Author: Samikhsya Bureau

ସୀତାରାମ ଅଗ୍ରୱାଲ ବାଣପୁର: ଆଉ ଜଣେ ବାଣପୁର ଝିଅ ବଡ ସଫଳତା ହାସଲ କରିଛନ୍ତି। ଏଥର ରାଉରକେଲା ନିଟ୍ ରେ ଅନୁଷ୍ଠିତ ହୋଇଥିବା ୨୦ ତମ ସମାବର୍ତ୍ତନ ଉତ୍ସବ ୨୦୨୨ ରେ ଜଣେ ବାଣପୁର ଝିଅ ସ୍ବର୍ଣ୍ଣ ପଦକ ହାସଲ କରିଛନ୍ତି। ବାଣପୁର ବ୍ଲକ ଭୀମପୁର ଗ୍ରାମରେ ଜନ୍ମିତ କୁମାରୀ ଶତାଦ୍ଧୀ ନନ୍ଦ ବାୟୋଟେକ୍ନୋଲୋଜି ଶାଖାରେ ସର୍ବୋଚ୍ଚ ନମ୍ବର ରଖି ଶୀର୍ଷ ସ୍ଥାନ ଅଧିକାର କରିଛନ୍ତି। ଯାହାଫଳରେ ନିଟ୍ ସଂସ୍ଥା ପକ୍ଷରୁ ତାଙ୍କୁ ସ୍ବର୍ଣ୍ଣ ପଦକ ସମେତ ପ୍ରମାଣ ପତ୍ର ପ୍ରଦାନ କରାଯାଇ ସମ୍ମାନିତ କରାଯାଇଛି। ଏକ ବାର୍ଣ୍ଣାଢ୍ୟ ଉତ୍ସବରେ କୁମାରୀ ନନ୍ଦଙ୍କୁ ସେଲର (SAIL) ଅଧ୍ୟକ୍ଷ ସୋମା ମଣ୍ଡଲ ଏହି ପୁରସ୍କାର ପ୍ରଦାନ କରିଛନ୍ତି। କୁମାରୀ ନନ୍ଦ ଏଥି ପୂର୍ବରୁ ଖୋର୍ଦ୍ଧା ନବୋଦୟ ବିଦ୍ୟାଳୟର ଛାତ୍ରୀ ଥିବାବେଳେ ଦଶମ ଶ୍ରେଣୀ ସିବିଏସଇ ବୋର୍ଡ ପରୀକ୍ଷାରେ ଓଡ଼ିଶାର ସମସ୍ତ ନବୋଦୟ ବିଦ୍ୟାଳୟ ମଧ୍ୟରୁ ଶ୍ରେଷ୍ଠ ସ୍ଥାନ ଅଧିକାର କରିବା ସହିତ ସେହି…

ସୀତାରାମ ଅଗ୍ରୱାଲ ଚିଲିକା: ଆଜି ଅପରାହ୍ନରେ ଓଏସଡ଼ି, ଓଏସଆରଟିସି ତଥା ବରିଷ୍ଠ ପ୍ରଶାସିକା ଦୀପ୍ତି ମହାପାତ୍ର ଖୋର୍ଦ୍ଧା ଜିଲ୍ଲା ବାଣପୁର ଓ ଚିଲିକା ତହସିଲ ଗସ୍ତରେ ଆସି ପ୍ରସ୍ତାବିତ ନୂତନ ବସ ଷ୍ଟାଣ୍ଡ ନିର୍ମାଣ ପାଇଁ ବିଭିନ୍ନ ସ୍ଥାନ ପରିଦର୍ଶନ କରିଥିଲେ। ପ୍ରଥମେ ଶ୍ରୀମତୀ ମହାପାତ୍ର ବାଣପୁର ପହଞ୍ଚି ମା’ ଭଗବତୀଙ୍କ ଦର୍ଶନ କରି ନୂତନ ବସ ଷ୍ଟାଣ୍ଡ ନିର୍ମାଣ ପାଇଁ ସ୍ଥାନୀୟ ତହସିଲଦାରଙ୍କ ସହ ବିଭିନ୍ନ ବିଷୟରେ ଆଲୋଚନା କରିଥିଲେ। ତେବେ ନୂତନ ବସ ଷ୍ଟାଣ୍ଡ ପାଇଁ ପୁର୍ବରୁ ୫-ଟି ସଚିବଙ୍କୁ ଦିଆଯାଇଥିବା ପ୍ରସ୍ତାବିତ ସ୍ଥାନ ମଧ୍ୟ ପରିଦର୍ଶନ କରିଥିଲେ ଶ୍ରୀମତୀ ମହାପାତ୍ର। ଏହାପରେ ସେ ନାଚୁଣୀ ଯାଇ ସେଠାରେ ଏକ ବସ ବେ ନିର୍ମାଣ ପାଇଁ ସ୍ଥାନ ନିରୂପଣ କରିଥିଲେ। ଅନୁରୂପ ଭବେ ଶ୍ରୀମତୀ ମହାପାତ୍ର ଚିଲିକା ତହସିଲ ମଧ୍ୟ ଗସ୍ତ କରି ନୂତନ ବସ ଷ୍ଟାଣ୍ଡ ନିର୍ମାଣ ପାଇଁ ଦୁଇ ଗୋଟି ସାମ୍ଭାବ୍ୟ ସ୍ଥାନ ଠିକ କରିଥିବା…

ନୂଆଦିଲ୍ଲୀ: ଆଜି ଅଲ ଇଣ୍ଡିଆ ମୁସଲିମ ପର୍ଶନାଲ ଲ ବୋର୍ଡର ସଭାପତି ମୌଲନା ସୟଦ ରାବେ ହସନି ନଦଭିଙ୍କ ଅଧ୍ୟକ୍ଷତାରେ ଲକ୍ଷ୍ନୌର ନଦୱାତୁଲ ଉଲେମା ଠାରେ ବୋର୍ଡର କାର୍ଯ୍ୟନିର୍ବାହୀ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଏକ ସଂକଳ୍ପ ପାରିତ କରି ମୁସଲମାନମାନଙ୍କୁ ଏହି ଆହ୍ଵାନ ଦିଆଯାଇଛି। ଏହି ଅବସରରେ ବୋର୍ଡର ସଭାପତି କହିଥିଲେ ଯେ, ମୁସଲମାନ ହେବା ଅର୍ଥ ନିଜକୁ ଆଲ୍ଲାହାଙ୍କ ନିକଟରେ ସମର୍ପଣ କରିବା, ତେଣୁ ଆମକୁ ଶରିୟାତକୁ ସମ୍ପୂର୍ଣ୍ଣ ଅନୁସରଣ କରିବାକୁ ପଡିବ। ଏହା ସହିତ ବୋର୍ଡ ସରକାରଙ୍କୁ ଅନୁରୋଧ କରିଛି ଯେ, ଦେଶର ସମ୍ବିଧାନରେ ପ୍ରତ୍ୟେକ ନାଗରିକଙ୍କର ନିଜର ଧର୍ମ ପାଳନ କରିବାର ସ୍ୱାଧୀନତା ଅଛି, ତେଣୁ ସାଧାରଣ ନାଗରିକମାନଙ୍କର ଧାର୍ମିକ ସ୍ୱାଧୀନତାକୁ ସମ୍ମାନ ଦେବା ସହିତ ସରକାର ୟୁନିଫର୍ମ ସିଭିଲ କୋଡର ଉଦ୍ଦେଶ୍ୟ ଛାଡ଼ିଦେବା ଉଚିତ୍। ବୋର୍ଡ ଏହାର ପ୍ରସ୍ତାବରେ ମଧ୍ୟ କହିଛି ଯେ, “ଦେଶର ସମ୍ବିଧାନ ପ୍ରତ୍ୟେକ ନାଗରିକଙ୍କୁ ନିଜର ଧର୍ମକୁ ମୌଳିକ…

ନୂଆଦିଲ୍ଲୀ: ପାକିସ୍ତାନର କ୍ୱେଟାରେ ବାବର ଆଜାମ ଏବଂ ସରଫରାଜ ଅହମ୍ମଦଙ୍କ ଦଳ ମଧ୍ୟରେ ପାକିସ୍ତାନ ସୁପର ଲିଗର ଏକ ପ୍ରଦର୍ଶନୀ ମ୍ୟାଚ୍ ହଠାତ୍ ମଝିରେ ବନ୍ଦ କରାଯାଇଛି। କ୍ୱେଟାରେ ବୋମା ବିସ୍ଫୋରଣ ପରେ ଏହା କରାଯାଇଛି। ସହରର ମୁସା ଚୌକ୍ ଠାରେ ଏହି ବିସ୍ଫୋରଣ ଘଟିଛି। ଏଥିରେ ଅନେକ ଲୋକ ଆହତ ହେବାର ଖବର ରହିଛି। ସୂଚନା ଅନୁଯାୟୀ, ବିସ୍ଫୋରଣ ପରେ ବାବର ଆଜାମଙ୍କ ଦଳ ପେଶୱାର ଜାଲମି ଏବଂ କ୍ୱେଟା ଗ୍ଲାଡିଏଟର୍ସ ମଧ୍ୟରେ କ୍ୱେଟା ଷ୍ଟାଡିୟମରେ ଚାଲିଥିବା ମ୍ୟାଚ ୩୦ ମିନିଟ ପାଇଁ ସତର୍କତାମୂଳକ ପଦକ୍ଷେପ ଭାବରେ ବନ୍ଦ ହୋଇଯାଇଥିଲା। ଏହା ବ୍ୟତୀତ ଷ୍ଟାଡିୟମରେ ଲୋକଙ୍କ ମଧ୍ୟରେ ସଂଘର୍ଷ ମଧ୍ୟ ହୋଇଥିଲା। ଏଠାରେ ପଥର ଫିଙ୍ଗିବା ଆରମ୍ଭ ହେବା ପରେ ଖେଳାଳିମାନଙ୍କୁ ଷ୍ଟାଡିୟମରୁ ସୁରକ୍ଷିତ ଭାବେ ବାହାରକୁ ନିଆଯାଇଥିଲା। ଏହି ବିସ୍ଫୋରଣ ପୋଲିସ ଲାଇନ୍ସ ଅଞ୍ଚଳରେ ଘଟିଥିଲା ​​ଯେଉଁଥିରେ ୫ ଜଣ ଆହତ ହୋଇଥିଲେ। ଆହତମାନଙ୍କୁ ଡାକ୍ତରଖାନା ନିଆଯାଇଥିବା ଜଣେ…

ଭୁବନେଶ୍ବର: ନବ ଦାସଙ୍କ ହତ୍ୟାକାରୀ ଗୋପାଳ ଦାସକୁ କ୍ରାଇମ ବ୍ରାଞ୍ଚ ଚାରିଦିନ ଧରି ରିମାଣ୍ଡରେ ନେବା ପରେ ତାକୁ ବିଭିନ୍ନ ପ୍ରଶ୍ନ ପଚାରିଥିଲେ। ଆଶ୍ଚର୍ଯ୍ୟ କଥା ତଦନ୍ତ ଅଧିକାରୀଙ୍କୁ ସେ ପଚାରୁଛି ଯେ, ନବ ଦାସଙ୍କୁ ଗୁଳି କରିବାର କେତେ ସମୟ ପରେ ସେ ମୃତ୍ୟୁ ବରଣ କଲେ। ଏହାକୁ ନେଇ ତଦନ୍ତ ଅଧିକାରୀ ତାଜୁବ ହୋଇପଡିଛନ୍ତି। ଏକ ବିଶେଷ ସୁତ୍ର ଅନୁସାରେ ଗୋପାଳକୁ କ୍ରାଇମ ବ୍ରାଞ୍ଚ ଜେରା କରିବା ବେଳେ ସେ କିପରି ଗୁଳି କଲେ କେତେଟା ଗୁଳି କଲେ ବୋଲି ପ୍ରଶ୍ନ କରିଥିଲେ। ଗୋପାଳ କହିଥିଲା ଯେ, ସେ ପ୍ରଥମେ ତାଙ୍କ ଛାତିକୁ ଗୁଳି କରିଥିଲେ। ତାହା ଠିକ ବାଜିଥିଲା, ଏହି ଗୁଳିରେ ସେ ମରିଯିବେ ବୋଲି ଭାବି ନେଲି। ହେଲେ ସନ୍ଦେହରେ ଆଉ ଦଶ ସେକେଣ୍ଡରେ ଆଉ ଏକ ଗୁଳି ମାରିଲି। ହେଲେ ଠେଲାପେଲାରେ ତାହା ତାଙ୍କ ପଛ ଗାଡିରେ ବାଜିଥିଲା। ଏହାପରେ ଗୋପାଳ ନିଜ ଆଡୁ…

ଭୁବନେଶ୍ୱର: କୋଭିଡ ମହାମାରୀ ପରବର୍ତ୍ତୀ ସମୟରେ ବିଭିନ୍ନ ଫୁସ୍‌ଫୁସ୍ ଜନିତ ସମସ୍ୟା ବୃଦ୍ଧି ପାଉଥିବା ବେଳେ ଯକ୍ଷ୍ମା (ଟିବି) ଭଳି ମାରାତ୍ମକ ବ୍ୟାଧିକୁ ଏତେଟା ଗୁରୁତ୍ୱ ମିଳିପାରୁ ନାହିଁ ବୋଲି ଶନିବାର ମନ୍ତବ୍ୟ ଦେଇଛନ୍ତି ବିଶିଷ୍ଟ ଫୁସ୍‌ଫୁସ୍ ରୋଗ ବିଶେଷଜ୍ଞ ପ୍ରଫେସର (ଡାକ୍ତର) ଦିଗମ୍ବର ବେହେରା। ବିଭିନ୍ନ ପ୍ରକାର ଫୁସ୍‌ଫୁସ୍ ଜନିତ ସମସ୍ୟା ବୃଦ୍ଧି ପାଉଥିବାରୁ ସାରା ଦେଶରେ ଫୁସ୍‌ଫୁସ୍ ରୋଗ ବିଶେଷଜ୍ଞମାନେ ଏହି ରୋଗର ଚିକିତ୍ସାରେ ବ୍ୟସ୍ତ ରହୁଛନ୍ତି। ତେବେ ଚିରାଚରିତ ଶ୍ୱାସଜନିତ ସମସ୍ୟାକୁ ମଧ୍ୟ ଅଧିକ ଧ୍ୟାନ ଦେବା ଉଚିତ୍ ବୋଲି ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍‌ସେସ୍ ଆଣ୍ଡ ସମ୍ ହସ୍ପିଟାଲ୍‌ରେ ଆୟୋଜିତ ଓଡ଼ିଶା ଚେଷ୍ଟ ସୋସାଇଟିର ୧୯ତମ ବାର୍ଷିକ ସମ୍ମିଳନୀ “ଚେଷ୍ଟକନ୍ ଓଡ଼ିଶା-୨୦୨୩” ର ଉଦ୍‌ଘାଟନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରଫେସର ବେହେରା ମତ ରଖିଛନ୍ତି। ଏହି ପ୍ରକ୍ରିୟାରେ ଆମେ ଯକ୍ଷ୍ମାକୁ ଭୁଲିଯାଉଛୁ ଏବଂ ଆମର ଧ୍ୟାନ ଅନ୍ୟ ଆଡ଼କୁ ଯାଉଛି ବୋଲି…

ଭୁବନେଶ୍ୱର: ସମ୍ ଅଲ୍ଟିମେଟ ମେଡିକେୟାରରେ ବିଶ୍ୱ କର୍କଟ ଦିବସ ଅବସରରେ ସୁସ୍ଥତା ଲାଭ କରିଥିବା ରୋଗୀମାନଙ୍କୁ ନେଇ ଶନିବାର ଏକ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ସମ୍ମମର ହୋପ୍ ସ୍ପ୍ରିଙ୍ଗ୍‌ସ ବ୍ଲକକୁ ନେଇ ‘ହୋପ୍ ସ୍ପ୍ରିଙ୍ଗ୍ ସାଗା’ କାର୍ଯ୍ୟକ୍ରମରେ ଅନେକ ସଂଖ୍ୟାରେ ହସ୍ପିଟାଲ୍‌ର ଅଙ୍କୋଲଜି ବିଭାଗରେ ଚିକିତ୍ସ୍ଖଚ୍ଛ ହୋଇ କର୍କଟରୁ ମୁକ୍ତ ହୋଇଥିବା ଅନେକ ବ୍ୟକ୍ତି ଯୋଗ ଦେଇଥିଲେ। କାର୍ଯ୍ୟକ୍ରମରେ ସମ୍ମମର ଚିଫ୍ ଅଫ୍ ମେଡିକାଲ୍ ସର୍ଭିସେସ୍ ବ୍ରିଗେଡିୟର (ଡାକ୍ତର) ବିରାଜ ମୋହନ ମିଶ୍ର ଏବଂ ଅଙ୍କୋ ସାଇନ୍‌ସେସ୍ ବିଭାଗର ଡାକ୍ତର ଚିରରଞ୍ଜନ ଖାଡ଼େଙ୍ଗା, ଡାକ୍ତର ଜିଜ୍ଞାସୁ ମହାନ୍ତି, ଡାକ୍ତର ପ୍ରିୟା ପ୍ରିୟଦର୍ଶିନୀ ନାୟକ, ଡାକ୍ତର ଶୁଭାଶିଷ ମିଶ୍ର ଏବଂ ଡାକ୍ତର ସୁଦତା ରାୟଙ୍କ ସମେତ ଅନେକ ଡାକ୍ତର ଉପସ୍ଥିତ ଥିଲେ। ଏହି ଅବସରରେ ବ୍ରିଗେଡିୟର ମିଶ୍ର ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଅନ୍ୟାନ୍ୟ ବରିଷ୍ଠ ଡାକ୍ତରମାନେ ସେମାନଙ୍କ ବକ୍ତବ୍ୟ ରଖିଥିଲେ। ଉତ୍ତମ ସ୍ୱାସ୍ଥ୍ୟ ସେବା ଯୋଗାଇଦେବା ସହ କ୍ୟାନ୍ସର…

ଜୀବନଶୈଳୀ: ଗ୍ରୀଷ୍ମ ଋତୁରେ ସୂର୍ଯ୍ୟ ଏବଂ ଧୂଳି ହେତୁ ଶରୀରରେ ଝାଳ ଅଧିକ ହୁଏ, ଯେଉଁ କାରଣରୁ ଶରୀର ଦୁର୍ଗନ୍ଧ ହେବାକୁ ଲାଗେ। ଏଭଳି ପରିସ୍ଥିତିରେ ବାହାରକୁ ଯାଇ ଲୋକଙ୍କ ସହ ବସିବା ଅତ୍ୟନ୍ତ ଲଜ୍ଜାଜନକ ହୋଇଯାଏ। ଲୋକମାନେ ଘରୁ ବାହାରିବା ପୂର୍ବରୁ ସ୍ପ୍ରେ ପ୍ରୟୋଗ କରି ଯାଆନ୍ତି, କିନ୍ତୁ ଝାଳ ହେତୁ ଏହା ମଧ୍ୟ କିଛି ସମୟ ମଧ୍ୟରେ ଅଦରକାରୀ ହୋଇଯାଏ। ଝାଳ ହେତୁ ଅଧିକାଂଶ ଗନ୍ଧ ବାହୁ ତଳୁ ଆସିଥାଏ, ତେଣୁ ଝାଳ ଏବଂ ଗନ୍ଧ ନହେବା ପାଇଁ ଆମର ସମସ୍ତ ପ୍ରୟାସ ବୃଥା ହୋଇଯାଏ। କିନ୍ତୁ କିଛି ଘରୋଇ ଜିନିଷ ଅଛି ଯାହା ଏହି ସମସ୍ୟାକୁ ଦୂର କରିପାରିବ, ତେବେ ଆସନ୍ତୁ ଜାଣିବା। ୧- ଏହି କାରଣରୁ ଝାଳର ଗନ୍ଧ ଆସେ: ଯେତେବେଳେ ଆମ ଶରୀରରେ ପାଣି ଅପେକ୍ଷା କ୍ୟାଫୀନ୍ ଅଧିକ ଥାଏ ଏବଂ ଆପଣ ନିୟମିତ ସ୍ନାନ କରନ୍ତି ନାହିଁ, ତେବେ ଏପରି ଅଭ୍ୟାସ ଖରାପ ଗନ୍ଧର କାରଣ…

ନୂଆଦିଲ୍ଲୀ: କେନ୍ଦ୍ର ସୂଚନା ଓ ପ୍ରସାରଣ ତଥା କ୍ରୀଡା ଓ ଯୁବବ୍ୟାପାର ମନ୍ତ୍ରୀ ଅନୁରାଗ ସିଂହ ଠାକୁର ଆଜି ଜାମ୍ମୁ -କାଶ୍ମୀରର ଉପରାଜ୍ୟପାଳ ମନୋଜ ସିହ୍ନାଙ୍କ ସହିତ ତୃତୀୟ ଖେଲୋ ଇଣ୍ଡିଆ ଶୀତକାଳୀନ କ୍ରୀଡା ପ୍ରତିଯୋଗିତାର ମାସ୍କଟ, ଥିମ୍ ସଙ୍ଗ୍ ଓ ଜର୍ସିକୁ ଜାମ୍ମୁ ରାଜଭବନଠାରେ ଉନ୍ମୋଚନ କରିଛନ୍ତି। ଏହି କାର୍ଯ୍ୟକ୍ରମ ଅବସରରେ ମନ୍ତ୍ରୀ ଅନୁରାଗ ସିଂହ ଠାକୁର କହିଥିଲେ ଯେ ଖେଲୋ ଇଣ୍ଡିଆ ଶୀତକାଳୀନ କ୍ରୀଡା ପ୍ରତିଯୋଗିତା ଖେଲୋ ଇଣ୍ଡିଆ ଅଭିଯାନର ଏକ ଅଂଶବିଶେଷ। ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିଚାର ପ୍ରସୂତ ଏକ କାର୍ଯ୍ୟକ୍ରମ ଯାହା ଦେଶରେ ଖେଳକୁଦ ପ୍ରତି ଯୁବସମାଜକୁ ଆକର୍ଷିତ କରି ଭାରତକୁ ବିଶ୍ୱର ଏକ କ୍ରୀଡା ଶକ୍ତିରେ ପରିଣତ କରିବାକୁ ଉଦ୍ଦିଷ୍ଟ। ଶ୍ରୀ ଠାକୁର ଆହୁରି କହିଥିଲେ, ଗତ ଆଠବର୍ଷ ଧରି କ୍ରୀଡା ପ୍ରତି ଲୋକଙ୍କର ମନୋଭାବ ବଦଳୁଛି ଏବଂ ପ୍ରତ୍ୟେକ ପରିବାର ନିଜର ପୁଅଝିଅଙ୍କୁ ଖେଳକୁଦ ପ୍ରତି ପ୍ରୋତ୍ସାହିତ କରୁଛନ୍ତି। ଖେଲୋ ଇଣ୍ଡିଆ…

ସ୍ୱାସ୍ଥ୍ୟ ଟିପ୍ସ: କର୍କଟ ରୋଗ ଗମ୍ଭୀର ଏବଂ ଭୟଙ୍କର ଅଟେ। ଲୋକମାନେ ଏହାକୁ ଭୟ କରନ୍ତି, କାରଣ ଥରେ ଏହା ଯାହା ସହିତ ଘଟେ, ତେବେ ତାଙ୍କୁ ଏଥିରୁ ମୁକ୍ତି ପାଇବା କଷ୍ଟକର। ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ, ୨୦୨୦ ମସିହାରେ କେବଳ ଏକ କୋଟି ଲୋକ କର୍କଟ ରୋଗରେ ପ୍ରାଣ ହରାଇଥିଲେ। ସମଗ୍ର ବିଶ୍ୱରେ ପ୍ରତି ୬ ମୃତ୍ୟୁ ମଧ୍ୟରୁ ଗୋଟିଏ କର୍କଟ କାରଣରୁ ହୋଇଥାଏ। କର୍କଟ ରୋଗର ଅଧିକାଂଶ ମାମଲାରେ ମଣିଷ ନିଜେ ଦାୟୀ। ଆଜିର ଚାଲୁଥିବା ଜୀବନଶୈଳୀ ହେତୁ କର୍କଟ ରୋଗ ହେବାର ଆଶଙ୍କା ସବୁବେଳେ ବଢିଥାଏ। ମୁଖ କର୍କଟ ପାଇଁ ସିଗାରେଟ୍, ମଦ୍ୟପାନ, ତମାଖୁ, ଗୁଟଖା ଗୁରୁତ୍ୱପୂର୍ଣ୍ଣ କାରଣ ଅଟେ। ମୁଖ କର୍କଟକୁ ଓରାଲ କ୍ୟାନ୍ସର ମଧ୍ୟ କୁହାଯାଏ। ପାଟିରେ କର୍କଟ ମଧ୍ୟ ମୁଣ୍ଡ ଏବଂ ବେକରେ ହେଉଥିବା କର୍କଟ ପରି। ମୁଖ କର୍କଟ କ’ଣ?: ମାୟୋ କ୍ଲିନିକ୍ ଅନୁଯାୟୀ, ପାଟିର କୌଣସି ଅଂଶରେ ମୁଖ…

ନୂଆଦିଲ୍ଲୀ: କର୍ପୁର ଆମ ସମସ୍ତଙ୍କ ଘରେ ପୂଜା ପାଇଁ ବ୍ୟବହୃତ ହୁଏ। କିନ୍ତୁ, ଆପଣ ଜାଣନ୍ତି କି ପୂଜା ବ୍ୟତୀତ କର୍ପୁର ମଧ୍ୟ ଦୈନନ୍ଦିନ ଜୀବନରେ ଅନେକ କାର୍ଯ୍ୟରେ ଆବଶ୍ୟକ ହୁଏ। ପୂଜା ବ୍ୟତୀତ, ଆମେ ଅନେକ ଜିନିଷରେ କର୍ପୁରକୁ ବ୍ୟବହାର କରୁ। ଆଣ୍ଟି-ବ୍ୟାକ୍ଟେରିଆ ଗୁଣ ଏଥିରେ ବହୁ ପରିମାଣରେ ମିଳିଥାଏ, ତେଣୁ ଏହା ପୋଷାକକୁ କୀଟମାନଙ୍କଠାରୁ ସୁରକ୍ଷିତ ରଖେ। ତେବେ ଆସନ୍ତୁ ଜାଣିବା କପୂରର ଦୈନନ୍ଦିନ ବ୍ୟବହାର ବିଷୟରେ- ରୁମ୍ ଫ୍ରେସନର ଭାବରେ ବ୍ୟବହାର କରନ୍ତୁ: କର୍ପୁର ଏକ ବହୁତ ଭଲ କୋଠରୀ ଫ୍ରେସନର ଭାବରେ ବିବେଚନା କରାଯାଏ। ଏହାକୁ ଏକ ରୁମ୍ ଫ୍ରେସନର ଭାବରେ ବ୍ୟବହାର କରିବାକୁ ହେଲେ, ପ୍ରଥମେ ଏହାକୁ ଗ୍ରାଇଣ୍ଡ୍ କରି ଏହାର ପାଉଡର ତିଆରି କରନ୍ତୁ। ତା’ପରେ ଏଥିରେ ୨ ଚାମଚ ଲେଭେଣ୍ଡର ତେଲ ମିଶାନ୍ତୁ। ଏହାକୁ ମିଶାଇ ଏକ ବୋତଲରେ ଭରନ୍ତୁ। ଏହା ପରେ ଏହାକୁ ସମଗ୍ର ରିମରେ ଛିଞ୍ଚନ୍ତୁ। କିଛି ସମୟ ପରେ…

ନୂଆଦିଲ୍ଲୀ: ଭାରତରେ ବୈଦ୍ୟୁତିକ ଯାନ ବିକ୍ରିର ଗ୍ରାଫ୍ ଦ୍ରୁତ ଗତିରେ ବୃଦ୍ଧି ପାଉଛି। ଗତ ମାସର ବିକ୍ରୟ ରିପୋର୍ଟରେ (ଜାନୁଆରୀରେ), ଦୁଇ ଚକିଆ ନିର୍ମାତା ଓଲା ବୈଦ୍ୟୁତିକ ସ୍କୁଟର ବିକ୍ରୟ କ୍ଷେତ୍ରରେ ବାକି କମ୍ପାନୀଗୁଡିକୁ ପଛରେ ପକାଇଦେଇଛି। ଯେଉଁଥିରେ ହିରୋ, ଟିଭିଏସ୍, ଆଥର୍ ଏନର୍ଜି ପରି ଇଲେକ୍ଟ୍ରିକ୍ ସ୍କୁଟର ତିଆରି କରୁଥିବା କମ୍ପାନୀଗୁଡିକ ଅନ୍ତର୍ଭୁକ୍ତ। ଆସନ୍ତୁ ଜାଣିବା କେଉଁ ଦୁଇ ଚକିଆ ନିର୍ମାତା ଏହାର କେତେ ବୈଦ୍ୟୁତିକ ସ୍କୁଟର ବିକ୍ରି କରିଛି। ବାହନ ପୋର୍ଟାଲ୍ ତଥ୍ୟରେ ଉପଲବ୍ଧ ସୂଚନା ଅନୁଯାୟୀ, ଗତ ମାସରେ ଅର୍ଥାତ୍ ଜାନୁଆରୀ ୨୦୨୩ ରେ ଓଲା ୧୮,୨୧୨ ଇଲେକ୍ଟ୍ରିକ୍ ସ୍କୁଟର ବିକ୍ରି କରିଛି, ଯାହା ଇଲେକ୍ଟ୍ରିକ୍ ଦୁଇ ଚକିଆ ବିଭାଗରେ ସର୍ବାଧିକ। ଗତ ବର୍ଷ ଓଲା କେବଳ ୧,୧୦୬ ବୈଦ୍ୟୁତିକ ଦୁଇ ଚକିଆ ଯାନ ବିକ୍ରି କରିଥିଲା। ଏବଂ ଡିସେମ୍ବର ୨୦୨୨ ରେ ଓଲା ୨୫,୦୦୦ ଇଲେକ୍ଟ୍ରିକ୍ ସ୍କୁଟର ବିକ୍ରି କରିଥିଲା। ତେବେ ବର୍ତ୍ତମାନ ପର୍ଯ୍ୟନ୍ତ ସରକାରୀ…

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ସରକାରୀ କର୍ମଚାରୀଙ୍କ ପାଇଁ ବହୁତ ଭଲ ଖବର ଆସିବାକୁ ଯାଉଛି। କେନ୍ଦ୍ର ସରକାର ଏକ କୋଟିରୁ ଅଧିକ ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ମହଙ୍ଗା ଭତ୍ତା ବୃଦ୍ଧି କରିପାରନ୍ତି। ସରକାରଙ୍କ ଦ୍ୱାରା ମହଙ୍ଗା ଭତ୍ତା ବର୍ତ୍ତମାନର ୩୮ ପ୍ରତିଶତରୁ ୪୨ ପ୍ରତିଶତକୁ ବୃଦ୍ଧି କରାଯାଇପାରେ। ଏହି ଉଦ୍ଦେଶ୍ୟ ପାଇଁ, ନିର୍ଦ୍ଦିଷ୍ଟ ସୂତ୍ର ଅନୁଯାୟୀ ମହଙ୍ଗା ଭତ୍ତା ୪ ପ୍ରତିଶତ ବୃଦ୍ଧି କରାଯାଇପାରେ। ପ୍ରତିବର୍ଷ ଜାନୁୟାରୀ ୧ ତାରିଖରୁ ଜୁଲାଇ ୧ ତାରିଖ ପର୍ଯ୍ୟନ୍ତ କେନ୍ଦ୍ର ସରକାରଙ୍କ ମାଧ୍ୟମରେ ମହଙ୍ଗା ଭତ୍ତା ବୃଦ୍ଧି କରିବାର ନିୟମ ଚାଲିଛି। ସରକାର ବର୍ତ୍ତମାନର ମହଙ୍ଗା ଭତ୍ତାକୁ ୪ ପ୍ରତିଶତ ବୃଦ୍ଧି କରିପାରନ୍ତି ଏବଂ ଯଦି ଏହା ଘଟେ ତେବେ କେନ୍ଦ୍ରୀୟ କର୍ମଚାରୀଙ୍କ ଡିଏ ସିଧାସଳଖ ୪ ପ୍ରତିଶତ ବୃଦ୍ଧି ପାଇବ।

ନୂଆଦିଲ୍ଲୀ: ଭେଟେରାନ ଆଥଲେଟ୍ ତଥା ଇଣ୍ଡିଆନ୍ ଅଲିମ୍ପିକ୍ ଆସୋସିଏସନ୍ (IOA) ର ସଭାପତି ପି.ଟି ଉଷା ଶନିବାର ଗଣମାଧ୍ୟମ ସମ୍ମୁଖରେ କାନ୍ଦି ପକାଇଛନ୍ତି। ସେ ଅଭିଯୋଗ କରିଛନ୍ତି ଯେ, କେରଳର କୋଝିକୋଡେ ଜିଲ୍ଲାରେ ଅବସ୍ଥିତ ତାଙ୍କ ଆଥଲେଟ୍ସ ଏକାଡେମୀ କ୍ୟାମ୍ପସରେ ବେଆଇନ ନିର୍ମାଣ କାର୍ଯ୍ୟ ଚାଲିଛି। ସେ ଏହା ମଧ୍ୟ କହିଛନ୍ତି ଯେ, ଯେତେବେଳେ ମ୍ୟାନେଜମେଣ୍ଟ ଏହାକୁ ବିରୋଧ କରିଥିଲେ, ସେତେବେଳେ ତାଙ୍କୁ ଦୁର୍ବ୍ୟବହାର କରାଯାଇଥିଲା। ତେବେ ପୋଲିସ ନିକଟରେ ଅଭିଯୋଗ ହେବା ପରେ କାମ ବନ୍ଦ ହୋଇଯାଇଥିବା ସେ କହିଛନ୍ତି। ସେ କହିଛନ୍ତି ଜେ, “କିଛି ଲୋକ ଉଷା ସ୍କୁଲ ଅଫ୍ ଆଥଲେଟିକ୍ସର କମ୍ପାଉଣ୍ଡରେ ପ୍ରବେଶ କରି ନିର୍ମାଣ କାର୍ଯ୍ୟ ଆରମ୍ଭ କରିଥିଲେ। ଯେତେବେଳେ ମ୍ୟାନେଜମେଣ୍ଟ ଏହାକୁ ବିରୋଧ କରିଥିଲେ ସେତେବେଳେ ସେମାନଙ୍କୁ ଦୁର୍ବ୍ୟବହାର କରାଯାଇଥିଲା। ସେମାନେ ପନଗଡ ପଞ୍ଚାୟତରୁ ଅନୁମତି ଆଣିଥିବା ଦାବି କରିଥିଲେ। ଆମେ ପୋଲିସ ନିକଟରେ ଅଭିଯୋଗ କରିବା ପରେ ବନ୍ଦ ହୋଇଥିଲା। ” ନୂଆଦିଲ୍ଲୀରେ…

ଭୁବନେଶ୍ବର: ମନ୍ତ୍ରୀ ନବ ଦାସଙ୍କ ହତ୍ୟାକାଣ୍ଡ ଘଟଣାର ଖାନଭିନ୍ନ କରୁଛି କ୍ରାଇମ ବ୍ରାଞ୍ଚ। କେଉଁ ପରିସ୍ଥିତିରେ ଏଏସଆଇ ଗୋପାଳ ଦାସ ହତ୍ୟା କଲା ତାହାର ଛାନଭିନ୍ନ କରିବାରେ ଲାଗିଛି। ତେବେ ଏହାର ସତ୍ୟତା ଜାଣିବା ପାଇଁ କ୍ରାଇମ ବ୍ରାଞ୍ଚ ଗୋପାଳର ଲେୟାରଡ ଭଏସ ଆନାଲିସିସ ଟେଷ୍ଟ କରାଯାଉଛି। ଏଥିପାଇଁ ନୂଆ ଦିଲ୍ଲୀରୁ ଏକ ଟିମ ଓଡିଶା ଆସିଛନ୍ତି। ଲେୟାରଡ ଭଏସ ଆନାଲିସିସ ଟେଷ୍ଟ ବା ଏଲଭିଏ ହେଉଛି ଏହିପରି ଏକ ପରୀକ୍ଷା ଯେଉଁଥିରେ ବ୍ୟକ୍ତିର ସ୍ବରରୁ ତାହାର ମାନସିକ ସ୍ଥିତି ଜାଣିହେବ। ଏହା ବିଭିନ୍ନ ପର୍ଯ୍ୟାୟରେ ପରୀକ୍ଷା କରାଯାଇଥାଏ। ଏହା ଏକ ଭିନ୍ନ ଟେକନୋଲୋଜି ଯାହା ଏହିପରି କ୍ରାଇମ ଡିଟେକ୍ଟ ପାଇଁ ବ୍ୟବହାର କରାଯାଇଥାଏ। ଏଥିରେ ବ୍ୟକ୍ତିର ଭଏସ ସହିତ ମସ୍ତିସ୍କର ବିଭିନ୍ନ ଅଙ୍ଗପ୍ରତ୍ୟେଙ୍ଗର ଚଳନକୁ ମପାଯାଇଥାଏ। ଏହାଦ୍ବାରା ସତ ବାହାରିବ ବୋଲି କ୍ରାଇମ ବ୍ରାଞ୍ଚ ଆଶା ରଖିଛି। ଅନ୍ୟପକ୍ଷରେ ଗୋପାଳର ରିମାଣ୍ଡର ଗତକାଲି ଆଉ ଚାରିଦିନ ପାଇଁ ବୃଦ୍ଧି କରାଯାଇଛି।…

ନୂଆଦିଲ୍ଲୀ: ଦୀର୍ଘ ଦିନର ଅସୁସ୍ଥତା ପରେ ପାକିସ୍ତାନର ପୂର୍ବତନ ସେନା ମୁଖ୍ୟ ତଥା ରାଷ୍ଟ୍ରପତି ପରଭେଜ ମୁଶରଫଙ୍କ ଆଜି ଦୁବାଇର ଏକ ଡାକ୍ତରଖାନାରେ ମୃତ୍ୟୁ ଘଟିଛି। ପାକିସ୍ତାନୀ ଗଣମାଧ୍ୟମକୁ ଉଦ୍ଧୃତ କରି ଏହି ଖବର ସାମ୍ନାକୁ ଆସିଛି। ମିଡିଆ ରିପୋର୍ଟ ମୁଶରଫଙ୍କ ପରିବାର ସଦସ୍ୟଙ୍କ ଉଦ୍ଧେଶ୍ୟରେ କହିଛି ଯେ, ଆଜି ଆମିଲୋଏଡୋସିସ୍ କାରଣରୁ ତାଙ୍କର ମୃତ୍ୟୁ ଘଟିଛି। ତାଙ୍କୁ କିଛି ସପ୍ତାହ ହସ୍ପିଟାଲରେ ଭର୍ତ୍ତି କରାଯାଇଥିଲା। ୧୯୯୯ ରେ ପରଭେଜ ମୁଶରଫ ପାକିସ୍ତାନର ରାଷ୍ଟ୍ରପତି ହୋଇଥିଲେ। ସେ ୧୯୯୮ ରୁ ୨୦୦୧ ପର୍ଯ୍ୟନ୍ତ ଦଶମ ସିଜେସିଏସସି ଏବଂ ୧୯୯୮ ରୁ ୨୦୦୭ ପର୍ଯ୍ୟନ୍ତ ସପ୍ତମ ଶୀର୍ଷ ଜେନେରାଲ୍ ଭାବରେ କାର୍ଯ୍ୟ କରିଥିଲେ।

ମୁମ୍ବାଇ: ଭାରତୀୟ କ୍ରିକେଟ୍ ଦଳର ପୂର୍ବତନ ଭେଟେରାନ୍ ଖେଳାଳି ବିନୋଦ କାମ୍ବଲି ପୁଣି ଥରେ ବିବାଦରେ ଛନ୍ଦି ହୋଇଛନ୍ତି। ଏଥର ତାଙ୍କ ପତ୍ନୀ ତାଙ୍କ ବିରୋଧରେ ମୁମ୍ବାଇର ବାନ୍ଦ୍ରା ପୋଲିସ ଷ୍ଟେସନରେ ଅଭିଯୋଗ କରିଛନ୍ତି। ବିନୋଦ କାମ୍ବଲି ତାଙ୍କ ପତ୍ନୀଙ୍କୁ ପିଟିଥିବାର ଅଭିଯୋଗ ହୋଇଛି। ମଦ୍ୟପାନ କରି ଦୁର୍ବ୍ୟବହାର ଓ ନିର୍ଯାତନା ଦେଇଥିବା କାମ୍ବଲି ବିରୋଧରେ ତାଙ୍କ ପତ୍ନୀ ଅଭିଯୋଗ କରିଛନ୍ତି। ବିନୋଦ କାମ୍ବଲିଙ୍କ ପତ୍ନୀଙ୍କ ଅଭିଯୋଗକୁ ଭିତ୍ତି କରି ମୁମ୍ବାଇ ପୋଲିସ ଆଇପିସିର ଧାରା ୩୨୪ ଏବଂ ୫୦୪ ଅନୁଯାୟୀ ତାଙ୍କ ବିରୋଧରେ ମାମଲା ରୁଜୁ କରିଛି। କାମ୍ବଲିଙ୍କ ପତ୍ନୀ ଅଭିଯୋଗ କରିଛନ୍ତି ଯେ, ବିନୋଦ କାମ୍ବଲି ତାଙ୍କ ଉପରେ ରନ୍ଧନ ପ୍ୟାନର ହ୍ୟାଣ୍ଡେଲ ଫିଙ୍ଗିଥିଲେ, ଯେଉଁ କାରଣରୁ ତାଙ୍କ ମୁଣ୍ଡରେ ଆଘାତ ଲାଗିଥିଲା। କାମ୍ବଲିଙ୍କ ପତ୍ନୀଙ୍କ କହିବାନୁସାରେ, ଏହି ଘଟଣା ଶୁକ୍ରବାର ମଧ୍ୟାହ୍ନ ୧ ଟା ରୁ ୧.୩୦ ମଧ୍ୟରେ ଘଟିଥିଲା, ​​ଯେତେବେଳେ କାମ୍ବଲି ମଦ୍ୟପାନ ନିଶା ଅବସ୍ଥାରେ…

ସୀତାରାମ ଅଗ୍ରୱାଲ ବାଣପୁର: ଖୋର୍ଦ୍ଧା ଜିଲ୍ଲା ବାଲୁଗାଁ ବାଣପୁର 16 ନମ୍ବର ଜାତୀୟ ରାଜପଥ ଅନ୍ତର୍ଗତ ବେଲପଡା ଛକରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଯାଇଛି ଯେଉଁଥିରେ ଦୁଇ ଜଣ ଗୁରୁତର ଆହତ ହୋଇଛନ୍ତି। ସୂଚନା ମୁତାବକ ଗତକାଲି ବିଳମ୍ବିତ ରାତିରେ ଭୁବନେଶ୍ୱର ରୁ ବ୍ରହ୍ମପୁର ଗୋପାଳପୁର ଅଭିମୁଖେ ଆଗ ପଛ ହୋଇ ଯାଉଥିବା ଏକ ଆଇରନ ବୋଝେଇ ଟ୍ରକ ଏବଂ ଆଇରନ ଡଷ୍ଟ ବୋଝେଇ ଟ୍ରକ ମଧ୍ୟରେ ବେଲପଡା ଛକ ଠାରେ ଧକ୍କା ହୋଇଥିଲା। ଆଇରନ ଡଷ୍ଟ ବୋଝେଇ ଗାଡ଼ି ଟି ରଡ଼ ବୋଝେଇ ଟ୍ରକ କୁ ପଛପଟୁ ଶକ୍ତ ଧକ୍କା ଦେବାରୁ ଡଷ୍ଟ ବୋଝେଇ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି ଏବଂ ଗାଡିର ଆଗ ପାର୍ଶ୍ୱ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଖବର ପାଇ ବାଲୁଗାଁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଗାଡିର କ୍ୟାବିନ କୁ ଗ୍ୟାସ କଟର ମାଧ୍ୟମରେ କାଟି ତନ୍ମଧ୍ୟରୁ ଚାପି ହୋଇ ରହିଥିବା ଗାଡ଼ି ଚାଳକ ଓ…

ନୂଆଦିଲ୍ଲୀ: ଆଜି ଦେଶର ପୂର୍ବ ଉପକୂଳରେ ଚୀନ୍‌ର ଗୁପ୍ତଚର ବେଲୁନ୍‌କୁ ଆମେରିକା ଗୁଳି ଚଳାଇଛି। ସ୍ଥାନୀୟ ଗଣମାଧ୍ୟମ ଏହି ସୂଚନା ଦେଇଛନ୍ତି। ଏହି ସପ୍ତାହ ପୂର୍ବରୁ ଆମେରିକା ଦାବି କରିଥିଲା ​​ଯେ, ବେଲୁନ୍ ଉତ୍ତର ଆମେରିକାର ସମ୍ବେଦନଶୀଳ ସାମରିକ ସ୍ଥାନ ଉପରେ ଗୁପ୍ତଚର କରୁଛି। ଏହାକୁ ଜାତୀୟ ସୁରକ୍ଷା ପ୍ରୟାସ କୁହାଯାଉଥିବା ବେଳେ ଦକ୍ଷିଣ-ପୂର୍ବ ତିନୋଟି ବିମାନବନ୍ଦରକୁ ପ୍ରଶାସନ ସାମୟିକ ଭାବେ ବନ୍ଦ କରି ଦେଇଥିଲା। ସ୍ଥାନୀୟ ମିଡିଆ ଫୁଟେଜରେ ଏକ ଛୋଟ ବିସ୍ଫୋରଣ ଦେଖାଯାଇଥିଲା, ଯାହା ପରେ ବେଲୁନ୍ ପାଣିରେ ପଡିଯାଇଥିଲା। ଅପରେସନ୍ ଏପରି ଭାବରେ ଯୋଜନା କରାଯାଇଥିଲା ଯେ ସମସ୍ତ ଆବର୍ଜନା ସମୁଦ୍ରରେ ପଡିଯାଇଥିଲା। ଯଥାସମ୍ଭବ ଆବର୍ଜନା ହଟାଇବା ପାଇଁ ଜାହାଜ ନିୟୋଜିତ କରାଯାଇଥିଲା। ବେଲୁନ୍ ନଷ୍ଟ କରିବାର କିଛି ଘଣ୍ଟା ପୂର୍ବରୁ ଆମେରିକାର ରାଷ୍ଟ୍ରପତି ଜୋ ବାଇଡେନ ବେଲୁନ୍ ପ୍ରସଙ୍ଗରେ ଦୃଷ୍ଟି ଦେବାକୁ ଶପଥ ନେଇଥିଲେ। ଚୀନ୍ ସହ ସମ୍ପର୍କ ଏବଂ ବେଲୁନ୍ ଘଟଣା ସମ୍ପର୍କରେ ମନ୍ତବ୍ୟ…

ଚାନ୍ଦପୁର: ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଯାଇଛି।ଏକ ଟେଣ୍ଟ ହାଉସ୍ ଘରେ ନିଆଁ ଲାଗିଯିବାରୁ ପାଖାପାଖି କୋଟିଏ ଟଙ୍କାର ଅସବାବପତ୍ର ପୋଡ଼ି ପାଉଁଶ ହୋଇଯାଇଥିବାର ଜଣାପଡିଛି। ସୂଚନା ମୁତାବକ ଗତକାଲି ବିଳମ୍ବିତ ରାତିରେ କନ୍ଧ ନୟାଗଡ଼ ଗ୍ରାମରେ ଥିବା ମା ତାରିଣୀ ଟେଣ୍ଟ ହାଉସ ରେ ନିଆଁ ଲାଗିଯାଇଥିଲା। ଫଳରେ ଉକ୍ତ ଟେଣ୍ଟ ହାଉସ ର ସାଉଣ୍ଡ, ଲାଇଟ, ହଣ୍ଡାହାଣ୍ଡି, ଚେୟାର, ଦୁଇ ଗୋଟି ବାଇକ ଏବଂ ଗୋଟିଏ ଟାଟା ଏସି ଗାଡ଼ି ଜଳି ପୋଡ଼ି ପାଉଁଶ ହୋଇଯାଇଛି । ଖବର ପାଇ ଟାଙ୍ଗୀ ଅଗ୍ନୀଶମ ବାହିନୀ ଘଟଣା ସ୍ଥଳରେ ପହଂଚି ନିଆଁକୁ ଆୟତ କରିଥିଲେ ସୁଦ୍ଧା ସବୁ କିଛ ସ୍ୱାହା ହୋଇ ଯାଇଥିଲା। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ପାଖାପାଖି କୋଟିଏ ଟଙ୍କାର ଅସବାବପତ୍ର ପୋଡ଼ିଯାଇଥିବାର ଟେଣ୍ଟ ହାଉସ ମାଲିକ ବଳଭଦ୍ର ପ୍ରଧାନ କହିଛନ୍ତି ।

ସୀତାରାମ ଅଗ୍ରୱାଲ ବାଣପୁର: ବାଣପୁର ହସପିଟାଲ ଫର୍ମାସିଷ୍ଟ ଙ୍କୁ ଆକ୍ରମଣ କରିବା ପଡ଼ିଲା ମହାଙ୍ଗା। ବନ୍ଧା ହେଲେ ଦୁଇ ଯୁବକ। ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ। ପୋଲିସ ସୂଚନା ମୁତାବକ ଗତକାଲି ରାତିରେ ଆୟୁଷ୍ମାନ ବେହେରା ଓ ସିଦ୍ଧାନ୍ତ ପରିଡ଼ା ନାମକ ଦୁଇ ଯୁବକ ପ୍ରଚୁର ମଦ୍ୟପାନ କରି ନିଶାସକ୍ତ ଅବସ୍ଥାରେ ବାଣପୁର ମେଡିକାଲ କୁ ଚିକିତ୍ସା ନିମନ୍ତେ ଯାଇଥିଲେ। ତେବେ ସେଠାରେ କାର୍ଯ୍ୟରତ ଡାକ୍ତର ଏବଂ ଫାର୍ମାସିଷ୍ଟ ଙ୍କୁ ଦୁର୍ବ୍ୟବହାର ଦେଖାଇବା ସହ ଗାଳିଗୁଲଜ କରିଥିଲେ, ଏପରିକି ପରବର୍ତ୍ତୀ ସମୟରେ ଫର୍ମାସିଷ୍ଟ ପ୍ରମୋଦ ଦେହୁରୀ ଙ୍କୁ ମରଣାନ୍ତକ ଆକ୍ରମଣ ମଧ୍ୟ କରିଥିଲେ। ଫଳରେ ଶ୍ରୀ ଦେହୁରୀ ଆହତ ହୋଇ ମେଡିକାଲ ଅଧିକାରୀ ଙ୍କ ପରାମର୍ଶ କ୍ରମେ ବାଣପୁର ଥାନାରେ ଏତଲା ଦେଇଥିଲେ। ଏହାକୁ ଆଇଆଇସି ଜୟପ୍ରକାଶ ପରିଡ଼ା ଗୁରୁତର ସହ ନେଇ ସଙ୍ଗେସଙ୍ଗେ ଫୋର୍ସ ନେଇ ବାଣପୁର ମେଡିକାଲ ରେ ପହଞ୍ଚି ଯୁବକ ଦ୍ବୟ ଙ୍କୁ…