ନୂଆଦିଲ୍ଲୀ: ଉତ୍ତରପ୍ରଦେଶର ଗାଜିପୁରରେ ଏକ ବଡ଼ ଦୁର୍ଘଟଣା ଘଟିଛି। ଏକ ଯାତ୍ରୀବାହୀ ବସ୍ରେ ଅଗ୍ନିକାଣ୍ଡରେ ପାଞ୍ଚ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ ଜଣ ଆହତ ହୋଇଥିବା କୁହାଯାଉଛି। ଅଗ୍ନିକାଣ୍ଡର କାରଣ ଏକ ହାଇ ଟେନସନ୍ ଲାଇନ୍ ତାର ବୋଲି କୁହାଯାଉଛି। ୧୧ ହଜାର ଭୋଲ୍ଟ ହାଇ ଟେନସନ୍ ତାରକୁ ଛୁଇଁବା ପରେ ବସ୍ ରେ ଅଗ୍ନିକାଣ୍ଡ ଘଟିଥିଲା। ନିଆଁ ଲାଗିବା ପରେ ବସ୍ ଧୁଧୁ ହୋଇ ଜଳିବାକୁ ଲାଗିଲା। କିଛି ସମୟ ମଧ୍ୟରେ ନିଆଁ ଏକ ଭୀଷଣ ରୂପ ନେଇଥିଲା।
ଏହି ଦୁଃଖଦ ଦୁର୍ଘଟଣା ସମ୍ପର୍କରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଏବଂ ଗୁରୁତର ଆହତଙ୍କୁ ୫୦ ହଜାର ଟଙ୍କା ଏବଂ ମାଗଣା ଚିକିତ୍ସା ଯୋଗାଇଦେବାକୁ ନିର୍ଦ୍ଦେଶ ଦେଇଛନ୍ତି। ଏହି ଯନ୍ତ୍ରଣାଦାୟକ ଦୁର୍ଘଟଣାରେ ୟୁପି ମନ୍ତ୍ରୀ ଅନିଲ ରାଜଭର କହିଛନ୍ତି ଯେ, ଏହି ଘଟଣା ଉପରେ ପ୍ରଶାସନ ତୀକ୍ଷ୍ଣ ନଜର ରଖିଛି।
