ଭୁବନେଶ୍ବର: ଦୁଇ ଦିନ ଧରି ଗଂଜାମ ଜିଲ୍ଲାର ବ୍ରହ୍ମପୁର ନିକଟ ଆଙ୍କୁଶପୁର କବିରାଜ ଅନନ୍ତ ତ୍ରିପାଠୀ ଶର୍ମା ସରକାରୀ ଆୟୁର୍ବେଦ ମହାବିଦ୍ୟାଳୟ ଛାତ୍ର ଛାତ୍ରୀ ଙ୍କ ଦ୍ଵାରା ଆୟୁବେଦ ପ୍ରବର୍ତକ ଭଗବାନ ଧନ୍ଵନ୍ତରୀ ଙ୍କ ଜୟନ୍ତୀ ଓ ଅଷ୍ଟମ ଜାତୀୟ ଆୟୁର୍ବେଦ ଦିବସ ମହାସମାରୋହରେ ପାଳିତ ହୋଇଯାଇଛି।
ଏହି ଅବସରରେ ଗତ କାଲି ଛାତ୍ର ଛାତ୍ରୀ ଙ୍କ ପକ୍ଷରୁ ସବୁ ଦିନ ସମସ୍ତ ଙ୍କ ପାଇଁ ଆୟୁର୍ବେଦ ଶୀର୍ଷକ ଏକ ପଥପ୍ରାନ୍ତ ନାଟକ ବ୍ରହ୍ମ ପୁର ଆସିକା କୁ ସଂଯୋଗ କରୁଥିବା ଜାତୀୟ ରାଜପଥ ପାର୍ଶ୍ଵରେ ପ୍ରଦର୍ଶନ କରିଥିଲେ।ଆଜି ସକାଳୁ ଆୟୁର୍ବେଦ ସଚେତନତା ସୃଷ୍ଟି କରିବା ପାଇଁ ଏକ ବାଇକ ରାଲି ଓ ସଚେତନତା ଶୋଭାଯାତ୍ରା ସମସ୍ତ ଛାତ୍ର ଛାତ୍ରୀ ଙ୍କ ପକ୍ଷ ରୁ ହୋଇଥିଲା।
ବାଇକ ରାଲି ବ୍ରହ୍ମ ପୁର ପର୍ଯ୍ୟନ୍ତ ଯାଇଥିବା ବେଳେ, ସଚେତନତା ରାଲି ସମଗ୍ର ଆଙ୍କୁଶପୁର ପରିକ୍ରମା କରିଥିଲା।ସ୍ଥାନୀୟ ଜନସାଧାରଣ ଆୟୁର୍ବେଦ ସମ୍ପର୍କରେ ଏହି ସମସ୍ତ କାର୍ଯ୍ୟକ୍ରମ ଓ ସଚେତନତା ଅଭିଯାନ ରାଲି କୁ ଉପଭୋଗ କରିଥିଲେ
