ଦିଲ୍ଲୀରେ ମତଦାନ ହେବା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୀଓ୍ବାଲ ନିର୍ବାଚନୀ ସମର ଆରମ୍ଭ ହୋଇଯାଇଛି । ବୁଧବାର ଦିନ ଏକ ରାଲିକୁ ସମ୍ବୋଧନ କରି ପିଏମ୍ ମୋଦି କେଜ୍ରୀଓ୍ବାଲ ସରକାରଙ୍କୁ ଘେରିଥିଲେ । ମୋଦି ଏଠାରେ କେଜ୍ରୀଓ୍ବାଲା ସରକାରଙ୍କ ଅରାଜକତା ତଥା ନିପାଣିଆ ଓ ବିଶ୍ବାସଘାତକତା କରିଥିବାର କହିଥିଲେ । ତେବେ ଏହାର ଜବାବ୍ ରଖିଛନ୍ତି ଅରବିନ୍ଦ କେଜ୍ରୀଓ୍ବାଲା । ଅରବିନ୍ଦ କେଜ୍ରୀଓ୍ବାଲ ଏକ ଟୁଇଟ୍ ଜରିଆରେ ମୋଦିଙ୍କ ଉପରେ ପାଲ୍ଟା ଆକ୍ରମଣ କରିଛନ୍ତି । ମୋଦିଙ୍କୁ ଜବାବ ଦେବା ସହିତ କେଜ୍ରୀଓ୍ବାଲ ମୋଦି ସରକାରଙ୍କ ଉପରେ ଅଙ୍ଗୁଳି ଉଠାଇଛନ୍ତି । ସେ କହିଛନ୍ତି ଯେ, ଆପ୍ ସରକାର ୫ ବର୍ଷରେ ଶିକ୍ଷା, ବିଜୁଳି, ପାଣି, ସ୍ବାସ୍ଥ୍ୟ ପାଇଁ କାମ କରିଛି କିନ୍ତୁ ମୋଦି ୫ ବର୍ଷରେ କେବଳେ ଭାଷଣ, ବିଦେଶ ଭ୍ରମଣ ଓ ଜୁମ୍ଲାବାଜି କରିଛନ୍ତି ? ଦିଲ୍ଲୀବାସୀ ଆପଣଙ୍କୁ ତିନୋଟି ପ୍ରଶ୍ନ ପଚାରିଛନ୍ତି, ଯାହାର ଉତ୍ତର ମଧ୍ୟ ମୋଦିଙ୍କ ପାଖରେ ନାହିଁ ବୋଲି କହିଛନ୍ତି ଅରବିନ୍ଦ । ଅରବିନ୍ଦ ଆହୁରି ମଧ୍ୟ କହିଛନ୍ତି ଯେ ମୋଦି ଫୌଜ୍ ଓ ମିଛ ରାଷ୍ଟ୍ରବାଦକୁ ନେଇ ଭୋଟ୍ ମାଗିଛନ୍ତି । ସେହିପରି ଦିଲ୍ଲୀର ଉପ ମୁଖ୍ୟମନ୍ତ୍ରୀ ମନୀଷ୍ ସିସୋଦିଆ ମୋଦିଙ୍କ ଭାଷଣ ଉପରେ ପ୍ରତିକ୍ରିୟା ରଖି କହିଛନ୍ତି ଯେ, ‘ସାର୍ ! ଆପଣଙ୍କ ଜୁମଲାପନ୍ଥୀ ମଡେଲ୍ ଠାରୁ ବହୁତ ଭଲ ହେଉଛି ଆମର ନିପାଣିଆ ମଡେଲ୍ । ପାଞ୍ଚ ବର୍ଷର ସରକାର ଗଢିବା ପରେ ବି ନେହେରୁଙ୍କୁ ଗାଳି ଦେଇ ଭୋଟ୍ ମାଗୁଛନ୍ତି । ଆପଣଙ୍କ ଭାରତୀୟ ଜୁମ୍ଲା ପାର୍ଟି ସରକାର ଗଢିଥିବା ରାଜ୍ୟରେ ଦିଲ୍ଲୀଠାରେ ଥିବା ସରକାରୀ ସ୍କୁଲ ପରି କୌଣସି ଗୋଟିଏ ବି ସ୍କୁଲ ଅଛି କି ବୋଲି ପ୍ରଶ୍ନ କରିଛନ୍ତି ମନୀଷ୍ । ପ୍ରଧାନମନ୍ତ୍ରୀ ରାଲିରେ ଆପ୍ ସହିତ କଂଗ୍ରେସ ଉପରେ ମଧ୍ୟ ବର୍ଷିଛନ୍ତି । ଏହି ଅବସରରେ ଗାନ୍ଧି ପରିବାରର ଯୁଦ୍ଧପୋତ ଆଇଏନଏସ୍ ବିରାଟର ଉପଯୋଗ ବ୍ୟକ୍ତିଗତ ରୂପେ ବ୍ୟବହାର କରିଥିଲେ ବୋଲି ଅଭିଯୋଗ କରିଥିଲେ ।
delhi cm criticised modi