Author: Samikhsya Bureau

ମୁମ୍ବାଇ: ଉଦ୍ଧବ ଠାକରେ ଗୋଷ୍ଠୀକୁ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଗୋଷ୍ଠୀ ଏକ ବଡ ଝଟକା ଦେବାକୁ ଯାଉଛି। ଆଜି ସନ୍ଧ୍ୟାର ଦଶହରା ରାଲିରେ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱରେ ଦୁଇ ଜଣ ସାଂସଦ ଏବଂ ୫ ଜଣ ବିଧାୟକ ଯୋଗ ଦେବେ ବୋଲି ଶିବସେନା ଲୋକସଭା ସଦସ୍ୟ କ୍ରିପାଲ ତୁମାନେ ଆଜି ଦାବି କରିଛନ୍ତି। ସିନ୍ଦେଙ୍କ ନେତୃତ୍ୱାଧୀନ ଗୋଷ୍ଠୀ ବୁଧବାର ସନ୍ଧ୍ୟାରେ ମୁମ୍ବାଇର ବାନ୍ଦ୍ରା କୁର୍ଲା କମ୍ପ୍ଲେକ୍ସର ଏମଏମଆରଡିଏ ଗ୍ରାଉଣ୍ଡରେ ଏକ ଦଶହରା ରାଲି କରିବେ। ଏଥିସହିତ ମୁମ୍ବାଇର ଦାଦର ଐତିହାସିକ ଶିବାଜୀ ପାର୍କରେ ଠାକରେ ଦଳ ଏହାର ରାଲିର ଆୟୋଜନ କରିବେ। ଦଶହରା ରାଲିକୁ ନେଇ ଉଭୟ ଦଳ ମଧ୍ୟ ମୁହାଁମୁହିଁ ହୋଇଥିଲେ। ଉଭୟ ଦଳ ଶିବାଜୀ ପାର୍କରେ ରାଲି କରିବାକୁ ଚାହୁଁଥିଲେ। ଏହି ମାମଲାରେ ବମ୍ବେ ହାଇକୋର୍ଟ ପୁନର୍ବାର ଠାକରେ ଦଳକୁ ଶିବାଜୀ ପାର୍କରେ ଦଶହରା ରାଲି କରିବାକୁ ଅନୁମତି ଦେଇଛନ୍ତି। ଶିବସେନାର ସିନ୍ଦେ ଗୋଷ୍ଠୀର ସାଂସଦ…

ନୂଆଦିଲ୍ଲୀ: ଅଷ୍ଟ୍ରେଲିଆରେ ଅନୁଷ୍ଠିତ ହେବାକୁ ଥିବା ଟି-୨୦ ବିଶ୍ୱକପ ପାଇଁ ସମସ୍ତ ଦଳ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ଏହି ସମୟରେ ଆଇସିସି ଟି-୨୦ ବ୍ୟାଟିଂ ର଼୍ୟାଙ୍କିଙ୍ଗକୁ ନେଇ ଚର୍ଚ୍ଚା ଜାରି ରହିଛି। ବାସ୍ତବରେ ଭାରତର ତାରକା ବ୍ୟାଟ୍ସମ୍ୟାନ୍ ସୂର୍ଯ୍ୟକୁମାର ଯାଦବ ଟି-୨୦ ରେ ଏକ ନମ୍ବର ବ୍ୟାଟ୍ସମ୍ୟାନ୍ ହେବାକୁ ଅତି ନିକଟତର ହୋଇଛନ୍ତି। ସେ ବର୍ତ୍ତମାନ ପାକିସ୍ତାନର ଷ୍ଟାର ୱିକେଟ୍ କିପର ବ୍ୟାଟ୍ସମ୍ୟାନ୍ ମହମ୍ମଦ ରିଜୱାନଙ୍କ ସହ ଟି-୨୦ ରେ ଏକ ନମ୍ବର ବ୍ୟାଟ୍ସମ୍ୟାନ୍ ହେବାକୁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ଭାରତର ତାରକା ବ୍ୟାଟ୍ସମ୍ୟାନ୍ ସୂର୍ଯ୍ୟକୁମାର ଯାଦବ ଟି-୨୦ ରେ ଏକ ନମ୍ବର ବ୍ୟାଟ୍ସମ୍ୟାନ୍ ହେବାକୁ ଅତି ନିକଟତର ହୋଇଛନ୍ତି। ସେ ବର୍ତ୍ତମାନ ଏହି ର଼୍ୟାଙ୍କିଙ୍ଗରେ ଦ୍ୱିତୀୟ ସ୍ଥାନ ଅଧିକାର କରିଛନ୍ତି। ଏଥି ସହ ପାକିସ୍ତାନର ୱିକେଟ୍ କିପର ବ୍ୟାଟ୍ସମ୍ୟାନ୍ ମହମ୍ମଦ ରିଜୱାନ ଟି-୨୦ ବ୍ୟାଟିଂ ମାନ୍ୟତାରେ ପ୍ରଥମ ସ୍ଥାନ ଅଧିକାର କରିଛନ୍ତି। ତେବେ ସୁର୍ଯ୍ୟକୁମାର ଯାଦବ ରିଜୱାନଙ୍କଠାରୁ ମାତ୍ର ୧୬ ପଏଣ୍ଟ…

ନୂଆଦିଲ୍ଲୀ: ଆଜି ଅରୁଣାଚଳ ପ୍ରଦେଶର ତୱାଙ୍ଗ ଅଞ୍ଚଳ ନିକଟରେ ଭାରତୀୟ ସେନାର ଚିତା ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ସେନା ଅଧିକାରୀଙ୍କଠାରୁ ମିଳିଥିବା ସୂଚନା ଅନୁଯାୟୀ ଏହି ଦୁର୍ଘଟଣାରେ ଜଣେ ପାଇଲଟଙ୍କ ମୃତ୍ୟୁ ହୋଇଛି। ଏହି ସମୟରେ ଦ୍ୱିତୀୟ ପାଇଲଟଙ୍କ ଚିକିତ୍ସା ଚାଲିଛି। ଏହି ଘଟଣାରେ ଏକ ପ୍ରେସ ବିଜ୍ଞପ୍ତି ପ୍ରକାଶ ପାଇଛି ଯେଉଁଥିରେ କୁହାଯାଇଛି ଯେ ତୱାଙ୍ଗ ନିକଟ ଅଗ୍ରଭାଗରେ ଉଡ଼ୁଥିବା ସେନାର ଚିତା ହେଲିକପ୍ଟର ଆଜି ସକାଳ ପ୍ରାୟ ୧୦ ଟା ସମୟରେ ଦୁର୍ଘଟଣାଗ୍ରସ୍ତ ହୋଇଛି। ଏହା ପରେ ଉଭୟ ପାଇଲଟଙ୍କୁ ନିକଟସ୍ଥ ସାମରିକ ଡାକ୍ତରଖାନାକୁ ନିଆଯାଇଥିଲା ଯେଉଁଠାରେ ଗୁରୁତର ଆହତ ହୋଇଥିବା ଜଣେ ପାଇଲଟ ଲେଫ୍ଟ କର୍ନଲ ସୌରଭ ଯାଦବଙ୍କ ଚିକିତ୍ସା ସମୟରେ ମୃତ୍ୟୁ ଘଟିଥିଲା। ଏହି ସମୟରେ ଦ୍ୱିତୀୟ ପାଇଲଟଙ୍କ ଚିକିତ୍ସା ଚାଲିଛି। ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ଦୁର୍ଘଟଣାର କାରଣ ଏପର୍ଯ୍ୟନ୍ତ ଜଣା ପଡିନାହିଁ। ଏହା ଉପରେ ତଦନ୍ତ କରାଯିବ ଏବଂ ଦୁର୍ଘଟଣାର ପ୍ରକୃତ କାରଣ…

ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିପକ୍ଷରେ ୩ ମ୍ୟାଚ୍ ବିଶିଷ୍ଟ ଟି-୨୦ ଆନ୍ତର୍ଜାତୀୟ ସିରିଜ୍ ୨-୧ ରେ ଜିତିବା ପରେ ଭାରତୀୟ ଦଳ ବର୍ତ୍ତମାନ ପରବର୍ତ୍ତୀ କାର୍ଯ୍ୟ ପାଇଁ ପ୍ରସ୍ତୁତ ହେଉଛି। ଭାରତର ପରବର୍ତ୍ତୀ ବଡ କାର୍ଯ୍ୟ ହେଉଛି ଆଇସିସି ଟି-୨୦ ବିଶ୍ୱକପ ୨୦୨୨। ଅକ୍ଟୋବର ୧୬ ତାରିଖରୁ ଅଷ୍ଟ୍ରେଲିଆରେ ଟି -୨୦ ବିଶ୍ୱକପ ଆରମ୍ଭ ହେବାକୁ ଯାଉଛି। ଅକ୍ଟୋବର ୨୩ ତାରିଖରେ ପାକିସ୍ତାନ ବିପକ୍ଷ ମ୍ୟାଚରେ ଭାରତ ନିଜର ଅଭିଯାନ ଆରମ୍ଭ କରିବ, କିନ୍ତୁ ଅଭିଯାନ ଆରମ୍ଭ କରିବା ପୂର୍ବରୁ ଅଷ୍ଟ୍ରେଲିଆରେ ଭାରତ କିଛି ୱାର୍ମ ଅପ୍ ମ୍ୟାଚ୍ ମଧ୍ୟ ଖେଳିବ। ରୋହିତ ଶର୍ମାଙ୍କ ନେତୃତ୍ୱରେ ଟିମ୍ ଇଣ୍ଡିଆ ଅକ୍ଟୋବର ୬ ତାରିଖରେ ଅଷ୍ଟ୍ରେଲିଆ ଗସ୍ତ କରିବ। ଟିମ୍ ନିର୍ଦ୍ଧାରିତ ସମୟଠାରୁ ଅଷ୍ଟ୍ରେଲିଆ ଟିକିଏ ଶୀଘ୍ର ଯାଉଛି, ଯାହାଫଳରେ ସେଠାରେ ଅଧିକ ୱାର୍ମ ଅପ୍ ମ୍ୟାଚ୍ ଖେଳାଯାଇପାରିବ। ପୂର୍ବରୁ ଭାରତକୁ ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡ ବିପକ୍ଷରେ କେବଳ ଦୁଇଟି ୱାର୍ମ ଅପ୍…

ବାଣପୁର: ଦୀର୍ଘ ୧୭ ଦିନର ପାର୍ବଣ ପୂଜା ପରେ ଗତକାଲି ନିଶାର୍ଦ୍ଧରେ ଭଉଣୀମାନଙ୍କୁ ସ୍ଵମନ୍ଦିରକୁ ମେଲାଣୀ ଦେଇଛନ୍ତି ମା’ ଭଗବତୀ। ବର୍ଷର ବିଭିନ୍ନ ଋତୁରେ ସୂର୍ଯ୍ୟଙ୍କ ଗତି ଅନୁସାରେ ବିଭିନ୍ନ ଦିଗକୁ ଯାତ୍ରା କରି ଭଉଣୀମାନଙ୍କୁ ପାର୍ବଣଉତ୍ସବ ପାଇଁ ଆମନ୍ତ୍ରଣ କରିଥାନ୍ତି ମା’। ସେହି ଅନୁସାରେ ଚୈତ୍ର ଶୁକ୍ଳ ଅଶୋକାଷ୍ଟମୀ ଦିନ ଦକ୍ଷିଣ ଦିଗ ରକ୍ଷା କାରିଣୀଭାଲେରୀ ପାହାଡ଼ ଖୋଲରେ ପୂଜିତା ମା’ନାରାୟଣୀଙ୍କୁ ଆମନ୍ତ୍ରଣ ପାଇଁ ଗତିଶ୍ଵର ମହାଦେବଙ୍କ ପୀଠକୁ ଯାତ୍ରା କରି ଅଶୋକ ଫୁଲ, ପଇଡ଼ ସହ କାକରା ପିଠା ନୈବେଦ୍ୟ ଗ୍ରହଣ କରି ନାରାୟଣିଙ୍କ ଆଜ୍ଞାମାଳ ସହ ନିଶାର୍ଦ୍ଧରେ ମନ୍ଦିରକୁ ଫେରନ୍ତି ମା’। ସେହି ଦିନଠାରୁ ଆରମ୍ଭ ହୁଏ ଶକ୍ତିପୀଠ ବାଣପୁରରେ ଶାରଦୀୟ ପାର୍ବଣ ପ୍ରସ୍ତୁତି। ମହା ବିଷ୍ଣୁବ ସଂକ୍ରାନ୍ତି ଓଡ଼ିଆ ନବ ବର୍ଷରେ ମା’ ଭଗବତୀ ଉତ୍ତର ଦିଗରକ୍ଷାକାରୀଣି ଐତିହାସିକ ସୋଲରୀ ପାହାଡ଼ ପାଦ ଦେଶରେ ବିରାଜିତା ଭଉଣୀ ଶିଦ୍ଧେଶ୍ଵରୀଙ୍କ ମନ୍ଦିରରେ ତାପରେ ନିଶାର୍ଦ୍ଧରେ ପହଞ୍ଚି ଚୁଡ଼ା…

ଭୁବନେଶ୍ବର: ଭୁବନେଶ୍ୱରରେ ୟାମହାର ନୂଆ ସୋରୁମ ଖୋଲିଛି। ‘କେ ଟୁ କେ ଅଟୋ ମୋଟିଭ୍ ବ୍ୟାନରରେ ଖଣ୍ଡିଗିରି ଠାରେ ଏହି ନୂଆ ସୋରୁମ ଖୋଲିଛି। ଏଠାରେ ୟାମହାର ସମସ୍ତ ପ୍ରକାର ସେଲ୍ସ, ସର୍ଭିସ ୋସବରା ମିଳି ପାରିବ ବୋଲି କମ୍ପାନୀ ପକ୍ଷରୁ କୁହାଯାଇଛି। ୟାମହା ପ୍ରତି ଗ୍ରାହକଙ୍କ ଚାହିଦା ବଢ଼ୁଥିବା ବେଳେ ବର୍ଷ ବର୍ଷ ଧରି ଲୋକେ ୟାମହାକୁ ନିଜ ପରିବାରର ସଦସ୍ୟ ଭାବେ ବାଛି ନେଇଛନ୍ତି। ତେଣୁ କମ୍ପାନୀ ପକ୍ଷରୁ ଗ୍ରାହକଙ୍କୁ ଆହୁରି ଅଧିକ ସୁବିଧା ସେବା ଯୋଗାଇ ଦେବା ପାଇଁ ନୂଆ ସୋରୁମ ଖୋଲିଥିବା କୁହାଯାଇଛି। ଖଣ୍ଡିଗିରି ଠାରେ ପ୍ରାୟ ୨୨୦୦ ସ୍କୋୟାର ଫୁଟ ପରିମିତ ଫ୍ଲୋରରେ ଏହି ନୂଆ ସୋରୁମ ଖୋଲିଛି। ନୂଆ କରି ଖୋଲୁଥିବା ଏହି ସୋରୁମ ଗୁଡିକୁ ବ୍ଲ୍ୟୁ ସ୍କୋୟାର ସୋରୁମ କ୍ୟାଟେଗୋରୀର । ଭୁବନେଶ୍ୱରରେ ଏହା ପ୍ରଥମ କରି ଖୋଲିଛି। ଯାହା ଏକଦମ୍ ଅତ୍ୟାଧୁନିକ ଓ ଡିଜିଟାଲ ସୋରୁମ। ଭୁବନେଶ୍ୱର ଆଖପାଖ ଅଂଚଳର…

ନୂଆଦିଲ୍ଲୀ: ଉତ୍ତରାଖଣ୍ଡର ପୌଡି ଗଢୱାଲ ଜିଲ୍ଲାରେ ମଙ୍ଗଳବାର ସନ୍ଧ୍ୟାରେ ବରଯାତ୍ରୀ ବସ୍ ୫୦୦ ମିଟର ଗଭୀର ଖାଇକୁ ଖସିପଡିଛି। ଏହି ବସ୍‌ରେ ପ୍ରାୟ ୪୫ ରୁ ୫୦ ଜଣ ଲୋକ ଯାତ୍ରା କରୁଥିଲେ। ଘଟଣାର ସୂଚନା ପାଇବା ମାତ୍ରେ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା। ଏସଡିଆରଏଫ ର ଚାରୋଟି ଟିମ୍ ଏଠାରେ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଥିଲେ। ଏହି ଦୁର୍ଘଟଣାରେ ଏପର୍ଯ୍ୟନ୍ତ ୨୫ ଜଣଙ୍କର ମୃତ୍ୟୁ ହୋଇଥିବା ବେଳେ ବର୍ତ୍ତମାନ ପର୍ଯ୍ୟନ୍ତ ୨୧ ଜଣଙ୍କୁ ଉଦ୍ଧାର କରାଯାଇଛି।

ନୂଆଦିଲ୍ଲୀ: ନିର୍ବାଚନରେ ମାଗଣା ଉପହାରକୁ ନେଇ ଦେଶରେ ଚାଲିଥିବା ବିତର୍କ ମଧ୍ୟରେ ନିର୍ବାଚନ ଆୟୋଗ କହିଛନ୍ତି ଯେ, ନିର୍ବାଚନ ପ୍ରତିଶ୍ରୁତି ଦେଉଥିବା ରାଜନୈତିକ ଦଳମାନେ ଏହି ପ୍ରତିଶ୍ରୁତି ପାଇଁ କିପରି ଅର୍ଥ ଜମା କରିବାକୁ ଯୋଜନା କରୁଛନ୍ତି ତାହାର ସବିଶେଷ ତଥ୍ୟ ଦେବା ଉଚିତ୍। ନିର୍ବାଚନ ଆୟୋଗଙ୍କ ଦ୍ଵାରା ଦିଆଯାଇଥିବା ପରାମର୍ଶରେ ନୂତନ ନିୟମ ପ୍ରତି ଦଳଗୁଡ଼ିକ ଭୋଟରଙ୍କ ନିକଟରେ ଅଧିକ ଉତ୍ତରଦାୟୀ ରହିବେ। ନିର୍ବାଚନ ଆୟୋଗ ରାଜନୈତିକ ଦଳମାନଙ୍କୁ ଚିଠି ଲେଖି ସେମାନଙ୍କ ଘୋଷଣା ପତ୍ରରେ ଦିଆଯାଇଥିବା ପ୍ରତିଶ୍ରୁତି ପାଇଁ ଅର୍ଥ ସଂଗ୍ରହ କରିବାର ଉପାୟ ଏବଂ ଅର୍ଥର ସବିଶେଷ ତଥ୍ୟ ମାଗିଛନ୍ତି। ଅକ୍ଟୋବର ୧୯ ତାରିଖ ସୁଦ୍ଧା ଦଳଗୁଡିକ ପ୍ରସ୍ତାବିତ ପରିବର୍ତ୍ତନଗୁଡିକର ଜବାବ ଦେବାକୁ ପଡିବ। ନିର୍ବାଚନ ଆୟୋଗ ତାଙ୍କ ଚିଠିରେ କହିଛନ୍ତି ଯେ, କେବଳ ସେହି ପ୍ରତିଶ୍ରୁତି ଉପରେ ଭୋଟରଙ୍କ ବିଶ୍ୱାସ ଲୋଡ଼ାଯିବା ଉଚିତ ଯାହା ପୂରଣ ହେବା ସମ୍ଭବ ଅଟେ। ଚିଠି ଅନୁଯାୟୀ, ଆୟୋଗ କହିଛନ୍ତି…

ନୂଆଦିଲ୍ଲୀ: ଗତ ୨୪ ଘଣ୍ଟା ମଧ୍ୟରେ ଭାରତରେ ୨ ହଜାର ୪୬୮ ଟି ନୂଆ ପଜିଟିଭ ରିପୋର୍ଟ ହୋଇଛି। ଯାହା ପରେ ଦେଶରେ ମୋଟ ସଂକ୍ରମିତ ଲୋକଙ୍କ ସଂଖ୍ୟା ୪ କୋଟି ୪୬ ଲକ୍ଷ ୧ ହଜାର ୯୩୪ କୁ ବୃଦ୍ଧି ପାଇଛି। ବର୍ତ୍ତମାନ ଚିକିତ୍ସିତ ହେଉଥିବା ରୋଗୀଙ୍କ ସଂଖ୍ୟା ୩୩ ହଜାର ୩୧୮ କୁ ହ୍ରାସ ପାଇଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ବୁଧବାର ଏହି ସୂଚନା ଦେଇଛନ୍ତି। ମନ୍ତ୍ରଣାଳୟ ଦ୍ଵାରା ଆଜି ସକାଳ ୮ ଟାରେ ପ୍ରକାଶିତ ତଥ୍ୟ ଅନୁଯାୟୀ ଦେଶରେ ସଂକ୍ରମଣ ହେତୁ ୧୭ ଜଣଙ୍କ ମୃତ୍ୟୁ ହୋଇଛି। ଯାହା ପରେ ମୃତ୍ୟୁ ସଂଖ୍ୟା ୫ ଲକ୍ଷ ୨୮ ହଜାର ୭୩୩ କୁ ବୃଦ୍ଧି ପାଇଛି।

ଶୋପିୟାଁ: ଜମ୍ମୁ କାଶ୍ମୀରରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ଜାରି ରହିଛି। ଏହି ମୁକାବିଲା ସମୟରେ ସୁରକ୍ଷା ବାହିନୀକୁ ବହୁତ ବଡ ସଫଳତା ମିଳିଛି। ତିନି ଜଣ ଜୈଶ-ଇ-ମହମ୍ମଦ ଆତଙ୍କବାଦୀଙ୍କୁ ଶୋପିୟାଁର ଦ୍ରାଚରେ ମାରିଦିଆଯାଇଛି। ଆତଙ୍କବାଦୀମାନେ ଲୁଚି ରହିଥିବା ଖବର ସୁରକ୍ଷା ବାହିନୀ ପାଇଥିଲା। ପରେ ସେହି ଅଞ୍ଚଳକୁ ସୁରକ୍ଷାବାହିନୀ ଘେରି ରହିଥିଲେ। ପରେ ଆତଙ୍କବାଦୀଙ୍କ ଦ୍ଵାରା ଗୁଳି ବିନିମୟ ହୋଇଥିଲା, ଏହାର ଜବାବରେ ସୁରକ୍ଷା ବାହିନୀ ମଧ୍ୟ ଗୁଳି ଚଳାଇ ତିନି ଜଣ ଆତଙ୍କବାଦୀଙ୍କୁ ସଫା କରିଥିଲେ।

ଭୁବନେଶ୍ବର: ଗତକାଲି ରାଜ୍ୟରେ ୯୧ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ଆଉ ୬୮ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ତେବ ଆଜି ୬୮  ଜଣ ଆକ୍ରାନ୍ତଙ୍କ ମଧ୍ୟରୁ ୦-୧୮ ବର୍ଷର ୯ ଜଣ ପିଲା ଥିବା ବେଳେ କ୍ୱାରେଣ୍ଟାଇନରୁ ୪୦ ଜଣ ଏବଂ ସ୍ଥାନୀୟ ସଂକ୍ରମିତ ୨୮ ଜଣ ଅଛନ୍ତି। ତେବେ ବିଭିନ୍ନ ଜିଲ୍ଲାର ଯେଉଁ ସ୍ଥିତି ରହିଛି ତାହା ହେଲା… ବାଲେଶ୍ଵର ଜିଲ୍ଲାରୁ- ୪ ଭଦ୍ରକ ଜିଲ୍ଲାରୁ- ୧ ବଲାଙ୍ଗୀରି ଜିଲ୍ଲାରୁ- ୧ କଟକ ଜିଲ୍ଲାରୁ- ୬ ଦେବଗଡ ଜିଲ୍ଲାରୁ- ୧ ଯାଜପୁର ଜିଲ୍ଲାରୁ- ୪ କେନ୍ଦୁଝର ଜିଲ୍ଲାରୁ- ୨ ଖୋର୍ଦ୍ଧା ଜିଲ୍ଲାରୁ- ୧୪ ମୟୂରଭଞ୍ଜ ଜିଲ୍ଲାରୁ- ୧ ନୟାଗଡ ଜିଲ୍ଲାରୁ- ୬ ନୂଆପଡା ଜିଲ୍ଲାରୁ- ୩ ପୁରୀ ଜିଲ୍ଲାରୁ- ୮ ସମ୍ବଲପୁର ଜିଲ୍ଲାରୁ- ୫ ସୁନ୍ଦରଗଡ ଜିଲ୍ଲାରୁ- ୯ ଷ୍ଟେଟ ପୁଲରୁ- ୩ ତେବେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୩ ଲକ୍ଷ ୩୪ ହଜାର ୫୯୩…

ଦିଲ୍ଲୀପ ହାଲି ସିକେକ୍ରିଟିକ୍ ପୁରସ୍କାର ପ୍ରଦାନ ସହ ପ୍ରସିଦ୍ଧ ଅଭିନେତା ତଥା ନିର୍ଦ୍ଦେଶକ ପ୍ରଶାନ୍ତ ନନ୍ଦଙ୍କ ଚଳଚ୍ଚିତ୍ର ଜୀବନର ରୌପ୍ୟ ଜୟନ୍ତୀ ପାଳନ କରିବା ଲାଗି ସ୍ଥିର ହେଲା। ସବୁଥର ଭଳି ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କୁ ସଚିବାଳୟ ପ୍ରକୋଷ୍ଠରେ ଭେଟି ନିମନ୍ତ୍ରଣ କରିବାକୁ ସିନେକ୍ରିଟିକ୍ ଆସୋସିଏସନ୍‌ର ସଭାପତି ପ୍ରଦୋଷ ପଟ୍ଟନାୟକ ଓ ମୁଁ ଯାଇଥିଲୁ। ବିଜୁବାବୁ ଚିଠିଟି ପଢ଼ି ତା’ ଉପରେ ଲେଖି ବ୍ୟକ୍ତିଗତ ସଚିବ ଗୌରମୋହନ ଷଡ଼ଙ୍ଗୀଙ୍କ ହାତରେ ଧରାଇ ଦେଲେ। ଆମେ ଖୁସିରେ ତାଙ୍କ ପ୍ରକୋଷ୍ଠରୁ ବାହାରି ଆସୁଛୁ, ହଠାତ୍ ପଛରୁ ଡାକି ପଚାରିଲେ – What is the Prasanta Nanda Silver Night ? Who is Prasanta Nanda ? Why this Silver Night ତା’ପରେ ଆମେ ବିଜୁବାବୁଙ୍କୁ ଓଡ଼ିଆ ଚଳଚ୍ଚିତ୍ରର ଜଣେ ଆଗଧାଡ଼ିର ବ୍ୟକ୍ତିତ୍ୱ ପ୍ରଶାନ୍ତ ନନ୍ଦ ସମ୍ପର୍କରେ ସବୁ ବିଷୟ ଜଣାଇଲୁ। ତାଙ୍କ ଚଳଚ୍ଚିତ୍ର ଜୀବନରେ ୨୫ ବର୍ଷ ପୂରି…

Bride Market: ବୁଲଗେରିଆରେ ଏପରି ଏକ ବଜାର ଅଛି ଯେଉଁଠାରେ ଆପଣଙ୍କୁ ଝିଅ ମିଳିବ। ତେବେ କିଣିବା ପାଇଁ ନୁହେଁ ବିବାହ କରିବା ପାଇଁ। କାରଣ ଏହା ଏପରି ଏକ ବଜାର ଯେଉଁଠି ଜିନିଷପତ୍ର ବିକ୍ରି କମ ହୋଇଥାଏ, ହେଲେ ବରକନ୍ୟା ଭେଟାଭେଟି ବେଶୀ ହୋଇଥାଏ। ବୁଲଗେରିଆର ଏହି ବଜାର ଷ୍ଟାରାଜାଗୋର ନାମରେ ପରିଚିତ। ଏହି ବଜାରକୁ ଝିଅମାନେ ନିଜ ପରିବାର ସହିତ ଭଲ ବେଶଭୂଷାରେ ଆସିଥାନ୍ତି। ସେହିପରି ବର ମଧ୍ୟ ଭଲ ପୋଷାକରେ ସେହି ବଜାରକୁ ଆସିଥାଏ। ଏହି ବଜାରରେ ପୁଅ ବା ବର କନ୍ୟାମାନଙ୍କୁ ବୁଲିବୁଲି ଦେଖିଥାଏ। ତାଙ୍କୁ ଯେଉଁ ଝିଅ ଭଲ ଲାଗିବ ସେ ତାଙ୍କ ପରିବାରକୁ ଜଣାଇବେ।  ବରର ପରିବାର କନ୍ୟାର ପରିବାର ସହିତ କଥାବାର୍ତ୍ତା ହେବେ। ଏହାପରେ ବରକନ୍ୟା ଦେଖାଦେଖି ହେବା ପରେ ବାହାଘର ହୋଇଥାଏ। ତେବେ ବରପକ୍ଷ ଏହି ବଜାରରେ କନ୍ୟାକୁ ଅର୍ଥ ଦେଇ କିଣିଥାନ୍ତି। ଏହି ବଜାର ସବୁବେଳେ ବସେ ନାହିଁ।…

ବାସ୍ତୁ ଟିପ୍ସ: ଭାରତୀୟ ସଂସ୍କୃତିରେ ଶଙ୍ଖର ଗୁରୁତ୍ବପୂର୍ଣ୍ଣ ସ୍ଥାନ ରହିଛି। ଶଙ୍ଖର ଓମ୍‌ ଧ୍ବନି ପ୍ରତିଧ୍ବନିତ ହୋଇଥାଏ। ପୁରାଣ ଓ ଶାସ୍ତ୍ରରେ ଶଙ୍ଖ ଧ୍ବନିକୁ କଲ୍ୟାଣକାରୀ ବୋଲି ବିବେଚନା କରାଯାଏ। ବାସ୍ତୁ ଶାସ୍ତ୍ର ଅନୁସାରେ ଶଙ୍ଖନାଦ ଯୋଗୁଁ ଘରେ ନାକାରାତ୍ମକ ଶକ୍ତି ଦୂର ହୋଇ ସାକାରାତ୍ମକ ଶକ୍ତି ବୃଦ୍ଧି ହୋଇଥାଏ। ବାସ୍ତୁ ଶାସ୍ତ୍ର ଅନୁସାରେ ଶଙ୍ଖରେ ବହୁ ଗୁଣ ରହିଛି। ଏହା ଦ୍ବାରା ଘରକୁ ସାକାରାତ୍ମକ ଶକ୍ତି ଆସିଥାଏ। ଶଙ୍ଖ ଧ୍ବନି ଦ୍ବାରା ଶୋଇଥିବା ଭୂମି ମଧ୍ୟ ଜାଗ୍ରତ ହୋଇ ଶୁଭ ଫଳ ଦେଇଥାଏ ବୋଲି କୁହାଯାଏ। ଯେଉଁ ଘରେ ଶଙ୍ଖକୁ ପୂଜା କରାଯାଏ ସେହି ଘରେ ମାତା ଲକ୍ଷ୍ମୀ ବାସ କରନ୍ତି। ଲକ୍ଷ୍ମୀଙ୍କ ପରି ଶଙ୍ଖ ମଧ୍ୟ ସାଗରରୁ ଉତ୍ପନ୍ନ ହୋଇଥିଲେ। ସମୁଦ୍ରମନ୍ଥନ ସମୟରେ ସାଗରରୁ ଚଉଦ ରତ୍ନ ମଧ୍ୟରୁ ଶଙ୍ଖ ଅନ୍ୟତମ। ଘରେ ଶଙ୍ଖକୁ ରଖିବା ଦ୍ବାରା ଅନେକ ପ୍ରକାରର ବାସ୍ତୁଦୋଷରୁ ମୁକ୍ତି ମିଳିଥାଏ। ଏହା ସହିତ ଧନ, ଜନ,…

ଭୁବନେଶ୍ବର: ଲକ୍ଷ୍ମୀପୂଜାରେ ଆସୁଛି ନୂଆ ଓଡ଼ିଆ ସିନେମା।  ୟୁଏସ ମୋସନ ପିକ୍ଚର୍ସ ଓ କେ ମୁରଲୀ କ୍ରିଷ୍ଣା ଫିଲ୍ମସ ମିଳିତ ସହଯୋଗରେ ମୁକ୍ତିଲାଭ କରିବାକୁ ଯାଉଛି “ପ୍ରେମରେ ରିସ୍କ ହେଲା ମତେ ଇସ୍କ”। ନିକଟରେ ଏହି ସିନେମାର ଅଡିଓ ରିଲିଜ ହୋଇସାରିଥିବା ବେଳେ ଲକ୍ଷ୍ମୀ ପୂଜାରେ ସିନେମା ମୁକ୍ତିଲାଭ କରିବ। ଏନେଇ ପ୍ରଡକ୍ସନ ହାଉସ ସୂଚନା ଦେଇଛି। ୟୁଏସ ମୋସନ ପିକ୍ଚର୍ସ ବ୍ୟାନରରେ ନିର୍ମିତ ଏହି ଚଳଚ୍ଚିତ୍ରର ପ୍ରଯୋଜନା ଦାଇତ୍ୱରେ ରହିଛନ୍ତି ସଞ୍ଜୟ ପାତ୍ର ଓ ଉମେଶ ସାହୁ। ସିନେମାର ନିର୍ଦ୍ଦେଶନା ଦେଇଛନ୍ତି କେ ମୁରଲୀ କ୍ରିଷ୍ଣା। ଡ଼ଃ ରଜନୀ ରଞ୍ଜନ ସିନେମାର ସଂଳାପ ଲେଖିଥିବା ବେଳେ ସଞ୍ଜୟ ଓ ସିତୁ ସଂଗୀତ ନିର୍ଦ୍ଦେଶନା ଦେଇଛନ୍ତି। ହ୍ୟୁମାନ ସାଗର, ଅସୀମା ପଣ୍ଡା, କୁଳଦୀପ, ଅର୍ପିତା, ସତ୍ୟଜିତ, ନାଭ୍ୟା, ଲିପ୍ସା, ସୁଶାନ୍ତ ପ୍ରମୁଖ କଣ୍ଠଦାନ କରିଛନ୍ତି। ସତ୍ୟାନନ୍ଦ ନାୟକ, ଉମେଶ ସାହୁ, ଏମ ଜେବି ବଣ୍ଟି, ପିଣ୍ଟୁ ଗୀତ ରଚନା କରିଥିବା ବେଳେ…

ନୂଆଦିଲ୍ଲୀ, ଅସତ୍ୟ ଉପରେ ସତ୍ୟର ବିଜୟ। ଆଜି ସାରା ଦେଶରେ ବିଜୟ ଦଶମୀ ପାଳନ କରାଯାଉଛି। ଶାରଦୀୟ ନବରାତ୍ରୀର ସମାପ୍ତି ପରେ ଦଶହରା ପାଳନ କରାଯାଇ ଥାଏ। ହିନ୍ଦୁ ଧର୍ମର ବିଶ୍ୱାସ ଅନୁଯାୟୀ, ଭଗବାନ ରାମ ଦଶହରା ଦିନ ରାବଣକୁ ହତ୍ୟା କରିଥିଲେ। ପାପ ଉପରେ ପୂଣ୍ୟର ବିଜୟ ଲାଭ ହୋଇ ଥିଲା। ଏହି ପର୍ବ ସାରା ଦେଶରେ ବହୁତ ଉତ୍ସାହର ସହିତ ପାଳନ କରାଯାଇଥାଏ। ତେବେ ଚଳିତ ବର୍ଷ କରୋନା ପାଇଁ ଏହା ଫିକା ପଡିଯାଇଛି। ତେବେ ଅନେକ ଲୋକ ଜାଣନ୍ତି ନାହିଁ ଯେ, ଏହି ପର୍ବରେ ଏପରି ଜିନିଷ ଅଛି ଯାହା ଦେଖିଲେ ଅତ୍ୟନ୍ତ ଶୁଭ ପ୍ରାପ୍ତ ହୋଇଥାଏ। ଜ୍ୟୋତିଷମାନେ ମଧ୍ୟ ବିଶ୍ବାସ କରନ୍ତି, ଯଦି ଦଶହରା ଦିନରେ ଏହି ଚାରୋଟି ଜିନିଷ ଦେଖନ୍ତି, ତେବେ ତାହା ସମଗ୍ର ବର୍ଷ ଅତ୍ୟନ୍ତ ଶୁଭ ଏବଂ ଭାଗ୍ୟ ଉଜ୍ଜ୍ୱଳ ହେବାର ସମ୍ଭାବନା ରହିଛି। ଏହି ଚାରୋଟି ଜିନିଷ ହେଲା.. ୧- ବିଜୟା…

ରାଶିଫଳ: ଦଶହରା ପର୍ବ ସ୍ୱତନ୍ତ୍ର। ଭଗବାନ ରାମ ଏହି ଦିନ ଅହଂକାରୀ ରାବଣକୁ ହତ୍ୟା କରି ଲଙ୍କାପତିଙ୍କ ଅତ୍ୟାଚାରରୁ ସମଗ୍ର ପୃଥିବୀକୁ ମୁକ୍ତ କରିଥିଲେ। ଏହି ଦିନ ଆପଣଙ୍କର ଭାଗ୍ୟରେ କ’ଣ ଅଛି? ଆସନ୍ତୁ ଜାଣିବା ଆଜିର ରାଶିଫଳ। ମେଷ- ଭଗବାନ ରାମଙ୍କ କୃପା ଆପଣଙ୍କ ଉପରେ ରହିଛି। ଆଜି ସାହସର ସହିତ ସମସ୍ତ ଆହ୍ଵାନର ମୁକାବିଲା କରିବେ। କ୍ୟାରିୟରରେ ବାଧା ଦୂର ହେବ। ବୃଷ- ଆଜି ଆପଣଙ୍କ ପାଇଁ ଖୁସି ଆଣିଦେଉଛି। ଏହି ଦିନ ଆପଣ କଠିନ ପରିଶ୍ରମର ଫଳ ପାଇପାରନ୍ତି। ଆପଣ କିଛି ଭଲ ଖବର ପାଇପାରିବେ। ସମ୍ପତ୍ତି ଇତ୍ୟାଦିରୁ ଆପଣ ଲାଭ ପାଇପାରିବେ। ମିଥୁନ- ମନ ପ୍ରସନ୍ନ ରହିବ। ଆପଣ ଘରର ସଦସ୍ୟମାନଙ୍କ ସହିତ ଭଲ ସମୟ ବିତାଇବାକୁ ଏକ ସୁଯୋଗ ପାଇପାରିବେ। ଏହି ଦିନ ଆପଣଙ୍କର ସମ୍ମାନ ବୃଦ୍ଧି ହୋଇପାରେ। ମାତା ଲକ୍ଷ୍ମୀ ଜୀଙ୍କର ଅନୁଗ୍ରହ ମଧ୍ୟ ରହିବ। କର୍କଟ – ମନକୁ ନିୟନ୍ତ୍ରଣରେ ରଖନ୍ତୁ,…

ସୀତାରାମ ଅଗ୍ରୱାଲ ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଅଞ୍ଚଳରୁ ଜଣେ ଅଭ୍ୟାସରତ ଅପରାଧୀକୁ ଆଜି ପୋଲିସ ଗିରଫ କରିଛି। ଅଭିଯୁକ୍ତ ଜଣକ ହେଉଛନ୍ତି ଚନ୍ଦନ ଘଟୁଆଳ ଓରଫ କାହ୍ନା। ଚନ୍ଦନ ପୁର୍ବରୁ ମଧ୍ୟ ଚୋରି କେସ ରେ ଜେଲ ଯାଇଥିବା ବେଳେ ଗତକାଲି ପୁଣି ଜଣେ ବ୍ୟକ୍ତିଙ୍କ ନିକଟରୁ ମୋବାଇଲ ଛଡାଇ ଫେରାର ହୋଇଯାଇଥିଲେ। ପୀଡ଼ିତ ବ୍ୟକ୍ତି ଜଣକ ଏ ନେଇ ବାଲୁଗାଁ ଥାନାରେ ଅଭିଯୋଗ କଲା ପରେ ପୋଲିସ କେସ ନମ୍ବର ୧୯୮/୨୨ ରେ ମାମଲା ରୁଜୁ କରି ଅଭିଯୁକ୍ତଙ୍କ ଅନୁସନ୍ଧାନରେ ଲାଗି ପଡିଥିଲା। ତେବେ ଆଜି ଆଇଆଇସି ରଶ୍ମିରଞ୍ଜନ ଦାସ ଅଭିଯୁକ୍ତଙ୍କୁ କାବୁ କରିବାରେ ସଫଳ ହୋଇଛନ୍ତି। ତାଙ୍କ ନିକଟରୁ ଲୁଟ ମୋବାଇଲ ସମେତ ଏକ ଚୋରି ସ୍ପୋର୍ଟ୍ସ ସାଇକେଲ ମଧ୍ୟ ଉଦ୍ଧାର କରିଛି ପୋଲିସ। ହେଲେ ଚନ୍ଦନ ଏକ ଅନ୍ତଃଜିଲା ଅପରାଧୀ ହୋଇଥିବା ବେଳେ ତାଙ୍କର ଏକ ଅପରାଧୀ ଗ୍ୟାଙ୍ଗ ରହିଥିବାର ପୋଲିସ କହିଛି। ତେବେ ଉକ୍ତ…

ନୂଆଦିଲ୍ଲୀ: ଚୀନକୁ ନେଇ ଏୟାର ଚିଫ୍ ମାର୍ଶଲ ଭି.ଆର ଚୌଧୁରୀ ଏକ ବଡ ମନ୍ତବ୍ୟ ଦେଇଛନ୍ତି। ପ୍ରକୃତ ନିୟନ୍ତ୍ରଣ ରେଖା ଉପରେ ଚୀନ୍‌ର ପ୍ରତ୍ୟେକ ଗତିବିଧି ଉପରେ ନଜର ରଖାଯାଉଛି ଏବଂ ବାୟୁସେନା ଯେକୌଣସି ପରିସ୍ଥିତିର ମୁକାବିଲା ପାଇଁ ସମ୍ପୂର୍ଣ୍ଣ ପ୍ରସ୍ତୁତ ଅଛି। ଆଜି ବାୟୁସେନା ଦିବସ ପୂର୍ବରୁ ଆୟୋଜିତ ବାର୍ଷିକ ସାମ୍ବାଦିକ ସମ୍ମିଳନୀରେ ଏଭଳି ମନ୍ତବ୍ୟ ରଖିଛନ୍ତି। ଯୁଦ୍ଧ ବିମାନର ସଂଖ୍ୟା ସହ ଜଡିତ ପ୍ରଶ୍ନ ଉପରେ ସେ କହିଛନ୍ତି ଯେ, ବହୁ ସଂଖ୍ୟକ ବିମାନ ଥିଲେ ହିଁ ବିଜୟ ନିଶ୍ଚିତ ହେବା ଜରୁରୀ ନୁହେଁ। ବିଜୟ ପାଇଁ ଉନ୍ନତ ପ୍ରଶିକ୍ଷଣ ଏବଂ ପ୍ରଯୁକ୍ତିବିଦ୍ୟା ସମାନ ଭାବରେ ଗୁରୁତ୍ୱପୂର୍ଣ୍ଣ ଏବଂ ବାୟୁସେନା ଏହି କ୍ଷେତ୍ରରେ ସମ୍ପୂର୍ଣ୍ଣ ଧ୍ୟାନ ଦେଉଛି ବୋଲି ସେ କହିଛନ୍ତି।

ଭୁବନେଶ୍ୱର: ଜିଓ ବ୍ୟବହାରକାରୀମାନଙ୍କ ପାଇଁ ଖୁସି ଖବର। ରିଲାଏନ୍ସ ଜିଓର ଟ୍ରୁ-୫ଜି ସେବାର ବିଟା ପରୀକ୍ଷଣ ଦଶହରାରୁ ଆରମ୍ଭ ହେଉଛି। ଏହି ସେବା ଦେଶର ଚାରି ସହର ଦିଲ୍ଲୀ, ମୁମ୍ବାଇ, କୋଲକାତା ଓ ବାରାଣାସୀରେ ଆରମ୍ଭ କରାଯିବ। ଏହି ସେବା ଏବେ କେବଳ ନିମନ୍ତ୍ରଣ ଆଧାରରେ ପ୍ରଦାନ କରାଯିବ, ଅର୍ଥାତ ନିର୍ଦିଷ୍ଟ କିଛି ଜିଓ ଗ୍ରାହକଙ୍କୁ ଏହି ସେବା ବ୍ୟବହାର କରିବା ଲାଗି ଆମନ୍ତ୍ରଣ କରାଯିବ। ଗ୍ରାହକମାନଙ୍କୁ ଏହା ସହିତ ୱେଲକମ୍ ଅଫର ବି ମିଳିବ ଯେଉଁଥିରେ ସେମାନଙ୍କୁ ୧ ଜିବିପିଏସ୍ ପର୍ଯ୍ୟନ୍ତର ସ୍ପିଡ୍ ଓ ଅସୀମିତ ୫ଜି ଡାଟା ମିଳିବ। ଆମନ୍ତ୍ରିତ ଗ୍ରାହକମାନେ ଏହି ଜିଓ ଟ୍ରୁ-୫ଜିର ଅନୁଭୂତି ହାସଲ କରିବେ ଏବଂ ସେମାନଙ୍କ ଅନୁଭବ ଆଧାରରେ କଂପାନି ବିସ୍ତୃତ ୫ଜି ସେବାର ଶୁଭାରମ୍ଭ କରିବ। “ଉଇ କେୟାର’ ଅର୍ଥାତ ଆମେ ଆପଣଙ୍କ ଯତ୍ନ ନେବୁ, ଜିଓ ଟ୍ରୁ-୫ଜି ସେହି ମୂଳ ମନ୍ତ୍ର ଉପରେ ତିଆରି ହୋଇଛି। ଶିକ୍ଷା, ସ୍ୱାସ୍ଥ୍ୟ…

ପୁରୀ/ଭୁବନେଶ୍ୱର: ଏକବିଂଶ ଶତାବ୍ଦୀରେ ଭାରତୀୟତା, ଭାରତୀୟ ପରମ୍ପରା ଓ ହିନ୍ଦୁତ୍ୱ ଏବଂ ମହାପ୍ରଭୁ ଶ୍ରୀଜଗନ୍ନାଥଙ୍କ ସଂସ୍କୃତିକୁ ଆହୁରି ପ୍ରଭାବଶାଳୀ ଭାବେ ନୂଆପିଢି ସହ ଯୋଡ଼ିବା ଉଦ୍ଦେଶ୍ୟରେ ଆଜି ପବିତ୍ର ପୁରୀ ଧାମ ସ୍ଥିତ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର ଶ୍ରୀସଦାଶିବ କ୍ୟାମ୍ପସରେ ଦେଶର ଦ୍ୱିତୀୟ ‘ଶ୍ରୀଜଗନ୍ନାଥ ରାଷ୍ଟ୍ରୀୟ ଆଦର୍ଶ ବେଦ ବିଦ୍ୟାଳୟ’ର ଲୋକାର୍ପଣ କରିଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ବିଭିନ୍ନ ରାଜ୍ୟରୁ ଆସିଥିବା ବେଦ ବିଶାରଦଙ୍କ ଉପସ୍ଥିତିରେ ଯଜ୍ଞ ଉତ୍ସବରେ ସାମିଲ ହୋଇ ପୂର୍ଣ୍ଣାହୁତି ଦେଇ ଏହି ବେଦ ବିଦ୍ୟାଳୟର ଲୋକାର୍ପଣ କରିଥିଲେ। ହିନ୍ଦୁ ଅଧ୍ୟୟନ କେନ୍ଦ୍ରର ଉଦଘାଟନ ସହ ସଂସ୍କୃତ ଭାଷାର ପ୍ରଚାର ପ୍ରସାର ପାଇଁ ଉଦ୍ଦିଷ୍ଟ କେନ୍ଦ୍ରୀୟ ଯୋଜନା ଗୁଡ଼ିକର ମଧ୍ୟ ଶୁଭାରମ୍ଭ  କରିଥିଲେ କେନ୍ଦ୍ରମନ୍ତ୍ରୀ। ଏହି ଅବସରରେ ଶ୍ରୀସଦାଶିବ କ୍ୟାମ୍ପସରେ ଆୟୋଜିତ ସ୍ୱତନ୍ତ୍ର ସମାରୋହରେ ଯୋଗଦେଇ ଶ୍ରୀ ପ୍ରଧାନ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରାମର୍ଶରେ…