BENGAL ELECTION: ତୃଣମୂଳ କଂଗ୍ରେସକୁ ସମର୍ଥନ କରିବ ଆରଜେଡି, ମମତା ତେଜସ୍ବୀଙ୍କ ଘୋଷଣା

Published: Mar 2, 2021, 9:52 am IST

କୋଲକାତା, ପଶ୍ଚମବଂଗ ବିଧାନସଭା ନିର୍ବାଚନରେ ବିହାରର ରାଷ୍ଟ୍ରିୟ ଜନତା ଦଳ ତୃଣମୂଳ କଂଗ୍ରେସକୁ ସମର୍ଥନ କରିବ। ଏନେଇ ଉଭୟ ମମତା ବାନାର୍ଜୀ ଏବଂ ତେଜସ୍ବୀ ଯାଦବ ଘୋଷଣା କରିଛନ୍ତି। ତେଜସ୍ବୀ କୋଲକାତା ଗସ୍ତରେ ଆସି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସାକ୍ଷାତ କରିଛନ୍ତି। ସେ କହିଛନ୍ତି ଯେ, ଆରଜେଡି ମୁଖ୍ୟ ଲାଲୁ ଯାଦବ ମମତା ଦିଦିଙ୍କୁ ପୂର୍ଣ୍ଣ ସମର୍ଥନ କରିବା ପାଇଁ ନିର୍ଦ୍ଦେଶ ଦେଇଛନ୍ତି। ସେଥିପାଇଁ ଦଳ ମମତାଙ୍କୁ ପୁଣି ଥରେ ମୁଖ୍ୟମନ୍ତ୍ରୀ କରିବା ପାଇଁ ସମସ୍ତ ସହଯୋଗ ଦେବ ବୋଲି ତେଜସ୍ବୀ କହିଛନ୍ତି।

ଉଭୟ ଦୀର୍ଘ ସମୟ କଥାବାର୍ତ୍ତା ହେବା ପରେ ବାହାରକୁ ଆସି ସାମ୍ବାଦିକ ସମ୍ମିଳନୀରେ ଏହି ଘୋଷଣା କରିଥିଲେ। ତେବେ ଆରଜେଡି କେବଳ ମମତାଙ୍କୁ ସମର୍ଥନ ଦେବ। ନିର୍ବାଚନ ପ୍ରଚାରରେ ସାମିଲ ହେବ। କୌଣସି ପ୍ରାର୍ଥୀ ଦେବ ନାହିଁ। ଏହାକୁ ନେଇ ମମତା କହିଛନ୍ତି ଯେ ବିହାରରେ ବିଜେପି ସରକାର ଭାଙ୍ଗିବ, ପଶ୍ଚିମବଂଗରେ ବିଜେପି ହାରିବ। ଏହାକୁ ନେଇ ବର୍ତ୍ତମାନ ପଶ୍ଚିମବଂଗ ରାଜନୀତି ବେଶ ସରଗରମ ହୋଇପଡିଛି।

Related posts