ଭୁବନେଶ୍ବର: ନିର୍ବାଚନ ପାଖେଇ ଆସିଥିଲେ ମଧ୍ୟ ଏ ପର୍ଯ୍ୟନ୍ତ ପ୍ରମୁଖ ତିନି ଦଳ ସେମାନଙ୍କର ସଂପୂର୍ଣ୍ଣ ପ୍ରାର୍ଥୀ ଘୋଷଣା କରିପାରି ନାହାଁନ୍ତି। ତେବେ ମୁଖ୍ୟ ବିଜେଡି ଓ ବିଜେପି ସମସ୍ତ ଲୋକସଭା ଆସନରେ ପ୍ରାର୍ଥୀ ଦେଇଥିବା ବେଳେ କଂଗ୍ରେସ ଏ ପର୍ଯ୍ୟନ୍ତ ଦୁଇଟି ଲୋକସଭା ଆସନରେ ପ୍ରାର୍ଥୀ ଦେଇପାରି ନାହିଁ। ସେହି ଦୁଇଟି ଆସନ ହେଲା କଟକ ଓ ମୟୁରଭଂଜ।
ତେବେ ବିଧାନସଭା ଆସନରେ କୌଣସି ଦଳ ସଂପୂର୍ଣ୍ଣ ପ୍ରାର୍ଥୀ ଦେଇପାରି ନାହାଁନ୍ତି। ହିସାବ ଅନୁସାରେ ତିନି ଦଳର ଯେଉଁ ଆସନ ସଂଖ୍ୟା ବାକି ରହିଛି ତାହା ହେଲା
ବିଜେଡି-12
ବିଜେପି- 16
କଂଗ୍ରେସ- 09
ତେବେ ମୁଖ୍ୟ ବିଜେଡି ଓ ବିଜେପି ପାଇଁ ଦୁଇଟି ଆସନରେ ବିବାଦ ତୀବ୍ର ହୋଇଛି। ସେହିଦୁଇଟି ଆସନ ହେଲା ଖୋର୍ଦ୍ଧା ଏବଂ ବେଗୁନିଆ। ଏହି ଦୁଇ ଆସନ ମଧ୍ୟରୁ ପ୍ରଶାନ୍ତ ଜଗଦ୍ଦେବ କୌଣସି ଆସନରୁ ପ୍ରାର୍ଥୀ ହେବାର ସମ୍ଭାବନା ରହିଛି। ସେଥିପାଇଁ ଛକାଛକି ହୋଇ କୌଣସି ଦଳ ପ୍ରାର୍ଥୀ ଦେଇ ନ ଥିଲେ। ଏବେ କେବଳ କଂଗ୍ରେସ ଖୋର୍ଦ୍ଧା ପାଇଁ ସୋନାଲି ସାହୁ ଏବଂ ବେଗୁନିଆ ପାଇଁ ପୃଥୀବଲ୍ଲଭ ପଟ୍ଟନାୟକ ପ୍ରାର୍ଥୀ ହୋଇଛନ୍ତି।
