Author: Samikhsya Bureau

ନୂଆଦିଲ୍ଲୀ: ବ୍ରିଟିଶ ପ୍ରଧାନମନ୍ତ୍ରୀ ଲିଜ ଟ୍ରସ ଇସ୍ତଫା ଦେଇଛନ୍ତି। ପରବର୍ତ୍ତୀ ପ୍ରଧାନମନ୍ତ୍ରୀ ନିର୍ବାଚିତ ନହେବା ପର୍ଯ୍ୟନ୍ତ ସେ ଏହି ପଦରେ ରହିବେ। ଟ୍ରସ୍ ପ୍ରଧାନମନ୍ତ୍ରୀ ଦାୟିତ୍ୱ ଗ୍ରହଣ କରିବାର କିଛି ସପ୍ତାହ ପରେ ଅର୍ଥନୀତିର ଅବ୍ୟବସ୍ଥା ଯୋଗୁଁ ଦଳରେ ବିଦ୍ରୋହ ଆରମ୍ଭ ହୋଇଥିଲା। ଗତ ଏକ ସପ୍ତାହରେ ଦୁଇ ମନ୍ତ୍ରୀ ଇସ୍ତଫା ଦେଇଛନ୍ତି। ୱେଷ୍ଟମିନିଷ୍ଟରରେ ରାଜନୈତିକ ଅସ୍ଥିରତା ମଧ୍ୟରେ କଞ୍ଜରଭେଟିବ ପାର୍ଟିର ସଦସ୍ୟମାନେ ଲିଜ ଟ୍ରସଙ୍କୁ ନେତା ଭାବରେ ମନୋନୀତ କରିବା ନିଷ୍ପତ୍ତିରେ ଅନୁତାପ କରୁଥିବା ଜଣାପଡିଛି।

ଭୁବନେଶ୍ବର: ଶେଷରେ ଓଡିଶାବାସୀଙ୍କୁ ସୁଖଦୁଃଖରେ ଭସାଇ ବିଦାୟ ନେଇଛି ଦକ୍ଷିଣ ପଶ୍ଚିମ ମୌସୁମୀ ବାୟୁ। ଏ ନେଇ ଘୋଷଣା କରିଛି ଭୁବନେଶ୍ବର ଆଞ୍ଚଳିକ ପାଣିପାଗ ବିଭାଗ। ସୂଚନା ଅନୁସାରେ ଅଳ୍ପ କେତୋଟି ଜିଲ୍ଲାରେ ମୌସୁମୀର ପ୍ରଭାବ ଆଉ କିଛି ଦିନ ପାଇଁ ରହିବ। ଏହାପରେ ସଂପୂର୍ଣ୍ଣ ଭାବେ ଓଡିଶାରୁ ବିଦାୟ ନେବ। ପାଣିପାଗ ବିଭାଗ ଅନୁସାରେ ମୌସୁମୀ ବାୟୁ ସୁନ୍ଦରଗଡ, ଝାରସୁଗୁଡା, କେଉଁଝର, ଦେଓଗଡ, ସମ୍ବଲପୁର, ବରଗଡ, ବଲଙ୍ଗିର, ସୋନପୁର, ଅନୁଗୁଳ, ଢେଙ୍କାନାଲ, ବୌଦ୍ଧ, ବାଲେଶ୍ବର, ଭଦ୍ରକ, ଜଗତସିଂହପୁର, ଯାଜପୁର, କେନ୍ଦ୍ରାପଡା, କଟକ, ନୟାଗଡ ଜିଲ୍ଲାରୁ ଆଜି ମୌସୁମୀ ବାଦୟ ନେଇଛି। ଅନ୍ୟ ଜିଲ୍ଲାରୁ ଖୁବ ଶିଘ୍ର ମୌସୁମୀ ବିଦାୟ ନେବ ବୋଲି ପାଣିପାଗି ବିଭାଗ କହିଛି।

ନୂଆଦିଲ୍ଲୀ: ବାଂଲାଦେଶ କ୍ରିକେଟ୍ ବୋର୍ଡ (ବିସିବି) ଆଜି’ ଢାକାସ୍ଥିତ ଶେର୍-ଇ-ବଙ୍ଗଳା ଜାତୀୟ କ୍ରିକେଟ୍ ଷ୍ଟାଡିୟମରେ ଡିସେମ୍ବରରେ ତିନିଟି ଦିନିକିଆରୁ ଆରମ୍ଭ ହେବାକୁ ଥିବା ବାଂଲାଦେଶ ଗସ୍ତର ସୂଚୀ ଘୋଷଣା କରିଛି। ଦିନିକିଆ ମ୍ୟାଚ୍ ସମାପ୍ତ ହେବା ପରେ ଭାରତ ବାଂଲାଦେଶ ବିପକ୍ଷରେ ଦୁଇଟି ଟେଷ୍ଟ ଖେଳିବ। ଏହି ଯାତ୍ରା ଶେଷ ହେବା ପରେ ଡିସେମ୍ବର ୨୭ ତାରିଖରେ ଭାରତ ବାଂଲାଦେଶରୁ ବିଦାୟ ନେବ। ଉଭୟ ଟେଷ୍ଟ ଆଇସିସି ବିଶ୍ୱ ଟେଷ୍ଟ ଚାମ୍ପିୟନଶିପ ଚକ୍ରର ଏକ ଅଂଶ, ଯେଉଁଠାରେ ଭାରତ ବର୍ତ୍ତମାନ ୫୨.୦୮ ପ୍ରତିଶତ ପଏଣ୍ଟ ସହିତ ଚତୁର୍ଥ ସ୍ଥାନରେ ରହିଛି। ଯେଉଁଠାରେ ବାଂଲାଦେଶ ୧୩.୩୩ ପ୍ରତିଶତ ପଏଣ୍ଟ ସହ ଚାମ୍ପିଅନସିପ୍ ଟେବୁଲର ଶେଷ ସ୍ଥାନରେ ଅଛି। ୨୦୧୫ ପରଠାରୁ ଏହା ପ୍ରଥମ ଥର ହେବ ଯେ, ଭାରତ ବାଂଲାଦେଶ ଗସ୍ତ କରିବ। ୨୦୧୫ ଗସ୍ତରେ ଏକମାତ୍ର ଟେଷ୍ଟ ଡ୍ରରେ ଶେଷ ହୋଇଥିବାବେଳେ ବାଂଲାଦେଶ ଦିନିକିଆ ସିରିଜ୍ ୨-୧ ରେ ଜିତିଥିଲା। ଏକ…

ନୂଆଦିଲ୍ଲୀ: ଭାରତରେ ବିଶ୍ୱକପ ନ ଖେଳିବା ପାଇଁ ପାକିସ୍ତାନ କ୍ରିକେଟ୍ ବୋର୍ଡ ଦେଇଥିବା ବୟାନ ଉପରେ କେନ୍ଦ୍ର କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର ନିଜର ପ୍ରତିକ୍ରିୟା ଦେଇଛନ୍ତି। ଅନୁରାଗ ଠାକୁର କହିଛନ୍ତି ଯେ, ଭାରତରେ ଆୟୋଜିତ ହେବାକୁ ଥିବା ବିଶ୍ୱକପରେ ବିଶ୍ୱର ପ୍ରତ୍ୟେକ ବଡ ଦଳ ଅଂଶଗ୍ରହଣ କରିବେ। ଏହାପୂର୍ବରୁ ଜୟ ଶାହା କହିଥିଲେ ଯେ, ୨୦୨୩ ଏସିଆ କପ୍ ଖେଳିବାକୁ ଭାରତ ପାକିସ୍ତାନ ଯିବ ନାହିଁ। ଏହା ପରେ ଦିନିକିଆ ବିଶ୍ୱକପକୁ ପିସିବି ବୟକଟ୍ କରିବାକୁ ଧମକ ଦେଇଥିଲା ଏ ସମ୍ପର୍କରେ ଅନୁରାଗ ଠାକୁର କହିଛନ୍ତି ଯେ, ଏହା ବିସିସିଆଇର ବିଷୟ ଏବଂ ବିସିସିଆଇ ଏହା ଉପରେ ମନ୍ତବ୍ୟ ଦେବ। ଭାରତ ହେଉଛି କ୍ରୀଡ଼ାର ଶକ୍ତି, ଯେଉଁଠାରେ ଅନେକ ବିଶ୍ୱକପ୍ ଆୟୋଜିତ ହୋଇଛି। ଆସନ୍ତା ବର୍ଷ ଏଠାରେ ଏକଦିବସୀୟ ବିଶ୍ୱକପ ଖେଳାଯିବ ଏବଂ ଏଥିରେ ସମସ୍ତ ବଡ ଦଳ ଅଂଶଗ୍ରହଣ କରିବେ। ଆପଣ କୌଣସି ଖେଳରେ ଭାରତକୁ ଅଣଦେଖା କରିପାରିବେ…

ଦିଲ୍ଲୀ: ଯୁବ ବ୍ୟାପାର ବିଭାଗ ୧୨ ରୁ ୧୯ ଅକ୍ଟୋବର ୨୦୨୨ ପର୍ଯ୍ୟନ୍ତ ଭାରତ ପରିଭ୍ରମଣରେ ଆସିଥିବା ବାଂଲାଦେଶର ୧୦୦ ସଦସ୍ୟ ବିଶିଷ୍ଟ ଯୁବ ପ୍ରତିନିଧି ମଣ୍ଡଳୀଙ୍କୁ ଆତିଥ୍ୟ ପ୍ରଦାନ କରିଥିଲା। ପରିଭ୍ରମଣର ଶେଷ ଦିନରେ, କେନ୍ଦ୍ର ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରୀ ଅନୁରାଗ ସିଂହ ଠାକୁର ବାଂଲାଦେଶର ଯୁବ ପ୍ରତିନିଧି ମଣ୍ଡଳୀଙ୍କ ସମ୍ମାନ ଉଦ୍ଦେଶ୍ୟରେ ନୂଆ ଦିଲ୍ଲୀ ଠାରେ ଏକ ରାତ୍ରି ଭୋଜନର ବ୍ୟବସ୍ଥା ମଧ୍ୟ କରିଥିଲେ। ଯୁବ ବ୍ୟାପାର ଏବଂ କ୍ରୀଡ଼ା ରାଷ୍ଟ୍ର ମନ୍ତ୍ରୀ ନିଶିଥ ପ୍ରମାଣିକ ମଧ୍ୟ ଏହି ଉତ୍ସବରେ ଯୋଗ ଦେଇଥିଲେ। ଭାରତ ସରକାରଙ୍କ ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରୀଙ୍କ ସହ ଆଲୋଚନା ସମୟରେ ବାଂଲାଦେଶ ପ୍ରତିନିଧି ମଣ୍ଡଳୀ ଏହି କାର୍ଯ୍ୟକ୍ରମକୁ ବହୁତ ପ୍ରଶଂସା କରିଥିଲେ। ଏହି ପ୍ରତିନିଧି ଦଳ ବାଂଲାଦେଶର ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ପ୍ରଦର୍ଶନ କରିଥିଲେ। ଭାରତୀୟ କଳାକାରମାନେ ଏହି ରଙ୍ଗାରଙ୍ଗ ସନ୍ଧ୍ୟାରେ ମଧ୍ୟ ନିଜର କଳାର ପ୍ରଦର୍ଶନ କରିଥିଲେ।…

ନୂଆଦିଲ୍ଲୀ: ଦିୱାଲୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ୭୫ ହଜାର ଯୁବକଙ୍କୁ ଚାକିରିର ଉପହାର ଦେବେ। ଅକ୍ଟୋବର ୨୨ ତାରିଖରେ, ଭିଡିଓ କନଫରେନ୍ସ ଜରିଆରେ ପିଏମ ମୋଦୀ ଦେଶର ଯୁବକମାନଙ୍କ ସହିତ ସଂଯୋଗ କରିବେ ଏବଂ ୭୫ ହଜାର ଯୁବକଙ୍କୁ ଚାକିରି ନିଯୁକ୍ତି ପତ୍ର ଦିଆଯିବ। ଏହି କାର୍ଯ୍ୟଗୁଡିକ ବିଭିନ୍ନ ମନ୍ତ୍ରଣାଳୟରେ ଦିଆଯିବ, ଯାହା ହେଉଛି ପ୍ରତିରକ୍ଷା, ରେଳବାଇ, ପୋଷ୍ଟ, ଗୃହ ମନ୍ତ୍ରଣାଳୟ, ସିଏସ୍ଏଫ୍, ଶ୍ରମ ଏବଂ ନିଯୁକ୍ତି, ସିବିଆଇ, କଷ୍ଟମ୍ସ, ବ୍ୟାଙ୍କ, CAF ଇତ୍ୟାଦି। ଆସନ୍ତା ବର୍ଷ ଡିସେମ୍ବର ସୁଦ୍ଧା ଏକ ଲକ୍ଷ ଚାକିରି ଦିଆଯିବ ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି। ଏହି କାର୍ଯ୍ୟକ୍ରମରେ ଦେଶର ବିଭିନ୍ନ ସହରର କେନ୍ଦ୍ର ମନ୍ତ୍ରୀମାନେ ମଧ୍ୟ ସାମିଲ ହେବେ। ଏହା ସହିତ ସାଂସଦମାନେ ସେମାନଙ୍କ ସଂସଦୀୟ ନିର୍ବାଚନମଣ୍ଡଳୀରୁ ଏହି କାର୍ଯ୍ୟକ୍ରମରେ ଯୋଗଦେବେ। ଓଡ଼ିଶାରୁ ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଗୁଜୁରାଟର କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିଆ, ଚଣ୍ଡିଗଡ଼ର ସୂଚନା ଓ ପ୍ରସାରଣ…

ଭୁବନେଶ୍ବର: ଆଜି ସକାଳୁ ରାଜ୍ୟର କିଛି ଜିଲ୍ଲାରେ କୁହୁଡି ଦୃଶ୍ୟମାନ ହୋଇଛି। ମୁଖ୍ୟତଃ ବଲାଙ୍ଗିର, କଳାହାଣ୍ଡି, କନ୍ଧମାଳ, ଖୋର୍ଦ୍ଧା ପ୍ରଭୃତି ଜିଲ୍ଲାରେ ଏହି କୁହୁଡି ପରିଲକ୍ଷିତ ହୋଇଛି। ଏପରିକି ରାସ୍ତାଘାଟ ଦେଖିବା ମଧ୍ୟ ସମ୍ଭବ ନ ଥିଲା। ଫଳରେ ସାଧାରଣ ଯାତାୟତରେ ଅସୁବିଧା ସୃଷ୍ଟି ହୋଇଥିଲା। ଭଉବନେଶ୍ବର ପାଣିପାଗ ବିଭାଗ ଅନୁସାରେ ବଲାଙ୍ଗୀର ରେ ଘନ କୁହୁଡି ଦୃଶ୍ୟମାନ ଦୂରତା ୧୦୦ ମିଟର ରେକର୍ଡ କରାଯାଇଛି। ସେହିପରି କଳାହାଣ୍ଡି ଏବଂ କନ୍ଧମାଳ ଜିଲ୍ଲାରେ ମଧ୍ୟମ ଧରଣର କୁହୁଡି ଦୃଶ୍ୟମାନ ହୋଇଛି। ଭବାନୀପାଟଣା ୨୦୦ ମିଟର ଏବଂ ଫୁଲବାଣୀ ସହରରେ ୨୫୦ ମିଟର ଘନତା ରେକର୍ଡ କରାଯାଇଛି।

ନୂଆଦିଲ୍ଲୀ: ଫ୍ଲିପକାର୍ଟରେ ବିଗ୍ ଦିୱାଲୀ ସେଲ ଆରମ୍ଭ ହୋଇଛି। ଏହି ବିକ୍ରୟ 23 ଅକ୍ଟୋବର ପର୍ଯ୍ୟନ୍ତ ଚାଲିବ। ବିକ୍ରିରେ ଗ୍ରାହକମାନେ ସ୍ମାର୍ଟଫୋନ୍, ଲାପଟପ୍, ଇୟରବଡ୍, ସ୍ମାର୍ଟୱାଚ୍ ଏବଂ ଘର ଉପକରଣ ସହିତ ଅନେକ ଉତ୍ପାଦ ଉପରେ ବଡ଼ ରିହାତି ପାଉଛନ୍ତି। ଇ-କମର୍ସ ୱେବସାଇଟରୁ, ଆପଣ ବମ୍ପର ରିହାତି ଏବଂ ସର୍ବୋତ୍ତମ ଅଫରରେ ସ୍ମାର୍ଟଫୋନ୍ କିଣିପାରିବେ। ଯଦି ଆପଣ 10 ହଜାର ଟଙ୍କାରୁ କମ୍ ମୂଲ୍ୟରେ ଏକ ଶକ୍ତିଶାଳୀ ବୈଶିଷ୍ଟ୍ୟ ବିଶିଷ୍ଟ ସ୍ମାର୍ଟଫୋନ୍ ପାଇବାକୁ ଚିନ୍ତା କରୁଛନ୍ତି, ତେବେ ଏହି ବିକ୍ରୟରେ ଆପଣଙ୍କର ଅନେକ ଭଲ ବିକଳ୍ପ ଅଛି। କେବଳ ଏତିକି ନୁହେଁ, ବିଗ୍ ଦିୱାଲି ସେଲ ଅଧୀନରେ କମ୍ପାନୀ ଏସବିଆଇ ବ୍ୟାଙ୍କ କାର୍ଡ ସହିତ ସପିଂ କରୁଥିବା ଗ୍ରାହକଙ୍କୁ 10 ପ୍ରତିଶତ ତତକ୍ଷଣାତ୍ ରିହାତି ପ୍ରଦାନ କରୁଛି। ତେବେ ଆସନ୍ତୁ ବର୍ତ୍ତମାନ ଆପଣଙ୍କୁ ଏପରି ଫୋନ୍ ବିଷୟରେ କହିବା, ଯାହାକୁ ଆପଣ ବିଗ୍ ଦିୱାଲୀ ବିକ୍ରୟରୁ 10 ହଜାର ଟଙ୍କାରୁ କମ୍…

ଭୁବନେଶ୍ବର: ସାଂସଦ ଅପରାଜିତା ଷଡଙ୍ଗୀ ଆନ୍ତର୍ଜାତୀୟ ସଂଘର ସଭାପତି ନିର୍ବାଚିତ ହେବା ପରେ ଆଜି ଭୁବନେଶ୍ବର ଫେରୁଛନ୍ତି। ଭୁବନେଶ୍ବର ବିମାନ ବନ୍ଦରରେ ତାଙ୍କୁ ସ୍ବାଗତ କରିବା ପାଇଁ ସମର୍ଥକମାନେ ଭିଡ କରିଛନ୍ତି। ଆଦିବାସୀ ନୃତ୍ୟ ବାଜା ସହିତ ଅପରାଜିତାଙ୍କ ରେକର୍ଡ ଗୀତରେ କମ୍ପୁଛି ବିମାନ ବନ୍ଦର। ତାଙ୍କୁ ସ୍ବାଗତ କରିବା ପାଇଁ କରାଯାଇଛି ଏକ ବଡ ଆୟୋଜନ। ଭୁବନେଶ୍ବର ସାଂସଦ ଅପରାଜିତା, ରଓ୍ବାଣ୍ଡାର କିଗାଲିଠାରେ ଅନୁଷ୍ଠିତ ଆଇପିୟୁର ଅନୁଷ୍ଠିତ ନିର୍ବାଚନରେ ବିଜୟୀ ହୋଇଛନ୍ତି। ସେ ମୋଟ ୧୮ ଟି ଭୋଟରୁ ୧୨ ଟି ଭୋଟ ପାଇ ନିର୍ବାଚିତ ହୋଇଛନ୍ତି। ଅନ୍ତଃ ସଂସଦୀୟ ୟୁନିୟନ ( ଆଇପିୟୁ)ର କାର୍ଯ୍ୟକାରିଣୀ କମିଟିକୁ ନିର୍ବଚିତ ହେବା ଦ୍ବାରା ଭାରତକୁ ସଭାପତି ପଦ ଫେରିଛି। ଏହି ଖୁସିରେ ତାଙ୍କ ସମର୍ଥକମାନେ ସ୍ବାଗତ କରିବା ପାଇଁ ବିମାନ ବନ୍ଦରରେ ଭିଡ କରିଛନ୍ତି।

ଭୁବନେଶ୍ଵର: ଜୀ ସାର୍ଥକରେ ପ୍ରସାରିତ ମେଗା ଧାରାବାହିକ ବିଜୟିନୀରେ ଆସିଛି ରୋଚକ ମୋଡ। ଆଗାମୀ ଦିନରେ ଇନ୍ଦ୍ରଜିତ, ମିନି, ସମ୍ଭବ, ଦୂର୍ଗା, ଶୋଭା ଓ ଅଭିଙ୍କ ଜୀବନରେ ଅନେକ କିଛି ଘଟିବାକୁ ଯାଉଛି। ଗୋଟିଏ ଛାତ ତଳେ ଥାଇ ବି ମିନିର ଅସଲ ପରିଚୟ ପାଇନଥିଲେ ଇନ୍ଦ୍ରଜିତ। ଏବେ ମିନି ର ଅସଲ ପରିଚୟ ପାଇଲା ପରେ କଣ କରିବେ ଇନ୍ଦ୍ରଜିତ? କଣ ସେ ନୂଆ କିଛି ଷଡଯନ୍ତ୍ର କରିବେ? କଣ ସେ ଦୁଇ ଭଉଣୀ ଙ୍କୁ ପରସ୍ପର ଠୁ ଅଲଗା କରିଦେବେ? ଆଗକୁ କଣ ହଉଚି ଦେଖିବା ପାଇଁ ଦେଖନ୍ତୁ ବିଜୟିନୀ ଇନ୍ଦ୍ରଜିତ ଜାଣି ନାହାଁନ୍ତି ମିନି ହେଉଛି ସ୍ତୁତି। ଯେତେବେଳେ ସେ ମିନିକୁ ଛାଡପତ୍ର ନୋଟିସ ଦେଲେ ପ୍ରଥମେ ତ ମିନି ଦସ୍ତଖତ କରିବାକୁ ମନା କଲା। କିନ୍ତୁ ଶେଷରେ ସେ ସ୍ତୁତି ଆଚାର୍ଯ୍ୟ ନାଁରେ ଛାଡପତ୍ର ନୋଟିସରେ ଦସ୍ତଖତ କରିବା ଦେଖି ଆଶ୍ଚର୍ଯ୍ୟ ହୋଇଯାଆନ୍ତି ଇନ୍ଦ୍ରଜିତ। କାରଣ…

ଭୁବନେଶ୍ବର: ବଙ୍ଗୋପସାଗରରେ ସାମ୍ଭବ୍ୟ ବାତ୍ୟାକୁ ନେଇ ରାଜ୍ୟ ସରକାର ଡାକିଛନ୍ତି ଜରୁରୀ ବୈଠକ। ଏହି ବୈଠକ ଲୋକସେବା ଭବନରେ ଆଜି ଅପରାହ୍ନରେ ହେବ। ମୁଖ୍ୟ ଶାସନ ସଚିବ ଏହି ବୈଠକର ଅଧ୍ୟକ୍ଷତା କରିବେ। ସେଥିପାଇଁ ବିଭାଗୀୟ ଅଧିକାରୀଙ୍କ ଫୋନ କରି ଜଣାଇ ଦିଆଯାଇଛି। ଏହି ବୈଠକରେ ରାଜସ୍ବ ଓ ବିପର୍ଯ୍ୟୟ ପରିଚାଳନା, ଏସଆରସି, ଭାରତୀୟ ପାଣିପାଗ ବିଭାଗ, ଶକ୍ତି ବିଭାଗ ପ୍ରମୁଖରେ ରହିବେ। ପାଣିପାଗ ସୂଚନା ଅନୁସାରେ ପୂର୍ବରୁ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଏବେ ଲଘୁଚାପକୁ ପରିବର୍ତ୍ତନ ହୋଇଛି। ଏହି ଲଘୁଚାପ ବଙ୍ଗୋପସାଗରରେ ଉତ୍ତରପଶ୍ଚିମ ଦିଗ ଆଡକୁ ଅଗ୍ରସର ହେଉଛି। ଏହା ଆସନ୍ତା 22 ତାରିଖ ବେଳକୁ ଅବପାତ ହେବ ବୋଲି ସମ୍ଭାବନା ସୃଷ୍ଟି ହୋଇଛି। ସେହିପରି 23 ତାରିଖ ବେଳକୁ ଏହା ଗଭୀର ଅବପାତ ହେବ ବୋଲି ଜଣାପଡିଛି। ଏହା ଯଦି ସକ୍ରିୟ ରୁହେ ତେବେ 25 ତାରିଖ ବେଳକୁ ବାତ୍ୟା ହେବା ନିଶ୍ଚିତ ବୋଲି ଜଣାପଡିଛି।

ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: ଆଜି ସ୍ଥାନୀୟ ସରକାରୀ ଶିଳ୍ପ ତାଲିମ ଅନୁଷ୍ଠାନ ଠାରେ ଟାଟା ଇଲେକ୍ଟ୍ରୋନିକ୍ସ ପ୍ରାଇଭେଟ୍ ଲିମିଟେଡ ଦ୍ୱାରା ଗତ ୨୪.୯.୨୦୨୨ରେ ନିଯୁକ୍ତି ପାଇଥିବା କଳାହାଣ୍ଡି ଜିଲ୍ଲାର ୨୨୦ ଜଣ ଛାତ୍ରୀଙ୍କ ତାମିଲନାଡୁ ଜିଲ୍ଲାର ହୋସୁର ସହରକୁ ଗସ୍ତ କରିଛନ୍ତି। କଳାହାଣ୍ଡି ଜିଲ୍ଲାପାଳ ପି ଅନ୍ୱେଷା ରେଡ୍ଡୀ ସକାଳ ୮.୦୦ଘ ସମୟରେ ଉପସ୍ଥିତ ରହି ଛାତ୍ରୀମାନଙ୍କୁ ନେଇ ଯାଉଥିବା ୫ ଟି ବସ କୁ ପତାକା ଦେଖାଇ ଶୁଭ କାମନା କରିଥିଲେ। ରାଜ୍ୟ ସରକାର ସହଯୋଗ ତଥା ଜିଲ୍ଲା ପ୍ରଶାସନ ଉଦ୍ୟମରେ ପ୍ରଥମ କରି ଏତେ ସଂଖ୍ୟକ ଛାତ୍ରୀ ନିଯୁକ୍ତି ପାଇବା ଆମ ପାଇଁ ଖୁସି ର ଖବର। ଜିଲ୍ଲାର ବିଭିନ୍ନ ବ୍ଲକ ରୁ ବି ଡି ଓ ଙ୍କ ତତ୍ତ୍ଵାବଧାନରେ ଛାତ୍ରୀ ମାନେ ଆଇ ଟି ଆଇ ରେ ପହଞ୍ଚିଥିଲେ।ବସରେ ଛାତ୍ରୀମାନେ ଭୁବନେଶ୍ୱର ଏୟାରପୋର୍ଟ ପହଞ୍ଚି ସେଠାରୁ ବାଙ୍ଗାଲୋର ଯାଇ ହୋସୁର ପହଞ୍ଚିବେ। ଛାତ୍ରୀମାନଙ୍କ ରହିବା,ଖାଇବା ଓ…

ଭୁବନେଶ୍ବର: ବିଦେଶୀ ପାଣିପାଗ ସୂଚନା ଧିରେ ଧିରେ ସତ ହେବାକୁ ଯାଉଛି। କାରଣ ପୂର୍ବରୁ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଏବେ ଲଘୁଚାପକୁ ପରିବର୍ତ୍ତନ ହୋଇଛି। ଏହି ସୂଚନା ଦେଇଛି ଭୁବନେଶ୍ବର ଆଞ୍ଚଳିକ ପାଣିପାଗ ବିଭାଗ। ସୂଚନା ଅନୁସାରେ ଏକ ଲଘୁଚାପ ସୃଷ୍ଟି ହୋଇଛି ଯାହା ବଙ୍ଗୋପସାଗରରେ ଉତ୍ତରପଶ୍ଚିମ ଦିଗ ଆଡକୁ ଅଗ୍ରସର ହେଉଛି। ଏହା ଆସନ୍ତା 22 ତାରିଖ ବେଳକୁ ଅବପାତ ହେବ ବୋଲି ସମ୍ଭାବନା ସୃଷ୍ଟି ହୋଇଛି। ସେହିପରି 23 ତାରିଖ ବେଳକୁ ଏହା ଗଭୀର ଅବପାତ ହେବ ବୋଲି ଜଣାପଡିଛି। ଏହା ଯଦି ସକ୍ରିୟ ରୁହେ ତେବେ ବାତ୍ୟା ହେବା ନିଶ୍ଚିତ ବୋଲି ଜଣାପଡିଛି।

ପବିତ୍ର ମାସ କାର୍ତ୍ତିକ ମାସ ୧୦ ଅକ୍ଟୋବର ୨୦୨୨ ରୁ ଆରମ୍ଭ ହେଉଛି। ଧର୍ମ ଶାସ୍ତ୍ର ଅନୁଯାୟୀ, କାର୍ତ୍ତିକ ମାସରେ ଉପବାସ କରୁଥିବା ବା ପାଳନ କରୁଥିବା ବ୍ୟକ୍ତି ପରିତ୍ରାଣ ପାଇଥାଏ। ପୁରାଣରେ କୁହାଯାଇଛି ଯେ ଭଗବାନ ନାରାୟଣ ବ୍ରହ୍ମାଙ୍କୁ,  ବ୍ରହ୍ମା ନାରଦାଙ୍କୁ ଏବଂ ନାରଦ ମହାରାଜ ପୃଥଙ୍କୁ କାର୍ତ୍ତିକ ମାସଟି ସର୍ବଶ୍ରେଷ୍ଠ ମାସ ବୋଲି କହିଛନ୍ତି। ଏହି ପରିପ୍ରେକ୍ଷୀରେ କାର୍ତ୍ତିକ ମାସରେ, ୭ ଟି ମୁଖ୍ୟ ନିୟମ ଭାବରେ ବିବେଚନା କରାଯାଏ, ଯାହା ଦ୍ୱାରା ଶୁଭ ଫଳାଫଳ ମିଳିଥାଏ ଏବଂ ପ୍ରତ୍ୟେକ ଇଚ୍ଛା ପୂରଣ ହୁଏ। ଏହି ନିୟମ ହେଲା ଦୀପଦାନ- ଧର୍ମ ଶାସ୍ତ୍ର ଅନୁଯାୟୀ କାର୍ତ୍ତିକ ମାସରେ ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଦୀପ ଦାନ କରିବା। ଏହି ମାସରେ ନଦୀ, ପୋଖରୀ, ପୋଖରୀ ଇତ୍ୟାଦିରେ ଦୀପ ଦାନ କରାଯାଇଥାଏ। ଏହା ଦ୍ୱାରା ଗୁଣ ପ୍ରାପ୍ତି ହୁଏ ବୋଲି ବିଶ୍ବାସ ରହିଛି। ତୁଳସୀ ପୂଜା- ଏହି ମାସରେ ତୁଳସୀ ପୂଜା କରିବା…

ଭୁବନେଶ୍ବର: ଦୀପାବଳିରେ ପୂଜାପୂଜି ସହିତ ଘର ସଜାଇବା ମଧ୍ୟ ଏକ ମହତପୂର୍ଣ୍ଣ କାର୍ଯ୍ୟ। ସମସ୍ତେ ନିଜ ଘରକୁ ସୁନ୍ଦର କରିବା ପାଇଁ ଏହି ସମୟରେ ବିଭିନ୍ନ ସାଜସଜ୍ଜା କରନ୍ତି। ବଜାରରେ ଏତେ ସୁନ୍ଦର ସାଜସଜ୍ଜା ସାମଗ୍ରୀ ଦେଖିବା ପରେ ସମସ୍ତଙ୍କ ମନ ମଧ୍ୟ ସବୁକିଛି କିଣିବାକୁ ଇଚ୍ଛା ହୁଏ। ଯଦି ଆପଣ ମଧ୍ୟ ଦିୱାଲୀ ପାଇଁ ସପିଂ କରିବାକୁ ଯାଆନ୍ତି ତେବେ ସର୍ବପ୍ରଥମେ ଆପଣଙ୍କୁ କିଛି ସାଜସଜ୍ଜା ବିଷୟରେ ଜାଣିବା ଆବଶ୍ୟକ। ବଜାରରେ ବହୁ ପ୍ରକାରର ଜିନିଷ ଦେଖି କଣ କିଣିବେ କଣ କିଣିବେ ନାହିଁ ତାହା ଦ୍ବନ୍ଦରେ ପକାଇବ। ସେଥିପାଇଁ ଆପଣଙ୍କୁ ଆମେ ଖୁବ କମ ଖର୍ଚ୍ଚରେ ଭଲ ସଜାଇବା ପାଇଁ ତିନୋଟି ସାମଗ୍ରୀ କହିବୁ ଯାହା ବେଶ ଉପାଦେୟ। ୧) ଫୁଲ ଘର ଫୁଲ ସହିତ ବହୁତ ସୁନ୍ଦର ଦେଖାଯାଏ। ଏହା ମଧ୍ୟ ସାଜସଜ୍ଜା ପାଇଁ ସର୍ବୋତ୍ତମ ଆଇଟମ୍। ଫୁଲ ସାହାଯ୍ୟରେ ଆପଣ ସୁନ୍ଦର ରଙ୍ଗୋଲି ତିଆରି କରିପାରିବେ। ସେହିପରି…

ଭୁବନେଶ୍ୱର: ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ଚାଲିଥିବା ‘ସ୍କିଲ୍ଡ୍ ଇନ୍ ଓଡ଼ିଶା’ ଅଭିଯାନର ଅନ୍ୟ ଏକ ସଂପ୍ରସାରିତ ପଦକ୍ଷେପ ଭାବେ ଇତି ମଧ୍ୟରେ ସୁନ୍ଦରଗଡ଼, ବ୍ରହ୍ମପୁର ଏବଂ କେନ୍ଦୁଝରଠାରେ ନୂଆ ତିନିଟି ଡ୍ରାଇଭିଂ ତାଲିମ ଏବଂ ଗବେଷଣା ଅନୁଷ୍ଠାନ ନିର୍ମାଣ ପୂର୍ଣ୍ଣାଙ୍ଗ ହୋଇଛି। ମୁଖ୍ୟ ଶାସନ ସଚିବ ଶ୍ରୀ ସୁରେଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ଉଚ୍ଚସ୍ତରୀୟ ସମୀକ୍ଷା ବୈଠକରୁ ଏହା ଜଣାପଡିଛି। ରାଜ୍ୟ ଲୋକସେବା ଭବନ ସଭାଗୃହରେ ଅନୁଷ୍ଠିତ ଏହି ବୈଠକରେ ବାଣିଜ୍ୟ ଓ ପରିବହନ ବିଭାଗ ପ୍ରମୁଖ ଶାସନ ସଚିବ ଶ୍ରୀ ବିଷ୍ଣୁପଦ ସେଠୀ ନୂଆ ଅନୁଷ୍ଠାନ ଗୁଡିକର ପରିଚାଳନା ସମ୍ବନ୍ଧିତ ବିଷୟ ଆଲୋଚନା ନିମନ୍ତେ ଉପସ୍ଥାପନ କରିଥିଲେ। ବର୍ତ୍ତମାନ ପର୍ଯ୍ୟନ୍ତ ହୋଇଥିବା ଅଗ୍ରଗତିର ସମୀକ୍ଷା କରି ଚଳିତ ବର୍ଷ ଶେଷସୁଦ୍ଧା ତିନିଟିଯାକ ଅନୁଷ୍ଠାନକୁ ପୂର୍ଣ୍ଣ କାର୍ଯ୍ୟକ୍ଷମ କରିବା ପାଇଁ ଶ୍ରୀ ମହାପାତ୍ର ବିଭାଗଙ୍କୁ ନିର୍ଦ୍ଦେଶ ଦେଇଥିଲେ । ଅନୁଷ୍ଠାନଗୁଡିକର ପରିଚାଳନା ନିମନ୍ତେ ପରିବହନ କମିଶନରଙ୍କ…

ମେଷ- ପୁଞ୍ଜି ବିନିଯୋଗ ଭଲ ଫଳାଫଳ ଦେବ। ଆଜି ନୂଆ ପୋଷାକ କିଣିବେ। ଗାଡିରେ ଟଙ୍କା ଖର୍ଚ୍ଚ ହେବ। ଅସହାୟ ଲୋକଙ୍କୁ ସାହାଯ୍ୟ କରନ୍ତୁ। କାମ ବନ୍ଦ ହୋଇଯିବ। ଜମି ସୁବିଧା ସମ୍ଭବ। ବୃଷ- ନୂତନ ଟେକ୍ନୋଲୋଜି ଦ୍ୱାରା ବ୍ୟବସାୟ ଲାଭବାନ ହେବ। ଅଧିକ ପରିଶ୍ରମ ଚାପ ସୃଷ୍ଟି କରିବ। କର୍ମକ୍ଷେତ୍ରରେ ଅନିୟମିତତା ଯୋଗୁଁ ଶ୍ରମିକମାନେ ବିଚଳିତ ହେବେ। ମନ ବିଷୟରେ କହିବାର ଏହା ସମୟ ନୁହେଁ। ମିଥୁନ- ଆର୍ଥିକ ପ୍ରସଙ୍ଗରେ ଅନ୍ୟମାନଙ୍କୁ ବିଶ୍ୱାସ କର ନାହିଁ । ଭାବପ୍ରବଣତା ମଧ୍ୟରେ ଆଲୋଚନା ବୃଦ୍ଧି ପାଇବ। କୈଣସି ନୂତନ କାର୍ଯ୍ୟ କରିବା ପୂର୍ବରୁ ରଣନୀତି ପ୍ରସ୍ତୁତ କରନ୍ତୁ। ଚାକିରିରେ ଅଗ୍ରଗତିର ସମ୍ଭାବନା ଅଛି। କର୍କଟ- ବ୍ୟସ୍ତବହୁଳ ଜୀବନରେ ଆପଣଙ୍କର ପ୍ରିୟ ଲୋକଙ୍କୁ କିଛି ସମୟ ଦିଅନ୍ତୁ। ଆପଣଙ୍କ ମନକୁ ସଫା ରଖନ୍ତୁ। ଆପଣ ଆଜି ଭଦ୍ରତା ଦେଖାଇବା ଉଚିତ। ଶିକ୍ଷାଗତ ସ୍ଥାନରେ ବିବାଦ ପରିସ୍ଥିତିକୁ ଏଡ଼ାନ୍ତୁ। କୈଣସି କାର୍ଯ୍ୟ କରିବା ପୂର୍ବରୁ, ନିଜ ପରିବାର ବିଷୟରେ ଚିନ୍ତା…

ଭୁବନେଶ୍ୱର: ଆଜି ଓଡିଶା ଉଠା ଜଳସେଚନ ନିଗମର ଅଧ୍ୟକ୍ଷ ଭାବେ ଶ୍ରୀ ଅମରେଶ ପତ୍ରୀ ଦାୟିତ୍ୱ ଗ୍ରହଣ କରିଛନ୍ତି। ଆଜି ପୂର୍ବାହ୍ଣରେ ଶ୍ରୀ ପତ୍ରୀ ଭୁବନେଶ୍ୱରସ୍ଥିତ ଓଏଲଆଇସି ମୁଖ୍ୟ କାର‌୍ୟ୍ୟାଳୟରେ ପହଞ୍ଚି ଓଏଲଆଇସି ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ ପରେ ମୁଖ୍ୟମନ୍ତ୍ରୀ ତାଙ୍କ ଉପରେ ଭରସା କରି ପୁନର୍ବାର ଏହି କାର୍ଯ୍ୟଭାର ଦେଇଥିବାରୁ ସେ କୃତଜ୍ଞତା ଜ୍ଞାପନ କରିଛନ୍ତି। କାର୍ଯ୍ୟରେ ଯୋଗ ଦାନ ଅବସରରେ ଓଏଲଆଇସି କାର‌୍ୟ୍ୟାଳୟରରେ ପରିଚାଳନା ନିର୍ଦ୍ଦେଶିକା ଶ୍ରୀମତୀ ଅର୍ଚ୍ଚନା ପଟ୍ଟନାୟକ, କାର‌୍ୟ୍ୟନିର୍ବାହୀ ନିର୍ଦ୍ଦେଶକଇଂ. ବାଲେଶ୍ୱର ନାଥ ସାହୁଙ୍କ ସମେତ କାର‌୍ୟ୍ୟାଳୟର ସମସ୍ତ ଅଧିକାରୀ ଓ କର୍ମଚାରୀମାନେ ଉପସ୍ଥିତ ରହି ଶ୍ରୀ ପତ୍ରୀଙ୍କୁ ସ୍ୱାଗତ କରିଥିଲେ । ଏହି ଅବସରରେ ଶ୍ରୀ ପତ୍ରୀ କହିଛନ୍ତି ଯେ, ସବୁଜ ବିପ୍ଲବ ପାଇଁ ଆମର ପ୍ରିୟ ମାନ୍ୟବର ମୁଖ୍ୟମନ୍ତ୍ରୀ କୃଷକମାନଙ୍କୁ ସବୁବେଳେ ନିରବଚ୍ଛିନ୍ନ ଭାବେ ସହଯୋଗ ଦେଇଆସିଛନ୍ତି । ଓଏଲଆଇସି ଚଳିତ ବର୍ଷ ଏହାର ସ୍ଥାପନର୫୦ବର୍ଷରେ ପଦାର୍ପଣ କରିଛି ।ସହଜରେ ଜଳସେଚନ…

ଭୁବନେଶ୍ୱର: ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ମୁମ୍ବାଇସ୍ଥିତ ଓଡିଶା ଭବନର ସଂପ୍ରସାରଣ ନିମନ୍ତେ ଭିତ୍ତି ପ୍ରସ୍ତର ସ୍ଥାପନ କରିଛନ୍ତି । ଉଲ୍ଲେଖଯୋଗ୍ୟ ଯେ ବିଭିନ୍ନ କାର୍ଯ୍ୟରେ ମୁମ୍ବାଇ ଆସୁଥିବା ସରକାରୀ ଅଧିକାରୀ ଓ ଜନସାଧାରଣଙ୍କୁ ମୁମ୍ବାଇ ଭଳି ମେଟ୍ରୋ ସହରରେ ସୁଲଭ ମୂଲ୍ୟରେ ରହଣି ଯୋଗାଇଦେବା ଉଦ୍ଦେଶ୍ୟରେ ଓଡିଶା ଭବନ, ମୁମ୍ବାଇ କାର୍ଯ୍ୟକରୁଅଛି । ଏହି ଭବନରେ ୨୮ ଗୋଟି ଏସି ରୁମ ଓ ୪ ଟି ଏସି ଡର୍ମିଟୋରୀ ରହିଛି । ଏହି ସବୁ ରୁମ ମଧ୍ୟରୁ ୧୬ ଗୋଟି ୨ ଶଯ୍ୟା ବିଶିଷ୍ଟ ଏସି ରୁମ ଓ ୨ ଟି ଏସି ଡର୍ମିଟୋରୀ ମୁମ୍ବାଇରେ କ୍ୟାନ୍ସର ଭଳି ଦୂରାରୋଗ୍ୟ ବ୍ୟାଧିର ଚିକିତ୍ସା ନିମନ୍ତେ ଆସୁଥିବା ଓଡିଆ ଲୋକଙ୍କ ପାଇଁ ଉଦ୍ଦିଷ୍ଟ ରହିଛି । ସରକାରଙ୍କ ତରଫରୁ ରିହାତି ମୂଲ୍ୟରେ ଯୋଗାଇ ଦିଆଯାଉଥିବା ଏହି ରହଣି ସୁବିଧା ଦ୍ୱାରା ଓଡିଶାର ଆର୍ଥିକ ଦୁର୍ବଳ ଶ୍ରେଣୀର ରୋଗୀମାନେ ବିଶେଷଭାବେ ଉପକୃତ…

ନୂଆଦିଲ୍ଲୀ/ଭୁବନେଶ୍ୱର: କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ନୂଆଦିଲ୍ଲୀ ଠାରେ ସ୍କୁଲ ଶିକ୍ଷା, ଉଚ୍ଚ ଶିକ୍ଷା ଏବଂ ସ୍କିଲିଂ ପାଇଁ ନ୍ୟାସନାଲ କ୍ରେଡ଼ିଟ୍ ଫ୍ରେମଓ୍ୱାର୍କ (ଏନସିଆରଏଫ) ଖସଡ଼ାକୁ ସର୍ବୋତ୍ତମ କରିବା ପାଇଁ ଜନ ପରାମର୍ଶର ଶୁଭାରମ୍ଭ କରିଛନ୍ତି। ଛାତ୍ରଛାତ୍ରୀ ଏବଂ ଯୁବବର୍ଗଙ୍କୁ ସଶକ୍ତ କରିବା ପାଇଁ ଜାତୀୟ ଶିକ୍ଷା ନୀତି (ଏନଇପି) ଅନ୍ତର୍ଗତ ନ୍ୟାସନାଲ କ୍ରେଡିଟ୍ ଫ୍ରେମଓ୍ୱାର୍କ ଏକ ବହୁମୁଖୀ ଉପକରଣ ବୋଲି ସେ କହିଛନ୍ତି। ଜନଭାଗିଦାରୀ ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶାସନର ପ୍ରମୁଖ ସ୍ତମ୍ଭ। ଜାତୀୟ ଶିକ୍ଷା ନୀତି-୨୦୨୦କୁ ଜନଭାଗିଦାରୀରେ ପରିଣତ କରିବା ପାଇଁ ମଧ୍ୟ ମୋଦି ସରକାରଙ୍କ ପ୍ରଚେଷ୍ଟା ରହିଛି। ଜନସାଧାରଣଙ୍କ ସ୍ୱୀକୃତି ଅନୁସାରେ ପଲିସି ତିଆରି କରିବା ଉପରେ ଗୁରୁତ୍ୱ ଦିଆଯାଉଛି। ନ୍ୟାସନାଲ କ୍ରେଡିଟ୍ ଫ୍ରେମଓ୍ୱାର୍କକୁ ସର୍ବୋତ୍ତମ କରିବା ପାଇଁ ଆସନ୍ତା ୪୦ ଦିନ ପର୍ଯ୍ୟନ୍ତ ଏହି ଜନପରାମର୍ଶ ଲୋଡାଯାଇଛି। ଶ୍ରୀ ପ୍ରଧାନ ଦେଶର ସବୁ ଶିକ୍ଷାନୁଷ୍ଠାନ, ସ୍କୁଲ, ଆଇଟିଆଇ,…

ବାଲୁଗାଁ: ବାଲୁଗାଁ ମହାବିଦ୍ୟାଳୟର ଛାତ୍ରୀ ମୋନାଲିସା ରାଉତଙ୍କୁ ଆଜି ତାଙ୍କର ଉଲ୍ଲେଖନୀୟ ସେବା ପାଇଁ ରାଜ୍ୟ ପୁରସ୍କାର ପ୍ରଦାନ କରାଯାଇଛି। ଭୁବନେଶ୍ୱରସ୍ଥ ଜୟଦେବ ଭବନରେ ଉଚ୍ଚ ଶିକ୍ଷା ବିଭାଗ ଦ୍ୱାରା ଆୟୋଜିତ ରାଜ୍ୟସ୍ତରୀୟ ଜାତୀୟ ସେବା ଯୋଜନା ପୁରସ୍କାର ଉତ୍ସବରେ ମୋନାଲିସାଙ୍କୁ ଏହି ପୁରସ୍କାର ପ୍ରଦାନ କରାଯାଇଛି। ରାଜ୍ୟ ସରକାରଙ୍କ ଉଚ୍ଚ ଶିକ୍ଷା ମନ୍ତ୍ରୀ ରୋହିତ କୁମାର ପୂଜାରୀ, ମୋ କଲେଜ ଅଭିଯାନର ରାଜ୍ୟ ସଂଯୋଜକ ତଥା ପ୍ରାକ୍ତନ ବିଧାୟକ ଆକାଶ ଦାସ ନାୟକ, ଜାତୀୟ ସେବା ଯୋଜନାର ରାଜ୍ୟ ସମନ୍ୱୟ ଅଧିକାରୀ ତଥା ଉଚ୍ଚ ଶିକ୍ଷା ବିଭାଗର ଉପ ସଚିବ ଡକ୍ଟର ରମେଶ ଚନ୍ଦ୍ର ବେହେରା, ଆଞ୍ଚଳିକ ନିର୍ଦ୍ଦେଶକ ସରିତା ପଟେଲ ପ୍ରମୁଖ ଉକ୍ତ ଉତ୍ସବରେ ଯୋଗ ଦେଇ ମୋନାଲିସା ରାଉତଙ୍କ ସମେତ ରାଜ୍ୟର ଅନ୍ୟାନ୍ୟ ଶ୍ରେଷ୍ଠ ସ୍ବେଛାସେବୀ ଓ କାର୍ଯ୍ୟକ୍ରମ ଅଧିକାରୀ ମାନଙ୍କୁ ପୁରସ୍କାର ପ୍ରଦାନ କରି ରାଷ୍ଟ୍ର ନିର୍ମାଣ ଓ ସମାଜ ସେବା ପ୍ରତି ପ୍ରତିବଦ୍ଧ ହେବାପାଇଁ…