ନୂଆଦିଲ୍ଲୀ: ମୁମ୍ବାଇରୁ ଗୁଆହାଟି ଅଭିମୁଖେ ଯାଉଥିବା ଇଣ୍ଡିଗୋ ବିମାନ ବାଂଲାଦେଶର ରାଜଧାନୀ ଢକାରେ ଜରୁରୀକାଳୀନ ଅବତରଣ କରିଥିବା ସୂଚନା ମିଳିଛି। ମିଳିଥିବା ସୂଚନା ଅନୁଯାୟୀ, ଇଣ୍ଡିଗୋ ବିମାନ ନମ୍ବର 6E 5319 ମୁମ୍ବାଇରୁ ଗୁଆହାଟୀ ଯିବାକୁ ଥିଲା, କିନ୍ତୁ ଗୁଆହାଟୀରେ ଘନ କୁହୁଡି ହେତୁ ବିମାନ ସେଠାରେ ଅବତରଣ କରି ପାରିନଥିଲା। ବିମାନଟି ଢାକା ବିମାନବନ୍ଦରରେ ଅବତରଣ କରିଥିଲା। ବିଶେଷ କଥା ହେଉଛି ଏହି ବିମାନରେ ଥିବା ସମସ୍ତ ଯାତ୍ରୀଙ୍କ ପାଖରେ ପାସପୋର୍ଟ ନାହିଁ। ଏଭଳି ପରିସ୍ଥିତିରେ ଢକା ବିମାନବନ୍ଦରରେ ଠିଆ ହୋଇଥିବା ବିମାନ ଭିତରେ ସମସ୍ତ ଯାତ୍ରୀ ବସିଛନ୍ତି।
ମୁମ୍ବାଇର ଯୁବ କଂଗ୍ରେସର ପୂର୍ବତନ ମୁଖ୍ୟ ସୁରଜ ସିଂ ଠାକୁର ସୋସିଆଲ ମିଡିଆ ପ୍ଲାଟଫର୍ମ X ରେ ପୋଷ୍ଟ କରିଛନ୍ତି ଯେ, ମୁମ୍ବାଇରୁ ଗୁଆହାଟୀ ଅଭିମୁଖେ ଯାଉଥିବା ବିମାନ ବର୍ତ୍ତମାନ ଢକାରେ ଅବତରଣ କରିଛି।
ସେ ଆହୁରି ଲେଖିଛନ୍ତି ଯେ, ମୁଁ ମୁମ୍ବାଇରୁ ଗୁଆହାଟୀ ପର୍ଯ୍ୟନ୍ତ IndiGo6E ବିମାନ ନମ୍ବର 6E 5319 ରେ ଯାତ୍ରା କରିଥିଲି। କିନ୍ତୁ ଘନ କୁହୁଡି ଯୋଗୁଁ ବିମାନଟି ଗୁଆହାଟୀରେ ଅବତରଣ କରିପାରିଲା ନାହିଁ। ଗୁଆହାଟି ବଦଳରେ ଏହାକୁ ଢାକାରେ ଅବତରଣ କରାଯାଇଥିଲା। ସେ ଆହୁରି ମଧ୍ୟ ଲେଖିଛନ୍ତି ଯେ, ଏହି ବିମାନରେ ବସିଥିବା ଯାତ୍ରୀମାନଙ୍କ ମଧ୍ୟରୁ କାହାର ପାସପୋର୍ଟ ନାହିଁ। ଏବଂ ସମସ୍ତେ ପାସପୋର୍ଟ ବିନା ଢାକା ବିମାନବନ୍ଦରରେ ଅଛନ୍ତି।
