ଭୁବନେଶ୍ଵର: ପ୍ରବଳ ଗ୍ରୀଷ୍ଣ ପ୍ରବାହକୁ ଦୃଷ୍ଟିରେ ରଖି ରାଜ୍ୟରେ ଏପ୍ରିଲ ୨୭ରୁ ଖରାଛୁଟି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ଏହି ସମୟରେ ରାଜ୍ୟର ସମସ୍ତ ସରକାରୀ, ସରକାରୀ ଅନୁଦାନପ୍ରାପ୍ତ ଓ ବେସରକାରୀ ବିଦ୍ୟାଳୟ ବନ୍ଦ ରହିବ। କିନ୍ତୁ ଏହି ସମୟ ମଧ୍ୟରେ ପୂର୍ବ ନିର୍ଦ୍ଧାରିତ ପରୀକ୍ଷା, ଜନଗଣନା ଓ ଅନ୍ୟାନ୍ୟ ଅଫିସ କାର୍ଯ୍ୟ ଜାରି ରହିବ। ସେପଟେ ଯେଉଁ ସ୍କୁଲ ସରକାରଙ୍କ ନିର୍ଦ୍ଦେଶ ନମାନିବେ, କୌଣସି ଅସୁବିଧା ହେଲେ ସେମାନେ ଦାୟୀ ରହିବେ ବୋଲି ଚେତାଇ ଦେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ।
ଖରାଦିନ ଛୁଟିକୁ ପ୍ରାଥମିକ ସ୍କୁଲ ପିଲା କେମିତି ଉପଯୋଗ କରିବେ, ସେ ନେଇ ସ୍ବତନ୍ତ୍ର ପ୍ଲାନ୍ ଡିଜାଇନ କରିଛି ଓଡ଼ିଶା ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ, ଓସେପା। ସମର ଭ୍ୟାକେସନରେ ଶିଶୁ ବାଟିକାରୁ ଅଷ୍ଟମ ଶ୍ରେଣୀ ଯାଏଁ ପିଲାଙ୍କ ପାଇଁ ତିଆରି ହୋଇଛି ସମର ଲର୍ଣ୍ଣିଂ ଆସାଇନମେଣ୍ଟ। ଛୁଟି ଆରମ୍ଭରୁ ଶେଷ ଯାଏଁ ଛାତ୍ରଛାତ୍ରୀମାନେ କିଭଳି ଘରି ରହି ମଧ୍ୟ ପାଠପଢ଼ା ସହ ଯୋଡ଼ି ହୋଇ ରହିବେ, ସେଥିପାଇଁ ସପ୍ତାହିକ ଆସାଇନମେଣ୍ଟର ବ୍ୟବସ୍ଥା ହୋଇଛି। ସମର ଲର୍ଣ୍ଣିଂ ଆସାଇନମେଣ୍ଟ ଓ ତଥା ଷ୍ଟଡି ମ୍ୟାଟେରିଆଲ ପ୍ରତି ସ୍କୁଲ ଓ ପିଲାଙ୍କ ପାଖରେ ପହଞ୍ଚାଇବାକୁ AI ଚାଟ୍ ବଟ୍ ର ଉପଯୋଗ କରାଯିବ ବୋଲି ସୂଚନା ରହିଛି ।
ଏତେ ଲମ୍ବା ସ୍କୁଲ ଛୁଟି ପିଲାଙ୍କ ପଢା ଉପରେ ଯେପରି ପ୍ରଭାବ ନ ପକେଇବ ସେଥିପ୍ରତି ଦୃଷ୍ଟି ଦିଆଯିବ ।
