ଦୁଇଥର ମଧ୍ୟଦୂରଗାମୀ ବିଭାଗରେ ଅଲମ୍ପିକ୍ସ ସ୍ବର୍ଣ୍ଣ ପଦକ ବିଜେତା କାଷ୍ଟର ସେମେନ୍ୟାଙ୍କ ଆବେଦନ ଖାରଜ ହୋଇଛି । ହାଇପର ଆଣ୍ଡ୍ରୋଜେନ୍କୁ ନେଇ ସେମେନ୍ୟା କୋର୍ଟ ଅଫ ଆର୍ଟିବେସନ୍ରେ ନିଜର ଆବେଦନ କରିଥିଲେ । ଅନ୍ୟ ମହିଳା ଧାବିକାଙ୍କ ତୁଳନାରେ ସେମେନ୍ୟାଙ୍କ ଟେଷ୍ଟୋଷ୍ଟେରନ୍ ଅଧିକ ରହିଥିବାରୁ ଏହାକୁ ନେଇ ତାଙ୍କୁ ଶାରିରୀକ ପରୀକ୍ଷଣର ନିର୍ଦ୍ଦେଶ ଦିଆଯାଇଥିଲା । ମାତ୍ର ଏହା ବିରୋଧରେ ଆବେଦନ କରିଥିଲେ ମଧ୍ୟ ତାଙ୍କୁ ନିରାଶ ହେବାକୁ ପଡିଛି । ଦୁଇ ଥର ଅଲମ୍ପିକ୍ସ ସ୍ବର୍ଣ୍ଣ ପଦକ ଜିତିଥିବା ଏହି ଖେଳାଳି ଜଣକ ସେପ୍ଟେମ୍ବରରେ ଦୋହାରେ ଜିତିଥିବା ନିଜର ବିଶ୍ବ ଟାଇଟଲ୍ ବଜାୟ ରଖିବା ପାଇଁ ଏହି ପରୀକ୍ଷଣ ମଧ୍ୟ ଦେଇ ଗତି କରିବାକୁ ପଡିବ । ପୂର୍ବରୁ ଭାରତୀୟ ଆଥଲେଟ ଦୂତୀ ଚାନ୍ଦ ଏହି ପ୍ରକ୍ରିୟା ମଧ୍ୟ ଦେଇ ଟ୍ରାକ୍କୁ ପ୍ରତ୍ୟାବର୍ତ୍ତନ କରିଥିଲେ ।
