ସୀତାରାମ ଅଗ୍ରୱାଲ
ଚିଲିକା: ପ୍ରେମରେ ବିଫଳ ହେବାରୁ ବିଷ ପିଇ ଜଣେ ଯୁବକ ଆତ୍ମହତ୍ୟା କରିଛନ୍ତି। ଖୋର୍ଦ୍ଧା ଜିଲା ଟାଙ୍ଗୀ ଥାନା ଅଞ୍ଚଳରେ ଏଭଳି ଏକ ଅଭାବନୀୟ ଘଟଣା ଘଟିଯାଇଛି।
ସୂଚନା ଅନୁଯାୟୀ, ଟାଙ୍ଗୀ ଥାନା ସୋରଣ ଚିଆଙ୍ଗ ସାହିର ଆଲୋକ ବେହେରା ଜଣେ ଯୁବତୀଙ୍କୁ ଏକପାଖିଆ ପ୍ରେମ କରି ବସିଥିଲେ। ହେଲେ ଯୁବତୀ ଜଣଙ୍କୁ ଆଲୋକ ଏକ ପାଖିଆ ପ୍ରେମ ନିବେଦନ କରି ହତାଶ ହେବା ପରେ ଗତ କାଲି ସଂଧ୍ୟ୍ୟାରେ ନିଜ ଘରେ ବିଷ ପିଇ ଦେଇଥିଲେ।
ତେବେ ଆଲୋକ ଗୁରୁତର ହେବାରୁ ପରିବାର ଲୋକେ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ତାଙ୍କର ମୃତ୍ୟୁ ହୋଇଛି। ଟାଙ୍ଗୀ ପୋଲିସ୍ ଶବ ଜବତ କରି ୯/୨୧ରେ ଏକ ଅପମୃତ୍ୟ ମାମଲା ରୁଜୁ କରି ତଦନ୍ତ ଆରମ୍ଭ କରିଦେଇଛି। ଏନେଇ ଟାଙ୍ଗୀ ଥାନାଧିକାରୀ ବିଜୟ କୁମାର ମଲ୍ଲିକ ସୂଚନା ଦେଇଛନ୍ତି।
