୍ୟୋତି ସ୍ୱାଇଁ ଯୋଗ ଦେଇ ଛତୁଚାଷ କୁ କିପରି ବ୍ୟବସାୟ ଭିତିକ କରିହେବ ସେହି ବିଷୟରେ ଚାଷୀମାନଙ୍କ ସହିତ ବିସ୍ତୃତ ଭାବେ ଆଲୋଚନା କରିଥିବାବେଳେ ଛତୁଚାଷ ଜନିତ ବିଭିନ୍ନ ପ୍ରକାର ସମସ୍ୟାର ସମାଧାନର ପ୍ରଣାଳୀ ସମ୍ପର୍କରେ…
ଭୁବନେଶ୍ବର: ଆଜି ଚୋରାରେ ଚାଲିଥିବା ଏକ କରତ କଳକୁ ଜବତ କରିଛି ଓଡିଶା ଭିଜିଲାନ୍ସ ବିଭାଗ। ଖବର ପାଇବା ପରେ ଆଜି ଭୋରରୁ ଭିଜିଲାନ୍ସ ଏବଂ ବନ ବିଭାଗ ମିଳିତ ଭାବେ ଏହି କରତ କଳ ଉପରେ ଚଢାଉ କରିଥିଲେ। ଫଳରେ ସେହି ସ୍ଥାନରୁ ଜବତ ହୋଇଥିଲା 10 ଲକ୍ଷ ଟଙ୍କାର ଶାଗୁଆନ କାଠ। ଏହ କରତ କଳଟି ବାଲେଶ୍ବର ଜିଲ୍ଲାର କମରଦା ଥାନା ଅଧିନରେ ଥିବା କେଶବ କମରଦା ବଜାରରେ ଥିଲା। ପୂର୍ବରୁ ସେଠାରେ କେବେକେବେ କାଠ କଟାଯାଉଥିଲା। ହେଲେ ପୋଲିସ କୌଣସି ଟେର ପାଇ ପାରି ନ ଥିଲା।
ନୂଆଦିଲ୍ଲୀ: ଯେହେତୁ ଭାରତୀୟ ଦଳ ଅଷ୍ଟ୍ରେଲିଆ ବିପକ୍ଷ ପ୍ରଥମ ୨ ଟେଷ୍ଟ ମ୍ୟାଚ୍ ଜିତିଛି, ଶ୍ରୀଲଙ୍କା ଦଳ ମଧ୍ୟ ବିଶ୍ୱ ଟେଷ୍ଟ ଚାମ୍ପିଅନସିପ୍ (WTC) ୨୦୨୩ ର ଫାଇନାଲରେ ପ୍ରବେଶ କରିବାର କିଛି ସମ୍ଭାବନା ଅଛି। ଏହାକୁ ଦୃଷ୍ଟିରେ ରଖି ବର୍ତ୍ତମାନ ପାକିସ୍ତାନ ସୁପର ଲିଗ୍ (ପିଏସ୍ଏଲ୍) ର ଅଷ୍ଟମ ସିଜନରେ ଖେଳିବାକୁ ଶ୍ରୀଲଙ୍କା କ୍ରିକେଟ୍ ଏହାର ଗୁରୁତ୍ୱପୂର୍ଣ୍ଣ ସ୍ପିନର ୱାନିନ୍ଦୁ ହାସରାଙ୍ଗାଙ୍କୁ ନୋ ଅବଜେକସନ ସାର୍ଟିଫିକେଟ୍ ଦେବାକୁ ମନା କରିଦେଇଛି। ପାକିସ୍ତାନୀ ସୁପର ଲିଗର ଅଷ୍ଟମ ସିଜନ ପାଇଁ କ୍ୱେଟା ଗ୍ଲାଡିଏଟର୍ସ ଦଳ ୱାନିନ୍ଦୁ ହାସରାଙ୍ଗାଙ୍କୁ ନିଜ ଦଳରେ ଅନ୍ତର୍ଭୁକ୍ତ କରିଥିଲା। ତେବେ ବର୍ତ୍ତମାନ ଶ୍ରୀଲଙ୍କା କ୍ରିକେଟ୍ ହାସାରଙ୍ଗାଙ୍କୁ ପ୍ରଥମ ଶ୍ରେଣୀ କ୍ରିକେଟ୍ ଖେଳିବାକୁ କହିଛି ଯାହା ଦ୍ଵାରା ସେ ନ୍ୟୁଜିଲ୍ୟାଣ୍ଡ ଗସ୍ତରେ ଟେଷ୍ଟ ସିରିଜ୍ ପୂର୍ବରୁ ନିଜକୁ ପ୍ରସ୍ତୁତ କରିପାରିବେ। କ୍ୱେଟା ଗ୍ଲାଡିଏଟର୍ସ ଦଳରୁ ଏହା ନିଶ୍ଚିତ ହୋଇଛି ଯେ, PSL ର ଏହି ସିଜନରେ ହାସାରଙ୍ଗା ଅଂଶଗ୍ରହଣ…
ବାସ୍ତୁ ଶାସ୍ତ୍ର: ସନାତନ ହିନ୍ଦୁ ଧର୍ମରେ ନିୟମର ବିଶେଷ ଗୁରୁତ୍ୱ ରହିଛି। ଜ୍ୟୋତିଷ ଶାସ୍ତ୍ର ହେଉ କିମ୍ବା ବାସ୍ତୁ ଶାସ୍ତ୍ର, ସମସ୍ତ ଅଭ୍ୟାସ ସବୁ ବିଷୟରେ ଉଲ୍ଲେଖ କରାଯାଇଛି, ଯାହା ପରିବାରର ଅଗ୍ରଗତି ଏବଂ ସମୃଦ୍ଧି ସହିତ ଜଡିତ। ବାସ୍ତୁ ଶାସ୍ତ୍ରରେ ଏପରି କିଛି କାର୍ଯ୍ୟ କୁହାଯାଇଛି, ଯାହା ଉଭୟ ପୁରୁଷ ଏବଂ ମହିଳା ରାତିରେ ଶୋଇବା ପୂର୍ବରୁ ଭୁଲରେ ବି କରିବା ଉଚିତ୍ ନୁହେଁ। କାରଣ ଏହି ଅଭ୍ୟାସଗୁଡ଼ିକ ବାସ୍ତୁ ଶାସ୍ତ୍ରରେ ଭଲ ବିବେଚନା କରାଯାଏ ନାହିଁ। ଯଦି ଆପଣ ଶୋଇବା ପୂର୍ବରୁ ଏହିସବୁ କରନ୍ତି, ତେବେ ଦେବୀ ଲକ୍ଷ୍ମୀ ଆପଣଙ୍କ ଉପରେ କ୍ରୋଧିତ ହୋଇପାରନ୍ତି ଏବଂ ଆପଣଙ୍କୁ ଅର୍ଥ ସମ୍ବନ୍ଧୀୟ ସମସ୍ୟାର ମଧ୍ୟ ସାମ୍ନା କରିବାକୁ ପଡିପାରେ। ଏହି କାର୍ଯ୍ୟଗୁଡ଼ିକ ବିଷୟରେ ଜାଣନ୍ତୁ…. ତକିଆରେ ପାଣି ବୋତଲ ରଖିବା: ଅନେକ ଲୋକ ରାତିରେ ତକିଆରେ ପାଣି ବୋତଲ ରଖି ଶୋଇଥା’ନ୍ତି, ଯାହାଫଳରେ ସେମାନେ ତୃଷାର୍ତ୍ତ ଅନୁଭବ କଲେ ତୁରନ୍ତ…