ନୂଆଦିଲ୍ଲୀ: କେନ୍ଦ୍ର ନଗର ଉନ୍ନୟନ ମନ୍ତ୍ରଣାଳୟ ଦିଲ୍ଲୀର ଜାମା ମସଜିଦ ସମେତ ୱାକଫ ବୋର୍ଡର ୧୨୩ ସମ୍ପତ୍ତି ଫେରାଇ ଆଣିବାକୁ ନୋଟିସ ଜାରି କରିଛି। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ସରକାର ସମୟରେ ୱାକଫ ବୋର୍ଡକୁ ଜାମା ମସଜିଦ ଦିଆଯାଇଥିଲା। ବର୍ତ୍ତମାନ ସରକାର ଦିଲ୍ଲୀର ୧୨୩ ଗୁରୁତ୍ୱପୂର୍ଣ୍ଣ ସମ୍ପତ୍ତି ଫେରାଇ ନେବେ।
ଅଣ ଅଧିସୂଚନା ୱାକଫ୍ ସମ୍ପତ୍ତି ଉପରେ ଦୁଇ ସଦସ୍ୟ ବିଶିଷ୍ଟ କମିଟିର ରିପୋର୍ଟ ଆଧାରରେ କେନ୍ଦ୍ର ନଗର ଉନ୍ନୟନ ମନ୍ତ୍ରଣାଳୟ ଦିଲ୍ଲୀ ୱାକଫ ବୋର୍ଡର ୧୨୩ ସମ୍ପତ୍ତି ନେବାକୁ ନିଷ୍ପତ୍ତି ନେଇଛି। ଏଥିରେ ମସଜିଦ, ଦରଗା ଏବଂ କବରସ୍ଥାନ ଅନ୍ତର୍ଭୁକ୍ତ। ମନ୍ତ୍ରଣାଳୟ ଦିଲ୍ଲୀ ୱାକଫ ବୋର୍ଡ ଅଧ୍ୟକ୍ଷ ତଥା ଏଏପି ବିଧାୟକ ଅମାନୁତୁଲ୍ଲା ଖାନଙ୍କୁ ଏହି ନିଷ୍ପତ୍ତି ସମ୍ପର୍କରେ ଏକ ଚିଠି ଲେଖିଛି
