ପୁରୀ : ଆଉ ଦିନ କେଇଟାରେ ମହାପ୍ରଭୁଙ୍କ ବିଶ୍ଵପ୍ରସିଦ୍ଧ ରଥଯାତ୍ରା । ଏବେ ଜୋରସୋରରେ ଚାଲିଛି ରଥ କାମ ।
ଚଳଚଞ୍ଚଳ ହୋଇପଡିଛି ରଥଖଳା। ରଥ ନିର୍ମାଣର ଆଜି ପନ୍ଦରତମ ଦିନ। ପ୍ରାୟ ୧୫୦ ରୁ ଉର୍ଦ୍ଧ୍ବ ରଥ ନିର୍ମାଣ ସେବକଙ୍କ ଉପସ୍ଥିତିରେ ଚାଲିଛି ରଥ ନିର୍ମାଣ କାର୍ଯ୍ୟ। ତିନି ରଥର ତିନୋଟି ଲେଖାଏଁ ନାହାକା ଚକ ନିର୍ମାଣ ଶେଷ ହୋଇଛି। ଏବେ ଅନ୍ୟ ତୁମ୍ଭରେ ପଇ ବିନ୍ଧ ବାଡିଆ ସହ ତୁମ୍ବରେ ସଂଯୁକ୍ତ ଅରରେ ପଇ ଲାଗି କରାଯାଉଛି।
ଏଥିସହ ତିନିରଥର ଗୋଟିଏ ଲେଖାଏଁ ୧୨ ଫୁଟିଆ ଅସନ କାଠର ପ୍ରଭା ଅପସରା ଏବଂ ଗୋଟିଏ ଲେଖାଏଁ ସିଂହାସନ ରାଏ ଚଉପଟ କାର୍ଯ୍ୟ ଜାରି ରହିଛି। ତିନିରଥର ରୂପକାର ସେବକ ମାନେ ତିନି ରଥର କୋଣ ଗୁଜ ବା ସାଲ ଗୁଜରେ ସିଂହ ବିରଳ ରୂପ ଖୋଦେଇ କାର୍ଯ୍ୟ ଜାରି ରଖିଛନ୍ତି।
