ଭୁବନେଶ୍ଵର: ରାଜ୍ୟରେ ଧୀରେ ଧୀରେ କରୋନା ସଂକ୍ରମଣ ହ୍ରାସ ହେବାରେ ଲାଗଛି। ଏହା ସହ ପୁରୀ ଜିଲ୍ଲାରେ ମଧ୍ୟ କରୋନା ଗ୍ରାଫ ତଳ ମୁହାଁ ହେବାରେ ଲାଗିଛି। ତେଣୁ ଏହାକୁ ଦେଖି ଜିଲ୍ଲା ପ୍ରଶାସନ ଏକ ବଡ ପଦକ୍ଷେପ ନେଇଛି। ପୁରୀ ସ୍ଵର୍ଗ ଦ୍ଵାରରେ ଥିବା କଟକଣାକୁ ଜିଲ୍ଲା ପ୍ରଶାସନ ଉଠାଇଦେଇଛି।
ଏହି ପ୍ରରିପ୍ରେକ୍ଷୀରେ ଏଣିକି ପୁରୀ ସ୍ଵର୍ଗ ଦ୍ଵାରରେ ଜିଲ୍ଲା ବାହାର ମୃତଦେହକୁ ଦାହ କରିବା ପାଇଁ ଅନୁମତି ମିଳିଛି। କରୋନା ସଂକ୍ରମଣ ବଢୁଥିବା ବେଳେ ଜିଲ୍ଲା ପ୍ରଶାସନ ଏହି କଟକଣା ଜାରି କରିଥିଲା। ଏନେଇ ପୁରୀ ଜିଲ୍ଲାପାଳ ସମର୍ଥ ବର୍ମା ସୂଚନା ଦେଇଛନ୍ତି।
