ଚଳିତ ଲୋକସଭାର ଅନ୍ତିମ ପର୍ଯ୍ୟାୟ ନିର୍ବାଚନ ଆଜି ଅନୁଷ୍ଠିତ ହେଉଛି। କିନ୍ତୁ ନିର୍ବାଚନ ପ୍ରଚାରର ଶେଷ ଦିନ ପରେ ମୋଦି ଦୁଇ ଦିନ ଧରି କେଦାରନାଥ ଯାତ୍ରା କରି ଗଣମାଧ୍ୟମରେ ଚର୍ଚ୍ଚାର ଶିରୋନାମା ପାଲଟିଛନ୍ତି। ଏହାକୁ ନେଇ ଟିଏମ୍ସି ନିର୍ବାଚନ ଆୟୋଗଙ୍କ ନିକଟରେ ଅଭିଯୋଗ କରିଛି। ମୋଦୀଙ୍କ କେଦାରନାଥ ଯାତ୍ରାର ଟିଭି ପ୍ରସାରଣ ନିର୍ବାଚନ ଆଚରଣ ସଂହିତାର ଉଲ୍ଲଙ୍ଘନ କରୁଛି ବୋଲି ଟିଏମସି ଅଭିଯୋଗ ଆଣିଛି ଏବଂ ଏନେଇ କାର୍ଯ୍ୟାନୁଷ୍ଠାନ ମଧ୍ୟ ଦାବି କରିଛି। ଟିଏମସି ନିର୍ବାଚନ ଆୟୋଗଙ୍କୁ ପତ୍ର ଲେଖି ଅଭିଯୋଗ କରିଛି କି, ଲୋକସଭା ନିର୍ବାଚନର ଶେଷ ପର୍ଯ୍ୟାୟ ପାଇଁ ନିର୍ବାଚନ ପ୍ରଚାର ସମାପ୍ତ ହୋଇଯାଇଛି। କିନ୍ତୁ ମୋଦି ଆଶ୍ଚର୍ଯ୍ୟଜନକ ଭାବରେ ଦୁଇ ଦିନ ଧରି କେଦାରନାଥ ଯାତ୍ରା କରି ଗଣମାଧ୍ୟମର ଧ୍ୟାନ କେନ୍ଦ୍ରୀତ କରୁଛନ୍ତି। ସେ କେଦାରନାଥରେ ବିକାଶର ପରିଯୋଜନାକୁ ସମୀକ୍ଷା କରିବା ସହିତ ଜନତା ଓ ଗଣମାଧ୍ୟମକୁ ସମ୍ବୋଧନ କରିଛନ୍ତି। ଏଭଳି କରି ମୋଦି ଭୋଟରଙ୍କୁ ପ୍ରଭାବିତ କରୁଛନ୍ତି ବୋଲି ଆରୋପ ଲଗାଇଛି ଟିଏମ୍ସି। ଏଭଳି କରିବା ନିର୍ବାଚନ ଆଚରଣ ସଂହିତାର ଉଲ୍ଲଙ୍ଘନ ବୋଲି ଦର୍ଶାଉଛି ତେଣୁ ନିର୍ବାଚନ ଆୟୋଗ ଏନେଇ କାର୍ଯ୍ୟାନୁଷ୍ଠାନ ନିଅନ୍ତୁ ବୋଲି ସେ ଦାବୀ କରିଛି। ତେବେ ନିର୍ବାଚନ କମିଶନ ମୋଦିଙ୍କୁ କେଦାରନାଥ ଓ ବଦ୍ରିନାଥ ଧାମ ଯାତ୍ରାର ଅନୁମତି ଦେଇଥିଲେ। ଏହା ସହିତ ୨୦୧୯ ନିର୍ବାଚନର ଆଚାର ସଂହିତା ପ୍ରଭାବଶାଳୀ ରହିଛି ବୋଲି ମଧ୍ୟ ସୂଚନା ଦେଇଥିଲେ। ପଶ୍ଚିମବଙ୍ଗରେ ତୃଣମୂଳ କଂଗ୍ରେସ ଏବଂ ବିଜେପି ମଧ୍ୟରେ ଏବେ କଡା ଟକ୍କର ଚାଲିଛି। ନିର୍ବାଚନର ଶେଷ ପର୍ଯ୍ୟାୟରେ ପଶ୍ଚିମବଙ୍ଗର ୯ଟି ଆସନରୁ ମତଗ୍ରହଣ କରାଯାଉଛି। ତେବେ ଦୁଇଦିନିଆ ଯାତ୍ରା ପାଇଁ ମୋଦି ନିର୍ବାଚନ କମିଶନଙ୍କୁ ଧନ୍ୟବାଦ ଜଣାଇଛନ୍ତି ।
tmc writes ec against modi's kedaranath yatra