ନୂଆଦିଲ୍ଲୀ: ସମାଜବାଦୀ ପାର୍ଟି ସାଂସଦ ଶଫିକ୍କୁର ରହମାନ ବର୍କଙ୍କ ଆଜି ଦେହାନ୍ତ ହୋଇଛି। ତାଙ୍କୁ ୯୪ ବର୍ଷ ହୋଇଥିଲା। ସାଂସଦ ବର୍କ ଗତ କିଛି ଦିନ ହେବ ଅସୁସ୍ଥ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିଲେ। ଏହି ମାସର ଆରମ୍ଭରେ ସ୍ୱାସ୍ଥ୍ୟ ଖରାପ ହେବା କାରଣରୁ ତାଙ୍କୁ ମୁରାଦାବାଦର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଠାରେ ସେ ଚିକିତ୍ସିତ ହେଉଥିଲେ। ବର୍କଙ୍କ ଦେହାନ୍ତ ହେତୁ ସମାଜବାଦୀ ପାର୍ଟି କର୍ମୀଙ୍କ ମଧ୍ୟରେ ଶୋକର ଲହରୀ ଖେଳିଯାଇଛି।
ଶାଫିକୁର ରହମାନ ବର୍କ ୧୯୩୦ ରେ ଜନ୍ମଗ୍ରହଣ କରିଥିଲେ:
ଶଫିକ୍କୁର ରହମାନ ବର୍କ ୧୧ ଜୁଲାଇ ୧୯୩୦ ରେ ଉତ୍ତରପ୍ରଦେଶର ସମ୍ୱଲରେ ଜନ୍ମଗ୍ରହଣ କରିଥିଲେ। ସେ ସମାଜବାଦୀ ପାର୍ଟି ପ୍ରାର୍ଥୀ ଭାବରେ ଲୋକସଭା ନିର୍ବାଚନରେ ଜିତିବା ପରେ ସଂସଦରେ ପହଞ୍ଚିଥିଲେ। ସେ ୧୯୯୬ ରେ ସମାଜବାଦୀ ପାର୍ଟି ଟିକେଟରେ ପ୍ରଥମ ଥର ପାଇଁ ଲୋକସଭା ନିର୍ବାଚନରେ ଜିତିଥିଲେ। ଏଥି ସହିତ ସେ ୨୦୧୪ ରେ ବିଏସପିରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ଜିତିଥିଲେ। ବର୍କ ଚାରିଥର ବିଧାୟକ ଏବଂ ପାଞ୍ଚ ଥର ସାଂସଦ ହୋଇଛନ୍ତି।
