କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ଗଞ୍ଜାମ ଏସପି ଙ୍କ ନିର୍ଦ୍ଦେଶନାରେ କୋଦଳା ଓ ବେଗୁନିଆପଡ଼ା ଥାନା ପୋଲିସ୍ ବେଗୁନିଆ ପଡ଼ା ନିକଟସ୍ଥ ତିରିଡା କାଜୁ ଜଙ୍ଗଲରେ ଏକ ବଡ଼ ଧରଣର ଜୁଆ ଆଡ୍ଡା ଉପରେ ଚଢ଼ଉ କରିଛି।
ଏହି ଚଢାଉ ବେଳେ କିଛି ଜୁଆଡି ଘଟଣାସ୍ଥଳରୁ ଛତ୍ରଭଙ୍ଗ କରିଥିବା ବେଳେ ୬ ଜଣ ଜୁଆଡି, ୧୩ ଟି ମୋଟରସାଇକେଲ, ୬ ଟି ମୋବାଇଲ ଫୋନ ଓ ନଗଦ ୫୬ ହଜାର ଟଙ୍କାରୁ ଅଧିକ ପୋଲିସ ଜବତ୍ କରିଛି। ବେଗୁନିଆପଡ଼ା ଥାନାରେ ଏତଲା ରୁଜୁ ହୋଇଛି ଓ ଅନ୍ୟାନ୍ୟ ଜୁଆଡି ମାନଙ୍କ ଉପରେ ଅନୁସନ୍ଧାନ ଚାଲିଛି ବୋଲି ପୋଲିସ ପ୍ରକାଶ କରିଛି।
ଏହି ସବୁ ଜୁଆଡି ନିକଟସ୍ଥ ପୁରୁଷୋତ୍ତମପୁର, କୋଦଳା, ଖଲିକୋଟ ଓ ଆଖପାଖ ଅଞ୍ଚଳର ବୋଲି ଜଣାପଡିଛି।