ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଆଜି ପବିତ୍ର ନୃସିଂହ ଚତୁର୍ଦ୍ଦଶୀ ଅବସରରେ ବ୍ରହ୍ମପୁର କମାପଲ୍ଲୀ ସ୍ଥିତ ନୃସିଂହ ମନ୍ଦିର ପରିସରରେ କବି ଶ୍ରୀମାନ ରାଇରଞ୍ଜନ ନନ୍ଦଙ୍କ ନରସିଂହ ଚରିତ ରଚିତ ଏକ କ୍ଷୁଦ୍ର କାବ୍ୟ ତଥା ପୁରାଣ “ନୃସିଂହାବତାରମ୍” ର ଶୁଭ ଉନ୍ମୋଚନ ବୁଦ୍ଧିଜୀବୀଙ୍କ ଗହଣରେ ପ୍ରଭୁ ଶ୍ରୀ ନରସିଂହଙ୍କ ଆଶୀର୍ବାଦରେ ତାଙ୍କରି ପାଦପଦ୍ମରେ ସମର୍ପଣ ପୂର୍ବକ ଉନ୍ମୋଚନ ହୋଇଛି। ପ୍ରକାଶକ ତଥା ଆଇନଜିବୀ ପ୍ରଣବ ପଣ୍ଡାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆକାଶ ବାଣୀ ପୂର୍ବତନ ନିର୍ଦ୍ଦେଶକ ହୃଷୀକେଶ ପାଣିଗ୍ରାହୀ, ବ୍ରହ୍ମପୁର ଷ୍ଟେସନ ମହା ପ୍ରବନ୍ଧକ ଦୁର୍ଗାପ୍ରସାଦ ବ୍ରହ୍ମା, କର୍ପୋରେଟର ସୁରେନ୍ଦ୍ର ମହାରଣା, ସୁନୀତା ପଟ୍ଟନାୟକ, ବରିଷ୍ଠ ସାମ୍ବାଦିକ ସୁଦୀପ୍ ସାହୁ, ଶ୍ରଦ୍ଧା ଫାଉଣ୍ଡେସନ ସମ୍ପାଦିକା ଶ୍ରଦ୍ଧାଞ୍ଜଳି ପାଢ଼ୀ , ବିମଳ କୁଣ୍ଡୁ , ସୁଶ୍ରୀ ସ୍ଵାତୀରାଣୀ, ସୁଶ୍ରୀ ବିଦ୍ୟୁତପ୍ରଭା ପ୍ରମୁଖ ଉପସ୍ଥିତ ଥିଲେ। ମନ୍ଦିର ପରିଚାଳନା କତୁର୍ପକ୍ଷଙ୍କ ସହଯୋଗରେ ପୁସ୍ତକ ଉନ୍ମୋଚନ କାର୍ଯ୍ୟଟି ସୁଚାରୁ ରୂପେ ସମ୍ପାଦିତ ହୋଇ ପାରିଥିଲା।
ଓଡ଼ିଆ କାବ୍ୟ ପୁରାଣ "ନୃସିଂହାବତାରମ୍" ଉନ୍ମୋଚନ