ରବିବାର ଶ୍ରୀଲଙ୍କାରେ ହୋଇଥିବା ଛାତିଥରା ଘଟଣାର ବ୍ୟାପକ କ୍ଷୟକ୍ଷତିର ତିନି ଦିନ ପରେ ଆଜି ଏକ ସପିଂ ମଲ୍ରୁ ଆଉ ଏକ ବୋମା ଉଦ୍ଧାର କରାଯାଇଛି। ବୋମାଟିକୁ ଏକ ମୋଟର ସାଇକେଲ୍ରେ ଲଗାଯାଇଥିଲା। ସପିଂ ମଲ୍ରେ କାର୍ଯ୍ୟରତ ଜଣେ ସିକ୍ୟୁରିଟି ଗାର୍ଡ ଏନେଇ ପୋଲିସ୍କୁ ଖବର ଦେଇଥିଲେ। ସୌଭାଗ୍ୟ ବଶତଃ ଏହି ଘଟଣାରେ କୌଣସି କ୍ଷୟକ୍ଷତି ହୋଇନାହିଁ। ଘଟଣାସ୍ଥଳରେ ସ୍ଥାନୀୟ ପୋଲିସ୍ ଏବଂ ସେନା ପହଞ୍ଚି ବୋମାଟିକୁ ନିଷ୍କ୍ରିୟ କରିବା ସହିତ ବାଇକ୍ଟିକୁ ଜବତ କରିଥିଲେ। ଏହି ଆକ୍ରମଣରେ ସମୁଦାୟ ୨ ଜଣ ଆତ୍ମଘାତୀ ମାନବ ବୋମା ବ୍ୟବହୃତ ହୋଇଥିଲେ। ଅନ୍ୟୁନ ୩୫୯ ଜଣଙ୍କର ପ୍ରାଣହାନି ଘଟିଥିବା ବେଳେ ୬୦୦ ରୁ ଅଧିକ ଆହତ ହୋଇଛନ୍ତି। ପୋଲିସ୍ ଅଦ୍ୟାବଧି ୫୮ଜଣଙ୍କୁ ସନ୍ଦେହରେ ଗିରଫ କରି ନେଇଛି।
